Parashurama Challenges Bhishma

Verse 1 (5.178.1)

एवमुक्तस्तदा रामो जहि भीष्ममिति प्रभो । उवाच रुदतीं कन्यां चोदयन्तीं पुनः पुनः ॥

evamuktastadā rāmo jahi bhīṣmamiti prabho | uvāca rudatīṃ kanyāṃ codayantīṃ punaḥ punaḥ

Told this, "Kill Bhishma!", Rama then spoke, O lord, to the weeping maiden who kept urging him again and again:

Verse 2 (5.178.2)

काश्ये न कामं गृह्णामि शस्त्रं वै वरवर्णिनि । ऋते ब्रह्मविदां हेतोः किमन्यत्करवाणि ते ॥

kāśye na kāmaṃ gṛhṇāmi śastraṃ vai varavarṇini | ṛte brahmavidāṃ hetoḥ kimanyatkaravāṇi te

Daughter of the king of Kashi, I do not take up weapons at will, fair lady, except for the sake of those who know Brahman. What else can I do for you?

Note on the text: Speaker: Rama's reply to Amba is printed under Bhishma's heading (as in the critical edition); his speech fills verses 2–4, so they are given to Rama.

Verse 3 (5.178.3)

वाचा भीष्मश्च साल्वश्च मम राज्ञि वशानुगौ । भविष्यतोऽनवद्याङ्गि तत्करिष्यामि मा शुचः ॥

vācā bhīṣmaśca sālvaśca mama rājñi vaśānugau | bhaviṣyato'navadyāṅgi tatkariṣyāmi mā śucaḥ

At my word alone, princess, Bhishma and Shalva will both do as I bid, lady of flawless limbs. That I will bring about; do not grieve.

Verse 4 (5.178.4)

न तु शस्त्रं ग्रहीष्यामि कथंचिदपि भामिनि । ऋते नियोगाद्विप्राणामेष मे समयः कृतः ॥

na tu śastraṃ grahīṣyāmi kathaṃcidapi bhāmini | ṛte niyogādviprāṇāmeṣa me samayaḥ kṛtaḥ

But I will not take up arms in any way, lovely lady, except at the bidding of brahmins. That is the rule I have made for myself.

Verse 5 (5.178.5)

मम दुःखं भगवता व्यपनेयं यतस्ततः । तच्च भीष्मप्रसूतं मे तं जहीश्वर मा चिरम् ॥

mama duḥkhaṃ bhagavatā vyapaneyaṃ yatastataḥ | tacca bhīṣmaprasūtaṃ me taṃ jahīśvara mā ciram

You must take away my sorrow, lord, by whatever means you can. It was born of Bhishma; kill him, mighty one, without delay.

Verse 6 (5.178.6)

काशिकन्ये पुनर्ब्रूहि भीष्मस्ते चरणावुभौ । शिरसा वन्दनार्होऽपि ग्रहीष्यति गिरा मम ॥

kāśikanye punarbrūhi bhīṣmaste caraṇāvubhau | śirasā vandanārho'pi grahīṣyati girā mama

Daughter of Kashi, speak once more. Bhishma, though he himself is worthy of homage, will at my word bow his head to both your feet.

Verse 7 (5.178.7)

जहि भीष्मं रणे राम मम चेदिच्छसि प्रियम् । प्रतिश्रुतं च यदपि तत्सत्यं कर्तुमर्हसि ॥

jahi bhīṣmaṃ raṇe rāma mama cedicchasi priyam | pratiśrutaṃ ca yadapi tatsatyaṃ kartumarhasi

Kill Bhishma in battle, Rama, if you wish to do what pleases me. And what you have promised, you should make true.

Verse 8 (5.178.8)

तयोः संवदतोरेवं राजन्रामाम्बयोस्तदा । अकृतव्रणो जामदग्न्यमिदं वचनमब्रवीत् ॥

tayoḥ saṃvadatorevaṃ rājanrāmāmbayostadā | akṛtavraṇo jāmadagnyamidaṃ vacanamabravīt

While Rama and Amba were speaking together in this way, O king, Akritavrana said these words to the son of Jamadagni:

Verse 9 (5.178.9)

शरणागतां महाबाहो कन्यां न त्यक्तुमर्हसि । यदि भीष्मो रणे राम समाहूतस्त्वया मृधे ॥

śaraṇāgatāṃ mahābāho kanyāṃ na tyaktumarhasi | yadi bhīṣmo raṇe rāma samāhūtastvayā mṛdhe

You should not abandon a maiden who has come to you for refuge, mighty-armed one. If Bhishma, Rama, is summoned by you to the fight,

Note on the text: Speaker: Akritavrana's speech (introduced in verse 8, no printed heading) fills verses 9–15 and is given to him. Through verse 15 Wikisource runs half a verse out of step with the critical edition: this verse = CE 5.177.9ab + 10ab (second line a variant of "yadi bhīṣmas tvayāhūto raṇe rāma mahāmune").

Verse 10 (5.178.10)

निर्जितोऽस्मीति वा ब्रूयात्कुर्याद्वा वचनं तव । कृतमस्या भवेत्कार्यं कन्याया भृगुनन्दन ॥

nirjito'smīti vā brūyātkuryādvā vacanaṃ tava | kṛtamasyā bhavetkāryaṃ kanyāyā bhṛgunandana

he will either say "I am beaten" or do as you tell him. Either way the maiden's purpose will be achieved, delight of the Bhrigus,

Note on the text: The page prints this row as two verses (marks 10a, 10b, 11c, 11b, with a verse-end ॥ after the second line); split at that mark, the second half restored as verse 11. This verse = CE 5.177.10cd + 11ab.

Verse 11 (5.178.11)

वाक्यं सत्यं च ते वीर भविष्यति कृतं विभो । इयं चापि प्रतिज्ञा ते तदा राम महामुने ॥

vākyaṃ satyaṃ ca te vīra bhaviṣyati kṛtaṃ vibho | iyaṃ cāpi pratijñā te tadā rāma mahāmune

and your word, hero, will be made good, O lord. And there is also this vow of yours, Rama, great sage, made at that time:

Note on the text: Split from the preceding row, where the page prints it with the mark 11 after a verse-end ॥ (see verse 10). = CE 5.177.11cd + 12ab.

