The Birth of Lord Krishna

Verse 1 (bhagavata.10.3.1)

श्रीशुक उवाच अथ सर्वगुणोपेतः कालः परमशोभनः । यर्ह्येवाजनजन्मर्क्षं शान्तर्क्षग्रहतारकम् ॥ १ ॥

śrī-śuka uvāca atha sarva-guṇopetaḥ kālaḥ parama-śobhanaḥ yarhy evājana-janmarkṣaṁ śāntarkṣa-graha-tārakam

Shri Shukadeva said: Thereafter came that most auspicious time, endowed with every excellence, when the birth-star and the other constellations, planets and stars stood tranquil — the hour of the birthless Lord's advent.

Verse 2 (bhagavata.10.3.2)

दिशः प्रसेदुर्गगनं निर्मलोडुगणोदयम् । मही मङ्गलभूयिष्ठपुरग्रामव्रजाकरा ॥ २ ॥

diśaḥ prasedur gaganaṁ nirmaloḍu-gaṇodayam mahī maṅgala-bhūyiṣṭha- pura-grāma-vrajākarā

The directions grew serene, the sky shone with the rising of clear stars, and the earth, rich with towns, villages, mines and cattle-pastures, became filled with auspiciousness.

Verse 3 (bhagavata.10.3.3)

नद्यः प्रसन्नसलिला ह्रदा जलरुहश्रियः । द्विजालिकुलसन्नादस्तवका वनराजयः ॥ ३ ॥

nadyaḥ prasanna-salilā hradā jalaruha-śriyaḥ dvijāli-kula-sannāda- stavakā vana-rājayaḥ

The rivers ran with clear water, the lakes grew beautiful with lotuses in bloom, and the ranks of forest trees resounded with the calls of birds and swarms of bees.

Verse 4 (bhagavata.10.3.4)

ववौ वायुः सुखस्पर्शः पुण्यगन्धवहः शुचिः । अग्नयश्च द्विजातीनां शान्तास्तत्र समिन्धत ॥ ४ ॥

vavau vāyuḥ sukha-sparśaḥ puṇya-gandhavahaḥ śuciḥ agnayaś ca dvijātīnāṁ śāntās tatra samindhata

A pure breeze began to blow, pleasant to the touch and laden with holy fragrance, and there the sacred fires of the brahmins burned with a still, untroubled flame.

Verse 5 (bhagavata.10.3.5)

मनांस्यासन् प्रसन्नानि साधूनामसुरद्रुहाम् । जायमानेऽजने तस्मिन् नेदुर्दुन्दुभयः समम् ॥ ५ ॥

manāṁsy āsan prasannāni sādhūnām asura-druhām jāyamāne ’jane tasmin nedur dundubhayaḥ samam

The hearts of the saintly, ever hostile to the demons, grew glad, and as that birthless one took birth, the kettledrums resounded together.

Verse 6 (bhagavata.10.3.6)

जगुः किन्नरगन्धर्वास्तुष्टुवुः सिद्धचारणाः । विद्याधर्यश्च ननृतुरप्सरोभिः समं मुदा ॥ ६ ॥

jaguḥ kinnara-gandharvās tuṣṭuvuḥ siddha-cāraṇāḥ vidyādharyaś ca nanṛtur apsarobhiḥ samaṁ mudā

The Kinnaras and Gandharvas sang, the Siddhas and Charanas offered praise, and the Vidyadhari women danced in joy together with the Apsaras.

Verse 7 (bhagavata.10.3.7)

मुमुचुर्मुनयो देवाः सुमनांसि मुदान्विताः । मन्दं मन्दं जलधरा जगर्जुरनुसागरम् ॥ ७ ॥

mumucur munayo devāḥ sumanāṁsi mudānvitāḥ mandaṁ mandaṁ jaladharā jagarjur anusāgaram

Sages and gods, filled with delight, showered flowers, and the clouds thundered softly, like the low roar of the ocean.

