Krishna's Name-Giving and the Universal Form in His Mouth

Verse 1 (bhagavata.10.8.1)

श्रीशुक उवाच गर्गः पुरोहितो राजन् यदूनां सुमहातपाः । व्रजं जगाम नन्दस्य वसुदेवप्रचोदितः ॥ १ ॥

śrī-śuka uvāca gargaḥ purohito rājan yadūnāṁ sumahā-tapāḥ vrajaṁ jagāma nandasya vasudeva-pracoditaḥ

Shri Shuka said: O King, Garga, the priest of the Yadu dynasty, a man of the greatest austerity, went to Nanda's Vraja, sent there by Vasudeva.

Verse 2 (bhagavata.10.8.2)

तं दृष्ट्वा परमप्रीतः प्रत्युत्थाय कृताञ्जलिः । आनर्चाधोक्षजधिया प्रणिपातपुरःसरम् ॥ २ ॥

taṁ dṛṣṭvā parama-prītaḥ pratyutthāya kṛtāñjaliḥ ānarcādhokṣaja-dhiyā praṇipāta-puraḥsaram

Seeing him, Nanda, filled with joy, rose with folded hands, and regarding him as none other than Adhokshaja himself, first bowed low and then worshiped him.

Verse 3 (bhagavata.10.8.3)

सूपविष्टं कृतातिथ्यं गिरा सूनृतया मुनिम् । नन्दयित्वाब्रवीद् ब्रह्मन्पूर्णस्य करवाम किम् ॥ ३ ॥

sūpaviṣṭaṁ kṛtātithyaṁ girā sūnṛtayā munim nandayitvābravīd brahman pūrṇasya karavāma kim

Once the sage was comfortably seated and properly received as a guest, Nanda, pleasing him with gentle words, said: O brahmana, what service can we render to one who already lacks nothing?

Verse 4 (bhagavata.10.8.4)

महद्विचलनं नृणां गृहिणां दीनचेतसाम् । निःश्रेयसाय भगवन्कल्पते नान्यथा क्वचित् ॥ ४ ॥

mahad-vicalanaṁ nṝṇāṁ gṛhiṇāṁ dīna-cetasām niḥśreyasāya bhagavan kalpate nānyathā kvacit

O revered one, the travels of great souls from place to place serve only the ultimate welfare of poor-hearted householders like us — never any purpose of their own.

Verse 5 (bhagavata.10.8.5)

ज्योतिषामयनं साक्षाद् यत्तज्ज्ञानमतीन्द्रियम् । प्रणीतं भवता येन पुमान् वेद परावरम् ॥ ५ ॥

jyotiṣām ayanaṁ sākṣād yat taj jñānam atīndriyam praṇītaṁ bhavatā yena pumān veda parāvaram

That direct, transcendent knowledge of the movements of the heavenly bodies which you yourself have set forth, by which a person may know both what is higher and what is lower —

Verse 6 (bhagavata.10.8.6)

त्वं हि ब्रह्मविदां श्रेष्ठः संस्कारान्कर्तुमर्हसि । बालयोरनयोर्नृणां जन्मना ब्राह्मणो गुरुः ॥ ६ ॥

tvaṁ hi brahma-vidāṁ śreṣṭhaḥ saṁskārān kartum arhasi bālayor anayor nṝṇāṁ janmanā brāhmaṇo guruḥ

— it is because of this that you stand foremost among the knowers of Brahman, and so it is you who should rightly perform the purificatory rites for these two sons of mine; for a brahmana, simply by birth, is the natural guru of all people.

Verse 7 (bhagavata.10.8.7)

श्रीगर्ग उवाच यदूनामहमाचार्यः ख्यातश्च भुवि सर्वदा । सुतं मया संस्कृतं ते मन्यते देवकीसुतम् ॥ ७ ॥

śrī-garga uvāca yadūnām aham ācāryaḥ khyātaś ca bhuvi sarvadā sutaṁ mayā saṁskṛtaṁ te manyate devakī-sutam

Shri Garga said: I am known throughout the world as the family priest of the Yadu dynasty. If I perform this rite for your son, people will take Him to be the son of Devaki.

