Krishna Enters Hastinapura

Verse 1 (5.89.1)

प्रातरुत्थाय कृष्णस्तु कृतवान्सर्वमाह्निकम् । ब्राह्मणैरभ्यनुज्ञातः प्रययौ नगरं प्रति ॥

prātarutthāya kṛṣṇastu kṛtavānsarvamāhnikam | brāhmaṇairabhyanujñātaḥ prayayau nagaraṃ prati

Rising at dawn, Krishna performed all his morning rites and, with the leave of the brahmins, set out for the city.

Verse 2 (5.89.2)

तं प्रयान्तं महाबाहुमनुज्ञाप्य महाबलम् । पर्यवर्तन्त ते सर्वे वृकस्थलनिवासिनः ॥

taṃ prayāntaṃ mahābāhumanujñāpya mahābalam | paryavartanta te sarve vṛkasthalanivāsinaḥ

Taking leave of the mighty-armed, mighty Krishna as he set out, all the people of Vrikasthala turned back.

Verse 3 (5.89.3)

प्रददौ पुण्डरीकाक्षो रत्नानि च धनानि च । तान्प्रस्थाप्य महाबाहुरुपायात्कुरुसंसदम् ॥

pradadau puṇḍarīkākṣo ratnāni ca dhanāni ca | tānprasthāpya mahābāhurupāyātkurusaṃsadam

The lotus-eyed one gave them jewels and riches, and having sent them on their way, the mighty-armed one went on to the assembly of the Kurus.

Note on the text: Removed Wikisource's interpolation marks (` … ') around this verse and the doubled closing danda. Not in the critical edition (found in the vulgate recension); its closest counterpart is the star passage 5.87.2d*0394 (after 5.87.2), whose last line ends with the same words (nābhyanandan mahābāhur upāyāt kurusaṃsadam), but neither line of this verse is found there as such.

Verse 4 (5.89.4)

धार्तराष्ट्रास्तमायान्तं प्रत्युज्जग्मुः स्वलङ्कृताः । दुर्योधनादृते सर्वे भीष्मद्रोणकृपादयः ॥

dhārtarāṣṭrāstamāyāntaṃ pratyujjagmuḥ svalaṅkṛtāḥ | duryodhanādṛte sarve bhīṣmadroṇakṛpādayaḥ

Dhritarashtra's sons, finely adorned, went out to meet him as he came — all of them except Duryodhana — together with Bhishma, Drona, Kripa and the rest.

Note on the text: Corrected प्रत्युञ्जग्मुः → प्रत्युज्जग्मुः (misprint in Wikisource; ञ for ज in the conjunct; the critical edition reads pratyujjagmuḥ).

Verse 5 (5.89.5)

पौराश्च बहुला राजन्हृषीकेशं दिदृक्षवः । यानैर्बहुविधैरन्ये पद्भिरेव तथाऽपरे ॥

paurāśca bahulā rājanhṛṣīkeśaṃ didṛkṣavaḥ | yānairbahuvidhairanye padbhireva tathā'pare

Crowds of citizens too, O king, eager to see Hrishikesha, came out — some in carriages of many kinds, others on foot.

Verse 6 (5.89.6)

स वै पथि समागम्य भीष्मेणाक्लिष्टकर्मणा । द्रोणेन धार्तराष्ट्रैश्च तैर्वृतो नगरं ययौ ॥

sa vai pathi samāgamya bhīṣmeṇākliṣṭakarmaṇā | droṇena dhārtarāṣṭraiśca tairvṛto nagaraṃ yayau

Meeting on the road with Bhishma of tireless deeds, with Drona and with Dhritarashtra's sons, he went on to the city surrounded by them.

Verse 7 (5.89.7)

कृष्णसंमाननार्थं च नगरं समलङ्कृतम् । बभूव राजमार्गश्च बहुरत्नसमाचितः ॥

kṛṣṇasaṃmānanārthaṃ ca nagaraṃ samalaṅkṛtam | babhūva rājamārgaśca bahuratnasamācitaḥ

The city had been decorated to honour Krishna, and the royal road was strewn with many jewels.

Verse 8 (5.89.8)

न च कश्चिद्गृहे राजंस्तदाऽऽसीद्भरतर्षभ । न स्त्री न वृद्धो न शिशुर्वासुदेवदिदृक्षया ॥

na ca kaścidgṛhe rājaṃstadā''sīdbharatarṣabha | na strī na vṛddho na śiśurvāsudevadidṛkṣayā

No one stayed at home that day, O king, bull of the Bharatas — not a woman, not an old man, not a child — so eager were they to see Vasudeva.

