Krishna Visits Kunti

Verse 1 (5.90.1)

अथोपगम्य विदुरमपराह्णे जनार्दनः । पितृष्वसारं स पृथामभ्यगच्छदरिन्दमः ॥

athopagamya viduramaparāhṇe janārdanaḥ | pitṛṣvasāraṃ sa pṛthāmabhyagacchadarindamaḥ

Then, after calling on Vidura, Janardana, tamer of foes, went in the afternoon to Pritha, his father's sister.

Verse 2 (5.90.2)

सा दृष्ट्वा कृष्णमायान्तं प्रसन्नादित्यवर्चसम् । कण्ठे गृहीत्वा प्राक्रोशत्स्मरन्ती तनयान्पृथा ॥

sā dṛṣṭvā kṛṣṇamāyāntaṃ prasannādityavarcasam | kaṇṭhe gṛhītvā prākrośatsmarantī tanayānpṛthā

When Pritha saw Krishna coming, radiant as the cloudless sun, she threw her arms around his neck and wept aloud, remembering her sons.

Verse 3 (5.90.3)

तेषां सत्ववतां मध्ये गोविन्दं सहचारिणम् । चिरस्य दृष्ट्वा वार्ष्णेयं बाष्पमाहारयत्पृथा ॥

teṣāṃ satvavatāṃ madhye govindaṃ sahacāriṇam | cirasya dṛṣṭvā vārṣṇeyaṃ bāṣpamāhārayatpṛthā

Seeing after so long Govinda of the Vrishni clan, the companion who had moved among those mighty sons of hers, Pritha shed tears.

Note on the text: Corrected बाष्पमाहारयत्मृथा → बाष्पमाहारयत्पृथा (misprint in Wikisource; म for प in the name पृथा; critical edition pṛthā).

Verse 4 (5.90.4)

साऽब्रवीत्कृष्णमासीनं कृतातिथ्यं युधां पतिम् । बाष्पगद्गदपूर्णेन मुखेन परिशुष्यता ॥

sā'bravītkṛṣṇamāsīnaṃ kṛtātithyaṃ yudhāṃ patim | bāṣpagadgadapūrṇena mukhena pariśuṣyatā

When Krishna, lord of warriors, had been received as a guest and was seated, she spoke to him, her voice choked with tears and her mouth gone dry:

Verse 5 (5.90.5)

एते बाल्यात्प्रभृत्येव गुरुशुश्रूषणे रताः । परस्परस्य सुहृदः संमताः समचेतसः । निकृत्या भ्रंशिता राज्याज्जनार्हा निर्जनं गताः ॥

ete bālyātprabhṛtyeva guruśuśrūṣaṇe ratāḥ | parasparasya suhṛdaḥ saṃmatāḥ samacetasaḥ | nikṛtyā bhraṃśitā rājyājjanārhā nirjanaṃ gatāḥ

"From childhood these sons of mine were devoted to serving their elders; they were true friends to one another, honoured by all and of one mind. Stripped of their kingdom by fraud, they who deserved to live among men went away into the lonely wilds.

Note on the text: No speaker heading in Wikisource; Kunti's words, announced in verse 4 (साऽब्रवीत्), run from here to verse 54 and are assigned to her (the input carried Vaishampayana over). Lines 1–2 are the critical edition's 5.88.5ab–cd (reading ये ते for एते); line 3 is 5.88.6ab. From here to verse 21 each Wikisource verse joins the second half of one critical-edition verse to the first half of the next. Corrected बाल्यान्प्रभृत्येव → बाल्यात्प्रभृत्येव (misprint in Wikisource; त् does not become न् before प्, cf. बाल्यात्प्रभृति in verse 10; critical edition bālyāt prabhṛtyeva) and राज्याञ्जनार्हा → राज्याज्जनार्हा (misprint in Wikisource; त् before ज् gives ज्ज, not ञ्ज; critical edition rājyāj janārhā).

Verse 6 (5.90.6)

विनीतक्रोधहर्षाश्च ब्रह्मण्याः सत्यवादिनः । त्यक्त्वा प्रियसुखे पार्था रुदतीमपहाय माम् ॥

vinītakrodhaharṣāśca brahmaṇyāḥ satyavādinaḥ | tyaktvā priyasukhe pārthā rudatīmapahāya mām

They had mastered anger and elation; they revered the brahmins and spoke the truth. Giving up all they loved and all their pleasures, the sons of Pritha left me weeping,

Note on the text: Line 1 is the critical edition's 5.88.6cd; line 2 is 5.88.7ab. Corrected प्रियमुखे → प्रियसुखे (misprint in Wikisource; म for स — the page's own commentary glosses प्रियं and सुखं, and the critical edition reads priyasukhe).

Verse 7 (5.90.7)

अहार्षुश्च वनं यान्तः समूलं हृदयं मम । अतदर्हा महात्मानः कथं केशव पाण्डवाः ॥

ahārṣuśca vanaṃ yāntaḥ samūlaṃ hṛdayaṃ mama | atadarhā mahātmānaḥ kathaṃ keśava pāṇḍavāḥ

and as they went to the forest they tore my heart out by the roots. How, Keshava, could the Pandavas, great-souled and so undeserving of it,

Note on the text: Line 1 is the critical edition's 5.88.7cd; line 2 is 5.88.8ab.

Verse 8 (5.90.8)

ऊषुर्महावने तात सिंहव्याघ्रगजाकुले । बाला विहीनाः पित्रा ते मया सततलालिताः ॥

ūṣurmahāvane tāta siṃhavyāghragajākule | bālā vihīnāḥ pitrā te mayā satatalālitāḥ

have lived, my dear, in the great forest teeming with lions, tigers and elephants? Mere children, bereft of their father, always cherished by me —

Note on the text: Line 1 is the critical edition's 5.88.8cd; line 2 is 5.88.9ab.

Verse 9 (5.90.9)

अपश्यन्तश्च पितरौ कथमूषुर्महावने । शङ्खदुन्दुभिनिर्घोषैर्मृदङ्गैर्वेणुनिस्वनैः ॥

apaśyantaśca pitarau kathamūṣurmahāvane | śaṅkhadundubhinirghoṣairmṛdaṅgairveṇunisvanaiḥ

how did they live in the great forest without the sight of their parents? With the sound of conches and kettledrums, of mridangas and flutes

Note on the text: Line 1 is the critical edition's 5.88.9cd (reading svapitarau for पितरौ); line 2 is 5.88.10ab (reading vaiṇavair api for वेणुनिस्वनैः). Corrected कथमुषूर्महावने → कथमूषुर्महावने (misprint in Wikisource; vowel lengths swapped in ऊषुः, cf. verse 8; critical edition katham ūṣur) and र्भृदङ्गै → र्मृदङ्गै (misprint in Wikisource; भ for म; critical edition mṛdaṅgair).

Verse 10 (5.90.10)

पाण्डवाः समबोध्यन्त बाल्यात्प्रभृति केशव । ये स्म वारणशब्देन हयानां हेषितेन च ॥

pāṇḍavāḥ samabodhyanta bālyātprabhṛti keśava | ye sma vāraṇaśabdena hayānāṃ heṣitena ca

the Pandavas were woken from their childhood on, Keshava. They who at home used to be woken by the trumpeting of elephants, the neighing of horses

Note on the text: Line 1 is the critical edition's 5.88.10cd; line 2 is 5.88.11ab.

Verse 11 (5.90.11)

रथनेमिनिनादैश्च व्यबोध्यन्त तदा गृहे । शङ्खभेरीनिनादेन वेणुवीणानुनादिना ॥

rathanemininādaiśca vyabodhyanta tadā gṛhe | śaṅkhabherīninādena veṇuvīṇānunādinā

and the rumble of chariot wheels; by the sound of conch and kettledrum and the music of flute and vina,

Note on the text: Line 1 is the critical edition's 5.88.11cd (reading sadā for तदा); line 2 is 5.88.12ab. Corrected रथेनेमिनिनादैश्च → रथनेमिनिनादैश्च (misprint in Wikisource; stray vowel sign in the compound रथनेमि; critical edition rathanemi-).

