A Summary of Lord Krishna's Glories

Verse 1 (bhagavata.10.90.1)

श्रीशुक उवाच सुखं स्वपुर्यां निवसन् द्वारकायां श्रियः पतिः । सर्वसम्पत्समृद्धायां जुष्टायां वृष्णिपुङ्गवैः ॥ 90.1 ॥

śrī-śuka uvāca sukhaṁ sva-puryāṁ nivasan dvārakāyāṁ śriyaḥ patiḥ sarva-sampat-samṛddhāyāṁ juṣṭāyāṁ vṛṣṇi-puṅgavaiḥ

Shri Shukadeva said: The Lord of the goddess of fortune dwelt happily in His own capital, Dvaraka — a city rich with every opulence, inhabited by the foremost of the Vrishnis.

Verse 2 (bhagavata.10.90.2)

स्त्रीभिश्चोत्तमवेषाभिर्नवयौवनकान्तिभिः । कन्दुकादिभिर्हर्म्येषु क्रीडन्तीभिस्तडिद्द्युभिः ॥ 90.2 ॥

strībhiś cottama-veṣābhir nava-yauvana-kāntibhiḥ kandukādibhir harmyeṣu krīḍantībhis taḍid-dyubhiḥ

Women of radiant youth, richly adorned, would play with balls and other toys on the rooftops of the mansions, shining there like flashes of lightning.

Verse 3 (bhagavata.10.90.3)

नित्यं सङ्कुलमार्गायां मदच्युद्भिर्मतङ्गजैः । स्वलङ्कृतैर्भटैरश्वै रथैश्च कनकोज्ज्वलैः ॥ 90.3 ॥

nityaṁ saṅkula-mārgāyāṁ mada-cyudbhir mataṅ-gajaiḥ sv-alaṅkṛtair bhaṭair aśvai rathaiś ca kanakojjvalaiḥ

The city's roads were forever thronged with elephants exuding rut, richly adorned soldiers, horses, and chariots gleaming with gold.

Verse 4 (bhagavata.10.90.4)

उद्यानोपवनाढ्यायां पुष्पितद्रुमराजिषु । निर्विशद् भृङ्गविहगैर्नादितायां समन्ततः ॥ 90.4 ॥

udyānopavanāḍhyāyāṁ puṣpita-druma-rājiṣu nirviśad-bhṛṅga-vihagair nāditāyāṁ samantataḥ

The city was rich in gardens and groves, where rows of flowering trees resounded on every side with the murmur of hovering bees and birds.

Verse 5 (bhagavata.10.90.5)

रेमे षोडशसाहस्रपत्नीनामेकवल्लभः । तावद्विचित्ररूपोऽसौ तद्गेहेषु महर्द्धिषु ॥ 90.5 ॥

reme ṣoḍaśa-sāhasra- patnīnāṁ eka-vallabhaḥ tāvad vicitra-rūpo ’sau tad-geheṣu maharddhiṣu

The sole beloved of sixteen thousand wives, He, assuming an equal number of wondrous forms, sported simultaneously in each of their magnificent homes.

Verse 6 (bhagavata.10.90.6)

प्रोत्फुल्लोत्पलकह्लारकुमुदाम्भोजरेणुभिः । वासितामलतोयेषु कूजद्द्विजकुलेषु च ॥ 90.6 ॥

protphullotpala-kahlāra- kumudāmbhoja-reṇubhiḥ vāsitāmala-toyeṣu kūjad-dvija-kuleṣu ca

He would sport in those pure waters, fragrant with the pollen of blooming lotuses, kahlaras and kumudas, and echoing with the warbling of birds,

Verse 7 (bhagavata.10.90.7)

विजहार विगाह्याम्भो ह्रदिनीषु महोदयः । कुचकुङ्कुमलिप्ताङ्गः परिरब्धश्च योषिताम् ॥ 90.7 ॥

vijahāra vigāhyāmbho hradinīṣu mahodayaḥ kuca-kuṅkuma-liptāṅgaḥ parirabdhaś ca yoṣitām

that most glorious Lord would immerse Himself and sport in those pools, His body reddened with the kumkum from the embraces of those women.

