The Brahmana Sudama Visits Lord Krishna in Dvaraka

Verse 1 (bhagavata.10.80.1)

श्रीराजोवाच भगवन् यानि चान्यानि मुकुन्दस्य महात्मनः । वीर्याण्यनन्तवीर्यस्य श्रोतुमिच्छामि हे प्रभो ॥ 80.1 ॥

śrī-rājovāca bhagavan yāni cānyāni mukundasya mahātmanaḥ vīryāṇy ananta-vīryasya śrotum icchāmi he prabho

King Parikshit said: My lord, O master, I wish to hear yet more of the valorous deeds of the great-souled Mukunda, whose might is without end.

Verse 2 (bhagavata.10.80.2)

को नु श्रुत्वासकृद् ब्रह्मन्नुत्तमःश्लोकसत्कथाः । विरमेत विशेषज्ञो विषण्णः काममार्गणैः ॥ 80.2 ॥

ko nu śrutvāsakṛd brahmann uttamaḥśloka-sat-kathāḥ virameta viśeṣa-jño viṣaṇṇaḥ kāma-mārgaṇaiḥ

O brahmana, having heard again and again the sacred accounts of the Lord of transcendent renown, what person of true discernment, weary of the pursuit of sense pleasures, could ever cease listening to them?

Verse 3 (bhagavata.10.80.3)

सा वाग् यया तस्य गुणान् गृणीते करौ च तत्कर्मकरौ मनश्च । स्मरेद् वसन्तं स्थिरजङ्गमेषु शृणोति तत्पुण्यकथाः स कर्णः ॥ 80.3 ॥

sā vāg yayā tasya guṇān gṛṇīte karau ca tat-karma-karau manaś ca smared vasantaṁ sthira-jaṅgameṣu śṛṇoti tat-puṇya-kathāḥ sa karṇaḥ

True speech alone is that which sings His qualities; true hands alone are those employed in His service; a true mind alone is one that remembers Him dwelling within all that moves and all that does not; and true ears alone are those that listen to His sanctifying accounts.

Verse 4 (bhagavata.10.80.4)

शिरस्तु तस्योभयलिङ्गमान- मेत्तदेव यत् पश्यति तद्धि चक्षुः । अङ्गानि विष्णोरथ तज्जनानां पादोदकं यानि भजन्ति नित्यम् ॥ 80.4 ॥

śiras tu tasyobhaya-liṅgam ānamet tad eva yat paśyati tad dhi cakṣuḥ aṅgāni viṣṇor atha taj-janānāṁ pādodakaṁ yāni bhajanti nityam

True indeed is that head which bows to Him present in both the moving and the unmoving; that alone is a true eye which beholds Him; and those alone are true limbs which continually partake of the water that has washed the feet of Vishnu and His devotees.

Verse 5 (bhagavata.10.80.5)

सूत उवाच विष्णुरातेन सम्पृष्टो भगवान् बादरायणिः । वासुदेवे भगवति निमग्नहृदयोऽब्रवीत् ॥ 80.5 ॥

sūta uvāca viṣṇu-rātena sampṛṣṭo bhagavān bādarāyaṇiḥ vāsudeve bhagavati nimagna-hṛdayo ’bravīt

Suta said: Thus questioned by Vishnurata, the illustrious Badarayani, his heart ever immersed in the Supreme Lord Vasudeva, spoke as follows.

Verse 6 (bhagavata.10.80.6)

श्रीशुक उवाच कृष्णस्यासीत् सखा कश्चिद् ब्राह्मणो ब्रह्मवित्तमः । विरक्त इन्द्रियार्थेषु प्रशान्तात्मा जितेन्द्रियः ॥ 80.6 ॥

śrī-śuka uvāca kṛṣṇasyāsīt sakhā kaścid brāhmaṇo brahma-vittamaḥ virakta indriyārtheṣu praśāntātmā jitendriyaḥ

Shri Shukadeva said: Krishna had a certain brahmana friend, most learned in the knowledge of the Absolute, detached from sense objects, of tranquil mind, and master of his senses.

Verse 7 (bhagavata.10.80.7)

यदृच्छयोपपन्नेन वर्तमानो गृहाश्रमी । तस्य भार्या कुचैलस्य क्षुत्क्षामा च तथाविधा ॥ 80.7 ॥

yadṛcchayopapannena vartamāno gṛhāśramī tasya bhāryā ku-cailasya kṣut-kṣāmā ca tathā-vidhā

A householder, he lived on whatever came to him without seeking. His wife too, like her poorly-clad husband, was wasted with hunger.

