Drupada Calls for Allies

Verse 1 (5.4.1)

एवमेतन्महाबाहो भविष्यति न संशयः । न हि दुर्योधनो राज्यं मधुरेण प्रदास्यति ॥

evametanmahābāho bhaviṣyati na saṃśayaḥ | na hi duryodhano rājyaṃ madhureṇa pradāsyati

"It is just as you say, mighty-armed one; there is no doubt of it. Duryodhana will never give up the kingdom for sweet words.

Verse 2 (5.4.2)

अनुवर्त्स्यति तं चापि धृतराष्ट्रः सुतप्रियः । भीष्मद्रोणौ च कार्पण्यान्मौर्ख्याद्राधेयसौबलौ ॥

anuvartsyati taṃ cāpi dhṛtarāṣṭraḥ sutapriyaḥ | bhīṣmadroṇau ca kārpaṇyānmaurkhyādrādheyasaubalau

Dhritarashtra, who dotes on his son, will go along with him; and so will Bhishma and Drona out of dependence, and Karna and Shakuni out of folly.

Verse 3 (5.4.3)

बलदेवस्य वाक्यं तु मम ज्ञाने न युज्यते । एतद्धि पुरुषेणाग्रे कार्यं सुनयमिच्छता ॥

baladevasya vākyaṃ tu mama jñāne na yujyate | etaddhi puruṣeṇāgre kāryaṃ sunayamicchatā

To my mind Baladeva's counsel does not fit the case; what I now propose is what a man who wants sound policy must do first.

Verse 4 (5.4.4)

न तु वाच्यो मृदुवचो धार्तराष्ट्रः कथंचन । नहि मार्दवसाध्योऽसौ पापबुद्धिर्मतो मम ॥

na tu vācyo mṛduvaco dhārtarāṣṭraḥ kathaṃcana | nahi mārdavasādhyo'sau pāpabuddhirmato mama

Dhritarashtra's son must never be addressed with gentle words. In my view that evil-minded man is not one to be won by mildness.

Verse 5 (5.4.5)

गर्दभे मार्दवं कुर्याद्गोषु तीक्ष्णं समाचरेत् । मृदु दुर्योधने वाक्यं यो ब्रूयात्पापचेतसि ॥

gardabhe mārdavaṃ kuryādgoṣu tīkṣṇaṃ samācaret | mṛdu duryodhane vākyaṃ yo brūyātpāpacetasi

Whoever speaks softly to Duryodhana, wicked as he is, is like one who is gentle with a donkey and harsh with cows.

Verse 6 (5.4.6)

मृदुं वै मन्यते पापो भाषमाणमशक्तिकम् । हितमर्थं न जानीयादबुद्धिर्मार्दवे सति ॥

mṛduṃ vai manyate pāpo bhāṣamāṇamaśaktikam | hitamarthaṃ na jānīyādabuddhirmārdave sati

The wicked man thinks that one who speaks gently is weak and powerless; where there is mildness, the fool will not even see what is good for him.

Verse 7 (5.4.7)

एतच्चैव करिष्यामो यत्नश्च क्रियतामिह । प्रस्थापयाम मित्रेभ्यो बलान्युद्योजयन्तु नः ॥

etaccaiva kariṣyāmo yatnaśca kriyatāmiha | prasthāpayāma mitrebhyo balānyudyojayantu naḥ

This, then, is what we shall do, and let the effort begin here: let us send word to our allies to muster their forces for us.

Verse 8 (5.4.8)

शल्यस्य धृष्टकेतोश्च जयत्सेनस्य वा विभो । केकयानां च सर्वेषां दूता गच्छन्तु शीघ्रगाः ॥

śalyasya dhṛṣṭaketośca jayatsenasya vā vibho | kekayānāṃ ca sarveṣāṃ dūtā gacchantu śīghragāḥ

Let swift messengers go to Shalya, to Dhrishtaketu and to Jayatsena, O lord, and to all the Kekayas.

Verse 9 (5.4.9)

स च दुर्योधनो नूनं प्रेषयिष्यति सर्वशः । पूर्वाभिपन्नाः सन्तश्च भजन्ते पूर्वचोदनम् ॥

sa ca duryodhano nūnaṃ preṣayiṣyati sarvaśaḥ | pūrvābhipannāḥ santaśca bhajante pūrvacodanam

Duryodhana too will surely send word everywhere; and good men, once approached, side with whoever asked them first.

Verse 10 (5.4.10)

तत्त्वरध्वं नरेन्द्राणां पूर्वमेव प्रचोदने । महद्धि कार्यं वोढव्यमिति मे वर्तते मतिः ॥

tattvaradhvaṃ narendrāṇāṃ pūrvameva pracodane | mahaddhi kāryaṃ voḍhavyamiti me vartate matiḥ

So make haste to be the first to summon the kings; a great task lies before us — that is my judgement.

