Krishna Pleads with Dhritarashtra for Peace

Verse 1 (5.95.1)

तेष्वासीनेषु सर्वेषु तूष्णींभूतेषु राजसु । वाक्यमभ्याददे कृष्णः सुदंष्ट्रो दुन्दुभिस्वनः ॥

teṣvāsīneṣu sarveṣu tūṣṇīṃbhūteṣu rājasu | vākyamabhyādade kṛṣṇaḥ sudaṃṣṭro dundubhisvanaḥ

When all of them were seated and the kings had fallen silent, Krishna, with his fine teeth and his voice like a drum, began to speak.

Verse 2 (5.95.2)

जीमूत इव घर्मान्ते सर्वां संश्रावयन्सभाम् । धृतराष्ट्रमभिप्रेक्ष्य समभाषत माधवः ॥

jīmūta iva gharmānte sarvāṃ saṃśrāvayansabhām | dhṛtarāṣṭramabhiprekṣya samabhāṣata mādhavaḥ

Like a cloud at the end of the hot season, making the whole hall hear him, Madhava looked at Dhritarashtra and said:

Note on the text: Corrected धर्मान्ते → घर्मान्ते (misprint in Wikisource; ध for घ — the cloud thunders "at the end of the hot season", critical edition gharmānte).

Verse 3 (5.95.3)

कुरूणां पाण्डवानां च शमः स्यादिति भारत । अप्रणाशेन वीराणामेतद्याचितुमागतः ॥

kurūṇāṃ pāṇḍavānāṃ ca śamaḥ syāditi bhārata | apraṇāśena vīrāṇāmetadyācitumāgataḥ

"I have come to ask, O Bharata, that there be peace between the Kurus and the Pandavas, without the destruction of heroes.

Note on the text: Corrected अप्रणशेन → अप्रणाशेन (misprint in Wikisource; dropped ा, "without the destruction" of heroes). The critical edition reads differently here (aprayatnena vīrāṇām etad yatitum āgataḥ).

Verse 4 (5.95.4)

राजन्नान्यत्प्रवक्तव्यं तव नैःश्रेयसं वचः । विदितं ह्येव ते सर्वं वेदितव्यमरिन्दम ॥

rājannānyatpravaktavyaṃ tava naiḥśreyasaṃ vacaḥ | viditaṃ hyeva te sarvaṃ veditavyamarindama

"O king, I need say nothing more to you by way of counsel for your highest good; you know all there is to know, tamer of foes.

Verse 5 (5.95.5)

इदं ह्यद्य कुलं श्रेष्ठं सर्वराजसु पार्थिव । श्रुतवृत्तोपसंपन्नं सर्वैः समुदितं गुणैः ॥

idaṃ hyadya kulaṃ śreṣṭhaṃ sarvarājasu pārthiva | śrutavṛttopasaṃpannaṃ sarvaiḥ samuditaṃ guṇaiḥ

"This house, O king, is today the foremost among all royal houses, endowed with learning and good conduct, and rich in every virtue.

Verse 6 (5.95.6)

कृपानुकम्पा कारुण्यमानृशंस्यं च भारत । तथार्जवं क्षमा सत्यं कुरुष्वेतद्विशिष्यते ॥

kṛpānukampā kāruṇyamānṛśaṃsyaṃ ca bhārata | tathārjavaṃ kṣamā satyaṃ kuruṣvetadviśiṣyate

"Kindness, compassion, pity and gentleness, O Bharata, honesty, forbearance and truth: these are what distinguish the Kurus.

Verse 7 (5.95.7)

तस्मिन्नेवंविधे राजन्कुले महति तिष्ठति । त्वन्निमित्तं विशेषेण नेह युक्तमसांप्रतम् ॥

tasminnevaṃvidhe rājankule mahati tiṣṭhati | tvannimittaṃ viśeṣeṇa neha yuktamasāṃpratam

"When a house so great and of such a kind stands, O king, it is not fitting that anything unseemly should happen in it, and least of all on your account.

Verse 8 (5.95.8)

त्वं हि धारयिता श्रेष्ठः कुरूणां कुरुसत्तम । मिथ्याप्रचरतां तात बाह्येष्वाभ्यन्तरेषु च ॥

tvaṃ hi dhārayitā śreṣṭhaḥ kurūṇāṃ kurusattama | mithyāpracaratāṃ tāta bāhyeṣvābhyantareṣu ca

"For you, best of the Kurus, are the one above all who must restrain the Kurus when they act falsely, my friend, whether in dealings with outsiders or within the family.

