Krishna and Balarama Enter Mathura

Verse 1 (bhagavata.10.41.1)

श्रीशुक उवाच स्तुवतस्तस्य भगवान् दर्शयित्वा जले वपुः । भूयः समाहरत् कृष्णो नटो नाट्यमिवात्मनः ॥ १ ॥

śrī-śuka uvāca stuvatas tasya bhagavān darśayitvā jale vapuḥ bhūyaḥ samāharat kṛṣṇo naṭo nāṭyam ivātmanaḥ

Sukadeva Gosvami said: While Akrura was still praying, Bhagavan Krishna withdrew the form He had shown him in the water, just as an actor winds up his own performance.

Verse 2 (bhagavata.10.41.2)

सोऽपि चान्तर्हितं वीक्ष्य जलादुन्मज्य सत्वरः । कृत्वा चावश्यकं सर्वं विस्मितो रथमागमत् ॥ २ ॥

so ’pi cāntarhitaṁ vīkṣya jalād unmajya satvaraḥ kṛtvā cāvaśyakaṁ sarvaṁ vismito ratham āgamat

Seeing that form disappear, Akrura too rose quickly from the water, and having completed all his obligatory rites, came back to the chariot, filled with wonder.

Verse 3 (bhagavata.10.41.3)

तमपृच्छद्धृषीकेशः किं ते दृष्टमिवाद्भुतम् । भूमौ वियति तोये वा तथा त्वां लक्षयामहे ॥ ३ ॥

tam apṛcchad dhṛṣīkeśaḥ kiṁ te dṛṣṭam ivādbhutam bhūmau viyati toye vā tathā tvāṁ lakṣayāmahe

Hrishikesha asked him: What wonder have you seen — on the earth, in the sky, or in the water? From the look on your face, We can tell you have seen something.

Verse 4 (bhagavata.10.41.4)

श्रीअक्रूर उवाच अद्भुतानीह यावन्ति भूमौ वियति वा जले । त्वयि विश्वात्मके तानि किं मेऽदृष्टं विपश्यतः ॥ ४ ॥

śrī-akrūra uvāca adbhutānīha yāvanti bhūmau viyati vā jale tvayi viśvātmake tāni kiṁ me ’dṛṣṭaṁ vipaśyataḥ

Sri Akrura said: Whatever wonders there may be here on earth, in the sky, or in the water — all of them exist within You, the Soul of the universe. Seeing You, what is there left for me that I have not seen?

Verse 5 (bhagavata.10.41.5)

यत्राद्भुतानि सर्वाणि भूमौ वियति वा जले । तं त्वानुपश्यतो ब्रह्मन् किं मे दृष्टमिहाद्भुतम् ॥ ५ ॥

yatrādbhutāni sarvāṇi bhūmau viyati vā jale taṁ tvānupaśyato brahman kiṁ me dṛṣṭam ihādbhutam

O Brahman, in whom reside all the wonders that exist — on the earth, in the sky, or in the water — now that I behold You, what wonder in this world remains for me to see?

Verse 6 (bhagavata.10.41.6)

इत्युक्त्वा चोदयामास स्यन्दनं गान्दिनीसुतः । मथुरामनयद् रामं कृष्णं चैव दिनात्यये ॥ ६ ॥

ity uktvā codayām āsa syandanaṁ gāndinī-sutaḥ mathurām anayad rāmaṁ kṛṣṇaṁ caiva dinātyaye

Having said this, Gandini's son urged the chariot on, and as the day drew to its close, he brought Rama and Krishna into Mathura.

Verse 7 (bhagavata.10.41.7)

मार्गे ग्रामजना राजंस्तत्र तत्रोपसङ्गताः । वसुदेवसुतौ वीक्ष्य प्रीता दृष्टिं न चाददुः ॥ ७ ॥

mārge grāma-janā rājaṁs tatra tatropasaṅgatāḥ vasudeva-sutau vīkṣya prītā dṛṣṭiṁ na cādaduḥ

O King, wherever the village people gathered along the road, they were so delighted at the sight of Vasudeva's two sons that they could not withdraw their eyes.

