The Path of Devotion (Bhakti-yoga)

Verse 1 (bhagavata.11.29.1)

श्रीउद्धव उवाच सुदुस्तरामिमां मन्ये योगचर्यामनात्मनः । यथाञ्जसा पुमान् सिद्ध्येत् तन्मे ब्रूह्यञ्जसाच्युत ॥ १ ॥

śrī-uddhava uvāca su-dustarām imāṁ manye yoga-caryām anātmanaḥ yathāñjasā pumān siddhyet tan me brūhy añjasācyuta

Sri Uddhava said: O Achyuta, I think this practice of yoga is very difficult indeed for one who has not mastered his own self. Please tell me plainly how a person may attain perfection in it with ease.

Verse 2 (bhagavata.11.29.2)

प्रायशः पुण्डरीकाक्ष युञ्जन्ते योगिनो मनः । विषीदन्त्यसमाधानान्मनोनिग्रहकर्शिताः ॥ २ ॥

prāyaśaḥ puṇḍarīkākṣa yuñjanto yogino manaḥ viṣīdanty asamādhānān mano-nigraha-karśitāḥ

O lotus-eyed one, yogis who strive to control the mind generally grow disheartened when they cannot attain steadiness, and grow weary from the effort of subduing the mind.

Verse 3 (bhagavata.11.29.3)

अथात आनन्ददुघं पदाम्बुजं हंसाः श्रयेरन्नरविन्दलोचन । सुखं नु विश्वेश्वर योगकर्मभि- स्त्वन्माययामी विहता न मानिनः ॥ ३ ॥

athāta ānanda-dughaṁ padāmbujaṁ haṁsāḥ śrayerann aravinda-locana sukhaṁ nu viśveśvara yoga-karmabhis tvan-māyayāmī vihatā na māninaḥ

Therefore, O lotus-eyed Lord of the universe, swan-like souls happily take shelter of Your lotus feet, the very source of bliss; but those who take pride in their own yoga and ritual work are undone by Your maya and fail to do so.

Verse 4 (bhagavata.11.29.4)

किं चित्रमच्युत तवैतदशेषबन्धोदासेष्वनन्यशरणेषु यदात्मसात्त्वम् । योऽरोचयत् सह मृगैः स्वयमीश्वराणांश्रीमत्किरीटतटपीडितपादपीठः ॥ ४ ॥

kiṁ citram acyuta tavaitad aśeṣa-bandho dāseṣv ananya-śaraṇesu yad ātma-sāttvam yo 'rocayat saha mṛgaiḥ svayam īśvarāṇāṁ śrīmat-kirīṭa-taṭa-pīḍita-pāda-pīṭhaḥ

O infallible one, O friend of all, what wonder is it that You show such warmth to servants who have no other shelter but You — You, whose footstool is pressed by the very crowns of great lords, yet who Yourself delighted in the company of monkeys!

Verse 5 (bhagavata.11.29.5)

तं त्वाखिलात्मदयितेश्वरमाश्रितानां सर्वार्थदं स्वकृतविद् विसृजेत को नु । को वा भजेत् किमपि विस्मृतयेऽनु भूत्यै किं वा भवेन्न तव पादरजोजुषां नः ॥ ५ ॥

taṁ tvākhilātma-dayiteśvaram āśritānāṁ sarvārtha-daṁ sva-kṛta-vid visṛjeta ko nu ko vā bhajet kim api vismṛtaye 'nu bhūtyai kiṁ vā bhaven na tava pāda-rajo-juṣāṁ naḥ

Who indeed, knowing what You do, could ever forsake You — the Self of all, the beloved Lord who grants everything to those who take refuge in You? Who would worship anything else, only to end in forgetting You? What indeed is lacking for us who serve the dust of Your feet?