Verse 9 (5.95.9)

ते पुत्रास्तव कौरव्य दुर्योधनपुरोगमाः । धर्मार्थौ पृष्ठतः कृत्वा प्रचरन्ति नृशंसवत् ॥

te putrāstava kauravya duryodhanapurogamāḥ | dharmārthau pṛṣṭhataḥ kṛtvā pracaranti nṛśaṃsavat

"Your sons, O Kauravya, led by Duryodhana, have put dharma and profit behind them and act like cruel men.

Verse 10 (5.95.10)

अशिष्टा गतमर्यादा लोभेन हृतचेतसः । स्वेषु बन्धुषु मुख्येषु तद्वेत्थ पुरुषर्षभ ॥

aśiṣṭā gatamaryādā lobhena hṛtacetasaḥ | sveṣu bandhuṣu mukhyeṣu tadvettha puruṣarṣabha

"They are ill-bred, they have broken every bound, and greed has carried off their wits, toward their own chief kinsmen; you know this, bull among men.

Verse 11 (5.95.11)

सेयमापन्महाघोरा कुरुष्वेव समुत्थिता । उपेक्ष्यमाणा कौरव्य पृथिवीं घातयिष्यति ॥

seyamāpanmahāghorā kuruṣveva samutthitā | upekṣyamāṇā kauravya pṛthivīṃ ghātayiṣyati

"This most terrible calamity has arisen among the Kurus themselves; if it is ignored, O Kauravya, it will bring the whole earth to ruin.

Verse 12 (5.95.12)

शक्या चेयं शमयितुं त्वं चेदिच्छसि भारत । न दुष्करो ह्यत्र शमो मतो मे भरतर्षभ ॥

śakyā ceyaṃ śamayituṃ tvaṃ cedicchasi bhārata | na duṣkaro hyatra śamo mato me bharatarṣabha

"It can still be calmed, if you wish it, O Bharata. In my view peace here is not hard to reach, bull of the Bharatas.

Verse 13 (5.95.13)

त्वय्यधीनः शमो राजन्मयि चैव विशांपते । पुत्रान्स्थापय कौरव्य स्थापयिष्याम्यहं परान् ॥

tvayyadhīnaḥ śamo rājanmayi caiva viśāṃpate | putrānsthāpaya kauravya sthāpayiṣyāmyahaṃ parān

"Peace rests with you, O king, and with me, lord of the people. Hold your sons in check, O Kauravya, and I will hold the others.

Verse 14 (5.95.14)

आज्ञा तव हि राजेन्द्र कार्या पुत्रैः सहान्वयैः । हितं बलवदप्येषां तिष्ठतां तव शासने ॥

ājñā tava hi rājendra kāryā putraiḥ sahānvayaiḥ | hitaṃ balavadapyeṣāṃ tiṣṭhatāṃ tava śāsane

"Your command, king of kings, must be obeyed by your sons and their followers; and it is greatly to their own good to abide by your rule.

Verse 15 (5.95.15)

तव चैव हितं राजन्पाण्डवानामथो हितम् । शमे प्रयतमानस्य तव शासनकाङ्क्षिणः ॥

tava caiva hitaṃ rājanpāṇḍavānāmatho hitam | śame prayatamānasya tava śāsanakāṅkṣiṇaḥ

"It is for your good, O king, and for the good of the Pandavas too, if you, who would govern your sons, strive for peace.

Verse 16 (5.95.16)

स्वयं निष्फलमालक्ष्य संविधत्स्व विशांपते । सहायभूता भरतास्तवैव स्युर्जनेश्वर ॥

svayaṃ niṣphalamālakṣya saṃvidhatsva viśāṃpate | sahāyabhūtā bharatāstavaiva syurjaneśvara

"See for yourself that this enmity bears no fruit, and settle the matter, lord of the people; let the Bharatas be your allies, lord of men.

Verse 17 (5.95.17)

धर्मार्थयोस्तिष्ठ राजन्पाण्डवैरभिरक्षितः । न हि शक्यास्तथाभूता यत्नादपि नराधिप ॥

dharmārthayostiṣṭha rājanpāṇḍavairabhirakṣitaḥ | na hi śakyāstathābhūtā yatnādapi narādhipa

"Stand firm in dharma and profit, O king, protected by the Pandavas; for allies such as they cannot be won even with great effort, lord of men.