Verse 8 (bhagavata.10.41.8)

तावद् व्रजौकसस्तत्र नन्दगोपादयोऽग्रतः । पुरोपवनमासाद्य प्रतीक्षन्तोऽवतस्थिरे ॥ ८ ॥

tāvad vrajaukasas tatra nanda-gopādayo ’grataḥ puropavanam āsādya pratīkṣanto ’vatasthire

Meanwhile the residents of Vraja, headed by Nanda the cowherd chief, having gone on ahead and reached a garden on the city's outskirts, stood there waiting.

Verse 9 (bhagavata.10.41.9)

तान् समेत्याह भगवानक्रूरं जगदीश्वरः । गृहीत्वा पाणिना पाणिं प्रश्रितं प्रहसन्निव ॥ ९ ॥

tān sametyāha bhagavān akrūraṁ jagad-īśvaraḥ gṛhītvā pāṇinā pāṇiṁ praśritaṁ prahasann iva

Meeting them there, Bhagavan, the Lord of the universe, took Akrura's hand in His own and, smiling as if at his humility, spoke to him.

Verse 10 (bhagavata.10.41.10)

भवान् प्रविशतामग्रे सहयानः पुरीं गृहम् । वयं त्विहावमुच्याथ ततो द्रक्ष्यामहे पुरीम् ॥ १० ॥

bhavān praviśatām agre saha-yānaḥ purīṁ gṛham vayaṁ tv ihāvamucyātha tato drakṣyāmahe purīm

[Krishna said:] You go ahead with the chariot and enter the city, then go home. We will rest here a while, and afterward go see the city.

Verse 11 (bhagavata.10.41.11)

श्रीअक्रूर उवाच नाहं भवद्भ्यां रहितः प्रवेक्ष्ये मथुरां प्रभो । त्यक्तुं नार्हसि मां नाथ भक्तं ते भक्तवत्सल ॥ ११ ॥

śrī-akrūra uvāca nāhaṁ bhavadbhyāṁ rahitaḥ pravekṣye mathurāṁ prabho tyaktuṁ nārhasi māṁ nātha bhaktaṁ te bhakta-vatsala

Sri Akrura said: O Lord, I shall not enter Mathura apart from You two. O master, it is not right for You, who are so affectionate to Your devotees, to abandon me, Your own devotee.

Verse 12 (bhagavata.10.41.12)

आगच्छ याम गेहान्नः सनाथान्कुर्वधोक्षज । सहाग्रजः सगोपालैः सुहृद्भिश्च सुहृत्तम ॥ १२ ॥

āgaccha yāma gehān naḥ sa-nāthān kurv adhokṣaja sahāgrajaḥ sa-gopālaiḥ suhṛdbhiś ca suhṛttama

Come, O Adhokshaja, let us go to my home — with Your elder brother, the cowherds, and our friends — and grace it with its rightful master, O best of friends.

Verse 13 (bhagavata.10.41.13)

पुनीहि पादरजसा गृहान् नो गृहमेधिनाम् । यच्छौचेनानुतृप्यन्ति पितरः साग्नयः सुराः ॥ १३ ॥

punīhi pāda-rajasā gṛhān no gṛha-medhinām yac-chaucenānutṛpyanti pitaraḥ sāgnayaḥ surāḥ

Purify our householder's home with the dust of Your feet — the purity of which satisfies the forefathers, the sacrificial fires, and the gods.

Verse 14 (bhagavata.10.41.14)

अवनिज्याङ्घ्रियुगलमासीत्श्लोक्यो बलिर्महान् । ऐश्वर्यमतुलं लेभे गतिं चैकान्तिनां तु या ॥ १४ ॥

avanijyāṅghri-yugalam āsīt ślokyo balir mahān aiśvaryam atulaṁ lebhe gatiṁ caikāntināṁ tu yā

By washing that pair of feet, the great and celebrated Bali attained incomparable sovereignty — and also that destination which belongs to single-minded devotees alone.

