Virata Learns of Uttara's Victory

Verse 1 (4.69.1)

स विजित्य धनं चापि विराटो वाहिनीपतिः । प्राविशन्नगरं हृष्टश्चतुर्भिः सह पाण्डवैः ॥

sa vijitya dhanaṃ cāpi virāṭo vāhinīpatiḥ | prāviśannagaraṃ hṛṣṭaścaturbhiḥ saha pāṇḍavaiḥ

Having won back the wealth, Virata, lord of the host, entered his city in joy together with the four Pandavas.

Note on the text: Speaker heading वैशंपायन उवाच printed above this verse; normalised to वैशम्पायन.

Verse 2 (4.69.2)

जित्वा त्रिगर्तान्संग्रामे गाश्चैवानाय्य केवलाः । अशोभत महाराजः सह पार्थैः श्रिया वृतः ॥

jitvā trigartānsaṃgrāme gāścaivānāyya kevalāḥ | aśobhata mahārājaḥ saha pārthaiḥ śriyā vṛtaḥ

Having conquered the Trigartas in battle and brought back all the cattle, the great king shone, wrapped in glory, together with the sons of Pritha.

Verse 3 (4.69.3)

तमासनगतं वीरं सुहृदां प्रीतिवर्धनम् । उपतस्थुः प्रकृतयः समन्ताद्ब्राह्मणैः सह ॥

tamāsanagataṃ vīraṃ suhṛdāṃ prītivardhanam | upatasthuḥ prakṛtayaḥ samantādbrāhmaṇaiḥ saha

As the hero, who gladdened the hearts of his friends, sat on his throne, his subjects gathered round him from every side, together with the brahmins.

Note on the text: Corrected तमासनगत → तमासनगतं and तपतस्थुः → उपतस्थुः (misprints in Wikisource; a dropped anusvara and त for उ, so that neither form is a word; the critical edition reads āsanagataṃ and upatasthuḥ).

Verse 4 (4.69.4)

सभाजितः सभासद्भिः प्रतिनन्द्य स मत्स्यराट् । विसर्जयामास तदा द्विजांश्च प्रकृतीस्तथा ॥

sabhājitaḥ sabhāsadbhiḥ pratinandya sa matsyarāṭ | visarjayāmāsa tadā dvijāṃśca prakṛtīstathā

Honoured by the members of his court, the king of the Matsyas greeted them in return, and then dismissed the twice-born and his subjects.

Verse 5 (4.69.5)

ततः स राजा मात्स्यानां विराटो वाहिनीपतिः । प्रविश्यान्तःपुरं रम्यं स्त्रीशतैरुपशोभितम् । उत्तरं तत्र नापश्यत्क्व यात इति चाब्रवीत् ॥

tataḥ sa rājā mātsyānāṃ virāṭo vāhinīpatiḥ | praviśyāntaḥpuraṃ ramyaṃ strīśatairupaśobhitam | uttaraṃ tatra nāpaśyatkva yāta iti cābravīt

Then Virata, king of the Matsyas and lord of the host, went into his delightful inner apartments, graced by hundreds of women. Not finding Uttara there, he asked, "Where has he gone?"

Note on the text: The first and third lines are a variant of CE 4.63.5 (whose second half reads uttaraṃ paripapraccha); the middle line is not in the critical edition's text (its apparatus has it as 4.63.5b*1061).

Verse 6 (4.69.6)

आचख्युस्तत्र संहृष्टाः स्त्रियः कन्याश्च वेश्मनि । अन्तःपुरचराश्चैव कुरुभिर्गोधनं हृतम् ॥

ācakhyustatra saṃhṛṣṭāḥ striyaḥ kanyāśca veśmani | antaḥpuracarāścaiva kurubhirgodhanaṃ hṛtam

The women and maidens of the palace, and those who served in the inner apartments, eagerly told him: "The Kurus have carried off our wealth of cattle.