Verse 12 (5.90.12)

पुण्याहघोषमिश्रेण पूज्यमाना द्विजातिभिः । वस्त्रै रत्नैरलङ्कारैः पूजयन्तो द्विजन्मनः ॥

puṇyāhaghoṣamiśreṇa pūjyamānā dvijātibhiḥ | vastrai ratnairalaṅkāraiḥ pūjayanto dvijanmanaḥ

mingled with the chanting of blessings for an auspicious day; who were honoured by the twice-born while they themselves honoured the brahmins with garments, jewels and ornaments;

Note on the text: Line 1 is the critical edition's 5.88.12cd; line 2 is 5.88.13ab.

Verse 13 (5.90.13)

गीर्भिर्मङ्गलयुक्ताभिर्ब्राह्मणानां महात्मनाम् । अर्चितैरर्चनार्हैश्च स्तुवद्भिरभिनन्दिताः ॥

gīrbhirmaṅgalayuktābhirbrāhmaṇānāṃ mahātmanām | arcitairarcanārhaiśca stuvadbhirabhinanditāḥ

who were greeted with the auspicious words of great-souled brahmins and hailed with praise by worthy men whom they had honoured —

Note on the text: Line 1 is the critical edition's 5.88.13cd; line 2 is 5.88.14ab.

Verse 14 (5.90.14)

प्रासादाग्रेष्वबोध्यन्त राङ्कवाजिनशायिनः । क्रूरं च निनदं श्रुत्वा श्वापदानां महावने ॥

prāsādāgreṣvabodhyanta rāṅkavājinaśāyinaḥ | krūraṃ ca ninadaṃ śrutvā śvāpadānāṃ mahāvane

they used to wake in the upper chambers of their palaces, lying on soft woollens and deerskins. Hearing now the fierce cries of beasts of prey in the great forest,

Note on the text: Line 1 is the critical edition's 5.88.14cd; line 2 is 5.88.15ab (reading te nūnaṃ for क्रूरं च). Corrected प्रासादाग्नेष्व → प्रासादाग्रेष्व (misprint in Wikisource; न for र; critical edition prāsādāgreṣv) and राङ्खवाजिन → राङ्कवाजिन (misprint in Wikisource; राङ्कव, ranku-deer wool; critical edition rāṅkava-).

Verse 15 (5.90.15)

न स्मोपयान्ति निद्रां ते न तदर्हा जनार्दन । भेरीमृदङ्गनिनदैः शङ्खवैणवनिस्वनैः ॥

na smopayānti nidrāṃ te na tadarhā janārdana | bherīmṛdaṅganinadaiḥ śaṅkhavaiṇavanisvanaiḥ

surely they cannot sleep, Janardana — they who never deserved this. Woken by the beat of drums and mridangas, by the blare of conches and flutes,

Note on the text: Line 1 is the critical edition's 5.88.15cd; line 2 is 5.88.16ab. Corrected नतदर्हा → न तदर्हा (misprint in Wikisource; नतदर्हा is not a word — the negative must stand apart, or be अ- as in the critical edition's atadarhā).

Verse 16 (5.90.16)

स्त्रीणां गीतनिनादैश्च मधुरैर्मधुसूदन । वन्दिमागधसूतैश्च स्तुवद्भिर्बोधिताः कथम् ॥

strīṇāṃ gītaninādaiśca madhurairmadhusūdana | vandimāgadhasūtaiśca stuvadbhirbodhitāḥ katham

by the sweet singing of women, Madhusudana, and by bards, minstrels and heralds singing their praises — how

Note on the text: Line 1 is the critical edition's 5.88.16cd; line 2 is 5.88.17ab.

Verse 17 (5.90.17)

महावनेष्वबोध्यन्त श्वापदानां रुतेन च । ह्रीमान्सत्यधृतिर्दान्तो भूतानामनुकम्पिता ॥

mahāvaneṣvabodhyanta śvāpadānāṃ rutena ca | hrīmānsatyadhṛtirdānto bhūtānāmanukampitā

are they woken now in the great forests by the howling of wild beasts? He who is modest, steadfast in truth, self-controlled and compassionate to all beings,

Note on the text: Line 1 is the critical edition's 5.88.17cd; line 2 is 5.88.18ab. Corrected ह्रीमात्सत्य → ह्रीमान्सत्य (misprint in Wikisource; nominative ह्रीमान्; critical edition hrīmān).

Verse 18 (5.90.18)

कामद्वेषौ वशे कृत्वा सतां वर्त्मानुवर्तते । अम्बरीषस्य मान्धातुर्ययातेर्नहुषस्य च ॥

kāmadveṣau vaśe kṛtvā satāṃ vartmānuvartate | ambarīṣasya māndhāturyayāternahuṣasya ca

who has brought desire and hatred under control and walks the path of the good; who bears the heavy yoke of Ambarisha, Mandhatri, Yayati and Nahusha,

Note on the text: Line 1 is the critical edition's 5.88.18cd; line 2 is 5.88.19ab.

Verse 19 (5.90.19)

भरतस्य दिलीपस्य शिबेरौशीनरस्य च । राजर्षीणां पुराणानां धुरं धत्ते दुरुद्वहाम् ॥

bharatasya dilīpasya śiberauśīnarasya ca | rājarṣīṇāṃ purāṇānāṃ dhuraṃ dhatte durudvahām

of Bharata, Dilipa and Shibi son of Ushinara — the yoke of those royal sages of old, so hard to carry;

Note on the text: Line 1 is the critical edition's 5.88.19cd; line 2 is 5.88.20ab.

Verse 20 (5.90.20)

शीलवृत्तोपसंपन्नो धर्मज्ञः सत्यसङ्गरः । राजा सर्वगुणोपेतस्त्रैलोक्यस्यापि यो भवेत् ॥

śīlavṛttopasaṃpanno dharmajñaḥ satyasaṅgaraḥ | rājā sarvaguṇopetastrailokyasyāpi yo bhavet

rich in good character and conduct, knowing dharma, true to his word, a king endowed with every virtue, worthy to rule even the three worlds;

Note on the text: Line 1 is the critical edition's 5.88.20cd; line 2 is 5.88.21ab. Corrected शीलवृत्तोपसंपन्नोः → शीलवृत्तोपसंपन्नो (misprint in Wikisource; stray visarga after ओ; critical edition -saṃpanno) and त्रौलोक्य → त्रैलोक्य (misprint in Wikisource; critical edition trailokya-).

Verse 21 (5.90.21)

अजातशत्रुर्धर्मात्मा शुद्धजाम्बूनदप्रभः । श्रेष्ठः कुरुषु सर्वेषु धर्मतः श्रुतवृत्ततः । प्रियदर्शो दीर्घभुजः कथं कृष्ण युधिष्ठिरः ॥

ajātaśatrurdharmātmā śuddhajāmbūnadaprabhaḥ | śreṣṭhaḥ kuruṣu sarveṣu dharmataḥ śrutavṛttataḥ | priyadarśo dīrghabhujaḥ kathaṃ kṛṣṇa yudhiṣṭhiraḥ

Ajatashatru, righteous of soul, bright as pure gold, foremost of all the Kurus in dharma, learning and conduct, handsome and long-armed — how is he, Krishna, how is Yudhishthira?

Note on the text: Line 1 is the critical edition's 5.88.21cd; lines 2–3 are 5.88.22.