Verse 15 (bhagavata.10.41.15)

आपस्तेऽङ्घ्य्रवनेजन्यस्त्रींल्लोकान् शुचयोऽपुनन् । शिरसाधत्त याः शर्वः स्वर्याताः सगरात्मजाः ॥ १५ ॥

āpas te ’ṅghry-avanejanyas trīḻ lokān śucayo ’punan śirasādhatta yāḥ śarvaḥ svar yātāḥ sagarātmajāḥ

The pure water that washed Your feet purified the three worlds; Lord Shiva bore it upon his own head, and by that water the dead sons of Sagara attained heaven.

Verse 16 (bhagavata.10.41.16)

देवदेव जगन्नाथ पुण्यश्रवणकीर्तन । यदूत्तमोत्तमःश्लोक नारायण नमोऽस्तु ते ॥ १६ ॥

deva-deva jagan-nātha puṇya-śravaṇa-kīrtana yadūttamottamaḥ-śloka nārāyaṇa namo ’stu te

O God of gods, Lord of the universe, whose hearing and chanting bring merit, O best of the Yadus, of excellent renown, O Narayana, obeisance to You.

Verse 17 (bhagavata.10.41.17)

श्रीभगवानुवाच आयास्ये भवतो गेहमहमार्यसमन्वितः । यदुचक्रद्रुहं हत्वा वितरिष्ये सुहृत्प्रियम् ॥ १७ ॥

śrī-bhagavān uvāca āyāsye bhavato geham aham arya-samanvitaḥ yadu-cakra-druhaṁ hatvā vitariṣye suhṛt-priyam

Sri Bhagavan said: I shall come to your house together with My elder brother — but first, having slain the enemy of the Yadu race, I must grant My well-wishers what is dear to them.

Verse 18 (bhagavata.10.41.18)

श्रीशुक उवाच एवमुक्तो भगवता सोऽक्रूरो विमना इव । पुरीं प्रविष्टः कंसाय कर्मावेद्य गृहं ययौ ॥ १८ ॥

śrī-śuka uvāca evam ukto bhagavatā so ’krūro vimanā iva purīṁ praviṣṭaḥ kaṁsāya karmāvedya gṛhaṁ yayau

Sukadeva said: Thus addressed by Bhagavan, Akrura, as though downcast, entered the city; and having reported his mission to Kamsa, he went on to his own home.

Verse 19 (bhagavata.10.41.19)

अथापराह्ने भगवान् कृष्णः सङ्कर्षणान्वितः । मथुरां प्राविशद् गोपैर्दिदृक्षुः परिवारितः ॥ १९ ॥

athāparāhne bhagavān kṛṣṇaḥ saṅkarṣaṇānvitaḥ mathurāṁ prāviśad gopair didṛkṣuḥ parivāritaḥ

Then, as evening approached, Bhagavan Krishna, together with Sankarshana, surrounded by the cowherd boys eager to see the city, entered Mathura.

Verse 20 (bhagavata.10.41.20)

ददर्श तां स्फाटिकतुङ्गगोपुर- द्वारां बृहद्धेमकपाटतोरणाम् । ताम्रारकोष्ठां परिखादुरासदा- मुद्यानरम्योपवनोपशोभिताम् ॥ २० ॥

dadarśa tāṁ sphāṭika-tuṇga-gopura- dvārāṁ bṛhad-dhema-kapāṭa-toraṇām tāmrāra-koṣṭhāṁ parikhā-durāsadām udyāna-ramyopavanopaśobhitām

He beheld that city — with its crystal gate-towers rising high, its doorways framed by great golden-doored arches, its copper-lined storehouses, its moats impossible to cross, and adorned all about with lovely gardens and groves.

