Krishna Refuses Duryodhana's Food

Verse 1 (5.91.1)

पृथामामन्त्र्य गोविन्दः कृत्वा चाभिप्रदक्षिणम् । दुर्योधनगृहं शौरिरभ्यगच्छदरिन्दमः ॥

pṛthāmāmantrya govindaḥ kṛtvā cābhipradakṣiṇam | duryodhanagṛhaṃ śaurirabhyagacchadarindamaḥ

Having taken leave of Pritha and walked around her, keeping her on his right, Shauri, the subduer of enemies, went to Duryodhana's house.

Verse 2 (5.91.2)

लक्ष्म्या परमया युक्तं पुरन्दरगृहोपमम् । विचित्रैरासनैर्युक्तं प्रविवेश जनार्दनः ॥

lakṣmyā paramayā yuktaṃ purandaragṛhopamam | vicitrairāsanairyuktaṃ praviveśa janārdanaḥ

Janardana entered that house, which was filled with the highest splendour, like the palace of Indra, and furnished with wonderful seats.

Note on the text: Line 1 is the critical edition's 5.89.2ab; line 2 is its star passage 5.89.2b*0405 (vulgate). From here to verse 16 each Wikisource verse joins the second half of one critical-edition verse to the first half of the next.

Verse 3 (5.91.3)

तस्य कक्ष्या व्यतिक्रम्य तिस्रो द्वाःस्थैरवारितः । ततोऽभ्रघनसङ्काशं गिरिकूटमिवोच्छ्रितम् ॥

tasya kakṣyā vyatikramya tisro dvāḥsthairavāritaḥ | tato'bhraghanasaṅkāśaṃ girikūṭamivocchritam

Passing through three courtyards, unchecked by the doorkeepers, he came to a palace that towered like a mountain peak, like a mass of clouds,

Note on the text: Line 1 is the critical edition's 5.89.2cd; line 2 is 5.89.3ab.

Verse 4 (5.91.4)

श्रिया ज्वलन्तं प्रासादमारुरोह महायशाः । तत्र राजसहस्रैश्च कुरुभिश्चाभिसंवृतम् ॥

śriyā jvalantaṃ prāsādamāruroha mahāyaśāḥ | tatra rājasahasraiśca kurubhiścābhisaṃvṛtam

blazing with splendour, and the illustrious one climbed up into it. There, surrounded by thousands of kings and by the Kurus,

Note on the text: Line 1 is the critical edition's 5.89.3cd; line 2 is 5.89.4ab.

Verse 5 (5.91.5)

धार्तराष्ट्रं महाबाहुं ददर्शासीनमासने । दुःशासनं च कर्णं च शकुनिं चापि सौबलम् ॥

dhārtarāṣṭraṃ mahābāhuṃ dadarśāsīnamāsane | duḥśāsanaṃ ca karṇaṃ ca śakuniṃ cāpi saubalam

he saw the mighty-armed son of Dhritarashtra seated on his throne. Duhshasana and Karna, and Shakuni the son of Subala as well,

Note on the text: Line 1 is the critical edition's 5.89.4cd; line 2 is 5.89.5ab.

Verse 6 (5.91.6)

दुर्योधनसमीपे तानासनस्थान्ददर्श सः । अभ्यागच्छति दाशार्हे धार्तराष्ट्रो महायशाः ॥

duryodhanasamīpe tānāsanasthāndadarśa saḥ | abhyāgacchati dāśārhe dhārtarāṣṭro mahāyaśāḥ

he saw seated on their seats close to Duryodhana. As the Dasharha approached, the illustrious son of Dhritarashtra

Note on the text: Line 1 is the critical edition's 5.89.5cd; line 2 is 5.89.6ab.

Verse 7 (5.91.7)

उदतिष्ठत्सहामात्यः पूजयन्मधुसूदनम् । समेत्य धार्तराष्ट्रेण महामात्येन केशवः ॥

udatiṣṭhatsahāmātyaḥ pūjayanmadhusūdanam | sametya dhārtarāṣṭreṇa mahāmātyena keśavaḥ

rose with his ministers, paying honour to Madhusudana. Keshava met the son of Dhritarashtra and his great ministers,

Note on the text: Line 1 is the critical edition's 5.89.6cd; line 2 is 5.89.7ab.