Verse 7 (4.69.7)

ताञ्जेतुमभिसंरब्ध एक एवातिसाहसात् । बृहन्नलासहायश्च निर्यातः पृथिवींजयः ॥

tāñjetumabhisaṃrabdha eka evātisāhasāt | bṛhannalāsahāyaśca niryātaḥ pṛthivīṃjayaḥ

Burning to conquer them, the prince Prithivinjaya went out alone, out of sheer daring, with Brihannala as his only companion,

Verse 8 (4.69.8)

उपयातानतिरथान्द्रोणं शान्तनवं कृपम् । कर्णं दुर्योधनं चैव द्रोणपुत्रं च षड्रथान् ॥

upayātānatirathāndroṇaṃ śāntanavaṃ kṛpam | karṇaṃ duryodhanaṃ caiva droṇaputraṃ ca ṣaḍrathān

against the six great chariot-warriors who had come: Drona, Bhishma son of Shantanu, Kripa, Karna, Duryodhana and the son of Drona."

Verse 9 (4.69.9)

ततो विराटः परमाभितप्तः । पुत्रं निशम्यैकरथेन यातम् । बृहन्नलासारथिमाजिमर्दनं । प्रोवाच सर्वानथ मन्त्रिमुख्यान् ॥

tato virāṭaḥ paramābhitaptaḥ | putraṃ niśamyaikarathena yātam | bṛhannalāsārathimājimardanaṃ | provāca sarvānatha mantrimukhyān

Then Virata, deeply distressed on hearing that his son, a crusher of foes in battle, had gone out on a single chariot with Brihannala as his charioteer, spoke to all his chief ministers:

Verse 10 (4.69.10)

गवां शतसहस्राणि अभिभूय ममात्मजम् । कुरवः कालयन्ति स्म सर्वे युद्धविशारदाः ॥

gavāṃ śatasahasrāṇi abhibhūya mamātmajam | kuravaḥ kālayanti sma sarve yuddhaviśāradāḥ

"The Kurus, all of them skilled in war, have overpowered my son and are driving off a hundred thousand cattle.

Note on the text: Corrected उभिभूय → अभिभूय and कुस्वः → कुरवः (misprints in Wikisource; neither form is a word; the critical edition's apparatus reads abhibhūya and kuravaḥ). Virata's speech (no speaker heading printed). Not in the critical edition (found in the vulgate recension); the critical edition records it in its apparatus as 4.63.9d*1062, lines 1–2.

Verse 11 (4.69.11)

तस्माद्गच्छन्तु मे योधा बलेन महता वृताः । उत्तरस्य परीप्सार्थं ये त्रिगर्तैरविक्षताः ॥

tasmādgacchantu me yodhā balena mahatā vṛtāḥ | uttarasya parīpsārthaṃ ye trigartairavikṣatāḥ

Therefore let those of my warriors who were not wounded by the Trigartas go out, surrounded by a great force, to rescue Uttara."

Note on the text: Corrected गच्छतु → गच्छन्तु (misprint in Wikisource; a dropped न्, which leaves a singular verb with the plural subject योधाः; the critical edition reads gacchantu). Virata's speech continues.

Verse 12 (4.69.12)

हयांश्च नागांश्च रथांश्च शीघ्रं । वादित्रसङ्घांश्च ततः प्रभूतान् । प्रस्थापयामास सुतस्य हेतो- । र्विचित्रचित्राभरणोपपन्नान् ॥

hayāṃśca nāgāṃśca rathāṃśca śīghraṃ | vāditrasaṅghāṃśca tataḥ prabhūtān | prasthāpayāmāsa sutasya heto- | rvicitracitrābharaṇopapannān

He swiftly sent out horses, elephants and chariots, and many bands of musicians as well, decked with ornaments of every colour, for his son's sake.

Note on the text: Speaker heading वैशंपायन उवाच printed above this verse. A variant of CE 4.63.12 (reading padātisaṃghāṃś ca tataḥ pravīrān and vicitraśastrābharaṇa-).