Verse 21 (bhagavata.10.41.21)

सौवर्णशृङ्गाटकहर्म्यनिष्कुटैः श्रेणीसभाभिर्भवनैरुपस्कृताम् । वैदूर्यवज्रामलनीलविद्रुमै- र्मुक्ताहरिद्भिर्वलभीषु वेदिषु ॥ २१ ॥

sauvarṇa-śṛṅgāṭaka-harmya-niṣkuṭaiḥ śreṇī-sabhābhir bhavanair upaskṛtām vaidūrya-vajrāmala-nīla-vidrumair muktā-haridbhir valabhīṣu vediṣu

It was adorned with golden intersections and mansions with private gardens, furnished with rows of assembly-halls, and its balconies and platforms were set with cat's-eye stones, diamonds, crystal, sapphire, coral, pearl, and topaz.

Verse 22 (bhagavata.10.41.22)

जुष्टेषु जालामुखरन्ध्रकुट्टिमे- ष्वाविष्टपारावतबर्हिनादिताम् । संसिक्तरथ्यापणमार्गचत्वरां प्रकीर्णमाल्याङ्कुरलाजतण्डुलाम् ॥ २२ ॥

juṣṭeṣu jālāmukha-randhra-kuṭṭimeṣv āviṣṭa-pārāvata-barhi-nāditām saṁsikta-rathyāpaṇa-mārga-catvarāṁ prakīrṇa-mālyāṅkura-lāja-taṇḍulām

In the openings of its lattice windows and its jewel-set floors dwelt cooing pigeons and peacocks; its avenues, marketplaces, roads and squares had been freshly sprinkled with water and strewn with flowers, fresh sprouts, parched grain and rice.

Verse 23 (bhagavata.10.41.23)

आपूर्णकुम्भैर्दधिचन्दनोक्षितैः प्रसूनदीपावलिभिः सपल्लवैः । सवृन्दरम्भाक्रमुकैः सकेतुभिः स्वलङ्कृतद्वारगृहां सपट्टिकैः ॥ २३ ॥

āpūrṇa-kumbhair dadhi-candanokṣitaiḥ prasūna-dīpāvalibhiḥ sa-pallavaiḥ sa-vṛnda-rambhā-kramukaiḥ sa-ketubhiḥ sv-alaṅkṛta-dvāra-gṛhāṁ sa-paṭṭikaiḥ

Its doorways were graced with brimming water-pots smeared with yogurt and sandalwood paste, hung with flowers, rows of lamps and fresh shoots, and adorned with clusters of banana and areca-palm, with banners and decorative bands.

Verse 24 (bhagavata.10.41.24)

तां सम्प्रविष्टौ वसुदेवनन्दनौ वृतौ वयस्यैर्नरदेववर्त्मना । द्रष्टुं समीयुस्त्वरिताः पुरस्त्रियो हर्म्याणि चैवारुरुहुर्नृपोत्सुकाः ॥ २४ ॥

tāṁ sampraviṣṭau vasudeva-nandanau vṛtau vayasyair naradeva-vartmanā draṣṭuṁ samīyus tvaritāḥ pura-striyo harmyāṇi caivāruruhur nṛpotsukāḥ

As Vasudeva's two sons, surrounded by their friends, entered that city along the royal road, the city's women hurried to see Them, and the eager among them climbed to the rooftops of the mansions.

Verse 25 (bhagavata.10.41.25)

काश्चिद् विपर्यग्धृतवस्त्रभूषणा विस्मृत्य चैकं युगलेष्वथापराः । कृतैकपत्रश्रवनैकनूपुरा नाङ्क्त्वा द्वितीयं त्वपराश्च लोचनम् ॥ २५ ॥

kāścid viparyag-dhṛta-vastra-bhūṣaṇā vismṛtya caikaṁ yugaleṣv athāparāḥ kṛtaika-patra-śravanaika-nūpurā nāṅktvā dvitīyaṁ tv aparāś ca locanam

In their haste some women put on their clothes and ornaments back to front; others, forgetting one of a pair, wore only a single earring and a single anklet, while still others lined only one eye, leaving the other bare.