Verse 6 (bhagavata.11.29.6)

नैवोपयन्त्यपचितिं कवयस्तवेश ब्रह्मायुषापि कृतमृद्धमुदः स्मरन्तः । योऽन्तर्बहिस्तनुभृतामशुभं विधुन्वन्न आचार्यचैत्त्यवपुषा स्वगतिं व्यनक्ति ॥ ६ ॥

naivopayanty apacitiṁ kavayas taveśa brahmāyuṣāpi kṛtam ṛddha-mudaḥ smarantaḥ yo 'ntar bahis tanu-bhṛtām aśubhaṁ vidhunvann ācārya-caittya-vapuṣā sva-gatiṁ vyanakti

O Lord, even with a lifespan equal to Brahma's, the wise, filled with joy remembering all You have done, could never repay their debt to You — You who, sweeping away the impurity of embodied souls both within and without, reveal the way to Yourself through the twin forms of the teacher and the indwelling witness.

Verse 7 (bhagavata.11.29.7)

श्रीशुक उवाच इत्युद्धवेनात्यनुरक्तचेतसा पृष्टो जगत्क्रीडनकः स्वशक्तिभिः । गृहीतमूर्तित्रय ईश्वरेश्वरो जगाद सप्रेममनोहरस्मितः ॥ ७ ॥

śrī-śuka uvāca ity uddhavenāty-anurakta-cetasā pṛṣṭo jagat-krīḍanakaḥ sva-śaktibhiḥ gṛhīta-mūrti-traya īśvareśvaro jagāda sa-prema-manohara-smitaḥ

Sri Shukadeva said: Thus questioned by the deeply loving Uddhava, the Lord of lords, who plays with the universe through His own powers and who has taken up the three forms, began to speak, smiling a loving, captivating smile.

Verse 8 (bhagavata.11.29.8)

श्रीभगवानुवाच हन्त ते कथयिष्यामि मम धर्मान् सुमङ्गलान् । यान् श्रद्धयाचरन् मर्त्यो मृत्युं जयति दुर्जयम् ॥ ८ ॥

śrī-bhagavān uvāca hanta te kathayiṣyāmi mama dharmān su-maṅgalān yān śraddhayācaran martyo mṛtyuṁ jayati durjayam

The Blessed Lord said: Very well, I shall tell you of My most auspicious principles of devotion, by practicing which with faith even a mortal conquers death, so hard to conquer.

Verse 9 (bhagavata.11.29.9)

कुर्यात् सर्वाणि कर्माणि मदर्थं शनकैः स्मरन् । मय्यर्पितमनश्चित्तो मद्धर्मात्ममनोरतिः ॥ ९ ॥

kuryāt sarvāṇi karmāṇi mad-arthaṁ śanakaiḥ smaran mayy arpita-manaś-citto mad-dharmātma-mano-ratiḥ

One should perform all actions for My sake, gently keeping Me in remembrance, offering one's mind and heart to Me, and finding delight for the mind in the practice of devotion to Me.

Verse 10 (bhagavata.11.29.10)

देशान् पुण्यानाश्रयेत मद्भक्तैः साधुभिः श्रितान् । देवासुरमनुष्येषु मद्भक्ताचरितानि च ॥ १० ॥

deśān puṇyān āśrayeta mad-bhaktaiḥ sādhubhiḥ śritān devāsura-manuṣyeṣu mad-bhaktācaritāni ca

One should take shelter of holy places inhabited by My saintly devotees, and follow the conduct of My devotees, whether born among gods, demons or men.

Verse 11 (bhagavata.11.29.11)

पृथक् सत्रेण वा मह्यं पर्वयात्रामहोत्सवान् । कारयेद् गीतनृत्याद्यैर्महाराजविभूतिभिः ॥ ११ ॥

pṛthak satreṇa vā mahyaṁ parva-yātrā-mahotsavān kārayed gīta-nṛtyādyair mahārāja-vibhūtibhiḥ

Alone or through a collective observance, one should arrange festivals, processions and great celebrations for Me, with song, dance and splendor fit for royalty.