Verse 22 (5.90.22)

यः स नागायुतप्राणो वातरंहा महाबलः । सामर्षः पाण्डवो नित्यं प्रियो भ्रातुः प्रियंकरः ॥

yaḥ sa nāgāyutaprāṇo vātaraṃhā mahābalaḥ | sāmarṣaḥ pāṇḍavo nityaṃ priyo bhrātuḥ priyaṃkaraḥ

He who has the strength of ten thousand elephants and the swiftness of the wind, mighty and ever quick to resent a wrong, the Pandava who loves his brother and does what pleases him;

Verse 23 (5.90.23)

कीचकस्य तु सज्ञातेर्यो हन्ता मधुसूदन । शूरः क्रोधवशानां च हिडिम्बस्य बकस्य च ॥

kīcakasya tu sajñāteryo hantā madhusūdana | śūraḥ krodhavaśānāṃ ca hiḍimbasya bakasya ca

who slew Kichaka with all his kin, Madhusudana — the hero who slew the Krodhavashas, Hidimba and Baka;

Verse 24 (5.90.24)

पराक्रमे शक्रसमो मातरिश्वसमो बले । महेश्वरसमः क्रोधे भीमः प्रहरतां वरः ॥

parākrame śakrasamo mātariśvasamo bale | maheśvarasamaḥ krodhe bhīmaḥ praharatāṃ varaḥ

equal to Shakra in valour, to the wind in strength, to Maheshvara in wrath — Bhima, best of fighters;

Verse 25 (5.90.25)

क्रोधं बलममर्षं च यो निधाय परंतपः । जितात्मा पाण्डवोऽमर्षी भ्रातुस्तिष्ठति शासने ॥

krodhaṃ balamamarṣaṃ ca yo nidhāya paraṃtapaḥ | jitātmā pāṇḍavo'marṣī bhrātustiṣṭhati śāsane

who, scorcher of foes, has set aside his anger, his strength and his resentment, and, master of himself though quick to wrath, abides by his brother's command;

Verse 26 (5.90.26)

तेजोराशिं महात्मानं वरिष्ठममितौजसम् । भीमं प्रदर्शनेनापि भीमसेनं जनार्दन ॥

tejorāśiṃ mahātmānaṃ variṣṭhamamitaujasam | bhīmaṃ pradarśanenāpi bhīmasenaṃ janārdana

that mass of splendour, great-souled, most excellent, of boundless might, Bhima — terrible even to behold — Bhimasena, Janardana:

Note on the text: This verse is the critical edition's 5.88.27ab (reading balaugham for वरिष्ठम्). Corrected वरिष्ठमभितौजसम् → वरिष्ठममितौजसम् (misprint in Wikisource; भ for म in अमितौजस्; critical edition amitaujasam).

Verse 27 (5.90.27)

तं ममाचक्ष्व वार्ष्णेय कथमद्य वृकोदरः । आस्ते परिघबाहुः स मध्यमः पाण्डवो बली ॥

taṃ mamācakṣva vārṣṇeya kathamadya vṛkodaraḥ | āste parighabāhuḥ sa madhyamaḥ pāṇḍavo balī

tell me of him, scion of Vrishni. How is Vrikodara now, that mighty middle Pandava with arms like iron bars?

Note on the text: Line 1 is the critical edition's 5.88.27ef; line 2 is 5.88.28ab (reading 'cyuta for बली).

Verse 28 (5.90.28)

अर्जुनेनार्जुनो यः स कृष्ण बाहुसहस्रिणा । द्विबाहुः स्पर्धते नित्यमतीतेनापि केशव ॥

arjunenārjuno yaḥ sa kṛṣṇa bāhusahasriṇā | dvibāhuḥ spardhate nityamatītenāpi keśava

He who, Krishna, though he has but two arms, ever rivals the thousand-armed Arjuna of old, Keshava, though that Arjuna is long gone;

Note on the text: This verse is the critical edition's 5.88.28cd–ef.

Verse 29 (5.90.29)

क्षिपत्येकेन वेगेन पञ्चबाणशतानि यः । इष्वस्त्रे सदृशो राज्ञः कार्तवीर्यस्य पाण्डवः ॥

kṣipatyekena vegena pañcabāṇaśatāni yaḥ | iṣvastre sadṛśo rājñaḥ kārtavīryasya pāṇḍavaḥ

who looses five hundred arrows in a single burst, the Pandava who equals King Kartavirya in archery;

Verse 30 (5.90.30)

तेजसाऽऽदित्यसदृशो महर्षिसदृशो दमे । क्षमया पृथिवीतुल्यो महेन्द्रसमविक्रमः ॥

tejasā''dityasadṛśo maharṣisadṛśo dame | kṣamayā pṛthivītulyo mahendrasamavikramaḥ

like the sun in splendour, like a great sage in self-restraint, like the earth in forbearance, like great Indra in prowess;

Verse 31 (5.90.31)

आधिराज्यं महद्दीप्तं प्रथितं मधुसूदन । आहृतं येन वीर्येण कुरूणां सर्वराजसु ॥

ādhirājyaṃ mahaddīptaṃ prathitaṃ madhusūdana | āhṛtaṃ yena vīryeṇa kurūṇāṃ sarvarājasu

by whose valour, Madhusudana, the great, shining and renowned overlordship of the Kurus over all kings was won;

Verse 32 (5.90.32)

यस्य बाहुबलं सर्वे पाण्डवाः पर्युपासते । स सर्वरथिनां श्रेष्ठः पाण्डवः सत्यविक्रमः ॥

yasya bāhubalaṃ sarve pāṇḍavāḥ paryupāsate | sa sarvarathināṃ śreṣṭhaḥ pāṇḍavaḥ satyavikramaḥ

whose strength of arm all the Pandavas rely on — the best of all chariot-fighters, the Pandava of true valour;

Verse 33 (5.90.33)

यं गत्वाऽभिमुखः सङ्ख्ये न जीवन्कश्चिदाव्रजेत् । यो जेता सर्वभूतानामजेयो जिष्णुरच्युत ॥

yaṃ gatvā'bhimukhaḥ saṅkhye na jīvankaścidāvrajet | yo jetā sarvabhūtānāmajeyo jiṣṇuracyuta

from whose presence no one who has faced him in battle comes back alive; who conquers all beings and is himself unconquerable, the victorious one, Achyuta;

Note on the text: Not in the critical edition's constituted text (found in the vulgate recension); the critical edition records it in its apparatus as star passage 5.88.32d*0397. Corrected न जीवन्तश्चिदाव्रजेत् → न जीवन्कश्चिदाव्रजेत् (misprint in Wikisource; जीवन्तश्चित् is not a valid form — 'no one returns alive'; the star passage reads na jīvan kaś cid āvrajet).

Verse 34 (5.90.34)

योऽपाश्रयः पाण्डवानां देवानामिव वासवः । स ते भ्राता सखा चैव कथमद्य धनञ्जयः ॥

yo'pāśrayaḥ pāṇḍavānāṃ devānāmiva vāsavaḥ | sa te bhrātā sakhā caiva kathamadya dhanañjayaḥ

who is the refuge of the Pandavas as Vasava is of the gods — how is your brother and friend Dhananjaya now?

Verse 35 (5.90.35)

दयावान्सर्वभूतेषु ह्रीनिषेवो महास्त्रवित् । मृदुश्च सुकुमारश्च धार्मिकश्च प्रियश्च मे ॥

dayāvānsarvabhūteṣu hrīniṣevo mahāstravit | mṛduśca sukumāraśca dhārmikaśca priyaśca me

Compassionate to all beings, given to modesty, master of the great weapons, gentle, tender, righteous and dear to me —

Note on the text: Corrected महास्रवित् → महास्त्रवित् (misprint in Wikisource; dropped त in अस्त्र; critical edition mahāstravit).

Verse 36 (5.90.36)

सहदेवो महेष्वासः शूरः समितिशोभनः । भ्रातॄणां कृष्ण शुश्रूषुर्धर्मार्थकुशलो युवा ॥

sahadevo maheṣvāsaḥ śūraḥ samitiśobhanaḥ | bhrātṝṇāṃ kṛṣṇa śuśrūṣurdharmārthakuśalo yuvā

Sahadeva, the great archer, the hero who shines in battle, devoted to serving his brothers, Krishna, a youth skilled in dharma and in worldly affairs —

Note on the text: Corrected भ्रातृणां → भ्रातॄणां (misprint in Wikisource; the genitive plural has long ॄ, as in verse 39; critical edition bhrātṝṇāṃ).

Verse 37 (5.90.37)

सदैव सहदेवस्य भ्रातरो मधुसूदन । वृत्तं कल्याणवृत्तस्य पूजयन्ति महात्मनः ॥

sadaiva sahadevasya bhrātaro madhusūdana | vṛttaṃ kalyāṇavṛttasya pūjayanti mahātmanaḥ

his brothers, Madhusudana, always honour the conduct of that great-souled Sahadeva, whose ways are noble.