Verse 8 (5.91.8)

राजभिस्तत्र वार्ष्णेयः समागच्छद्यथावयः । तत्र जाम्बूनदमयं पर्यङ्कं सुपरिष्कृतम् ॥

rājabhistatra vārṣṇeyaḥ samāgacchadyathāvayaḥ | tatra jāmbūnadamayaṃ paryaṅkaṃ supariṣkṛtam

and the Varshneya greeted the kings there, each according to his age. Then, on a couch of gold, finely adorned

Note on the text: Line 1 is the critical edition's 5.89.7cd; line 2 is 5.89.8ab.

Verse 9 (5.91.9)

विविधास्तरणास्तीर्णमभ्युपाविशदच्युतः । तस्मिन्गां मधुपर्कं चाप्युदकं च जनार्दने ॥

vividhāstaraṇāstīrṇamabhyupāviśadacyutaḥ | tasmingāṃ madhuparkaṃ cāpyudakaṃ ca janārdane

and spread with many kinds of coverings, Achyuta sat down. To Janardana, seated there, the Kaurava offered a cow, the honey-mixture and water,

Note on the text: Line 1 is the critical edition's 5.89.8cd; line 2 is 5.89.9ab.

Verse 10 (5.91.10)

निवेदयामास तदा गृहान्राज्यं च कौरवः । आसनं सर्वतोभद्रं सर्वरत्नविभूषितम् ॥

nivedayāmāsa tadā gṛhānrājyaṃ ca kauravaḥ | āsanaṃ sarvatobhadraṃ sarvaratnavibhūṣitam

and then placed his houses and his kingdom at his disposal. A seat called Sarvatobhadra, adorned with every kind of jewel,

Note on the text: Line 1 is the critical edition's 5.89.9cd; line 2 is its star passage 5.89.9d*0406, line 1 (vulgate). Removed Wikisource's opening interpolation mark (`).

Verse 11 (5.91.11)

कृष्णार्थमेवं संसिद्धं धार्तराष्ट्रस्य शासनात् । तत्र गोविन्दमासीनं प्रसन्नादित्यवर्चसम् ॥

kṛṣṇārthamevaṃ saṃsiddhaṃ dhārtarāṣṭrasya śāsanāt | tatra govindamāsīnaṃ prasannādityavarcasam

had been made ready for Krishna in this way at the command of Dhritarashtra's son. As Govinda sat there, radiant as the clear sun,

Note on the text: Line 1 is the critical edition's star passage 5.89.9d*0406, line 2 (vulgate; reading eva for एवं); line 2 is 5.89.10ab. Removed Wikisource's closing interpolation mark (').

Verse 12 (5.91.12)

उपासाञ्चक्रिरे सर्वे कुरवो राजभिः सह । ततो दुर्योधनो राजा वार्ष्णेयं जयतां वरम् ॥

upāsāñcakrire sarve kuravo rājabhiḥ saha | tato duryodhano rājā vārṣṇeyaṃ jayatāṃ varam

all the Kurus, together with the kings, sat in attendance on him. Then King Duryodhana invited the Varshneya, the best of victors,

Note on the text: Line 1 is the critical edition's 5.89.10cd; line 2 is 5.89.11ab.

Verse 13 (5.91.13)

न्यमन्त्रयद्भोजनेन नाभ्यनन्दच्च केशवः । ततो दुर्योधनः कृष्णमब्रवीत्कुरुसंसदि ॥

nyamantrayadbhojanena nābhyanandacca keśavaḥ | tato duryodhanaḥ kṛṣṇamabravītkurusaṃsadi

to a meal, but Keshava did not accept. Then Duryodhana the Kaurava spoke to Krishna in the assembly of the Kurus

Note on the text: Line 1 is the critical edition's 5.89.11cd; line 2 is 5.89.12ab.