Verse 26 (bhagavata.10.41.26)

अश्नन्त्य एकास्तदपास्य सोत्सवा अभ्यज्यमाना अकृतोपमज्जनाः । स्वपन्त्य उत्थाय निशम्य निःस्वनं प्रपाययन्त्योऽर्भमपोह्य मातरः ॥ २६ ॥

aśnantya ekās tad apāsya sotsavā abhyajyamānā akṛtopamajjanāḥ svapantya utthāya niśamya niḥsvanaṁ prapāyayantyo ’rbham apohya mātaraḥ

Some mothers, overtaken by joy, left their meals half-eaten; others came out still being anointed with oil, their bath unfinished; some who had been asleep rose at once on hearing the commotion and, setting aside the infants they were nursing, hurried outside.

Verse 27 (bhagavata.10.41.27)

मनांसि तासामरविन्दलोचनः प्रगल्भलीलाहसितावलोकैः । जहार मत्तद्विरदेन्द्रविक्रमो दृशां ददच्छ्रीरमणात्मनोत्सवम् ॥ २७ ॥

manāṁsi tāsām aravinda-locanaḥ pragalbha-līlā-hasitāvalokaiḥ jahāra matta-dviradendra-vikramo dṛśāṁ dadac chrī-ramaṇātmanotsavam

With His playful, smiling glances the lotus-eyed Lord stole those women's hearts; walking with the gait of a mighty elephant in rut, He made, through His own beauty — which is the very delight of the goddess of fortune herself — a festival for their eyes.

Verse 28 (bhagavata.10.41.28)

दृष्ट्वा मुहुः श्रुतमनुद्रुतचेतसस्तं तत्प्रेक्षणोत्स्मितसुधोक्षणलब्धमानाः । आनन्दमूर्तिमुपगुह्य दृशात्मलब्धं हृष्यत्त्वचो जहुरनन्तमरिन्दमाधिम् ॥ २८ ॥

dṛṣṭvā muhuḥ śrutam anudruta-cetasas taṁ tat-prekṣaṇotsmita-sudhokṣaṇa-labdha-mānāḥ ānanda-mūrtim upaguhya dṛśātma-labdhaṁ hṛṣyat-tvaco jahur anantam arindamādhim

Seeing at last the one of whom they had so often heard, their hearts melted at once; feeling themselves graced by the nectar of His smiling glance, they embraced that form of pure bliss with their very eyes, and with their bodies thrilling, O subduer of foes, forgot their unending sorrow of separation.

Verse 29 (bhagavata.10.41.29)

प्रासादशिखरारूढाः प्रीत्युत्फुल्लमुखाम्बुजाः । अभ्यवर्षन् सौमनस्यैः प्रमदा बलकेशवौ ॥ २९ ॥

prāsāda-śikharārūḍhāḥ prīty-utphulla-mukhāmbujāḥ abhyavarṣan saumanasyaiḥ pramadā bala-keśavau

Climbing to the tops of the mansions, their lotus faces blossoming with affection, those joyful women showered down their good wishes upon Bala and Keshava.

Verse 30 (bhagavata.10.41.30)

दध्यक्षतैः सोदपात्रैः स्रग्गन्धैरभ्युपायनैः । तावानर्चुः प्रमुदितास्तत्र तत्र द्विजातयः ॥ ३० ॥

dadhy-akṣataiḥ soda-pātraiḥ srag-gandhair abhyupāyanaiḥ tāv ānarcuḥ pramuditās tatra tatra dvijātayaḥ

There, here and there, brahmanas joyfully honored the two of Them with offerings of yogurt, unbroken rice, filled water pots, garlands, and fragrant substances.