Verse 8 (bhagavata.10.3.8)

निशीथे तमउद्भूते जायमाने जनार्दने । देवक्यां देवरूपिण्यां विष्णुः सर्वगुहाशयः । आविरासीद् यथा प्राच्यां दिशीन्दुरिव पुष्कलः ॥ ८ ॥

niśīthe tama-udbhūte jāyamāne janārdane devakyāṁ deva-rūpiṇyāṁ viṣṇuḥ sarva-guhā-śayaḥ āvirāsīd yathā prācyāṁ diśīndur iva puṣkalaḥ

At midnight, when darkness lay thick, as Janardana took birth, Vishnu, who dwells within the heart of every being, appeared from the divine Devaki, as the full moon rises upon the eastern horizon.

Verse 9 (bhagavata.10.3.9)

तमद्भुतं बालकमम्बुजेक्षणं चतुर्भुजं शङ्खगदाद्युदायुधम् । श्रीवत्सलक्ष्मं गलशोभिकौस्तुभं पीताम्बरं सान्द्रपयोदसौभगम् ॥ ९ ॥

tam adbhutaṁ bālakam ambujekṣaṇaṁ catur-bhujaṁ śaṅkha-gadādy-udāyudham śrīvatsa-lakṣmaṁ gala-śobhi-kaustubhaṁ pītāmbaraṁ sāndra-payoda-saubhagam

That wondrous infant, lotus-eyed, four-armed, bearing conch and mace and the other weapons, marked on his chest with the Shrivatsa sign, the Kaustubha jewel gleaming at his throat, robed in yellow, his hue lovely as a dense-massed cloud —

Verse 10 (bhagavata.10.3.10)

महार्हवैदूर्यकिरीटकुण्डल- त्विषा परिष्वक्तसहस्रकुन्तलम् । उद्दामकाञ्च्यङ्गदकङ्कणादिभि- र्विरोचमानं वसुदेव ऐक्षत ॥ १० ॥

mahārha-vaidūrya-kirīṭa-kuṇḍala- tviṣā pariṣvakta-sahasra-kuntalam uddāma-kāñcy-aṅgada-kaṅkaṇādibhir virocamānaṁ vasudeva aikṣata

his thousand locks caught in the radiance of a crown and earrings set with priceless beryl, resplendent with a raised girdle, armlets and bangles — this Vasudeva now beheld.

Verse 11 (bhagavata.10.3.11)

स विस्मयोत्फुल्लविलोचनो हरिं सुतं विलोक्यानकदुन्दुभिस्तदा । कृष्णावतारोत्सवसम्भ्रमोऽस्पृशन् मुदा द्विजेभ्योऽयुतमाप्लुतो गवाम् ॥ ११ ॥

sa vismayotphulla-vilocano hariṁ sutaṁ vilokyānakadundubhis tadā kṛṣṇāvatārotsava-sambhramo ’spṛśan mudā dvijebhyo ’yutam āpluto gavām

Vasudeva, called Anakadundubhi, his eyes wide with wonder at the sight of this son who was Hari himself, in the rapture of that festival of Krishna's advent, mentally gave away ten thousand cows to the brahmins with joy.

Verse 12 (bhagavata.10.3.12)

अथैनमस्तौदवधार्य पूरुषं परं नताङ्गः कृतधीः कृताञ्जलिः । स्वरोचिषा भारत सूतिकागृहं विरोचयन्तं गतभीः प्रभाववित् ॥ १२ ॥

athainam astaud avadhārya pūruṣaṁ paraṁ natāṅgaḥ kṛta-dhīḥ kṛtāñjaliḥ sva-rociṣā bhārata sūtikā-gṛhaṁ virocayantaṁ gata-bhīḥ prabhāva-vit

O descendant of Bharata, recognizing him then as the Supreme Person, Vasudeva, now fearless and aware of his greatness, bowed his body, fixed his mind, folded his hands, and began to praise that child who was lighting up the very birth-chamber with his own radiance.

Verse 13 (bhagavata.10.3.13)

श्रीवसुदेव उवाच विदितोऽसि भवान् साक्षात्पुरुषः प्रकृतेः परः । केवलानुभवानन्दस्वरूपः सर्वबुद्धिदृक् ॥ १३ ॥

śrī-vasudeva uvāca vidito ’si bhavān sākṣāt puruṣaḥ prakṛteḥ paraḥ kevalānubhavānanda- svarūpaḥ sarva-buddhi-dṛk

Shri Vasudeva said: I know you now — you are directly that Person beyond material nature, pure experience and bliss itself, the witness of every understanding.

