The Syamantaka Jewel

Verse 1 (bhagavata.10.56.1)

श्रीशुक उवाच सत्राजितः स्वतनयां कृष्णाय कृतकिल्बिषः । स्यमन्तकेन मणिना स्वयमुद्यम्य दत्तवान् ॥ 56.1 ॥

śrī-śuka uvāca satrājitaḥ sva-tanayāṁ kṛṣṇāya kṛta-kilbiṣaḥ syamantakena maṇinā svayam udyamya dattavān

Shukadeva Gosvami said: Having committed an offense against Krishna, Satrajit sought to atone by personally coming forward and presenting Him with his own daughter, together with the Syamantaka jewel.

Verse 2 (bhagavata.10.56.2)

श्रीराजोवाच सत्राजितः किमकरोद् ब्रह्मन् कृष्णस्य किल्बिषः । स्यमन्तकः कुतस्तस्य कस्माद् दत्ता सुता हरेः ॥ 56.2 ॥

śrī-rājovāca satrājitaḥ kim akarod brahman kṛṣṇasya kilbiṣaḥ syamantakaḥ kutas tasya kasmād dattā sutā hareḥ

The king said: O brahmana, what offense did Satrajit commit against Krishna? Where did the Syamantaka jewel come from, and why was his daughter given to Hari?

Verse 3 (bhagavata.10.56.3)

श्रीशुक उवाच आसीत् सत्राजितः सूर्यो भक्तस्य परमः सखा । प्रीतस्तस्मै मणिं प्रादात् स च तुष्टः स्यमन्तकम् ॥ 56.3 ॥

śrī-śuka uvāca āsīt satrājitaḥ sūryo bhaktasya paramaḥ sakhā prītas tasmai maṇiṁ prādāt sa ca tuṣṭaḥ syamantakam

Shukadeva Gosvami said: Surya, the sun-god, was the greatest well-wishing friend of his devotee Satrajit. Pleased with him, the sun-god gave him the jewel named Syamantaka, and Satrajit too was gratified.

Verse 4 (bhagavata.10.56.4)

स तं बिभ्रन् मणिं कण्ठे भ्राजमानो यथा रविः । प्रविष्टो द्वारकां राजन् तेजसा नोपलक्षितः ॥ 56.4 ॥

sa taṁ bibhran maṇiṁ kaṇṭhe bhrājamāno yathā raviḥ praviṣṭo dvārakāṁ rājan tejasā nopalakṣitaḥ

Wearing that jewel on his neck, shining like the sun, he entered Dvaraka, O King; because of its brilliance he was not recognized.

Verse 5 (bhagavata.10.56.5)

तं विलोक्य जना दूरात्तेजसा मुष्टदृष्टयः । दीव्यतेऽक्षैर्भगवते शशंसुः सूर्यशङ्किताः ॥ 56.5 ॥

taṁ vilokya janā dūrāt tejasā muṣṭa-dṛṣṭayaḥ dīvyate ’kṣair bhagavate śaśaṁsuḥ sūrya-śaṅkitāḥ

Seeing him from a distance, the people, their eyes overpowered by his radiance, went and reported to the Lord — who was then engaged in playing dice — that they suspected this was the sun-god himself.

Verse 6 (bhagavata.10.56.6)

नारायण नमस्तेऽस्तु शङ्खचक्रगदाधर । दामोदरारविन्दाक्ष गोविन्द यदुनन्दन ॥ 56.6 ॥

nārāyaṇa namas te ’stu śaṅkha-cakra-gadā-dhara dāmodarāravindākṣa govinda yadu-nandana

[They said:] O Narayana, obeisances to You, bearer of the conch, disc, and mace; O Damodara, lotus-eyed one; O Govinda, delight of the Yadus!

Verse 7 (bhagavata.10.56.7)

एष आयाति सविता त्वां दिदृक्षुर्जगत्पते । मुष्णन् गभस्तिचक्रेण नृणां चक्षूंषि तिग्मगुः ॥ 56.7 ॥

eṣa āyāti savitā tvāṁ didṛkṣur jagat-pate muṣṇan gabhasti-cakreṇa nṛṇāṁ cakṣūṁṣi tigma-guḥ

Here comes the sun-god, O Lord of the universe, wishing to see You; with the circle of his fierce rays he is stealing away the eyes of men.