Verse 13 (4.69.13)

एवं स राजा मात्स्यानां महानक्षौहिणीपतिः । व्यादिदेशाथ स क्षिप्रं वाहिनीं चतुरङ्गिणीम् ॥

evaṃ sa rājā mātsyānāṃ mahānakṣauhiṇīpatiḥ | vyādideśātha sa kṣipraṃ vāhinīṃ caturaṅgiṇīm

Thus the king of the Matsyas, the great lord of an akshauhini, quickly gave his orders to his fourfold army:

Note on the text: Corrected महानक्षोहिणीपतिः → महानक्षौहिणीपतिः (misprint in Wikisource; ो for ौ in अक्षौहिणी; the critical edition reads 'kṣauhiṇīpatiḥ).

Verse 14 (4.69.14)

कुमारमाशु जानीत यदि जीवति वा नवा । यस्य यन्ता गतः षण्डो मन्येऽहं स न जीवति ॥

kumāramāśu jānīta yadi jīvati vā navā | yasya yantā gataḥ ṣaṇḍo manye'haṃ sa na jīvati

"Find out quickly whether the prince is alive or not. One whose charioteer is a eunuch — I fear he is not alive."

Note on the text: Virata's words (no speaker heading printed).

Verse 15 (4.69.15)

तमब्रवीद्धर्मसुतो विराट- । मार्तं विदित्वा कुरुभिः प्रतप्तम् । बृहन्नला सारथिश्चेन्नरेन्द्र । परे न नेष्यन्ति तवाद्य गाश्च ॥

tamabravīddharmasuto virāṭa- | mārtaṃ viditvā kurubhiḥ prataptam | bṛhannalā sārathiścennarendra | pare na neṣyanti tavādya gāśca

Seeing Virata distressed and tormented by the Kurus, the son of Dharma said to him: "If Brihannala is his charioteer, lord of men, the enemy will not carry off your cattle today.

Note on the text: Narration; its second line begins Yudhishthira's reply (no speaker heading printed). A variant of CE 4.63.15 (reading dharmarājaḥ prahasya).

Verse 16 (4.69.16)

सर्वान्महीपान्सहितान्कुरूंश्च । तथैव देवासुरनागयक्षान् । अलं विजेतुं समरे सुतस्ते । अनुष्ठितः सारथिना हि तेन ॥

sarvānmahīpānsahitānkurūṃśca | tathaiva devāsuranāgayakṣān | alaṃ vijetuṃ samare sutaste | anuṣṭhitaḥ sārathinā hi tena

With that charioteer to drive him, your son is able to conquer in battle all the kings and the Kurus together — and the gods, the asuras, the Nagas and the Yakshas as well.

Note on the text: Kanka's (Yudhishthira's) speech continues (no speaker heading printed).

Verse 17 (4.69.17)

सर्वथा कुरवश्चापि ये चान्ये वसुधाधिपाः । त्रिगर्तान्निर्जिताञ्श्रुत्वा न स्थास्यन्ति कथंचन ॥

sarvathā kuravaścāpi ye cānye vasudhādhipāḥ | trigartānnirjitāñśrutvā na sthāsyanti kathaṃcana

In any case, once the Kurus and the other lords of the earth hear that the Trigartas have been defeated, they will not hold their ground at all."

Note on the text: Kanka's speech continues (no speaker heading printed). A variant of CE 4.63.10, which the critical edition places earlier, in Virata's speech before 4.63.11; Wikisource gives it to Yudhishthira after 4.63.16.

Verse 18 (4.69.18)

अथोत्तरेण प्रहिता दूतास्ते शीघ्रगामिनः । विराटनगरं प्राप्य जयं प्रावेदयंस्तदा ॥

athottareṇa prahitā dūtāste śīghragāminaḥ | virāṭanagaraṃ prāpya jayaṃ prāvedayaṃstadā

Meanwhile the swift messengers sent by Uttara reached Virata's city and announced the victory.

Note on the text: Speaker heading वैशंपायन उवाच printed above this verse.