Verse 12 (5.178.12)

जित्वा वै क्षत्रियान्सर्वान्ब्राह्मणेषु प्रतिश्रुता । ब्राह्मणः क्षत्रियो वैश्यः शूद्रश्चैव रणे यदि ॥

jitvā vai kṣatriyānsarvānbrāhmaṇeṣu pratiśrutā | brāhmaṇaḥ kṣatriyo vaiśyaḥ śūdraścaiva raṇe yadi

having conquered all the kshatriyas, you promised among the brahmins: "If a brahmin, a kshatriya, a vaishya or a shudra, in battle,

Note on the text: Corrected ब्रह्मणेषु → ब्राह्मणेषु (misprint in Wikisource; CE brāhmaṇeṣu). = CE 5.177.12cd + 13ab.

Verse 13 (5.178.13)

ब्रह्मद्विड्भविता तं वै हनिष्यामीति भार्गव । शरणार्थे प्रपन्नानां भीतानां शरणार्थिनाम् ॥

brahmadviḍbhavitā taṃ vai haniṣyāmīti bhārgava | śaraṇārthe prapannānāṃ bhītānāṃ śaraṇārthinām

becomes an enemy of brahmins, him I shall kill," O Bhargava; and "Those who come to me for refuge, frightened and seeking shelter,

Note on the text: Corrected ब्रह्मद्विङ्भविता → ब्रह्मद्विड्भविता (misprint in Wikisource; CE brahmadviḍ bhavitā). = CE 5.177.13cd + 14ab (variant).

Verse 14 (5.178.14)

न शक्ष्यामि परित्यागं कर्तुं जीवन्कथंचन । यश्च कृत्स्नं रणे क्षत्रं विजेष्यति समागतम् ॥

na śakṣyāmi parityāgaṃ kartuṃ jīvankathaṃcana | yaśca kṛtsnaṃ raṇe kṣatraṃ vijeṣyati samāgatam

I shall never be able to forsake as long as I live. And whoever conquers the whole assembled kshatriya order in battle,

Note on the text: = CE 5.177.14cd + 15ab.

Verse 15 (5.178.15)

दीप्तात्मानमहं तं च हनिष्यामीति भार्गव । स एवं विजयी राम भीष्मः कुरुकुलोद्वहः । तेन युध्यस्व सङ्ग्रामे समेत्य भृगुनन्दन ॥

dīptātmānamahaṃ taṃ ca haniṣyāmīti bhārgava | sa evaṃ vijayī rāma bhīṣmaḥ kurukulodvahaḥ | tena yudhyasva saṅgrāme sametya bhṛgunandana

that blazing one too I shall kill," O Bhargava. Bhishma, the upholder of the Kuru line, is just such a victor, Rama. Go and meet him, and fight him in battle, delight of the Bhrigus.

Note on the text: Corrected सङ्ग्रमे → सङ्ग्रामे (misprint in Wikisource; CE saṃgrāme). Three lines = CE 5.177.15cd + 16.

Verse 16 (5.178.16)

स्मराम्यहं पूर्वकृतां प्रतिज्ञामृषिसत्तम । तथैव च करिष्यामि यथा साम्नैव लप्स्यते ॥

smarāmyahaṃ pūrvakṛtāṃ pratijñāmṛṣisattama | tathaiva ca kariṣyāmi yathā sāmnaiva lapsyate

I remember the vow I made long ago, best of sages. Still, I will act so that this is won by conciliation alone.

Note on the text: Corrected त्त → च (misprint in Wikisource; CE tathaiva ca).

Verse 17 (5.178.17)

कार्यमेतन्महद्ब्रह्मन्काशिकन्यामनोगतम् । गमिष्यामि स्वयं तत्र कन्यामादाय यत्र सः ॥

kāryametanmahadbrahmankāśikanyāmanogatam | gamiṣyāmi svayaṃ tatra kanyāmādāya yatra saḥ

This matter that the Kashi princess holds at heart is a great one, brahmin. I will go there myself, taking the maiden, to where he is.

Note on the text: Corrected काशिकान्यामनोगतम् → काशिकन्यामनोगतम् (misprint in Wikisource; CE kāśikanyāmanogatam). Restored the dropped word तत्र from the critical edition (5.177.18c gamiṣyāmi svayaṃ tatra): Wikisource's third quarter had only six syllables.

Verse 18 (5.178.18)

यदि भीष्मो रणश्लाघी न करिष्यति मे वचः । हनिष्याम्येनमुद्रिक्तमिति मे निश्चिता मतिः ॥

yadi bhīṣmo raṇaślāghī na kariṣyati me vacaḥ | haniṣyāmyenamudriktamiti me niścitā matiḥ

If Bhishma, who glories in battle, does not do as I say, I will kill that arrogant man. That is my firm resolve.

Verse 19 (5.178.19)

न हि बाणा मयोत्सृष्टाः सज्जन्तीह शरीरिणाम् । कायेषु विदितं तुभ्यं पुरा क्षत्रियसंगरे ॥

na hi bāṇā mayotsṛṣṭāḥ sajjantīha śarīriṇām | kāyeṣu viditaṃ tubhyaṃ purā kṣatriyasaṃgare

For the arrows I loose do not stay lodged in the bodies of living beings; you saw this long ago in the war with the kshatriyas.

Verse 20 (5.178.20)

एवमुक्त्वा ततो रामः सह तैर्ब्रह्मवादिभिः । प्रयाणाय मतिं कृत्वा समुत्तस्थौ महातपाः ॥

evamuktvā tato rāmaḥ saha tairbrahmavādibhiḥ | prayāṇāya matiṃ kṛtvā samuttasthau mahātapāḥ

Having said this, Rama, the great ascetic, made up his mind to set out with those expounders of the Veda, and rose up.

Verse 21 (5.178.21)

ततस्ते तामुषित्वा तु रजनीं तत्र तापसाः । हुताग्नयो जप्तजप्याः प्रतस्थुर्मञ्जिघांसया ॥

tataste tāmuṣitvā tu rajanīṃ tatra tāpasāḥ | hutāgnayo japtajapyāḥ pratasthurmañjighāṃsayā

Then those ascetics spent that night there, made their fire offerings and recited their prayers, and set out, wishing to kill me.

Verse 22 (5.178.22)

अभ्यगच्छत्ततो रामः सह तैर्ब्रह्मवादिभिः । कुरुक्षेत्रं महाराज कन्यया सह भारत ॥

abhyagacchattato rāmaḥ saha tairbrahmavādibhiḥ | kurukṣetraṃ mahārāja kanyayā saha bhārata

Then Rama, with those expounders of the Veda and with the maiden, came to Kurukshetra, great king, O Bharata.