Verse 8 (bhagavata.10.80.8)

पतिव्रता पतिं प्राह म्लायता वदनेन सा । दरिद्रं सीदमाना वै वेपमानाभिगम्य च ॥ 80.8 ॥

pati-vratā patiṁ prāha mlāyatā vadanena sā daridraṁ sīdamānā vai vepamānābhigamya ca

That devoted wife, her face wan, approached her destitute, distressed husband, trembling as she came, and spoke thus.

Verse 9 (bhagavata.10.80.9)

ननु ब्रह्मन् भगवतः सखा साक्षाच्छ्रियः पतिः । ब्रह्मण्यश्च शरण्यश्च भगवान् सात्वतर्षभः ॥ 80.9 ॥

nanu brahman bhagavataḥ sakhā sākṣāc chriyaḥ patiḥ brahmaṇyaś ca śaraṇyaś ca bhagavān sātvatarṣabhaḥ

"Is it not so, O brahmana, that you are the direct friend of the Blessed Lord, the very consort of Shri? That foremost of the Satvatas is devoted to brahmanas and ever ready to shelter them.

Verse 10 (bhagavata.10.80.10)

तमुपैहि महाभाग साधूनां च परायणम् । दास्यति द्रविणं भूरि सीदते ते कुटुम्बिने ॥ 80.10 ॥

tam upaihi mahā-bhāga sādhūnāṁ ca parāyaṇam dāsyati draviṇaṁ bhūri sīdate te kuṭumbine

Go to Him, O fortunate one, the supreme refuge of the saintly. He will surely bestow abundant wealth on a suffering householder like you."

Verse 11 (bhagavata.10.80.11)

आस्तेऽधुना द्वारवत्यां भोजवृष्ण्यन्धकेश्वरः । स्मरतः पादकमलमात्मानमपि यच्छति । किं न्वर्थकामान् भजतो नात्यभीष्टान् जगद्गुरुः ॥ 80.11 ॥

āste ’dhunā dvāravatyāṁ bhoja-vṛṣṇy-andhakeśvaraḥ smarataḥ pāda-kamalam ātmānam api yacchati kiṁ nv artha-kāmān bhajato nāty-abhīṣṭān jagad-guruḥ

He, lord of the Bhojas, Vrishnis and Andhakas, now dwells in Dvaraka. To one who merely remembers His lotus feet He gives even His own self — what doubt, then, that the guru of the universe would grant wealth and pleasure, things not even truly coveted by His devotee?

Verse 12 (bhagavata.10.80.12)

स एवं भार्यया विप्रो बहुशः प्रार्थितो मुहुः । अयं हि परमो लाभ उत्तमःश्लोकदर्शनम् ॥ 80.12 ॥

sa evaṁ bhāryayā vipro bahuśaḥ prārthito muhuḥ ayaṁ hi paramo lābha uttamaḥśloka-darśanam

Thus urged again and again by his wife, the brahmana reflected: "To behold the Lord of transcendent renown — this indeed is the highest gain."

Verse 13 (bhagavata.10.80.13)

इति सञ्चिन्त्य मनसा गमनाय मतिं दधे । अप्यस्त्युपायनं किञ्चिद् गृहे कल्याणि दीयताम् ॥ 80.13 ॥

iti sañcintya manasā gamanāya matiṁ dadhe apy asty upāyanaṁ kiñcid gṛhe kalyāṇi dīyatām

So resolving in his mind, he decided to go, and said: "My good wife, if there is anything at home fit to offer as a gift, give it to me."

Verse 14 (bhagavata.10.80.14)

याचित्वा चतुरो मुष्टीन् विप्रान् पृथुकतण्डुलान् । चैलखण्डेन तान् बद्ध्वा भर्त्रे प्रादादुपायनम् ॥ 80.14 ॥

yācitvā caturo muṣṭīn viprān pṛthuka-taṇḍulān caila-khaṇḍena tān baddhvā bhartre prādād upāyanam

Begging four handfuls of flattened rice from neighboring brahmanas, she tied it in a scrap of cloth and gave it to her husband as an offering to take along.