Verse 38 (5.90.38)

ज्येष्ठोपचायिनं वीरं सहदेवं युधां पतिम् । शुश्रूषुं मम वार्ष्णेय माद्रीपुत्रं प्रचक्ष्व मे ॥

jyeṣṭhopacāyinaṃ vīraṃ sahadevaṃ yudhāṃ patim | śuśrūṣuṃ mama vārṣṇeya mādrīputraṃ pracakṣva me

Tell me, scion of Vrishni, of the hero Sahadeva, lord of warriors, Madri's son, who honours his elders and serves me devotedly.

Verse 39 (5.90.39)

सुकुमारो युवा शूरो दर्शनीयश्च पाण्डवः । भ्रातॄणां चैव सर्वेषां प्रियः प्राणो बहिश्चरः ॥

sukumāro yuvā śūro darśanīyaśca pāṇḍavaḥ | bhrātṝṇāṃ caiva sarveṣāṃ priyaḥ prāṇo bahiścaraḥ

Tender, young, brave and handsome, the Pandava who is dear to all his brothers as their own life walking outside their bodies;

Verse 40 (5.90.40)

चित्रयोधी च नकुलो महेष्वासो महाबलः । कच्चित्स कुशली कृष्ण वत्सो मम सुखैधितः ॥

citrayodhī ca nakulo maheṣvāso mahābalaḥ | kaccitsa kuśalī kṛṣṇa vatso mama sukhaidhitaḥ

Nakula, the wondrous fighter, the great archer of great strength — is he well, Krishna, my child brought up in comfort?

Verse 41 (5.90.41)

सुखोचितमदुःखार्हं सुकुमारं महारथम् । अपि जातु महाबाहो पश्येयं नकुलं पुनः ॥

sukhocitamaduḥkhārhaṃ sukumāraṃ mahāratham | api jātu mahābāho paśyeyaṃ nakulaṃ punaḥ

Shall I ever see Nakula again, mighty-armed one — the great chariot-fighter, tender, used to comfort and undeserving of sorrow?

Verse 42 (5.90.42)

पक्ष्मसंपातजे काले नकुलेन विनाकृता । न लभामि धृतिं वीर साऽद्य जीवामि पश्य माम् ॥

pakṣmasaṃpātaje kāle nakulena vinākṛtā | na labhāmi dhṛtiṃ vīra sā'dya jīvāmi paśya mām

I, who could find no peace, hero, when parted from Nakula for the time it takes an eyelid to close — look at me: I am living still.

Verse 43 (5.90.43)

सर्वैः पुत्रैः प्रियतरा द्रौपदी मे जनार्दन । कुलीना रूपसंपन्ना सर्वैः समुदिता गुणैः ॥

sarvaiḥ putraiḥ priyatarā draupadī me janārdana | kulīnā rūpasaṃpannā sarvaiḥ samuditā guṇaiḥ

Dearer to me than all my sons is Draupadi, Janardana — nobly born, beautiful and endowed with every virtue.

Verse 44 (5.90.44)

पुत्रलोकात्पतिलोकं वृण्वाना सत्यवादिनी । प्रियान्पुत्रान्परित्यज्य पाण्डवाननुरुध्यते ॥

putralokātpatilokaṃ vṛṇvānā satyavādinī | priyānputrānparityajya pāṇḍavānanurudhyate

Truthful in speech, she chose the world of her husbands over the world of her sons; leaving her beloved sons behind, she follows the Pandavas.

Verse 45 (5.90.45)

महाभिजनसंपन्ना सर्वकामैः सुपूजिता । ईश्वरी सर्वकल्याणी द्रौपदी कथमच्युत ॥

mahābhijanasaṃpannā sarvakāmaiḥ supūjitā | īśvarī sarvakalyāṇī draupadī kathamacyuta

Born of a great lineage, honoured with every object of desire, a queen blessed in every way — how is Draupadi, Achyuta?

Verse 46 (5.90.46)

पतिभिः पञ्चभिः शूरैरग्निकल्पैः प्रहारिभिः । उपपन्ना महेष्वासैर्द्रौपदी दुःखभागिनी ॥

patibhiḥ pañcabhiḥ śūrairagnikalpaiḥ prahāribhiḥ | upapannā maheṣvāsairdraupadī duḥkhabhāginī

Though she has five husbands, heroes like fire, strong to strike and mighty archers, Draupadi has her share only of sorrow.

Verse 47 (5.90.47)

चतुर्दशमिदं वर्षं यन्नापश्यमरिन्दम । पुत्रादिभिः परिद्यूनां द्रौपदीं सत्यवादिनीम् ॥

caturdaśamidaṃ varṣaṃ yannāpaśyamarindama | putrādibhiḥ paridyūnāṃ draupadīṃ satyavādinīm

This is the fourteenth year, tamer of foes, that I have not seen truthful Draupadi, worn down by grief for her sons and the rest.

Verse 48 (5.90.48)

न नूनं कर्मभिः पुण्यैरश्नुते पुरुषः सुखम् । द्रौपदी चेत्तथावृत्ता नाश्नुते सुखमव्ययम् ॥

na nūnaṃ karmabhiḥ puṇyairaśnute puruṣaḥ sukham | draupadī cettathāvṛttā nāśnute sukhamavyayam

Surely no man wins happiness by holy deeds, if Draupadi, whose conduct is so pure, does not enjoy lasting happiness.

Note on the text: Corrected अश्रुते → अश्नुते and नाश्रुते → नाश्नुते (misprint in Wikisource; र for न in अश्नुते, 'obtains'; critical edition aśnute, nāśnute).

Verse 49 (5.90.49)

न प्रियो मम कृष्णाया बीभत्सुर्न युधिष्ठिरः । भीमसेनो यमौ वापि यदपश्यं सभागताम् ॥

na priyo mama kṛṣṇāyā bībhatsurna yudhiṣṭhiraḥ | bhīmaseno yamau vāpi yadapaśyaṃ sabhāgatām

Neither Bibhatsu nor Yudhishthira, nor Bhimasena nor the twins, is as dear to me as Krishna — and I saw her dragged into the assembly hall.

Verse 50 (5.90.50)

न मे दुःखतरं किंचिद्भूतपूर्वं ततोऽधिकम् । स्त्रीधर्मिणीं द्रौपदीं यच्छ्वशुराणां समीपगाम् ॥

na me duḥkhataraṃ kiṃcidbhūtapūrvaṃ tato'dhikam | strīdharmiṇīṃ draupadīṃ yacchvaśurāṇāṃ samīpagām

Nothing that ever befell me grieved me more than this: that Draupadi, in her monthly season, was brought before her fathers-in-law,

Verse 51 (5.90.51)

आनायितामनार्येण क्रोधलोभानुवर्तिना । सर्वे प्रैक्षन्त कुरव एकवस्त्रां सभागताम् ॥

ānāyitāmanāryeṇa krodhalobhānuvartinā | sarve praikṣanta kurava ekavastrāṃ sabhāgatām

fetched there by that base man who is ruled by anger and greed, and that all the Kurus gazed at her standing in the hall in a single garment.

Verse 52 (5.90.52)

तत्रैव धृतराष्ट्रश्च महाराजश्च बाह्लिकः । कृपश्च सोमदत्तश्च निर्विष्णाः कुरवस्तथा ॥

tatraiva dhṛtarāṣṭraśca mahārājaśca bāhlikaḥ | kṛpaśca somadattaśca nirviṣṇāḥ kuravastathā

Dhritarashtra was there, and the great king Bahlika, Kripa and Somadatta — and the Kurus were dismayed.

Note on the text: Corrected कसोमदत्तश्च → सोमदत्तश्च (misprint in Wikisource; stray क; critical edition somadattaś ca).

