Yudhishthira's Greetings to the Kurus

Verse 1 (5.30.1)

आमन्त्रये त्वां नरदेवदेव । गच्छाम्यहं पाण्डव स्वस्ति तेऽस्तु । कच्चिन्न वाचा वृजिनं हि किंचि- । दुच्चारितं मे मनसोऽभिषङ्गात् ॥

āmantraye tvāṃ naradevadeva | gacchāmyahaṃ pāṇḍava svasti te'stu | kaccinna vācā vṛjinaṃ hi kiṃci- | duccāritaṃ me manaso'bhiṣaṅgāt

"I take my leave of you, O god among the gods of men. I am going, son of Pandu; may all be well with you. I hope no wrong word has escaped my lips because my mind was carried away."

Verse 2 (5.30.2)

जनार्दनं भीमसेनार्जुनौ च । माद्रीसुतौ सात्यकिं चेकितानम् । आमन्त्र्य गच्छामि शिवं सुखं वः । सौम्येन मां पश्यत चक्षुषा नृपाः ॥

janārdanaṃ bhīmasenārjunau ca | mādrīsutau sātyakiṃ cekitānam | āmantrya gacchāmi śivaṃ sukhaṃ vaḥ | saumyena māṃ paśyata cakṣuṣā nṛpāḥ

"Taking leave of Janardana, of Bhimasena and Arjuna, of the two sons of Madri, of Satyaki and Chekitana, I depart. May good fortune and happiness be yours. Look on me with kindly eyes, O kings."

Verse 3 (5.30.3)

अनुज्ञातः सञ्जय स्वस्ति गच्छ । न नः स्मरस्यप्रियं जातु विद्वन् । विद्मश्च त्वां ते च वयं च सर्वे । शुद्धात्मानं मध्यगतं सभास्थम् ॥

anujñātaḥ sañjaya svasti gaccha | na naḥ smarasyapriyaṃ jātu vidvan | vidmaśca tvāṃ te ca vayaṃ ca sarve | śuddhātmānaṃ madhyagataṃ sabhāstham

"You have our leave, Sanjaya; go in peace. You never bear us ill will, learned one. They and we all know you to be pure of heart, an impartial man in the assembly."

Verse 4 (5.30.4)

आप्तो दूतः सञ्जय सुप्रियोऽसि । कल्याणवाक् शीलवांस्तृप्तिमांश्च । न मुह्येस्त्वं सञ्जय जातु मत्या । न च क्रुद्ध्येरुच्यमानोऽपि तत्त्वम् ॥

āpto dūtaḥ sañjaya supriyo'si | kalyāṇavāk śīlavāṃstṛptimāṃśca | na muhyestvaṃ sañjaya jātu matyā | na ca kruddhyerucyamāno'pi tattvam

"You are a trusted envoy, Sanjaya, and very dear to us — gracious in speech, of good character and content. Your judgment is never clouded, Sanjaya, and you do not grow angry even when you are told the plain truth."

Verse 5 (5.30.5)

न मर्मगां जातु वक्ताऽसि रूक्षां । नोपश्रुतिं कटुकां नोत शुष्काम् । धर्मारामामर्थवतीमहिंस्रा- । मेतां वाचं तव जानीम सूत ॥

na marmagāṃ jātu vaktā'si rūkṣāṃ | nopaśrutiṃ kaṭukāṃ nota śuṣkām | dharmārāmāmarthavatīmahiṃsrā- | metāṃ vācaṃ tava jānīma sūta

"You never speak harsh words that wound to the quick, nor bitter talk, nor dry and empty words. We know your speech, O Suta, to be this: delighting in dharma, full of meaning and free of cruelty."

Note on the text: Corrected नोति → नोत (misprint in Wikisource; नोति is not a word here — the critical edition reads nota, "nor yet").

Verse 6 (5.30.6)

त्वमेव नः प्रियतमोऽसि दूत । इहागच्छेद्विदुरो वा द्वितीयः । अभीक्ष्णदृष्टोऽसि पुरातनस्त्वं । धनञ्जयस्यात्मसमः सखाऽसि ॥

tvameva naḥ priyatamo'si dūta | ihāgacchedviduro vā dvitīyaḥ | abhīkṣṇadṛṣṭo'si purātanastvaṃ | dhanañjayasyātmasamaḥ sakhā'si

"You above all are the envoy dearest to us; Vidura might come here as a second. We have seen you often since long ago, and you are a friend as dear to Dhananjaya as his own self."

Verse 7 (5.30.7)

इतो गत्वा सञ्जय क्षिप्रमेव । उपातिष्ठेथा ब्राह्मणान्ये तदर्हाः । विशुद्धवीर्याश्चरणोपपन्नाः । कुले जाताः सर्वधर्मोपपन्नाः ॥

ito gatvā sañjaya kṣiprameva | upātiṣṭhethā brāhmaṇānye tadarhāḥ | viśuddhavīryāścaraṇopapannāḥ | kule jātāḥ sarvadharmopapannāḥ

"When you have gone from here, Sanjaya, wait without delay upon the brahmins who deserve it — men of pure power and good conduct, nobly born and endowed with every virtue."

Note on the text: Corrected सर्वधर्मापपन्नाः → सर्वधर्मोपपन्नाः (misprint in Wikisource; the critical edition reads sarvadharmopapannān).

Verse 8 (5.30.8)

स्वाध्यायिनो ब्राह्मणा भिक्षवश्च । तपस्विनो ये च नित्या वनेषु । अभिवाद्य तान्मद्वचनेन वृद्धां- । स्तथैव तान्कुशलं तात पृच्छेः ॥

svādhyāyino brāhmaṇā bhikṣavaśca | tapasvino ye ca nityā vaneṣu | abhivādya tānmadvacanena vṛddhāṃ- | stathaiva tānkuśalaṃ tāta pṛccheḥ

"The brahmins devoted to the study of the Veda, the mendicants, and the ascetics who live always in the forests — salute these elders in my name, my friend, and then ask after their welfare."

Verse 9 (5.30.9)

पुरोहितं धृतराष्ट्रस्य राज्ञ- । स्तथाचार्यानृत्विजो ये च तस्य । तांश्चैव त्वं सहितान्वै यथावत् । सङ्गच्छेथाः कुशलेनैव सूत ॥

purohitaṃ dhṛtarāṣṭrasya rājña- | stathācāryānṛtvijo ye ca tasya | tāṃścaiva tvaṃ sahitānvai yathāvat | saṅgacchethāḥ kuśalenaiva sūta

"Meet King Dhritarashtra's family priest, and his teachers and the priests who perform his sacrifices, all together and as is fitting, and greet them with good wishes, O Suta."

Note on the text: Spacing corrected: तांश्चैवत्वं → तांश्चैव त्वं (two words run together in Wikisource). Wording unchanged.

Verse 10 (5.30.10)

अश्रोत्रिया ये च वसन्ति वृद्धा । मनस्विनः शीलबलोपपन्नाः । आशंसन्तोऽस्माकमनुस्मरन्तो । यथाशक्ति धर्ममात्रां चरन्तः ॥

aśrotriyā ye ca vasanti vṛddhā | manasvinaḥ śīlabalopapannāḥ | āśaṃsanto'smākamanusmaranto | yathāśakti dharmamātrāṃ carantaḥ

"The elders who live there though they are not learned in the Veda, high-minded men rich in character and strength, who wish us well and remember us, and who practise dharma in their measure as far as they are able —"

Note on the text: Not in the critical edition (found in the vulgate recension; the critical edition gives it in its apparatus, 5.30.9d*0150 lines 1–4).

Verse 11 (5.30.11)

श्लाघस्व मां कुशलिनं स्म तेभ्यो । ह्यनामयं तात पृच्छेर्जघन्यम् । ये जीवन्ति व्यवहारेण राष्ट्रे । ये पालयन्तो निवसन्ति राष्ट्रे । कृषीवला बिभ्रति ये च लोकं । तेषां सर्वेषां कुशलं स्म पृच्छेः ॥

ślāghasva māṃ kuśalinaṃ sma tebhyo | hyanāmayaṃ tāta pṛccherjaghanyam | ye jīvanti vyavahāreṇa rāṣṭre | ye pālayanto nivasanti rāṣṭre | kṛṣīvalā bibhrati ye ca lokaṃ | teṣāṃ sarveṣāṃ kuśalaṃ sma pṛccheḥ

"— speak well of me to them and tell them I am in good health, my friend, and after that ask about their own. Those who live by trade in the kingdom, those who dwell in the kingdom guarding it, and the farmers who sustain the world — ask after the welfare of all of them."

Note on the text: Restored the first five lines from the critical edition's apparatus (5.30.9d*0150 lines 5–6, *0152 lines 1–2, *0153 line 1): Wikisource keeps only the last line of this six-line verse (its 11f), which is *0153 line 2. The Wikisource commentary on 5-30-11 glosses श्लाघस्व, जघन्यम् and व्यवहारेण … पालयन्तः, confirming the lost lines (the two-line *0151 is not glossed and is not added). Corrected सर्वषां → सर्वेषां (misprint) and removed a stray double danda and quote mark. Not in the critical edition (vulgate recension; apparatus only).

Verse 12 (5.30.12)

आचार्य इष्टो नयगो विधेयो । वेदानभीप्सन्ब्रह्मचर्यं चचार । योऽस्त्रं चतुष्पात्पुनरेव चक्रे । द्रोणः प्रसन्नोऽभिवाद्यस्त्वयासौ ॥

ācārya iṣṭo nayago vidheyo | vedānabhīpsanbrahmacaryaṃ cacāra | yo'straṃ catuṣpātpunareva cakre | droṇaḥ prasanno'bhivādyastvayāsau

"The beloved teacher, prudent and dutiful, who kept the vow of a celibate student out of longing for the Vedas, and who made the science of arms whole again in all its four parts — that Drona, gracious to us, you must salute."

Verse 13 (5.30.13)

अधीतविद्यश्चरणोपपन्नो । योऽस्त्रं चतुष्पात्पुनरेव चक्रे । गन्धर्वपुत्रप्रतिमं तरस्विनं । तमश्वत्थामानं कुशलं स्म पृच्छेः ॥

adhītavidyaścaraṇopapanno | yo'straṃ catuṣpātpunareva cakre | gandharvaputrapratimaṃ tarasvinaṃ | tamaśvatthāmānaṃ kuśalaṃ sma pṛccheḥ

"Ask after the welfare of Ashvatthaman — learned and of good conduct, who also made the science of arms whole again in all its four parts, swift and strong, and handsome as a son of the Gandharvas."

Verse 14 (5.30.14)

शारद्वतस्यावसथं स्म गत्वा । महारथस्यात्मविदां वरस्य । त्वं मामभीक्ष्णं परिकीर्तयन्वै । कृपस्य पादौ सञ्जय पाणिना स्पृशेः ॥

śāradvatasyāvasathaṃ sma gatvā | mahārathasyātmavidāṃ varasya | tvaṃ māmabhīkṣṇaṃ parikīrtayanvai | kṛpasya pādau sañjaya pāṇinā spṛśeḥ

"Go to the house of Sharadvat's son, the great chariot-warrior, foremost of those who know the Self, and, speaking my name again and again, touch the feet of Kripa with your hand, Sanjaya."

Verse 15 (5.30.15)

यस्मिन्शौर्यमानृशंस्यं तपश्च । प्रज्ञा शीलं श्रुतरूपे धृतिश्च । पादौ गृहीत्वा कुरुसत्तमस्य । भीष्मस्य मां तत्र निवेदयेथाः ॥

yasminśauryamānṛśaṃsyaṃ tapaśca | prajñā śīlaṃ śrutarūpe dhṛtiśca | pādau gṛhītvā kurusattamasya | bhīṣmasya māṃ tatra nivedayethāḥ

"He in whom dwell valour, kindness and austerity, wisdom, good character, learning, beauty and steadfastness — clasp the feet of Bhishma, best of the Kurus, and present me to him there."

Verse 16 (5.30.16)

प्रज्ञाचक्षुर्यः प्रणेता कुरूणां । बहुश्रुतो वृद्धसेवी मनीषी । तस्मै राज्ञे स्थविरायाभिवाद्य । आचक्षीथाः सञ्जय मामरोगम् ॥

prajñācakṣuryaḥ praṇetā kurūṇāṃ | bahuśruto vṛddhasevī manīṣī | tasmai rājñe sthavirāyābhivādya | ācakṣīthāḥ sañjaya māmarogam

"The aged king whose eye is wisdom, the leader of the Kurus, deeply learned, attentive to his elders and wise — salute him, Sanjaya, and tell him that I am in good health."

Verse 17 (5.30.17)

ज्येष्ठः पुत्रो धृतराष्ट्रस्य मन्दो । मूर्खः शठः सञ्जय पापशीलः । यस्यापवादः पृथिवीं याति सर्वां । सुयोधनं कुशलं तात पृच्छेः ॥

jyeṣṭhaḥ putro dhṛtarāṣṭrasya mando | mūrkhaḥ śaṭhaḥ sañjaya pāpaśīlaḥ | yasyāpavādaḥ pṛthivīṃ yāti sarvāṃ | suyodhanaṃ kuśalaṃ tāta pṛccheḥ

"Dhritarashtra's eldest son is dull-witted, foolish and deceitful, Sanjaya, and wicked by nature, and his ill name travels over the whole earth — ask Suyodhana how he fares, my friend."

Verse 18 (5.30.18)

भ्राता कनीयानपि तस्य मन्द- । स्तथाशीलः सञ्जय सोऽपि शश्वत् । महेष्वासः शूरतमः कुरूणां । दुःशासनः कुशलं तात वाच्यः ॥

bhrātā kanīyānapi tasya manda- | stathāśīlaḥ sañjaya so'pi śaśvat | maheṣvāsaḥ śūratamaḥ kurūṇāṃ | duḥśāsanaḥ kuśalaṃ tāta vācyaḥ

"His younger brother too is dull-witted, Sanjaya, and always of the same character; a great archer, the bravest of the Kurus — Duhshasana should be asked how he fares, my friend."

Note on the text: Corrected सोपि → सोऽपि (missing avagraha in Wikisource; the critical edition reads so 'pi).

Verse 19 (5.30.19)

यस्य कामो वर्तते नित्यमेव । नान्यः शमाद्भारतानामिति स्म । स बाह्लिकानामृषभो मनीषी । पुनर्यथा माऽभिवदेत्प्रसन्नः ॥

yasya kāmo vartate nityameva | nānyaḥ śamādbhāratānāmiti sma | sa bāhlikānāmṛṣabho manīṣī | punaryathā mā'bhivadetprasannaḥ

"He whose wish is always this and nothing else, that there be peace among the Bharatas — that wise bull of the Bahlikas: greet him so that he, pleased, may speak kindly to me again."

Verse 20 (5.30.20)

भूरिश्रवास्तात निपातयोधी । महेष्वासो रथिनामुत्तमोऽग्र्यः । गत्वा स्म तं मद्वचनेन ब्रूयाः । शल्यं तथा मद्वचनात्प्रतीतः ॥

bhūriśravāstāta nipātayodhī | maheṣvāso rathināmuttamo'gryaḥ | gatvā sma taṃ madvacanena brūyāḥ | śalyaṃ tathā madvacanātpratītaḥ

"Bhurishravas, my friend, who fights by striking his foes down, a great archer, first and foremost of chariot-warriors — go to him and speak to him in my name; and likewise, gladly and in my name, to Shalya —"

Note on the text: Not in the critical edition (found in the vulgate recension; the critical edition gives it in its apparatus, 5.30.21d*0156 lines 1–4). Removed a stray backtick (`) before the verse (Wikisource formatting debris).

Verse 21 (5.30.21)

महेष्वासो रथिनामुत्तमोऽग्र्यः । समः शलो रक्षिता पृष्ठमस्य । ह्रीनिषेधो देविता वै मताक्षः । सत्यव्रतः पुरुमित्रो जयश्च । ये प्रस्थानं तत्र मे नाभ्यनन्दं- । स्तेषां सर्वेषां कुशलं तात पृच्छेः ॥

maheṣvāso rathināmuttamo'gryaḥ | samaḥ śalo rakṣitā pṛṣṭhamasya | hrīniṣedho devitā vai matākṣaḥ | satyavrataḥ purumitro jayaśca | ye prasthānaṃ tatra me nābhyanandaṃ- | steṣāṃ sarveṣāṃ kuśalaṃ tāta pṛccheḥ

"— the great archer, foremost among chariot-warriors; Shala, his equal, who guards his back; the gambler skilled at dice who has put shame aside; Satyavrata, Purumitra and Jaya; and all those there who were not glad at my going away — ask after the welfare of all of them, my friend."

Note on the text: Restored the first five lines from the critical edition's apparatus (5.30.21d*0156 lines 5–9): Wikisource keeps only the last line of this six-line verse (its 21f, = *0156 line 10), whose opening स् is the tail of line 9 (नाभ्यनन्दंस्). Removed a stray double danda and quote mark. Not in the critical edition (vulgate recension; apparatus only).

Verse 22 (5.30.22)

गुणैरनेकैः प्रवरैश्च युक्तो । विज्ञानवान्नैव च निष्ठुरो यः । स्नेहादमर्षं सहते सदैव । स सोमदत्तः पूजनीयो मतो मे ॥

guṇairanekaiḥ pravaraiśca yukto | vijñānavānnaiva ca niṣṭhuro yaḥ | snehādamarṣaṃ sahate sadaiva | sa somadattaḥ pūjanīyo mato me

"Endowed with many excellent virtues, discerning and never harsh, who out of affection always bears with impatience — that Somadatta I hold worthy of honour."

Verse 23 (5.30.23)

अर्हत्तमः कुरुषु सौमदत्तिः । स नो भ्राता संजय मत्सखा च । महेष्वासो रथिनामुत्तमोऽर्हः । सहामात्यः कुशलं तस्य पृच्छेः ॥

arhattamaḥ kuruṣu saumadattiḥ | sa no bhrātā saṃjaya matsakhā ca | maheṣvāso rathināmuttamo'rhaḥ | sahāmātyaḥ kuśalaṃ tasya pṛccheḥ

"Somadatta's son is the most worthy among the Kurus; he is our brother, Sanjaya, and my friend, a great archer, the best and worthiest of chariot-warriors — ask after his welfare and that of his ministers."

Verse 24 (5.30.24)

ये चैवान्ये कुरुमुख्या युवानः । पुत्राः पौत्रा भ्रातरश्चैव ये नः । यंयमेषां मन्यसे येन योग्यं । तत्तत्प्रोच्यानामयं सूत वाच्याः ॥

ye caivānye kurumukhyā yuvānaḥ | putrāḥ pautrā bhrātaraścaiva ye naḥ | yaṃyameṣāṃ manyase yena yogyaṃ | tattatprocyānāmayaṃ sūta vācyāḥ

"And the other young leaders of the Kurus, who are our sons, grandsons and brothers — whichever of them you judge fit for whatever word, say that word to each, O Suta, and ask after their health."

Verse 25 (5.30.25)

ये राजानः पाण्डवायोधनाय । समानीता धार्तराष्ट्रेण केचित् । वशातयः साल्वकाः केकयाश्च । तथाम्बष्ठा ये त्रिगर्ताश्च मुख्याः ॥

ye rājānaḥ pāṇḍavāyodhanāya | samānītā dhārtarāṣṭreṇa kecit | vaśātayaḥ sālvakāḥ kekayāśca | tathāmbaṣṭhā ye trigartāśca mukhyāḥ

"The kings whom Dhritarashtra's son has brought together to fight the Pandavas — the Vasatis, the Shalvakas and the Kekayas, the Ambashthas and the leading Trigartas —"

Verse 26 (5.30.26)

प्राच्योदीच्या दाक्षिण्यात्याश्च शूरा- । स्तथा प्रतीच्याः पार्वतीयाश्च सर्वे । अनृशंसाः शीलवृत्तोपपन्ना- । स्तेषां सर्वेषां कुशलं सूत पृच्छेः ॥

prācyodīcyā dākṣiṇyātyāśca śūrā- | stathā pratīcyāḥ pārvatīyāśca sarve | anṛśaṃsāḥ śīlavṛttopapannā- | steṣāṃ sarveṣāṃ kuśalaṃ sūta pṛccheḥ

"the heroes of the east, the north and the south, and those of the west, and all the mountain peoples — men without cruelty, of good character and conduct — ask after the welfare of all of them, O Suta."

Note on the text: Corrected शीलवृत्तोपुन्ना- → शीलवृत्तोपपन्ना- (misprint in Wikisource; the critical edition reads śīlavṛttopapannās).

Verse 27 (5.30.27)

हस्त्यारोहा रथिनः सादिनश्च । पदातयश्चार्यसङ्घा महान्तः । आख्याय मां कुशलिनं स्म नित्य- । मनामयं परिपृच्छेः समग्रान् ॥

hastyārohā rathinaḥ sādinaśca | padātayaścāryasaṅghā mahāntaḥ | ākhyāya māṃ kuśalinaṃ sma nitya- | manāmayaṃ paripṛccheḥ samagrān

"The elephant-riders, the chariot-fighters and the horsemen, and the great companies of noble foot-soldiers — tell them that I am always well, and ask all of them about their health."

Verse 28 (5.30.28)

तथा राज्ञो ह्यर्थयुक्तानमात्यान् । दौवारिकान्ये च सेनां नयन्ति । आयव्ययं ये गमयन्ति नित्य- । मर्थांश्च ये महतश्चिन्तयन्ति ॥

tathā rājño hyarthayuktānamātyān | dauvārikānye ca senāṃ nayanti | āyavyayaṃ ye gamayanti nitya- | marthāṃśca ye mahataścintayanti

"Likewise the king's ministers who manage his affairs, the doorkeepers, those who lead the army, those who reckon the income and expenditure every day, and those who ponder the great affairs of state —"

Verse 29 (5.30.29)

वृन्दारकं कुरुमध्येष्वमूढं । महाप्रज्ञं सर्वधर्मोपपन्नम् । न तस्य युद्धं रोचते वै कदाचि- । द्वैश्यापुत्रं कुशलं तात पृच्छेः ॥

vṛndārakaṃ kurumadhyeṣvamūḍhaṃ | mahāprajñaṃ sarvadharmopapannam | na tasya yuddhaṃ rocate vai kadāci- | dvaiśyāputraṃ kuśalaṃ tāta pṛccheḥ

"The excellent one, never bewildered among the Kurus, deeply wise and endowed with every virtue, who has never taken pleasure in war — ask the son of the Vaishya woman how he fares, my friend."

Verse 30 (5.30.30)

निकर्तने देवने योऽद्वितीय- । श्छन्नोपधः साधुदेवी मताक्षः । यो दुर्जयो देवरथेन सङ्ख्ये । स चित्रसेनः कुशलं तात वाच्यः ॥

nikartane devane yo'dvitīya- | śchannopadhaḥ sādhudevī matākṣaḥ | yo durjayo devarathena saṅkhye | sa citrasenaḥ kuśalaṃ tāta vācyaḥ

"He who has no equal at cheating in the game of dice, who hides his tricks, a fine player whose dice obey him, and who in battle is hard to overcome on his godlike chariot — that Chitrasena should be asked how he fares, my friend."

Verse 31 (5.30.31)

गान्धारराजः शकुनिः पार्वतीयो । निकर्तने योऽद्वितीयोऽक्षदेवी । मानं कुर्वन्धार्तराष्ट्रस्य सूत । मिथ्याबुद्धेः कुशलं तात पृच्छेः ॥

gāndhārarājaḥ śakuniḥ pārvatīyo | nikartane yo'dvitīyo'kṣadevī | mānaṃ kurvandhārtarāṣṭrasya sūta | mithyābuddheḥ kuśalaṃ tāta pṛccheḥ

"Shakuni, the mountain king of Gandhara, who has no equal at cheating and gambles with dice, who feeds the pride of Dhritarashtra's son, O Suta — ask that man of false mind how he fares, my friend."

Verse 32 (5.30.32)

यः पाण्डवानेकरथेन वीरः । समुत्सहत्यप्रधृष्यान्विजेतुम् । यो मुह्यतां मोहयिताऽद्वितीयो । वैकर्तनः कुशलं तस्य पृच्छेः ॥

yaḥ pāṇḍavānekarathena vīraḥ | samutsahatyapradhṛṣyānvijetum | yo muhyatāṃ mohayitā'dvitīyo | vaikartanaḥ kuśalaṃ tasya pṛccheḥ

"The hero who is eager to conquer with a single chariot the Pandavas, who cannot be overcome; who has no equal at deluding those already deluded — ask after the welfare of Vaikartana Karna."

Note on the text: Corrected समुत्सहत्यप्रधृप्यान् → समुत्सहत्यप्रधृष्यान् (misprint in Wikisource; the critical edition reads apradhṛṣyān).

Verse 33 (5.30.33)

स एव भक्तः स गुरुः स भर्ता । स वै पिता स च माता सुहृच्च । अगाधबुद्धिर्विदुरो दीर्घदर्शी । स नो मन्त्री कुशलं तं स्म पृच्छेः ॥

sa eva bhaktaḥ sa guruḥ sa bhartā | sa vai pitā sa ca mātā suhṛcca | agādhabuddhirviduro dīrghadarśī | sa no mantrī kuśalaṃ taṃ sma pṛccheḥ

"He alone is our devoted one, he our teacher, he our support, he our father, our mother and our friend; Vidura of unfathomable mind, the far-seeing, is our counsellor — ask after his welfare."

Verse 34 (5.30.34)

वृद्धाः स्त्रियो याश्च गुणोपपन्ना । ज्ञायन्ते नः सञ्जय मातरस्ताः । ताभिः सर्वाभिः सहिताभिः समेत्य । स्त्रीभिः सवृद्धाभिरभिवादं वदेथाः ॥

vṛddhāḥ striyo yāśca guṇopapannā | jñāyante naḥ sañjaya mātarastāḥ | tābhiḥ sarvābhiḥ sahitābhiḥ sametya | strībhiḥ savṛddhābhirabhivādaṃ vadethāḥ

"The aged women endowed with virtue, whom we know as our mothers, Sanjaya — meet them all together, and offer my salutation to the women and the elders among them."

Verse 35 (5.30.35)

कच्चित्पुत्रा जीवपुत्राः सुसम्य- । ग्वर्तन्ते वो वृत्तिमनृशंसरूपाः । इति स्मोक्त्वा सञ्जय ब्रूहि पश्चा- । दजातशत्रुः कुशली सपुत्रः ॥

kaccitputrā jīvaputrāḥ susamya- | gvartante vo vṛttimanṛśaṃsarūpāḥ | iti smoktvā sañjaya brūhi paścā- | dajātaśatruḥ kuśalī saputraḥ

"'Mothers of living sons, do your sons behave towards you rightly and without unkindness?' When you have said this, Sanjaya, tell them afterwards: 'Ajatashatru is well, together with his sons.'"

Note on the text: Corrected स्मोत्का → स्मोक्त्वा (misprint in Wikisource; the critical edition reads smoktvā).

Verse 36 (5.30.36)

राज्ञो भार्याः सञ्जय वेत्थ तत्र । तासां सर्वासां कुशलं तात पृच्छेः । सुसंगुप्ताः सुरभयोऽनवद्याः । कच्चिद्गृहानावसथाप्रमत्ताः ॥

rājño bhāryāḥ sañjaya vettha tatra | tāsāṃ sarvāsāṃ kuśalaṃ tāta pṛccheḥ | susaṃguptāḥ surabhayo'navadyāḥ | kaccidgṛhānāvasathāpramattāḥ

"The king's wives whom you know there, Sanjaya — ask after the welfare of all of them, my friend: 'Are you well guarded, fragrant and blameless? Do you live in your homes with care?'"

Verse 37 (5.30.37)

कच्चिद्वृत्तिं श्वशुरेषु भद्राः । कल्याणीं वर्तध्वमनृशंसरूपाम् । यथा च वः स्युः पतयोऽनुकूला- । स्तथा वृत्तिमात्मनः स्थापयध्वम् ॥

kaccidvṛttiṃ śvaśureṣu bhadrāḥ | kalyāṇīṃ vartadhvamanṛśaṃsarūpām | yathā ca vaḥ syuḥ patayo'nukūlā- | stathā vṛttimātmanaḥ sthāpayadhvam

"'Good ladies, do you behave towards your fathers-in-law in a gracious way, free of harshness? Shape your own conduct so that your husbands are well disposed towards you.'"

Verse 38 (5.30.38)

या नः स्नुषाः सञ्जय वेत्थ तत्र । प्राप्ताः कुलेभ्यश्च गुणोपपन्नाः । प्रजावत्यो ब्रूहि समेत्य ताश्च । युधिष्ठिरो वोऽभ्यवदत्प्रसन्नः ॥

yā naḥ snuṣāḥ sañjaya vettha tatra | prāptāḥ kulebhyaśca guṇopapannāḥ | prajāvatyo brūhi sametya tāśca | yudhiṣṭhiro vo'bhyavadatprasannaḥ

"The daughters-in-law of ours whom you know there, Sanjaya, who have come from good families and are endowed with virtue, mothers of children — meet them too and say: 'Yudhishthira greets you with affection.'"

Verse 39 (5.30.39)

कन्याः स्वजेथाः सदनेषु सञ्जय । अनामयं मद्वचनेन पृष्ट्वा । कल्याणा वः सन्तु पतयोऽनुकूला । यूयं पतीनां भवतानुकूलाः ॥

kanyāḥ svajethāḥ sadaneṣu sañjaya | anāmayaṃ madvacanena pṛṣṭvā | kalyāṇā vaḥ santu patayo'nukūlā | yūyaṃ patīnāṃ bhavatānukūlāḥ

"Embrace the maidens in their homes, Sanjaya, and when you have asked after their health in my name, say: 'May you have good husbands who are kind to you, and may you be kind to your husbands.'"

Verse 40 (5.30.40)

अलङ्कृता वस्त्रवत्यः सुगन्धा । अबीभत्साः सुखिता भोगवत्यः । लघु यासां दर्शनं वाक्च लघ्वी । वेशस्त्रियः कुशलं तात पृच्छेः ॥

alaṅkṛtā vastravatyaḥ sugandhā | abībhatsāḥ sukhitā bhogavatyaḥ | laghu yāsāṃ darśanaṃ vākca laghvī | veśastriyaḥ kuśalaṃ tāta pṛccheḥ

"The courtesans — adorned, well dressed and fragrant, pleasing, happy and living in comfort, whose glances and words are light and easy — ask after their welfare, my friend."

Note on the text: Corrected वाक्व → वाक्च (misprint in Wikisource; the critical edition reads vāk ca).

Verse 41 (5.30.41)

दास्यः स्युर्या ये च दासाः कुरूणां । तदाश्रया बहवः कुब्जखञ्जाः । आख्याय मां कुशलिनं स्म तेभ्यो- । ऽप्यनामयं परिपृच्छेर्जघन्यम् ॥

dāsyaḥ syuryā ye ca dāsāḥ kurūṇāṃ | tadāśrayā bahavaḥ kubjakhañjāḥ | ākhyāya māṃ kuśalinaṃ sma tebhyo- | 'pyanāmayaṃ paripṛccherjaghanyam

"The serving women and the servants of the Kurus, and the many hunchbacked and lame who depend on them — tell them that I am well, and after that ask about their health."

Verse 42 (5.30.42)

कच्चिद्वृत्तिं वर्तते वै पुराणीं । कच्चिद्भोगान्धार्तराष्ट्रो ददाति । अङ्गहीनान्कृपणान्वामनान्वा । यानानृशंस्याद्धार्तराष्ट्रो बिभर्ति ॥

kaccidvṛttiṃ vartate vai purāṇīṃ | kaccidbhogāndhārtarāṣṭro dadāti | aṅgahīnānkṛpaṇānvāmanānvā | yānānṛśaṃsyāddhārtarāṣṭro bibharti

"Ask whether the maimed, the destitute and the dwarfs whom Dhritarashtra's son supports out of kindness still have their old livelihood, and whether he gives them what they need to live."

Note on the text: Corrected दार्तराष्ट्रो → धार्तराष्ट्रो (misprint in Wikisource; the critical edition reads dhārtarāṣṭro).

Verse 43 (5.30.43)

अन्धाश्च सर्वे बधिरास्तथैव । हस्ताजीवा बहवो येऽत्र सन्ति । आख्याय मां कुशलिनं स्म तेभ्यो- । ऽप्यनामयं परिपृच्छेर्जघन्यम् ॥

andhāśca sarve badhirāstathaiva | hastājīvā bahavo ye'tra santi | ākhyāya māṃ kuśalinaṃ sma tebhyo- | 'pyanāmayaṃ paripṛccherjaghanyam

"All the blind and likewise the deaf, and the many here who live by the work of their hands — tell them that I am well, and after that ask about their health."

Verse 44 (5.30.44)

मा भैष्ट दुःखेन कुजीवितेन । नूनं कृतं परलोकेषु पापम् । निगृह्य शत्रून्सुहृदोऽनुगृह्य । वासोभिरन्नेन च वो भरिष्ये ॥

mā bhaiṣṭa duḥkhena kujīvitena | nūnaṃ kṛtaṃ paralokeṣu pāpam | nigṛhya śatrūnsuhṛdo'nugṛhya | vāsobhirannena ca vo bhariṣye

"'Do not be afraid because of your sorrow and your hard lives; surely this comes of sin committed in former worlds. When I have subdued my enemies and favoured my friends, I will support you with clothing and food.'"

Verse 45 (5.30.45)

न चाप्येतच्छक्यमेकेन वक्तुं । नानादेश्या बहवो जातिसंघाः । विप्रोषितो बालवद्द्रष्टुमिच्छन् । नमस्येऽहं संजय भैमसेनान् । ते मे यथा वाचमिमां यथोक्तां । त्वयोच्यमानां शृणुयुस्तथा कुरु ॥

na cāpyetacchakyamekena vaktuṃ | nānādeśyā bahavo jātisaṃghāḥ | viproṣito bālavaddraṣṭumicchan | namasye'haṃ saṃjaya bhaimasenān | te me yathā vācamimāṃ yathoktāṃ | tvayocyamānāṃ śṛṇuyustathā kuru

"It is not possible for one man to name them all — the many peoples of many lands and of many castes. Long parted from them and longing like a child to see them, I bow, Sanjaya, to the descendants of Bhimasena. See that they hear this message of mine, spoken by you just as I have given it."

Note on the text: Restored the first five lines from the critical edition's apparatus (5.30.40d*0159 lines 1–5): Wikisource keeps only the last line of this six-line verse (its 45f, = *0159 line 6). Corrected श्रृणुयुक्तथा → शृणुयुस्तथा (misprint in Wikisource; the apparatus reads śṛṇuyus tathā). Not in the critical edition (vulgate recension; apparatus only).

Verse 46 (5.30.46)

सन्त्येव मे ब्राह्मणेभ्यः कृतानि । भावीन्यथो नो बत वर्तयन्ति । तान्पश्यामि युक्तरूपांस्तथैव । तामेव सिद्धिं श्रावयेथा नृपं तम् ॥

santyeva me brāhmaṇebhyaḥ kṛtāni | bhāvīnyatho no bata vartayanti | tānpaśyāmi yuktarūpāṃstathaiva | tāmeva siddhiṃ śrāvayethā nṛpaṃ tam

"There are grants I have made to brahmins that were meant to continue, but now, alas, they are not kept up for us. I still regard them as rightly made; make that king hear of that very settlement."

Verse 47 (5.30.47)

ये चानाथा दुर्बलाः सर्वकाल- । मात्मन्येव प्रयतन्तेऽथ मूढाः । तांश्चापि त्वं कृपणान्सर्वथैव । ह्यस्मद्वाक्यात्कुशलं तात पृच्छेः ॥

ye cānāthā durbalāḥ sarvakāla- | mātmanyeva prayatante'tha mūḍhāḥ | tāṃścāpi tvaṃ kṛpaṇānsarvathaiva | hyasmadvākyātkuśalaṃ tāta pṛccheḥ

"Those who are helpless and weak at all times, who struggle within themselves alone and are bewildered — ask after the welfare of those poor people too, in every way, my friend, in my name."

Verse 48 (5.30.48)

ये चाप्यन्ये संश्रिता धार्तराष्ट्रा- । न्नानादिग्भ्योऽभ्यागताः सूतपुत्र । दृष्ट्वा तांश्चैवार्हतश्चापि सर्वा- । न्संपृच्छेथाः कुशलं चाव्ययं च ॥

ye cāpyanye saṃśritā dhārtarāṣṭrā- | nnānādigbhyo'bhyāgatāḥ sūtaputra | dṛṣṭvā tāṃścaivārhataścāpi sarvā- | nsaṃpṛcchethāḥ kuśalaṃ cāvyayaṃ ca

"And the others who have come from many quarters and taken refuge with the sons of Dhritarashtra, son of a suta — when you see them and all who deserve honour, ask after their welfare and their soundness."

Verse 49 (5.30.49)

एवं सर्वानागताभ्यागतांश्च । राज्ञो दूतान्सर्वदिग्भ्योऽभ्युपेतान् । पृष्ट्वा सर्वान्कुशलं तांश्च सूत । पश्चादहं कुशली तेषु वाच्यः ॥

evaṃ sarvānāgatābhyāgatāṃśca | rājño dūtānsarvadigbhyo'bhyupetān | pṛṣṭvā sarvānkuśalaṃ tāṃśca sūta | paścādahaṃ kuśalī teṣu vācyaḥ

"Thus, having asked after the welfare of all who have come and arrived, and of the kings' envoys who have come from every quarter, O Suta, tell them afterwards that I am well."

Note on the text: Corrected सर्वदिग्भ्योभ्युपेतान् → सर्वदिग्भ्योऽभ्युपेतान् (missing avagraha in Wikisource; the critical edition reads sarvadigbhyo 'bhyupetān).

Verse 50 (5.30.50)

न हीदृशाः सन्त्यपरे पृथिव्यां । ये योधका धार्तराष्ट्रेण लब्धाः । धर्मस्तु नित्यो मम धर्म एव । महाबलः शत्रुनिबर्हणाय ॥

na hīdṛśāḥ santyapare pṛthivyāṃ | ye yodhakā dhārtarāṣṭreṇa labdhāḥ | dharmastu nityo mama dharma eva | mahābalaḥ śatrunibarhaṇāya

"There are no other warriors on earth like those whom Dhritarashtra's son has won to his side. But dharma is eternal, and dharma alone is my great strength for destroying my enemies."

Verse 51 (5.30.51)

इदं पुनर्वचनं धार्तराष्ट्रं । सुयोधनं सञ्जय श्रावयेथाः । यस्ते शरीरे हृदयं दुनोति । कामः कुरूनसपत्नोऽनुशिष्याम् ॥

idaṃ punarvacanaṃ dhārtarāṣṭraṃ | suyodhanaṃ sañjaya śrāvayethāḥ | yaste śarīre hṛdayaṃ dunoti | kāmaḥ kurūnasapatno'nuśiṣyām

"And make Suyodhana, son of Dhritarashtra, hear this further word, Sanjaya: 'The desire that torments the heart within your body — that you might rule the Kurus without a rival —"

Verse 52 (5.30.52)

न विद्यते युक्तिरेतस्य काचि- । न्नैवं विधास्यामि यथा प्रियं ते । ददस्व वा शक्रपुरीं ममैव । युध्यस्व वा भारतमुख्यवीर ॥

na vidyate yuktiretasya kāci- | nnaivaṃ vidhāsyāmi yathā priyaṃ te | dadasva vā śakrapurīṃ mamaiva | yudhyasva vā bhāratamukhyavīra

"there is no ground for it at all. I will not arrange things to please you in this. Either give me back Shakra's city, or fight, O foremost hero of the Bharatas.'"

Note on the text: Corrected युध्वस्व → युध्यस्व (misprint in Wikisource; the critical edition reads yudhyasva).