Verse 14 (bhagavata.10.3.14)

स एव स्वप्रकृत्येदं सृष्ट्वाग्रे त्रिगुणात्मकम् । तदनु त्वं ह्यप्रविष्टः प्रविष्ट इव भाव्यसे ॥ १४ ॥

sa eva svaprakṛtyedaṁ sṛṣṭvāgre tri-guṇātmakam tad anu tvaṁ hy apraviṣṭaḥ praviṣṭa iva bhāvyase

You alone, through your own nature, first created this world made of the three qualities, and thereafter, though never truly entering it, seem to have entered.

Verse 15 (bhagavata.10.3.15)

यथेमेऽविकृता भावास्तथा ते विकृतैः सह । नानावीर्याः पृथग्भूता विराजं जनयन्ति हि ॥ १५ ॥

yatheme ’vikṛtā bhāvās tathā te vikṛtaiḥ saha nānā-vīryāḥ pṛthag-bhūtā virājaṁ janayanti hi

As these unmodified principles, joined with their modifications, though becoming many and distinct in their powers, together bring forth the cosmic form — so too are you.

Verse 16 (bhagavata.10.3.16)

सन्निपत्य समुत्पाद्य दृश्यन्तेऽनुगता इव । प्रागेव विद्यमानत्वान्न तेषामिह सम्भवः ॥ १६ ॥

sannipatya samutpādya dṛśyante ’nugatā iva prāg eva vidyamānatvān na teṣām iha sambhavaḥ

Coming together and giving rise to creation, they appear as though following after it — yet, being already present beforehand, they do not in truth come into being here anew.

Verse 17 (bhagavata.10.3.17)

एवं भवान् बुद्ध्यनुमेयलक्षणै- र्ग्राह्यैर्गुणैः सन्नपि तद्गुणाग्रहः । अनावृतत्वाद् बहिरन्तरं न ते सर्वस्य सर्वात्मन आत्मवस्तुनः ॥ १७ ॥

evaṁ bhavān buddhy-anumeya-lakṣaṇair grāhyair guṇaiḥ sann api tad-guṇāgrahaḥ anāvṛtatvād bahir antaraṁ na te sarvasya sarvātmana ātma-vastunaḥ

Thus, though marked by qualities inferable through the intellect, you remain untouched by those very qualities, for you, the self of all and the substance of every self, being wholly unveiled, know no distinction of outer and inner.

Verse 18 (bhagavata.10.3.18)

य आत्मनो दृश्यगुणेषु सन्निति व्यवस्यते स्वव्यतिरेकतोऽबुधः । विनानुवादं न च तन्मनीषितं सम्यग् यतस्त्यक्तमुपाददत् पुमान् ॥ १८ ॥

ya ātmano dṛśya-guṇeṣu sann iti vyavasyate sva-vyatirekato ’budhaḥ vinānuvādaṁ na ca tan manīṣitaṁ samyag yatas tyaktam upādadat pumān

The ignorant man who determines the self to exist within the visible qualities, apart from proper consideration, is simply an unlearned soul mistaken about his own distinct nature — and so a man ends up grasping precisely what ought to have been let go.

Verse 19 (bhagavata.10.3.19)

त्वत्तोऽस्य जन्मस्थितिसंयमान् विभो वदन्त्यनीहादगुणादविक्रियात् । त्वयीश्वरे ब्रह्मणि नो विरुध्यते त्वदाश्रयत्वादुपचर्यते गुणैः ॥ १९ ॥

tvatto ’sya janma-sthiti-saṁyamān vibho vadanty anīhād aguṇād avikriyāt tvayīśvare brahmaṇi no virudhyate tvad-āśrayatvād upacaryate guṇaiḥ

O all-pervading one, the wise declare that this world's creation, maintenance and dissolution proceed from you, though you are without endeavor, without qualities, and without change. In you, the Lord, the Absolute, there is no contradiction — it is only because they rest in you that the material qualities appear to act at all.

Verse 20 (bhagavata.10.3.20)

स त्वं त्रिलोकस्थितये स्वमायया बिभर्षि शुक्लं खलु वर्णमात्मनः । सर्गाय रक्तं रजसोपबृंहितं कृष्णं च वर्णं तमसा जनात्यये ॥ २० ॥

sa tvaṁ tri-loka-sthitaye sva-māyayā bibharṣi śuklaṁ khalu varṇam ātmanaḥ sargāya raktaṁ rajasopabṛṁhitaṁ kṛṣṇaṁ ca varṇaṁ tamasā janātyaye

You it is who, through your own maya, for the preservation of the three worlds assume a white hue; for creation, a red hue infused with passion; and at the time of dissolution, in the presence of darkness, a black hue.