Verse 8 (bhagavata.10.8.8)

कंसः पापमतिः सख्यं तव चानकदुन्दुभेः । देवक्या अष्टमो गर्भो न स्त्री भवितुमर्हति ॥ ८ ॥

kaṁsaḥ pāpa-matiḥ sakhyaṁ tava cānakadundubheḥ devakyā aṣṭamo garbho na strī bhavitum arhati

Kamsa is a man of evil intent; knowing your friendship with Anakadundubhi, and knowing that Devaki's eighth pregnancy could not rightly have produced a daughter —

Verse 9 (bhagavata.10.8.9)

इति सञ्चिन्तयञ्छ्रुत्वा देवक्या दारिकावचः । अपि हन्ता गताशङ्कस्तर्हि तन्नोऽनयो भवेत् ॥ ९ ॥

iti sañcintayañ chrutvā devakyā dārikā-vacaḥ api hantā gatāśaṅkas tarhi tan no ’nayo bhavet

— and remembering the words spoken by Devaki's daughter, weighing it all together, his doubts resolved, he might himself come here to kill the child; and that would bring great calamity upon us.

Verse 10 (bhagavata.10.8.10)

श्रीनन्द उवाच अलक्षितोऽस्मिन् रहसि मामकैरपि गोव्रजे । कुरु द्विजातिसंस्कारं स्वस्तिवाचनपूर्वकम् ॥ १० ॥

śrī-nanda uvāca alakṣito ’smin rahasi māmakair api go-vraje kuru dvijāti-saṁskāraṁ svasti-vācana-pūrvakam

Shri Nanda said: Then perform the sacred-thread rite here in secret, in this cow-pen, unseen even by my own household, beginning first with the auspicious blessing.

Verse 11 (bhagavata.10.8.11)

श्रीशुक उवाच एवं सम्प्रार्थितो विप्रः स्वचिकीर्षितमेव तत् । चकार नामकरणं गूढो रहसि बालयोः ॥ ११ ॥

śrī-śuka uvāca evaṁ samprārthito vipraḥ sva-cikīrṣitam eva tat cakāra nāma-karaṇaṁ gūḍho rahasi bālayoḥ

Shri Shuka said: Thus requested — and doing exactly what he had wished to do all along — the brahmana secretly performed the name-giving ceremony for the two boys in a private place.

Verse 12 (bhagavata.10.8.12)

श्रीगर्ग उवाच अयं हि रोहिणीपुत्रो रमयन् सुहृदो गुणैः । आख्यास्यते राम इति बलाधिक्याद्बलं विदुः । यदूनामपृथग्भावात् सङ्कर्षणमुशन्त्यपि ॥ १२ ॥

śrī-garga uvāca ayaṁ hi rohiṇī-putro ramayan suhṛdo guṇaiḥ ākhyāsyate rāma iti balādhikyād balaṁ viduḥ yadūnām apṛthag-bhāvāt saṅkarṣaṇam uśanty api

Shri Garga said: This son of Rohini, delighting His well-wishers by His virtues, will be called Rama; because of His surpassing strength He will be known as Bala; and since He unites two families as though they were one, He will also be called Sankarshana.

Verse 13 (bhagavata.10.8.13)

आसन् वर्णास्त्रयो ह्यस्य गृह्णतोऽनुयुगं तनूः । शुक्लो रक्तस्तथा पीत इदानीं कृष्णतां गतः ॥ १३ ॥

āsan varṇās trayo hy asya gṛhṇato ’nuyugaṁ tanūḥ śuklo raktas tathā pīta idānīṁ kṛṣṇatāṁ gataḥ

And this other child, taking a body in each successive age, has been white, then red, and then yellow in color — and now He has taken on a dark hue.

Verse 14 (bhagavata.10.8.14)

प्रागयं वसुदेवस्य क्वचिज्जातस्तवात्मजः । वासुदेव इति श्रीमानभिज्ञाः सम्प्रचक्षते ॥ १४ ॥

prāg ayaṁ vasudevasya kvacij jātas tavātmajaḥ vāsudeva iti śrīmān abhijñāḥ sampracakṣate

This resplendent son of yours has, on an earlier occasion, already been born as the son of Vasudeva; and for this reason, those who know call Him Vasudeva.