Verse 15 (bhagavata.10.80.15)

स तानादाय विप्राग्र्यः प्रययौ द्वारकां किल । कृष्णसन्दर्शनं मह्यं कथं स्यादिति चिन्तयन् ॥ 80.15 ॥

sa tān ādāya viprāgryaḥ prayayau dvārakāṁ kila kṛṣṇa-sandarśanaṁ mahyaṁ kathaṁ syād iti cintayan

Taking it with him, that foremost of brahmanas set out for Dvaraka, wondering all the while, "How shall I obtain sight of Krishna?"

Verse 16 (bhagavata.10.80.16)

त्रीणि गुल्मान्यतीयाय तिस्रः कक्षाश्च सद्विजः । विप्रोऽगम्यान्धकवृष्णीनां गृहेष्वच्युतधर्मिणाम् ॥ 80.16 ॥

trīṇi gulmāny atīyāya tisraḥ kakṣāś ca sa-dvijaḥ vipro ’gamyāndhaka-vṛṣṇīnāṁ gṛheṣv acyuta-dharmiṇām

Passing three guard-posts and three enclosures, that excellent brahmana entered the mansions of Achyuta's devoted Andhaka-Vrishni kinsmen, places ordinarily inaccessible to anyone.

Verse 17 (bhagavata.10.80.17)

गृहं द्वयष्टसहस्राणां महिषीणां हरेर्द्विजः । विवेशैकतमं श्रीमद् ब्रह्मानन्दं गतो यथा ॥ 80.17 ॥

gṛhaṁ dvy-aṣṭa-sahasrāṇāṁ mahiṣīṇāṁ harer dvijaḥ viveśaikatamaṁ śrīmad brahmānandaṁ gato yathā

That brahmana entered one of the opulent palaces of Hari's sixteen thousand queens, feeling as though he had attained the bliss of Brahman itself.

Verse 18 (bhagavata.10.80.18)

तं विलोक्याच्युतो दूरात् प्रियापर्यङ्कमास्थितः । सहसोत्थाय चाभ्येत्य दोर्भ्यां पर्यग्रहीन्मुदा ॥ 80.18 ॥

taṁ vilokyācyuto dūrāt priyā-paryaṅkam āsthitaḥ sahasotthāya cābhyetya dorbhyāṁ paryagrahīn mudā

Seated on His beloved's couch, Lord Achyuta caught sight of him from afar, rose at once, went forward, and joyfully embraced him with both arms.

Verse 19 (bhagavata.10.80.19)

सख्युः प्रियस्य विप्रर्षेरङ्गसङ्गातिनिर्वृतः । प्रीतो व्यमुञ्चदब्बिन्दून् नेत्राभ्यां पुष्करेक्षणः ॥ 80.19 ॥

sakhyuḥ priyasya viprarṣer aṅga-saṅgāti-nirvṛtaḥ prīto vyamuñcad ab-bindūn netrābhyāṁ puṣkarekṣaṇaḥ

Overwhelmed with joy at the touch of his dear brahmana friend's body, the lotus-eyed Lord, moved by love, let tears fall from both His eyes.

Verse 20 (bhagavata.10.80.20)

अथोपवेश्य पर्यङ्के स्वयं सख्युः समर्हणम् । उपहृत्यावनिज्यास्य पादौ पादावनेजनीः ॥ 80.20 ॥

athopaveśya paryaṅke svayam sakhyuḥ samarhaṇam upahṛtyāvanijyāsya pādau pādāvanejanīḥ

Then, seating His friend upon the couch, He Himself brought the articles of honor, washed his feet, and took up that very water in which they had been bathed.

Verse 21 (bhagavata.10.80.21)

अग्रहीच्छिरसा राजन् भगवाँल्लोकपावनः । व्यलिम्पद् दिव्यगन्धेन चन्दनागुरुकुङ्कुमैः ॥ 80.21 ॥

agrahīc chirasā rājan bhagavāḻ loka-pāvanaḥ vyalimpad divya-gandhena candanāguru-kuṅkumaiḥ

O King, the Lord who purifies all worlds took that water upon His own head, and anointed His friend with the divine fragrance of sandalwood, aguru and kumkum.

Verse 22 (bhagavata.10.80.22)

धूपैः सुरभिभिर्मित्रं प्रदीपावलिभिर्मुदा । अर्चित्वावेद्य ताम्बूलं गां च स्वागतमब्रवीत् ॥ 80.22 ॥

dhūpaiḥ surabhibhir mitraṁ pradīpāvalibhir mudā arcitvāvedya tāmbūlaṁ gāṁ ca svāgatam abravīt

He worshipped His friend with fragrant incense and rows of lamps, joyfully offered him betel and a cow, and welcomed him with kind words.