Verse 19 (4.69.19)

राजानं वृतमाचख्युर्मन्त्रिभिर्जयमुत्तमम् । पराजयं कुरूणां च उपायान्तं तथोत्तरम् ॥

rājānaṃ vṛtamācakhyurmantribhirjayamuttamam | parājayaṃ kurūṇāṃ ca upāyāntaṃ tathottaram

They told the king, who sat among his ministers, of the great victory, of the defeat of the Kurus, and that Uttara was on his way back:

Verse 20 (4.69.20)

सर्वा विनिर्जिता गावः कुरवश्च पराजिताः । उत्तरः सह सूतेन कुशली च परंतपः ॥

sarvā vinirjitā gāvaḥ kuravaśca parājitāḥ | uttaraḥ saha sūtena kuśalī ca paraṃtapaḥ

"All the cattle have been won back and the Kurus defeated. Uttara, the scorcher of foes, is safe, and his charioteer with him."

Note on the text: The messengers' words (no speaker heading printed).

Verse 21 (4.69.21)

दिष्ट्या ते निर्जिता गावः कुरवश्च पराजिताः । दिष्ट्या ते विजयी पुत्रः श्रूयते पार्थिवर्षभः ॥

diṣṭyā te nirjitā gāvaḥ kuravaśca parājitāḥ | diṣṭyā te vijayī putraḥ śrūyate pārthivarṣabhaḥ

"By good fortune your cattle have been won back and the Kurus defeated. By good fortune your son, a bull among kings, is reported victorious.

Note on the text: Speaker heading कङ्क उवाच printed above this verse. A variant of CE 4.63.20 (reading jīvitaḥ … pārthivarṣabha).

Verse 22 (4.69.22)

नाद्भुतं त्विह मन्येऽहं यत्ते पुत्रोऽजयत्कुरून् । ध्रुव एव जयस्तस्य यस्य यन्ता बृहन्नला ॥

nādbhutaṃ tviha manye'haṃ yatte putro'jayatkurūn | dhruva eva jayastasya yasya yantā bṛhannalā

I do not think it any wonder that your son conquered the Kurus. Victory is certain for one whose charioteer is Brihannala.

Verse 23 (4.69.23)

देवेन्द्रसारथिश्चैव मातलिः ख्यातविक्रमः । कृष्णस्य सारथिश्चैव न बृहन्नलया समौ ॥

devendrasārathiścaiva mātaliḥ khyātavikramaḥ | kṛṣṇasya sārathiścaiva na bṛhannalayā samau

Neither Matali of famed valour, charioteer of the king of the gods, nor Krishna's charioteer is the equal of Brihannala."

Note on the text: Not in the critical edition (found in the vulgate recension); the critical edition records it in its apparatus as 4.63.21d*1064.

Verse 24 (4.69.24)

ततो विराटो नृपतिः संप्रहृष्टतनूरुहः । श्रुत्वा तु विजयं तस्य कुमारस्यामितौजसः । संतोषयित्वा दूतांस्तान्धनरत्नैश्च सर्वशः ॥

tato virāṭo nṛpatiḥ saṃprahṛṣṭatanūruhaḥ | śrutvā tu vijayaṃ tasya kumārasyāmitaujasaḥ | saṃtoṣayitvā dūtāṃstāndhanaratnaiśca sarvaśaḥ

Then King Virata, the hair of his body bristling with delight at hearing of the victory of the prince of boundless might, rewarded those messengers lavishly with wealth and jewels.

Note on the text: Corrected संप्रहृष्टतनूरुह → संप्रहृष्टतनूरुहः (misprint in Wikisource; a dropped visarga in the nominative; the critical edition reads saṃprahṛṣṭatanūruhaḥ). Speaker heading वैशंपायन उवाच printed above this verse. The first two lines are CE 4.63.22ab–cd; the third is a variant of 4.63.22ef (ācchādayitvā dūtāṃs tān mantriṇaḥ so 'bhyacodayat).

Verse 25 (4.69.25)

गते त्वनुजने तस्मिन्दूतवाक्यं निशम्य च । उत्तरस्य जयात्प्रीतो विराटः प्रत्यभाषत ॥

gate tvanujane tasmindūtavākyaṃ niśamya ca | uttarasya jayātprīto virāṭaḥ pratyabhāṣata

When the escort had gone, Virata, having heard the messengers' report and delighted at Uttara's victory, said:

Note on the text: Not in the critical edition (found in the vulgate recension); the critical edition records it in its apparatus as 4.63.22f*1065 (reading anubale and tu).

