Dhritarashtra Plans Krishna's Welcome

Verse 1 (5.86.1)

उपप्लाव्यादिह क्षत्तरुपायातो जनार्दनः । वृकस्थले निवसति स च प्रातरिहैष्यति ॥

upaplāvyādiha kṣattarupāyāto janārdanaḥ | vṛkasthale nivasati sa ca prātarihaiṣyati

Steward, Janardana has come here from Upaplavya. He is staying at Vrikasthala and will be here in the morning.

Verse 2 (5.86.2)

आहुकानामधिपतिः पुरोगः सर्वसात्वताम् । महामना महावीर्यो महासत्त्वो जनार्दनः ॥

āhukānāmadhipatiḥ purogaḥ sarvasātvatām | mahāmanā mahāvīryo mahāsattvo janārdanaḥ

Janardana is lord of the Ahukas and leader of all the Satvatas; he is great-minded, of great valour and of great strength of spirit.

Note on the text: Corrected महासत्वो → महासत्त्वो (misprint in Wikisource; sattva is spelt with त्त्व). महासत्त्वो is kept for the critical edition's mahāmātro as a variant.

Verse 3 (5.86.3)

स्फीतस्य वृष्णिराष्ट्रस्य भर्ता गोप्ता च माधवः । त्रयाणामपि लोकानां भगवान्प्रपितामहः ॥

sphītasya vṛṣṇirāṣṭrasya bhartā goptā ca mādhavaḥ | trayāṇāmapi lokānāṃ bhagavānprapitāmahaḥ

Madhava is the upholder and protector of the prosperous Vrishni realm; he is the Blessed Lord, the great-grandsire even of the three worlds.

Verse 4 (5.86.4)

वृष्ण्यन्धकाः सुमनसो यस्य प्रज्ञामुपासते । आदित्या वसवो रुद्रा यथा बुद्धिं बृहस्पतेः ॥

vṛṣṇyandhakāḥ sumanaso yasya prajñāmupāsate | ādityā vasavo rudrā yathā buddhiṃ bṛhaspateḥ

The Vrishnis and Andhakas wait gladly upon his wisdom, as the Adityas, the Vasus and the Rudras wait upon the counsel of Brihaspati.

Verse 5 (5.86.5)

तस्मै पूजां प्रयोक्ष्यामि दाशार्हाय महात्मने । प्रत्यक्षं तव धर्मज्ञ तां मे कथयतः शृणु ॥

tasmai pūjāṃ prayokṣyāmi dāśārhāya mahātmane | pratyakṣaṃ tava dharmajña tāṃ me kathayataḥ śṛṇu

I shall pay worship to that great-souled Dasharha before your very eyes, knower of dharma. Hear me as I describe it.

Note on the text: Corrected श्रुणु → शृणु (misprint in Wikisource; the critical edition reads śṛṇu).

Verse 6 (5.86.6)

एकवर्णैः सुक्लृप्ताङ्गैर्बाह्लिजातैर्हयोत्तमैः । चतुर्युक्तान्रथांस्तस्मै रौक्मान्दास्यामि षोडश ॥

ekavarṇaiḥ suklṛptāṅgairbāhlijātairhayottamaiḥ | caturyuktānrathāṃstasmai raukmāndāsyāmi ṣoḍaśa

I shall give him sixteen golden chariots, each yoked with four of the finest horses, all of one colour, well-formed of limb and bred in Bahlika.

Note on the text: Corrected चतुर्यक्तान् → चतुर्युक्तान् (misprint in Wikisource; dropped vowel sign u, the critical edition reads caturyuktān). सुक्लृप्ताङ्गैः (CE sukṛṣṇāṅgair) kept as a variant.

Verse 7 (5.86.7)

नित्यप्रभिन्नान्मातङ्गानीषादन्तान्प्रहारिणः । अष्टानुचरमेकैकमष्टौ दास्यामि कौरव ॥

nityaprabhinnānmātaṅgānīṣādantānprahāriṇaḥ | aṣṭānucaramekaikamaṣṭau dāsyāmi kaurava

I shall give him eight elephants, Kauravya, always in rut, with tusks like plough-poles, mighty strikers, each with eight attendants.

Verse 8 (5.86.8)

दासीनामप्रजातानां शुभानां रुक्मवर्चसाम् । शतमस्मै प्रदास्यामि दासानामपि तावताम् ॥

dāsīnāmaprajātānāṃ śubhānāṃ rukmavarcasām | śatamasmai pradāsyāmi dāsānāmapi tāvatām

I shall give him a hundred lovely maidservants who have not yet borne children, with the glow of gold, and as many manservants.

Verse 9 (5.86.9)

आविकं च सुखस्पर्शं पार्वतीयैरुपाहृतम् । तदप्यस्मै प्रदास्यामि सहस्राणि दशाष्ट च ॥

āvikaṃ ca sukhasparśaṃ pārvatīyairupāhṛtam | tadapyasmai pradāsyāmi sahasrāṇi daśāṣṭa ca

Woollen blankets soft to the touch, brought by the hill-folk — those too I shall give him, eighteen thousand of them.

Note on the text: Corrected सहस्त्राणि → सहस्राणि and दाशाष्ट → दशाष्ट (misprints in Wikisource; intrusive त् and a wrong long ā; the critical edition reads sahasrāṇi daśāṣṭa).

Verse 10 (5.86.10)

अजिनानां सहस्राणि चीनदेशोद्भवानि च । तान्यप्यस्मै प्रदास्यामि यावदर्हति केशवः ॥

ajinānāṃ sahasrāṇi cīnadeśodbhavāni ca | tānyapyasmai pradāsyāmi yāvadarhati keśavaḥ

And thousands of deerskins from the land of China — those too I shall give him, as many as Keshava deserves.