Verse 15 (bhagavata.10.8.15)

बहूनि सन्ति नामानि रूपाणि च सुतस्य ते । गुणकर्मानुरूपाणि तान्यहं वेद नो जनाः ॥ १५ ॥

bahūni santi nāmāni rūpāṇi ca sutasya te guṇa-karmānurūpāṇi tāny ahaṁ veda no janāḥ

This son of yours has countless names and forms, each fitting His qualities and His deeds; I know them, though ordinary people do not.

Verse 16 (bhagavata.10.8.16)

एष वः श्रेय आधास्यद् गोपगोकुलनन्दनः । अनेन सर्वदुर्गाणि यूयमञ्जस्तरिष्यथ ॥ १६ ॥

eṣa vaḥ śreya ādhāsyad gopa-gokula-nandanaḥ anena sarva-durgāṇi yūyam añjas tariṣyatha

This child, the delight of the cowherds of Gokula, will bring welfare upon you all; through Him, you will pass easily beyond every calamity.

Verse 17 (bhagavata.10.8.17)

पुरानेन व्रजपते साधवो दस्युपीडिताः । अराजके रक्ष्यमाणा जिग्युर्दस्यून्समेधिताः ॥ १७ ॥

purānena vraja-pate sādhavo dasyu-pīḍitāḥ arājake rakṣyamāṇā jigyur dasyūn samedhitāḥ

O lord of Vraja, in ages past, when wicked men oppressed the good in a time without rightful rule, this very one protected them, brought them to prosperity, and gave them victory over those thieves.

Verse 18 (bhagavata.10.8.18)

य एतस्मिन् महाभागाः प्रीतिं कुर्वन्ति मानवाः । नारयोऽभिभवन्त्येतान् विष्णुपक्षानिवासुराः ॥ १८ ॥

ya etasmin mahā-bhāgāḥ prītiṁ kurvanti mānavāḥ nārayo ’bhibhavanty etān viṣṇu-pakṣān ivāsurāḥ

Those most fortunate people who bear love for Him can never be overcome by any enemy — just as demons can never overcome those who stand on the side of Vishnu.

Verse 19 (bhagavata.10.8.19)

तस्मान्नन्दात्मजोऽयं ते नारायणसमो गुणैः । श्रिया कीर्त्यानुभावेन गोपायस्व समाहितः ॥ १९ ॥

tasmān nandātmajo ’yaṁ te nārāyaṇa-samo guṇaiḥ śriyā kīrtyānubhāvena gopāyasva samāhitaḥ

Therefore, O Nanda, this son of yours is equal to Narayana Himself in His virtues, His splendor, His fame, and His power; guard Him, then, with full and unwavering care.

Verse 20 (bhagavata.10.8.20)

श्रीशुक उवाच इत्यात्मानं समादिश्य गर्गे च स्वगृहं गते । नन्दः प्रमुदितो मेने आत्मानं पूर्णमाशिषाम् ॥ २० ॥

śrī-śuka uvāca ity ātmānaṁ samādiśya garge ca sva-gṛhaṁ gate nandaḥ pramudito mene ātmānaṁ pūrṇam āśiṣām

Shri Shuka said: Having given this counsel, Garga returned to his own home, and Nanda, filled with delight, considered himself now blessed with everything good.

Verse 21 (bhagavata.10.8.21)

कालेन व्रजताल्पेन गोकुले रामकेशवौ । जानुभ्यां सह पाणिभ्यां रिङ्गमाणौ विजह्रतुः ॥ २१ ॥

kālena vrajatālpena gokule rāma-keśavau jānubhyāṁ saha pāṇibhyāṁ riṅgamāṇau vijahratuḥ

As a little time passed, Rama and Keshava began to play about Gokula, crawling on their hands and knees.