Verse 21 (bhagavata.10.3.21)

त्वमस्य लोकस्य विभो रिरक्षिषु- र्गृहेऽवतीर्णोऽसि ममाखिलेश्वर । राजन्यसंज्ञासुरकोटियूथपै- र्निर्व्यूह्यमाना निहनिष्यसे चमूः ॥ २१ ॥

tvam asya lokasya vibho rirakṣiṣur gṛhe ’vatīrṇo ’si mamākhileśvara rājanya-saṁjñāsura-koṭi-yūthapair nirvyūhyamānā nihaniṣyase camūḥ

O all-pervading one, O Lord of all, desiring to protect this world you have descended in my home. The armies marshalled by the countless demon-generals who call themselves kings will be destroyed by your hand.

Verse 22 (bhagavata.10.3.22)

अयं त्वसभ्यस्तव जन्म नौ गृहे श्रुत्वाग्रजांस्ते न्यवधीत् सुरेश्वर । स तेऽवतारं पुरुषैः समर्पितं श्रुत्वाधुनैवाभिसरत्युदायुधः ॥ २२ ॥

ayaṁ tv asabhyas tava janma nau gṛhe śrutvāgrajāṁs te nyavadhīt sureśvara sa te ’vatāraṁ puruṣaiḥ samarpitaṁ śrutvādhunaivābhisaraty udāyudhaḥ

O Lord of the gods, this uncivilized Kamsa, on hearing the prophecy of your birth in our house, has already slain your elder brothers. As soon as he learns of your descent, he will come rushing here, weapon in hand.

Verse 23 (bhagavata.10.3.23)

श्रीशुक उवाच अथैनमात्मजं वीक्ष्य महापुरुषलक्षणम् । देवकी तमुपाधावत् कंसाद् भीता सुविस्मिता ॥ २३ ॥

śrī-śuka uvāca athainam ātmajaṁ vīkṣya mahā-puruṣa-lakṣaṇam devakī tam upādhāvat kaṁsād bhītā suvismitā

Shri Shukadeva said: Beholding her son thus marked with the signs of the Supreme Person, Devaki, afraid of Kamsa and utterly astonished, began to praise him.

Verse 24 (bhagavata.10.3.24)

श्रीदेवक्युवाच रूपं यत् तत् प्राहुरव्यक्तमाद्यं ब्रह्म ज्योतिर्निर्गुणं निर्विकारम् । सत्तामात्रं निर्विशेषं निरीहं स त्वं साक्षाद् विष्णुरध्यात्मदीपः ॥ २४ ॥

śrī-devaky uvāca rūpaṁ yat tat prāhur avyaktam ādyaṁ brahma jyotir nirguṇaṁ nirvikāram sattā-mātraṁ nirviśeṣaṁ nirīhaṁ sa tvaṁ sākṣād viṣṇur adhyātma-dīpaḥ

Shri Devaki said: That form which the Vedas call unmanifest, primordial, Brahman, light, without attributes, unchanging, mere existence itself, without distinction, without desire — that, directly, are you, Vishnu, the very lamp of the inner self.

Verse 25 (bhagavata.10.3.25)

नष्टे लोके द्विपरार्धावसाने महाभूतेष्वादिभूतं गतेषु । व्यक्तेऽव्यक्तं कालवेगेन याते भवानेकः शिष्यतेऽशेषसंज्ञः ॥ २५ ॥

naṣṭe loke dvi-parārdhāvasāne mahā-bhūteṣv ādi-bhūtaṁ gateṣu vyakte ’vyaktaṁ kāla-vegena yāte bhavān ekaḥ śiṣyate ’śeṣa-saṁjñaḥ

When the world is destroyed, at the end of two parardhas, when the great elements dissolve into their primal cause, and the manifest passes by the force of time into the unmanifest, you alone remain, bearing within yourself every name that ever was.