Verse 26 (4.69.26)

राजमार्गाः क्रियन्तां वै पताकाभिरलंकृताः । पुष्पोपहारैरर्च्यन्तां देवताश्चापि सर्वशः ॥

rājamārgāḥ kriyantāṃ vai patākābhiralaṃkṛtāḥ | puṣpopahārairarcyantāṃ devatāścāpi sarvaśaḥ

"Let the royal roads be adorned with banners, and let all the gods be worshipped with offerings of flowers.

Note on the text: Corrected अर्च्यतां → अर्च्यन्तां (misprint in Wikisource; a dropped न्, which leaves a singular verb with the plural subject देवताः; the critical edition reads arcyantāṃ). Virata's speech (no speaker heading printed); a variant of CE 4.63.23 (reading me for vai).

Verse 27 (4.69.27)

कुमारा योधमुख्याश्च गणिकाश्च स्वलंकृताः । वादित्राणि च सर्वाणि प्रत्युद्यान्तु सुतं मम ॥

kumārā yodhamukhyāśca gaṇikāśca svalaṃkṛtāḥ | vāditrāṇi ca sarvāṇi pratyudyāntu sutaṃ mama

Let the princes and the leading warriors, the courtesans in their finery, and all the musical instruments go out to meet my son.

Verse 28 (4.69.28)

भवन्तु ते लब्धजये सुते मे । पौराश्च मर्त्याश्च परे च नार्यः । ते शुक्लवस्त्राः प्रभवन्तु मार्गे । सुगन्धमाल्याभरणाश्च नार्यः ॥

bhavantu te labdhajaye sute me | paurāśca martyāśca pare ca nāryaḥ | te śuklavastrāḥ prabhavantu mārge | sugandhamālyābharaṇāśca nāryaḥ

For my son, who has won his victory, let the townsfolk, the common people and others, and the women be ready; let them come out on the road dressed in white, and the women adorned with fragrant garlands and ornaments.

Note on the text: Not in the critical edition (found in the vulgate recension); the critical edition records it in its apparatus as 4.63.24d*1066, lines 1–4 (reading paurāś ca nāryaś ca pure ca martyāḥ).

Verse 29 (4.69.29)

भजन्तु सर्वा गणिकाः सुतं मे । नार्यश्च कन्याः सहसैनिकाश्च । स्वलंकृतास्ताः सुभगाः सुवेषाः । पुत्रस्य पन्थानमनुव्रजन्तु ॥

bhajantu sarvā gaṇikāḥ sutaṃ me | nāryaśca kanyāḥ sahasainikāśca | svalaṃkṛtāstāḥ subhagāḥ suveṣāḥ | putrasya panthānamanuvrajantu

Let all the courtesans attend my son, and the women and maidens together with the soldiers; finely adorned, lovely and handsomely dressed, let them walk in my son's train.

Note on the text: Not in the critical edition (found in the vulgate recension); the critical edition records it in its apparatus as 4.63.24d*1066, lines 5–8 (reading subhagāś ca veśyāḥ).

Verse 30 (4.69.30)

घण्टापणवकाः शीघ्रं मत्तमारुह्य कुञ्जरम् । शृङ्गाटकेषु सर्वेषु समाख्यान्तु जयं मम ॥

ghaṇṭāpaṇavakāḥ śīghraṃ mattamāruhya kuñjaram | śṛṅgāṭakeṣu sarveṣu samākhyāntu jayaṃ mama

Let the criers with bell and drum quickly mount a rutting elephant and proclaim my victory at every crossroads.

Note on the text: Corrected मम् → मम (misprint in Wikisource; a stray virama on the genitive मम). A variant of CE 4.63.25.

Verse 31 (4.69.31)

उत्तरा च कुमारीभिर्बह्वाभरणभूषिता । सखीं विजितसंग्रामां प्रत्युद्यातु बृहन्नलाम् ॥

uttarā ca kumārībhirbahvābharaṇabhūṣitā | sakhīṃ vijitasaṃgrāmāṃ pratyudyātu bṛhannalām

And let Uttara, adorned with many ornaments, go out with the maidens to meet her friend Brihannala, victorious in battle."

