Lord Kṛṣṇa Fights with Bāṇāsura

Verse 1 (bhagavata.10.63.1)

श्रीशुक उवाच अपश्यतां चानिरुद्धं तद्बन्धूनां च भारत । चत्वारो वार्षिका मासा व्यतीयुरनुशोचताम् ॥ १ ॥

śṛī-śuka uvāca apaśyatāṁ cāniruddhaṁ tad-bandhūnāṁ ca bhārata catvāro vārṣikā māsā vyatīyur anuśocatām

Shukadeva Gosvami said: O descendant of Bharata, as Aniruddha's relatives failed to see Him return, the four months of the rainy season passed while they continued to grieve.

Verse 2 (bhagavata.10.63.2)

नारदात्तदुपाकर्ण्य वार्तां बद्धस्य कर्म च । प्रययुः शोणितपुरं वृष्णयः कृष्णदैवताः ॥ २ ॥

nāradāt tad upākarṇya vārtāṁ baddhasya karma ca prayayuḥ śoṇita-puraṁ vṛṣṇayaḥ kṛṣṇa-daivatāḥ

Hearing from Narada the news of what had happened and of Aniruddha's capture, the Vrishnis, who held Krishna as their very deity, set out for Shonitapura.

Verse 3 (bhagavata.10.63.3)

प्रद्युम्नो युयुधानश्च गदः साम्बोऽथ सारणः । नन्दोपनन्दभद्राद्या रामकृष्णानुवर्तिनः ॥ ३ ॥

pradyumno yuyudhānaś ca gadaḥ sāmbo ’tha sāraṇaḥ nandopananda-bhadrādyā rāma-kṛṣṇānuvartinaḥ

Following Balarama and Krishna went Pradyumna, Yuyudhana, Gada, Samba and Sarana, along with Nanda, Upananda, Bhadra and others.

Verse 4 (bhagavata.10.63.4)

अक्षौहिणीभिर्द्वादशभिः समेताः सर्वतोदिशम् । रुरुधुर्बाणनगरं समन्तात् सात्वतर्षभाः ॥ ४ ॥

akṣauhiṇībhir dvādaśabhiḥ sametāḥ sarvato diśam rurudhur bāṇa-nagaraṁ samantāt sātvatarṣabhāḥ

Assembled with twelve akshauhini divisions of troops, those foremost heroes of the Satvata race surrounded Banasura's city from every side and laid siege to it.

Verse 5 (bhagavata.10.63.5)

भज्यमानपुरोद्यानप्राकाराट्टालगोपुरम् । प्रेक्षमाणो रुषाविष्टस्तुल्यसैन्योऽभिनिर्ययौ ॥ ५ ॥

bhajyamāna-purodyāna- prākārāṭṭāla-gopuram prekṣamāṇo ruṣāviṣṭas tulya-sainyo ’bhiniryayau

Seeing his city's gardens, ramparts, watchtowers and gateways being smashed, Bana, filled with fury, marched out to meet them with an army of equal size.

Verse 6 (bhagavata.10.63.6)

बाणार्थे भगवान् रुद्रः ससुतः प्रमथैर्वृतः । आरुह्य नन्दिवृषभं युयुधे रामकृष्णयोः ॥ ६ ॥

bāṇārthe bhagavān rudraḥ sa-sutaḥ pramathair vṛtaḥ āruhya nandi-vṛṣabhaṁ yuyudhe rāma-kṛṣṇayoḥ

For Bana's sake, Bhagavan Rudra, accompanied by his son and surrounded by the Pramathas, mounted his bull Nandi and fought against Balarama and Krishna.

Verse 7 (bhagavata.10.63.7)

आसीत्सुतुमुलं युद्धमद्भुतं रोमहर्षणम् । कृष्णशङ्करयो राजन् प्रद्युम्नगुहयोरपि ॥ ७ ॥

āsīt su-tumulaṁ yuddham adbhutaṁ roma-harṣaṇam kṛṣṇa-śaṅkarayo rājan pradyumna-guhayor api

O King, a tremendously tumultuous, wondrous and hair-raising battle then ensued — between Krishna and Shankara, and likewise between Pradyumna and Guha, Kartikeya.