Verse 22 (bhagavata.10.8.22)

तावङ्घ्रियुग्ममनुकृष्य सरीसृपन्तौ घोषप्रघोषरुचिरं व्रजकर्दमेषु । तन्नादहृष्टमनसावनुसृत्य लोकं मुग्धप्रभीतवदुपेयतुरन्ति मात्रोः ॥ २२ ॥

tāv aṅghri-yugmam anukṛṣya sarīsṛpantau ghoṣa-praghoṣa-ruciraṁ vraja-kardameṣu tan-nāda-hṛṣṭa-manasāv anusṛtya lokaṁ mugdha-prabhītavad upeyatur anti mātroḥ

Dragging Their little legs as They crawled through the mud of Vraja, delighted by the sweet jingling of the anklets on Their own feet, the two would follow after that very sound toward whoever else it belonged to — and then, as if startled to find their mistake, hurry back close to their own mothers.

Verse 23 (bhagavata.10.8.23)

तन्मातरौ निजसुतौ घृणया स्नुवन्त्यौ पङ्काङ्गरागरुचिरावुपगृह्य दोर्भ्याम् । दत्त्वा स्तनं प्रपिबतोः स्म मुखं निरीक्ष्य मुग्धस्मिताल्पदशनं ययतुः प्रमोदम् ॥ २३ ॥

tan-mātarau nija-sutau ghṛṇayā snuvantyau paṅkāṅga-rāga-rucirāv upagṛhya dorbhyām dattvā stanaṁ prapibatoḥ sma mukhaṁ nirīkṣya mugdha-smitālpa-daśanaṁ yayatuḥ pramodam

Their two mothers, their breasts flowing with tenderness, would gather their sons — made lovelier still by the mud smeared upon Their bodies — into their arms; and giving Them the breast, they would gaze at Their faces as They drank, delighting in the innocent smiles that revealed Their tiny teeth.

Verse 24 (bhagavata.10.8.24)

यर्ह्यङ्गनादर्शनीयकुमारलीला- वन्तर्व्रजे तदबलाः प्रगृहीतपुच्छैः । वत्सैरितस्तत उभावनुकृष्यमाणौ प्रेक्षन्त्य उज्झितगृहा जहृषुर्हसन्त्यः ॥ २४ ॥

yarhy aṅganā-darśanīya-kumāra-līlāv antar-vraje tad abalāḥ pragṛhīta-pucchaiḥ vatsair itas tata ubhāv anukṛṣyamāṇau prekṣantya ujjhita-gṛhā jahṛṣur hasantyaḥ

When, within Nanda's house, the two boys, gripping the calves' tails, would be dragged here and there by them — a sight truly worth seeing — the housewives would leave their chores and laugh with delight at this play.

Verse 25 (bhagavata.10.8.25)

शृङ्ग्यग्निदंष्ट्र्यसिजलद्विजकण्टकेभ्यः क्रीडापरावतिचलौ स्वसुतौ निषेद्धुम् । गृह्याणि कर्तुमपि यत्र न तज्जनन्यौ शेकात आपतुरलं मनसोऽनवस्थाम् ॥ २५ ॥

śṛṅgy-agni-daṁṣṭry-asi-jala-dvija-kaṇṭakebhyaḥ krīḍā-parāv aticalau sva-sutau niṣeddhum gṛhyāṇi kartum api yatra na taj-jananyau śekāta āpatur alaṁ manaso ’navasthām

Ever trying to guard their restless, playful sons from horned cows, fire, fanged creatures, blades, water, birds, and thorns, the two mothers could barely attend to their household duties at all; their minds fell into constant, unrelenting unease.

Verse 26 (bhagavata.10.8.26)

कालेनाल्पेन राजर्षे रामः कृष्णश्च गोकुले । अघृष्टजानुभिः पद्भिर्विचक्रमतुरञ्जसा ॥ २६ ॥

kālenālpena rājarṣe rāmaḥ kṛṣṇaś ca gokule aghṛṣṭa-jānubhiḥ padbhir vicakramatur añjasā

O royal sage, in a short time Rama and Krishna, there in Gokula, began to walk easily on Their own two feet, no longer needing to drag Their knees along the ground.

Verse 27 (bhagavata.10.8.27)

ततस्तु भगवान् कृष्णो वयस्यैर्व्रजबालकैः । सहरामो व्रजस्त्रीणां चिक्रीडे जनयन् मुदम् ॥ २७ ॥

tatas tu bhagavān kṛṣṇo vayasyair vraja-bālakaiḥ saha-rāmo vraja-strīṇāṁ cikrīḍe janayan mudam

Thereafter, Bhagavan Krishna, together with Rama, began to play with the other boys of Vraja, His own age-mates, filling the women of Vraja with delight.

