Divodasa and the Birth of Pratardana

Verse 1 (5.117.1)

महावीर्यो महीपालः काशीनामीश्वरः प्रभुः । दिवोदास इति ख्यातो भैमसेनिर्नराधिपः ॥

mahāvīryo mahīpālaḥ kāśīnāmīśvaraḥ prabhuḥ | divodāsa iti khyāto bhaimasenirnarādhipaḥ

"There is a king of great valour, a protector of the earth, the mighty lord of the Kashis, known as Divodasa, the son of Bhimasena.

Verse 2 (5.117.2)

तत्र गच्छावहे भद्रे शनैरागच्छ मा शुचः । धार्मिकः संयमे युक्तः सत्ये चैव जनेश्वरः ॥

tatra gacchāvahe bhadre śanairāgaccha mā śucaḥ | dhārmikaḥ saṃyame yuktaḥ satye caiva janeśvaraḥ

Let us go to him, gentle lady; come along slowly and do not grieve. That ruler of men is righteous, devoted to self-restraint and to truth."

Verse 3 (5.117.3)

तमुपागम्य स मुनिर्न्यायतस्तेन सत्कृतः । गालवः प्रसवस्यार्थे तं नृपं प्रत्यचोदयत् ॥

tamupāgamya sa munirnyāyatastena satkṛtaḥ | gālavaḥ prasavasyārthe taṃ nṛpaṃ pratyacodayat

The sage Galava went to him and was received with due honour; then he urged the king to beget offspring.

Verse 4 (5.117.4)

श्रुतमेतन्मया पूर्वं किमुक्त्वा विस्तरं द्विज । काङ्क्षितो हि मयैषोऽर्थः श्रुत्वैव द्विजसत्तम ॥

śrutametanmayā pūrvaṃ kimuktvā vistaraṃ dvija | kāṅkṣito hi mayaiṣo'rthaḥ śrutvaiva dvijasattama

"I have heard all this already, brahmin; why tell it at length? I longed for this very thing, best of brahmins, the moment I heard of it.

Note on the text: Speaker heading दिवोदाम corrected to दिवोदास (misprint in Wikisource; critical edition divodāsa uvāca).

Verse 5 (5.117.5)

एतच्च मे बहुमतं यदुत्सृज्य नराधिपान् । मामेवमुपयातोऽसि भावि चैतदसंशयम् ॥

etacca me bahumataṃ yadutsṛjya narādhipān | māmevamupayāto'si bhāvi caitadasaṃśayam

And I count it a great honour that you have passed over other kings and come to me in this way. This is surely meant to be.

Note on the text: Speaker heading दिवोदाम corrected to दिवोदास (see verse 4).

Verse 6 (5.117.6)

स एव विभवोऽस्माकमश्वानामपि गालव । अहमप्येकमेवास्यां जनयिष्यामि पार्थिवम् ॥

sa eva vibhavo'smākamaśvānāmapi gālava | ahamapyekamevāsyāṃ janayiṣyāmi pārthivam

My wealth in horses is the same as his, Galava; I too shall beget only one king on her."

Note on the text: Corrected विभवोऽसमाकम् → विभवोऽस्माकम् (misprint in Wikisource; अस्माकम् "our", critical edition vibhavo 'smākam). Speaker heading दिवोदाम corrected to दिवोदास (see verse 4).

Verse 7 (5.117.7)

तथेत्युक्त्वा द्विजश्रेष्ठः प्रादात्कन्यां महीपतेः । विधिपूर्वां च तां राजा कन्यां प्रतिगृहीतवान् ॥

tathetyuktvā dvijaśreṣṭhaḥ prādātkanyāṃ mahīpateḥ | vidhipūrvāṃ ca tāṃ rājā kanyāṃ pratigṛhītavān

Saying "So be it," the best of brahmins gave the maiden to the king, and the king received her in due form.