Verse 8 (bhagavata.10.63.8)

कुम्भाण्डकूपकर्णाभ्यां बलेन सह संयुगः । साम्बस्य बाणपुत्रेण बाणेन सह सात्यकेः ॥ ८ ॥

kumbhāṇḍa-kūpakarṇābhyāṁ balena saha saṁyugaḥ sāmbasya bāṇa-putreṇa bāṇena saha sātyakeḥ

Balarama fought against Kumbhanda and Kupakarna, Samba fought Bana's son, and Satyaki fought Bana himself.

Verse 9 (bhagavata.10.63.9)

ब्रह्मादयः सुराधीशा मुनयः सिद्धचारणाः । गन्धर्वाप्सरसो यक्षा विमानैर्द्रष्टुमागमन् ॥ ९ ॥

brahmādayaḥ surādhīśā munayaḥ siddha-cāraṇāḥ gandharvāpsaraso yakṣā vimānair draṣṭum āgaman

Brahma and the other rulers among the gods, the sages, Siddhas and Charanas, and the Gandharvas, Apsaras and Yakshas — all came in their celestial vehicles to witness the battle.

Verse 10 (bhagavata.10.63.10)

शङ्करानुचरान् शौरिर्भूतप्रमथगुह्यकान् । डाकिनीर्यातुधानांश्च वेतालान् सविनायकान् ॥ १० ॥

śaṅkarānucarān śaurir bhūta-pramatha-guhyakān ḍākinīr yātudhānāṁś ca vetālān sa-vināyakān

Krishna drove back Shankara's followers — the Bhutas, Pramathas and Guhyakas, the Dakinis, Yatudhanas, Vetalas, and the attendants of Vinayaka.

Verse 11 (bhagavata.10.63.11)

प्रेतमातृपिशाचांश्च कुष्माण्डान् ब्रह्मराक्षसान् । द्रावयामास तीक्ष्णाग्रैः शरैः शार्ङ्गधनुश्च्युतैः ॥ ११ ॥

preta-mātṛ-piśācāṁś ca kuṣmāṇḍān brahma-rākṣasān drāvayām āsa tīkṣṇāgraiḥ śaraiḥ śārṅga-dhanuś-cyutaiḥ

And with the sharp arrows released from His bow Sharnga, He likewise routed the Pretas, Matas, Pishachas, Kushmandas and Brahma-rakshasas.

Verse 12 (bhagavata.10.63.12)

पृथग्विधानि प्रायुङ्क्त पिणाक्यस्त्राणि शार्ङ्गिणे । प्रत्यस्त्रैः शमयामास शार्ङ्गपाणिरविस्मितः ॥ १२ ॥

pṛthag-vidhāni prāyuṅkta piṇāky astrāṇi śārṅgiṇe praty-astraiḥ śamayām āsa śārṅga-pāṇir avismitaḥ

Shiva, wielder of the trident, hurled many different weapons at Krishna, wielder of Sharnga — but Krishna, unperturbed, neutralized every one of them with the appropriate counter-weapons.

Verse 13 (bhagavata.10.63.13)

ब्रह्मास्त्रस्य च ब्रह्मास्त्रं वायव्यस्य च पार्वतम् । आग्नेयस्य च पार्जन्यं नैजं पाशुपतस्य च ॥ १३ ॥

brahmāstrasya ca brahmāstraṁ vāyavyasya ca pārvatam āgneyasya ca pārjanyaṁ naijaṁ pāśupatasya ca

A brahma-weapon He met with a brahma-weapon, a wind-weapon with a mountain-weapon, a fire-weapon with a rain-weapon, and Shiva's own pashupata-weapon with His own personal weapon.

Verse 14 (bhagavata.10.63.14)

मोहयित्वा तु गिरिशं जृम्भणास्त्रेण जृम्भितम् । बाणस्य पृतनां शौरिर्जघानासिगदेषुभिः ॥ १४ ॥

mohayitvā tu giriśaṁ jṛmbhaṇāstreṇa jṛmbhitam bāṇasya pṛtanāṁ śaurir jaghānāsi-gadeṣubhiḥ

Having bewildered Girisha with the yawning-weapon and made him yawn helplessly, Krishna then fell upon Bana's army, striking it down with sword, club and arrows.