Verse 28 (bhagavata.10.8.28)

कृष्णस्य गोप्यो रुचिरं वीक्ष्य कौमारचापलम् । शृण्वन्त्याः किल तन्मातुरिति होचुः समागताः ॥ २८ ॥

kṛṣṇasya gopyo ruciraṁ vīkṣya kaumāra-cāpalam śṛṇvantyāḥ kila tan-mātur iti hocuḥ samāgatāḥ

Seeing Krishna's charming childish mischief, the gopis would gather together, eager to let His mother hear of it once more, and would speak to her as follows.

Verse 29 (bhagavata.10.8.29)

वत्सान् मुञ्चन् क्वचिदसमये क्रोशसञ्जातहासः स्तेयं स्वाद्वत्त्यथ दधिपयः कल्पितैः स्तेययोगैः । मर्कान् भोक्ष्यन् विभजति स चेन्नात्ति भाण्डं भिन्नत्ति द्रव्यालाभे सगृहकुपितो यात्युपक्रोश्य तोकान् ॥ २९ ॥

vatsān muñcan kvacid asamaye krośa-sañjāta-hāsaḥ steyaṁ svādv atty atha dadhi-payaḥ kalpitaiḥ steya-yogaiḥ markān bhokṣyan vibhajati sa cen nātti bhāṇḍaṁ bhinnatti dravyālābhe sagṛha-kupito yāty upakrośya tokān

"Sometimes He lets the calves loose before it is time, and when scolded for it He only laughs. Then, by some clever trick, He steals sweet curd and milk and eats and drinks His fill. He shares it with the monkeys, and if a monkey won't take any more, He breaks the pot outright. And if He finds nothing worth stealing in a house, He grows angry with its people and, pinching the little children until they cry, simply walks away."

Verse 30 (bhagavata.10.8.30)

हस्ताग्राह्ये रचयति विधिं पीठकोलूखलाद्यै- श्छिद्रं ह्यन्तर्निहितवयुनः शिक्यभाण्डेषु तद्वित् । ध्वान्तागारे धृतमणिगणं स्वाङ्गमर्थप्रदीपं काले गोप्यो यर्हि गृहकृत्येषु सुव्यग्रचित्ताः ॥ ३० ॥

hastāgrāhye racayati vidhiṁ pīṭhakolūkhalādyaiś chidraṁ hy antar-nihita-vayunaḥ śikya-bhāṇḍeṣu tad-vit dhvāntāgāre dhṛta-maṇi-gaṇaṁ svāṅgam artha-pradīpaṁ kāle gopyo yarhi gṛha-kṛtyeṣu suvyagra-cittāḥ

"When the pots hang beyond His reach, He devises some scheme with stools and an upturned mortar to climb up to them; and knowing exactly what each pot contains, He pokes a hole straight through it. And whenever we gopis are absorbed in our housework, He slips into the darkened storeroom, using the very jewels on His own body as a lamp to see by."

Verse 31 (bhagavata.10.8.31)

एवं धार्ष्ट्यान्युशति कुरुते मेहनादीनि वास्तौ स्तेयोपायैर्विरचितकृतिः सुप्रतीको यथास्ते । इत्थं स्त्रीभिः सभयनयनश्रीमुखालोकिनीभि- र्व्याख्यातार्था प्रहसितमुखी न ह्युपालब्धुमैच्छत् ॥ ३१ ॥

evaṁ dhārṣṭyāny uśati kurute mehanādīni vāstau steyopāyair viracita-kṛtiḥ supratīko yathāste itthaṁ strībhiḥ sa-bhaya-nayana-śrī-mukhālokinībhir vyākhyātārthā prahasita-mukhī na hy upālabdhum aicchat

"And when we scold Him for it, He grows bolder still — He has even relieved Himself right in our clean rooms, this expert in every kind of mischief — and yet see how innocent He sits before you now!" So the gopis, their eyes lingering nervously yet fondly on His beautiful face, would report all this to Yashoda; and she, hearing it, would merely smile, never truly wishing to scold her most blessed child.