Verse 8 (bhagavata.10.90.8)

उपगीयमानो गन्धर्वैर्मृदङ्गपणवानकान् । वादयद्भिर्मुदा वीणां सूतमागधवन्दिभिः ॥ 90.8 ॥

upagīyamāno gandharvair mṛdaṅga-paṇavānakān vādayadbhir mudā vīṇāṁ sūta-māgadha-vandibhiḥ

The Gandharvas joyfully sang His praises to the beat of mridangas, panavas and anakas, while the Sutas, Magadhas and court-poets recited hymns of praise to the strains of the vina;

Verse 9 (bhagavata.10.90.9)

सिच्यमानोऽच्युतस्ताभिर्हसन्तीभिः स्म रेचकैः । प्रतिषिञ्चन् विचिक्रीडे यक्षीभिर्यक्षराडिव ॥ 90.9 ॥

sicyamāno ’cyutas tābhir hasantībhiḥ sma recakaiḥ pratiṣiñcan vicikrīḍe yakṣībhir yakṣa-rāḍ iva

In this way Achyuta, drenched by His laughing queens with their water-syringes, and drenching them in turn, sported just as the king of the Yakshas sports amid the Yaksha maidens.

Verse 10 (bhagavata.10.90.10)

ताः क्लिन्नवस्त्रविवृतोरुकुचप्रदेशाः सिञ्चन्त्य उद्धृतबृहत्कवरप्रसूनाः । कान्तं स्म रेचकजिहीर्षययोपगुह्य जातस्मरोत्स्मयलसद्वदना विरेजुः ॥ 90.10 ॥

tāḥ klinna-vastra-vivṛtoru-kuca-pradeśāḥ siñcantya uddhṛta-bṛhat-kavara-prasūnāḥ kāntaṁ sma recaka-jihīrṣayayopaguhya jāta-smarotsmaya-lasad-vadanā virejuḥ

Their wet garments revealing their thighs and breasts, their great braided flowers scattering as they sprayed the water, on the pretext of snatching away His syringe they would fold Him in their embrace — and thus, desire quickening within them, their faces alight with smiles, they shone in radiant beauty.

Verse 11 (bhagavata.10.90.11)

कृष्णस्तु तत्स्तनविषज्जितकुङ्कुमस्रक् क्रीडाभिषङ्गधुतकुन्तलवृन्दबन्धः । सिञ्चन् मुहुर्युवतिभिः प्रतिषिच्यमानो रेमे करेणुभिरिवेभपतिः परीतः ॥ 90.11 ॥

kṛṣṇas tu tat-stana-viṣajjita-kuṅkuma-srak krīḍābhiṣaṅga-dhuta-kuntala-vṛnda-bandhaḥ siñcan muhur yuvatibhiḥ pratiṣicyamāno reme kareṇubhir ivebha-patiḥ parītaḥ

Krishna's own garland grew smeared with kumkum from their breasts, His abundant locks tousled by their playful embraces; sprayed again and again by those young women, and spraying them in turn, He rejoiced just as the lord of elephants rejoices, surrounded by his herd of she-elephants.

Verse 12 (bhagavata.10.90.12)

नटानां नर्तकीनां च गीतवाद्योपजीविनाम् । क्रीडालङ्कारवासांसि कृष्णोऽदात्तस्य च स्त्रियः ॥ 90.12 ॥

naṭānāṁ nartakīnāṁ ca gīta-vādyopajīvinām krīḍālaṅkāra-vāsāṁsi kṛṣṇo ’dāt tasya ca striyaḥ

Afterward, Krishna and His queens would give away the ornaments and garments worn during their water sports to the actors, dancers and musicians who earned their livelihood by singing and playing.

Verse 13 (bhagavata.10.90.13)

कृष्णस्यैवं विहरतो गत्यालापेक्षितस्मितैः । नर्मक्ष्वेलिपरिष्वङ्गैः स्त्रीणां किल हृता धियः ॥ 90.13 ॥

kṛṣṇasyaivaṁ viharato gaty-ālāpekṣita-smitaiḥ narma-kṣveli-pariṣvaṅgaiḥ strīṇāṁ kila hṛtā dhiyaḥ

Thus, as Krishna sported, His gait, His conversation, His glances and smiles, and His jests, playful sportiveness and embraces, would utterly steal away the hearts of those women.