Verse 8 (bhagavata.10.56.8)

नन्वन्विच्छन्ति ते मार्गं त्रिलोक्यां विबुधर्षभाः । ज्ञात्वाद्य गूढं यदुषु द्रष्टुं त्वां यात्यजः प्रभो ॥ 56.8 ॥

nanv anvicchanti te mārgaṁ trī-lokyāṁ vibudharṣabhāḥ jñātvādya gūḍhaṁ yaduṣu draṣṭuṁ tvāṁ yāty ajaḥ prabho

Indeed the foremost of the wise gods in all three worlds seek out Your path; knowing now that You are hidden among the Yadus, O Lord, the unborn sun himself comes to see You.

Verse 9 (bhagavata.10.56.9)

श्रीशुक उवाच निशम्य बालवचनं प्रहस्याम्बुजलोचनः । प्राह नासौ रविर्देवः सत्राजिन्मणिना ज्वलन् ॥ 56.9 ॥

śrī-śuka uvāca niśamya bāla-vacanaṁ prahasyāmbuja-locanaḥ prāha nāsau ravir devaḥ satrājin maṇinā jvalan

Shukadeva Gosvami said: Hearing these naive words, the lotus-eyed Lord laughed heartily and said, 'This is not the god Ravi — it is Satrajit, glowing because of his jewel.'

Verse 10 (bhagavata.10.56.10)

सत्राजित् स्वगृहं श्रीमत् कृतकौतुकमङ्गलम् । प्रविश्य देवसदने मणिं विप्रैर्न्यवेशयत् ॥ 56.10 ॥

satrājit sva-gṛhaṁ śrīmat kṛta-kautuka-maṅgalam praviśya deva-sadane maṇiṁ viprair nyaveśayat

Satrajit entered his own splendid home, where festive and auspicious rites had been performed, and had learned brahmanas install the jewel in the household shrine.

Verse 11 (bhagavata.10.56.11)

दिने दिने स्वर्णभारानष्टौ स सृजति प्रभो । दुर्भिक्षमार्यरिष्टानि सर्पाधिव्याधयोऽशुभाः । न सन्ति मायिनस्तत्र यत्रास्तेऽभ्यर्चितो मणिः ॥ 56.11 ॥

dine dine svarṇa-bhārān aṣṭau sa sṛjati prabho durbhikṣa-māry-ariṣṭāni sarpādhi-vyādhayo ’śubhāḥ na santi māyinas tatra yatrāste ’bhyarcito maṇiḥ

Every day, O master, it produced eight bharas of gold; and wherever that gem was kept and properly worshiped, there was no famine, no untimely death, no calamity, no snakebite, no mental or physical affliction, and no deceitful person.

Verse 12 (bhagavata.10.56.12)

स याचितो मणिं क्वापि यदुराजाय शौरिणा । नैवार्थकामुकः प्रादाद् याच्ञाभङ्गमतर्कयन् ॥ 56.12 ॥

sa yācito maṇiṁ kvāpi yadu-rājāya śauriṇā naivārtha-kāmukaḥ prādād yācñā-bhaṅgam atarkayan

Once Krishna asked Satrajit for the jewel, that it be given to the Yadu king [Ugrasena]; but greedy for wealth, he did not give it, not considering that refusal an offense.

Verse 13 (bhagavata.10.56.13)

तमेकदा मणिं कण्ठे प्रतिमुच्य महाप्रभम् । प्रसेनो हयमारुह्य मृगायां व्यचरद् वने ॥ 56.13 ॥

tam ekadā maṇiṁ kaṇṭhe pratimucya mahā-prabham praseno hayam āruhya mṛgāyāṁ vyacarad vane

One day, having fastened that greatly effulgent jewel upon his neck, Prasena mounted a horse and rode out into the forest to hunt.

Verse 14 (bhagavata.10.56.14)

प्रसेनं सहयं हत्वा मणिमाच्छिद्य केशरी । गिरिं विशन् जाम्बवता निहतो मणिमिच्छता ॥ 56.14 ॥

prasenaṁ sa-hayaṁ hatvā maṇim ācchidya keśarī giriṁ viśan jāmbavatā nihato maṇim icchatā

A lion killed Prasena along with his horse and seized the jewel; but as it entered a mountain cave, it was killed by Jambavan, who desired the jewel.