Verse 12 (bhagavata.11.29.12)

मामेव सर्वभूतेषु बहिरन्तरपावृतम् । ईक्षेतात्मनि चात्मानं यथा खममलाशयः ॥ १२ ॥

mām eva sarva-bhūteṣu bahir antar apāvṛtam īkṣetātmani cātmānaṁ yathā kham amalāśayaḥ

With a pure heart, one should see Me alone — present unveiled, both within and outside every being, and as the very self within the self — just as the sky is present everywhere yet untouched.

Verse 13 (bhagavata.11.29.13)

इति सर्वाणि भूतानि मद्भावेन महाद्युते । सभाजयन् मन्यमानो ज्ञानं केवलमाश्रितः ॥ १३ ॥

iti sarvāṇi bhūtāni mad-bhāvena mahā-dyute sabhājayan manyamāno jñānaṁ kevalam āśritaḥ

O radiant Uddhava, one who thus honors all beings, holding this understanding that I dwell within them, is said to have taken refuge in pure knowledge alone.

Verse 14 (bhagavata.11.29.14)

ब्राह्मणे पुक्कसे स्तेने ब्रह्मण्येऽर्के स्फुलिङ्गके । अक्रूरे क्रूरके चैव समदृक् पण्डितो मतः ॥ १४ ॥

brāhmaṇe pukkase stene brahmaṇye 'rke sphuliṅgake akrūre krūrake caiva sama-dṛk paṇḍito mataḥ

One who looks equally upon the brahmana and the outcaste, upon the thief and the patron of brahminical virtue, upon the sun and a mere spark, upon the gentle and the cruel — such a one is considered truly learned.

Verse 15 (bhagavata.11.29.15)

नरेष्वभीक्ष्णं मद्भावं पुंसो भावयतोऽचिरात् । स्पर्धासूयातिरस्काराः साहङ्कारा वियन्ति हि ॥ १५ ॥

nareṣv abhīkṣṇaṁ mad-bhāvaṁ puṁso bhāvayato 'cirāt spardhāsūyā-tiraskārāḥ sāhaṅkārā viyanti hi

For the person who constantly cultivates the sense of My presence within others, rivalry, envy, contempt and the pride that feeds them are all soon destroyed.

Verse 16 (bhagavata.11.29.16)

विसृज्य स्मयमानान् स्वान् दृशं व्रीडां च दैहिकीम् । प्रणमेद् दण्डवद् भूमावाश्वचाण्डालगोखरम् ॥ १६ ॥

visṛjya smayamānān svān dṛśaṁ vrīḍāṁ ca daihikīm praṇamed daṇḍa-vad bhūmāv ā-śva-cāṇḍāla-go-kharam

Disregarding the mockery of others, and giving up bodily pride and its accompanying shame, one should bow down flat on the ground like a rod — even before a dog, an outcaste, a cow or a donkey.

Verse 17 (bhagavata.11.29.17)

यावत् सर्वेषु भूतेषु मद्भावो नोपजायते । तावदेवमुपासीत वाङ्मनःकायवृत्तिभिः ॥ १७ ॥

yāvat sarveṣu bhūteṣu mad-bhāvo nopajāyate tāvad evam upāsīta vāṅ-manaḥ-kāya-vṛttibhiḥ

Until this sense of My presence within all beings has fully awakened, one should continue worshiping in this manner, through the actions of speech, mind and body.

Verse 18 (bhagavata.11.29.18)

सर्वं ब्रह्मात्मकं तस्य विद्ययात्ममनीषया । परिपश्यन्नुपरमेत् सर्वतो मुक्तसंशयः ॥ १८ ॥

sarvaṁ brahmātmakaṁ tasya vidyayātma-manīṣayā paripaśyann uparamet sarvato mukta-saṁśayaḥ

Through this knowledge and the discernment of the self, seeing everything as grounded in Brahman, a person becomes free of doubt on every side and finds rest.