Verse 11 (5.86.11)

दिवा रात्रौ च भात्येष सुतेजा विमलो मणिः । तमप्यस्मै प्रदास्यामि तमर्हति हि केशवः ॥

divā rātrau ca bhātyeṣa sutejā vimalo maṇiḥ | tamapyasmai pradāsyāmi tamarhati hi keśavaḥ

This jewel, radiant and flawless, shines by day and by night; that too I shall give him, for Keshava is worthy of it.

Verse 12 (5.86.12)

एकेनाभिपतत्यह्ना योजनानि चतुर्दश । यानमश्वतरीयुक्तं दास्ये तस्मै तदप्यहम् ॥

ekenābhipatatyahnā yojanāni caturdaśa | yānamaśvatarīyuktaṃ dāsye tasmai tadapyaham

A carriage yoked with she-mules that covers fourteen yojanas in a single day — that too I shall give him.

Verse 13 (5.86.13)

यावन्ति वाहनान्यस्य यावन्तः पुरुषाश्च ते । ततोऽष्टगुणमप्यस्मै भोज्यं दास्याम्यहं सदा ॥

yāvanti vāhanānyasya yāvantaḥ puruṣāśca te | tato'ṣṭaguṇamapyasmai bhojyaṃ dāsyāmyahaṃ sadā

However many mounts he has and however many men, I shall always provide food for them eight times over.

Note on the text: Corrected ततोष्टगुणम् → ततोऽष्टगुणम् (misprint in Wikisource; missing avagraha: ततः अष्टगुणम्; the critical edition reads tato 'ṣṭaguṇam).

Verse 14 (5.86.14)

मम पुत्राश्च पौत्राश्च सर्वे दुर्योधनादृते । प्रत्युद्यास्यन्ति दाशार्हं रथैर्मृष्टैः स्वलङ्कृताः ॥

mama putrāśca pautrāśca sarve duryodhanādṛte | pratyudyāsyanti dāśārhaṃ rathairmṛṣṭaiḥ svalaṅkṛtāḥ

My sons and grandsons, all of them except Duryodhana, will go out to meet the Dasharha in polished chariots, finely adorned.

Note on the text: Corrected पौत्रश्च → पौत्राश्च (misprint in Wikisource; dropped ā — the plural is needed with सर्वे and पुत्राश्च; the critical edition reads pautrāś ca).

Verse 15 (5.86.15)

स्वलङ्कृताश्च कल्याण्यः पादैरेव सहस्रशः । वारमुख्या महाभागं प्रत्युद्यास्यन्ति केशवम् ॥

svalaṅkṛtāśca kalyāṇyaḥ pādaireva sahasraśaḥ | vāramukhyā mahābhāgaṃ pratyudyāsyanti keśavam

Lovely courtesans of the first rank, finely adorned, will go out on foot in their thousands to meet the illustrious Keshava.

Verse 16 (5.86.16)

नगरादपि याः काश्चिद्गमिष्यन्ति जनार्दनम् । द्रष्टुं कन्याश्च कल्याण्यस्ताश्च यास्यन्त्यनावृताः ॥

nagarādapi yāḥ kāścidgamiṣyanti janārdanam | draṣṭuṃ kanyāśca kalyāṇyastāśca yāsyantyanāvṛtāḥ

Whatever lovely maidens of the city go out to see Janardana, let them go unveiled.

Verse 17 (5.86.17)

सस्त्रीपुरुषबालं च नगरं मधुसूदनम् । उदीक्षतां महात्मानं भानुमन्तमिव प्रजाः ॥

sastrīpuruṣabālaṃ ca nagaraṃ madhusūdanam | udīkṣatāṃ mahātmānaṃ bhānumantamiva prajāḥ

Let the whole city — women, men and children — gaze upon the great-souled Madhusudana as creatures gaze upon the sun.

Verse 18 (5.86.18)

महाध्वजपताकाश्च क्रियन्तां सर्वतो दिशः । जलावसिक्तो विरजाः पन्थास्तस्येति चान्वशात् ॥

mahādhvajapatākāśca kriyantāṃ sarvato diśaḥ | jalāvasikto virajāḥ panthāstasyeti cānvaśāt

"Let great banners and pennants be raised on every side, and let his road be sprinkled with water and cleared of dust" — so he commanded.

Verse 19 (5.86.19)

दुःशासनस्य च गृहं दुर्योधनगृहाद्वरम् । तदद्य क्रियतां क्षिप्रं सुसंमृष्टमलङ्कृतम् ॥

duḥśāsanasya ca gṛhaṃ duryodhanagṛhādvaram | tadadya kriyatāṃ kṣipraṃ susaṃmṛṣṭamalaṅkṛtam

Duhshasana's house is finer than Duryodhana's. Let it be thoroughly cleaned and adorned today, without delay.

Verse 20 (5.86.20)

एतद्धि रुचिराकारैः प्रासादैरुपशोभितम् । शिवं च रमणीयं च सर्वर्तु सुमहाधनम् ॥

etaddhi rucirākāraiḥ prāsādairupaśobhitam | śivaṃ ca ramaṇīyaṃ ca sarvartu sumahādhanam

For it is graced with handsome mansions; it is auspicious and delightful, pleasant in every season and full of great wealth.

Verse 21 (5.86.21)

सर्वमस्मिन्गृहे रत्नं मम दुर्योधनस्य च । यद्यदर्हति वार्ष्णेयस्तत्तद्देयमसंशयम् ॥

sarvamasmingṛhe ratnaṃ mama duryodhanasya ca | yadyadarhati vārṣṇeyastattaddeyamasaṃśayam

Of all the treasures in that house, mine and Duryodhana's, whatever the Varshneya deserves must be given to him without question.