Verse 23 (5.178.23)

न्यविशन्त ततः सर्वे परिगृह्य सरस्वतीम् । तापसास्ते महात्मानो भृगुश्रेष्ठपुरस्कृताः ॥

nyaviśanta tataḥ sarve parigṛhya sarasvatīm | tāpasāste mahātmāno bhṛguśreṣṭhapuraskṛtāḥ

There they all encamped, taking up their station by the Sarasvati, those high-souled ascetics with the best of the Bhrigus at their head.

Verse 24 (5.178.24)

ततस्तृतीये दिवसे समे देशे व्यवस्थितः । प्रेषयामास मे राजन्प्राप्तोऽस्मीति महाव्रतः ॥

tatastṛtīye divase same deśe vyavasthitaḥ | preṣayāmāsa me rājanprāpto'smīti mahāvrataḥ

Then on the third day, stationed on level ground, the man of great vows sent word to me, O king: "I have arrived."

Verse 25 (5.178.25)

तमागतमहं श्रुत्वा विषयान्तं महाबलम् । अभ्यगच्छं जवेनाशु प्रीत्या तेजोनिधिं प्रभुम् ॥

tamāgatamahaṃ śrutvā viṣayāntaṃ mahābalam | abhyagacchaṃ javenāśu prītyā tejonidhiṃ prabhum

Hearing that the mighty one, my lord, a treasury of splendour, had come to the border of the realm, I went quickly and gladly to meet him,

Verse 26 (5.178.26)

गां पुरस्कृत्य राजेन्द्र ब्राह्मणैः परिवारितः । ऋत्विग्भिर्देवकल्पैश्च तथैव च पुरोहितैः ॥

gāṃ puraskṛtya rājendra brāhmaṇaiḥ parivāritaḥ | ṛtvigbhirdevakalpaiśca tathaiva ca purohitaiḥ

with a cow led before me, king of kings, surrounded by brahmins, by officiating priests like gods, and by family priests as well.

Verse 27 (5.178.27)

स मामभिगतं दृष्ट्वा जामदग्न्यः प्रतापवान् । प्रतिजग्राह तां पूजां वचनं चेदमब्रवीत् ॥

sa māmabhigataṃ dṛṣṭvā jāmadagnyaḥ pratāpavān | pratijagrāha tāṃ pūjāṃ vacanaṃ cedamabravīt

Seeing me come, the mighty son of Jamadagni accepted that homage and spoke these words:

Verse 28 (5.178.28)

भीष्म कां बुद्धिमास्थाय काशिराजसुता तदा । अकामेन त्वया नीता पुनश्चैव विसर्जिता ॥

bhīṣma kāṃ buddhimāsthāya kāśirājasutā tadā | akāmena tvayā nītā punaścaiva visarjitā

Bhishma, with what thought in mind did you carry off the daughter of the king of Kashi against her will, and then send her away again?

Verse 29 (5.178.29)

विभ्रंशिता त्वया हीयं धर्मादास्ते यशस्विनी । परामृष्टां त्वया हीमां को हि गन्तुमिहार्हति ॥

vibhraṃśitā tvayā hīyaṃ dharmādāste yaśasvinī | parāmṛṣṭāṃ tvayā hīmāṃ ko hi gantumihārhati

You have made her fall from dharma, and here she is, this illustrious lady. Since you have laid hands on her, who would come to take her now?

Verse 30 (5.178.30)

प्रत्याख्याता हि साल्वेन त्वया नीतेति भारत । तस्मादिमां मन्नियोगात्प्रतिगृह्णीष्व भारत ॥

pratyākhyātā hi sālvena tvayā nīteti bhārata | tasmādimāṃ manniyogātpratigṛhṇīṣva bhārata

Shalva rejected her because she had been carried off by you, O Bharata. So at my command take her back, O Bharata.

Verse 31 (5.178.31)

स्वधर्मं पुरुषव्याघ्र राजपुत्री लभत्वियम् । न युक्तस्त्ववमानोऽयं राज्ञां कर्तुं त्वयाऽनघ ॥

svadharmaṃ puruṣavyāghra rājaputrī labhatviyam | na yuktastvavamāno'yaṃ rājñāṃ kartuṃ tvayā'nagha

Let this princess have the dharma that is her due, tiger among men. It is not right, sinless one, for you to put such an insult on kings.

Verse 32 (5.178.32)

ततस्तं वै विमनसमुदीक्ष्याहमथाब्रुवम् । नाहमेनां पुनर्दद्यां ब्रह्मन्भ्रात्रे कथञ्चन ॥

tatastaṃ vai vimanasamudīkṣyāhamathābruvam | nāhamenāṃ punardadyāṃ brahmanbhrātre kathañcana

Then, seeing that he was displeased, I said: Brahmin, I will never give her again to my brother.

Verse 33 (5.178.33)

साल्वस्याहमिति प्राह पुरा मामेव भार्गव । मया चैवाभ्यनुज्ञाता गतेयं नगरं प्रति ॥

sālvasyāhamiti prāha purā māmeva bhārgava | mayā caivābhyanujñātā gateyaṃ nagaraṃ prati

"I belong to Shalva," she told me herself long ago, Bhargava, and it was with my leave that she went to his city.

Verse 34 (5.178.34)

न भयान्नाप्यनुक्रोशान्नार्थलोभान्न काम्यया । क्षात्रं धर्ममहं जह्यामिति मे व्रतमाहितम् ॥

na bhayānnāpyanukrośānnārthalobhānna kāmyayā | kṣātraṃ dharmamahaṃ jahyāmiti me vratamāhitam

Neither from fear, nor from pity, nor from greed for wealth, nor from desire would I abandon the dharma of a kshatriya. That is the vow I have taken.

Note on the text: Corrected जह्यम् → जह्याम् (misprint in Wikisource; CE jahyām).

Verse 35 (5.178.35)

अथ मामब्रवीद्रामः क्रोधपर्याकुलेक्षणः । न करिष्यसि चेदेतद्वाक्यं मे नरपुङ्गव ॥

atha māmabravīdrāmaḥ krodhaparyākulekṣaṇaḥ | na kariṣyasi cedetadvākyaṃ me narapuṅgava

Then Rama, his eyes rolling with rage, said to me: "If you will not do as I say, bull among men,

Verse 36 (5.178.36)

हनिष्यामि सहामात्यं त्वामद्येति पुनः पुनः । संरम्भादब्रवीद्रामः क्रोधपर्याकुलेक्षणः ॥

haniṣyāmi sahāmātyaṃ tvāmadyeti punaḥ punaḥ | saṃrambhādabravīdrāmaḥ krodhaparyākulekṣaṇaḥ

I will kill you this very day, together with your ministers!" Again and again Rama said it in his fury, his eyes rolling with rage.