Verse 18 (5.95.18)

न हि त्वां पाण्डवैर्जेतुं रक्ष्यमाणं महात्मभिः । इन्द्रोऽपि देवैः सहितः प्रसहेत कुतो नृपाः ॥

na hi tvāṃ pāṇḍavairjetuṃ rakṣyamāṇaṃ mahātmabhiḥ | indro'pi devaiḥ sahitaḥ prasaheta kuto nṛpāḥ

"While the great-souled Pandavas guard you, not even Indra with all the gods could overcome you; how then could mere kings?

Note on the text: Corrected इन्द्रोपि → इन्द्रोऽपि (missing avagraha in Wikisource; critical edition indro 'pi).

Verse 19 (5.95.19)

यत्र भीष्मश्च द्रोणश्च कृपः कर्णो विविंशतिः । अश्वत्थामा विकर्णश्च सोमदत्तोऽथ बाह्लिकः ॥

yatra bhīṣmaśca droṇaśca kṛpaḥ karṇo viviṃśatiḥ | aśvatthāmā vikarṇaśca somadatto'tha bāhlikaḥ

"Where there stand Bhishma, Drona, Kripa, Karna, Vivimshati, Ashvatthaman, Vikarna, Somadatta and Bahlika,

Verse 20 (5.95.20)

सैन्धवश्च कलिङ्गश्च काम्भोजश्च सुदक्षिणः । युधिष्ठिरो भीमसेनः सव्यसाची यमौ तथा ॥

saindhavaśca kaliṅgaśca kāmbhojaśca sudakṣiṇaḥ | yudhiṣṭhiro bhīmasenaḥ savyasācī yamau tathā

"the king of the Sindhus, the king of Kalinga and Sudakshina of Kamboja, and Yudhishthira, Bhimasena, Savyasachin and the twins,

Verse 21 (5.95.21)

सात्यकिश्च महातेजा युयुत्सुश्च महारथः । को नु तान्विपरीतात्मा युध्येत भरतर्षभ ॥

sātyakiśca mahātejā yuyutsuśca mahārathaḥ | ko nu tānviparītātmā yudhyeta bharatarṣabha

"and the mighty Satyaki and the great chariot-warrior Yuyutsu, what man of perverse mind would fight them, bull of the Bharatas?

Note on the text: Corrected युद्ध्येत → युध्येत (misprint in Wikisource; doubled द, critical edition yudhyeta).

Verse 22 (5.95.22)

लोकस्येश्वरतां भूयः शत्रुभिश्चाप्यधृष्यताम् । प्राप्स्यसि त्वममित्रघ्न सहितः कुरुपाण्डवैः ॥

lokasyeśvaratāṃ bhūyaḥ śatrubhiścāpyadhṛṣyatām | prāpsyasi tvamamitraghna sahitaḥ kurupāṇḍavaiḥ

"United with the Kurus and the Pandavas, slayer of foes, you will once again gain lordship over the world and be beyond the reach of enemies.

Verse 23 (5.95.23)

तस्य ते पृथिवीपालास्त्वत्समाः पृथिवीपते । श्रेयांसश्चैव राजानः सन्धास्यन्ते परन्तप ॥

tasya te pṛthivīpālāstvatsamāḥ pṛthivīpate | śreyāṃsaścaiva rājānaḥ sandhāsyante parantapa

"Then the rulers of the earth, kings who are your equals and kings who are your betters, will make peace with you, lord of the earth, scorcher of foes.

Verse 24 (5.95.24)

स त्वं पुत्रैश्च पौत्रैश्च पितृभिर्भ्रातृभिस्तथा । सुहृद्भिः सर्वतो गुप्तः सुखं शक्ष्यसि जीवितुम् ॥

sa tvaṃ putraiśca pautraiśca pitṛbhirbhrātṛbhistathā | suhṛdbhiḥ sarvato guptaḥ sukhaṃ śakṣyasi jīvitum

"Guarded on every side by sons and grandsons, by fathers and brothers and friends, you will be able to live in happiness.

Note on the text: Corrected जीवितुं → जीवितुम् (final anusvara for म् before the verse-end).

Verse 25 (5.95.25)

एतानेव पुरोधाय सत्कृत्य च यथा पुरा । अखिलां भोक्ष्यसे सर्वां पृथिवीं पृथिवीपते ॥

etāneva purodhāya satkṛtya ca yathā purā | akhilāṃ bhokṣyase sarvāṃ pṛthivīṃ pṛthivīpate

"Put them at your head and honour them as before, and you will enjoy the whole earth entire, lord of the earth.