Verse 19 (bhagavata.11.29.19)

अयं हि सर्वकल्पानां सध्रीचीनो मतो मम । मद्भावः सर्वभूतेषु मनोवाक्कायवृत्तिभिः ॥ १९ ॥

ayaṁ hi sarva-kalpānāṁ sadhrīcīno mato mama mad-bhāvaḥ sarva-bhūteṣu mano-vāk-kāya-vṛttibhiḥ

This — cultivating the sense of My presence in all beings through the workings of mind, speech and body — is, in My view, the most direct of all methods.

Verse 20 (bhagavata.11.29.20)

न ह्यङ्गोपक्रमे ध्वंसो मद्धर्मस्योद्धवाण्वपि । मया व्यवसितः सम्यङ्निर्गुणत्वादनाशिषः ॥ २० ॥

na hy aṅgopakrame dhvaṁso mad-dharmasyoddhavāṇv api mayā vyavasitaḥ samyaṅ nirguṇatvād anāśiṣaḥ

My dear Uddhava, this devotion to Me is never lost, not even in the slightest, right from its very beginning — because, established by Me Myself, it is beyond the modes and free of any desire for return.

Verse 21 (bhagavata.11.29.21)

यो यो मयि परे धर्मः कल्प्यते निष्फलाय चेत् । तदायासो निरर्थः स्याद् भयादेरिव सत्तम ॥ २१ ॥

yo yo mayi pare dharmaḥ kalpyate niṣphalāya cet tad-āyāso nirarthaḥ syād bhayāder iva sattama

O best of the virtuous, whatever act of devotion is offered to Me, the Supreme, without hope of reward, that effort is never wasted — unlike ordinary human anxieties such as fear, which achieve nothing.

Verse 22 (bhagavata.11.29.22)

एषा बुद्धिमतां बुद्धिर्मनीषा च मनीषिणाम् । यत् सत्यमनृतेनेह मर्त्येनाप्नोति मामृतम् ॥ २२ ॥

eṣā buddhimatāṁ buddhir manīṣā ca manīṣiṇām yat satyam anṛteneha martyenāpnoti māmṛtam

This is the true wisdom of the wise, the true intelligence of the intelligent — that through this mortal, unreal life itself, a person attains Me, the real, the deathless.

Verse 23 (bhagavata.11.29.23)

एष तेऽभिहितः कृत्स्नो ब्रह्मवादस्य सङ्ग्रहः । समासव्यासविधिना देवानामपि दुर्गमः ॥ २३ ॥

eṣa te 'bhihitaḥ kṛtsno brahma-vādasya saṅgrahaḥ samāsa-vyāsa-vidhinā devānām api durgamaḥ

Thus, both in brief and at length, I have told you this complete summary of the teaching on Brahman — a teaching hard to reach even for the gods.

Verse 24 (bhagavata.11.29.24)

अभीक्ष्णशस्ते गदितं ज्ञानं विस्पष्टयुक्तिमत् । एतद् विज्ञाय मुच्येत पुरुषो नष्टसंशयः ॥ २४ ॥

abhīkṣṇaśas te gaditaṁ jñānaṁ vispaṣṭa-yuktimat etad vijñāya mucyeta puruṣo naṣṭa-saṁśayaḥ

This clear and reasoned knowledge has been told to you again and again. Understanding it fully, a person becomes free of doubt and attains liberation.

Verse 25 (bhagavata.11.29.25)

सुविविक्तं तव प्रश्नं मयैतदपि धारयेत् । सनातनं ब्रह्मगुह्यं परं ब्रह्माधिगच्छति ॥ २५ ॥

su-viviktaṁ tava praśnaṁ mayaitad api dhārayet sanātanaṁ brahma-guhyaṁ paraṁ brahmādhigacchati

Whoever holds fast within his heart to this clear answer I have given to your question attains the eternal, secret Supreme Brahman.