Verse 37 (5.178.37)

तमहं गीर्भिरिष्टाभिः पुनः पुनररिन्दम । अयाचं भृगुशार्दूलं न चैव प्रशशाम सः ॥

tamahaṃ gīrbhiriṣṭābhiḥ punaḥ punararindama | ayācaṃ bhṛguśārdūlaṃ na caiva praśaśāma saḥ

Again and again, tamer of foes, I entreated that tiger of the Bhrigus with pleasing words, but he would not be calmed.

Note on the text: Corrected गीर्भिरिष्टाभि → गीर्भिरिष्टाभिः (dropped visarga in Wikisource; CE gīrbhir iṣṭābhiḥ).

Verse 38 (5.178.38)

प्रणम्य तमहं मूर्ध्ना भूयो ब्राह्मणसत्तमम् । अब्रुवं कारणं किं तद्यत्त्वं युद्धं मयेच्छसि ॥

praṇamya tamahaṃ mūrdhnā bhūyo brāhmaṇasattamam | abruvaṃ kāraṇaṃ kiṃ tadyattvaṃ yuddhaṃ mayecchasi

Bowing my head once more to that best of brahmins, I said: What is the reason that you wish to fight with me?

Verse 39 (5.178.39)

इष्वस्त्रं मम बालस्य भवतैव चतुर्विधम् । उपदिष्टं महाबाहो शिष्योऽस्मि तव भार्गव ॥

iṣvastraṃ mama bālasya bhavataiva caturvidham | upadiṣṭaṃ mahābāho śiṣyo'smi tava bhārgava

It was you yourself, mighty-armed one, who taught me the fourfold science of arms when I was a boy. I am your pupil, Bhargava.

Verse 40 (5.178.40)

ततो मामब्रवीद्रामः क्रोधसंरक्तलोचनः । जानीषे मां गुरुं भीष्म गृह्णासीमां न चैव ह ॥

tato māmabravīdrāmaḥ krodhasaṃraktalocanaḥ | jānīṣe māṃ guruṃ bhīṣma gṛhṇāsīmāṃ na caiva ha

Then Rama, his eyes red with anger, said to me: You know me to be your teacher, Bhishma, and yet you will not take her,

Note on the text: The critical edition has six-line verses here (5.178.17–18); Wikisource divides them into three couplets: 40 = CE 17ab-cd, 41 = 17ef + 18ab, 42 = 18cd-ef.

Verse 41 (5.178.41)

सुतां काश्यस्य कौरव्य मत्प्रियार्थं महामते । न हि मे विद्यते शान्तिरन्यथा कुरुनन्दन ॥

sutāṃ kāśyasya kauravya matpriyārthaṃ mahāmate | na hi me vidyate śāntiranyathā kurunandana

the daughter of the king of Kashi, Kauravya, even for my sake, wise one. Otherwise there is no peace for me, delight of the Kurus.

Note on the text: Speaker: Rama's speech, begun in verse 40, fills this verse and the next; given to Rama. = CE 5.178.17ef + 18ab.

Verse 42 (5.178.42)

गृहाणेमां महाबाहो रक्षस्व कुलमात्मनः । त्वया विभ्रंशिता हीयं भर्तारं नाधिगच्छति ॥

gṛhāṇemāṃ mahābāho rakṣasva kulamātmanaḥ | tvayā vibhraṃśitā hīyaṃ bhartāraṃ nādhigacchati

Take her, mighty-armed one, and protect your own family. Made to fall by you, she can find no husband.

Note on the text: = CE 5.178.18cd-ef.

Verse 43 (5.178.43)

तथा ब्रुवन्तं तमहं रामं परपुरंजयम् । नैतदेवं पुनर्भावि ब्रह्मर्षे किं श्रमेण ते ॥

tathā bruvantaṃ tamahaṃ rāmaṃ parapuraṃjayam | naitadevaṃ punarbhāvi brahmarṣe kiṃ śrameṇa te

To Rama, conqueror of enemy cities, speaking thus, I replied: It will not be so again, brahmin seer. Why trouble yourself?

Note on the text: Corrected परपुरंयम् → परपुरंजयम् (misprint in Wikisource; CE parapuraṃjayam).

Verse 44 (5.178.44)

गुरुत्वं त्वयि संप्रेक्ष्य जामदग्न्य पुरातनम् । प्रसादये त्वां भगवंस्त्यक्तैषा तु पुरा मया ॥

gurutvaṃ tvayi saṃprekṣya jāmadagnya purātanam | prasādaye tvāṃ bhagavaṃstyaktaiṣā tu purā mayā

Seeing in you my teacher of old, son of Jamadagni, I beg your favour, blessed one; but I gave her up long ago.

Verse 45 (5.178.45)

को जातु परभावां हि नारीं व्यालीमिव स्थिताम् । वासयेत गृहे जानन्स्त्रीणां दोषो महात्ययः ॥

ko jātu parabhāvāṃ hi nārīṃ vyālīmiva sthitām | vāsayeta gṛhe jānanstrīṇāṃ doṣo mahātyayaḥ

Who would ever knowingly keep in his house a woman whose heart is set on another, as one would a she-serpent? Such a fault in women brings great ruin.

Verse 46 (5.178.46)

न भयाद्वासवस्यापि धर्मं जह्यां महाव्रत । प्रसीद मा वा यद्वा ते कार्यं तत्कुरु मा चिरम् ॥

na bhayādvāsavasyāpi dharmaṃ jahyāṃ mahāvrata | prasīda mā vā yadvā te kāryaṃ tatkuru mā ciram

Not even from fear of Vasava would I abandon dharma, you of great vows. Be gracious or not, as you please; whatever you mean to do, do it without delay.

Verse 47 (5.178.47)

अयं चापि विशुद्धात्मन्पुराणे श्रूयते विभो । मरुत्तेन महाबुद्धे गीतः श्लोको महात्मना ॥

ayaṃ cāpi viśuddhātmanpurāṇe śrūyate vibho | maruttena mahābuddhe gītaḥ śloko mahātmanā

And this verse too is heard in the Purana, pure-souled lord, a verse sung by the great-hearted Marutta, wise one:

Verse 48 (5.178.48)

गुरोरप्यवलिप्तस्य कार्याकार्यमजानतः । उत्पथं प्रतिपन्नस्य परित्यागो विधीयते ॥

gurorapyavaliptasya kāryākāryamajānataḥ | utpathaṃ pratipannasya parityāgo vidhīyate

"Even a teacher who is arrogant, who does not know what should and should not be done, and who has taken a wrong path, may rightly be abandoned."