Verse 26 (bhagavata.10.3.26)

योऽयं कालस्तस्य तेऽव्यक्तबन्धो चेष्टामाहुश्चेष्टते येन विश्वम् । निमेषादिर्वत्सरान्तो महीयां- स्तं त्वेशानं क्षेमधाम प्रपद्ये ॥ २६ ॥

yo ’yaṁ kālas tasya te ’vyakta-bandho ceṣṭām āhuś ceṣṭate yena viśvam nimeṣādir vatsarānto mahīyāṁs taṁ tveśānaṁ kṣema-dhāma prapadye

O kinsman of the unmanifest, this time, by whose working the universe itself works, stretching vast from the blink of an eye to the turning year, is said to be none other than your own activity. O Lord, O abode of all blessing, I take refuge in you.

Verse 27 (bhagavata.10.3.27)

मर्त्यो मृत्युव्यालभीतः पलायन् लोकान् सर्वान्निर्भयं नाध्यगच्छत् । त्वत्पादाब्जं प्राप्य यदृच्छयाद्य सुस्थः शेते मृत्युरस्मादपैति ॥ २७ ॥

martyo mṛtyu-vyāla-bhītaḥ palāyan lokān sarvān nirbhayaṁ nādhyagacchat tvat pādābjaṁ prāpya yadṛcchayādya susthaḥ śete mṛtyur asmād apaiti

Fleeing in terror of the serpent of death, no mortal has ever found fearlessness in any world he ran to. But now, having reached your lotus feet quite without seeking them, he sleeps at ease, and death itself withdraws from him.

Verse 28 (bhagavata.10.3.28)

स त्वं घोरादुग्रसेनात्मजान्न- स्त्राहि त्रस्तान् भृत्यवित्रासहासि । रूपं चेदं पौरुषं ध्यानधिष्ण्यं मा प्रत्यक्षं मांसदृशां कृषीष्ठाः ॥ २८ ॥

sa tvaṁ ghorād ugrasenātmajān nas trāhi trastān bhṛtya-vitrāsa-hāsi rūpaṁ cedaṁ pauruṣaṁ dhyāna-dhiṣṇyaṁ mā pratyakṣaṁ māṁsa-dṛśāṁ kṛṣīṣṭhāḥ

Protect us, then, terrified as we are by the fearsome dread of Ugrasena's son Kamsa — for it is you who takes away the fear of your servants. This form of yours, the very seat of the yogi's meditation, please do not leave visible to eyes of flesh.

Verse 29 (bhagavata.10.3.29)

जन्म ते मय्यसौ पापो मा विद्यान्मधुसूदन । समुद्विजे भवद्धेतोः कंसादहमधीरधीः ॥ २९ ॥

janma te mayy asau pāpo mā vidyān madhusūdana samudvije bhavad-dhetoḥ kaṁsād aham adhīra-dhīḥ

O Madhusudana, let not that sinful Kamsa learn that this birth of yours is from me — it is this very fear that leaves my unsteady mind so troubled.

Verse 30 (bhagavata.10.3.30)

उपसंहर विश्वात्मन्नदो रूपमलौकिकम् । शङ्खचक्रगदापद्मश्रिया जुष्टं चतुर्भुजम् ॥ ३० ॥

upasaṁhara viśvātmann ado rūpam alaukikam śaṅkha-cakra-gadā-padma- śriyā juṣṭaṁ catur-bhujam

O soul of the universe, withdraw now this form beyond the ordinary, adorned with the glory of conch, discus, mace and lotus in your four hands.

Verse 31 (bhagavata.10.3.31)

विश्वं यदेतत् स्वतनौ निशान्ते यथावकाशं पुरुषः परो भवान् । बिभर्ति सोऽयं मम गर्भगोऽभू- दहो नृलोकस्य विडम्बनं हि तत् ॥ ३१ ॥

viśvaṁ yad etat sva-tanau niśānte yathāvakāśaṁ puruṣaḥ paro bhavān bibharti so ’yaṁ mama garbhago ’bhūd aho nṛ-lokasya viḍambanaṁ hi tat

You are that Supreme Person who, at the hour of dissolution, holds this entire universe within your own body without effort — and that very you has now come forth from my womb! Ah, this will surely become a mockery in the eyes of the world.