Note on the text: Corrected यत्कृत्य → सत्कृत्य (misprint in Wikisource; य for स, critical edition satkṛtya).

Verse 26 (5.95.26)

एतैर्हि सहितः सर्वैः पाण्डवैः स्वैश्च भारत । अन्यान्विजेष्यसे शत्रूनेष स्वार्थस्तवाखिलः ॥

etairhi sahitaḥ sarvaiḥ pāṇḍavaiḥ svaiśca bhārata | anyānvijeṣyase śatrūneṣa svārthastavākhilaḥ

"United with all of these, the Pandavas and your own, O Bharata, you will conquer other enemies; in this lies the whole of your interest.

Verse 27 (5.95.27)

तैरेवोपार्जितां भूमिं भोक्ष्यसे च परन्तप । यदि संपत्स्यसे पुत्रैः सहामात्यैर्नराधिप ॥

tairevopārjitāṃ bhūmiṃ bhokṣyase ca parantapa | yadi saṃpatsyase putraiḥ sahāmātyairnarādhipa

"And you will enjoy the land they win for you, scorcher of foes, if you agree to this, lord of men, together with your sons and ministers.

Verse 28 (5.95.28)

संयुगे वै महाराज दृश्यते सुमहान्क्षयः । क्षये चोभयतो राजन्कं धर्ममनुपश्यसि ॥

saṃyuge vai mahārāja dṛśyate sumahānkṣayaḥ | kṣaye cobhayato rājankaṃ dharmamanupaśyasi

"In war, great king, one sees only vast destruction; and in destruction on both sides, O king, what dharma do you see?

Verse 29 (5.95.29)

पाण्डवैर्निहतैः सङ्ख्ये पुत्रैर्वापि महाबलैः । यद्विन्देथाः सुखं राजंस्तद्ब्रूहि भरतर्षभ ॥

pāṇḍavairnihataiḥ saṅkhye putrairvāpi mahābalaiḥ | yadvindethāḥ sukhaṃ rājaṃstadbrūhi bharatarṣabha

"If the Pandavas are slain in battle, or your own mighty sons, what happiness would you find, O king? Tell me that, bull of the Bharatas.

Verse 30 (5.95.30)

शूराश्च हि कृतास्त्राश्च सर्वे युद्धाभिकाङ्क्षिणः । पाण्डवास्तावकाश्चैव तान्रक्ष महतो भयात् ॥

śūrāśca hi kṛtāstrāśca sarve yuddhābhikāṅkṣiṇaḥ | pāṇḍavāstāvakāścaiva tānrakṣa mahato bhayāt

"They are all heroes, all skilled in weapons, all eager for battle, the Pandavas and your own men alike; protect them from this great danger.

Verse 31 (5.95.31)

न पश्येम कुरून्सर्वान्पाण्डवांश्चैव संयुगे । क्षीणानुभयतः शूरान्रथिनो रथिभिर्हतान् ॥

na paśyema kurūnsarvānpāṇḍavāṃścaiva saṃyuge | kṣīṇānubhayataḥ śūrānrathino rathibhirhatān

"Let us not see all the Kurus and the Pandavas wasted away in battle on both sides, heroes and chariot-warriors slain by chariot-warriors.

Note on the text: Corrected राथिनो → रथिनो (misprint in Wikisource; stray ा, "chariot-warriors slain by chariot-warriors"). The critical edition reads differently here (rathebhyo rathibhir hatān).

Verse 32 (5.95.32)

समवेताः पृथिव्यां हि राजानो राजसत्तम । अमर्षवशमापन्ना नाशयेयुरिमाः प्रजाः ॥

samavetāḥ pṛthivyāṃ hi rājāno rājasattama | amarṣavaśamāpannā nāśayeyurimāḥ prajāḥ

"For the kings gathered here on the earth, best of kings, once overcome by wrath, would destroy these people.

Verse 33 (5.95.33)

त्राहि राजन्निमं लोकं न नश्येयुरिमाः प्रजाः । त्वयि प्रकृतिमापन्ने शेषः स्यात्कुरुनन्दन ॥

trāhi rājannimaṃ lokaṃ na naśyeyurimāḥ prajāḥ | tvayi prakṛtimāpanne śeṣaḥ syātkurunandana

"Save this world, O king; do not let these people perish. If you return to your true nature, joy of the Kurus, something will survive.