Verse 49 (5.178.49)

स त्वं गुरुरिति प्रेम्णा मया संमानितो भृशम् । गुरुवृत्तिं न जानीषे तस्माद्योत्स्यामि वै त्वया ॥

sa tvaṃ gururiti premṇā mayā saṃmānito bhṛśam | guruvṛttiṃ na jānīṣe tasmādyotsyāmi vai tvayā

Because you are my teacher, I have honoured you greatly out of affection. But you do not know how a teacher should conduct himself, and so I will fight with you.

Verse 50 (5.178.50)

गुरुं न हन्यां समरे ब्राह्मणं च विशेषतः । विशेषतस्तपोवृद्धमेवं क्षान्तं मया तव ॥

guruṃ na hanyāṃ samare brāhmaṇaṃ ca viśeṣataḥ | viśeṣatastapovṛddhamevaṃ kṣāntaṃ mayā tava

I would not kill a teacher in battle, still less a brahmin, and least of all one grown great in austerity. That is why I have borne with you.

Verse 51 (5.178.51)

उद्यतेषुमथो दृष्ट्वा ब्राह्मणं क्षत्रबन्धुवत् । यो हन्यात्समरे क्रुद्धं युध्यन्तमपलायिनम् ॥

udyateṣumatho dṛṣṭvā brāhmaṇaṃ kṣatrabandhuvat | yo hanyātsamare kruddhaṃ yudhyantamapalāyinam

But whoever sees a brahmin with arrow raised like a base kshatriya, and kills him in battle, angry, fighting and not turning to flee,

Note on the text: The critical edition has six-line verses here (5.178.27–28); Wikisource divides them into three couplets: 51 = CE 27ab-cd, 52 = 27ef + 28ab, 53 = 28cd-ef.

Verse 52 (5.178.52)

ब्रह्महत्या न तस्य स्यादिति धर्मेषु निश्चयः । क्षत्रियाणां स्थितो धर्मे क्षत्रियोऽस्मि तपोधन ॥

brahmahatyā na tasya syāditi dharmeṣu niścayaḥ | kṣatriyāṇāṃ sthito dharme kṣatriyo'smi tapodhana

does not incur the sin of killing a brahmin; that is the settled rule of dharma. I am a kshatriya, rich in austerity, standing in the dharma of kshatriyas.

Note on the text: Corrected धर्म → धर्मे (misprint in Wikisource; CE dharme). = CE 5.178.27ef + 28ab.

Verse 53 (5.178.53)

यो यथा वर्तते यस्मिंस्तस्मिन्नेव प्रवर्तयन् । नाधर्मं समवाप्नोति न चाश्रेयश्च विन्दति ॥

yo yathā vartate yasmiṃstasminneva pravartayan | nādharmaṃ samavāpnoti na cāśreyaśca vindati

Whoever treats another just as that other treats him incurs no unrighteousness and meets with no harm.

Note on the text: = CE 5.178.28cd-ef (variant).

Verse 54 (5.178.54)

अर्थे वा यदि वा धर्मे समर्थो देशकालवित् । अर्थसंशयमापन्नः श्रेयान्निःसंशयो नरः ॥

arthe vā yadi vā dharme samartho deśakālavit | arthasaṃśayamāpannaḥ śreyānniḥsaṃśayo naraḥ

In matters of gain or of dharma, a capable man who knows place and time, when he is in doubt about gain, does best to hold to what is beyond doubt.

Note on the text: Corrected श्रोयान् → श्रेयान् (misprint in Wikisource; CE śreyān).

Verse 55 (5.178.55)

यस्मात्संशयितेऽप्यर्थेऽयथान्यायं प्रवर्तसे । तस्माद्योत्स्यामि सहितस्त्वया राम महाहवे ॥

yasmātsaṃśayite'pyarthe'yathānyāyaṃ pravartase | tasmādyotsyāmi sahitastvayā rāma mahāhave

Since in a doubtful matter you act against what is right, I will meet you in combat, Rama, in a great battle.

Note on the text: The critical edition has six-line verses here (5.178.30–31); Wikisource divides them into three couplets: 55 = CE 30ab-cd, 56 = 30ef + 31ab, 57 = 31cd-ef. Wikisource reads अयथान्यायं ("improperly") where the CE has yathānyāyaṃ; kept as a variant.

Verse 56 (5.178.56)

पश्य मे बाहुवीर्यं च विक्रमं चातिमानुषम् । एवं गतेऽपि तु मया यच्छक्यं भृगुनन्दन ॥

paśya me bāhuvīryaṃ ca vikramaṃ cātimānuṣam | evaṃ gate'pi tu mayā yacchakyaṃ bhṛgunandana

See the strength of my arms and my more than human prowess. Even as things stand, whatever I am able to do, delight of the Bhrigus,

Note on the text: = CE 5.178.30ef + 31ab.

Verse 57 (5.178.57)

तत्करिष्ये कुरुक्षेत्रे योत्स्ये विप्र त्वया सह । द्वन्द्वे राम यथेष्टं मे सज्जीभव महाद्युते ॥

tatkariṣye kurukṣetre yotsye vipra tvayā saha | dvandve rāma yatheṣṭaṃ me sajjībhava mahādyute

I will do at Kurukshetra. I will fight you there, brahmin, in the single combat I desire, Rama. Make ready, glorious one.

Note on the text: Corrected सञ्जीभव → सज्जीभव (misprint in Wikisource; CE sajjo bhava). = CE 5.178.31cd-ef.

Verse 58 (5.178.58)

तत्र त्वं निहतो राम मया शरशतार्दितः । प्राप्स्यसे निर्जिताँल्लोकाञ्शस्त्रपूतो महारणे ॥

tatra tvaṃ nihato rāma mayā śaraśatārditaḥ | prāpsyase nirjitām̐llokāñśastrapūto mahāraṇe

There, Rama, struck down by me and pierced by hundreds of arrows, purified by weapons in the great battle, you will reach the worlds you have won.

Verse 59 (5.178.59)

स गच्छ विनिवर्तस्व कुरुक्षेत्रं रणप्रिय । तत्रैष्यामि महाबाहो युद्धाय त्वां तपोधन ॥

sa gaccha vinivartasva kurukṣetraṃ raṇapriya | tatraiṣyāmi mahābāho yuddhāya tvāṃ tapodhana

So go back, lover of battle, return to Kurukshetra. I will come to you there for the fight, mighty-armed one rich in austerity.