Verse 32 (bhagavata.10.3.32)

श्रीभगवानुवाच त्वमेव पूर्वसर्गेऽभूः पृश्निः स्वायम्भुवे सति । तदायं सुतपा नाम प्रजापतिरकल्मषः ॥ ३२ ॥

śrī-bhagavān uvāca tvam eva pūrva-sarge ’bhūḥ pṛśniḥ svāyambhuve sati tadāyaṁ sutapā nāma prajāpatir akalmaṣaḥ

Shri Bhagavan said: In an earlier birth, in the age of Svayambhuva, you were the chaste Prishni, and this Vasudeva was then the sinless Prajapati named Sutapa.

Verse 33 (bhagavata.10.3.33)

युवां वै ब्रह्मणादिष्टौ प्रजासर्गे यदा ततः । सन्नियम्येन्द्रियग्रामं तेपाथे परमं तपः ॥ ३३ ॥

yuvāṁ vai brahmaṇādiṣṭau prajā-sarge yadā tataḥ sanniyamyendriya-grāmaṁ tepāthe paramaṁ tapaḥ

When you two were commanded by Brahma to bring forth progeny, you first restrained your whole array of senses and undertook the highest austerity.

Verse 34 (bhagavata.10.3.34)

वर्षवातातपहिमघर्मकालगुणाननु । सहमानौ श्वासरोधविनिर्धूतमनोमलौ ॥ ३४ ॥

varṣa-vātātapa-hima- gharma-kāla-guṇān anu sahamānau śvāsa-rodha- vinirdhūta-mano-malau

Enduring rain, wind, blazing sun, frost and heat through the changing seasons, cleansing the mind's impurity through the discipline of breath —

Verse 35 (bhagavata.10.3.35)

शीर्णपर्णानिलाहारावुपशान्तेन चेतसा । मत्तः कामानभीप्सन्तौ मदाराधनमीहतुः ॥ ३५ ॥

śīrṇa-parṇānilāhārāv upaśāntena cetasā mattaḥ kāmān abhīpsantau mad-ārādhanam īhatuḥ

living on withered leaves and air alone, with tranquil minds, longing for the fulfillment of your desire from me, you both devoted yourselves to my worship.

Verse 36 (bhagavata.10.3.36)

एवं वां तप्यतोस्तीव्रं तपः परमदुष्करम् । दिव्यवर्षसहस्राणि द्वादशेयुर्मदात्मनोः ॥ ३६ ॥

evaṁ vāṁ tapyatos tīvraṁ tapaḥ parama-duṣkaram divya-varṣa-sahasrāṇi dvādaśeyur mad-ātmanoḥ

Thus, your minds fixed wholly on me, you both performed this severe and most difficult austerity for twelve thousand celestial years.

Verse 37 (bhagavata.10.3.37)

तदा वां परितुष्टोऽहममुना वपुषानघे । तपसा श्रद्धया नित्यं भक्त्या च हृदि भावितः ॥ ३७ ॥

tadā vāṁ parituṣṭo ’ham amunā vapuṣānaghe tapasā śraddhayā nityaṁ bhaktyā ca hṛdi bhāvitaḥ

O sinless mother, then I, held always within your hearts through that austerity, faith and devotion, became greatly pleased with you both.

Verse 38 (bhagavata.10.3.38)

प्रादुरासं वरदराड् युवयोः कामदित्सया । व्रियतां वर इत्युक्ते मादृशो वां वृतः सुतः ॥ ३८ ॥

prādurāsaṁ varada-rāḍ yuvayoḥ kāma-ditsayā vriyatāṁ vara ity ukte mādṛśo vāṁ vṛtaḥ sutaḥ

I, greatest of the givers of boons, appeared before you both, desiring to grant your wish, and said, 'Choose a boon' — and you chose a son like myself.

Verse 39 (bhagavata.10.3.39)

अजुष्टग्राम्यविषयावनपत्यौ च दम्पती । न वव्राथेऽपवर्गं मे मोहितौ देवमायया ॥ ३९ ॥

ajuṣṭa-grāmya-viṣayāv anapatyau ca dam-patī na vavrāthe ’pavargaṁ me mohitau deva-māyayā

Untouched by ordinary worldly desire, yet childless, you two, husband and wife, bewildered by the divine maya of love, did not choose liberation from me.

