Satyaki's Rebuke

Verse 1 (5.3.1)

यादृशः पुरुषस्यात्मा तादृशं संप्रभाषते । यथारूपोऽन्तरात्मा ते तथारूपं प्रभाषते ॥

yādṛśaḥ puruṣasyātmā tādṛśaṃ saṃprabhāṣate | yathārūpo'ntarātmā te tathārūpaṃ prabhāṣate

"As a man's inner self is, so he speaks; and as your inner self is, so it speaks through you.

Verse 2 (5.3.2)

सन्ति वै पुरुषाः शूराः सन्ति कापुरुषास्तथा । उभावेतौ दृढौ पक्षौ दृश्येते पुरुषान्प्रति ॥

santi vai puruṣāḥ śūrāḥ santi kāpuruṣāstathā | ubhāvetau dṛḍhau pakṣau dṛśyete puruṣānprati

There are brave men, and there are cowards as well; these two distinct kinds are plain to see among men.

Verse 3 (5.3.3)

एकस्मिन्नेव जायेते कुले क्लीबमहाबलौ । फलाफलवती शाखे यथैकस्मिन्वनस्पतौ ॥

ekasminneva jāyete kule klībamahābalau | phalāphalavatī śākhe yathaikasminvanaspatau

In one and the same family both the weakling and the mighty are born, just as on a single tree one branch bears fruit and another bears none.

Verse 4 (5.3.4)

नाभ्यसूयामि ते वाक्यं ब्रुवतो लाङ्गलध्वज । ये तु शृण्वन्ति ते वाक्यं तानसूयामि माधव ॥

nābhyasūyāmi te vākyaṃ bruvato lāṅgaladhvaja | ye tu śṛṇvanti te vākyaṃ tānasūyāmi mādhava

I do not find fault with what you say, you whose banner bears the plough; it is those who listen to your words that I find fault with, O Madhava.

Verse 5 (5.3.5)

कथं हि धर्मराजस्य दोषमल्पमपि ब्रुवन् । लभते परिषन्मध्ये व्याहर्तुमकुतोभयः ॥

kathaṃ hi dharmarājasya doṣamalpamapi bruvan | labhate pariṣanmadhye vyāhartumakutobhayaḥ

For how can anyone speak of the slightest fault in the King of Dharma in the middle of this assembly, and still be allowed to speak without fear?

Verse 6 (5.3.6)

समाहूय महात्मानं जितवन्तोऽक्षकोविदाः । अनक्षज्ञं यथाऽश्रद्धं तेषु धर्मजयः कुतः ॥

samāhūya mahātmānaṃ jitavanto'kṣakovidāḥ | anakṣajñaṃ yathā'śraddhaṃ teṣu dharmajayaḥ kutaḥ

Men skilled at dice challenged that great-souled king, who knew nothing of dice and trusted them, and beat him. How can theirs be a righteous victory?

Verse 7 (5.3.7)

यदि कुन्तीसुतं गेहे क्रीडन्तं भ्रातृभिः सह । अभिगम्य जयेयुस्ते तत्तेषां धर्मतो भवेत् ॥

yadi kuntīsutaṃ gehe krīḍantaṃ bhrātṛbhiḥ saha | abhigamya jayeyuste tatteṣāṃ dharmato bhavet

Had they come upon the son of Kunti playing at home with his brothers and beaten him, that would have been a fair win for them.

Verse 8 (5.3.8)

समाहूय तु राजानं क्षत्रधर्मरतं सदा । निकृत्या जितवन्तस्ते किं नु तेषां परं शुभम् ॥

samāhūya tu rājānaṃ kṣatradharmarataṃ sadā | nikṛtyā jitavantaste kiṃ nu teṣāṃ paraṃ śubham

But they challenged the king, who is ever devoted to a kshatriya's duty, and won by trickery. What higher good can come to them from that?

Verse 9 (5.3.9)

कथं प्रणिपतेच्चायमिह कृत्वा पणं परम् । वनवासाद्विमुक्तस्तु प्राप्तः पैतामहं पदम् ॥

kathaṃ praṇipateccāyamiha kṛtvā paṇaṃ param | vanavāsādvimuktastu prāptaḥ paitāmahaṃ padam

Why should he bow down here, now that he has made good that supreme wager? Released from his life in the forest, he has come into his grandfather's seat.

Note on the text: Corrected विमुक्तरतु → विमुक्तस्तु (misprint in Wikisource; र for स्, critical edition vimuktas tu).