Note on the text: Corrected कुरुक्षोत्रं → कुरुक्षेत्रं and त्वांतपोधन → त्वां तपोधन (misprints in Wikisource; CE kurukṣetraṃ, tvāṃ tapodhana).

Verse 60 (5.178.60)

अपि यत्र त्वया राम कृतं शौचं पुरा पितुः । तत्राहमपि हत्वा त्वां शौचं कर्तास्मि भार्गव ॥

api yatra tvayā rāma kṛtaṃ śaucaṃ purā pituḥ | tatrāhamapi hatvā tvāṃ śaucaṃ kartāsmi bhārgava

There, Rama, where long ago you performed the purifying rites for your father, there I too, having killed you, will perform the purifying rites, Bhargava.

Verse 61 (5.178.61)

तत्र राम समागच्छ त्वरितं युद्धदुर्मद । व्यपनेष्यामि ते दर्पं पौराणं ब्राह्मणब्रुव ॥

tatra rāma samāgaccha tvaritaṃ yuddhadurmada | vyapaneṣyāmi te darpaṃ paurāṇaṃ brāhmaṇabruva

Come there quickly, Rama, you who are mad for war. I will take away your old pride, you who are a brahmin only in name.

Verse 62 (5.178.62)

यच्चापि कत्थसे राम बहुशः परिवत्सरे । निर्जिताः क्षत्रिया लोके मयैकेनेति तच्छ्रुणु ॥

yaccāpi katthase rāma bahuśaḥ parivatsare | nirjitāḥ kṣatriyā loke mayaikeneti tacchruṇu

And as for your frequent boast over the years, Rama, that "the kshatriyas of the world were conquered by me alone," hear this:

Verse 63 (5.178.63)

न तदा जातवान्भीष्मः क्षत्रियो वापि मद्विधः । पश्चाज्जातानि तेजांसि तृणेषु ज्वलितं त्वया ॥

na tadā jātavānbhīṣmaḥ kṣatriyo vāpi madvidhaḥ | paścājjātāni tejāṃsi tṛṇeṣu jvalitaṃ tvayā

at that time no Bhishma had been born, nor any kshatriya like me. The truly blazing ones were born later; it was only straw that you set ablaze,

Note on the text: Corrected पञ्चाञ्चातानि → पश्चाज्जातानि (misprint in Wikisource; CE star passage paścāj jātāni). First line = CE 5.178.37ab; the second line is the critical edition's star passage *0580_01 (printed after 37ab), not in its constituted text.

Verse 64 (5.178.64)

यस्ते युद्धमयं दर्पं कामं च व्यपनाशयेत् । सोऽहं जातो महाबाहो भीष्मः परपुरंजयः । व्यपनेष्यामि ते दर्पं युद्धे राम न संशयः ॥

yaste yuddhamayaṃ darpaṃ kāmaṃ ca vyapanāśayet | so'haṃ jāto mahābāho bhīṣmaḥ parapuraṃjayaḥ | vyapaneṣyāmi te darpaṃ yuddhe rāma na saṃśayaḥ

with no one to destroy your pride in war and your craving for it. Now I am born, mighty-armed one, Bhishma, conqueror of enemy cities; I will take away your pride in battle, Rama. Of that there is no doubt.

Note on the text: Three lines = CE 5.178.37cd + 38.

Verse 65 (5.178.65)

ततो मामब्रवीद्रामः प्रहसन्निव भारत । दिष्ट्या भीष्म मया सार्धं योद्धुमिच्छसि संगरे ॥

tato māmabravīdrāmaḥ prahasanniva bhārata | diṣṭyā bhīṣma mayā sārdhaṃ yoddhumicchasi saṃgare

Then Rama, laughing as it were, said to me, O Bharata: How fortunate, Bhishma, that you wish to fight with me in battle!

Verse 66 (5.178.66)

अयं गच्छामि कौरव्य कुरुक्षेत्रं त्वया सह । भाषितं ते करिष्यामि तत्रागच्छ परंतप ॥

ayaṃ gacchāmi kauravya kurukṣetraṃ tvayā saha | bhāṣitaṃ te kariṣyāmi tatrāgaccha paraṃtapa

Here I go to Kurukshetra with you, Kauravya. I will do as you have said. Come there, scorcher of foes.

Note on the text: Speaker: Rama's speech, begun in verse 65, fills verses 66–70; given to Rama.

Verse 67 (5.178.67)

तत्र त्वां निहतं माता मया शरशताचितम् । जाह्नवी पश्यतां भीष्म गृध्रकङ्कबलाशनम् ॥

tatra tvāṃ nihataṃ mātā mayā śaraśatācitam | jāhnavī paśyatāṃ bhīṣma gṛdhrakaṅkabalāśanam

There let your mother Jahnavi see you, Bhishma, struck down by me, covered with hundreds of arrows, food for vultures, herons and crows.

Verse 68 (5.178.68)

कृपणं त्वामभिप्रेक्ष्य सिद्धचारणसेविता । मया विनिहतं देवी रोदतामद्य पार्थिव ॥

kṛpaṇaṃ tvāmabhiprekṣya siddhacāraṇasevitā | mayā vinihataṃ devī rodatāmadya pārthiva

Seeing you lying pitiful, slain by me, let the goddess served by Siddhas and Charanas weep today, O king.

Verse 69 (5.178.69)

अतदर्हा महाभागा भगीरथसुताऽनघा । या त्वामजीजनन्मन्दं युद्धकामुकमातुरम् ॥

atadarhā mahābhāgā bhagīrathasutā'naghā | yā tvāmajījananmandaṃ yuddhakāmukamāturam

She does not deserve this, the blessed and sinless daughter of Bhagiratha, who bore you, a fool, greedy for war and sick in mind.

Verse 70 (5.178.70)

एहि गच्छ मया भीष्म युद्धकामुक दुर्मद । गृहाण सर्वं कौरव्य रथादि भरतर्षभ ॥

ehi gaccha mayā bhīṣma yuddhakāmuka durmada | gṛhāṇa sarvaṃ kauravya rathādi bharatarṣabha

Come, go with me, Bhishma, you headstrong lover of war. Take everything, Kauravya, your chariot and all, bull of the Bharatas.

Verse 71 (5.178.71)

इति ब्रुवाणं तमहं रामं परपुरंजयम् । प्रणम्य शिरसा राममेवमस्त्वित्यथाब्रवम् ॥

iti bruvāṇaṃ tamahaṃ rāmaṃ parapuraṃjayam | praṇamya śirasā rāmamevamastvityathābravam

To Rama, conqueror of enemy cities, speaking thus, I bowed my head and then said to Rama: So be it.