Verse 15 (bhagavata.10.56.15)

सोऽपि चक्रे कुमारस्य मणिं क्रीडनकं बिले । अपश्यन् भ्रातरं भ्राता सत्राजित् पर्यतप्यत ॥ 56.15 ॥

so ’pi cakre kumārasya maṇiṁ krīḍanakaṁ bile apaśyan bhrātaraṁ bhrātā satrājit paryatapyata

Jambavan made the jewel into a plaything for his cub in the cave. Meanwhile Satrajit, not seeing his brother return, became consumed with anguish.

Verse 16 (bhagavata.10.56.16)

प्रायः कृष्णेन निहतो मणिग्रीवो वनं गतः । भ्राता ममेति तच्छ्रुत्वा कर्णे कर्णेऽजपन् जनाः ॥ 56.16 ॥

prāyaḥ kṛṣṇena nihato maṇi-grīvo vanaṁ gataḥ bhrātā mameti tac chrutvā karṇe karṇe ’japan janāḥ

'He was probably killed by Krishna and went off to the forest wearing the jewel on his neck — my brother!' Hearing this claim, people began whispering it from ear to ear.

Verse 17 (bhagavata.10.56.17)

भगवांस्तदुपश्रुत्य दुर्यशो लिप्तमात्मनि । मार्ष्टुं प्रसेनपदवीमन्वपद्यत नागरैः ॥ 56.17 ॥

bhagavāṁs tad upaśrutya duryaśo liptam ātmani mārṣṭuṁ prasena-padavīm anvapadyata nāgaraiḥ

Hearing this, the Lord, that ill repute now smeared upon Him, set out with the citizens to trace Prasena's path, in order to wipe away that stain.

Verse 18 (bhagavata.10.56.18)

हतं प्रसेनं अश्वं च वीक्ष्य केशरिणा वने । तं चाद्रिपृष्ठे निहतमृक्षेण ददृशुर्जनाः ॥ 56.18 ॥

hataṁ prasenaṁ aśvaṁ ca vīkṣya keśariṇā vane taṁ cādri-pṛṣṭhe nihatam ṛkṣeṇa dadṛśur janāḥ

The people saw Prasena and his horse lying killed by a lion in the forest, and further on, that same lion lying dead on a mountainside, slain by Riksha [Jambavan].

Verse 19 (bhagavata.10.56.19)

ऋक्षराजबिलं भीममन्धेन तमसावृतम् । एको विवेश भगवानवस्थाप्य बहिः प्रजाः ॥ 56.19 ॥

ṛkṣa-rāja-bilaṁ bhīmam andhena tamasāvṛtam eko viveśa bhagavān avasthāpya bahiḥ prajāḥ

The Lord alone entered the terrifying cave of the king of bears, wrapped in blinding darkness, stationing His people outside.

Verse 20 (bhagavata.10.56.20)

तत्र दृष्ट्वा मणिप्रेष्ठं बालक्रीडनकं कृतम् । हर्तुं कृतमतिस्तस्मिन्नवतस्थेऽर्भकान्तिके ॥ 56.20 ॥

tatra dṛṣṭvā maṇi-preṣṭhaṁ bāla-krīḍanakaṁ kṛtam hartuṁ kṛta-matis tasminn avatasthe ’rbhakāntike

There He saw that most precious jewel made into a plaything for a child; resolved to take it, He remained close by the infant.

Verse 21 (bhagavata.10.56.21)

तमपूर्वं नरं दृष्ट्वा धात्री चुक्रोश भीतवत् । तच्छ्रुत्वाभ्यद्रवत् क्रुद्धो जाम्बवान् बलिनां वरः ॥ 56.21 ॥

tam apūrvaṁ naraṁ dṛṣṭvā dhātrī cukrośa bhīta-vat tac chrutvābhyadravat kruddho jāmbavān balināṁ varaḥ

Seeing that never-before-seen person, the nurse cried out in fear; hearing her cry, Jambavan, mightiest among the mighty, rushed forward in fury.

Verse 22 (bhagavata.10.56.22)

स वै भगवता तेन युयुधे स्वामिनात्मनः । पुरुषं प्राकृतं मत्वा कुपितो नानुभाववित् ॥ 56.22 ॥

sa vai bhagavatā tena yuyudhe svāmīnātmanaḥ puruṣam prākṛtaṁ matvā kupito nānubhāva-vit

Taking Him for an ordinary man and unaware of His true glory, Jambavan, enraged, fought with that very Lord who was in fact his own master.