Verse 34 (5.95.34)

शुक्ला वदान्या ह्रीमन्त आर्याः पुण्याभिजातयः । अन्योन्यसचिवा राजंस्तान्पाहि महतो भयात् ॥

śuklā vadānyā hrīmanta āryāḥ puṇyābhijātayaḥ | anyonyasacivā rājaṃstānpāhi mahato bhayāt

"They are pure, generous and modest, noble and nobly born, and they stand by one another; protect them from great danger, O king.

Note on the text: Corrected वादन्या → वदान्या (misprint in Wikisource; transposed vowel length, "generous", critical edition vadānyā).

Verse 35 (5.95.35)

शिवेनेमे भूमिपालाः समागम्य परस्परम् । सह भुक्त्वा च पीत्वा च प्रतियान्तु यथागृहम् ॥

śiveneme bhūmipālāḥ samāgamya parasparam | saha bhuktvā ca pītvā ca pratiyāntu yathāgṛham

"Let these rulers of the earth meet one another in goodwill, eat and drink together, and go back each to his own home,

Verse 36 (5.95.36)

सुवाससः स्रग्विणश्च सत्कृता भरतर्षभ । अमर्षं च निराकृत्य वैराणि च परन्तप ॥

suvāsasaḥ sragviṇaśca satkṛtā bharatarṣabha | amarṣaṃ ca nirākṛtya vairāṇi ca parantapa

"well dressed, garlanded and honoured, bull of the Bharatas, having put away their anger and their feuds, scorcher of foes.

Verse 37 (5.95.37)

हार्दं यत्पाण्डवेष्वासीत्प्राप्तोऽस्मिन्नायुषः क्षये । तदेव ते भवत्वद्य सन्धत्स्व भरतर्षभ ॥

hārdaṃ yatpāṇḍaveṣvāsītprāpto'sminnāyuṣaḥ kṣaye | tadeva te bhavatvadya sandhatsva bharatarṣabha

"The affection you once had for the Pandavas, now that you have come to the close of your life, let it be yours again today; make peace, bull of the Bharatas.

Verse 38 (5.95.38)

बाला विहीनाः पित्रा ते त्वयैव परिवर्धिताः । तान्पालय यथान्यायं पुत्रांश्च भरतर्षभ ॥

bālā vihīnāḥ pitrā te tvayaiva parivardhitāḥ | tānpālaya yathānyāyaṃ putrāṃśca bharatarṣabha

"They were children when they lost their father, and it was you who brought them up; protect them as is right, and your own sons too, bull of the Bharatas.

Verse 39 (5.95.39)

भवतैव हि रक्ष्यास्ते व्यसनेषु विशेषतः । मा ते धर्मस्तथैवार्थो नश्येत भरतर्षभ ॥

bhavataiva hi rakṣyāste vyasaneṣu viśeṣataḥ | mā te dharmastathaivārtho naśyeta bharatarṣabha

"It is you above all who must protect them, and most of all in misfortune; do not let your dharma and your profit be lost, bull of the Bharatas.

Verse 40 (5.95.40)

आहुस्त्वां पाण्डवा राजन्नभिवाद्य प्रसाद्य च । भवतः शासनाद्दुःखमनुभूतं सहानुगैः ॥

āhustvāṃ pāṇḍavā rājannabhivādya prasādya ca | bhavataḥ śāsanādduḥkhamanubhūtaṃ sahānugaiḥ

"The Pandavas greet you with respect, seek your favour and say to you, O king: 'At your command we and our followers have suffered hardship.

Note on the text: Corrected दुःखसमुभूतं → दुःखमनुभूतं (misprint in Wikisource; a garbled दुःखम् अनुभूतम्, "suffered hardship", as in the critical edition duḥkham anubhūtaṃ; the metre confirms it).

Verse 41 (5.95.41)

द्वादशेमानि वर्षाणि वने निर्व्युषितानि नः । त्रयोदशं तथाऽज्ञातैः सजने परिवत्सरम् ॥

dvādaśemāni varṣāṇi vane nirvyuṣitāni naḥ | trayodaśaṃ tathā'jñātaiḥ sajane parivatsaram

"'These twelve years we have lived in the forest, and the thirteenth year unrecognised among people.

Verse 42 (5.95.42)

स्थाता नः समये तस्मिन्पितेति कृतनिश्चयाः । नाहास्म समयं तात तच्च नो ब्राह्मणा विदुः ॥

sthātā naḥ samaye tasminpiteti kṛtaniścayāḥ | nāhāsma samayaṃ tāta tacca no brāhmaṇā viduḥ

"'Certain that our father would hold to that agreement with us, we did not break the agreement, father; the Brahmins know this of us.