Verse 53 (5.90.53)

तस्यां संसदि सर्वेषां क्षत्तारं पूजयाम्यहम् । वृत्तेन हि भवत्यार्यो न धनेन न विद्यया ॥

tasyāṃ saṃsadi sarveṣāṃ kṣattāraṃ pūjayāmyaham | vṛttena hi bhavatyāryo na dhanena na vidyayā

Of all in that assembly it is the Kshattri, Vidura, whom I honour; for it is by conduct that one becomes noble, not by wealth and not by learning.

Verse 54 (5.90.54)

तस्य कृष्ण महाबुद्धेर्गम्भीरस्य महात्मनः । क्षत्तुः शीलमलङ्कारो लोकान्विष्टभ्य तिष्ठति ॥

tasya kṛṣṇa mahābuddhergambhīrasya mahātmanaḥ | kṣattuḥ śīlamalaṅkāro lokānviṣṭabhya tiṣṭhati

The character of that wise, profound and great-souled Kshattri, Krishna, is an ornament that upholds the worlds."

Note on the text: Corrected क्षत्तुःक शील → क्षत्तुः शील (misprint in Wikisource; stray क; critical edition kṣattuḥ śīlam).

Verse 55 (5.90.55)

सा शोकार्ता च हृष्टा च दृष्ट्वा गोविन्दमागतम् । नानाविधानि दुःखानि सर्वाण्येवान्वकीर्तयत् ॥

sā śokārtā ca hṛṣṭā ca dṛṣṭvā govindamāgatam | nānāvidhāni duḥkhāni sarvāṇyevānvakīrtayat

Grieving and yet glad to see Govinda come, she recounted every one of her many sorrows.

Note on the text: Speaker heading वैशंपायन उवाच printed above this verse. Corrected अन्वकीर्तयम् → अन्वकीर्तयत् (misprint in Wikisource; the narrator speaks of Kunti in the third person, सा … अन्वकीर्तयत्; critical edition anvakīrtayat).

Verse 56 (5.90.56)

पूर्वैराचरितं यत्तत्कुराजभिररिन्दम । अक्षद्यूतं मृगवधः कच्चिदेषां सुखावहम् ॥

pūrvairācaritaṃ yattatkurājabhirarindama | akṣadyūtaṃ mṛgavadhaḥ kaccideṣāṃ sukhāvaham

"Dicing and the hunting of deer, which bad kings practised of old, tamer of foes — have these brought my sons any happiness?

Note on the text: No speaker heading in Wikisource; Kunti's lament resumes here and runs to verse 89, so it is assigned to her (the input carried Vaishampayana over).

Verse 57 (5.90.57)

तन्मां दहति यत्कृष्णा सभायां कुरुसन्निधौ । धार्तराष्ट्रैः परिक्लिष्टा यथा न कुशलं तथा ॥

tanmāṃ dahati yatkṛṣṇā sabhāyāṃ kurusannidhau | dhārtarāṣṭraiḥ parikliṣṭā yathā na kuśalaṃ tathā

It burns me that Krishna was abused by the sons of Dhritarashtra in the hall before the Kurus, in a way that was anything but decent.

Verse 58 (5.90.58)

निर्वासनं च नगरात्प्रव्रज्या च परन्तप । नानाविधानां दुःखानामावासोऽस्मि जनार्दन ॥

nirvāsanaṃ ca nagarātpravrajyā ca parantapa | nānāvidhānāṃ duḥkhānāmāvāso'smi janārdana

Banishment from the city, wandering in exile, scorcher of foes — I have become the dwelling-place of every kind of sorrow, Janardana.

Note on the text: This verse is the critical edition's 5.88.57ab–cd. From here to verse 64 Wikisource's verses and the critical edition's are divided differently.

Verse 59 (5.90.59)

अज्ञातचर्या बालानामवरोधश्च माधव । न मे क्लेशतमं तत्स्यात्पुत्रैः सह परन्तप ॥

ajñātacaryā bālānāmavarodhaśca mādhava | na me kleśatamaṃ tatsyātputraiḥ saha parantapa

The life in disguise of my children and the loss of their livelihood, Madhava — none of this would have been the worst affliction for me had I been with my sons, scorcher of foes.

Note on the text: Line 1 is the critical edition's 5.88.57ef (reading keśava for माधव); line 2 is 5.88.58ab.

Verse 60 (5.90.60)

दुर्योधनेन निकृता वर्षमद्य चतुर्दशम् । दुःखादपि सुखं नः स्याद्यदि पुण्यफलक्षयः ॥

duryodhanena nikṛtā varṣamadya caturdaśam | duḥkhādapi sukhaṃ naḥ syādyadi puṇyaphalakṣayaḥ

Wronged by Duryodhana, it is now the fourteenth year. If happiness is the using-up of the fruit of merit, then even from sorrow happiness may come to us.

Note on the text: Line 1 is the critical edition's 5.88.58cd; line 2 is 5.88.59ab (reading na for नः; the page's commentary explains नः).

Verse 61 (5.90.61)

न मे विशेषो जात्वासीद्धार्तराष्ट्रेषु पाण्डवैः । तेन सत्येन कृष्ण त्वां हतामित्रं श्रिया वृतम् । अस्माद्विमुक्तं सङ्ग्रामात्पश्येयं पाण्डवैः सह ॥

na me viśeṣo jātvāsīddhārtarāṣṭreṣu pāṇḍavaiḥ | tena satyena kṛṣṇa tvāṃ hatāmitraṃ śriyā vṛtam | asmādvimuktaṃ saṅgrāmātpaśyeyaṃ pāṇḍavaiḥ saha

I never made any distinction between the sons of Dhritarashtra and the Pandavas. By that truth, Krishna, may I see you, your enemies slain and wrapped in glory, come safe out of this war together with the Pandavas.

Note on the text: Line 1 is the critical edition's 5.88.59cd; lines 2–3 are 5.88.60ab–cd. Corrected विशेपो → विशेषो (misprint in Wikisource; प for ष; critical edition viśeṣo).

Verse 62 (5.90.62)

नैव शक्याः पराजेतुं सर्वं ह्येषां तथाविधम् । पितरं त्वेव गर्हेयं नात्मानं न सुयोधनम् ॥

naiva śakyāḥ parājetuṃ sarvaṃ hyeṣāṃ tathāvidham | pitaraṃ tveva garheyaṃ nātmānaṃ na suyodhanam

They cannot be defeated, for their whole conduct is upright. It is my father I should blame — not myself, nor Suyodhana —

Note on the text: Line 1 is the critical edition's 5.88.60ef (reading sattvaṃ … tathāgatam); line 2 is 5.88.61ab.

Verse 63 (5.90.63)

येनाहं कुन्तिभोजाय धनं वृत्तैरिवार्पिता । बालां मामार्यकस्तुभ्यं क्रीडन्तीं कन्दुहस्तिकां ॥

yenāhaṃ kuntibhojāya dhanaṃ vṛttairivārpitā | bālāṃ māmāryakastubhyaṃ krīḍantīṃ kanduhastikāṃ

he who handed me over to Kuntibhoja as the generous hand over wealth. When I was a little girl playing with a ball in my hand, your grandfather

Note on the text: Line 1 is the critical edition's 5.88.61cd (reading dhūrtair for वृत्तैः, which the page's commentary explains); line 2 is 5.88.62ab.

Verse 64 (5.90.64)

अदात्तु कुन्तिभोजाय सखा सख्ये महात्मने । साऽहं पित्रा च निकृता श्वशुरैश्च परन्तप । अत्यन्तदुःखिता कृष्ण किं जीवितफलं मम ॥

adāttu kuntibhojāya sakhā sakhye mahātmane | sā'haṃ pitrā ca nikṛtā śvaśuraiśca parantapa | atyantaduḥkhitā kṛṣṇa kiṃ jīvitaphalaṃ mama

gave me to Kuntibhoja, his great-souled friend, out of friendship. Wronged thus by my father and by my fathers-in-law, scorcher of foes, and sorrowful beyond measure, Krishna — what has my life been worth?

Note on the text: Line 1 is the critical edition's 5.88.62cd (reading adadāt for अदात्); lines 2–3 are 5.88.63.