Verse 15 (bhagavata.10.63.15)

स्कन्दः प्रद्युम्नबाणौघैरर्द्यमानः समन्ततः । असृग् विमुञ्चन् गात्रेभ्यः शिखिनापक्रमद् रणात् ॥ १५ ॥

skandaḥ pradyumna-bāṇaughair ardyamānaḥ samantataḥ asṛg vimuñcan gātrebhyaḥ śikhināpakramad raṇāt

Skanda, Kartikeya, tormented on all sides by the flood of Pradyumna's arrows, fled the battlefield on his peacock, blood streaming from his limbs.

Verse 16 (bhagavata.10.63.16)

कुम्भाण्डकूपकर्णश्च पेततुर्मुषलार्दितौ । दुद्रुवुस्तदनीकानि हतनाथानि सर्वतः ॥ १६ ॥

kumbhāṇḍa-kūpakarṇaś ca petatur muṣalārditau dudruvus tad-anīkani hata-nāthāni sarvataḥ

Kumbhanda and Kupakarna, struck down by Balarama's mace, fell dead. Their soldiers, now leaderless, scattered and fled in all directions.

Verse 17 (bhagavata.10.63.17)

विशीर्यमाणं स्वबलं दृष्ट्वा बाणोऽत्यमर्षितः । कृष्णमभ्यद्रवत् सङ्ख्ये रथी हित्वैव सात्यकिम् ॥ १७ ॥

viśīryamāṇam sva-balaṁ dṛṣṭvā bāṇo ’ty-amarṣitaḥ kṛṣṇam abhyadravat saṅkhye rathī hitvaiva sātyakim

Seeing his own army being torn to pieces, Bana, extremely enraged, abandoned his fight with Satyaki and charged at Krishna on his chariot in that battle.

Verse 18 (bhagavata.10.63.18)

धनूंष्याकृष्य युगपद् बाणः पञ्चशतानि वै । एकैकस्मिन् शरौ द्वौ द्वौ सन्दधे रणदुर्मदः ॥ १८ ॥

dhanūṁṣy ākṛṣya yugapad bāṇaḥ pañca-śatāni vai ekaikasmin śarau dvau dvau sandadhe raṇa-durmadaḥ

Wild with the fury of battle, Bana drew all five hundred of his bows at once, fixing two arrows on each string.

Verse 19 (bhagavata.10.63.19)

तानि चिच्छेद भगवान् धनूंषि युगपद्धरिः । सारथिं रथमश्वांश्च हत्वा शङ्खमपूरयत् ॥ १९ ॥

tāni ciccheda bhagavān dhanūṁsi yugapad dhariḥ sārathiṁ ratham aśvāṁś ca hatvā śaṅkham apūrayat

Bhagavan Hari shattered all those bows simultaneously, and, having also struck down Bana's charioteer, chariot and horses, He sounded His conch.

Verse 20 (bhagavata.10.63.20)

तन्माता कोटरा नाम नग्ना मक्तशिरोरुहा । पुरोऽवतस्थे कृष्णस्य पुत्रप्राणरिरक्षया ॥ २० ॥

tan-mātā koṭarā nāma nagnā makta-śiroruhā puro ’vatasthe kṛṣṇasya putra-prāṇa-rirakṣayā

At that moment Bana's mother, named Kotara, wishing to save her son's life, stood naked before Krishna with her hair let loose.

Verse 21 (bhagavata.10.63.21)

ततस्तिर्यङ्मुखो नग्नामनिरीक्षन् गदाग्रजः । बाणश्च तावद् विरथश्छिन्नधन्वाविशत् पुरम् ॥ २१ ॥

tatas tiryaṅ-mukho nagnām anirīkṣan gadāgrajaḥ bāṇaś ca tāvad virathaś chinna-dhanvāviśat puram

Krishna, elder brother of Gada, turned His face aside so as not to look upon the naked woman, and Bana, his chariot destroyed and his bow broken, took that chance to flee into his city.