Verse 43 (5.95.43)

तस्मिन्नः समये तिष्ठ स्थितानां भरतर्षभ । नित्यं संक्लेशिता राजन्स्वराज्यांशं लभेमहि । त्वं धर्ममर्थं संजानन्सम्यङ्नस्त्रातुमर्हसि ॥

tasminnaḥ samaye tiṣṭha sthitānāṃ bharatarṣabha | nityaṃ saṃkleśitā rājansvarājyāṃśaṃ labhemahi | tvaṃ dharmamarthaṃ saṃjānansamyaṅnastrātumarhasi

"'Keep that agreement with us, bull of the Bharatas, since we have kept it; we have been harassed for so long, O king, let us receive our share of the kingdom. You know dharma and profit, and you ought to protect us rightly.

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): Wikisource 43 and the first line of 44 form this three-line verse (the critical edition's 5.93.43 and 44ab). Corrected सम्यङ्वस्त्रातुम् → सम्यङ्नस्त्रातुम् (misprint in Wikisource; व for न in नः, critical edition samyaṅ nas trātum).

Verse 44 (5.95.44)

गुरुत्वं भवति प्रेक्ष्य बहून्क्लेशांस्तितिक्ष्महे । स भवान्मातृपितृवदस्मासु प्रतिपद्यताम् ॥

gurutvaṃ bhavati prekṣya bahūnkleśāṃstitikṣmahe | sa bhavānmātṛpitṛvadasmāsu pratipadyatām

"'Seeing in you the weight of an elder, we endure many hardships; so be to us as a mother and a father.

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 44 and the first of 45 (the critical edition's 5.93.44cd and 45ab). Corrected मातृपितृव्रद् → मातृपितृवद् (misprint in Wikisource; stray र in -वत्, critical edition mātṛpitṛvad).

Verse 45 (5.95.45)

गुरोर्गरीयसी वृत्तिर्या च शिष्यस्य भारत । वर्तामहे त्वयि च तां त्वं च वर्तस्व नस्तथा ॥

gurorgarīyasī vṛttiryā ca śiṣyasya bhārata | vartāmahe tvayi ca tāṃ tvaṃ ca vartasva nastathā

"'Whatever is due between teacher and pupil, and the teacher's part is the weightier, we observe toward you, O Bharata; observe it likewise toward us.

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 45 and the first of 46. The first line is the critical edition's 5.93.45cd; the second is not in its constituted text (vulgate recension) but appears in its apparatus as the star passage 5.93.45d*0428.

Verse 46 (5.95.46)

पित्रा स्थापयितव्या हि वयमुत्पथमास्थिताः । संस्थापय पथिष्वस्मांस्तिष्ठ धर्मे सुवर्त्मनि ॥

pitrā sthāpayitavyā hi vayamutpathamāsthitāḥ | saṃsthāpaya pathiṣvasmāṃstiṣṭha dharme suvartmani

"'For if we have strayed onto a wrong path, it is a father's part to set us right; set us on the true paths, and stand yourself in dharma, the good way.'

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 46 and the first of 47 (the critical edition's 5.93.46). Corrected पथिप्वस्मान् → पथिष्वस्मान् (misprint in Wikisource; प्व for ष्व, critical edition pathiṣv asmān). धर्मे सुवर्त्मनि (CE rājan svavartmani) kept as Wikisource's reading.

Verse 47 (5.95.47)

आहुश्चेमां परिषदं पुत्रास्ते भरतर्षभ । धर्मज्ञेषु सभासत्सु नेह युक्तमसांप्रतम् ॥

āhuścemāṃ pariṣadaṃ putrāste bharatarṣabha | dharmajñeṣu sabhāsatsu neha yuktamasāṃpratam

"And your sons, bull of the Bharatas, say this to the assembly: 'Where the members know dharma, nothing unseemly should be done.'

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 47 and the first of 48 (the critical edition's 5.93.47).

Verse 48 (5.95.48)

यत्र धर्मो ह्यधर्मेण सत्यं यत्रानृतेन च । हन्यते प्रेक्षमाणानां हतास्तत्र सभासदः ॥

yatra dharmo hyadharmeṇa satyaṃ yatrānṛtena ca | hanyate prekṣamāṇānāṃ hatāstatra sabhāsadaḥ

"Where dharma is struck down by adharma, and truth by falsehood, while the members of the assembly look on, there the members themselves are struck down.