Verse 65 (5.90.65)

यन्मां वागब्रवीन्नक्तं सूतके सव्यसाचिनः । पुत्रस्ते पृथिवीं जेता यशश्चास्य दिवं स्पृशेत् ॥

yanmāṃ vāgabravīnnaktaṃ sūtake savyasācinaḥ | putraste pṛthivīṃ jetā yaśaścāsya divaṃ spṛśet

On the night of Savyasachin's birth a voice said to me: 'Your son will conquer the earth, and his fame will touch the heavens;

Verse 66 (5.90.66)

हत्वा कुरून्महाजन्ये राज्यं प्राप्य धनञ्जयः । भ्रातृभिः सह कौन्तेयस्त्रीन्मेधानाहरिष्यति ॥

hatvā kurūnmahājanye rājyaṃ prāpya dhanañjayaḥ | bhrātṛbhiḥ saha kaunteyastrīnmedhānāhariṣyati

having slain the Kurus in a great war and won the kingdom, Dhananjaya, son of Kunti, will perform three horse sacrifices together with his brothers.'

Verse 67 (5.90.67)

नाहं तामभ्यसूयामि नमो धर्माय वेधसे । कृष्णाय महते नित्यं धर्मो धारयति प्रजाः ॥

nāhaṃ tāmabhyasūyāmi namo dharmāya vedhase | kṛṣṇāya mahate nityaṃ dharmo dhārayati prajāḥ

I do not doubt that voice. Homage always to Dharma, the ordainer, to the great Krishna: it is dharma that upholds all creatures.

Verse 68 (5.90.68)

धर्मश्चेदस्ति वार्ष्णेय यथा वागभ्यभाषत । त्वं चापि तत्तथा कृष्ण सर्वं संपादयिष्यसि ॥

dharmaścedasti vārṣṇeya yathā vāgabhyabhāṣata | tvaṃ cāpi tattathā kṛṣṇa sarvaṃ saṃpādayiṣyasi

If dharma exists, scion of Vrishni, as the voice declared, then you too, Krishna, will bring all of it to pass.

Verse 69 (5.90.69)

न मां माधव वैधव्यं नार्थनाशो न वैरिता । तथा शोकाय दहति यथा पुत्रैर्विना भवः ॥

na māṃ mādhava vaidhavyaṃ nārthanāśo na vairitā | tathā śokāya dahati yathā putrairvinā bhavaḥ

Neither widowhood, Madhava, nor the loss of wealth, nor enmity burns me with grief so much as this separation from my sons.

Verse 70 (5.90.70)

याऽहं गाण्डीवधन्वानं सर्वशस्त्रभृतां वरम् । धनञ्जयं न पश्यामि का शान्तिर्हृदयस्य मे । इतश्चतुर्दशं वर्षं यन्नापश्यं युधिष्ठिरम् ॥

yā'haṃ gāṇḍīvadhanvānaṃ sarvaśastrabhṛtāṃ varam | dhanañjayaṃ na paśyāmi kā śāntirhṛdayasya me | itaścaturdaśaṃ varṣaṃ yannāpaśyaṃ yudhiṣṭhiram

I, who do not see Dhananjaya, wielder of the Gandiva, best of all who bear arms — what peace can my heart have? This is the fourteenth year since I last saw Yudhishthira,

Note on the text: Lines 1–2 are the critical edition's 5.88.69; line 3 is 5.88.70ab. From here to verse 84 each Wikisource verse joins the second half of one critical-edition verse to the first half of the next.

Verse 71 (5.90.71)

धनञ्जयं च गोविन्द यमौ तं च वृकोदरम् । जीवनाशं प्रनष्टानां श्राद्धं कुर्वन्ति मानवाः ॥

dhanañjayaṃ ca govinda yamau taṃ ca vṛkodaram | jīvanāśaṃ pranaṣṭānāṃ śrāddhaṃ kurvanti mānavāḥ

Dhananjaya, Govinda, the twins, or Vrikodara. Men perform the shraddha for those who are lost, reckoning their lives as ended;

Note on the text: Line 1 is the critical edition's 5.88.70cd; line 2 is 5.88.71ab.

Verse 72 (5.90.72)

अर्थतस्ते मम मृतास्तेषां चाहं जनार्दन । ब्रूया माधव राजानं धर्मात्मानं युधिष्ठिरम् ॥

arthataste mama mṛtāsteṣāṃ cāhaṃ janārdana | brūyā mādhava rājānaṃ dharmātmānaṃ yudhiṣṭhiram

to all intents they are dead to me, and I to them, Janardana. Tell the king, the righteous Yudhishthira, Madhava:

Note on the text: Line 1 is the critical edition's 5.88.71cd; line 2 is 5.88.72ab. Corrected जनार्दना → जनार्दन (misprint in Wikisource; stray long ा on the vocative; critical edition janārdana).

Verse 73 (5.90.73)

भूयांस्ते हीयते धर्मो मा पुत्रक वृथा कृथाः । पराश्रया वासुदेव या जीवति धिगस्तु ताम् ॥

bhūyāṃste hīyate dharmo mā putraka vṛthā kṛthāḥ | parāśrayā vāsudeva yā jīvati dhigastu tām

'Your dharma is wasting badly away; do not let it come to nothing, my son.' Shame on the woman, Vasudeva, who lives dependent on others!

Note on the text: Line 1 is the critical edition's 5.88.72cd; line 2 is 5.88.73ab (reading yā jīvāmi dhig astu mām). Corrected घिगस्तु → धिगस्तु (misprint in Wikisource; घ for ध; critical edition dhig astu).

Verse 74 (5.90.74)

वृत्तेः कार्पण्यलब्धाया अप्रतिष्ठैव ज्यायसी । अथो धनञ्जयं ब्रूया नित्योद्युक्तं वृकोदरम् ॥

vṛtteḥ kārpaṇyalabdhāyā apratiṣṭhaiva jyāyasī | atho dhanañjayaṃ brūyā nityodyuktaṃ vṛkodaram

Better to have no footing at all than a livelihood gained by abasement. Then tell Dhananjaya and Vrikodara, who is ever ready for action:

Note on the text: Line 1 is the critical edition's 5.88.73cd; line 2 is 5.88.74ab.

Verse 75 (5.90.75)

यदर्थं क्षत्रिया सूते तस्य कालोऽयमागतः । अस्मिंश्चेदागते काले मिथ्या चातिक्रमिष्यति ॥

yadarthaṃ kṣatriyā sūte tasya kālo'yamāgataḥ | asmiṃścedāgate kāle mithyā cātikramiṣyati

'The time has come for which a kshatriya woman gives birth to a son. If, now that it has come, you let it pass in vain,

Note on the text: Line 1 is the critical edition's 5.88.74cd; line 2 is 5.88.75ab (reading kālo vo 'tikramiṣyati).

Verse 76 (5.90.76)

लोकसंभाविताः संतः सुनृशंसं करिष्यथ । नृशंसेन च वो युक्तांस्त्यजेयं शाश्वतीः समाः ॥

lokasaṃbhāvitāḥ saṃtaḥ sunṛśaṃsaṃ kariṣyatha | nṛśaṃsena ca vo yuktāṃstyajeyaṃ śāśvatīḥ samāḥ

you who are esteemed by the world will be doing a most shameful thing; and if you are joined to what is base, I shall forsake you for all the years to come.'

Note on the text: Line 1 is the critical edition's 5.88.75cd; line 2 is 5.88.76ab.

Verse 77 (5.90.77)

काले हि समनुप्राप्ते त्यक्तव्यमपि जीवनम् । माद्रीपुत्रौ च वक्तव्यौ क्षत्रधर्मरतौ सदा ॥

kāle hi samanuprāpte tyaktavyamapi jīvanam | mādrīputrau ca vaktavyau kṣatradharmaratau sadā

For when the time has come, even life itself must be given up. And the two sons of Madri, ever devoted to the kshatriya's duty, must be told:

Note on the text: Line 1 is the critical edition's 5.88.76cd; line 2 is 5.88.77ab. Corrected व्यक्तव्यौ → वक्तव्यौ (misprint in Wikisource; stray य; 'must be told', critical edition vaktavyau).