Verse 14 (5.91.14)

मृदुपूर्वं शठोदर्कं कर्णमाभाष्य कौरवः । कस्मादन्नानि पानानि वासांसि शयनानि च ॥

mṛdupūrvaṃ śaṭhodarkaṃ karṇamābhāṣya kauravaḥ | kasmādannāni pānāni vāsāṃsi śayanāni ca

in words gentle at the start but deceitful in their outcome, after first addressing Karna: "Why, Janardana, have you not accepted the food and drink, the garments and the beds

Note on the text: Line 1 is the critical edition's 5.89.12cd; line 2 is 5.89.13ab. Corrected पापानि → पानानि (misprint in Wikisource; "sinful" makes no sense in a list of food, drink, garments and beds offered as hospitality; the critical edition reads pānāni).

Verse 15 (5.91.15)

त्वदर्थमुपनीतानि नाग्रहीस्त्वं जनार्दन । उभयोश्च ददत्साह्यमुभयोश्च हिते रतः ॥

tvadarthamupanītāni nāgrahīstvaṃ janārdana | ubhayośca dadatsāhyamubhayośca hite rataḥ

that were brought for your sake? You give your help to both sides and are devoted to the welfare of both;

Note on the text: Line 1 is the critical edition's 5.89.13cd; line 2 is 5.89.14ab.

Verse 16 (5.91.16)

संबन्धी दयितश्चासि धृतराष्ट्रस्य माधव । त्वं हि गोविन्द धर्मार्थौ वेत्थ तत्त्वेन सर्वशः । तत्र कारणमिच्छामि श्रोतुं चक्रगदाधर ॥

saṃbandhī dayitaścāsi dhṛtarāṣṭrasya mādhava | tvaṃ hi govinda dharmārthau vettha tattvena sarvaśaḥ | tatra kāraṇamicchāmi śrotuṃ cakragadādhara

you are a kinsman of Dhritarashtra and dear to him, Madhava. And you, Govinda, know dharma and artha truly and in every respect. I wish to hear the reason for this, bearer of the discus and the mace."

Note on the text: Line 1 is the critical edition's 5.89.14cd; lines 2–3 are 5.89.15.

Verse 17 (5.91.17)

स एवमुक्तो गोविन्दः प्रत्युवाच महामनाः । उद्यन्मेघस्वनः काले प्रगृह्य विपुलं भुजम् ॥

sa evamukto govindaḥ pratyuvāca mahāmanāḥ | udyanmeghasvanaḥ kāle pragṛhya vipulaṃ bhujam

Thus addressed, the great-minded Govinda replied, in a voice like the roar of a rising cloud in its season, lifting his mighty arm.

Note on the text: Corrected उद्यन्मेघस्वनःक → उद्यन्मेघस्वनः (misprint in Wikisource; a stray क, a footnote mark, follows the visarga). The critical edition reads oghamegha- for उद्यन्मेघ-.

Verse 18 (5.91.18)

अलघूकृतमग्रस्तमनिरस्तमसंकुलम् । राजीवनेत्रो राजानं हेतुमद्वाक्यमुत्तमम् ॥

alaghūkṛtamagrastamanirastamasaṃkulam | rājīvanetro rājānaṃ hetumadvākyamuttamam

The lotus-eyed one spoke to the king excellent, well-reasoned words — words not slurred or swallowed, not cut short and not confused:

Verse 19 (5.91.19)

कृतार्था भुञ्जते दूताः पूजां गृह्णन्ति चैव ह । कृतार्थं मां सहामात्यं समर्चिष्यसि भारत ॥

kṛtārthā bhuñjate dūtāḥ pūjāṃ gṛhṇanti caiva ha | kṛtārthaṃ māṃ sahāmātyaṃ samarciṣyasi bhārata

"Envoys eat and accept honour only when their mission is accomplished. When my purpose is achieved, Bharata, you may honour me together with my counsellors."

Note on the text: Corrected कृतर्थं → कृतार्थं (misprint in Wikisource; dropped ā, as in कृतार्था in the line before; the critical edition reads kṛtārthaṃ). Speaker: Krishna's reply, introduced in verses 17–18, fills the verse.