Verse 8 (5.117.8)

रेमे स तस्यां राजर्षिः प्रभावत्यां यथा रविः । स्वाहायां च यथा वह्निर्यथा शच्यां च वासवः ॥

reme sa tasyāṃ rājarṣiḥ prabhāvatyāṃ yathā raviḥ | svāhāyāṃ ca yathā vahniryathā śacyāṃ ca vāsavaḥ

The royal sage delighted in her as the Sun delights in Prabhavati, as Fire in Svaha, as Vasava (Indra) in Shachi,

Note on the text: Corrected शाच्यां → शच्यां (misprint in Wikisource; Indra's consort is शची, critical edition śacyāṃ). Wikisource's च (critical edition sa) is a recension variant and is kept.

Verse 9 (5.117.9)

यथा चन्द्रश्च रोहिण्यां यथा धूमोर्णया यमः । वरुणश्च यथा गौर्यां यथा चर्द्ध्यां धनेश्वरः ॥

yathā candraśca rohiṇyāṃ yathā dhūmorṇayā yamaḥ | varuṇaśca yathā gauryāṃ yathā carddhyāṃ dhaneśvaraḥ

as the Moon in Rohini, as Yama with Dhumorna, as Varuna in Gauri, as the Lord of Wealth (Kubera) in Riddhi,

Note on the text: Corrected चर्ध्यां → चर्द्ध्यां (misprint in Wikisource; च + ऋद्ध्यां, Kubera's consort Riddhi, critical edition carddhyāṃ).

Verse 10 (5.117.10)

यथा नारायणो लक्ष्म्यां जाह्नव्यां च यथोदधिः । यथा रुद्रश्च रुद्राण्यां यथा वेद्यां पितामहः ॥

yathā nārāyaṇo lakṣmyāṃ jāhnavyāṃ ca yathodadhiḥ | yathā rudraśca rudrāṇyāṃ yathā vedyāṃ pitāmahaḥ

as Narayana in Lakshmi, as the Ocean in Jahnavi (the Ganga), as Rudra in Rudrani, as the Grandsire (Brahma) in Vedi,

Verse 11 (5.117.11)

अदृश्यन्त्यां च वासिष्ठो वसिष्ठश्चाक्षमालया । च्यवनश्च सुकन्यायां पुलस्त्यः सन्ध्यया यथा ॥

adṛśyantyāṃ ca vāsiṣṭho vasiṣṭhaścākṣamālayā | cyavanaśca sukanyāyāṃ pulastyaḥ sandhyayā yathā

as Vasishtha's son with Adrishyanti, as Vasishtha with Akshamala, as Chyavana with Sukanya, as Pulastya with Sandhya,

Verse 12 (5.117.12)

अगस्त्यश्चापि वैदर्भ्यां सावित्र्यां सत्यवान्यथा । यथा भृगुः पुलोमायामदित्यां कश्यपो यथा ॥

agastyaścāpi vaidarbhyāṃ sāvitryāṃ satyavānyathā | yathā bhṛguḥ pulomāyāmadityāṃ kaśyapo yathā

as Agastya with the princess of Vidarbha, as Satyavan with Savitri, as Bhrigu with Puloma, as Kashyapa with Aditi,

Verse 13 (5.117.13)

रेणुकायां यथार्चीको हैमवत्यां च कौशिकः । बृहस्पतिश्च तारायां शुक्रश्च शतपर्वणा ॥

reṇukāyāṃ yathārcīko haimavatyāṃ ca kauśikaḥ | bṛhaspatiśca tārāyāṃ śukraśca śataparvaṇā

as Richika's son (Jamadagni) with Renuka, as Kaushika with Haimavati, as Brihaspati with Tara, as Shukra with Shataparva,

Verse 14 (5.117.14)

यथा भूम्यां भूमिपतिरुर्वश्यां च पुरूरवाः । ऋचीकः सत्यवत्यां च सरस्वत्यां यथा मनुः ॥

yathā bhūmyāṃ bhūmipatirurvaśyāṃ ca purūravāḥ | ṛcīkaḥ satyavatyāṃ ca sarasvatyāṃ yathā manuḥ

as the lord of the earth with the Earth, as Pururavas with Urvashi, as Richika with Satyavati, as Manu with Sarasvati,

Note on the text: Corrected सरस्वस्यां → सरस्वत्यां (misprint in Wikisource; dropped त, critical edition sarasvatyāṃ).