Note on the text: Corrected तत्वरध्वं → तत्त्वरध्वं (misprint in Wikisource; dropped त् in तत् त्वरध्वम्, critical edition tat tvaradhvaṃ).

Verse 11 (5.4.11)

शल्यस्य प्रेष्यतां शीघ्रं ये च तस्यानुगा नृपाः । भगदत्ताय राज्ञे च पूर्वसागरवासिने ॥

śalyasya preṣyatāṃ śīghraṃ ye ca tasyānugā nṛpāḥ | bhagadattāya rājñe ca pūrvasāgaravāsine

Let word be sent quickly to Shalya and the kings who follow him, and to King Bhagadatta, who dwells by the eastern ocean;

Verse 12 (5.4.12)

अमितौजसे तथोग्राय हार्दिक्यायान्धकाय च । दीर्घप्रज्ञाय शूराय रोचमानाय वा विभो ॥

amitaujase tathogrāya hārdikyāyāndhakāya ca | dīrghaprajñāya śūrāya rocamānāya vā vibho

to Amitaujas, to Ugra, to Hardikya and to Andhaka; to Dirghaprajna, to Shura and to Rochamana, O lord.

Verse 13 (5.4.13)

आनीयतां बृहन्तश्च सेनाबिन्दुश्च पार्थिवः । सेनजित्प्रतिबिन्ध्यश्च चित्रवर्मा सुवास्तुकः ॥

ānīyatāṃ bṛhantaśca senābinduśca pārthivaḥ | senajitpratibindhyaśca citravarmā suvāstukaḥ

Let Brihanta be brought, and King Senabindu; Senajit, Prativindhya, Chitravarman and Suvastuka;

Verse 14 (5.4.14)

बाह्लीको मुञ्जकेशश्च चैद्याधिपतिरेव च । सुपार्श्वश्च सुबाहुश्च पौरवश्च महारथः ॥

bāhlīko muñjakeśaśca caidyādhipatireva ca | supārśvaśca subāhuśca pauravaśca mahārathaḥ

Bahlika, Munjakesha and the lord of the Chedis; Suparshva, Subahu, and Paurava the great chariot-warrior;

Verse 15 (5.4.15)

शकानां पह्लवानां च दरदानां च ये नृपाः । सुरारिश्च नदीजश्च कर्णवेष्टश्च पार्थिवः ॥

śakānāṃ pahlavānāṃ ca daradānāṃ ca ye nṛpāḥ | surāriśca nadījaśca karṇaveṣṭaśca pārthivaḥ

the kings of the Shakas, the Pahlavas and the Daradas; Surari, Nadija and King Karnaveshta;

Note on the text: Restored from the critical edition (5.4.15ab): in Wikisource the first line breaks off after शकानां पह्लवानां and is completed by a repeat of the next line's last quarter (कर्णवेष्टश्च पार्थिवः); the lost words च दरदानां च ये नृपाः are supplied from the critical edition. Line 2 is the critical edition's 5.4.20ab (reading adāriś for सुरारिश्च); 5.4.15cd stands in Wikisource's verse 18.

Verse 16 (5.4.16)

नीलश्च वीरधर्मा च भूमिपालश्च वीर्यवान् । दुर्जयो दन्तवक्रश्च रुक्मी च जनमेजयः ॥

nīlaśca vīradharmā ca bhūmipālaśca vīryavān | durjayo dantavakraśca rukmī ca janamejayaḥ

Nila, Viradharman and the valiant Bhumipala; Durjaya, Dantavakra, Rukmi and Janamejaya;

Note on the text: Line 1 is the critical edition's 5.4.21cd; line 2 is 5.4.22ab. The critical edition's 5.4.20cd and 5.4.21ab (Samartha, Suvira, Marjara, Kanyaka, Mahavira, Kadru, Nikara, Tumula, Kratha) are not in Wikisource.

Verse 17 (5.4.17)

आषाढो वायुवेगश्च पूर्वपाली च पार्थिवः । भूरितेजा देवकश्च एकलव्यः सहात्मजैः ॥

āṣāḍho vāyuvegaśca pūrvapālī ca pārthivaḥ | bhūritejā devakaśca ekalavyaḥ sahātmajaiḥ

Ashadha, Vayuvega and King Purvapali; Bhuritejas, Devaka, and Ekalavya with his sons;

Note on the text: Line 1 is the critical edition's 5.4.22cd; line 2 is 5.4.23ab (reading ekalavyasya cātmajaḥ, 'Ekalavya's son', for एकलव्यः सहात्मजैः).

Verse 18 (5.4.18)

कारूषकाश्च राजानः क्षेमधूर्तिश्च वीर्यवान् । काम्भोजा ऋषिका ये च पश्चिमानूपकाश्च ये ॥

kārūṣakāśca rājānaḥ kṣemadhūrtiśca vīryavān | kāmbhojā ṛṣikā ye ca paścimānūpakāśca ye

the kings of the Karushas and the valiant Kshemadhurti; the Kambojas, the Rishikas and the western Anupakas;

Note on the text: Line 1 is the critical edition's 5.4.23cd; line 2 is 5.4.15cd.