Verse 10 (5.3.10)

यद्ययं परवित्तानि कामयेत युधिष्ठिरः । एवमप्ययमत्यन्तं परान्नार्हति याचितुम् ॥

yadyayaṃ paravittāni kāmayeta yudhiṣṭhiraḥ | evamapyayamatyantaṃ parānnārhati yācitum

Even if Yudhishthira here were coveting the wealth of others, even then he ought never to beg from his enemies.

Verse 11 (5.3.11)

कथं च धर्मयुक्तास्ते न च राज्यं जिहीर्षवः । निवृत्तवनवासांस्तान्य आहुर्विदिता इति ॥

kathaṃ ca dharmayuktāste na ca rājyaṃ jihīrṣavaḥ | nivṛttavanavāsāṃstānya āhurviditā iti

And how can they be righteous and free of any wish to seize the kingdom, when they say of the Pandavas, back from their exile in the forest, that they were discovered?

Verse 12 (5.3.12)

अनुनीता हि भीष्मेण द्रोणेन विदुरेण च । न व्यवस्यन्ति पाण्डूनां प्रदातुं पैतृकं वसु ॥

anunītā hi bhīṣmeṇa droṇena vidureṇa ca | na vyavasyanti pāṇḍūnāṃ pradātuṃ paitṛkaṃ vasu

Even when urged by Bhishma, Drona and Vidura, they will not bring themselves to hand over to the Pandavas their father's wealth.

Verse 13 (5.3.13)

अहं तु ताञ्छितैर्बाणैरनुनीय रणे बलात् । पादयोः पातयिष्यामि कौन्तेयस्य महात्मनः ॥

ahaṃ tu tāñchitairbāṇairanunīya raṇe balāt | pādayoḥ pātayiṣyāmi kaunteyasya mahātmanaḥ

But I will do my persuading in battle, with sharp arrows and by force, and lay them at the feet of the great-souled son of Kunti.

Verse 14 (5.3.14)

अथ ते न व्यवस्यन्ति प्रणिपाताय धीमतः । गमिष्यन्ति सहामात्या यमस्य सदनं प्रति ॥

atha te na vyavasyanti praṇipātāya dhīmataḥ | gamiṣyanti sahāmātyā yamasya sadanaṃ prati

And if they will not resolve to bow before that wise king, they will go with their ministers to the abode of Yama.

Verse 15 (5.3.15)

न हि ते युयुधानस्य संरब्धस्य युयुत्सतः । वेगं समर्थाः संसोढुं वज्रस्येव महीधराः ॥

na hi te yuyudhānasya saṃrabdhasya yuyutsataḥ | vegaṃ samarthāḥ saṃsoḍhuṃ vajrasyeva mahīdharāḥ

For they can no more withstand the onrush of Yuyudhana, enraged and eager to fight, than mountains can withstand the thunderbolt.

Note on the text: Corrected संसोद्धुं → संसोढुं (misprint in Wikisource; critical edition saṃsoḍhuṃ).

Verse 16 (5.3.16)

को हि गाण्डीवधन्वानं कश्च चक्रायुधं युधि । मां चापि विषहेत्क्रुद्धं कश्च भीमं दुरासदम् ॥

ko hi gāṇḍīvadhanvānaṃ kaśca cakrāyudhaṃ yudhi | māṃ cāpi viṣahetkruddhaṃ kaśca bhīmaṃ durāsadam

Who could stand against the wielder of Gandiva in battle, or against him whose weapon is the discus, or against me when I am angry? Who could face the unassailable Bhima?

Verse 17 (5.3.17)

यमौ च दृढधन्वानौ यमकल्पौ महाद्युती । विराटद्रुपदौ वीरौ यमकालोपमद्युती ॥

yamau ca dṛḍhadhanvānau yamakalpau mahādyutī | virāṭadrupadau vīrau yamakālopamadyutī

Or the twins with their strong bows, of great splendour, like Yama himself; or the heroes Virata and Drupada, who blaze like Yama and Time?

Note on the text: Line 1 is the critical edition's 5.3.17ab; line 2 is its star passage 5.3.17b*0018. From here to verse 22 each Wikisource verse joins the second half of one critical-edition verse to the first half of the next.