Verse 20 (5.91.20)

एवमुक्तः प्रत्युवाच धार्तराष्ट्रो जनार्दनम् । न युक्तं भवताऽस्मासु प्रतिपत्तुमसांप्रतम् ॥

evamuktaḥ pratyuvāca dhārtarāṣṭro janārdanam | na yuktaṃ bhavatā'smāsu pratipattumasāṃpratam

Thus addressed, the son of Dhritarashtra replied to Janardana: "It is not right for you to behave unfittingly towards us.

Note on the text: Corrected असांप्तम् → असांप्रतम् (misprint in Wikisource; dropped र; the critical edition reads asāṃpratam).

Verse 21 (5.91.21)

कृतार्थं वाऽकृतार्थं वा त्वां वयं मधुसूदन । यतामहे पूजयितुं दाशार्ह न च शक्नुमः ॥

kṛtārthaṃ vā'kṛtārthaṃ vā tvāṃ vayaṃ madhusūdana | yatāmahe pūjayituṃ dāśārha na ca śaknumaḥ

Whether your purpose is achieved or not, Madhusudana, we try to honour you, Dasharha, and yet we cannot.

Verse 22 (5.91.22)

न च तत्कारणं विद्मो यस्मान्नो मधुसूदन । पूजां कृतां प्रीयमाणो नामंस्थाः पुरुषोत्तम ॥

na ca tatkāraṇaṃ vidmo yasmānno madhusūdana | pūjāṃ kṛtāṃ prīyamāṇo nāmaṃsthāḥ puruṣottama

Nor do we know the reason, Madhusudana, best of men, why, though well disposed, you did not accept the honour we offered you.

Verse 23 (5.91.23)

वैरं नो नास्ति भवता गोविन्द न च विग्रहः । स भवान्प्रसमीक्ष्यैतन्नेदृशं वक्तुमर्हति ॥

vairaṃ no nāsti bhavatā govinda na ca vigrahaḥ | sa bhavānprasamīkṣyaitannedṛśaṃ vaktumarhati

We have no enmity with you, Govinda, and no quarrel. Considering this, you ought not to speak in this way."

Verse 24 (5.91.24)

एवमुक्तः प्रत्युवाच धार्तराष्ट्रं जनार्दनः । अभिवीक्ष्य सहामात्यं दाशार्हः प्रहसन्निव ॥

evamuktaḥ pratyuvāca dhārtarāṣṭraṃ janārdanaḥ | abhivīkṣya sahāmātyaṃ dāśārhaḥ prahasanniva

Thus addressed, Janardana the Dasharha looked at the son of Dhritarashtra and his ministers and replied, as if with a smile:

Verse 25 (5.91.25)

नाहं कामान्न संरम्भान्न द्वेषान्नार्थकारणात् । न हेतुवादाल्लोभाद्वा धर्मं जह्यां कथंचन ॥

nāhaṃ kāmānna saṃrambhānna dveṣānnārthakāraṇāt | na hetuvādāllobhādvā dharmaṃ jahyāṃ kathaṃcana

"Not from desire, not from anger, not from hatred, not for the sake of gain, not through clever argument nor out of greed would I ever abandon dharma.

Verse 26 (5.91.26)

संप्रीतिभोज्यान्यन्नानि आपद्भोज्यानि वा पुनः । न च संप्रीयते राजन्न चैवापद्गता वयम् ॥

saṃprītibhojyānyannāni āpadbhojyāni vā punaḥ | na ca saṃprīyate rājanna caivāpadgatā vayam

Food is eaten either out of affection or in time of distress. There is no affection here, O king, and we are not in distress.

