The Disappearance of the Yadu Dynasty

Verse 1 (bhagavata.11.30.1)

श्रीराजोवाच ततो महाभागवत उद्धवे निर्गते वनम् । द्वारवत्यां किमकरोद् भगवान् भूतभावनः ॥ १ ॥

śrī-rājovāca tato mahā-bhāgavata uddhave nirgate vanam dvāravatyāṁ kim akarod bhagavān bhūta-bhāvanaḥ

The King said: After the great devotee Uddhava had departed for the forest, what did the Blessed Lord, the sustainer of all beings, do in Dvaraka?

Verse 2 (bhagavata.11.30.2)

ब्रह्मशापोपसंसृष्टे स्वकुले यादवर्षभः । प्रेयसीं सर्वनेत्राणां तनुं स कथमत्यजत् ॥ २ ॥

brahma-śāpopasaṁsṛṣṭe sva-kule yādavarṣabhaḥ preyasīṁ sarva-netrāṇāṁ tanuṁ sa katham atyajat

When His own dynasty was overtaken by the curse of the brahmanas, how did that best of the Yadus give up His body — so beloved to the eyes of all?

Verse 3 (bhagavata.11.30.3)

प्रत्याक्रष्टुं नयनमबला यत्र लग्नं न शेकुः कर्णाविष्टं न सरति ततो यत् सतामात्मलग्नम् । यच्छ्रीर्वाचां जनयति रतिं किं नु मानं कवीनां दृष्ट्वा जिष्णोर्युधि रथगतं यच्च तत्साम्यमीयुः ॥ ३ ॥

pratyākraṣṭuṁ nayanam abalā yatra lagnaṁ na śekuḥ karṇāviṣṭaṁ na sarati tato yat satām ātma-lagnam yac-chrīr vācāṁ janayati ratiṁ kiṁ nu mānaṁ kavīnāṁ dṛṣṭvā jiṣṇor yudhi ratha-gataṁ yac ca tat-sāmyam īyuḥ

That form, upon which women's eyes, once fixed, could never draw themselves away; which, once lodged in the ears and hearts of the saintly, never departed; whose beauty alone stirs delight in the words of poets — what then of fame? — and which, when seen mounted on Arjuna's chariot in battle, brought the warriors there to a state equal to that very form —

Verse 4 (bhagavata.11.30.4)

श्री ऋषिरुवाच दिवि भुव्यन्तरिक्षे च महोत्पातान् समुत्थितान् । दृष्ट्वासीनान् सुधर्मायां कृष्णः प्राह यदूनिदम् ॥ ४ ॥

śrī ṛṣir uvāca divi bhuvy antarikṣe ca mahotpātān samutthitān dṛṣṭvāsīnān su-dharmāyāṁ kṛṣṇaḥ prāha yadūn idam

Sri Rishi said: Seeing great portents arising in the sky, on the earth and in the atmosphere, Krishna spoke thus to the Yadus seated in the Sudharma assembly hall.

Verse 5 (bhagavata.11.30.5)

श्रीभगवानुवाच एते घोरा महोत्पाता द्वार्वत्यां यमकेतवः । मुहूर्तमपि न स्थेयमत्र नो यदुपुङ्गवाः ॥ ५ ॥

śrī-bhagavān uvāca ete ghorā mahotpātā dvārvatyāṁ yama-ketavaḥ muhūrtam api na stheyam atra no yadu-puṅgavāḥ

The Blessed Lord said: O foremost of the Yadus, these terrible, great portents rising in Dvaraka are like the very banners of Death. We must not stay here even a moment longer.

Verse 6 (bhagavata.11.30.6)

स्त्रियो बालाश्च वृद्धाश्च शङ्खोद्धारं व्रजन्त्वितः । वयं प्रभासं यास्यामो यत्र प्रत्यक् सरस्वती ॥ ६ ॥

striyo bālāś ca vṛddhāś ca śaṅkhoddhāraṁ vrajantv itaḥ vayaṁ prabhāsaṁ yāsyāmo yatra pratyak sarasvatī

Let the women, children and the elderly go from here to Shankhoddhara; we shall go to Prabhasa, where the river Sarasvati flows westward.

Verse 7 (bhagavata.11.30.7)

तत्राभिषिच्य शुचय उपोष्य सुसमाहिताः । देवताः पूजयिष्यामः स्नपनालेपनार्हणैः ॥ ७ ॥

tatrābhiṣicya śucaya upoṣya su-samāhitāḥ devatāḥ pūjayiṣyāmaḥ snapanālepanārhaṇaiḥ

There, having bathed and purified ourselves, having fasted and steadied our minds, we shall worship the gods with bathing, anointing and other offerings.

Verse 8 (bhagavata.11.30.8)

ब्राह्मणांस्तु महाभागान् कृतस्वस्त्ययना वयम् । गोभूहिरण्यवासोभिर्गजाश्वरथवेश्मभिः ॥ ८ ॥

brāhmaṇāṁs tu mahā-bhāgān kṛta-svastyayanā vayam go-bhū-hiraṇya-vāsobhir gajāśva-ratha-veśmabhiḥ

Then, having had the propitiatory rites performed, we shall present the most fortunate brahmanas with cows, land, gold, garments, elephants, horses, chariots and dwellings.