Verse 26 (bhagavata.11.29.26)

य एतन्मम भक्तेषु सम्प्रदद्यात् सुपुष्कलम् । तस्याहं ब्रह्मदायस्य ददाम्यात्मानमात्मना ॥ २६ ॥

ya etan mama bhakteṣu sampradadyāt su-puṣkalam tasyāhaṁ brahma-dāyasya dadāmy ātmānam ātmanā

To one who gives this teaching fully and freely to My devotees, I give My very own self, considering him a giver of Brahman.

Verse 27 (bhagavata.11.29.27)

य एतत् समधीयीत पवित्रं परमं शुचि । स पूयेताहरहर्मां ज्ञानदीपेन दर्शयन् ॥ २७ ॥

ya etat samadhīyīta pavitraṁ paramaṁ śuci sa pūyetāhar ahar māṁ jñāna-dīpena darśayan

One who studies this supremely sacred and pure knowledge grows purer day by day, revealing Me to others by the lamp of that knowledge.

Verse 28 (bhagavata.11.29.28)

य एतच्छ्रद्धया नित्यमव्यग्रः शृणुयान्नरः । मयि भक्तिं परां कुर्वन् कर्मभिर्न स बध्यते ॥ २८ ॥

ya etac chraddhayā nityam avyagraḥ śṛṇuyān naraḥ mayi bhaktiṁ parāṁ kurvan karmabhir na sa badhyate

A person who constantly and attentively listens to this with faith, cultivating supreme devotion to Me, is never bound by the reactions of his works.

Verse 29 (bhagavata.11.29.29)

अप्युद्धव त्वया ब्रह्म सखे समवधारितम् । अपि ते विगतो मोहः शोकश्चासौ मनोभवः ॥ २९ ॥

apy uddhava tvayā brahma sakhe samavadhāritam api te vigato mohaḥ śokaś cāsau mano-bhavaḥ

My dear friend Uddhava, have you now fully grasped this knowledge of Brahman? Has the confusion and grief that arose in your mind now departed?

Verse 30 (bhagavata.11.29.30)

नैतत्त्वया दाम्भिकाय नास्तिकाय शठाय च । अशुश्रूषोरभक्ताय दुर्विनीताय दीयताम् ॥ ३० ॥

naitat tvayā dāmbhikāya nāstikāya śaṭhāya ca aśuśrūṣor abhaktāya durvinītāya dīyatām

This teaching should never be given by you to the hypocrite, the unbeliever, the deceitful, the unwilling listener, the non-devotee, or the ill-mannered.

Verse 31 (bhagavata.11.29.31)

एतैर्दोषैर्विहीनाय ब्रह्मण्याय प्रियाय च । साधवे शुचये ब्रूयाद् भक्तिः स्याच्छूद्रयोषिताम् ॥ ३१ ॥

etair doṣair vihīnāya brahmaṇyāya priyāya ca sādhave śucaye brūyād bhaktiḥ syāc chūdra-yoṣitām

It should be given to one free from these faults — devoted to brahmanical values, dear, saintly and pure. And if devotion is found even among shudras or women, it may be given to them as well.

Verse 32 (bhagavata.11.29.32)

नैतद् विज्ञाय जिज्ञासोर्ज्ञातव्यमवशिष्यते । पीत्वा पीयूषममृतं पातव्यं नावशिष्यते ॥ ३२ ॥

naitad vijñāya jijñāsor jñātavyam avaśiṣyate pītvā pīyūṣam amṛtaṁ pātavyaṁ nāvaśiṣyate

For the seeker who has understood this, nothing further remains to be known — just as, once one has drunk the nectar of immortality, nothing remains left to drink.

Verse 33 (bhagavata.11.29.33)

ज्ञाने कर्मणि योगे च वार्तायां दण्डधारणे । यावानर्थो नृणां तात तावांस्तेऽहं चतुर्विधः ॥ ३३ ॥

jñāne karmaṇi yoge ca vārtāyāṁ daṇḍa-dhāraṇe yāvān artho nṛṇāṁ tāta tāvāṁs te 'haṁ catur-vidhaḥ

My dear one, whatever benefit people seek to gain through knowledge, ritual action, yoga, livelihood or the exercise of authority — I Myself, in these four forms, am that very benefit for you.