Verse 22 (bhagavata.10.63.22)

विद्राविते भूतगणे ज्वरस्तु त्रिशिरास्त्रीपात् । अभ्यधावत दाशार्हं दहन्निव दिशो दश ॥ २२ ॥

vidrāvite bhūta-gaṇe jvaras tu trī-śirās trī-pāt abhyadhāvata dāśārhaṁ dahann iva diśo daśa

With Shiva's ghostly hosts thus driven off, the Shiva-fever, having three heads and three feet, rushed at Krishna, seeming to set all ten directions ablaze as he came.

Verse 23 (bhagavata.10.63.23)

अथ नारायणः देवः तं दृष्ट्वा व्यसृजज्ज्वरम् । माहेश्वरो वैष्णवश्च युयुधाते ज्वरावुभौ ॥ २३ ॥

atha nārāyaṇaḥ devaḥ taṁ dṛṣṭvā vyasṛjaj jvaram māheśvaro vaiṣṇavaś ca yuyudhāte jvarāv ubhau

Seeing him approach, Bhagavan Narayana then released His own fever weapon. Thus the Shiva-fever and the Vishnu-fever, both of them, fought against each other.

Verse 24 (bhagavata.10.63.24)

माहेश्वरः समाक्रन्दन् वैष्णवेन बलार्दितः । अलब्ध्वाभयमन्यत्र भीतो माहेश्वरो ज्वरः । शरणार्थी हृषीकेशं तुष्टाव प्रयताञ्जलिः ॥ २४ ॥

māheśvaraḥ samākrandan vaiṣṇavena balārditaḥ alabdhvābhayam anyatra bhīto māheśvaro jvaraḥ śaraṇārthī hṛṣīkeśaṁ tuṣṭāva prayatāñjaliḥ

Overpowered by the strength of the Vishnu-fever, the Shiva-fever cried out in anguish. Finding no refuge anywhere else, the terrified Shiva-fever, seeking shelter, approached Hrishikesha with folded hands and began to praise Him.

Verse 25 (bhagavata.10.63.25)

ज्वर उवाच नमामि त्वानन्तशक्तिं परेशं सर्वात्मानं केवलं ज्ञप्तिमात्रम् । विश्वोत्पत्तिस्थानसंरोधहेतुं यत्तद् ब्रह्म ब्रह्मलिङ्गं प्रशान्तम् ॥ २५ ॥

jvara uvāca namāmi tvānanta-śaktiṁ pareśam sarvātmānaṁ kevalaṁ jñapti-mātram viśvotpatti-sthāna-saṁrodha-hetuṁ yat tad brahma brahma-liṅgam praśāntam

The fever said: I bow to You, of unlimited power, the Supreme Lord, the Self of all beings, pure consciousness itself — the cause of the universe's creation, maintenance and dissolution, the perfectly peaceful Absolute Truth indicated by all the Vedas.

Verse 26 (bhagavata.10.63.26)

कालो दैवं कर्म जीवः स्वभावो द्रव्यं क्षेत्रं प्राण आत्मा विकारः । तत्सङ्घातो बीजरोहप्रवाह- स्त्वन्मायैषा तन्निषेधं प्रपद्ये ॥ २६ ॥

kālo daivaṁ karma jīvaḥ svabhāvo dravyaṁ kṣetraṁ prāṇa ātmā vikāraḥ tat-saṅghāto bīja-roha-pravāhas tvan-māyaiṣā tan-niṣedhaṁ prapadye

Time, fate, karma, the individual soul and his nature, matter, the field of the body, the life-breath, the false self and its transformations, and the aggregate of all these flowing on endlessly like seed and sprout — all this is Your illusory energy, maya. I take refuge in You, the negation of that maya.

Verse 27 (bhagavata.10.63.27)

नानाभावैर्लीलयैवोपपन्नै- र्देवान् साधून् लोकसेतून् बिभर्षि । हंस्युन्मार्गान् हिंसया वर्तमानान् जन्मैतत्ते भारहाराय भूमेः ॥ २७ ॥

nānā-bhāvair līlayaivopapannair devān sādhūn loka-setūn bibharṣi haṁsy unmārgān hiṁsayā vartamānān janmaitat te bhāra-hārāya bhūmeḥ

Through Your pastimes, assuming various dispositions, You sustain the gods, the saintly, and the moral order of the world, while You destroy those who live by violence, straying from the right path. This present birth of Yours is meant to relieve the earth of her burden.