Verse 9 (5.89.9)

राजमार्गे नरास्तस्मिन्संस्तुवन्त्यवनिं गताः । तस्मिन्काले महाराज हृषीकेशप्रवेशने ॥

rājamārge narāstasminsaṃstuvantyavaniṃ gatāḥ | tasminkāle mahārāja hṛṣīkeśapraveśane

At that time, great king, as Hrishikesha made his entry, the people on that royal road bowed down to the ground and sang his praises.

Verse 10 (5.89.10)

आवृतानि वरस्त्रीभिर्गृहाणि सुमहान्त्यपि । प्रचलन्तीव भारेण दृश्यन्तेस्म महीतले ॥

āvṛtāni varastrībhirgṛhāṇi sumahāntyapi | pracalantīva bhāreṇa dṛśyantesma mahītale

Even the largest houses, crowded with fair women, seemed to sway on the ground under the weight.

Verse 11 (5.89.11)

तथा च गतिमन्तस्ते वासुदेवस्य वाजिनः । प्रनष्टगतयोऽभूवन्राजमार्गे नरैर्वृते ॥

tathā ca gatimantaste vāsudevasya vājinaḥ | pranaṣṭagatayo'bhūvanrājamārge narairvṛte

And Vasudeva's horses, swift as they were, lost all their speed on the royal road, so thronged was it with people.

Verse 12 (5.89.12)

स गृहं धृतराष्ट्रस्य प्राविशच्छत्रुकर्शनः । पाण्डुरैः पुण्डरीकाक्षः प्रासादैरुपशोभितम् ॥

sa gṛhaṃ dhṛtarāṣṭrasya prāviśacchatrukarśanaḥ | pāṇḍuraiḥ puṇḍarīkākṣaḥ prāsādairupaśobhitam

The lotus-eyed destroyer of foes entered Dhritarashtra's palace, graced with white mansions.

Verse 13 (5.89.13)

तिस्रः कक्ष्या व्यतिक्रम्य केशवो राजवेश्मनः । वैचित्रवीर्यं राजानमभ्यगच्छदरिन्दमः ॥

tisraḥ kakṣyā vyatikramya keśavo rājaveśmanaḥ | vaicitravīryaṃ rājānamabhyagacchadarindamaḥ

Passing through three courtyards of the royal residence, Keshava, tamer of foes, came to King Dhritarashtra, son of Vichitravirya.

Verse 14 (5.89.14)

अभ्यागच्छति दाशार्हे प्रज्ञाचक्षुर्नराधिपः । सहैव द्रोणभीष्माभ्यामुदतिष्ठन्महायशाः ॥

abhyāgacchati dāśārhe prajñācakṣurnarādhipaḥ | sahaiva droṇabhīṣmābhyāmudatiṣṭhanmahāyaśāḥ

As the Dasharha approached, the illustrious king, whose eyes were his wisdom, rose, and Drona and Bhishma with him.

Note on the text: Corrected तहैव → सहैव (misprint in Wikisource; त for स; the critical edition reads sahaiva).

Verse 15 (5.89.15)

कृपश्च सोमदत्तश्च महाराजश्च बाह्लिकः । आसनेभ्योऽचलन्सर्वे पूजयन्तो जनार्दनम् ॥

kṛpaśca somadattaśca mahārājaśca bāhlikaḥ | āsanebhyo'calansarve pūjayanto janārdanam

Kripa, Somadatta and the great king Bahlika all rose from their seats, honouring Janardana.

Verse 16 (5.89.16)

ततो राजानमासाद्य धृतराष्ट्रं यशस्विनम् । सभीष्मं पूजयामास वार्ष्णेयो वाग्भिरञ्जसा ॥

tato rājānamāsādya dhṛtarāṣṭraṃ yaśasvinam | sabhīṣmaṃ pūjayāmāsa vārṣṇeyo vāgbhirañjasā

Then the Varshneya went up to the illustrious King Dhritarashtra and to Bhishma, and honoured them at once with words.

Verse 17 (5.89.17)

तेषु धर्मानुपूर्वी तां प्रयुज्य मधुसूदनः । यथावयः समीयाय राजभिः सह माधवः ॥

teṣu dharmānupūrvī tāṃ prayujya madhusūdanaḥ | yathāvayaḥ samīyāya rājabhiḥ saha mādhavaḥ

Observing among them the proper order that dharma prescribes, Madhusudana, Madhava, greeted the kings each according to his age.

Verse 18 (5.89.18)

अथ द्रोणं सबाह्लीकं सपुत्रं च यशस्विनम् । कृपं च सोमदत्तं च समीयाय जनार्दनः ॥

atha droṇaṃ sabāhlīkaṃ saputraṃ ca yaśasvinam | kṛpaṃ ca somadattaṃ ca samīyāya janārdanaḥ

Then Janardana met Drona with his son, and the illustrious Bahlika, and Kripa and Somadatta.