Verse 23 (bhagavata.10.56.23)

द्वन्द्वयुद्धं सुतुमुलमुभयोर्विजिगीषतोः । आयुधाश्मद्रुमैर्दोर्भिः क्रव्यार्थे श्येनयोरिव ॥ 56.23 ॥

dvandva-yuddhaṁ su-tumulam ubhayor vijigīṣatoḥ āyudhāśma-drumair dorbhiḥ kravyārthe śyenayor iva

A most tumultuous single combat ensued between the two, each bent on victory — with weapons, stones and trees, and then with their bare arms — like two hawks fighting over a piece of flesh.

Verse 24 (bhagavata.10.56.24)

आसीत्तदष्टाविंशाहमितरेतरमुष्टिभिः । वज्रनिष्पेषपरुषैरविश्रममहर्निशम् ॥ 56.24 ॥

āsīt tad aṣṭā-vimśāham itaretara-muṣṭibhiḥ vajra-niṣpeṣa-paruṣair aviśramam ahar-niśam

That combat went on for twenty-eight days, their fists falling upon one another harsh as the crash of thunderbolts, without rest, day and night.

Verse 25 (bhagavata.10.56.25)

कृष्णमुष्टिविनिष्पातनिष्पिष्टाङ्गोरुबन्धनः । क्षीणसत्त्वः स्विन्नगात्रस्तमाहातीव विस्मितः ॥ 56.25 ॥

kṛṣṇa-muṣṭi-viniṣpāta niṣpiṣṭāṅgoru bandhanaḥ kṣīṇa-sattvaḥ svinna-gātras tam āhātīva vismitaḥ

His massive muscles battered by the blows of Krishna's fists, his strength diminished, his limbs drenched in sweat, Jambavan, utterly astonished, addressed Him.

Verse 26 (bhagavata.10.56.26)

जाने त्वां सर्वभूतानां प्राण ओजः सहो बलम् । विष्णुं पुराणपुरुषं प्रभविष्णुमधीश्वरम् ॥ 56.26 ॥

jāne tvāṁ saṛva-bhūtānāṁ prāṇa ojaḥ saho balam viṣṇuṁ purāṇa-puruṣaṁ prabhaviṣṇum adhīśvaram

[Jambavan said:] Now I know You — the life-breath, the strength of sense, mind and body of all beings; You are Vishnu, the primeval Person, the all-powerful Supreme Controller.

Verse 27 (bhagavata.10.56.27)

त्वं हि विश्वसृजां स्रष्टा सृष्टानामपि यच्च सत् । कालः कलयतामीशः पर आत्मा तथात्मनाम् ॥ 56.27 ॥

tvaṁ hi viśva-sṛjām sraṣṭā sṛṣṭānām api yac ca sat kālaḥ kalayatām īśaḥ para ātmā tathātmanām

You indeed are the creator of all the creators of this universe, and of all that is created You are the very substance; You are Time, the ruler of all who rule, and the Supreme Self of all selves.

Verse 28 (bhagavata.10.56.28)

यस्येषदुत्कलितरोषकटाक्षमोक्षै- र्वर्त्मादिशत् क्षुभितनक्रतिमिङ्गलोऽब्धिः । सेतुः कृतः स्वयश उज्ज्वलिता च लङ्का रक्षःशिरांसि भुवि पेतुरिषुक्षतानि ॥ 56.28 ॥

yasyeṣad-utkalita-roṣa-kaṭākṣa-mokṣair vartmādiśat kṣubhita-nakra-timiṅgalo ’bdhiḥ setuḥ kṛtaḥ sva-yaśa ujjvalitā ca laṅkā rakṣaḥ-śirāṁsi bhuvi petur iṣu-kṣatāni

It was You whose sidelong glance, only slightly touched with anger, agitated the crocodiles and great sea-monsters and showed the ocean its path; You who built the bridge that blazed Your own fame, who set Lanka ablaze, and by whose arrows the demon's heads were severed and fell to the ground.

Verse 29 (bhagavata.10.56.29)

इति विज्ञातविज्ञानमृक्षराजानमच्युतः । व्याजहार महाराज भगवान् देवकीसुतः ॥ 56.29 ॥

iti vijñāta-viijñānam ṛkṣa-rājānam acyutaḥ vyājahāra mahā-rāja bhagavān devakī-sutaḥ

O great King, thus having understood the truth, immortal Krishna spoke to the king of the bears.