Verse 34 (bhagavata.11.29.34)

मर्त्यो यदा त्यक्तसमस्तकर्मा निवेदितात्मा विचिकीर्षितो मे । तदामृतत्त्वं प्रतिपद्यमानो मयात्मभूयाय च कल्पते वै ॥ ३४ ॥

martyo yadā tyakta-samasta-karmā niveditātmā vicikīrṣito me tadāmṛtatvaṁ pratipadyamāno mayātma-bhūyāya ca kalpate vai

When a mortal, having given up all fruitive works and offered himself entirely to Me, desires only to serve Me, he then attains immortality and becomes fit to share My own nature.

Verse 35 (bhagavata.11.29.35)

श्रीशुक उवाच स एवमादर्शितयोगमार्ग- स्तदोत्तमःश्लोकवचो निशम्य । बद्धाञ्जलिः प्रीत्युपरुद्धकण्ठो न किञ्चिदूचेऽश्रुपरिप्लुताक्षः ॥ ३५ ॥

śrī-śuka uvāca sa evam ādarśita-yoga-mārgas tadottamaḥśloka-vaco niśamya baddhāñjaliḥ prīty-uparuddha-kaṇṭho na kiñcid ūce 'śru-pariplutākṣaḥ

Sri Shukadeva said: Thus, having been shown the path of yoga and having heard these words of the Lord of unfailing praise, Uddhava, hands folded, his throat choked with love, could say nothing, his eyes overflowing with tears.

Verse 36 (bhagavata.11.29.36)

विष्टभ्य चित्तं प्रणयावघूर्णं धैर्येण राजन् बहु मन्यमानः । कृताञ्जलिः प्राह यदुप्रवीरं शीर्ष्णा स्पृशंस्तच्चरणारविन्दम् ॥ ३६ ॥

viṣṭabhya cittaṁ praṇayāvaghūrṇaṁ dhairyeṇa rājan bahu-manyamānaḥ kṛtāñjaliḥ prāha yadu-pravīraṁ śīrṣṇā spṛśaṁs tac-caraṇāravindam

O King, steadying his heart, overwhelmed with love, with patience, and holding Him in the deepest regard, Uddhava touched that hero of the Yadus' lotus feet with his head and, hands folded, spoke.

Verse 37 (bhagavata.11.29.37)

श्रीउद्धव उवाच विद्रावितो मोहमहान्धकारो य आश्रितो मे तव सन्निधानात् । विभावसोः किं नु समीपगस्य शीतं तमो भीः प्रभवन्त्यजाद्य ॥ ३७ ॥

śrī-uddhava uvāca vidrāvito moha-mahāndhakāro ya āśrito me tava sannidhānāt vibhāvasoḥ kiṁ nu samīpa-gasya śītaṁ tamo bhīḥ prabhavanty ajādya

Sri Uddhava said: O unborn one, O primeval Lord, the great darkness of delusion that had taken hold of me has been dispelled by Your nearness. Indeed, how can cold, darkness or fear have any power over one who has drawn near a blazing fire?

Verse 38 (bhagavata.11.29.38)

प्रत्यर्पितो मे भवतानुकम्पिना भृत्याय विज्ञानमयः प्रदीपः । हित्वा कृतज्ञस्तव पादमूलं कोऽन्यं समीयाच्छरणं त्वदीयम् ॥ ३८ ॥

pratyarpito me bhavatānukampinā bhṛtyāya vijñāna-mayaḥ pradīpaḥ hitvā kṛta-jñas tava pāda-mūlaṁ ko 'nyaṁ samīyāc charaṇaṁ tvadīyam

Out of Your compassion, You have restored to me, Your servant, the lamp of true realization. What grateful devotee of Yours could ever leave the shelter of Your feet to seek any other refuge?