Verse 32 (bhagavata.10.8.32)

एकदा क्रीडमानास्ते रामाद्या गोपदारकाः । कृष्णो मृदं भक्षितवानिति मात्रे न्यवेदयन् ॥ ३२ ॥

ekadā krīḍamānās te rāmādyā gopa-dārakāḥ kṛṣṇo mṛdaṁ bhakṣitavān iti mātre nyavedayan

One day, while at play, Rama and the other cowherd boys went to His mother and told her: "Krishna has eaten dirt!"

Verse 33 (bhagavata.10.8.33)

सा गृहीत्वा करे कृष्णमुपालभ्य हितैषिणी । यशोदा भयसम्भ्रान्तप्रेक्षणाक्षमभाषत ॥ ३३ ॥

sā gṛhītvā kare kṛṣṇam upālabhya hitaiṣiṇī yaśodā bhaya-sambhrānta- prekṣaṇākṣam abhāṣata

Yashoda, ever devoted to His well-being, took hold of Krishna's hand, and, her eyes wide with anxious fear, prepared to scold Him, saying this.

Verse 34 (bhagavata.10.8.34)

कस्मान्मृदमदान्तात्मन् भवान्भक्षितवान् रहः । वदन्ति तावका ह्येते कुमारास्तेऽग्रजोऽप्ययम् ॥ ३४ ॥

kasmān mṛdam adāntātman bhavān bhakṣitavān rahaḥ vadanti tāvakā hy ete kumārās te ’grajo ’py ayam

"O restless child, why have You secretly eaten dirt? Your own playmates say so — and so does Your very own elder brother here."

Verse 35 (bhagavata.10.8.35)

नाहं भक्षितवानम्ब सर्वे मिथ्याभिशंसिनः । यदि सत्यगिरस्तर्हि समक्षं पश्य मे मुखम् ॥ ३५ ॥

nāhaṁ bhakṣitavān amba sarve mithyābhiśaṁsinaḥ yadi satya-giras tarhi samakṣaṁ paśya me mukham

"Mother, I have not eaten anything; they are all making a false accusation. If you believe their words to be true, then look for yourself, right now, into My mouth."

Verse 36 (bhagavata.10.8.36)

यद्येवं तर्हि व्यादेहीत्युक्तः स भगवान्हरिः । व्यादत्ताव्याहतैश्वर्यः क्रीडामनुजबालकः ॥ ३६ ॥

yady evaṁ tarhi vyādehī- ty uktaḥ sa bhagavān hariḥ vyādattāvyāhataiśvaryaḥ krīḍā-manuja-bālakaḥ

"If that is so, then open Your mouth" — so told, Bhagavan Hari, playing the part of a human child, His majesty never truly diminished even in this game, opened His mouth wide.

Verse 37 (bhagavata.10.8.37)

सा तत्र ददृशे विश्वं जगत्स्थास्नु च खं दिशः । साद्रिद्वीपाब्धिभूगोलं सवाय्वग्नीन्दुतारकम् ॥ ३७ ॥

sā tatra dadṛśe viśvaṁ jagat sthāsnu ca khaṁ diśaḥ sādri-dvīpābdhi-bhūgolaṁ sa-vāyv-agnīndu-tārakam

And there, within His mouth, she saw the whole universe — everything that moves and everything that stands still, the sky, the directions, the earth with its mountains, islands, and oceans, and the wind, the fire, the moon, and the stars.

Verse 38 (bhagavata.10.8.38)

ज्योतिश्चक्रं जलं तेजो नभस्वान्वियदेव च । वैकारिकाणीन्द्रियाणि मनो मात्रा गुणास्त्रयः ॥ ३८ ॥

jyotiś-cakraṁ jalaṁ tejo nabhasvān viyad eva ca vaikārikāṇīndriyāṇi mano mātrā guṇās trayaḥ

The wheel of the stars, water, fire, wind, and space; the senses born from the transformation of ego, the mind, their objects, and the three modes of nature —

Verse 39 (bhagavata.10.8.39)

एतद् विचित्रं सहजीवकाल- स्वभावकर्माशयलिङ्गभेदम् । सूनोस्तनौ वीक्ष्य विदारितास्ये व्रजं सहात्मानमवाप शङ्काम्? ॥ ३९ ॥

etad vicitraṁ saha-jīva-kāla- svabhāva-karmāśaya-liṅga-bhedam sūnos tanau vīkṣya vidāritāsye vrajaṁ sahātmānam avāpa śaṅkām

— all this wondrous manifold creation, together with the individual soul, time, nature, karma, desire, and the diversity of bodies — seeing all of it, and Vraja itself, and even her own self, within her son's open mouth, she was overcome with fear.