Verse 27 (5.91.27)

द्विषदन्नं न भोक्तव्यं द्विषन्तं नैव भोजयेत् । पाण्डवान्द्विषसे राजन्मम प्राणा हि पाण्डवाः ॥

dviṣadannaṃ na bhoktavyaṃ dviṣantaṃ naiva bhojayet | pāṇḍavāndviṣase rājanmama prāṇā hi pāṇḍavāḥ

The food of an enemy must not be eaten, nor should one feed an enemy. You hate the Pandavas, O king, and the Pandavas are my very life.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 5.89.31d*0409, placed after 5.89.31 (Wikisource has it after 5.89.25). Removed Wikisource's interpolation marks (` … ') and the doubled verse-end mark.

Verse 28 (5.91.28)

अकस्माद्द्विषसे राजञ्जन्मप्रभृति पाण्डवान् । प्रियानुवर्तिनो भ्रातॄन्सर्वैः समुदितान्गुणैः ॥

akasmāddviṣase rājañjanmaprabhṛti pāṇḍavān | priyānuvartino bhrātṝnsarvaiḥ samuditānguṇaiḥ

Without any cause, O king, you have hated the Pandavas from their birth — your obedient brothers, endowed with every virtue.

Verse 29 (5.91.29)

अकस्माच्चैव पार्थानां द्वेषणं नोपपद्यते । धर्मे स्थिताः पाण्डवेयाः कस्तान्किं वक्तुमर्हति ॥

akasmāccaiva pārthānāṃ dveṣaṇaṃ nopapadyate | dharme sthitāḥ pāṇḍaveyāḥ kastānkiṃ vaktumarhati

And this hatred of the sons of Pritha, being without cause, is unfitting. The Pandavas stand firm in dharma; who could say anything against them?

Verse 30 (5.91.30)

यस्तान्द्वेष्टि स मां द्वेष्टि यस्ताननु समामनु । ऐकात्म्यं मां गतं विद्धि पाण्डवैर्धर्मचारिभिः ॥

yastāndveṣṭi sa māṃ dveṣṭi yastānanu samāmanu | aikātmyaṃ māṃ gataṃ viddhi pāṇḍavairdharmacāribhiḥ

Whoever hates them hates me; whoever stands by them stands by me. Know that I have become one in self with the Pandavas, who walk in dharma.

Verse 31 (5.91.31)

कामक्रोधानुवर्ती हि यो मोहाद्विरुरुत्सति । गुणवन्तं च यो द्वेष्टि तमाहुः पुरुषाधमम् ॥

kāmakrodhānuvartī hi yo mohādvirurutsati | guṇavantaṃ ca yo dveṣṭi tamāhuḥ puruṣādhamam

He who follows desire and anger and out of delusion seeks to quarrel, and who hates a man of virtue, is called the lowest of men.

Verse 32 (5.91.32)

यः कल्याणगुणाञ्ज्ञातीन्मोहाल्लोभाद्दिदृक्षते । सोऽजितात्माऽजितक्रोधो न चिरं तिष्ठति श्रिया ॥

yaḥ kalyāṇaguṇāñjñātīnmohāllobhāddidṛkṣate | so'jitātmā'jitakrodho na ciraṃ tiṣṭhati śriyā

He who, out of delusion and greed, looks with ill will on kinsmen of noble qualities — such a man, master neither of himself nor of his anger, does not keep his fortune long.

Note on the text: Corrected सोजितात्मा → सोऽजितात्मा (misprint in Wikisource; missing avagraha, सः + अजितात्मा; the critical edition reads so 'jitātmā).

Verse 33 (5.91.33)

अथ यो गुणसंपन्नान्हृदयस्याप्रियानपि । प्रियेण कुरुते वश्यांश्चिरं यशसि तिष्ठति ॥

atha yo guṇasaṃpannānhṛdayasyāpriyānapi | priyeṇa kurute vaśyāṃściraṃ yaśasi tiṣṭhati

But he who wins over by kindness men of virtue, even those his heart does not love, abides long in glory.

Verse 34 (5.91.34)

सर्वमेतन्न भोक्तव्यमन्नं दुष्टाभिसंहितम् । क्षत्तुरेकस्य भोक्तव्यमिति मे धीयते मतिः ॥

sarvametanna bhoktavyamannaṃ duṣṭābhisaṃhitam | kṣatturekasya bhoktavyamiti me dhīyate matiḥ

None of this food may be eaten, for it is tainted with evil intent. Only the food of the Kshattri, Vidura, is fit for me to eat — so my mind is settled."