Verse 15 (5.117.15)

शकुन्तलायां दुष्यन्तो धृत्यां धर्मश्च शाश्वतः । दमयन्त्यां नलश्चैव सत्यवत्यां च नारदः ॥

śakuntalāyāṃ duṣyanto dhṛtyāṃ dharmaśca śāśvataḥ | damayantyāṃ nalaścaiva satyavatyāṃ ca nāradaḥ

as Dushyanta with Shakuntala, as eternal Dharma with Dhriti, as Nala with Damayanti, as Narada with Satyavati,

Note on the text: Not in the critical edition (found in the vulgate recension); recorded in its apparatus as 5.115.14d*0460, lines 1–2.

Verse 16 (5.117.16)

जरत्कारुर्जरत्कार्वां पुलस्त्यश्च प्रतीच्यया । मेनकायां यथोर्णायुस्तुम्बुरुश्चैव रम्भया ॥

jaratkārurjaratkārvāṃ pulastyaśca pratīcyayā | menakāyāṃ yathorṇāyustumburuścaiva rambhayā

as Jaratkaru with Jaratkaru, as Pulastya with Pratichya, as Urnayu with Menaka, as Tumburu with Rambha,

Note on the text: Not in the critical edition (found in the vulgate recension); recorded in its apparatus as 5.115.14d*0460, lines 3–4.

Verse 17 (5.117.17)

वासुकिः शतशीर्षायां कुमार्यां च धनञ्जयः । वैदेह्यां च यथा रामो रुक्मिण्यां च जनार्दनः ॥

vāsukiḥ śataśīrṣāyāṃ kumāryāṃ ca dhanañjayaḥ | vaidehyāṃ ca yathā rāmo rukmiṇyāṃ ca janārdanaḥ

as Vasuki with Shatashirsha, as Dhananjaya with Kumari, as Rama with Vaidehi (Sita), and as Janardana with Rukmini.

Note on the text: Not in the critical edition (found in the vulgate recension); recorded in its apparatus as 5.115.14d*0460, lines 5–6.

Verse 18 (5.117.18)

तथा तु रममाणस्य दिवोदासस्य भूपतेः । माधवी जनयामास पुत्रमेकं प्रतर्दनम् ॥

tathā tu ramamāṇasya divodāsasya bhūpateḥ | mādhavī janayāmāsa putramekaṃ pratardanam

And as King Divodasa took his delight with her, Madhavi bore him one son, Pratardana.

Verse 19 (5.117.19)

अथाजगाम भगवान्दिवोदासं स गालवः । समये समनुप्राप्ते वचनं चेदमब्रवीत् ॥

athājagāma bhagavāndivodāsaṃ sa gālavaḥ | samaye samanuprāpte vacanaṃ cedamabravīt

Then, when the agreed time had come, the blessed Galava came to Divodasa and spoke these words:

Verse 20 (5.117.20)

निर्यातयतु मे कन्यां भवांस्तिष्ठन्तु वाजिनः । यावदन्यत्र गच्छामि शुल्कार्थं पृथिवीपते ॥

niryātayatu me kanyāṃ bhavāṃstiṣṭhantu vājinaḥ | yāvadanyatra gacchāmi śulkārthaṃ pṛthivīpate

"Let Your Majesty return the maiden to me, and let the horses stay here while I go elsewhere for the fee, lord of the earth."

Note on the text: Speaker set to Galava: his words, announced in verse 19, fill the whole verse with no printed heading in Wikisource (nor in the critical edition).

Verse 21 (5.117.21)

दिवोदासोऽथ धर्मात्मा समये गालवस्य ताम् । कन्यां निर्यातयामास स्थितः सत्ये महीपतिः ॥

divodāso'tha dharmātmā samaye gālavasya tām | kanyāṃ niryātayāmāsa sthitaḥ satye mahīpatiḥ

Then righteous King Divodasa, true to his word, gave the maiden back to Galava at the agreed time.

Note on the text: Corrected कान्यां → कन्यां (misprint in Wikisource; critical edition kanyāṃ).