Verse 14 (bhagavata.10.90.14)

ऊचुर्मुकुन्दैकधियो गिर उन्मत्तवज्जडम् । चिन्तयन्त्योऽरविन्दाक्षं तानि मे गदतः शृणु ॥ 90.14 ॥

ūcur mukundaika-dhiyo gira unmatta-vaj jaḍam cintayantyo ’ravindākṣaṁ tāni me gadataḥ śṛṇu

Those queens, their minds fixed on Mukunda alone, thinking constantly of their lotus-eyed Lord, would speak as though deranged, their words half-formed. Hear now from me those very words which I shall relate.

Verse 15 (bhagavata.10.90.15)

महिष्य ऊचुः कुररि विलपसि त्वं वीतनिद्रा न शेषे स्वपिति जगति रात्र्यामीश्वरो गुप्तबोधः । वयमिव सखि कच्चिद् गाढनिर्विद्धचेता नलिननयनहासोदारलीलेक्षितेन ॥ 90.15 ॥

mahiṣya ūcuḥ kurari vilapasi tvaṁ vīta-nidrā na śeṣe svapiti jagati rātryām īśvaro gupta-bodhaḥ vayam iva sakhi kaccid gāḍha-nirviddha-cetā nalina-nayana-hāsodāra-līlekṣitena

The queens said: O kurari bird, you are lamenting, sleepless, unable to rest. The Lord of this whole world, whose awareness never truly sleeps, lies somewhere resting through the night. O friend, are you too, like us, pierced to the depths of your heart by the generous, playfully smiling glance of that lotus-eyed one?

Verse 16 (bhagavata.10.90.16)

नेत्रे निमीलयसि नक्तमदृष्टबन्धु- स्त्वं रोरवीषि करुणं बत चक्रवाकि । दास्यं गत वयमिवाच्युतपादजुष्टां किं वा स्रजं स्पृहयसे कवरेण वोढुम् ॥ 90.16 ॥

netre nimīlayasi naktam adṛṣṭa-bandhus tvaṁ roravīṣi karuṇaṁ bata cakravāki dāsyaṁ gata vayam ivācyuta-pāda-juṣṭāṁ kiṁ vā srajaṁ spṛhayase kavareṇa voḍhum

O chakravaki, you too close your eyes in the night, deprived of your unseen mate, and cry out so pitifully. Have you too, like us, become a servant of Achyuta, longing to wear in your braid a garland that has touched His feet?

Verse 17 (bhagavata.10.90.17)

भो भोः सदा निष्टनसे उदन्व- न्नलब्धनिद्रोऽधिगतप्रजागरः । किं वा मुकुन्दापहृतात्मलाञ्छनः प्राप्तां दशां त्वं च गतो दुरत्ययाम् ॥ 90.17 ॥

bho bhoḥ sadā niṣṭanase udanvann alabdha-nidro ’dhigata-prajāgaraḥ kim vā mukundāpahṛtātma-lāñchanaḥ prāptāṁ daśāṁ tvaṁ ca gato duratyayām

O ocean, you too are forever roaring, never resting at night. Have you also lost your sleep? Or is it, as with us, that Mukunda has taken away your very own treasures, and you too have come to share this same insurmountable condition that we endure?

Verse 18 (bhagavata.10.90.18)

त्वं यक्ष्मणा बलवतासि गृहीत इन्दो क्षीणस्तमो न निजदीधितिभिः क्षिणोषि । कच्चिन्मुकुन्दगदितानि यथा वयं त्वं विस्मृत्य भोः स्थगितगीरुपलक्ष्यसे नः ॥ 90.18 ॥

tvaṁ yakṣmaṇā balavatāsi gṛhīta indo kṣīṇas tamo na nija-dīdhitibhiḥ kṣiṇoṣi kaccin mukunda-gaditāni yathā vayaṁ tvaṁ vismṛtya bhoḥ sthagita-gīr upalakṣyase naḥ

O moon, you too seem seized by some grievous wasting sickness, so weakened that you can no longer dispel the darkness with your own rays. Is it, perhaps, that you too, like us, having forgotten the words Mukunda once spoke, have fallen silent, your voice checked, just as ours has?

Verse 19 (bhagavata.10.90.19)

किं न्वाचरितमस्माभिर्मलयानिल तेऽप्रियम् । गोविन्दापाङ्गनिर्भिन्ने हृदीरयसि नः स्मरम् ॥ 90.19 ॥

kiṁ nv ācaritam asmābhir malayānila te ’priyam govindāpāṅga-nirbhinne hṛdīrayasi naḥ smaram

O breeze from the Malaya mountain, what displeasing thing have we done to you, that you should stir desire yet again in our hearts, already torn open by Govinda's sidelong glance?

Verse 20 (bhagavata.10.90.20)

मेघ श्रीमंस्त्वमसि दयितो यादवेन्द्रस्य नूनं श्रीवत्साङ्कं वयमिव भवान् ध्यायति प्रेमबद्धः । अत्युत्कण्ठः शवलहृदयोऽस्मद्विधो बाष्पधाराः स्मृत्वा स्मृत्वा विसृजसि मुहुर्दुःखदस्तत्प्रसङ्गः ॥ 90.20 ॥

megha śrīmaṁs tvam asi dayito yādavendrasya nūnaṁ śrīvatsāṅkaṁ vayam iva bhavān dhyāyati prema-baddhaḥ aty-utkaṇṭhaḥ śavala-hṛdayo ’smad-vidho bāṣpa-dhārāḥ smṛtvā smṛtvā visṛjasi muhur duḥkha-das tat-prasaṅgaḥ

O glorious cloud, you must surely be dear to that lord of the Yadus who bears the mark of Shrivatsa — you too, like us, bound by love, meditate upon Him alone. Your heart, like ours, grows restless and troubled with longing, and remembering Him again and again, you pour forth streams of tears — such is the pain that comes from association with Him!

Verse 21 (bhagavata.10.90.21)

प्रियरावपदानि भाषसे मृत- सञ्जीविकयानया गिरा । करवाणि किमद्य ते प्रियं वद मे वल्गितकण्ठ कोकिल ॥ 90.21 ॥

priya-rāva-padāni bhāṣase mṛta-sañjīvikayānayā girā karavāṇi kim adya te priyaṁ vada me valgita-kaṇṭha kokila

O sweet-throated cuckoo, in that very voice which could revive the dead, you utter those same beloved sounds we once heard from our dearest, the most eloquent of all speakers. Tell me, what may I do today to please you?

Verse 22 (bhagavata.10.90.22)

न चलसि न वदस्युदारबुद्धे क्षितिधर चिन्तयसे महान्तमर्थम् । अपि बत वसुदेवनन्दनाङ्घ्रि वयमिव कामयसे स्तनैर्विधर्तुम् ॥ 90.22 ॥

na calasi na vadasy udāra-buddhe kṣiti-dhara cintayase mahāntam artham api bata vasudeva-nandanāṅghriṁ vayam iva kāmayase stanair vidhartum

O generous-hearted mountain, you neither stir nor speak — are you pondering some matter of great weight? Or is it, perhaps, that you too, like us, long to bear upon your own breast the feet of Vasudeva's darling son?

Verse 23 (bhagavata.10.90.23)

शुष्यद्ध्रदाः करशिता बत सिन्धुपत्न्यः सम्प्रत्यपास्तकमलश्रिय इष्टभर्तुः । यद्वद् वयं मधुपतेः प्रणयावलोक- मप्राप्य मुष्टहृदयाः पुरुकर्शिताः स्म ॥ 90.23 ॥

śuṣyad-dhradāḥ karaśitā bata sindhu-patnyaḥ sampraty apāsta-kamala-śriya iṣṭa-bhartuḥ yadvad vayaṁ madhu-pateḥ praṇayāvalokam aprāpya muṣṭa-hṛdayāḥ puru-karśitāḥ sma

O rivers, consorts of the ocean, your pools are drying up; you have grown thin, your beauty of lotuses all but gone — have you too, deprived of your beloved husband's affectionate glance, become as we have, our hearts stolen away, utterly wasted for want of the loving look of the Lord of Madhu?