Verse 28 (bhagavata.10.63.28)

तप्तोऽहं ते तेजसा दुःसहेन शान्तोग्रेणात्युल्बणेन ज्वरेण । तावत्तापो देहिनां तेऽङ्घ्रिमूलं नो सेवेरन् यावदाशानुबद्धाः ॥ २८ ॥

tapto ’ham te tejasā duḥsahena śāntogreṇāty-ulbaṇena jvareṇa tāvat tāpo dehināṁ te ’nghri-mūlaṁ no severan yāvad āśānubaddhāḥ

I am scorched by Your unbearable power, in the form of this fever that is at once cold and fierce, mild and extreme. Embodied souls suffer such torment only so long as they remain bound by worldly hopes and fail to serve the root of Your feet.

Verse 29 (bhagavata.10.63.29)

श्रीभगवानुवाच त्रिशिरस्ते प्रसन्नोऽस्मि व्येतु ते मज्ज्वराद् भयम् । यो नौ स्मरति संवादं तस्य त्वन्न भवेद् भयम् ॥ २९ ॥

śrī-bhagavān uvāca tri-śiras te prasanno ’smi vyetu te maj-jvarād bhayam yo nau smarati saṁvādaṁ tasya tvan na bhaved bhayam

The Supreme Lord said: O three-headed one, I am pleased with you. Let your fear of My fever be gone, and let whoever remembers this conversation between us never have cause to fear you.

Verse 30 (bhagavata.10.63.30)

इत्युक्तोऽच्युतमानम्य गतो माहेश्वरो ज्वरः । बाणस्तु रथमारूढः प्रागाद्योत्स्यन् जनार्दनम् ॥ ३० ॥

ity ukto ’cyutam ānamya gato māheśvaro jvaraḥ bāṇas tu ratham ārūḍhaḥ prāgād yotsyan janārdanam

Thus addressed, the Shiva-fever bowed to the infallible Lord and departed. Bana, meanwhile, mounted his chariot once more and advanced to fight Janardana.

Verse 31 (bhagavata.10.63.31)

ततो बाहुसहस्रेण नानायुधधरोऽसुरः । मुमोच परमक्रुद्धो बाणांश्चक्रायुधे नृप ॥ ३१ ॥

tato bāhu-sahasreṇa nānāyudha-dharo ’suraḥ mumoca parama-kruddho bāṇāṁś cakrāyudhe nṛpa

O King, then that demon, wielding many kinds of weapons in his thousand arms, in the extremity of his rage let fly his arrows at Krishna, the wielder of the discus.

Verse 32 (bhagavata.10.63.32)

तस्यास्यतोऽस्त्राण्यसकृच्चक्रेण क्षुरनेमिना । चिच्छेद भगवान् बाहून् शाखा इव वनस्पतेः ॥ ३२ ॥

tasyāsyato ’strāṇy asakṛc cakreṇa kṣura-neminā ciccheda bhagavān bāhūn śākhā iva vanaspateḥ

As Bana went on hurling his weapons, the Supreme Lord, with His razor-rimmed discus, again and again severed the demon's arms, as though lopping the branches from a tree.

Verse 33 (bhagavata.10.63.33)

बाहुषु छिद्यमानेषु बाणस्य भगवान् भवः । भक्तानुकम्प्युपव्रज्य चक्रायुधमभाषत ॥ ३३ ॥

bāhuṣu chidyamāneṣu bāṇasya bhagavān bhavaḥ bhaktānakampy upavrajya cakrāyudham abhāṣata

As Bana's arms were being severed one by one, Bhagavan Shiva, moved with compassion for his devotee, approached the wielder of the discus and spoke to Him.

Verse 34 (bhagavata.10.63.34)

श्रीरुद्र उवाच त्वं हि ब्रह्म परं ज्योतिर्गूढं ब्रह्मणि वाङ्मये । यं पश्यन्त्यमलात्मान आकाशमिव केवलम् ॥ ३४ ॥

śrī-rudra uvāca tvaṁ hi brahma paraṁ jyotir gūḍhaṁ brahmaṇi vāṅ-maye yaṁ paśyanty amalātmāna ākāśam iva kevalam

Shri Rudra said: You alone are the supreme Brahman, the light hidden within the word-manifest Veda — whom those of stainless heart behold as pure and unmixed, like the open sky.