Verse 40 (bhagavata.10.3.40)

गते मयि युवां लब्ध्वा वरं मत्सदृशं सुतम् । ग्राम्यान् भोगानभुञ्जाथां युवां प्राप्तमनोरथौ ॥ ४० ॥

gate mayi yuvāṁ labdhvā varaṁ mat-sadṛśaṁ sutam grāmyān bhogān abhuñjāthāṁ yuvāṁ prāpta-manorathau

When I had vanished, having received the boon of a son like myself, and your desire thus fulfilled, you both enjoyed ordinary worldly pleasures.

Verse 41 (bhagavata.10.3.41)

अदृष्ट्वान्यतमं लोके शीलौदार्यगुणैः समम् । अहं सुतो वामभवं पृश्निगर्भ इति श्रुतः ॥ ४१ ॥

adṛṣṭvānyatamaṁ loke śīlaudārya-guṇaiḥ samam ahaṁ suto vām abhavaṁ pṛśnigarbha iti śrutaḥ

Finding none other in this world equal to you in virtue and generosity, I became your son and became known by the name Prishnigarbha.

Verse 42 (bhagavata.10.3.42)

तयोर्वां पुनरेवाहमदित्यामास कश्यपात् । उपेन्द्र इति विख्यातो वामनत्वाच्च वामनः ॥ ४२ ॥

tayor vāṁ punar evāham adityām āsa kaśyapāt upendra iti vikhyāto vāmanatvāc ca vāmanaḥ

From those same two of you, I again took birth, born of Aditi through Kashyapa, and became famed as Upendra, and, because of my dwarf form, as Vamana.

Verse 43 (bhagavata.10.3.43)

तृतीयेऽस्मिन् भवेऽहं वै तेनैव वपुषाथ वाम् । जातो भूयस्तयोरेव सत्यं मे व्याहृतं सति ॥ ४३ ॥

tṛtīye ’smin bhave ’haṁ vai tenaiva vapuṣātha vām jāto bhūyas tayor eva satyaṁ me vyāhṛtaṁ sati

In this third birth, I have been born again, in that very same form, of you two once more. O virtuous one, know these words of mine to be the truth.

Verse 44 (bhagavata.10.3.44)

एतद् वां दर्शितं रूपं प्राग्जन्मस्मरणाय मे । नान्यथा मद्भवं ज्ञानं मर्त्यलिङ्गेन जायते ॥ ४४ ॥

etad vāṁ darśitaṁ rūpaṁ prāg-janma-smaraṇāya me nānyathā mad-bhavaṁ jñānaṁ martya-liṅgena jāyate

This form I have shown you only so that you might recall my earlier births. Otherwise, bearing the marks of a mortal, this knowledge of my true nature could never have arisen for you.

Verse 45 (bhagavata.10.3.45)

युवां मां पुत्रभावेन ब्रह्मभावेन चासकृत् । चिन्तयन्तौ कृतस्नेहौ यास्येथे मद्गतिं पराम् ॥ ४५ ॥

yuvāṁ māṁ putra-bhāvena brahma-bhāvena cāsakṛt cintayantau kṛta-snehau yāsyethe mad-gatiṁ parām

Thinking of me again and again, both as your son and yet as the Absolute itself, bound in love, you two shall attain my supreme abode.

Verse 46 (bhagavata.10.3.46)

श्रीशुक उवाच इत्युक्त्वासीद्धरिस्तूष्णीं भगवानात्ममायया । पित्रोः सम्पश्यतोः सद्यो बभूव प्राकृतः शिशुः ॥ ४६ ॥

śrī-śuka uvāca ity uktvāsīd dharis tūṣṇīṁ bhagavān ātma-māyayā pitroḥ sampaśyatoḥ sadyo babhūva prākṛtaḥ śiśuḥ

Shri Shukadeva said: Having spoken thus, Bhagavan Hari fell silent through his own maya, and there, before the very eyes of his parents, at once became an ordinary human infant.

Verse 47 (bhagavata.10.3.47)

ततश्च शौरिर्भगवत्प्रचोदितः सुतं समादाय स सूतिकागृहात् । यदा बहिर्गन्तुमियेष तर्ह्यजा या योगमायाजनि नन्दजायया ॥ ४७ ॥

tataś ca śaurir bhagavat-pracoditaḥ sutaṁ samādāya sa sūtikā-gṛhāt yadā bahir gantum iyeṣa tarhy ajā yā yoga-māyājani nanda-jāyayā

Then, moved by the Lord, Shauri Vasudeva made ready to carry his son out from the birth-chamber — and just then the unborn Yogamaya took birth as the daughter of Nanda's wife.