Verse 24 (bhagavata.10.90.24)

हंस स्वागतमास्यतां पिब पयो ब्रूह्यङ्ग शौरेः कथां दूतं त्वां नु विदाम कच्चिदजितः स्वस्त्यास्त उक्तं पुरा । किं वा नश्चलसौहृदः स्मरति तं कस्माद् भजामो वयं क्षौद्रालापय कामदं श्रियमृते सैवैकनिष्ठा स्त्रियाम् ॥ 90.24 ॥

haṁsa svāgatam āsyatāṁ piba payo brūhy aṅga śaureḥ kathāṁ dūtaṁ tvāṁ nu vidāma kaccid ajitaḥ svasty āsta uktaṁ purā kiṁ vā naś cala-sauhṛdaḥ smarati taṁ kasmād bhajāmo vayaṁ kṣaudrālāpaya kāma-daṁ śriyam ṛte saivaika-niṣṭhā striyām

O royal swan, welcome; sit here, drink this milk, and, dear one, tell us some news of the descendant of Shura — we know well that you are His messenger. Is that unconquerable Lord keeping well? Does that fickle-hearted friend of ours still remember the words He once spoke to us? Why indeed should we go on worshiping Him? O servant of that petty-minded mistress, go tell Him, the fulfiller of all our desires, to come here without the goddess of fortune — is she truly His only, undivided beloved?

Verse 25 (bhagavata.10.90.25)

श्रीशुक उवाच इतीदृशेन भावेन कृष्णे योगेश्वरेश्वरे । क्रियमाणेन माधव्यो लेभिरे परमां गतिम् ॥ 90.25 ॥

śrī-śuka uvāca itīdṛśena bhāvena kṛṣṇe yogeśvareśvare kriyamāṇena mādhavyo lebhire paramāṁ gatim

Shri Shukadeva said: Speaking and acting in this manner, filled with such loving devotion toward Lord Krishna, the Lord of even the masters of yoga, His beloved queens attained the supreme destination.

Verse 26 (bhagavata.10.90.26)

श्रुतमात्रोऽपि यः स्त्रीणां प्रसह्याकर्षते मनः । उरुगायोरुगीतो वा पश्यन्तीनां च किं पुनः ॥ 90.26 ॥

śruta-mātro ’pi yaḥ strīṇāṁ prasahyākarṣate manaḥ uru-gāyoru-gīto vā paśyantīnāṁ ca kiṁ punaḥ

He whose very mention, even without being sung and glorified far and wide, forcibly draws away the minds of women — what then of those women who behold Him directly?

Verse 27 (bhagavata.10.90.27)

याः सम्पर्यचरन्प्रेम्णा पादसंवाहनादिभिः । जगद्गुरुं भर्तृबुद्ध्या तासां किं वर्ण्यते तपः ॥ 90.27 ॥

yāḥ samparyacaran premṇā pāda-saṁvāhanādibhiḥ jagad-guruṁ bhartṛ-buddhyā tāsāṁ kim varṇyate tapaḥ

As for those women who, thinking of Him as their very husband, served that guru of the universe with love — through the massaging of His feet and the like — how could their austerity ever be adequately described?

Verse 28 (bhagavata.10.90.28)

एवं वेदोदितं धर्ममनुतिष्ठन् सतां गतिः । गृहं धर्मार्थकामानां मुहुश्चादर्शयत् पदम् ॥ 90.28 ॥

evaṁ vedoditaṁ dharmam anutiṣṭhan satāṁ gatiḥ gṛhaṁ dharmārtha-kāmānāṁ muhuś cādarśayat padam

Thus, observing the duties enjoined by the Vedas, the Lord, the supreme goal of the saintly, repeatedly showed how the aims of dharma, artha and kama could all be attained within household life itself.

Verse 29 (bhagavata.10.90.29)

आस्थितस्य परं धर्मं कृष्णस्य गृहमेधिनाम् । आसन् षोडशसाहस्रं महिष्यश्च शताधिकम् ॥ 90.29 ॥

āsthitasya paraṁ dharmaṁ kṛṣṇasya gṛha-medhinām āsan ṣoḍaśa-sāhasraṁ mahiṣyaś ca śatādhikam

Established in the highest dharma of a householder, Lord Krishna had sixteen thousand one hundred wives.

Verse 30 (bhagavata.10.90.30)

तासां स्त्रीरत्नभूतानामष्टौ याः प्रागुदाहृताः । रुक्मिणीप्रमुखा राजंस्तत्पुत्राश्चानुपूर्वशः ॥ 90.30 ॥

tāsāṁ strī-ratna-bhūtānām aṣṭau yāḥ prāg udāhṛtāḥ rukmiṇī-pramukhā rājaṁs tat-putrāś cānupūrvaśaḥ

O King, among those jewel-like women, I have already described in order the eight chief queens headed by Rukmini, and, in turn, their sons as well.