Note on the text: Corrected क्षुत्तुरेकस्य → क्षत्तुरेकस्य (misprint in Wikisource; क्षत्तुः, "of the Kshattri", i.e. Vidura, to whose house Krishna goes next; the critical edition reads kṣattur ekasya).

Verse 35 (5.91.35)

एवमुक्त्वा महाबाहुर्दुर्योधनममर्षणम् । निश्चक्राम ततः शुभ्राद्धार्तराष्ट्रनिवेशनात् ॥

evamuktvā mahābāhurduryodhanamamarṣaṇam | niścakrāma tataḥ śubhrāddhārtarāṣṭraniveśanāt

Having said this to the intolerant Duryodhana, the mighty-armed one went out of the gleaming palace of Dhritarashtra's son.

Verse 36 (5.91.36)

निर्याय च महाबाहुर्वासुदेवो महामनाः । निवेशाय ययौ वेश्म विदुरस्य महात्मनः ॥

niryāya ca mahābāhurvāsudevo mahāmanāḥ | niveśāya yayau veśma vidurasya mahātmanaḥ

Having gone out, the great-minded, mighty-armed Vasudeva went to the house of the great-souled Vidura to lodge there.

Note on the text: Corrected वेश्य → वेश्म (misprint in Wikisource; वेश्य is not a word here, the sense needs "house"; the critical edition reads veśma).

Verse 37 (5.91.37)

तमभ्यगच्छद्द्रोणश्च कृपो भीष्मोऽथ बाह्लिकः । कुरवश्च महाबाहुं विदुरस्य गृहे स्थितम् ॥

tamabhyagacchaddroṇaśca kṛpo bhīṣmo'tha bāhlikaḥ | kuravaśca mahābāhuṃ vidurasya gṛhe sthitam

Drona, Kripa, Bhishma and Bahlika, and the Kurus too, came to the mighty-armed one as he stayed in Vidura's house.

Verse 38 (5.91.38)

त ऊचुर्माधवं वीरं कुरवो मधुसूदनम् । निवेदयामो वार्ष्णेय सरत्नांस्ते गृहान्वयम् ॥

ta ūcurmādhavaṃ vīraṃ kuravo madhusūdanam | nivedayāmo vārṣṇeya saratnāṃste gṛhānvayam

The Kurus said to the heroic Madhava, Madhusudana: "We place our houses, with all their treasures, at your disposal, Varshneya."

Note on the text: The critical edition (5.89.36) reads the first line te 'bhigamyābruvaṃs tatra kuravo madhusūdanam; Wikisource's line is a recension variant.

Verse 39 (5.91.39)

तानुवाच महातेजाः कौरवान्मधुसूदनः । सर्वे भवन्तो गच्छन्तु सर्वा मेऽपचितिः कृता ॥

tānuvāca mahātejāḥ kauravānmadhusūdanaḥ | sarve bhavanto gacchantu sarvā me'pacitiḥ kṛtā

The mighty Madhusudana said to the Kauravas: "You may all go, sirs; you have shown me every honour."

Note on the text: Corrected भवन्ते → भवन्तो (misprint in Wikisource; भवन्ते is not a valid form, the nominative plural before ग is भवन्तो; the critical edition reads bhavanto).

Verse 40 (5.91.40)

यातेषु कुरुषु क्षत्ता दाशार्हमपराजितम् । अभ्यर्चयामास तदा सर्वकामैः प्रयत्नवान् ॥

yāteṣu kuruṣu kṣattā dāśārhamaparājitam | abhyarcayāmāsa tadā sarvakāmaiḥ prayatnavān

When the Kurus had gone, the Kshattri took pains to honour the unconquered Dasharha with everything he could desire.