Verse 40 (bhagavata.10.8.40)

किं स्वप्न एतदुत देवमाया किं वा मदीयो बत बुद्धिमोहः । अथो अमुष्यैव ममार्भकस्य यः कश्चनौत्पत्तिक आत्मयोगः ॥ ४० ॥

kiṁ svapna etad uta devamāyā kiṁ vā madīyo bata buddhi-mohaḥ atho amuṣyaiva mamārbhakasya yaḥ kaścanautpattika ātma-yogaḥ

"Is this a dream, or some illusion woven by the gods? Or is it simply a delusion of my own mind? Or could it be some innate mystic power belonging to this very child of mine?"

Verse 41 (bhagavata.10.8.41)

अथो यथावन्न वितर्कगोचरं चेतोमनःकर्मवचोभिरञ्जसा । यदाश्रयं येन यतः प्रतीयते सुदुर्विभाव्यं प्रणतास्मि तत्पदम् ॥ ४१ ॥

atho yathāvan na vitarka-gocaraṁ ceto-manaḥ-karma-vacobhir añjasā yad-āśrayaṁ yena yataḥ pratīyate sudurvibhāvyaṁ praṇatāsmi tat-padam

Whatever this is, it lies entirely beyond the reach of thought, mind, action, or word — that on which all this rests, by which it is known, and from which it arises — a truth utterly beyond comprehension: to that supreme state I bow down.

Verse 42 (bhagavata.10.8.42)

अहं ममासौ पतिरेष मे सुतो व्रजेश्वरस्याखिलवित्तपा सती । गोप्यश्च गोपाः सहगोधनाश्च मे यन्माययेत्थं कुमतिः स मे गतिः ॥ ४२ ॥

ahaṁ mamāsau patir eṣa me suto vrajeśvarasyākhila-vittapā satī gopyaś ca gopāḥ saha-godhanāś ca me yan-māyayetthaṁ kumatiḥ sa me gatiḥ

"I, mine, this my husband, this my son, I the mistress of all the wealth of Vraja's lord, these gopis and gopas with their cattle all my own" — it is by whose maya alone that such a foolish notion has arisen in me; He alone is my true refuge.

Verse 43 (bhagavata.10.8.43)

इत्थं विदिततत्त्वायां गोपिकायां स ईश्वरः । वैष्णवीं व्यतनोन्मायां पुत्रस्नेहमयीं विभुः ॥ ४३ ॥

itthaṁ vidita-tattvāyāṁ gopikāyāṁ sa īśvaraḥ vaiṣṇavīṁ vyatanon māyāṁ putra-snehamayīṁ vibhuḥ

When the cowherd woman had thus glimpsed the truth, the all-powerful Lord spread over her His own Vaishnavi-maya, woven entirely of maternal love for her son.

Verse 44 (bhagavata.10.8.44)

सद्योनष्टस्मृतिर्गोपी सारोप्यारोहमात्मजम् । प्रवृद्धस्नेहकलिलहृदयासीद् यथा पुरा ॥ ४४ ॥

sadyo naṣṭa-smṛtir gopī sāropyāroham ātmajam pravṛddha-sneha-kalila- hṛdayāsīd yathā purā

At once losing that memory, the gopi took her son back onto her lap, and, just as before, her heart overflowed with even deeper tenderness.

Verse 45 (bhagavata.10.8.45)

त्रय्या चोपनिषद्भिश्च साङ्ख्ययोगैश्च सात्वतैः । उपगीयमानमाहात्म्यं हरिं सामन्यतात्मजम् ॥ ४५ ॥

trayyā copaniṣadbhiś ca sāṅkhya-yogaiś ca sātvataiḥ upagīyamāna-māhātmyaṁ hariṁ sāmanyatātmajam

Hari, whose glory is sung by the three Vedas, the Upanishads, the schools of Sankhya and Yoga, and the Vaishnava scriptures — Him Yashoda now once again regarded simply as her own ordinary child.