Verse 31 (bhagavata.10.90.31)

एकैकस्यां दश दश कृष्णोऽजीजनदात्मजान् । यावत्य आत्मनो भार्या अमोघगतिरीश्वरः ॥ 90.31 ॥

ekaikasyāṁ daśa daśa kṛṣṇo ’jījanad ātmajān yāvatya ātmano bhāryā amogha-gatir īśvaraḥ

Krishna, the Lord whose every effort is unfailing, begot ten sons upon each and every one of His wives.

Verse 32 (bhagavata.10.90.32)

तेषामुद्दामवीर्याणामष्टादश महारथाः । आसन्नुदारयशसस्तेषां नामानि मे शृणु ॥ 90.32 ॥

teṣām uddāma-vīryāṇām aṣṭā-daśa mahā-rathāḥ āsann udāra-yaśasas teṣāṁ nāmāni me śṛṇu

Among those sons of boundless valor, eighteen were mahā-rathas of far-reaching renown. Now hear their names from me.

Verse 33 (bhagavata.10.90.33)

प्रद्युम्नश्चानिरुद्धश्च दीप्तिमान् भानुरेव च । साम्बो मधुर्बृहद्भानुश्चित्रभानुर्वृकोऽरुणः ॥ 90.33 ॥

pradyumnaś cāniruddhaś ca dīptimān bhānur eva ca sāmbo madhur bṛhadbhānuś citrabhānur vṛko ’ruṇaḥ

Pradyumna, Aniruddha, Diptiman, Bhanu, Samba, Madhu, Brihadbhanu, Chitrabhanu, Vrika and Aruna —

Verse 34 (bhagavata.10.90.34)

पुष्करो वेदबाहुश्च श्रुतदेवः सुनन्दनः । चित्रबाहुर्विरूपश्च कविर्न्यग्रोध एव च ॥ 90.34 ॥

puṣkaro vedabāhuś ca śrutadevaḥ sunandanaḥ citrabāhur virūpaś ca kavir nyagrodha eva ca

Pushkara, Vedabahu, Shrutadeva, Sunandana, Chitrabahu, Virupa, Kavi and Nyagrodha — these were the eighteen mahā-rathas.

Verse 35 (bhagavata.10.90.35)

एतेषामपि राजेन्द्र तनुजानां मधुद्विषः । प्रद्युम्न आसीत् प्रथमः पितृवद् रुक्मिणीसुतः ॥ 90.35 ॥

eteṣām api rājendra tanu-jānāṁ madhu-dviṣaḥ pradyumna āsīt prathamaḥ pitṛ-vad rukmiṇī-sutaḥ

O foremost of kings, among these sons of Krishna, the enemy of Madhu, the most eminent was Rukmini's son Pradyumna, who resembled his father in every way.

Verse 36 (bhagavata.10.90.36)

स रुक्मिणो दुहितरमुपयेमे महारथः । तस्यां ततोऽनिरुद्धोऽभूत्नागायतबलान्वितः ॥ 90.36 ॥

sa rukmiṇo duhitaram upayeme mahā-rathaḥ tasyāṁ tato ’niruddho ’bhūt nāgāyata-balānvitaḥ

That great warrior married the daughter of Rukmi, and by her was born Aniruddha, endowed with the strength of ten thousand elephants.

Verse 37 (bhagavata.10.90.37)

स चापि रुक्मिणः पौत्रीं दौहित्रो जगृहे ततः । वज्रस्तस्याभवद् यस्तु मौषलादवशेषितः ॥ 90.37 ॥

sa cāpi rukmiṇaḥ pautrīṁ dauhitro jagṛhe tataḥ vajras tasyābhavad yas tu mauṣalād avaśeṣitaḥ

He, in turn, married Rukmi's own granddaughter, and from her was born Vajra, who would remain among the very few Yadus to survive the battle of the clubs.

Verse 38 (bhagavata.10.90.38)

प्रतिबाहुरभूत्तस्मात् सुबाहुस्तस्य चात्मजः । सुबाहोः शान्तसेनोऽभूच्छतसेनस्तु तत्सुतः ॥ 90.38 ॥

pratibāhur abhūt tasmāt subāhus tasya cātmajaḥ subāhoḥ śāntaseno ’bhūc chatasenas tu tat-sutaḥ

From Vajra was born Pratibahu, and his son was Subahu; from Subahu came Shantasena, and Shantasena's son was Shatasena.