Verse 9 (bhagavata.11.30.9)

विधिरेष ह्यरिष्टघ्नो मङ्गलायनमुत्तमम् । देवद्विजगवां पूजा भूतेषु परमो भवः ॥ ९ ॥

vidhir eṣa hy ariṣṭa-ghno maṅgalāyanam uttamam deva-dvija-gavāṁ pūjā bhūteṣu paramo bhavaḥ

This rite destroys misfortune and is the highest source of auspiciousness, for the worship of gods, brahmanas and cows is the supreme good fortune for all beings.

Verse 10 (bhagavata.11.30.10)

इति सर्वे समाकर्ण्य यदुवृद्धा मधुद्विषः । तथेति नौभिरुत्तीर्य प्रभासं प्रययू रथैः ॥ १० ॥

iti sarve samākarṇya yadu-vṛddhā madhu-dviṣaḥ tatheti naubhir uttīrya prabhāsaṁ prayayū rathaiḥ

Hearing these words of the slayer of Madhu, all the elders of the Yadu dynasty said, 'So be it,' and, crossing over by boat, journeyed on by chariot to Prabhasa.

Verse 11 (bhagavata.11.30.11)

तस्मिन् भगवतादिष्टं यदुदेवेन यादवाः । चक्रुः परमया भक्त्या सर्वश्रेयोपबृंहितम् ॥ ११ ॥

tasmin bhagavatādiṣṭaṁ yadu-devena yādavāḥ cakruḥ paramayā bhaktyā sarva-śreyopabṛṁhitam

There, the Yadavas, with the greatest devotion, performed exactly as their Lord had instructed — every rite productive of the highest good.

Verse 12 (bhagavata.11.30.12)

ततस्तस्मिन् महापानं पपुर्मैरेयकं मधु । दिष्टविभ्रंशितधियो यद्द्रवैर्भ्रश्यते मतिः ॥ १२ ॥

tatas tasmin mahā-pānaṁ papur maireyakaṁ madhu diṣṭa-vibhraṁśita-dhiyo yad-dravair bhraśyate matiḥ

Then, their reason clouded by fate, they drank there in excess the intoxicating maireya liquor, whose very substance overthrows the intellect.

Verse 13 (bhagavata.11.30.13)

महापानाभिमत्तानां वीराणां दृप्तचेतसाम् । कृष्णमायाविमूढानां सङ्घर्षः सुमहानभूत् ॥ १३ ॥

mahā-pānābhimattānāṁ vīrāṇāṁ dṛpta-cetasām kṛṣṇa-māyā-vimūḍhānāṁ saṅgharṣaḥ su-mahān abhūt

Among those heroes, intoxicated by excessive drinking, their hearts grown arrogant, and bewildered by Krishna's own maya, a very great quarrel broke out.

Verse 14 (bhagavata.11.30.14)

युयुधुः क्रोधसंरब्धा वेलायामाततायिनः । धनुर्भिरसिभिर्भल्लैर्गदाभिस्तोमरर्ष्टिभिः ॥ १४ ॥

yuyudhuḥ krodha-saṁrabdhā velāyām ātatāyinaḥ dhanurbhir asibhir bhallair gadābhis tomararṣṭibhiḥ

Enraged, they took up bows, swords, spears, clubs, lances and javelins, and fought one another right there on the shore.

Verse 15 (bhagavata.11.30.15)

पतत्पताकै रथकुञ्जरादिभिः खरोष्ट्रगोभिर्महिषैर्नरैरपि । मिथः समेत्याश्वतरैः सुदुर्मदा न्यहन्शरैर्दद्भिरिव द्विपा वने ॥ १५ ॥

patat-patākai ratha-kuñjarādibhiḥ kharoṣṭra-gobhir mahiṣair narair api mithaḥ sametyāśvataraiḥ su-durmadā nyahan śarair dadbhir iva dvipā vane

Mounted on chariots, elephants, donkeys, camels, oxen, buffaloes, men and mules, with flags flying, the fiercely maddened warriors met and struck one another down with arrows, just as elephants in the forest gore each other with their tusks.

Verse 16 (bhagavata.11.30.16)

प्रद्युम्नसाम्बौ युधि रूढमत्सराव्- अक्रूरभोजावनिरुद्धसात्यकी । सुभद्रसङ्ग्रामजितौ सुदारुणौ गदौ सुमित्रासुरथौ समीयतुः ॥ १६ ॥

pradyumna-sāmbau yudhi rūḍha-matsarāv akrūra-bhojāv aniruddha-sātyakī subhadra-saṅgrāmajitau su-dāruṇau gadau sumitrā-surathau samīyatuḥ

Their rivalry now flaring, Pradyumna and Samba met in fierce battle; so did Akrura and Bhoja, Aniruddha and Satyaki, Subhadra and Sangramajit, and the two terrible ones, Sumitra and Suratha, along with the two named Gada.

Verse 17 (bhagavata.11.30.17)

अन्ये च ये वै निशठोल्मुकादयः सहस्रजिच्छतजिद्भानुमुख्याः । अन्योन्यमासाद्य मदान्धकारिता जघ्नुर्मुकुन्देन विमोहिता भृशम् ॥ १७ ