Sanjaya Returns to the Kuru Court

Verse 1 (5.47.1)

एवं सनत्सुजातेन विदुरेण च धीमता । सार्धं कथयतो राज्ञः सा व्यतीयाय शर्वरी ॥

evaṃ sanatsujātena vidureṇa ca dhīmatā | sārdhaṃ kathayato rājñaḥ sā vyatīyāya śarvarī

So, as the king talked with Sanatsujata and with the wise Vidura, that night passed away.

Note on the text: Corrected व्यतीयय सर्वरी → व्यतीयाय शर्वरी (misprints in Wikisource; व्यतीयय is no verb form, and स for श in शर्वरी 'night'; the critical edition reads vyatīyāya śarvarī).

Verse 2 (5.47.2)

तस्यां रजन्यां व्युष्टायां राजानः सर्व एव ते । सभामाविविशुर्हृष्टाः सूतस्योपदिदृक्षया ॥

tasyāṃ rajanyāṃ vyuṣṭāyāṃ rājānaḥ sarva eva te | sabhāmāviviśurhṛṣṭāḥ sūtasyopadidṛkṣayā

When that night had given way to dawn, all the kings came gladly into the assembly hall, eager to see the charioteer Sanjaya.

Note on the text: Removed a stray क after हृष्टाः (typing slip in Wikisource; the critical edition reads hṛṣṭāḥ).

Verse 3 (5.47.3)

शुश्रूषमाणाः पार्थानां वाचो धर्मार्थसंहिताः । धृतराष्ट्रमुखाः सर्वे ययू राजन्सभां शुभाम् ॥

śuśrūṣamāṇāḥ pārthānāṃ vāco dharmārthasaṃhitāḥ | dhṛtarāṣṭramukhāḥ sarve yayū rājansabhāṃ śubhām

Eager to hear the Parthas' words, full of dharma and of statecraft, they all went, O king, with Dhritarashtra at their head, to the splendid hall.

Verse 4 (5.47.4)

सुधावदातां विस्तीर्णां कनकाजिरभूषिताम् । चन्द्रप्रभां सुरुचिरां सिक्तां चन्दनवारिणा ॥

sudhāvadātāṃ vistīrṇāṃ kanakājirabhūṣitām | candraprabhāṃ surucirāṃ siktāṃ candanavāriṇā

The hall was white as plaster and spacious, its courtyard adorned with gold; it was beautiful, bright as moonlight, and sprinkled with sandal-water.

Note on the text: Corrected चिन्दनवारिणा → चन्दनवारिणा (misprint in Wikisource; चि for च; the critical edition reads paramavāriṇā here, so the smallest fix giving the evident word 'sandal-water' is made).

Verse 5 (5.47.5)

रुचिरैरासनैः स्तीर्णां काञ्चनैर्दारवैरपि । अश्मसारमयैर्दान्तैः स्वास्तीर्णैः सोत्तरच्छदैः ॥

rucirairāsanaiḥ stīrṇāṃ kāñcanairdāravairapi | aśmasāramayairdāntaiḥ svāstīrṇaiḥ sottaracchadaiḥ

It was furnished with handsome seats of gold and of wood, of iron and of ivory, well spread and laid with fine coverlets.

Note on the text: Removed a stray क after दान्तैः (typing slip in Wikisource; the critical edition reads dāntaiḥ).

Verse 6 (5.47.6)

भीष्मो द्रोणः कृपः शल्यः कृतवर्मा जयद्रथः । अश्वत्थामा विकर्णश्च सोमदत्तश्च बाह्लिकः ॥

bhīṣmo droṇaḥ kṛpaḥ śalyaḥ kṛtavarmā jayadrathaḥ | aśvatthāmā vikarṇaśca somadattaśca bāhlikaḥ

Bhishma, Drona, Kripa, Shalya, Kritavarman, Jayadratha, Ashvatthaman, Vikarna, Somadatta and Bahlika,

Verse 7 (5.47.7)

विदुरश्च महाप्राज्ञो युयुत्सुश्च महारथः । सर्वे च सहिताः शूराः पार्थिवा भरतर्षभ । धृतराष्ट्रं पुरस्कृत्य विविशुस्तां सभां शुभाम् ॥

viduraśca mahāprājño yuyutsuśca mahārathaḥ | sarve ca sahitāḥ śūrāḥ pārthivā bharatarṣabha | dhṛtarāṣṭraṃ puraskṛtya viviśustāṃ sabhāṃ śubhām

the very wise Vidura, and Yuyutsu the great chariot-warrior: all these heroic kings together, O bull of the Bharatas, entered that splendid hall with Dhritarashtra before them.

Verse 8 (5.47.8)

दुःशासनश्चित्रसेनः शकुनिश्चापि सौबलः । दुर्मुखो दुःसहः कर्ण उलूकोऽथ विविंशतिः ॥

duḥśāsanaścitrasenaḥ śakuniścāpi saubalaḥ | durmukho duḥsahaḥ karṇa ulūko'tha viviṃśatiḥ

Duhshasana, Chitrasena, Shakuni the son of Subala, Durmukha, Duhsaha, Karna, Uluka and Vivimshati

Verse 9 (5.47.9)

कुरुराजं पुरस्कृत्य दुर्योधनममर्षणम् । विविशुस्तां सभां राजन्सुराः शक्रसदो यथा ॥

kururājaṃ puraskṛtya duryodhanamamarṣaṇam | viviśustāṃ sabhāṃ rājansurāḥ śakrasado yathā

entered that hall, O king, with the hot-tempered Duryodhana, king of the Kurus, before them, as the gods enter the palace of Shakra.

Verse 10 (5.47.10)

आविशद्भिस्तदा राजञ्शूरैः परिघबाहुभिः । शुशुभे सा सभा राजन्सिंहैरिव गिरेर्गुहा ॥

āviśadbhistadā rājañśūraiḥ parighabāhubhiḥ | śuśubhe sā sabhā rājansiṃhairiva girerguhā

As those heroes with arms like iron bars came in, O king, the hall shone like a mountain cave filled with lions.

Note on the text: Corrected रजन् → राजन् (misprint in Wikisource; the vocative 'O king', as earlier in the same verse; the critical edition reads rājan).

Verse 11 (5.47.11)

ते प्रविश्य महेष्वासाः सभां सर्वे महौजसः । आसनानि विचित्राणि भेजिरे सूर्यवर्चसः ॥

te praviśya maheṣvāsāḥ sabhāṃ sarve mahaujasaḥ | āsanāni vicitrāṇi bhejire sūryavarcasaḥ

Having entered the hall, all those mighty archers of great vigour, radiant as the sun, took their places on the many-hued seats.

Verse 12 (5.47.12)

आसनस्थेषु सर्वेषु तेषु राजसु भारत । द्वाःस्थो निवेदयामास सूतपुत्रमुपस्थितम् ॥

āsanastheṣu sarveṣu teṣu rājasu bhārata | dvāḥstho nivedayāmāsa sūtaputramupasthitam

When all those kings had taken their seats, O Bharata, the doorkeeper announced that the charioteer's son had arrived:

Verse 13 (5.47.13)

अयं सरथ आयाति योऽयासीत्पाण्डवान्प्रति । दूतो नस्तूर्णमायाति सैन्धवैः साधुवाहिभिः ॥

ayaṃ saratha āyāti yo'yāsītpāṇḍavānprati | dūto nastūrṇamāyāti saindhavaiḥ sādhuvāhibhiḥ

"Here he comes with his chariot, the one who went to the Pandavas: our envoy is arriving swiftly, drawn by fine Sindhu horses."

Note on the text: Speaker set to the doorkeeper: the verse is wholly his announcement, introduced in verse 12; Wikisource prints no heading and the input carried Vaishampayana.

Verse 14 (5.47.14)

उपेयाय स तु क्षिप्रं रथात्प्रस्कन्द्य कुण्डली । प्रविवेश सभां पूर्णां महीपालैर्महात्मभिः ॥

upeyāya sa tu kṣipraṃ rathātpraskandya kuṇḍalī | praviveśa sabhāṃ pūrṇāṃ mahīpālairmahātmabhiḥ

He came up quickly, leapt down from the chariot, and, wearing his earrings, entered the hall that was full of great-souled kings.

Note on the text: Restored उ in उपेयाय (Wikisource prints ..पेयाय, with dots where the first akshara is lost; the critical edition has upayāya at this point, and उपेयाय is the smallest fix giving a complete word).

Verse 15 (5.47.15)

प्राप्तोऽस्मि पाण्डवान्गत्वा तद्विजानीत कौरवाः । यथावयः कुरून्सर्वान्प्रतिनन्दन्ति पाण्डवाः ॥

prāpto'smi pāṇḍavāngatvā tadvijānīta kauravāḥ | yathāvayaḥ kurūnsarvānpratinandanti pāṇḍavāḥ

"Kauravas, know that I have gone to the Pandavas and come back. The Pandavas greet all the Kurus, each according to his age.

Note on the text: Corrected तं विजानीत → तद्विजानीत (misprint in Wikisource; the masculine तं has nothing to refer to, and the sense is 'know this'; the critical edition reads tad vijānīta).

Verse 16 (5.47.16)

अभिवादयन्ति वृद्धांश्च वयस्यांश्च वयस्यवत् । पुनश्चाभ्यवदन्पार्थाः प्रतिपूज्य यथावयः ॥

abhivādayanti vṛddhāṃśca vayasyāṃśca vayasyavat | punaścābhyavadanpārthāḥ pratipūjya yathāvayaḥ

They salute the elders, and greet those of their own age as friends; and the Parthas, honouring each in return according to his years, spoke their greetings again.

Verse 17 (5.47.17)

यथाहं धृतराष्ट्रेण शिष्टः पूर्वमितो गतः । अब्रवं पाण्डवान्गत्वा नात्र किञ्चन हापितम् ॥

yathāhaṃ dhṛtarāṣṭreṇa śiṣṭaḥ pūrvamito gataḥ | abravaṃ pāṇḍavāngatvā nātra kiñcana hāpitam

Just as Dhritarashtra instructed me before I set out from here, so I spoke to the Pandavas when I reached them; nothing was left out."

Verse 18 (5.47.18)

पृच्छामि त्वां सञ्जय राजमध्ये । यदब्रवीद्वाक्यमदीनसत्त्वः । जनार्दनस्तात युधां प्रणेता । दुरात्मनां जीवितच्छिन्महात्मा ॥

pṛcchāmi tvāṃ sañjaya rājamadhye | yadabravīdvākyamadīnasattvaḥ | janārdanastāta yudhāṃ praṇetā | durātmanāṃ jīvitacchinmahātmā

"I ask you, Sanjaya, here among the kings: what did Janardana say, my friend, he whose spirit never flags, the leader in battle, the great-souled one who cuts short the lives of the wicked?"

Note on the text: The speaker heading धृतराष्ट्र उवाच had slipped into the verse text in the input; made it the speaker and removed it from the text, together with the opening quotation mark (`) of the southern-recension passage (see verse 19). Corrected वाक्यमदीनसत्वः → वाक्यमदीनसत्त्वः (misprint in Wikisource; dropped त् in sattva; the critical edition reads adīnasattvaḥ). यद् and जनार्दनः (CE kim, dhanaṃjayaḥ) kept as the base text's readings: in this recension Dhritarashtra asks for Krishna's words.

Verse 19 (5.47.19)

आगुल्फेभ्योऽभिसंवीतः प्रयतोऽहं कृताञ्जलिः । शुद्धान्तं प्राविशं राजन्नाख्यातो नरसिंहयोः ॥

āgulphebhyo'bhisaṃvītaḥ prayato'haṃ kṛtāñjaliḥ | śuddhāntaṃ prāviśaṃ rājannākhyāto narasiṃhayoḥ

"Clothed down to my ankles, composed, with folded hands, I entered the inner apartments, O king, once I had been announced to those two lions among men.

Note on the text: Verses 18–42 form a southern-recension passage that the Wikisource page marks off with quotation marks (opened before Dhritarashtra's heading at verse 18, closed after verse 42). Dhritarashtra's question (verse 18) is CE 5.47.1, but Sanjaya's answer here, the scene in Krishna and Arjuna's private chambers, is given by the critical edition later, as 5.58.3–22 (with star passages); this Wikisource text does not repeat it there. This verse corresponds to CE 5.58.3: the second line agrees (CE ākhyātuṃ naradevayoḥ for नाख्यातो नरसिंहयोः); the first quarter differs (CE pādāṅgulīr abhiprekṣan).

Verse 20 (5.47.20)

न चाभिमन्युर्न यमौ तं देशमभिजग्मतुः । यत्र कृष्णौ च कृष्णा च सत्यभामा च भामिनी ॥

na cābhimanyurna yamau taṃ deśamabhijagmatuḥ | yatra kṛṣṇau ca kṛṣṇā ca satyabhāmā ca bhāminī

Neither Abhimanyu nor the twins went into that place where the two Krishnas were, with Krishnaa and the lovely Satyabhama.

Verse 21 (5.47.21)

उभौ मध्वासवक्षीबौ वरचन्दनरूषितौ । स्रग्विणौ वरवस्त्राङ्गौ वराभरणभूषितौ ॥

ubhau madhvāsavakṣībau varacandanarūṣitau | sragviṇau varavastrāṅgau varābharaṇabhūṣitau

Both were flushed with honeyed wine and smeared with fine sandal paste; they wore garlands and splendid clothes and were adorned with fine ornaments.

Note on the text: Corrected स्त्रग्विणौ → स्रग्विणौ (misprint in Wikisource; स्त्र for स्र; the critical edition reads sragviṇau). The critical edition's line 5c differs (varavastrau tau divyābharaṇabhūṣitau).

Verse 22 (5.47.22)

नैकरत्नविचित्रं च काञ्चनं च वरासनम् । नानास्तरणसंस्तीर्णं यत्रासाते नरर्षभौ ॥

naikaratnavicitraṃ ca kāñcanaṃ ca varāsanam | nānāstaraṇasaṃstīrṇaṃ yatrāsāte nararṣabhau

There was a fine golden seat, studded with many kinds of jewels and spread with coverings of many sorts, on which those two bulls among men were sitting.

Verse 23 (5.47.23)

सत्याङ्कमुपधानं तु कृत्वा शेते जनार्दनः । अर्जुनाङ्कगतौ पादौ केशवस्योपलक्षये । अर्जुनस्य च कृष्णायाः शुभायाश्चाङ्कगावुभौ ॥

satyāṅkamupadhānaṃ tu kṛtvā śete janārdanaḥ | arjunāṅkagatau pādau keśavasyopalakṣaye | arjunasya ca kṛṣṇāyāḥ śubhāyāścāṅkagāvubhau

Janardana lay with Satya's lap as his pillow. I saw that Keshava's feet rested in Arjuna's lap, and both of Arjuna's feet in the laps of Krishnaa and of the lovely Satya.

Note on the text: The first line is not in the critical edition's text; its apparatus has it as 5.58.6d*0347. Lines 2–3 correspond to CE 5.58.7 (CE arjunotsaṅgagau and kṛṣṇāyāṃ satyāyāṃ ca mahātmanaḥ, where this text reads अर्जुनाङ्कगतौ and कृष्णायाः शुभायाश्चाङ्कगावुभौ).

Verse 24 (5.47.24)

काञ्चनं पादपीठं तु पार्थो वै प्रादिशन्मुदा । दासीभ्यामाहृतं मह्यं स्पृष्ट्वा भूमावुपाविशम् ॥

kāñcanaṃ pādapīṭhaṃ tu pārtho vai prādiśanmudā | dāsībhyāmāhṛtaṃ mahyaṃ spṛṣṭvā bhūmāvupāviśam

Partha gladly pointed me to a golden footstool that two maidservants had brought for me; I touched it and sat down on the ground.

Verse 25 (5.47.25)

ऊर्ध्वरेखाङ्कितौ पादौ पार्थस्य शुभलक्षणौ । पादपीठादपहृतौ धारयेतां वरस्त्रियौ ॥

ūrdhvarekhāṅkitau pādau pārthasya śubhalakṣaṇau | pādapīṭhādapahṛtau dhārayetāṃ varastriyau

Partha's feet, marked with upward lines and auspicious signs, had been drawn back from the footstool, and the two noble ladies were holding them.

Verse 26 (5.47.26)

न नूनं कल्मषं किञ्चिन्मम कर्मसु विद्यते । स्त्रीरत्नाभ्यां समेतौ यन्मिथो मामभ्यभाषताम् ॥

na nūnaṃ kalmaṣaṃ kiñcinmama karmasu vidyate | strīratnābhyāṃ sametau yanmitho māmabhyabhāṣatām

Surely there is no stain at all in my deeds, since those two, with those two jewels among women beside them, spoke with me together.

Note on the text: Not in the critical edition's text (found in the vulgate recension); the critical edition records it in its apparatus as 5.58.9d*0348, lines 1–2.

Verse 27 (5.47.27)

विस्मयो मे महानासीदास्त्रं मे बहुसङ्गतम् । हृष्टानि चैव रोमाणि दृष्ट्वा तौ सहितावुभौ ॥

vismayo me mahānāsīdāstraṃ me bahusaṅgatam | hṛṣṭāni caiva romāṇi dṛṣṭvā tau sahitāvubhau

A great wonder came over me, and many feelings crowded in upon me; the hair on my body stood on end when I saw the two of them together.

Note on the text: Not in the critical edition's text (found in the vulgate recension); the critical edition records it in its apparatus as 5.58.9d*0348, lines 3–4.

Verse 28 (5.47.28)

श्यामौ बृहन्तौ तरुणौ नागाविव समुच्छ्रितौ । एकशय्यागतौ दृष्ट्वा भयं मे महदाविशत् ॥

śyāmau bṛhantau taruṇau nāgāviva samucchritau | ekaśayyāgatau dṛṣṭvā bhayaṃ me mahadāviśat

Seeing those two lying on one couch, dark, tall and young, towering like elephants, a great fear entered me.

Note on the text: The critical edition reads śālaskandhāv ivodgatau and ekāsanagatau where this text has नागाविव समुच्छ्रितौ and एकशय्यागतौ.

Verse 29 (5.47.29)

ततोऽभ्यचिन्तयं तत्र दृष्ट्वा तौ पुरुषर्षभौ । सङ्कल्पो धर्मराजस्य नानवाप्योऽस्ति कश्चन । निदेशगाविमौ यस्य नरनारायणावुभौ ॥

tato'bhyacintayaṃ tatra dṛṣṭvā tau puruṣarṣabhau | saṅkalpo dharmarājasya nānavāpyo'sti kaścana | nideśagāvimau yasya naranārāyaṇāvubhau

Then, seeing those two bulls among men there, I thought: there is no resolve of the King of Dharma that cannot be achieved, since these two, Nara and Narayana, are at his command.

Note on the text: The first line is not in the critical edition's text; its apparatus has it as 5.58.10d*0349. Lines 2–3 correspond, in other words and order, to CE 5.58.12 (nideśasthāv imau yasya mānasas tasya setsyate / saṃkalpo dharmarājasya niścayo me tadābhavat).

Verse 30 (5.47.30)

सत्कृतश्चान्नपानाभ्यामाच्छन्नो लब्धसत्क्रियः । अञ्जलिं मूर्ध्नि सन्धाय सन्देशं चाभ्यचोदयम् ॥

satkṛtaścānnapānābhyāmācchanno labdhasatkriyaḥ | añjaliṃ mūrdhni sandhāya sandeśaṃ cābhyacodayam

Honoured with food and drink, given garments and shown every courtesy, I placed my joined palms upon my head and delivered the message.

Verse 31 (5.47.31)

धनुर्धरोचितेनाथ पाणिनैकं सलक्षणम् । पादमानाययत्पार्थः केशवस्य यशस्विनः ॥

dhanurdharocitenātha pāṇinaikaṃ salakṣaṇam | pādamānāyayatpārthaḥ keśavasya yaśasvinaḥ

Then Partha, with his hand that was used to the bow, drew toward him one of glorious Keshava's feet, bearing its auspicious marks.

Verse 32 (5.47.32)

इन्द्रकेतुरिवोत्थाय दिव्याभरणभूषितः । इन्द्रवीर्योपमः कृष्णः संविष्टो माऽभ्यभाषत ॥

indraketurivotthāya divyābharaṇabhūṣitaḥ | indravīryopamaḥ kṛṣṇaḥ saṃviṣṭo mā'bhyabhāṣata

Rising like Indra's banner, adorned with divine ornaments, Krishna, whose might is like Indra's, sat up and spoke to me.

Verse 33 (5.47.33)

स वाचं वदतां श्रेष्ठ आददे वचनक्षमाम् । दीपनीं धार्तराष्ट्राणां मृदुपूर्वां सुदारुणाम् ॥

sa vācaṃ vadatāṃ śreṣṭha ādade vacanakṣamām | dīpanīṃ dhārtarāṣṭrāṇāṃ mṛdupūrvāṃ sudāruṇām

He, the best of speakers, took up words fit to be spoken, words to inflame the sons of Dhritarashtra, gentle at the outset but terrible indeed.

Verse 34 (5.47.34)

बहिश्चरस्य प्राणस्य प्रियस्य प्रियकारिणः । मतिमान्मतिमास्थाय केशवः सन्दधे वचः ॥

bahiścarasya prāṇasya priyasya priyakāriṇaḥ | matimānmatimāsthāya keśavaḥ sandadhe vacaḥ

On behalf of Arjuna, who is dear to him and does what is dear to him, his own life-breath walking outside his body, the wise Keshava set his mind to it and framed his words.

Note on the text: Not in the critical edition's text (found in the vulgate recension); the critical edition records it in its apparatus as 5.58.16d*0350, lines 1–2.

Verse 35 (5.47.35)

वचनं वचनज्ञस्य शिक्षाक्षरसमन्वितम् । मनःप्रह्लादनं श्रेष्ठं पश्चाद्धृदयतापनम् ॥

vacanaṃ vacanajñasya śikṣākṣarasamanvitam | manaḥprahlādanaṃ śreṣṭhaṃ paścāddhṛdayatāpanam

They were the words of one who knows how to speak, exact in diction and syllable, excellent, gladdening the mind at first but afterwards burning the heart."

Verse 36 (5.47.36)

सञ्जयैतद्वचो ब्रूयाः प्राप्य क्षत्रियसंसदम् । शृण्वतः कुरुवृद्धस्य आचार्यस्य च धीमतः ॥

sañjayaitadvaco brūyāḥ prāpya kṣatriyasaṃsadam | śṛṇvataḥ kuruvṛddhasya ācāryasya ca dhīmataḥ

"Sanjaya, when you reach the assembly of kshatriyas, speak these words in the hearing of the elder of the Kurus and of the wise teacher:

Note on the text: Corrected श्रृण्वतः → शृण्वतः (misprint in Wikisource; श्रृ for शृ; the critical edition reads śṛṇvataḥ).

Verse 37 (5.47.37)

अर्थांस्त्यजत पार्थेषु सुखमाप्नुत कामजम् । प्रियं प्रियेभ्यश्चरत राजा हि त्वरते जये ॥

arthāṃstyajata pārtheṣu sukhamāpnuta kāmajam | priyaṃ priyebhyaścarata rājā hi tvarate jaye

Give up your riches to the Parthas and enjoy the pleasures desire brings; do what is dear to those dear to you, for the king is in haste for victory.