Verse 78 (5.90.78)

विक्रमेणार्जितान्भोगान्वृणीतं जीवितादपि । विक्रमाधिगता ह्यर्थाः क्षत्रधर्मेण जीवतः ॥

vikrameṇārjitānbhogānvṛṇītaṃ jīvitādapi | vikramādhigatā hyarthāḥ kṣatradharmeṇa jīvataḥ

'Prefer pleasures won by valour even to life itself.' For wealth gained by valour, by one who lives by the kshatriya's law,

Note on the text: Line 1 is the critical edition's 5.88.77cd; line 2 is 5.88.78ab.

Verse 79 (5.90.79)

मनो मनुष्यस्य सदा प्रीणन्ति पुरुषोत्तम । गत्वा ब्रूहि महाबाहो सर्वशस्त्रभृतां वरम् ॥

mano manuṣyasya sadā prīṇanti puruṣottama | gatvā brūhi mahābāho sarvaśastrabhṛtāṃ varam

always gladdens the heart, best of men. Go, mighty-armed one, and tell the best of all who bear arms,

Note on the text: Line 1 is the critical edition's 5.88.78cd; line 2 is 5.88.79ab.

Verse 80 (5.90.80)

अर्जुनं पाण्डवं वीरं द्रौपद्याः पदवीं चर । विदितौ हि तवात्यन्तं क्रुद्धौ तौ तु यथान्तकौ ॥

arjunaṃ pāṇḍavaṃ vīraṃ draupadyāḥ padavīṃ cara | viditau hi tavātyantaṃ kruddhau tau tu yathāntakau

the hero Arjuna, son of Pandu: 'Walk the path Draupadi has shown.' For you know well that those two, once angered, are like Death himself;

Note on the text: Line 1 is the critical edition's 5.88.79cd; line 2 is 5.88.80ab.

Verse 81 (5.90.81)

भीमार्जुनौ नयेतां हि देवानपि परां गतिम् । तयोश्चैतदवज्ञानं यत्सा कृष्णा सभां गता ॥

bhīmārjunau nayetāṃ hi devānapi parāṃ gatim | tayoścaitadavajñānaṃ yatsā kṛṣṇā sabhāṃ gatā

Bhima and Arjuna could send even the gods to the final end. And this was an insult to both of them — that Krishna was brought into the hall,

Note on the text: Line 1 is the critical edition's 5.88.80cd; line 2 is 5.88.81ab.

Verse 82 (5.90.82)

दुःशासनश्च कर्णश्च परुषाण्यभ्यभाषताम् । दुर्योधनो भीमसेनमभ्यगच्छन्मनस्विनम् ॥

duḥśāsanaśca karṇaśca paruṣāṇyabhyabhāṣatām | duryodhano bhīmasenamabhyagacchanmanasvinam

that Duhshasana and Karna spoke harsh words to her. Duryodhana affronted the proud Bhimasena

Note on the text: Line 1 is the critical edition's 5.88.81cd; line 2 is 5.88.82ab. Corrected दुःशासतश्च → दुःशासनश्च (misprint in Wikisource; त for न; critical edition duḥśāsanaś ca).

Verse 83 (5.90.83)

पश्यतां कुरुमुख्यानां तस्य द्रक्ष्यति यत्फलम् । न हि वैरं समासाद्य प्रशाम्यति वृकोदरः ॥

paśyatāṃ kurumukhyānāṃ tasya drakṣyati yatphalam | na hi vairaṃ samāsādya praśāmyati vṛkodaraḥ

in the sight of the Kuru chiefs — he will see the fruit of that. For once Vrikodara has taken up a feud, it does not die down.

Note on the text: Line 1 is the critical edition's 5.88.82cd; line 2 is 5.88.83ab.

Verse 84 (5.90.84)

सुचिरादपि भीमस्य न हि वैरं प्रशाम्यति । यावदन्तं न नयति शात्रवाञ्छत्रुकर्शनः ॥

sucirādapi bhīmasya na hi vairaṃ praśāmyati | yāvadantaṃ na nayati śātravāñchatrukarśanaḥ

Even after a very long time Bhima's enmity does not subside, until that crusher of foes brings his enemies to their end.

Note on the text: This verse is the critical edition's 5.88.83cd–ef. Corrected शात्रवाञ्चत्रुकर्शनः → शात्रवाञ्छत्रुकर्शनः (misprint in Wikisource; न् + श gives ञ्छ, not ञ्च; critical edition śātravāñ śatrukarśanaḥ).

Verse 85 (5.90.85)

न दुःखं राज्यहरणं न च द्यूते पराजयः । प्रव्राजनं तु पुत्राणां न मे तद्दुःखकारणम् ॥

na duḥkhaṃ rājyaharaṇaṃ na ca dyūte parājayaḥ | pravrājanaṃ tu putrāṇāṃ na me tadduḥkhakāraṇam

The seizure of the kingdom is no grief to me, nor the defeat at dice; the banishment of my sons is not the cause of my sorrow.

Verse 86 (5.90.86)

यत्तु सा बृहती श्यामा एकवस्त्रा सभां गता । अशृणोत्परुषा वाचः किं नु दुःखतरं ततः ॥

yattu sā bṛhatī śyāmā ekavastrā sabhāṃ gatā | aśṛṇotparuṣā vācaḥ kiṃ nu duḥkhataraṃ tataḥ

But that that tall, dark woman was brought into the hall in a single garment and heard harsh words — what could be more painful than that?

Verse 87 (5.90.87)

स्त्रीधर्मिणी वरारोहा क्षत्रधर्मरता सदा । नाभ्यगच्छत्तदा नाथं कृष्णा नाथवती सती ॥

strīdharmiṇī varārohā kṣatradharmaratā sadā | nābhyagacchattadā nāthaṃ kṛṣṇā nāthavatī satī

In her season, lovely of form, ever devoted to the kshatriya way, Krishna found no protector then, though she had protectors.

Verse 88 (5.90.88)

यस्या मम सपुत्रायास्त्वं नाथो मधुसूदन । रामश्च बलिनां श्रेष्ठः प्रद्युम्नश्च महारथः ॥

yasyā mama saputrāyāstvaṃ nātho madhusūdana | rāmaśca balināṃ śreṣṭhaḥ pradyumnaśca mahārathaḥ

And I, with my sons, have you as protector, Madhusudana, and Rama, best of the strong, and Pradyumna, the great chariot-fighter.

Verse 89 (5.90.89)

साऽहमेवंविधं दुःखं सहेयं पुरुषोत्तम । भीमे जीवति दुर्धर्षे विजये चापलायिनि ॥

sā'hamevaṃvidhaṃ duḥkhaṃ saheyaṃ puruṣottama | bhīme jīvati durdharṣe vijaye cāpalāyini

Yet I must bear sorrow such as this, best of men, while invincible Bhima lives and Vijaya, who never retreats!"

Verse 90 (5.90.90)

तत आश्वासयामास पुत्राधिभिरभिप्लुताम् । पितृष्वसारं शोचन्तीं शौरिः पार्थसखः पृथाम् ॥

tata āśvāsayāmāsa putrādhibhirabhiplutām | pitṛṣvasāraṃ śocantīṃ śauriḥ pārthasakhaḥ pṛthām

Then Shauri, friend of Partha, comforted his father's sister Pritha, who was grieving and overwhelmed with anguish for her sons.

Verse 91 (5.90.91)

का नु सीमन्तिनी त्वादृग्लोकेष्वस्ति पितृष्वसः । शूरस्य राज्ञो दुहिता आजमीढकुलं गता ॥

kā nu sīmantinī tvādṛglokeṣvasti pitṛṣvasaḥ | śūrasya rājño duhitā ājamīḍhakulaṃ gatā

"What woman in all the worlds is like you, father's sister? Daughter of King Shura, you passed into the line of Ajamidha.

Note on the text: Speaker heading वासुदेव उवाच printed above this verse.

Verse 92 (5.90.92)

महाकुलीना भवती ह्रदाद्ध्रदमिवागता । ईश्वरी सर्वकल्याणी भर्त्रा परमपूजिता ॥

mahākulīnā bhavatī hradāddhradamivāgatā | īśvarī sarvakalyāṇī bhartrā paramapūjitā

Born of a great house, you came into another as if from one lake into another — a queen, blessed in every way, highly honoured by your husband.