Verse 35 (bhagavata.10.63.35)

नाभिर्नभोऽग्निर्मुखमम्बु रेतो द्यौः शीर्षमाशाः श्रुतिरङ्घ्रिरुर्वी । चन्द्रो मनो यस्य दृगर्क आत्मा अहं समुद्रो जठरं भुजेन्द्रः ॥ ३५ ॥

nābhir nabho ’gnir mukham ambu reto dyauḥ śīrṣam āśāḥ śrutir aṅghrir urvī candro mano yasya dṛg arka ātmā ahaṁ samudro jaṭharaṁ bhujendraḥ

The sky is Your navel, fire Your mouth, water Your semen, and heaven Your head. The directions are Your hearing, the earth Your foot, the moon Your mind, and the sun Your eye. I am Your ego; the ocean is Your belly, and Indra Your arm.

Verse 36 (bhagavata.10.63.36)

रोमाणि यस्यौषधयोऽम्बुवाहाः केशा विरिञ्चो धिषणा विसर्गः । प्रजापतिर्हृदयं यस्य धर्मः स वै भवान् पुरुषो लोककल्पः ॥ ३६ ॥

romāṇi yasyauṣadhayo ’mbu-vāhāḥ keśā viriñco dhiṣaṇā visargaḥ prajā-patir hṛdayaṁ yasya dharmaḥ sa vai bhavān puruṣo loka-kalpaḥ

Herbs and plants are Your bodily hairs, and the water-bearing clouds the hair of Your head; Brahma is Your intellect, and creation Your generative power. Prajapati is Your heart, and dharma Your very nature — such indeed are You, the Supreme Person, the fashioner of all the worlds.

Verse 37 (bhagavata.10.63.37)

तवावतारोऽयमकुण्ठधामन् धर्मस्य गुप्त्यै जगतो हिताय । वयं च सर्वे भवतानुभाविता विभावयामो भुवनानि सप्त ॥ ३७ ॥

tavāvatāro ’yam akuṇṭha-dhāman dharmasya guptyai jagato hitāya vayaṁ ca sarve bhavatānubhāvitā vibhāvayāmo bhuvanāni sapta

This descent of Yours, O Lord of boundless glory, is for the protection of dharma and for the welfare of the world. We demigods too, empowered entirely by You, sustain the seven planetary systems.

Verse 38 (bhagavata.10.63.38)

त्वमेक आद्यः पुरुषोऽद्वितीय- स्तुर्यः स्वदृग् धेतुरहेतुरीशः । प्रतीयसेऽथापि यथाविकारं स्वमायया सर्वगुणप्रसिद्ध्यै ॥ ३८ ॥

tvam eka ādyaḥ puruṣo ’dvitīyas turyaḥ sva-dṛg dhetur ahetur īśaḥ pratīyase ’thāpi yathā-vikāraṁ sva-māyayā sarva-guṇa-prasiddhyai

You alone are the primeval Person, without a second, the fourth beyond the three states, self-revealing, uncaused cause, the supreme controller. Yet You appear to undergo transformation through Your own maya, so that all material qualities may be fully manifested.

Verse 39 (bhagavata.10.63.39)

यथैव सूर्यः पिहितश्छायया स्वया छायां च रूपाणि च सञ्चकास्ति । एवं गुणेनापिहितो गुणांस्त्व- मात्मप्रदीपो गुणिनश्च भूमन् ॥ ३९ ॥

yathaiva sūryaḥ pihitaś chāyayā svayā chāyāṁ ca rūpāṇi ca sañcakāsti evaṁ guṇenāpihito guṇāṁs tvam ātma-pradīpo guṇinaś ca bhūman

O almighty one, just as the sun, though veiled by its own cloud, still illumines that cloud and all other forms, so You, though veiled by the material qualities, remain self-luminous and reveal both those qualities and the beings who possess them.