Verse 18 (5.3.18)

को जिजीविषुरासीदेद्धृष्टद्युम्नं च पार्षतम् । पञ्चैतान्पाण्डवेयांस्तु द्रौपद्याः कीर्तिवर्धनान् ॥

ko jijīviṣurāsīdeddhṛṣṭadyumnaṃ ca pārṣatam | pañcaitānpāṇḍaveyāṃstu draupadyāḥ kīrtivardhanān

Who that wants to live would go up against Dhrishtadyumna, son of Prishata, or against these five sons of the Pandavas, who add to Draupadi's fame,

Note on the text: Line 1 is the critical edition's 5.3.17cd; line 2 is 5.3.18ab. Corrected जिजीविषुरासादेद्धृष्टद्युम्नं → जिजीविषुरासीदेद्धृष्टद्युम्नं (misprint in Wikisource; आसादेत् is not a valid form, critical edition āsīded).

Verse 19 (5.3.19)

समप्रमाणान्पाण्डूनां समवीर्यान्मदोत्कटान् । सौभद्रं च महेष्वासममरैरपि दुःसहम् ॥

samapramāṇānpāṇḍūnāṃ samavīryānmadotkaṭān | saubhadraṃ ca maheṣvāsamamarairapi duḥsaham

equal to the Pandavas in stature and in valour, fierce in their pride; or Subhadra's son, the great archer, hard to withstand even for the immortals;

Note on the text: Line 1 is the critical edition's 5.3.18cd; line 2 is 5.3.19ab.

Verse 20 (5.3.20)

गदप्रद्युम्नसाम्बांश्च कालसूर्यानलोपमान् । ते वयं धृतराष्ट्रस्य पुत्रं शकुनिना सह ॥

gadapradyumnasāmbāṃśca kālasūryānalopamān | te vayaṃ dhṛtarāṣṭrasya putraṃ śakuninā saha

or Gada, Pradyumna and Samba, who are like Time, the sun and fire? We shall kill Dhritarashtra's son along with Shakuni

Note on the text: Line 1 is the critical edition's 5.3.19cd (reading kālavajra- for कालसूर्य-); line 2 is 5.3.20ab.

Verse 21 (5.3.21)

कर्णं चैव निहत्याजावभिषेक्ष्याम पाण्डवम् । नाधर्मो विद्यते कश्चिच्छत्रून्हत्वाऽऽततायिनः ॥

karṇaṃ caiva nihatyājāvabhiṣekṣyāma pāṇḍavam | nādharmo vidyate kaścicchatrūnhatvā''tatāyinaḥ

and Karna too in battle, and consecrate the Pandava as king. There is no wrong at all in killing enemies who come to do violence.

Note on the text: Line 1 is the critical edition's 5.3.20cd (reading karṇena ca for कर्णं चैव); line 2 is 5.3.21ab.

Verse 22 (5.3.22)

अधर्म्यमयशस्यं च शात्रवाणां प्रयाचनम् । हृद्गतस्तस्य यः कामस्तं कुरुध्वमतन्द्रिताः ॥

adharmyamayaśasyaṃ ca śātravāṇāṃ prayācanam | hṛdgatastasya yaḥ kāmastaṃ kurudhvamatandritāḥ

To beg from enemies is unrighteous and brings disgrace. Whatever wish lies in his heart, carry it out without flagging.

Note on the text: Line 1 is the critical edition's 5.3.21cd; line 2 is 5.3.22ab (5.3.22cd, nisṛṣṭaṃ dhṛtarāṣṭreṇa rājyaṃ prāpnotu pāṇḍavaḥ, is not in Wikisource). Corrected हृद्भतस्तस्य → हृद्गतस्तस्य (misprint in Wikisource; भ for ग, critical edition hṛdgatas).

Verse 23 (5.3.23)

धार्तराष्ट्रो ह्ययुद्धेन न राज्यं दातुमिच्छति । अद्य पाण्डुसुतो राज्यं लभतां वा युधिष्ठिरः । निहता वा रणे सर्वे स्वप्स्यन्ति वसुधातले ॥

dhārtarāṣṭro hyayuddhena na rājyaṃ dātumicchati | adya pāṇḍusuto rājyaṃ labhatāṃ vā yudhiṣṭhiraḥ | nihatā vā raṇe sarve svapsyanti vasudhātale

Dhritarashtra's son will not give up the kingdom without a fight. So either let Yudhishthira, son of Pandu, win the kingdom today, or let them all lie slain in battle, asleep on the bare earth."

Note on the text: Lines 2–3 are the critical edition's 5.3.23; line 1 (धार्तराष्ट्रो ह्ययुद्धेन न राज्यं दातुमिच्छति) is not in the critical edition or its apparatus (found in the vulgate recension).