Verse 48 (bhagavata.10.3.48)

तया हृतप्रत्ययसर्ववृत्तिषु द्वाःस्थेषु पौरेष्वपि शायितेष्वथ । द्वारश्च सर्वाः पिहिता दुरत्यया बृहत्कपाटायसकीलशृङ्खलैः ॥ ४८ ॥

tayā hṛta-pratyaya-sarva-vṛttiṣu dvāḥ-stheṣu paureṣv api śāyiteṣv atha dvāraś ca sarvāḥ pihitā duratyayā bṛhat-kapāṭāyasa-kīla-śṛṅkhalaiḥ

By her power, all the doorkeepers' faculties were seized away and they fell asleep, the other townsfolk too sank into deep slumber, and every door, barred with iron pins and great chains, impossible though it seemed to pass, opened of itself.

Verse 49 (bhagavata.10.3.49)

ताः कृष्णवाहे वसुदेव आगते स्वयं व्यवर्यन्त यथा तमो रवेः । ववर्ष पर्जन्य उपांशुगर्जितः शेषोऽन्वगाद् वारि निवारयन् फणैः ॥ ४९ ॥

tāḥ kṛṣṇa-vāhe vasudeva āgate svayaṁ vyavaryanta yathā tamo raveḥ vavarṣa parjanya upāṁśu-garjitaḥ śeṣo ’nvagād vāri nivārayan phaṇaiḥ

As Vasudeva came bearing Krishna, they withdrew of themselves, as darkness withdraws before the sun. The clouds rained on, thundering softly, and Sheshanaga followed behind, warding off the rain with his spread hoods.

Verse 50 (bhagavata.10.3.50)

मघोनि वर्षत्यसकृद् यमानुजा गम्भीरतोयौघजवोर्मिफेनिला । भयानकावर्तशताकुला नदी मार्गं ददौ सिन्धुरिव श्रियः पतेः ॥ ५० ॥

maghoni varṣaty asakṛd yamānujā gambhīra-toyaugha-javormi-phenilā bhayānakāvarta-śatākulā nadī mārgaṁ dadau sindhur iva śriyaḥ pateḥ

The Yamuna, swollen with the ceaseless rain sent by Indra, foaming with the swift waves of its deep current, churned with a hundred terrifying whirlpools, yet gave way and opened a path, just as the ocean once did for the Lord of Shri.

Verse 51 (bhagavata.10.3.51)

नन्दव्रजं शौरिरुपेत्य तत्र तान् गोपान् प्रसुप्तानुपलभ्य निद्रया । सुतं यशोदाशयने निधाय त- त्सुतामुपादाय पुनर्गृहानगात् ॥ ५१ ॥

nanda-vrajaṁ śaurir upetya tatra tān gopān prasuptān upalabhya nidrayā sutaṁ yaśodā-śayane nidhāya tat- sutām upādāya punar gṛhān agāt

Reaching Nanda's Vraja, and finding all the cowherds there sunk deep in sleep, Vasudeva laid his own son upon Yashoda's bed, took up her daughter, and returned once more to his own house.

Verse 52 (bhagavata.10.3.52)

देवक्याः शयने न्यस्य वसुदेवोऽथ दारिकाम् । प्रतिमुच्य पदोर्लोहमास्ते पूर्ववदावृतः ॥ ५२ ॥

devakyāḥ śayane nyasya vasudevo ’tha dārikām pratimucya pador loham āste pūrvavad āvṛtaḥ

Laying that infant girl on Devaki's bed, Vasudeva fastened the iron shackles back onto his own feet and remained there, bound as before.

Verse 53 (bhagavata.10.3.53)

यशोदा नन्दपत्नी च जातं परमबुध्यत । न तल्लिङ्गं परिश्रान्ता निद्रयापगतस्मृतिः ॥ ५३ ॥

yaśodā nanda-patnī ca jātaṁ param abudhyata na tal-liṅgaṁ pariśrāntā nidrayāpagata-smṛtiḥ

Yashoda, wife of Nanda, had no awareness at all of what child had been born, for, worn out by the labor of childbirth, she had lost consciousness in sleep.