Verse 41 (5.91.41)

ततः क्षत्ताऽन्नपानानि शुचीनि गुणवन्ति च । उपाहरदनेकानि केशवाय महात्मने ॥

tataḥ kṣattā'nnapānāni śucīni guṇavanti ca | upāharadanekāni keśavāya mahātmane

Then the Kshattri brought to the great-souled Keshava many kinds of food and drink, pure and excellent.

Note on the text: Corrected क्षत्राऽन्नपानानि → क्षत्ताऽन्नपानानि (misprint in Wikisource; क्षत्ता, Vidura, is the subject, as in the verse before; the critical edition reads kṣattānnapānāni).

Verse 42 (5.91.42)

तैस्तर्पयित्वा प्रथमं ब्राह्मणान्मधुसूदनः । वेदविद्भ्यो ददौ कृष्णः परमद्रविणान्यपि ॥

taistarpayitvā prathamaṃ brāhmaṇānmadhusūdanaḥ | vedavidbhyo dadau kṛṣṇaḥ paramadraviṇānyapi

With these Madhusudana first satisfied the brahmins, and Krishna also gave the finest riches to those learned in the Veda.

Note on the text: Corrected तैतर्पयित्वा → तैस्तर्पयित्वा (misprint in Wikisource; dropped visarga-sandhi स्, तैः + तर्पयित्वा; the critical edition reads tair tarpayitvā).

Verse 43 (5.91.43)

भुक्तवत्सु द्विजाग्र्येषु निषण्णेषु वरासने । शुचिः सुप्रयतो भूत्वा विदुरोऽन्नमुपाहरत् ॥

bhuktavatsu dvijāgryeṣu niṣaṇṇeṣu varāsane | śuciḥ suprayato bhūtvā viduro'nnamupāharat

When the foremost of the twice-born had eaten and were seated on fine seats, Vidura, pure and composed, brought the food,

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 5.89.40d*0411, lines 1–2 (reading dvijendreṣu and niṣaṇṇasya). Corrected भून्वा → भूत्वा and उपारत् → उपाहरत् (misprints in Wikisource; न for त, and a dropped ह; *0411 reads bhūtvā and upāharat). Removed Wikisource's opening interpolation mark (`).

Verse 44 (5.91.44)

श्रद्धया परया युक्त इदं वचनमब्रवीत् । संवृतैस्तुष्य गोविन्द एतन्नः परमं धनम् । अन्यथा हि विशेषेण कस्त्वामर्चितुमर्हति ॥

śraddhayā parayā yukta idaṃ vacanamabravīt | saṃvṛtaistuṣya govinda etannaḥ paramaṃ dhanam | anyathā hi viśeṣeṇa kastvāmarcitumarhati

and, filled with deep reverence, spoke these words: "Be content, Govinda, with these humble things; this is our greatest wealth. For who could honour you otherwise, in the way you deserve?"

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 5.89.40d*0411, lines 3–5 (reading saṃbhramais and vā). Restored परमं in the second line from *0411 (एतन्नः धनम् → एतन्नः परमं धनम्): Wikisource's line is two syllables short. Wikisource's commentary glosses संवृतैः as things kept back as unworthy of a king.

Verse 45 (5.91.45)

ततोऽनुयायिभिः सार्धं मरुद्भिरिव वासवः । विदुरान्नानि बुभुजे शुचीनि गुणवन्ति च ॥

tato'nuyāyibhiḥ sārdhaṃ marudbhiriva vāsavaḥ | vidurānnāni bubhuje śucīni guṇavanti ca

Then, with his followers, like Vasava with the Maruts, he ate Vidura's food, pure and excellent.

Verse 46 (5.91.46)

तं भुक्तवन्तं विविधाः सुशब्दाः सूतमागधाः । अभितुष्टुवुरासीनं दाशार्हमपराजितम् ॥

taṃ bhuktavantaṃ vividhāḥ suśabdāḥ sūtamāgadhāḥ | abhituṣṭuvurāsīnaṃ dāśārhamaparājitam

When he had eaten and was seated, many sweet-voiced bards and minstrels sang the praises of the unconquered Dasharha.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 5.89.40d*0413, placed before 5.89.41 (Wikisource has it after).