Verse 39 (bhagavata.11.29.39)

वृक्णश्च मे सुदृढः स्नेहपाशो दाशार्हवृष्ण्यन्धकसात्वतेषु । प्रसारितः सृष्टिविवृद्धये त्वया स्वमायया ह्यात्मसुबोधहेतिना ॥ ३९ ॥

vṛkṇaś ca me su-dṛḍhaḥ sneha-pāśo dāśārha-vṛṣṇy-andhaka-sātvateṣu prasāritaḥ sṛṣṭi-vivṛddhaye tvayā sva-māyayā hy ātma-subodha-hetinā

The very firm bond of affection that tied me to the Dasharha, Vrishni, Andhaka and Satvata families — a bond which You Yourself, for the growth of creation, had cast over me through Your maya — has now been severed by the weapon of true self-knowledge.

Verse 40 (bhagavata.11.29.40)

नमोऽस्तु ते महायोगिन् प्रपन्नमनुशाधि माम् । यथा त्वच्चरणाम्भोजे रतिः स्यादनपायिनी ॥ ४० ॥

namo 'stu te mahā-yogin prapannam anuśādhi mām yathā tvac-caraṇāmbhoje ratiḥ syād anapāyinī

Obeisance to You, O greatest of yogis. Instruct me, surrendered to You, so that my devotion to Your lotus feet may never falter.

Verse 41 (bhagavata.11.29.41)

श्रीभगवानुवाच गच्छोद्धव मयादिष्टो बदर्याख्यं ममाश्रमम् । तत्र मत्पादतीर्थोदे स्नानोपस्पर्शनैः शुचिः ॥ ४१ ॥

śrī-bhagavān uvāca gacchoddhava mayādiṣṭo badary-ākhyaṁ mamāśramam tatra mat-pāda-tīrthode snānopasparśanaiḥ śuciḥ

The Blessed Lord said: Go, Uddhava, as I direct you, to My hermitage called Badarikashrama. There, purified by bathing in and touching the sacred waters that spring from My own feet —

Verse 42 (bhagavata.11.29.42)

ईक्षयालकनन्दाया विधूताशेषकल्मषः । वसानो वल्कलान्यङ्ग वन्यभुक् सुखनिःस्पृहः ॥ ४२ ॥

īkṣayālakanandāyā vidhūtāśeṣa-kalmaṣaḥ vasāno valkalāny aṅga vanya-bhuk sukha-niḥspṛhaḥ

— your every sin washed away by the very sight of the Alakananda, my dear Uddhava, wear garments of bark, live on what the forest naturally provides, and remain content and free of craving;

Verse 43 (bhagavata.11.29.43)

तितिक्षुर्द्वन्द्वमात्राणां सुशीलः संयतेन्द्रियः । शान्तः समाहितधिया ज्ञानविज्ञानसंयुतः ॥ ४३ ॥

titikṣur dvandva-mātrāṇāṁ suśīlaḥ saṁyatendriyaḥ śāntaḥ samāhita-dhiyā jñāna-vijñāna-saṁyutaḥ

— tolerant of the pairs of opposites such as pleasure and pain, of good conduct, senses restrained, tranquil, of steady mind, and endowed with knowledge and its direct realization —

Verse 44 (bhagavata.11.29.44)

मत्तोऽनुशिक्षितं यत्ते विविक्तमनुभावयन् । मय्यावेशितवाक्चित्तो मद्धर्मनिरतो भव । अतिव्रज्य गतीस्तिस्रो मामेष्यसि ततः परम् ॥ ४४ ॥

matto 'nuśikṣitaṁ yat te viviktam anubhāvayan mayy āveśita-vāk-citto mad-dharma-nirato bhava ativrajya gatīs tisro mām eṣyasi tataḥ param

— constantly reflecting on this discernment you have learned from Me, your speech and mind absorbed in Me, remain devoted to My worship. Thus, passing beyond the three destinations of the modes, you will in the end come to Me.