Verse 39 (bhagavata.10.90.39)

न ह्येतस्मिन् कुले जाता अधना अबहुप्रजाः । अल्पायुषोऽल्पवीर्याश्च अब्रह्मण्याश्च जज्ञिरे ॥ 90.39 ॥

na hy etasmin kule jātā adhanā abahu-prajāḥ alpāyuṣo ’lpa-vīryāś ca abrahmaṇyāś ca jajñire

No one ever born in this dynasty was found lacking in wealth or in progeny, nor short-lived, nor weak in valor, nor neglectful of brahminical culture.

Verse 40 (bhagavata.10.90.40)

यदुवंशप्रसूतानां पुंसां विख्यातकर्मणाम् । सङ्ख्या न शक्यते कर्तुमपि वर्षायुतैर्नृप ॥ 90.40 ॥

yadu-vaṁśa-prasūtānāṁ puṁsāṁ vikhyāta-karmaṇām saṅkhyā na śakyate kartum api varṣāyutair nṛpa

O King, the number of men of renowned deeds born in the Yadu dynasty could not be counted even over thousands upon thousands of years.

Verse 41 (bhagavata.10.90.41)

तिस्रः कोट्यः सहस्राणामष्टाशीतिशतानि च । आसन् यदुकुलाचार्याः कुमाराणामिति श्रुतम् ॥ 90.41 ॥

tisraḥ koṭyaḥ sahasrāṇām aṣṭāśīti-śatāni ca āsan yadu-kulācāryāḥ kumārāṇām iti śrutam

It is heard that no fewer than three hundred and eighty-eight million teachers were engaged solely in educating the children of the Yadu dynasty.

Verse 42 (bhagavata.10.90.42)

सङ्ख्यानं यादवानां कः करिष्यति महात्मनाम् । यत्रायुतानामयुतलक्षेणास्ते स आहुकः ॥ 90.42 ॥

saṅkhyānaṁ yādavānāṁ kaḥ kariṣyati mahātmanām yatrāyutānām ayuta- lakṣeṇāste sa āhukaḥ

Who indeed could count all those great-souled Yadavas, when King Ugrasena alone was attended by tens of billions of followers?

Verse 43 (bhagavata.10.90.43)

देवासुराहवहता दैतेया ये सुदारुणाः । ते चोत्पन्ना मनुष्येषु प्रजा दृप्ता बबाधिरे ॥ 90.43 ॥

devāsurāhava-hatā daiteyā ye su-dāruṇāḥ te cotpannā manuṣyeṣu prajā dṛptā babādhire

Those most fearsome demons, slain in ages past in the wars between the gods and the demons, took birth again among men and, grown arrogant, began to oppress the people.

Verse 44 (bhagavata.10.90.44)

तन्निग्रहाय हरिणा प्रोक्ता देवा यदोः कुले । अवतीर्णाः कुलशतं तेषामेकाधिकं नृप ॥ 90.44 ॥

tan-nigrahāya hariṇā proktā devā yadoḥ kule avatīrṇāḥ kula-śataṁ teṣām ekādhikaṁ nṛpa

O King, to subdue them, Lord Hari commanded the gods to take birth in the Yadu dynasty — they descended, dividing themselves into one hundred and one branches.

Verse 45 (bhagavata.10.90.45)

तेषां प्रमाणं भगवान् प्रभुत्वेनाभवद्धरिः । ये चानुवर्तिनस्तस्य ववृधुः सर्वयादवाः ॥ 90.45 ॥

teṣāṁ pramāṇaṁ bhagavān prabhutvenābhavad dhariḥ ye cānuvartinas tasya vavṛdhuḥ sarva-yādavāḥ

The Lord Hari, by His very lordship, remained the ultimate authority for them all; and all the Yadavas who followed Him accordingly prospered and flourished.

Verse 46 (bhagavata.10.90.46)

शय्यासनाटनालापक्रीडास्नानादिकर्मसु । न विदुः सन्तमात्मानं वृष्णयः कृष्णचेतसः ॥ 90.46 ॥

śayyāsanāṭanālāpa- krīḍā-snānādi-karmasu na viduḥ santam ātmānaṁ vṛṣṇayaḥ kṛṣṇa-cetasaḥ

In lying down, sitting, wandering, conversing, playing, bathing and every other act, the Vrishnis, their consciousness absorbed wholly in Krishna, forgot even their own separate existence.