Verse 23 (bhagavata.10.80.23)

कुचैलं मलिनं क्षामं द्विजं धमनिसन्ततम् । देवी पर्यचरत् साक्षाच्चामरव्यजनेन वै ॥ 80.23 ॥

ku-cailaṁ malinaṁ kṣāmaṁ dvijaṁ dhamani-santatam devī paryacarat sākṣāc cāmara-vyajanena vai

The goddess Shri herself, in person, fanned that brahmana with a chamara — poorly clad, soiled, so emaciated his veins showed through his skin.

Verse 24 (bhagavata.10.80.24)

अन्तःपुरजनो दृष्ट्वा कृष्णेनामलकीर्तिना । विस्मितोऽभूदतिप्रीत्या अवधूतं सभाजितम् ॥ 80.24 ॥

antaḥ-pura-jano dṛṣṭvā kṛṣṇenāmala-kīrtinā vismito ’bhūd ati-prītyā avadhūtaṁ sabhājitam

Seeing this disheveled brahmana so lovingly honored by Krishna of spotless fame, all the people of the inner palace were astonished.

Verse 25 (bhagavata.10.80.25)

किमनेन कृतं पुण्यमवधूतेन भिक्षुणा । श्रिया हीनेन लोकेऽस्मिन् गर्हितेनाधमेन च ॥ 80.25 ॥

kim anena kṛtaṁ puṇyam avadhūtena bhikṣuṇā śriyā hīnena loke ’smin garhitenādhamena ca

"What great merit can this shabby, penniless mendicant have earned — he whom this world regards as lowly and despised —

Verse 26 (bhagavata.10.80.26)

योऽसौ त्रिलोकगुरुणा श्रीनिवासेन सम्भृतः । पर्यङ्कस्थां श्रियं हित्वा परिष्वक्तोऽग्रजो यथा ॥ 80.26 ॥

yo ’sau tri-loka-guruṇā śrī-nivāsena sambhṛtaḥ paryaṅka-sthāṁ śriyaṁ hitvā pariṣvakto ’gra-jo yathā

— that the guru of the three worlds, the very abode of Shri, should leave the goddess seated on His own bed and embrace him as though he were an elder brother!"

Verse 27 (bhagavata.10.80.27)

कथयां चक्रतुर्गाथाः पूर्वा गुरुकुले सतोः । आत्मनोर्ललिता राजन् करौ गृह्य परस्परम् ॥ 80.27 ॥

kathayāṁ cakratur gāthāḥ pūrvā gurukule satoḥ ātmanor lalitā rājan karau gṛhya parasparam

O King, holding each other's hands, the two of them fell to recounting the sweet stories of their days together in their guru's household.

Verse 28 (bhagavata.10.80.28)

श्रीभगवानुवाच अपि ब्रह्मन् गुरुकुलाद् भवता लब्धदक्षिणात् । समावृत्तेन धर्मज्ञ भार्योढा सदृशी न वा ॥ 80.28 ॥

śrī-bhagavān uvāca api brahman gurukulād bhavatā labdha-dakṣiṇāt samāvṛttena dharma-jña bhāryoḍhā sadṛśī na vā

The Blessed Lord said: My dear brahmana, versed as you are in dharma, after presenting the guru-dakshina and returning home from our teacher's school, did you marry a wife suited to you, or not?

Verse 29 (bhagavata.10.80.29)

प्रायो गृहेषु ते चित्तमकामविहितं तथा । नैवातिप्रीयसे विद्वन् धनेषु विदितं हि मे ॥ 80.29 ॥

prāyo gṛheṣu te cittam akāma-vihitaṁ tathā naivāti-prīyase vidvan dhaneṣu viditaṁ hi me

Though for the most part occupied with household affairs, your mind, I know, remains untouched by worldly desire; nor, O learned one, do you take much delight in wealth — this I well know.

Verse 30 (bhagavata.10.80.30)

केचित् कुर्वन्ति कर्माणि कामैरहतचेतसः । त्यजन्तः प्रकृतीर्दैवीर्यथाहं लोकसङ्ग्रहम् ॥ 80.30 ॥

kecit kurvanti karmāṇi kāmair ahata-cetasaḥ tyajantaḥ prakṛtīr daivīr yathāhaṁ loka-saṅgraham

Some, having cast off the divine modes of material nature, perform their duties with minds untouched by desire — even as I Myself act, only to guide and instruct the world.