Verse 30 (bhagavata.10.56.30)

अभिमृश्यारविन्दाक्षः पाणिना शंकरेण तम् । कृपया परया भक्तं मेघगम्भीरया गिरा ॥ 56.30 ॥

abhimṛśyāravindākṣaḥ pāṇinā śaṁ-kareṇa tam kṛpayā parayā bhaktaṁ megha-gambhīrayā girā

The lotus-eyed Lord, the son of Devaki, touched him with His auspicious hand and, with deep compassion, addressed His devotee in a voice as grave as thunder-clouds.

Verse 31 (bhagavata.10.56.31)

मणिहेतोरिह प्राप्ता वयमृक्षपते बिलम् । मिथ्याभिशापं प्रमृजन्नात्मनो मणिनामुना ॥ 56.31 ॥

maṇi-hetor iha prāptā vayam ṛkṣa-pate bilam mithyābhiśāpaṁ pramṛjann ātmano maṇināmunā

[The Lord said:] It is for this jewel, O lord of the bears, that We have come here to your cave, so as to clear away the false accusation made against Myself.

Verse 32 (bhagavata.10.56.32)

इत्युक्तः स्वां दुहितरं कन्यां जाम्बवतीं मुदा । अर्हणार्थं स मणिना कृष्णायोपजहार ह ॥ 56.32 ॥

ity uktaḥ svāṁ duhitaraṁ kanyāṁ jāmbavatīṁ mudā arhaṇārtham sa maṇinā kṛṣṇāyopajahāra ha

Thus addressed, Jambavan joyfully offered his maiden daughter Jambavati, together with the jewel, to Krishna as a mark of honor.

Verse 33 (bhagavata.10.56.33)

अदृष्ट्वा निर्गमं शौरेः प्रविष्टस्य बिलं जनाः । प्रतीक्ष्य द्वादशाहानि दुःखिताः स्वपुरं ययुः ॥ 56.33 ॥

adṛṣṭvā nirgamaṁ śaureḥ praviṣṭasya bilaṁ janāḥ pratīkṣya dvādaśāhāni duḥkhitāḥ sva-puraṁ yayuḥ

Not seeing Lord Shauri emerge from the cave he had entered, the people waited twelve days and then, grief-stricken, returned to their own city.

Verse 34 (bhagavata.10.56.34)

निशम्य देवकी देवी रक्मिण्यानकदुन्दुभिः । सुहृदो ज्ञातयोऽशोचन् बिलात् कृष्णमनिर्गतम् ॥ 56.34 ॥

niśamya devakī devī rakmiṇy ānakadundubhiḥ suhṛdo jñātayo ’śocan bilāt kṛṣṇam anirgatam

Hearing that Krishna had not come out of the cave, Devaki, the divine Rukmini, Vasudeva, and His friends and kinsmen grieved.

Verse 35 (bhagavata.10.56.35)

सत्राजितं शपन्तस्ते दुःखिता द्वारकौकसः । उपतस्थुश्चन्द्रभागां दुर्गां कृष्णोपलब्धये ॥ 56.35 ॥

satrājitaṁ śapantas te duḥkhitā dvārakaukasaḥ upatasthuś candrabhāgāṁ durgāṁ kṛṣṇopalabdhaye

Cursing Satrajit, the grieving residents of Dvaraka approached the deity Durga, called Chandrabhaga, to seek Krishna's recovery.

Verse 36 (bhagavata.10.56.36)

तेषां तु देव्युपस्थानात् प्रत्यादिष्टाशिषा स च । प्रादुर्बभूव सिद्धार्थः सदारो हर्षयन् हरिः ॥ 56.36 ॥

teṣāṁ tu devy-upasthānāt pratyādiṣṭāśiṣā sa ca prādurbabhūva siddhārthaḥ sa-dāro harṣayan hariḥ

In response to their worship of the goddess, and after she granted them her blessing, Hari appeared, His purpose accomplished, together with His wife, bringing them joy.

Verse 37 (bhagavata.10.56.37)

उपलभ्य हृषीकेशं मृतं पुनरिवागतम् । सह पत्न्या मणिग्रीवं सर्वे जातमहोत्सवाः ॥ 56.37 ॥

upalabhya hṛṣīkeśaṁ mṛtaṁ punar ivāgatam saha patnyā maṇi-grīvaṁ sarve jāta-mahotsavāḥ

Recognizing Hrishikesha, who had returned as if from death, together with His wife and wearing the jewel on His neck, everyone broke into great celebration.