Verse 47 (bhagavata.10.90.47)

तीर्थं चक्रे नृपोनं यदजनि यदुषु स्वःसरित्पादशौचं विद्विट्स्निग्धाः स्वरूपं ययुरजितपरा श्रीर्यदर्थेऽन्ययत्नः । यन्नामामङ्गलघ्नं श्रुतमथ गदितं यत्कृतो गोत्रधर्मः कृष्णस्यैतन्न चित्रं क्षितिभरहरणं कालचक्रायुधस्य ॥ 90.47 ॥

tīrthaṁ cakre nṛponaṁ yad ajani yaduṣu svaḥ-sarit pāda-śaucaṁ vidviṭ-snigdhāḥ svarūpaṁ yayur ajita-para śrīr yad-arthe ’nya-yatnaḥ yan-nāmāmaṅgala-ghnaṁ śrutam atha gaditaṁ yat-kṛto gotra-dharmaḥ kṛṣṇasyaitan na citraṁ kṣiti-bhara-haraṇaṁ kāla-cakrāyudhasya

The celestial Ganga is a holy place because her waters wash Krishna's feet — yet when the Lord Himself descended among the Yadus, His own glory eclipsed even the Ganga as a place of pilgrimage. Both those who hated Him and those who loved Him attained forms like His own. That unattainable, ever self-satisfied goddess of fortune, for whose favor all others strive, belongs to Him alone. His name, heard or spoken, destroys all inauspiciousness. He Himself established the very traditions followed by the lineages of sages. For Him, whose weapon is the wheel of time itself, is it any wonder at all that He should lift the burden of the earth?

Verse 48 (bhagavata.10.90.48)

जयति जननिवासो देवकीजन्मवादो यदुवरपरिषत्स्वैर्दोर्भिरस्यन्नधर्मम् । स्थिरचरवृजिनघ्नः सुस्मितश्रीमुखेन व्रजपुरवनितानां वर्धयन् कामदेवम् ॥ 90.48 ॥

jayati jana-nivāso devakī-janma-vādo yadu-vara-pariṣat svair dorbhir asyann adharmam sthira-cara-vṛjina-ghnaḥ su-smita-śrī-mukhena vraja-pura-vanitānāṁ vardhayan kāma-devam

All glory to Him, the refuge of all beings, known as the son of Devaki, who in the assembly of the foremost Yadus casts out unrighteousness with His own mighty arms, who destroys the sins of all creatures moving and unmoving, and who, with His gracious, smiling face, ever deepens the loving longing of the women of Vraja!

Verse 49 (bhagavata.10.90.49)

इत्थं परस्य निजवर्त्मरिरक्षयात्त- लीलातनोस्तदनुरूपविडम्बनानि । कर्माणि कर्मकषणानि यदूत्तमस्य श्रूयादमुष्य पदयोरनुवृत्तिमिच्छन् ॥ 90.49 ॥

itthaṁ parasya nija-vartma-rirakṣayātta- līlā-tanos tad-anurūpa-viḍambanāni karmāṇi karma-kaṣaṇāni yadūttamasya śrūyād amuṣya padayor anuvṛttim icchan

Thus, in order to protect His own path, the Supreme Person, Krishna, best of the Yadus, assumed the pastime-form and enacted these deeds befitting His nature — deeds that wear away the bondage of karma. One who desires to follow in His footsteps should hear them.

Verse 50 (bhagavata.10.90.50)

मर्त्यस्तयानुसवमेधितया मुकुन्द- श्रीमत्कथाश्रवणकीर्तनचिन्तयैति । तद्धाम दुस्तरकृतान्तजवापवर्गं ग्रामाद् वनं क्षितिभुजोऽपि ययुर्यदर्थाः ॥ 90.50 ॥

martyas tayānusavam edhitayā mukunda śrīmat-kathā-śravaṇa-kīrtana-cintayaiti tad dhāma dustara-kṛtānta-javāpavargaṁ grāmād vanaṁ kṣiti-bhujo ’pi yayur yad-arthāḥ

By constantly hearing, chanting and meditating upon these beautiful accounts of Mukunda, with ever-growing faith, a mortal being attains that supreme abode of His, where the relentless force of time can never reach — and it is for this very purpose that even kings abandoned their homes and villages and took shelter in the forest.