Verse 19 (5.4.19)

जयत्सेनश्च काश्यश्च तथा पञ्चनदा नृपाः । क्राथपुत्रश्च दुर्धर्षः पार्वतीयाश्च ये नृपाः ॥

jayatsenaśca kāśyaśca tathā pañcanadā nṛpāḥ | krāthaputraśca durdharṣaḥ pārvatīyāśca ye nṛpāḥ

Jayatsena and the king of Kashi, and the kings of the land of the Five Rivers; the formidable son of Kratha, and the kings of the mountains;

Note on the text: Restored from the critical edition (5.4.16c): in Wikisource the third quarter reads जानकिश्च दुर्धर्षः, a syllable short, its opening word replaced by a repeat of the next verse's जानकिश्च; the critical edition's क्राथपुत्रश्च (krāthaputraś ca) is supplied.

Verse 20 (5.4.20)

जानकिश्च सुशर्मा च मणिमान्पौतिमत्स्यकः । पांशुराष्ट्राधिपश्चैव धृष्टकेतुश्च वीर्यवान् ॥

jānakiśca suśarmā ca maṇimānpautimatsyakaḥ | pāṃśurāṣṭrādhipaścaiva dhṛṣṭaketuśca vīryavān

Janaki, Susharman, Manimat and Pautimatsyaka; the lord of Pamsurashtra and the valiant Dhrishtaketu;

Note on the text: Corrected मणिमान्योतिमत्सकः → मणिमान्पौतिमत्स्यकः (misprint in Wikisource; योतिमत्सक is no known name, critical edition maṇimān pautimatsyakaḥ).

Verse 21 (5.4.21)

तुण्डश्च दण्डधारश्च बृहत्सेनश्च वीर्यवान् । अपराजितो निषादश्च श्रेणिमान्वसुमानपि ॥

tuṇḍaśca daṇḍadhāraśca bṛhatsenaśca vīryavān | aparājito niṣādaśca śreṇimānvasumānapi

Tunda, Dandadhara and the valiant Brihatsena; Aparajita, Nishada, Shrenimat and Vasumat as well;

Verse 22 (5.4.22)

बृहद्बलो महौजाश्च बाहुः परपुरंजयः । समुद्रसेनो राजा च सह पुत्रेण वीर्यवान् ॥

bṛhadbalo mahaujāśca bāhuḥ parapuraṃjayaḥ | samudraseno rājā ca saha putreṇa vīryavān

Brihadbala, Mahaujas, and Bahu, conqueror of enemy cities; King Samudrasena together with his valiant son;

Verse 23 (5.4.23)

उद्भवः क्षेमकश्चैव वाटधानश्च पार्थिवः । श्रुतायुश्च दृढायुश्च साल्वपुत्रश्च वीर्यवान् ॥

udbhavaḥ kṣemakaścaiva vāṭadhānaśca pārthivaḥ | śrutāyuśca dṛḍhāyuśca sālvaputraśca vīryavān

Udbhava, Kshemaka and King Vatadhana; Shrutayu, Dridhayu and the valiant son of Shalva;

Verse 24 (5.4.24)

कुमारश्च कलिङ्गानामीश्वरो युद्धदुर्मदः । एतेषां प्रेष्यतां शीघ्रमेतद्धि मम रोचते ॥

kumāraśca kaliṅgānāmīśvaro yuddhadurmadaḥ | eteṣāṃ preṣyatāṃ śīghrametaddhi mama rocate

and Kumara, lord of the Kalingas, fierce in battle. Let word be sent quickly to all of these; this is what I favour.

Verse 25 (5.4.25)

अयं च ब्राह्मणो विद्वान्मम राजन्पुरोहितः । प्रेष्यतां धृतराष्ट्राय वाक्यमस्मै प्रदीयताम् ॥

ayaṃ ca brāhmaṇo vidvānmama rājanpurohitaḥ | preṣyatāṃ dhṛtarāṣṭrāya vākyamasmai pradīyatām

And let this learned brahmin, my family priest, O king, be sent to Dhritarashtra, and let him be given the message to deliver:

Verse 26 (5.4.26)

यथा दुर्योधनो वाच्यो यथा शान्तनवो नृपः । धृतराष्ट्रो यथा वाच्यो द्रोणश्च रथिनां वरः ॥

yathā duryodhano vācyo yathā śāntanavo nṛpaḥ | dhṛtarāṣṭro yathā vācyo droṇaśca rathināṃ varaḥ

what is to be said to Duryodhana, what to King Bhishma, son of Shantanu, what to Dhritarashtra, and what to Drona, best of chariot-warriors."

Note on the text: Corrected सान्तनवो → शान्तनवो (misprint in Wikisource; स for श in the patronymic of Shantanu, critical edition śāṃtanavo).