Verse 40 (bhagavata.10.63.40)

यन्मायामोहितधियः पुत्रदारगृहादिषु । उन्मज्जन्ति निमज्जन्ति प्रसक्ता वृजिनार्णवे ॥ ४० ॥

yan-māyā-mohita-dhiyaḥ putra-dāra-gṛhādiṣu unmajjanti nimajjanti prasaktā vṛjinārṇave

Their minds bewildered by Your maya and attached to children, wife, home and the like, they rise and sink again and again, immersed in the ocean of worldly misery.

Verse 41 (bhagavata.10.63.41)

देवदत्तमिमं लब्ध्वा नृलोकमजितेन्द्रियः । यो नाद्रियेत त्वत्पादौ स शोच्यो ह्यात्मवञ्चकः ॥ ४१ ॥

deva-dattam imaṁ labdhvā nṛ-lokam ajitendriyaḥ yo nādriyeta tvat-pādau sa śocyo hy ātma-vañcakaḥ

One who obtains this human birth, a gift from the gods, yet does not conquer his senses or honor Your feet — he is truly pitiable, for he only deceives himself.

Verse 42 (bhagavata.10.63.42)

यस्त्वां विसृजते मर्त्य आत्मानं प्रियमीश्वरम् । विपर्ययेन्द्रियार्थार्थं विषमत्त्यमृतं त्यजन् ॥ ४२ ॥

yas tvāṁ visṛjate martya ātmānaṁ priyam īśvaram viparyayendriyārthārthaṁ viṣam atty amṛtaṁ tyajan

That mortal who abandons You — his own true Self, his dearest friend, his Lord — for the sake of sense objects, which are the very opposite of You in nature, forsakes nectar and swallows poison instead.

Verse 43 (bhagavata.10.63.43)

अहं ब्रह्माथ विबुधा मुनयश्चामलाशयाः । सर्वात्मना प्रपन्नास्त्वामात्मानं प्रेष्ठमीश्वरम् ॥ ४३ ॥

ahaṁ brahmātha vibudhā munayaś cāmalāśayāḥ sarvātmanā prapannās tvām ātmānaṁ preṣṭham īśvaram

I, Brahma, the other gods, and the sages of purified heart — all of us have surrendered wholly unto You, our own Self, our dearest one, our Lord.

Verse 44 (bhagavata.10.63.44)

तं त्वा जगत्स्थित्युदयान्तहेतुं समं प्रशान्तं सुहृदात्मदैवम् । अनन्यमेकं जगदात्मकेतं भवापवर्गाय भजाम देवम् ॥ ४४ ॥

taṁ tvā jagat-sthity-udayānta-hetuṁ samaṁ prasāntaṁ suhṛd-ātma-daivam ananyam ekaṁ jagad-ātma-ketaṁ bhavāpavargāya bhajāma devam

We worship You, the Lord, the cause of the world's origin, maintenance and dissolution, ever equanimous and perfectly at peace, our true friend, our own Self, our worshipable deity — the one without a second, the shelter of the universe and of all souls — so that we may be freed from material existence.

Verse 45 (bhagavata.10.63.45)

अयं ममेष्टो दयितोऽनुवर्ती मयाभयं दत्तममुष्य देव । सम्पाद्यतां तद् भवतः प्रसादो यथा हि ते दैत्यपतौ प्रसादः ॥ ४५ ॥

ayaṁ mameṣṭo dayito ’nuvartī mayābhayaṁ dattam amuṣya deva sampādyatāṁ tad bhavataḥ prasādo yathā hi te daitya-patau prasādaḥ

This Bana is dear to me, my beloved and faithful follower, and I have granted him freedom from fear. My Lord, let Your grace now be bestowed upon him, just as You once showed grace to the lord of the daityas, Prahlada.

Verse 46 (bhagavata.10.63.46)

श्रीभगवानुवाच यदात्थ भगवंस्त्वं नः करवाम प्रियं तव । भवतो यद् व्यवसितं तन्मे साध्वनुमोदितम् ॥ ४६ ॥

śrī-bhagavān uvāca yad āttha bhagavaṁs tvaṁ naḥ karavāma priyaṁ tava bhavato yad vyavasitaṁ tan me sādhv anumoditam

The Supreme Lord said: My lord, whatever you have asked, We shall surely do for your pleasure. I fully approve of what you have decided.