Verse 31 (bhagavata.10.41.31)

ऊचुः पौरा अहो गोप्यस्तपः किमचरन्महत् । या ह्येतावनुपश्यन्ति नरलोकमहोत्सवौ ॥ ३१ ॥

ūcuḥ paurā aho gopyas tapaḥ kim acaran mahat yā hy etāv anupaśyanti nara-loka-mahotsavau

The citizens exclaimed: Ah, what great austerities the gopis must have performed, that they get to behold again and again these two, who are the very festival of every human eye!

Verse 32 (bhagavata.10.41.32)

रजकं कञ्चिदायान्तं रङ्गकारं गदाग्रजः । दृष्ट्वायाचत वासांसि धौतान्यत्युत्तमानि च ॥ ३२ ॥

rajakaṁ kañcid āyāntaṁ raṅga-kāraṁ gadāgrajaḥ dṛṣṭvāyācata vāsāṁsi dhautāny aty-uttamāni ca

Seeing a washerman approaching with some clothes, Gadagraja [Krishna] asked him for well-laundered garments of the finest quality.

Verse 33 (bhagavata.10.41.33)

देह्यावयोः समुचितान्यङ्ग वासांसि चार्हतोः । भविष्यति परं श्रेयो दातुस्ते नात्र संशयः ॥ ३३ ॥

dehy āvayoḥ samucitāny aṅga vāsāṁsi cārhatoḥ bhaviṣyati paraṁ śreyo dātus te nātra saṁśayaḥ

[Krishna said:] Friend, give us two, who are indeed worthy of them, suitable garments. There is no doubt that whoever gives this gift will attain the highest good.

Verse 34 (bhagavata.10.41.34)

स याचितो भगवता परिपूर्णेन सर्वतः । साक्षेपं रुषितः प्राह भृत्यो राज्ञः सुदुर्मदः ॥ ३४ ॥

sa yācito bhagavatā paripūrṇena sarvataḥ sākṣepaṁ ruṣitaḥ prāha bhṛtyo rājñaḥ su-durmadaḥ

Thus asked by Bhagavan, who is complete in every way, that servant of the king, exceedingly insolent, grew angry and answered with scorn.

Verse 35 (bhagavata.10.41.35)

ईदृशान्येव वासांसि नित्यं गिरिवनेचरः । परिधत्त किमुद्वृत्ता राजद्रव्याण्यभीप्सथ ॥ ३५ ॥

īdṛśāny eva vāsāṁsī nityaṁ giri-vane-caraḥ paridhatta kim udvṛttā rāja-dravyāṇy abhīpsatha

[The washerman said:] Such garments as these are what one who wanders the hills and forests always wears! Why, you insolent boys, do you covet the king's own property?

Verse 36 (bhagavata.10.41.36)

याताशु बालिशा मैवं प्रार्थ्यं यदि जिजीवीषा । बध्नन्ति घ्नन्ति लुम्पन्ति दृप्तं राजकुलानि वै ॥ ३६ ॥

yātāśu bāliśā maivaṁ prārthyaṁ yadi jijīvīṣā badhnanti ghnanti lumpanti dṛptaṁ rāja-kulāni vai

Go away at once, you fools! Do not ask such a thing again if you wish to stay alive; those who grow too bold, the king's men seize, kill, and strip of everything.

Verse 37 (bhagavata.10.41.37)

एवं विकत्थमानस्य कुपितो देवकीसुतः । रजकस्य कराग्रेण शिरः कायादपातयत् ॥ ३७ ॥

evaṁ vikatthamānasya kupito devakī-sutaḥ rajakasya karāgreṇa śiraḥ kāyād apātayat

As he went on boasting in this way, the son of Devaki grew angry, and with the mere tips of His fingers struck the washerman's head from his body.

Verse 38 (bhagavata.10.41.38)

तस्यानुजीविनः सर्वे वासःकोशान्विसृज्य वै । दुद्रुवुः सर्वतो मार्गं वासांसि जगृहेऽच्युतः ॥ ३८ ॥

tasyānujīvinaḥ sarve vāsaḥ-kośān visṛjya vai dudruvuḥ sarvato mārgaṁ vāsāṁsi jagṛhe ’cyutaḥ

All his attendants abandoned their bundles of clothing and fled scattering in every direction along the road; and Achyuta took up the garments.