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 48 and the first of 49 (the critical edition's 5.93.48).

Verse 49 (5.95.49)

विद्धो धर्मो ह्यधर्मेण सभां यत्र प्रपद्यते । नचास्य शल्यं कृन्तन्ति विद्धास्तत्र सभासदः । धर्म एतानारुजति यथा नद्यनुकूलजान् ॥

viddho dharmo hyadharmeṇa sabhāṃ yatra prapadyate | nacāsya śalyaṃ kṛntanti viddhāstatra sabhāsadaḥ | dharma etānārujati yathā nadyanukūlajān

"When dharma, pierced by adharma, comes before an assembly and its members do not pull out the arrow, they themselves are pierced; dharma destroys them as a river destroys the trees that grow along its banks.

Note on the text: Re-divided at Wikisource's own verse-end marks (from 43b to 50a the page's rows run half a line out of step with its verse ends): the second line of Wikisource 49 and both lines of 50 form this three-line verse, as in the critical edition's 5.93.49.

Verse 50 (5.95.50)

ये धर्ममनुपश्यन्तस्तूष्णीं ध्यायन्त आसते । ते सत्यमाहुर्धर्म्यं च न्याय्यं च भरतर्षभ ॥

ye dharmamanupaśyantastūṣṇīṃ dhyāyanta āsate | te satyamāhurdharmyaṃ ca nyāyyaṃ ca bharatarṣabha

"Those who, looking to dharma, sit in silent thought, have spoken what is true, righteous and just, bull of the Bharatas.

Verse 51 (5.95.51)

शक्यं किमन्यद्वक्तुं ते दानादन्यज्जनेश्वर । ब्रुवन्तु ते महीपालाः सभायां ये समासते ॥

śakyaṃ kimanyadvaktuṃ te dānādanyajjaneśvara | bruvantu te mahīpālāḥ sabhāyāṃ ye samāsate

"What else can be said to you, lord of men, except that you should give them their due? Let the rulers of the earth who sit in this assembly say

Note on the text: Corrected अन्यञ्जनेश्वर → अन्यज्जनेश्वर (misprint in Wikisource; ञ्ज for ज्ज in the sandhi of अन्यत् जनेश्वर, critical edition anyaj janeśvara). This verse is the critical edition's 5.93.51ab–cd; its third line (51ef) is the first line of the next verse.

Verse 52 (5.95.52)

धर्मार्थौ संप्रधार्यैव यदि सत्यं ब्रवीम्यहम् । प्रमुञ्चेमान्मृत्युपाशात्क्षत्रियान्पुरुषर्षभ ॥

dharmārthau saṃpradhāryaiva yadi satyaṃ bravīmyaham | pramuñcemānmṛtyupāśātkṣatriyānpuruṣarṣabha

"whether I speak the truth, having weighed dharma and profit. Free these kshatriyas from the noose of death, bull among men.

Note on the text: Corrected प्रमुञ्चोमान् → प्रमुञ्चेमान् (misprint in Wikisource; ो for े in प्रमुञ्च इमान्, critical edition pramuñcemān). The first line is the critical edition's 5.93.51ef, the second its 5.93.52ab.

Verse 53 (5.95.53)

प्रशाम्य भरतश्रेष्ठ मा मन्युवशमन्वगाः । पित्र्यं तेभ्यः प्रदायांशं पाण्डवेभ्यो यथोचितम् । ततः सपुत्रः सिद्धार्थो भुङ्क्ष भोगान्परन्तप ॥

praśāmya bharataśreṣṭha mā manyuvaśamanvagāḥ | pitryaṃ tebhyaḥ pradāyāṃśaṃ pāṇḍavebhyo yathocitam | tataḥ saputraḥ siddhārtho bhuṅkṣa bhogānparantapa

"Be at peace, best of the Bharatas; do not give way to anger. Give the Pandavas their fitting share of their father's kingdom, and then, with your purpose achieved, enjoy your pleasures with your sons, scorcher of foes.

Note on the text: The first line is the critical edition's 5.93.52cd, the second and third its 5.93.53.

Verse 54 (5.95.54)

अजातशत्रुं जानीषे स्थितं धर्मे सतां सदा । सपुत्रे त्वयि वृत्तिं च वर्तते यां नराधिप ॥

ajātaśatruṃ jānīṣe sthitaṃ dharme satāṃ sadā | saputre tvayi vṛttiṃ ca vartate yāṃ narādhipa

"You know that Ajatashatru always stands in the dharma of the good, and you know how he conducts himself toward you and your sons, lord of men.