Verse 47 (bhagavata.10.63.47)

अवध्योऽयं ममाप्येष वैरोचनिसुतोऽसुरः । प्रह्रादाय वरो दत्तो न वध्यो मे तवान्वयः ॥ ४७ ॥

avadhyo ’yaṁ mamāpy eṣa vairocani-suto ’suraḥ prahrādāya varo datto na vadhyo me tavānvayaḥ

This demon too, son of Vairochani, is not to be slain by Me — for I gave Prahlada the boon that no descendant of his would ever be killed by Me.

Verse 48 (bhagavata.10.63.48)

दर्पोपशमनायास्य प्रवृक्णा बाहवो मया । सूदितं च बलं भूरि यच्च भारायितं भुवः ॥ ४८ ॥

darpopaśamanāyāsya pravṛkṇā bāhavo mayā sūditaṁ ca balaṁ bhūri yac ca bhārāyitaṁ bhuvaḥ

It was only to subdue his pride that I cut off his arms, and I destroyed his vast army because it had become a burden to the earth.

Verse 49 (bhagavata.10.63.49)

चत्वारोऽस्य भुजाः शिष्टा भविष्यत्यजरामरः । पार्षदमुख्यो भवतो न कुतश्चिद्भयोऽसुरः ॥ ४९ ॥

catvāro ’sya bhujāḥ śiṣṭā bhaviṣyaty ajarāmaraḥ pārṣada-mukhyo bhavato na kutaścid-bhayo ’suraḥ

Four of his arms shall remain, and he will become free from old age and death. He will be one of your principal attendants, and this demon shall have nothing to fear from any quarter.

Verse 50 (bhagavata.10.63.50)

इति लब्ध्वाभयं कृष्णं प्रणम्य शिरसासुरः । प्राद्युम्निं रथमारोप्य सवध्वो समुपानयत् ॥ ५० ॥

iti labdhvābhayaṁ kṛṣṇaṁ praṇamya śirasāsuraḥ prādyumniṁ ratham āropya sa-vadhvo samupānayat

Thus granted freedom from fear, the demon bowed his head to Krishna, and then, seating Pradyumna's son together with his bride upon a chariot, he brought them before the Lord.

Verse 51 (bhagavata.10.63.51)

अक्षौहिण्या परिवृतं सुवासःसमलङ्कृतम् । सपत्नीकं पुरस्कृत्य ययौ रुद्रानुमोदितः ॥ ५१ ॥

akṣauhiṇyā parivṛtaṁ su-vāsaḥ-samalaṅkṛtam sa-patnīkaṁ puras-kṛtya yayau rudrānumoditaḥ

Placing Aniruddha and His bride, both beautifully attired and adorned, at the head of the procession and surrounded by a full division of troops, Krishna took leave of Rudra and set out.

Verse 52 (bhagavata.10.63.52)

स्वराजधानीं समलङ्कृतां ध्वजैः सतोरणैरुक्षितमार्गचत्वराम् । विवेश शङ्खानकदुन्दुभिस्वनै- रभ्युद्यतः पौरसुहृद्द्विजातिभिः ॥ ५२ ॥

sva-rājadhānīṁ samalaṅkṛtāṁ dhvajaiḥ sa-toraṇair ukṣita-mārga-catvarām viveśa śaṅkhānaka-dundubhi-svanair abhyudyataḥ paura-suhṛd-dvijātibhiḥ

The Lord then entered His own capital, adorned with flags and festooned arches, its roads and squares freshly sprinkled with water — welcomed by the sounding of conches, anakas and dundubhi drums, and by His kinsmen, the citizens and the brahmanas who came forward joyfully to greet Him.

Verse 53 (bhagavata.10.63.53)

य एवं कृष्णविजयं शङ्करेण च संयुगम् । संस्मरेत् प्रातरुत्थाय न तस्य स्यात् पराजयः ॥ ५३ ॥

ya evaṁ kṛṣṇa-vijayaṁ śaṅkareṇa ca saṁyugam saṁsmaret prātar utthāya na tasya syāt parājayaḥ

Whoever rises at dawn and remembers this victory of Krishna in His battle with Shankara will never suffer defeat.