Verse 38 (bhagavata.10.56.38)

सत्राजितं समाहूय सभायां राजसन्निधौ । प्राप्तिं चाख्याय भगवान् मणिं तस्मै न्यवेदयत् ॥ 56.38 ॥

satrājitaṁ samāhūya sabhāyāṁ rāja-sannidhau prāptiṁ cākhyāya bhagavān maṇiṁ tasmai nyavedayat

The Lord summoned Satrajit into the assembly, in the presence of the king, announced how the jewel had been recovered, and then handed it over to him.

Verse 39 (bhagavata.10.56.39)

स चातिव्रीडितो रत्नं गृहीत्वावाङ्मुखस्ततः । अनुतप्यमानो भवनमगमत् स्वेन पाप्मना ॥ 56.39 ॥

sa cāti-vrīḍito ratnaṁ gṛhītvāvāṅ-mukhas tataḥ anutapyamāno bhavanam agamat svena pāpmanā

Deeply ashamed, he took the jewel with his face bowed down, and went home repenting his own sinful conduct.

Verse 40 (bhagavata.10.56.40)

सोऽनुध्यायंस्तदेवाघं बलवद्विग्रहाकुलः । कथं मृजाम्यात्मरजः प्रसीदेद् वाच्युतः कथम् ॥ 56.40 ॥

so ’nudhyāyaṁs tad evāghaṁ balavad-vigrahākulaḥ kathaṁ mṛjāmy ātma-rajaḥ prasīded vācyutaḥ katham

Brooding over that very offense, troubled at the thought of conflict with the mighty, he thought: 'How shall I wash away this stain upon myself? How may Achyuta be pleased with me?'

Verse 41 (bhagavata.10.56.41)

किं कृत्वा साधु मह्यं स्यान्न शपेद् वा जनो यथा । अदीर्घदर्शनं क्षुद्रं मूढं द्रविणलोलुपम् ॥ 56.41 ॥

kim kṛtvā sādhu mahyaṁ syān na śaped vā jano yathā adīrgha-darśanaṁ kṣudraṁ mūḍhaṁ draviṇa-lolupam

'What should I do that would be good for me, so people would not curse me as short-sighted, mean, foolish, and greedy for wealth?'

Verse 42 (bhagavata.10.56.42)

दास्ये दुहितरं तस्मै स्त्रीरत्नं रत्नमेव च । उपायोऽयं समीचीनस्तस्य शान्तिर्न चान्यथा ॥ 56.42 ॥

dāsye duhitaraṁ tasmai strī-ratnaṁ ratnam eva ca upāyo ’yaṁ samīcīnas tasya śāntir na cānyathā

'I shall give him my daughter, the very jewel among women, and this jewel besides — this alone is the fitting means; there is no pacifying him otherwise.'

Verse 43 (bhagavata.10.56.43)

एवं व्यवसितो बुद्ध्या सत्राजित् स्वसुतां शुभाम् । मणिं च स्वयमुद्यम्य कृष्णायोपजहार ह ॥ 56.43 ॥

evaṁ vyavasito buddhyā satrājit sva-sutāṁ śubhām maṇiṁ ca svayam udyamya kṛṣṇāyopajahāra ha

Having thus resolved with firm intelligence, Satrajit himself made the effort and presented his auspicious daughter, together with the jewel, to Krishna.

Verse 44 (bhagavata.10.56.44)

तां सत्यभामां भगवानुपयेमे यथाविधि । बहुभिर्याचितां शीलरूपौदार्यगुणान्विताम् ॥ 56.44 ॥

tāṁ satyabhāmāṁ bhagavān upayeme yathā-vidhi bahubhir yācitāṁ śīla- rūpaudārya-guṇānvitām

The Lord married Satyabhama according to proper rites — she who was sought after by many suitors, endowed with fine character, beauty, generosity and every good quality.

Verse 45 (bhagavata.10.56.45)

भगवानाह न मणिं प्रतीच्छामो वयं नृप । तवास्तां देवभक्तस्य वयं च फलभागिनः ॥ 56.45 ॥

bhagavān āha na maṇiṁ pratīcchāmo vayaṁ nṛpa tavāstāṁ deva-bhaktasya vayaṁ ca phala-bhāginaḥ

The Lord said: 'We do not wish to take back the jewel, O King; let it remain with you, the sun-god's devotee. We too shall thus share in its fruits.'