Verse 45 (bhagavata.11.29.45)

श्रीशुक उवाच स एवमुक्तो हरिमेधसोद्धवः प्रदक्षिणं तं परिसृत्य पादयोः । शिरो निधायाश्रुकलाभिरार्द्रधी- र्न्यषिञ्चदद्वन्द्वपरोऽप्यपक्रमे ॥ ४५ ॥

śrī-śuka uvāca sa evam ukto hari-medhasoddhavaḥ pradakṣiṇaṁ taṁ parisṛtya pādayoḥ śiro nidhāyāśru-kalābhir ārdra-dhīr nyaṣiñcad advandva-paro 'py apakrame

Sri Shukadeva said: Hearing these words of Lord Hari, Uddhava circled Him and placed his head at His feet. Though beyond all worldly dualities, his heart melted, and at that moment of parting he bathed the Lord's feet with his tears.

Verse 46 (bhagavata.11.29.46)

सुदुस्त्यजस्नेहवियोगकातरो न शक्नुवंस्तं परिहातुमातुरः । कृच्छ्रं ययौ मूर्धनि भर्तृपादुके बिभ्रन्नमस्कृत्य ययौ पुनः पुनः ॥ ४६ ॥

su-dustyaja-sneha-viyoga-kātaro na śaknuvaṁs taṁ parihātum āturaḥ kṛcchraṁ yayau mūrdhani bhartṛ-pāduke bibhran namaskṛtya yayau punaḥ punaḥ

Distraught and anguished at the parting from a love so hard to give up, he could not bring himself to leave. With great difficulty, bearing his Lord's sandals upon his head, bowing again and again, he finally departed.

Verse 47 (bhagavata.11.29.47)

ततस्तमन्तर्हृदि सन्निवेश्य गतो महाभागवतो विशालाम् । यथोपदिष्टां जगदेकबन्धुना तपः समास्थाय हरेरगाद् गतिम् ॥ ४७ ॥

tatas tam antar hṛdi sanniveśya gato mahā-bhāgavato viśālām yathopadiṣṭāṁ jagad-eka-bandhunā tapaḥ samāsthāya harer agād gatim

Then, having enshrined the Lord deep within his heart, the great devotee Uddhava went to Vishala, and, taking up the austerity taught to him by Hari, the sole friend of the universe, he attained the Lord's own supreme abode.

Verse 48 (bhagavata.11.29.48)

य एतदानन्दसमुद्रसम्भृतं ज्ञानामृतं भागवताय भाषितम् । कृष्णेन योगेश्वरसेविताङ्घ्रिणा सच्छ्रद्धयासेव्य जगद् विमुच्यते ॥ ४८ ॥

ya etad ānanda-samudra-sambhṛtaṁ jñānāmṛtaṁ bhāgavatāya bhāṣitam kṛṣṇena yogeśvara-sevitāṅghriṇā sac-chraddhayāsevya jagad vimucyate

This nectar of knowledge, drawn from an ocean of bliss, was spoken by Sri Krishna — whose feet are served by the very masters of yoga — to His devotee. Whoever in this world attends to it with true faith attains liberation.

Verse 49 (bhagavata.11.29.49)

भवभयमपहन्तुं ज्ञानविज्ञानसारं निगमकृदुपजह्रे भृङ्गवद् वेदसारम् । अमृतमुदधितश्चापाययद् भृत्यवर्गान् पुरुषमृषभमाद्यं कृष्णसंज्ञं नतोऽस्मि ॥ ४९ ॥

bhava-bhayam apahantuṁ jñāna-vijñāna-sāraṁ nigama-kṛd upajahre bhṛṅga-vad veda-sāram amṛtam udadhitaś cāpāyayad bhṛtya-vargān puruṣam ṛṣabham ādyaṁ kṛṣṇa-saṁjñaṁ nato 'smi

To dispel the fear of worldly existence, He who is Himself the author of the Vedas gathered, like a bee, this essence of knowledge and realization from the Veda, and gave His servants to drink the nectar drawn from that ocean. I bow to that first of all beings, known as Sri Krishna.