Verse 31 (bhagavata.10.80.31)

कच्चिद् गुरुकुले वासं ब्रह्मन् स्मरसि नौ यतः । द्विजो विज्ञाय विज्ञेयं तमसः पारमश्नुते ॥ 80.31 ॥

kaccid gurukule vāsaṁ brahman smarasi nau yataḥ dvijo vijñāya vijñeyaṁ tamasaḥ pāram aśnute

Do you recall, my brahmana friend, our life together in the guru's household, whence the twice-born, having learned all that is to be learned, crosses beyond the darkness of ignorance?

Verse 32 (bhagavata.10.80.32)

स वै सत्कर्मणां साक्षाद् द्विजातेरिह सम्भवः । आद्योऽङ्ग यत्राश्रमिणां यथाहं ज्ञानदो गुरुः ॥ 80.32 ॥

sa vai sat-karmaṇāṁ sākṣād dvijāter iha sambhavaḥ ādyo ’ṅga yatrāśramiṇāṁ yathāhaṁ jñāna-do guruḥ

My friend, he who gives physical birth is indeed the first guru of the twice-born; he who establishes one in the sacraments and the orders of life is greater still; but he who bestows true knowledge is the highest guru of all — he is as good as Myself.

Verse 33 (bhagavata.10.80.33)

नन्वर्थकोविदा ब्रह्मन् वर्णाश्रमवतामिह । ये मया गुरुणा वाचा तरन्त्यञ्जो भवार्णवम् ॥ 80.33 ॥

nanv artha-kovidā brahman varṇāśrama-vatām iha ye mayā guruṇā vācā taranty añjo bhavārṇavam

Truly, O brahmana, among all who follow the varnashrama system, those alone best understand their own good who, guided by My words as guru, cross with ease this ocean of worldly existence.

Verse 34 (bhagavata.10.80.34)

नाहमिज्याप्रजातिभ्यां तपसोपशमेन वा । तुष्येयं सर्वभूतात्मा गुरुशुश्रूषया यथा ॥ 80.34 ॥

nāham ijyā-prajātibhyāṁ tapasopaśamena vā tuṣyeyaṁ sarva-bhūtātmā guru-śuśrūṣayā yathā

I, the very Self of all beings, am not so pleased by sacrifice, by brahminical birth, by austerity, or by self-restraint, as I am pleased by service rendered to one's guru.

Verse 35 (bhagavata.10.80.35)

अपि नः स्मर्यते ब्रह्मन् वृत्तं निवसतां गुरौ । गुरुदारैश्चोदितानामिन्धनानयने क्वचित् ॥ 80.35 ॥

api naḥ smaryate brahman vṛttaṁ nivasatāṁ gurau guru-dāraiś coditānām indhanānayane kvacit

Do you remember, my brahmana friend, what befell us while living at our guru's house — the time our guru's wife sent us to fetch firewood?

Verse 36 (bhagavata.10.80.36)

प्रविष्टानां महारण्यमपर्तौ सुमहद् द्विज । वातवर्षमभूत्तीव्रं निष्ठुराः स्तनयित्नवः ॥ 80.36 ॥

praviṣṭānāṁ mahāraṇyam apartau su-mahad dvija vāta-varṣam abhūt tīvraṁ niṣṭhurāḥ stanayitnavaḥ

As we entered the great forest, O twice-born one, an untimely and violent storm broke — fierce wind and rain, and harsh peals of thunder.

Verse 37 (bhagavata.10.80.37)

सूर्यश्चास्तं गतस्तावत् तमसा चावृता दिशः । निम्नं कूलं जलमयं न प्राज्ञायत किञ्चन ॥ 80.37 ॥

sūryaś cāstaṁ gatas tāvat tamasā cāvṛtā diśaḥ nimnaṁ kūlaṁ jala-mayaṁ na prājñāyata kiñcana

Just then the sun set, and darkness covered every quarter; with the ground everywhere under water, we could no longer tell high land from low.