Verse 46 (bhagavata.10.8.46)

श्रीराजोवाच नन्दः किमकरोद् ब्रह्मन्श्रेय एवं महोदयम् । यशोदा च महाभागा पपौ यस्याः स्तनं हरिः ॥ ४६ ॥

śrī-rājovāca nandaḥ kim akarod brahman śreya evaṁ mahodayam yaśodā ca mahā-bhāgā papau yasyāḥ stanaṁ hariḥ

The king said: O brahmana, what great good deeds did Nanda perform to earn such fortune, and what did the most blessed Yashoda do, she whose very breast was suckled by Hari Himself?

Verse 47 (bhagavata.10.8.47)

पितरौ नान्वविन्देतां कृष्णोदारार्भकेहितम् । गायन्त्यद्यापि कवयो यल्लोकशमलापहम् ॥ ४७ ॥

pitarau nānvavindetāṁ kṛṣṇodārārbhakehitam gāyanty adyāpi kavayo yal loka-śamalāpaham

His true parents, Vasudeva and Devaki, never had the chance to enjoy Krishna's magnanimous childhood deeds — deeds that poets still sing of even today, and that wash away all the world's impurity.

Verse 48 (bhagavata.10.8.48)

श्रीशुक उवाच द्रोणो वसूनां प्रवरो धरया भार्यया सह । करिष्यमाण आदेशान् ब्रह्मणस्तमुवाच ह ॥ ४८ ॥

śrī-śuka uvāca droṇo vasūnāṁ pravaro dharayā bhāryayā saha kariṣyamāṇa ādeśān brahmaṇas tam uvāca ha

Shri Shuka said: Drona, foremost among the Vasus, together with his wife Dhara, wishing to carry out Brahma's command, spoke to him in this way.

Verse 49 (bhagavata.10.8.49)

जातयोर्नौ महादेवे भुवि विश्वेश्वरे हरौ । भक्तिः स्यत्परमा लोके ययाञ्जो दुर्गतिं तरेत् ॥ ४९ ॥

jātayor nau mahādeve bhuvi viśveśvare harau bhaktiḥ syāt paramā loke yayāñjo durgatiṁ taret

"Once we two are born on this earth, may the highest devotion for Hari, Lord of the universe, arise within us — devotion by which every soul in this world may cross safely beyond misfortune."

Verse 50 (bhagavata.10.8.50)

अस्त्वित्युक्तः स भगवान्व्रजे द्रोणो महायशाः । जज्ञे नन्द इति ख्यातो यशोदा सा धराभवत् ॥ ५० ॥

astv ity uktaḥ sa bhagavān vraje droṇo mahā-yaśāḥ jajñe nanda iti khyāto yaśodā sā dharābhavat

Told, "So be it," the illustrious Drona took birth in Vraja and became known as Nanda, while Dhara became Yashoda.

Verse 51 (bhagavata.10.8.51)

ततो भक्तिर्भगवति पुत्रीभूते जनार्दने । दम्पत्योर्नितरामासीद् गोपगोपीषु भारत ॥ ५१ ॥

tato bhaktir bhagavati putrī-bhūte janārdane dampatyor nitarām āsīd gopa-gopīṣu bhārata

Thereafter, O descendant of Bharata, when Bhagavan Janardana Himself became their very son, the devotion of that couple, and of the gopas and gopis around them, deepened beyond measure.

Verse 52 (bhagavata.10.8.52)

कृष्णो ब्रह्मण आदेशं सत्यं कर्तुं व्रजे विभुः । सहरामो वसंश्चक्रे तेषां प्रीतिं स्वलीलया ॥ ५२ ॥

kṛṣṇo brahmaṇa ādeśaṁ satyaṁ kartuṁ vraje vibhuḥ saha-rāmo vasaṁś cakre teṣāṁ prītiṁ sva-līlayā

Thus the almighty Krishna, to make Brahma's word come true, dwelt in Vraja together with Rama, and through His own divine play, filled them all with joy.