Note on the text: A variant of CE 4.63.26 (whose remaining words read bahvībhir abhisaṃvṛtā / śṛṅgāraveṣābharaṇā).

Verse 32 (4.69.32)

श्रुत्वा तु वचनं तस्य पार्थिवस्य महात्मनः । तथैव चक्रुः संहृष्टाः पौराः स्वस्तिकपाणयः ॥

śrutvā tu vacanaṃ tasya pārthivasya mahātmanaḥ | tathaiva cakruḥ saṃhṛṣṭāḥ paurāḥ svastikapāṇayaḥ

Hearing the words of the great-souled king, the joyful townsfolk did just so, carrying auspicious tokens in their hands.

Note on the text: Corrected महात्मन → महात्मनः (misprint in Wikisource; a dropped visarga in the genitive agreeing with पार्थिवस्य). Not in the critical edition in this form (found in the vulgate recension): it parallels CE 4.63.27ab (śrutvā tu tad vacanaṃ pārthivasya …), and the critical edition's apparatus has a one-line version as 4.63.28d*1067, line 1.

Verse 33 (4.69.33)

सूताश्च सर्वे सहमागधाश्च । हृष्टा विराटस्य पुरे जनौघाः । भेर्यश्च तूर्याणि च वारिजाश्च । वेषैः परार्ध्यैः प्रमदाजनाश्च ॥

sūtāśca sarve sahamāgadhāśca | hṛṣṭā virāṭasya pure janaughāḥ | bheryaśca tūryāṇi ca vārijāśca | veṣaiḥ parārdhyaiḥ pramadājanāśca

All the sutas together with the magadhas, the joyful crowds in Virata's city, kettledrums, trumpets and conches, and women in costly attire;

Note on the text: Corrected मूताश्च → सूताश्च and वेपैः → वेषैः (misprints in Wikisource; मू for सू and प for ष; the critical edition's apparatus reads sūtāś and veṣaiḥ). Not in the critical edition (found in the vulgate recension); the critical edition records it in its apparatus as 4.63.28d*1067, lines 2–5; its last two lines also parallel CE 4.63.27cd.

Verse 34 (4.69.34)

वन्दिप्रवादाः पणवादिकाश्च । तथैव वाद्यानि च वंशशब्दाः । कांस्यं सतालं मधुरं च गीत- । मादाय नार्यो नगरान्निरीयुः ॥

vandipravādāḥ paṇavādikāśca | tathaiva vādyāni ca vaṃśaśabdāḥ | kāṃsyaṃ satālaṃ madhuraṃ ca gīta- | mādāya nāryo nagarānnirīyuḥ

heralds and drummers, other instruments too and the sound of flutes; and the women, with bronze cymbals and sweet song, went out from the city.

Note on the text: Not in the critical edition (found in the vulgate recension); the critical edition records it in its apparatus as 4.63.28d*1067, lines 6–9 (reading paṇavānakaiś, śaṅkhaśabdāḥ and nagarāt tadīyāt).

Verse 35 (4.69.35)

प्रत्युद्ययुः पुत्रमनन्तवीर्यं । ते ब्राह्मणाः शान्तिपराः प्रधानाः । स्वाध्यायवेदाध्ययनक्रमज्ञाः । स्वस्तिक्रियागीतजपप्रधानाः ॥

pratyudyayuḥ putramanantavīryaṃ | te brāhmaṇāḥ śāntiparāḥ pradhānāḥ | svādhyāyavedādhyayanakramajñāḥ | svastikriyāgītajapapradhānāḥ

The foremost brahmins, devoted to rites of peace, versed in the order of recitation and study of the Veda, and given to blessings, hymns and japa, went out to meet the prince of boundless valour.

Note on the text: Not in the critical edition (found in the vulgate recension); the critical edition records it in its apparatus as 4.63.28d*1067, lines 10–13 (reading -jaya- for -japa-); its first line is also CE 4.63.28d.