Note on the text: Corrected परपुरंजयमक् → परपुरंजयम् and प्रणम्यक → प्रणम्य (stray letters in Wikisource; CE parapuraṃjayam, praṇamya).

Verse 72 (5.178.72)

एवमुक्त्वा ययौ रामः कुरुक्षेत्रं युयुत्सया । प्रविश्य नगरं चाहं सत्यवत्यै न्यवेदयम् ॥

evamuktvā yayau rāmaḥ kurukṣetraṃ yuyutsayā | praviśya nagaraṃ cāhaṃ satyavatyai nyavedayam

With these words Rama went to Kurukshetra, eager to fight; and I entered the city and told Satyavati.

Verse 73 (5.178.73)

ततः कृतस्वस्त्ययनो मात्रा च प्रतिनन्दितः । द्विजातीन्वाच्य पुण्याहं स्वस्ति चैव महाद्युते ॥

tataḥ kṛtasvastyayano mātrā ca pratinanditaḥ | dvijātīnvācya puṇyāhaṃ svasti caiva mahādyute

Then, when the rites for my welfare had been performed and my mother had blessed me, and I had had the brahmins pronounce the auspicious day and their benedictions, glorious one,

Verse 74 (5.178.74)

रथमास्थाय रुचिरं राजतं पाण्डुरैर्हयैः । सूपस्करं स्वधिष्ठानं वैयाघ्रपरिवारणम् ॥

rathamāsthāya ruciraṃ rājataṃ pāṇḍurairhayaiḥ | sūpaskaraṃ svadhiṣṭhānaṃ vaiyāghraparivāraṇam

I mounted a handsome silver chariot drawn by white horses, well equipped, with a fine seat and a covering of tiger skins,

Verse 75 (5.178.75)

उपपन्नं महाशस्त्रैः सर्वोपकरणान्वितम् । तत्कुलीनेन वीरेण हयशास्त्रविदा रणे ॥

upapannaṃ mahāśastraiḥ sarvopakaraṇānvitam | tatkulīnena vīreṇa hayaśāstravidā raṇe

furnished with great weapons and every kind of gear, and managed by a brave charioteer of good family, versed in the lore of horses in battle,

Verse 76 (5.178.76)

यत्तं सूतेन शिष्टेन बहुशो दृष्टकर्मणा । दंशितः पाण्डुरेणाहं कवचेन वपुष्मता ॥

yattaṃ sūtena śiṣṭena bahuśo dṛṣṭakarmaṇā | daṃśitaḥ pāṇḍureṇāhaṃ kavacena vapuṣmatā

well trained and tested in action many times. Clad in shining white armour,

Verse 77 (5.178.77)

पाण्डुरं कार्मुकं गृह्य प्रायां भरतसत्तम । पाण्डुरेणातपत्रेण ध्रियमाणेन मूर्धनि ॥

pāṇḍuraṃ kārmukaṃ gṛhya prāyāṃ bharatasattama | pāṇḍureṇātapatreṇa dhriyamāṇena mūrdhani

and taking up a white bow, I set out, best of the Bharatas, with a white parasol held over my head,

Verse 78 (5.178.78)

पाण्डुरैश्चापि व्यजनैर्वीज्यमानो नराधिप । शुक्लवासाः सितोष्णीषः सर्वशुक्लविभूषणः ॥

pāṇḍuraiścāpi vyajanairvījyamāno narādhipa | śuklavāsāḥ sitoṣṇīṣaḥ sarvaśuklavibhūṣaṇaḥ

fanned with white fans, lord of men, dressed in white, with a white turban and all my ornaments white.

Verse 79 (5.178.79)

स्तूयमानो जयाशीर्भिर्निष्क्रम्य गजसाह्वयात् । कुरुक्षेत्रं रणक्षेत्रमुपायां भरतर्षभ ॥

stūyamāno jayāśīrbhirniṣkramya gajasāhvayāt | kurukṣetraṃ raṇakṣetramupāyāṃ bharatarṣabha

Praised with blessings for victory, I went out from the City of the Elephant and came to Kurukshetra, the field of battle, bull of the Bharatas.

Verse 80 (5.178.80)

ते हयाश्चोदितास्तेन सूतेन परमाहवे । अवहन्मां भृशं राजन्मनोमारुतरंहसः ॥

te hayāścoditāstena sūtena paramāhave | avahanmāṃ bhṛśaṃ rājanmanomārutaraṃhasaḥ

Urged on by that charioteer, those horses, swift as thought and wind, carried me at speed to the great battle, O king.

Verse 81 (5.178.81)

गत्वाऽहं तत्कुरुक्षेत्रं स च रामः प्रतापवान् । युद्धाय सहसा राजन्पराक्रान्तौ परस्परम् ॥

gatvā'haṃ tatkurukṣetraṃ sa ca rāmaḥ pratāpavān | yuddhāya sahasā rājanparākrāntau parasparam

When I reached Kurukshetra, the mighty Rama and I at once advanced on each other to fight, O king.

Verse 82 (5.178.82)

ततः संदर्शनेऽतिष्ठं रामस्यातितपस्विनः । प्रगृह्य शङ्खप्रवरं ततः प्राधममुत्तमम् ॥

tataḥ saṃdarśane'tiṣṭhaṃ rāmasyātitapasvinaḥ | pragṛhya śaṅkhapravaraṃ tataḥ prādhamamuttamam

Then I took my stand in full view of Rama, that great ascetic, and taking up my finest conch I blew a mighty blast.

Note on the text: Corrected सदर्शने → संदर्शने (dropped anusvara in Wikisource; CE saṃdarśane) and removed a stray क after शङ्खप्रवरं.

Verse 83 (5.178.83)

ततस्तत्र द्विजा राजंस्तापसाश्च वनौकसः । अपश्यन्त रणं दिव्यं देवाः सेन्द्रगणास्तदा ॥

tatastatra dvijā rājaṃstāpasāśca vanaukasaḥ | apaśyanta raṇaṃ divyaṃ devāḥ sendragaṇāstadā

Then the brahmins there, O king, the forest-dwelling ascetics, and the gods with Indra and his hosts watched that divine battle.

Verse 84 (5.178.84)

ततो दिव्यानि माल्यानि प्रादुरासंस्ततस्ततः । वादित्राणि च दिव्यानि मेघवृन्दानि चैव ह ॥

tato divyāni mālyāni prādurāsaṃstatastataḥ | vāditrāṇi ca divyāni meghavṛndāni caiva ha

Then divine garlands appeared on every side, and divine music sounded, and masses of cloud gathered.