Note on the text: Corresponds to CE 5.58.20 (pātrebhyaḥ and sutān prāpnuta kāmajān where this text reads पार्थेषु and सुखमाप्नुत कामजम्); the critical edition places it after the next verse.

Verse 38 (5.47.38)

यजध्वं विविधैर्यज्ञैर्दक्षिणाश्च प्रयच्छत । पुत्रैर्दारैश्च मोदध्वमागतं वो महद्भयम् ॥

yajadhvaṃ vividhairyajñairdakṣiṇāśca prayacchata | putrairdāraiśca modadhvamāgataṃ vo mahadbhayam

Sacrifice with sacrifices of many kinds and give the priestly fees; take your joy with your sons and wives, for a great danger has come upon you.

Note on the text: Corrected पुत्रेर्दारैश्च → पुत्रैर्दारैश्च (misprint in Wikisource; े for ै in the instrumental plural; the critical edition reads putrair dāraiś ca).

Verse 39 (5.47.39)

ऋणं प्रवृद्धमिव मे हृदयान्नापसर्पति । गोविन्देति यदाक्रन्दत्कृष्णा मां दूरवासिनम् ॥

ṛṇaṃ pravṛddhamiva me hṛdayānnāpasarpati | govindeti yadākrandatkṛṣṇā māṃ dūravāsinam

Like a debt grown large, this does not leave my heart: that Krishnaa cried out 'Govinda!' to me when I was dwelling far away.

Verse 40 (5.47.40)

तेजोमयं दुराधर्षं बिभ्रता गाण्डिवं धनुः । मद्द्वितीयेन पार्थेन वैरं वः प्रत्युपस्थितम् ॥

tejomayaṃ durādharṣaṃ bibhratā gāṇḍivaṃ dhanuḥ | maddvitīyena pārthena vairaṃ vaḥ pratyupasthitam

Your feud is now with Partha, who bears the fiery, unassailable Gandiva bow and has me as his second."

Note on the text: Corrected दुराधर्पं → दुराधर्षं (misprint in Wikisource; प for ष; the critical edition reads durādharṣaṃ).

Verse 41 (5.47.41)

कृष्णस्यैतद्वचः श्रुत्वा महन्मे भयमाविशत् । तव पुत्रस्य लोभं च वर्धमानं प्रपश्यतः ॥

kṛṣṇasyaitadvacaḥ śrutvā mahanme bhayamāviśat | tava putrasya lobhaṃ ca vardhamānaṃ prapaśyataḥ

"Hearing these words of Krishna, a great fear entered me, as I watched your son's greed growing.

Note on the text: Speaker set to Sanjaya: the verse reports his own reaction to Krishna's words (Wikisource prints no heading and the input carried श्रीभगवान् over from verse 36). Not in the critical edition's text (found in the vulgate recension); the critical edition records it in its apparatus as 5.58.22d*0352 (bhayaṃ māṃ mahad āviśat … vartamānaṃ pramṛśyataḥ).

Verse 42 (5.47.42)

सोमेन्द्रसदृशौ वीरौ तौ मन्दो नावबुध्यते । भीष्मद्रोणाश्रयाच्चैव कर्णस्य च विकत्थनात् ॥

somendrasadṛśau vīrau tau mando nāvabudhyate | bhīṣmadroṇāśrayāccaiva karṇasya ca vikatthanāt

These two heroes are like Soma and Indra, yet the dull-witted one does not grasp it, relying on Bhishma and Drona and on Karna's boasting."

Note on the text: Speaker set to Sanjaya, continuing from verse 41 (the input carried श्रीभगवान्). Removed the closing quotation mark (') of the southern-recension passage. Corresponds to CE 5.58.11, which stands earlier there and reads indraviṣṇusamāv etau mandātmā nāvabudhyate / saṃśrayād droṇabhīṣmābhyāṃ.