Verse 93 (5.90.93)

वीरसूर्वीरपत्नी त्वं सर्वैः समुदिता गुणैः । सुखदुःखे महाप्राज्ञे त्वादृशी सोढुमर्हति ॥

vīrasūrvīrapatnī tvaṃ sarvaiḥ samuditā guṇaiḥ | sukhaduḥkhe mahāprājñe tvādṛśī soḍhumarhati

Mother of heroes, wife of a hero, endowed with every virtue — a woman like you, wise lady, can bear both joy and sorrow.

Note on the text: Corrected मुखदुःखे → सुखदुःखे (misprint in Wikisource; म for स; critical edition sukhaduḥkhe).

Verse 94 (5.90.94)

निद्रातन्द्रे क्रोधहर्षौ क्षुत्पिपासे हिमातपौ । एतानि पार्था निर्जित्य नित्यं वीरसुखे रताः ॥

nidrātandre krodhaharṣau kṣutpipāse himātapau | etāni pārthā nirjitya nityaṃ vīrasukhe ratāḥ

Sleep and sloth, anger and elation, hunger and thirst, cold and heat — the sons of Pritha have conquered these and ever delight in a hero's joys.

Verse 95 (5.90.95)

त्यक्तग्राम्यसुखाः पार्था नित्यं वीरसुखप्रियाः । न तु स्वल्पेन तुष्येयुर्महोत्साहा महाबलाः ॥

tyaktagrāmyasukhāḥ pārthā nityaṃ vīrasukhapriyāḥ | na tu svalpena tuṣyeyurmahotsāhā mahābalāḥ

The sons of Pritha have given up the comforts of village life and love only a hero's happiness; great in vigour and might, they will not be content with little.

Verse 96 (5.90.96)

अन्तं धीरा निषेवन्ते मध्यं ग्राम्यसुखप्रियाः । उत्तमांश्च परिक्लेशान्भोगांश्चातीव मानुषान् ॥

antaṃ dhīrā niṣevante madhyaṃ grāmyasukhapriyāḥ | uttamāṃśca parikleśānbhogāṃścātīva mānuṣān

The resolute seek the extremes; those who love village comforts keep to the middle. The extremes are the greatest hardships and pleasures that surpass the human.

Verse 97 (5.90.97)

अन्तेषु रेमिरे धीरा न ते मध्येषु रेमिरे । अन्तप्राप्तिं सुखं प्राहुर्दुःखमन्तरमन्तयोः ॥

anteṣu remire dhīrā na te madhyeṣu remire | antaprāptiṃ sukhaṃ prāhurduḥkhamantaramantayoḥ

The resolute delight in the extremes, not in the middle; they say that reaching the extreme is happiness, and the space between the extremes is sorrow.

Verse 98 (5.90.98)

अभिवादयन्ति भवतीं पाण्डवाः सह कृष्णया । आत्मानं ते कुशलिनं निवेद्याहुरनामयम् ॥

abhivādayanti bhavatīṃ pāṇḍavāḥ saha kṛṣṇayā | ātmānaṃ te kuśalinaṃ nivedyāhuranāmayam

The Pandavas, together with Krishna, salute you; they send word that they are well and wish you good health.

Verse 99 (5.90.99)

अरोगान्सर्वसिद्धार्थान्क्षिप्रं द्रक्ष्यसि पाण्डवान् । ईश्वरान्सर्वलोकस्य हतामित्राञ्श्रिया वृतान् ॥

arogānsarvasiddhārthānkṣipraṃ drakṣyasi pāṇḍavān | īśvarānsarvalokasya hatāmitrāñśriyā vṛtān

Soon you will see the Pandavas in good health, their every aim achieved, lords of the whole world, their enemies slain, clothed in glory."

Verse 100 (5.90.100)

एवमाश्वासिता कुन्ती प्रत्युवाच जनार्दनम् । पुत्राधिभिरभिध्वस्ता निगृह्याबुद्धिजं तमः ॥

evamāśvāsitā kuntī pratyuvāca janārdanam | putrādhibhirabhidhvastā nigṛhyābuddhijaṃ tamaḥ

Comforted in this way, Kunti, who had been crushed by anguish for her sons, mastered the darkness born of ignorance and answered Janardana:

Note on the text: Speaker corrected to the narrator: this verse is narration (एवमाश्वासिता कुन्ती प्रत्युवाच), not Vasudeva's speech; the input carried वासुदेव over.

Verse 101 (5.90.101)

यद्यत्तेषां महाबाहो पथ्यं स्यान्मधुसूदन । यथायथा त्वं मन्येथाः कुर्याः कृष्ण तथातथा ॥

yadyatteṣāṃ mahābāho pathyaṃ syānmadhusūdana | yathāyathā tvaṃ manyethāḥ kuryāḥ kṛṣṇa tathātathā

"Whatever is good for them, mighty-armed Madhusudana, do it, Krishna, in whatever way you think best,

Note on the text: Speaker heading कुन्त्युवाच printed above this verse.

Verse 102 (5.90.102)

अविलोपेन धर्मस्य अनिकृत्या परन्तप । प्रभावज्ञाऽस्मि ते कृष्ण सत्यस्याभिजनस्य च ॥

avilopena dharmasya anikṛtyā parantapa | prabhāvajñā'smi te kṛṣṇa satyasyābhijanasya ca

without violating dharma and without deceit, scorcher of foes. I know your power, Krishna, your truthfulness and your lineage,

Verse 103 (5.90.103)

व्यवस्थायां च मित्रेषु बुद्धिविक्रमयोस्तथा । त्वमेव नः कुले धर्मस्त्वं सत्यं त्वं तपो महत् ॥

vyavasthāyāṃ ca mitreṣu buddhivikramayostathā | tvameva naḥ kule dharmastvaṃ satyaṃ tvaṃ tapo mahat

your judgement in dealing with friends, your wisdom and your valour. You alone are dharma in our house; you are truth, you are great austerity.

Verse 104 (5.90.104)

त्वं त्राता त्वं महद्ब्रह्म त्वयि सर्वं प्रतिष्ठितम् । यथैवात्थ तथैवैतत्त्वयि सत्यं भविष्यति ॥

tvaṃ trātā tvaṃ mahadbrahma tvayi sarvaṃ pratiṣṭhitam | yathaivāttha tathaivaitattvayi satyaṃ bhaviṣyati

You are the protector, you are the great Brahman; in you all things are established. As you say, so it is; in you it will prove true.

Verse 105 (5.90.105)

कुरूणां पाण्डवानां च लोकानां चापराजित । सर्वस्यैतस्य वार्ष्णेय गतिस्त्वमसि माधव । प्रभावो बुद्धिवीर्यं च तादृशं तव केशव ॥

kurūṇāṃ pāṇḍavānāṃ ca lokānāṃ cāparājita | sarvasyaitasya vārṣṇeya gatistvamasi mādhava | prabhāvo buddhivīryaṃ ca tādṛśaṃ tava keśava

Of the Kurus and the Pandavas and of all the worlds, unconquered one — of all this, scion of Vrishni, you are the refuge, Madhava; such are your power, your wisdom and your valour, Keshava."

Note on the text: Removed stray wiki marks (a backtick before the verse and ।।' after it). Not in the critical edition's constituted text (found in the vulgate recension); the critical edition records it in its apparatus as star passage 5.88.103d*0404 (line 3 reading prabhāvaṃ for प्रभावो).

Verse 106 (5.90.106)

तामामन्त्र्य च गोविन्दः कृत्वा चाभिप्रदक्षिणम् । प्रातिष्ठत महाबाहुर्दुर्योधनगृहान्प्रति ॥

tāmāmantrya ca govindaḥ kṛtvā cābhipradakṣiṇam | prātiṣṭhata mahābāhurduryodhanagṛhānprati

Then mighty-armed Govinda took leave of her, walked around her keeping her on his right, and set out for Duryodhana's palace.