Verse 39 (bhagavata.10.41.39)

वसित्वात्मप्रिये वस्त्रे कृष्णः सङ्कर्षणस्तथा । शेषाण्यादत्त गोपेभ्यो विसृज्य भुवि कानिचित् ॥ ३९ ॥

vasitvātma-priye vastre kṛṣṇaḥ saṅkarṣaṇas tathā śeṣāṇy ādatta gopebhyo visṛjya bhuvi kānicit

Having dressed themselves in whichever pair pleased Them most, Krishna and Sankarshana gave the remaining garments to the cowherd boys, leaving a few scattered on the ground.

Verse 40 (bhagavata.10.41.40)

ततस्तु वायकः प्रीतस्तयोर्वेषमकल्पयत् । विचित्रवर्णैश्चैलेयैराकल्पैरनुरूपतः ॥ ४० ॥

tatas tu vāyakaḥ prītas tayor veṣam akalpayat vicitra-varṇaiś caileyair ākalpair anurūpataḥ

Then a weaver, filled with delight, fashioned for the two of Them a fitting attire, adorned with cloth ornaments of many wondrous colors.

Verse 41 (bhagavata.10.41.41)

नानालक्षणवेषाभ्यां कृष्णरामौ विरेजतुः । स्वलङ्कृतौ बालगजौ पर्वणीव सितेतरौ ॥ ४१ ॥

nānā-lakṣaṇa-veṣābhyāṁ kṛṣṇa-rāmau virejatuḥ sv-alaṅkṛtau bāla-gajau parvaṇīva sitetarau

In Their distinct and beautiful attire, Krishna and Rama shone forth, finely adorned like a pair of young elephants — one white, one black — decked out for a festival.

Verse 42 (bhagavata.10.41.42)

तस्य प्रसन्नो भगवान् प्रादात्सारूप्यमात्मनः । श्रियं च परमां लोके बलैश्वर्यस्मृतीन्द्रियम् ॥ ४२ ॥

tasya prasanno bhagavān prādāt sārūpyam ātmanaḥ śriyaṁ ca paramāṁ loke balaiśvarya-smṛtīndriyam

Pleased with him, Bhagavan granted the weaver, after death, a form like His own — and in this life, the highest fortune, strength, influence, memory and vigor of the senses.

Verse 43 (bhagavata.10.41.43)

ततः सुदाम्नो भवनं मालाकारस्य जग्मतुः । तौ दृष्ट्वा स समुत्थाय ननाम शिरसा भुवि ॥ ४३ ॥

tataḥ sudāmno bhavanaṁ mālā-kārasya jagmatuḥ tau dṛṣṭvā sa samutthāya nanāma śirasā bhuvi

The two of Them then went to the house of Sudama the garland-maker; seeing Them, he rose at once and bowed down, placing his head upon the ground.

Verse 44 (bhagavata.10.41.44)

तयोरासनमानीय पाद्यं चार्घ्यार्हणादिभिः । पूजां सानुगयोश्चक्रे स्रक्ताम्बूलानुलेपनैः ॥ ४४ ॥

tayor āsanam ānīya pādyaṁ cārghyārhaṇādibhiḥ pūjāṁ sānugayoś cakre srak-tāmbūlānulepanaiḥ

Bringing seats for Them, and offering water for the feet, arghya and the like, he worshiped the two of Them, together with Their companions, with garlands, betel leaf and sandal paste.

Verse 45 (bhagavata.10.41.45)

प्राह नः सार्थकं जन्म पावितं च कुलं प्रभो । पितृदेवर्षयो मह्यं तुष्टा ह्यागमनेन वाम् ॥ ४५ ॥

prāha naḥ sārthakaṁ janma pāvitaṁ ca kulaṁ prabho pitṛ-devarṣayo mahyaṁ tuṣṭā hy āgamanena vām

He said: O Lord, now my birth has become fruitful and my family sanctified; my forefathers, the gods, and the sages are surely satisfied at Your coming.