Verse 19 (5.89.19)

तत्रासीदूर्जितं मृष्टं काञ्चनं महदासनम् । शासनाद्धृतराष्ट्रस्य तत्रोपाविशदच्युतः ॥

tatrāsīdūrjitaṃ mṛṣṭaṃ kāñcanaṃ mahadāsanam | śāsanāddhṛtarāṣṭrasya tatropāviśadacyutaḥ

A great golden seat was there, splendid and polished; at Dhritarashtra's bidding Achyuta sat down on it.

Verse 20 (5.89.20)

अथ गां मधुपर्कं चाप्युदकं च जनार्दने । उपजह्रुर्यथान्यायं धृतराष्ट्रपुरोहिताः ॥

atha gāṃ madhuparkaṃ cāpyudakaṃ ca janārdane | upajahruryathānyāyaṃ dhṛtarāṣṭrapurohitāḥ

Then Dhritarashtra's priests duly offered Janardana a cow, madhuparka and water.

Note on the text: Corrected उपजह्नुः → उपजह्रुः (misprint in Wikisource; ह्न for ह्र; the critical edition reads upajahruḥ).

Verse 21 (5.89.21)

कृतातिथ्यस्तु गोविन्दः सर्वान्परिहसन्कुरून् । आस्ते सांबन्धिकं कुर्वन्कुरुभिः परिवारितः ॥

kṛtātithyastu govindaḥ sarvānparihasankurūn | āste sāṃbandhikaṃ kurvankurubhiḥ parivāritaḥ

When he had received this hospitality, Govinda sat surrounded by the Kurus, jesting with them all and keeping up the talk of kinsmen.

Verse 22 (5.89.22)

सोऽर्चितो धृतराष्ट्रेण पूजितश्च महायशाः । राजानं समनुज्ञाप्य निरक्रामदरिन्दमः ॥

so'rcito dhṛtarāṣṭreṇa pūjitaśca mahāyaśāḥ | rājānaṃ samanujñāpya nirakrāmadarindamaḥ

Honoured and praised by Dhritarashtra, the illustrious tamer of foes took his leave of the king and went out.

Verse 23 (5.89.23)

तैः समेत्य यथान्यायं कुरुभिः कुरुसंसदि । विदुरावसथं रम्यमुपातिष्ठत माधवः ॥

taiḥ sametya yathānyāyaṃ kurubhiḥ kurusaṃsadi | vidurāvasathaṃ ramyamupātiṣṭhata mādhavaḥ

Having taken leave of the Kurus in the Kuru assembly as was fitting, Madhava went to Vidura's pleasant dwelling.

Verse 24 (5.89.24)

विदुरः सर्वकल्याणैरभिगम्य जनार्दनम् । अर्चयामास दाशार्हं सर्वकामैरुपस्थितम् ॥

viduraḥ sarvakalyāṇairabhigamya janārdanam | arcayāmāsa dāśārhaṃ sarvakāmairupasthitam

Vidura came to Janardana with every auspicious offering and honoured the Dasharha, providing all that he could wish for.

Verse 25 (5.89.25)

कृतातिथ्यं तु गोविन्दं विदुरः सर्वधर्मवित् । कुशलं पाण्डुपुत्राणामपृच्छन्मधुसूदनम् ॥

kṛtātithyaṃ tu govindaṃ viduraḥ sarvadharmavit | kuśalaṃ pāṇḍuputrāṇāmapṛcchanmadhusūdanam

When Govinda had been received as a guest, Vidura, who knew all of dharma, asked Madhusudana how the sons of Pandu were faring.

Verse 26 (5.89.26)

प्रीयमाणस्य सुहृदो विदुरो बुद्धिसत्तमः । धर्मार्थनित्यस्य सतो गतरोषस्य धीमतः ॥

prīyamāṇasya suhṛdo viduro buddhisattamaḥ | dharmārthanityasya sato gataroṣasya dhīmataḥ

Vidura, foremost of the wise, asked this of his friend, who was pleased with him — ever devoted to dharma and to right ends, virtuous, free of anger and wise.

Note on the text: Corrected गतरोवस्य → गतरोषस्य (misprint in Wikisource; व for ष — गतरोष, 'free of anger'; the critical edition has gatadoṣasya). The page's commentary takes the genitives as objects of Vidura's asking.

Verse 27 (5.89.27)

तस्य सर्वं सविस्तारं पाण्डवानां विचेष्टितम् । क्षत्तुराचष्ट दाशार्हः सर्वं प्रत्यक्षदर्शिवान् ॥

tasya sarvaṃ savistāraṃ pāṇḍavānāṃ viceṣṭitam | kṣatturācaṣṭa dāśārhaḥ sarvaṃ pratyakṣadarśivān

And the Dasharha, who had seen it all with his own eyes, told the steward everything the Pandavas had been doing, in full detail.