Verse 38 (bhagavata.10.80.38)

वयं भृशं तत्र महानिलाम्बुभि- र्निहन्यमाना महुरम्बुसम्प्लवे । दिशोऽविदन्तोऽथ परस्परं वने गृहीतहस्ताः परिबभ्रिमातुराः ॥ 80.38 ॥

vayaṁ bhṛśam tatra mahānilāmbubhir nihanyamānā mahur ambu-samplave diśo ’vidanto ’tha parasparaṁ vane gṛhīta-hastāḥ paribabhrimāturāḥ

There, battered relentlessly by the violent wind and rain amid the flood, unable to tell one direction from another, we wandered about that forest in distress, hand clasped in hand.

Verse 39 (bhagavata.10.80.39)

एतद् विदित्वा उदिते रवौ सान्दीपनिर्गुरुः । अन्वेषमाणो नः शिष्यानाचार्योऽपश्यदातुरान् ॥ 80.39 ॥

etad viditvā udite ravau sāndīpanir guruḥ anveṣamāṇo naḥ śiṣyān ācāryo ’paśyad āturān

Learning of this, our guru Sandipani, at sunrise, set out in search of us, his disciples, and found us in that anguished state.

Verse 40 (bhagavata.10.80.40)

अहो हे पुत्रका यूयमस्मदर्थेऽतिदुःखिताः । आत्मा वै प्राणिनां प्रेष्ठस्तमनादृत्य मत्पराः ॥ 80.40 ॥

aho he putrakā yūyam asmad-arthe ’ti-duḥkhitāḥ ātmā vai prāṇinām preṣṭhas tam anādṛtya mat-parāḥ

(The guru said:) "Ah, my sons, how greatly you have suffered for my sake! One's own body is dearest of all to every living being, yet, devoted to me, you disregarded even that.

Verse 41 (bhagavata.10.80.41)

एतदेव हि सच्छिष्यैः कर्तव्यं गुरुनिष्कृतम् । यद् वै विशुद्धभावेन सर्वार्थात्मार्पणं गुरौ ॥ 80.41 ॥

etad eva hi sac-chiṣyaiḥ kartavyaṁ guru-niṣkṛtam yad vai viśuddha-bhāvena sarvārthātmārpaṇaṁ gurau

This alone is the true disciple's duty and the fitting repayment to his guru: to offer him, with a pure heart, all one's wealth and one's very self."

Verse 42 (bhagavata.10.80.42)

तुष्टोऽहं भो द्विजश्रेष्ठाः सत्याः सन्तु मनोरथाः । छन्दांस्ययातयामानि भवन्त्विह परत्र च ॥ 80.42 ॥

tuṣṭo ’haṁ bho dvija-śreṣṭhāḥ satyāḥ santu manorathāḥ chandāṁsy ayāta-yāmāni bhavantv iha paratra ca

"I am well pleased with you, O foremost of the twice-born. May your desires all come true, and may the Vedic hymns you have studied never lose their potency, here or hereafter."

Verse 43 (bhagavata.10.80.43)

इत्थंविधान्यनेकानि वसतां गुरुवेश्मनि । गुरोरनुग्रहेणैव पुमान् पूर्णः प्रशान्तये ॥ 80.43 ॥

itthaṁ-vidhāny anekāni vasatāṁ guru-veśmani guror anugraheṇaiva pumān pūrṇaḥ praśāntaye

Many such things befell us while dwelling in our guru's household. It is by the guru's grace alone that a person becomes complete and attains true peace.

Verse 44 (bhagavata.10.80.44)

श्रीब्राह्मण उवाच किमस्माभिरनिर्वृत्तं देवदेव जगद्गुरो । भवता सत्यकामेन येषां वासो गुरोरभूत् ॥ 80.44 ॥

śrī-brāhmaṇa uvāca kim asmābhir anirvṛttaṁ deva-deva jagad-guro bhavatā satya-kāmena yeṣāṁ vāso guror abhūt

The brahmana said: O God of gods, O teacher of the universe, what could possibly remain unattained by those who dwelt together with You, whose every wish comes true, at our guru's home?

Verse 45 (bhagavata.10.80.45)

यस्यच्छन्दोमयं ब्रह्म देह आवपनं विभो । श्रेयसां तस्य गुरुषु वासोऽत्यन्तविडम्बनम् ॥ 80.45 ॥

yasya cchando-mayaṁ brahma deha āvapanaṁ vibho śreyasāṁ tasya guruṣu vāso ’tyanta-viḍambanam

O almighty one, whose very body is the Veda-formed Absolute, the wellspring of every good — that You should dwell at the home of a guru is nothing but the sheerest of Your divine plays.