Verse 46 (bhagavata.10.41.46)

भवन्तौ किल विश्वस्य जगतः कारणं परम् । अवतीर्णाविहांशेन क्षेमाय च भवाय च ॥ ४६ ॥

bhavantau kila viśvasya jagataḥ kāraṇaṁ param avatīrṇāv ihāṁśena kṣemāya ca bhavāya ca

You two are indeed the supreme cause of this universe and this world; You have descended here as a partial manifestation, for its protection and its flourishing.

Verse 47 (bhagavata.10.41.47)

न हि वां विषमा दृष्टिः सुहृदोर्जगदात्मनोः । समयोः सर्वभूतेषु भजन्तं भजतोरपि ॥ ४७ ॥

na hi vāṁ viṣamā dṛṣṭiḥ suhṛdor jagad-ātmanoḥ samayoḥ sarva-bhūteṣu bhajantaṁ bhajator api

For You two, friends and Soul of the universe, there is no partiality among beings — whether they worship You or not, You remain ever the same toward all.

Verse 48 (bhagavata.10.41.48)

तावाज्ञापयतं भृत्यं किमहं करवाणि वाम् । पुंसोऽत्यनुग्रहो ह्येष भवद्भिर्यन्नियुज्यते ॥ ४८ ॥

tāv ajñāpayataṁ bhṛtyaṁ kim ahaṁ karavāṇi vām puṁso ’ty-anugraho hy eṣa bhavadbhir yan niyujyate

Command me, your servant — what am I to do for You? For to be engaged in service by You is the greatest grace a person can receive.

Verse 49 (bhagavata.10.41.49)

इत्यभिप्रेत्य राजेन्द्र सुदामा प्रीतमानसः । शस्तैः सुगन्धैः कुसुमैर्माला विरचिता ददौ ॥ ४९ ॥

ity abhipretya rājendra sudāmā prīta-mānasaḥ śastaiḥ su-gandhaiḥ kusumair mālā viracitā dadau

O best of kings, understanding his meaning, Sudama, his heart full of affection, offered Them a garland woven of choice, fragrant flowers.

Verse 50 (bhagavata.10.41.50)

ताभिः स्वलङ्कृतौ प्रीतौ कृष्णरामौ सहानुगौ । प्रणताय प्रपन्नाय ददतुर्वरदौ वरान् ॥ ५० ॥

tābhiḥ sv-alaṅkṛtau prītau kṛṣṇa-rāmau sahānugau praṇatāya prapannāya dadatur vara-dau varān

Adorned beautifully with those garlands, Krishna and Rama, pleased, together with Their companions, granted boons to Sudama, who bowed before Them in surrender — for They alone are the true givers of every boon.

Verse 51 (bhagavata.10.41.51)

सोऽपि वव्रेऽचलां भक्तिं तस्मिन्नेवाखिलात्मनि । तद्भक्तेषु च सौहार्दं भूतेषु च दयां पराम् ॥ ५१ ॥

so ’pi vavre ’calāṁ bhaktiṁ tasminn evākhilātmani tad-bhakteṣu ca sauhārdaṁ bhūteṣu ca dayāṁ parām

He, for his part, chose unwavering devotion to that very Soul of all things, friendship for His devotees, and supreme compassion for all beings.

Verse 52 (bhagavata.10.41.52)

इति तस्मै वरं दत्त्वा श्रियं चान्वयवर्धिनीम् । बलमायुर्यशः कान्तिं निर्जगाम सहाग्रजः ॥ ५२ ॥

iti tasmai varaṁ dattvā śriyaṁ cānvaya-vardhinīm balam āyur yaśaḥ kāntiṁ nirjagāma sahāgrajaḥ

Having thus granted him this boon — together with prosperity that would grow with his lineage, strength, long life, fame and beauty — Krishna departed from there together with His elder brother.