Verse 85 (5.178.85)

ततस्ते तापसाः सर्वे भार्गवस्यानुयायिनः । प्रेक्षकाः समपद्यन्त परिवार्य रणाजिरम् ॥

tataste tāpasāḥ sarve bhārgavasyānuyāyinaḥ | prekṣakāḥ samapadyanta parivārya raṇājiram

Then all those ascetics who had followed the Bhargava became onlookers, standing round the field of battle.

Verse 86 (5.178.86)

ततो मामब्रवीद्देवी सर्वभूतहितैषिणी । माता स्वरूपिणी राजन्किमिदं ते चिकीर्षितम् ॥

tato māmabravīddevī sarvabhūtahitaiṣiṇī | mātā svarūpiṇī rājankimidaṃ te cikīrṣitam

Then the goddess, my mother, who seeks the good of all beings, appeared in her own form and said to me, O king: What is this you mean to do?

Verse 87 (5.178.87)

गत्वाऽहं जामदग्न्यं तु प्रयाचिष्ये कुरूद्वह । भीष्मेण सह मा योत्सीः शिष्येणेति पुनः पुनः ॥

gatvā'haṃ jāmadagnyaṃ tu prayāciṣye kurūdvaha | bhīṣmeṇa saha mā yotsīḥ śiṣyeṇeti punaḥ punaḥ

I will go to Jamadagni's son, support of the Kurus, and plead with him again and again: "Do not fight with Bhishma, your pupil."

Note on the text: Speaker: Ganga's speech, begun in verse 86, fills this verse; given to Ganga. Corrected भूष्मेण → भीष्मेण (misprint in Wikisource; CE bhīṣmeṇa).

Verse 88 (5.178.88)

मा मैवं पुत्र निर्बन्धं कुरु विप्रेण पार्थिव । जामदग्न्येन समरे योद्धुमित्येव भर्त्सयत् ॥

mā maivaṃ putra nirbandhaṃ kuru vipreṇa pārthiva | jāmadagnyena samare yoddhumityeva bhartsayat

"Do not, my son, be so set on fighting a brahmin in battle, O king, on fighting Jamadagni's son!" So she rebuked me.

Note on the text: Ganga's words end with the narrator's "so she rebuked me" (इत्येव भर्त्सयत्), so this verse stays with Bhishma.

Verse 89 (5.178.89)

किं न वै क्षत्रियहणो हरतुल्यपराक्रमः । विदितः पुत्र रामस्ते यतस्तं योद्धुमिच्छसि ॥

kiṃ na vai kṣatriyahaṇo haratulyaparākramaḥ | viditaḥ putra rāmaste yatastaṃ yoddhumicchasi

Do you not know, my son, that Rama is the slayer of kshatriyas, equal to Hara in valour, that you wish to fight him?

Note on the text: Speaker: Ganga's speech fills this verse; given to Ganga.

Verse 90 (5.178.90)

ततोऽहमब्रवं देवीमभिवाद्य कृताञ्जलिः । सर्वं तद्भरतश्रेष्ठ यथावृत्तं स्वयंवरे ॥

tato'hamabravaṃ devīmabhivādya kṛtāñjaliḥ | sarvaṃ tadbharataśreṣṭha yathāvṛttaṃ svayaṃvare

Then, saluting the goddess with joined palms, I told her everything, best of the Bharatas, just as it had happened at the svayamvara,

Verse 91 (5.178.91)

यथा च रामो राजेन्द्र मया पूर्वं प्रचोदितः । काशिराजसुतायाश्च यथा कर्म पुरातनम् ॥

yathā ca rāmo rājendra mayā pūrvaṃ pracoditaḥ | kāśirājasutāyāśca yathā karma purātanam

and how I had earlier pleaded with Rama, king of kings, and what the daughter of the king of Kashi had done long before.

Verse 92 (5.178.92)

ततः सा राममभ्येत्य जननी मे महानदी । मदर्थं तमृषिं वीक्ष्य क्षमयामास भार्गवम् ॥

tataḥ sā rāmamabhyetya jananī me mahānadī | madarthaṃ tamṛṣiṃ vīkṣya kṣamayāmāsa bhārgavam

Then my mother, the great river, went to Rama and, looking at that sage, begged the Bhargava's forgiveness for my sake.

Note on the text: The critical edition has a six-line verse here (5.179.28); Wikisource divides it: 92 = CE 28ab-cd, 93 = 28ef + 29.

Verse 93 (5.178.93)

भीष्मेण सह मा योत्सीः शिष्येणेति वचोऽब्रवीत् । स च तामाह याचन्तीं भीष्ममेव निवर्तय । न च मे कुरुते काममित्यहं तमुपागमम् ॥

bhīṣmeṇa saha mā yotsīḥ śiṣyeṇeti vaco'bravīt | sa ca tāmāha yācantīṃ bhīṣmameva nivartaya | na ca me kurute kāmamityahaṃ tamupāgamam

"Do not fight with Bhishma, your pupil," she said. And he said to her as she pleaded, "Turn Bhishma back instead, for he does not do what I wish." Then I went up to him.

Note on the text: Removed a stray mark: वचो।़ब्रवीत् → वचोऽब्रवीत् (CE vaco 'bravīt). Three lines = CE 5.179.28ef + 29.

Verse 94 (5.178.94)

ततो गङ्गा सुतस्नेहान्मां सा पुनरुपागमत् । नास्या अकरवं वाक्यं क्रोधपर्याकुलेक्षणः ॥

tato gaṅgā sutasnehānmāṃ sā punarupāgamat | nāsyā akaravaṃ vākyaṃ krodhaparyākulekṣaṇaḥ

Then Ganga, out of love for her son, came to me again; but I, my eyes rolling with anger, did not do as she said.

Note on the text: Corrected सुतस्नोहान् → सुतस्नेहान् (misprint in Wikisource; CE sutasnehād). The critical edition prints this verse in the third person under a "saṃjaya uvāca" heading; Wikisource keeps Bhishma's first-person narration.

Verse 95 (5.178.95)

अथादृश्यत धर्मात्मा भृगुश्रेष्ठो महातपाः । आह्वयामास च तदा युद्धाय द्विजसत्तमः ॥

athādṛśyata dharmātmā bhṛguśreṣṭho mahātapāḥ | āhvayāmāsa ca tadā yuddhāya dvijasattamaḥ

Then the best of the Bhrigus, righteous and great in austerity, appeared, and that best of brahmins challenged me to battle.