Verse 55 (5.95.55)

दाहितश्च निरस्तश्च त्वामेवोपाश्रितः पुनः । इन्द्रप्रस्थं त्वयैवासौ सपुत्रेण विवासितः ॥

dāhitaśca nirastaśca tvāmevopāśritaḥ punaḥ | indraprasthaṃ tvayaivāsau saputreṇa vivāsitaḥ

"Though he was burned and driven out, he came back to rely on you once more; and it was you and your sons who sent him away to Indraprastha.

Verse 56 (5.95.56)

स तत्र विवसन्सर्वान्वशमानीय पार्थिवान् । त्वन्मुखानकरोद्राजन्न च त्वामत्यवर्तत ॥

sa tatra vivasansarvānvaśamānīya pārthivān | tvanmukhānakarodrājanna ca tvāmatyavartata

"Living there, he brought all the kings under his sway and made them look to you, O king; never did he overstep you.

Verse 57 (5.95.57)

तस्यैवं वर्तमानस्य सौबलेन जिहीर्षता । राष्ट्राणि धनधान्यं च प्रयुक्तः परमोपधिः ॥

tasyaivaṃ vartamānasya saubalena jihīrṣatā | rāṣṭrāṇi dhanadhānyaṃ ca prayuktaḥ paramopadhiḥ

"While he was conducting himself in this way, Subala's son, wanting to seize his kingdoms, his wealth and his grain, used the greatest of frauds against him.

Verse 58 (5.95.58)

स तामवस्थां संप्राप्य कृष्णां प्रेक्ष्य सभां गताम् । क्षत्रधर्मादमेयात्मा नाकम्पत युधिष्ठिरः ॥

sa tāmavasthāṃ saṃprāpya kṛṣṇāṃ prekṣya sabhāṃ gatām | kṣatradharmādameyātmā nākampata yudhiṣṭhiraḥ

"Even when he had come to that pass and saw Krishna brought into the assembly hall, Yudhishthira, whose soul is beyond measure, did not swerve from the dharma of a kshatriya.

Verse 59 (5.95.59)

अहं तु तव तेषां च श्रेय इच्छामि भारत । धर्मादर्थात्सुखाच्चैव मा राजन्नीनशः प्रजाः ॥

ahaṃ tu tava teṣāṃ ca śreya icchāmi bhārata | dharmādarthātsukhāccaiva mā rājannīnaśaḥ prajāḥ

"For my part, O Bharata, I wish for the good both of you and of them. Do not rob your people of dharma, of profit and of happiness, O king.

Verse 60 (5.95.60)

अनर्थमर्थं मन्वानोऽप्यर्थं चानर्थमात्मनः । लोभेऽतिप्रसृतान्पुत्रान्निगृह्णीष्व विशांपते ॥

anarthamarthaṃ manvāno'pyarthaṃ cānarthamātmanaḥ | lobhe'tiprasṛtānputrānnigṛhṇīṣva viśāṃpate

"Even if you take what harms you for gain and what profits you for harm, restrain your sons, who have gone too far in greed, lord of the people.

Verse 61 (5.95.61)

स्थिताः शुश्रूषितुं पार्थाः स्थिता योद्धुमरिन्दमाः । यत्ते पथ्यतमं राजंस्तस्मिंस्तिष्ठ परन्तप ॥

sthitāḥ śuśrūṣituṃ pārthāḥ sthitā yoddhumarindamāḥ | yatte pathyatamaṃ rājaṃstasmiṃstiṣṭha parantapa

"The sons of Pritha, tamers of foes, stand ready to serve you, and they stand ready to fight. Hold to whatever is most wholesome for you, O king, scorcher of foes."

Note on the text: Corrected तस्मिंतिष्ठ → तस्मिंस्तिष्ठ (misprint in Wikisource; dropped स् of the sandhi, critical edition tasmiṃs tiṣṭha).

Verse 62 (5.95.62)

तद्वाक्यं पार्थिवाः सर्वे हृदयैः समपूजयन् । न तत्र कश्चिद्वक्तुं हि वाचं प्राक्रामदग्रतः ॥

tadvākyaṃ pārthivāḥ sarve hṛdayaiḥ samapūjayan | na tatra kaścidvaktuṃ hi vācaṃ prākrāmadagrataḥ

All the kings honoured those words in their hearts, but no one there ventured to speak first.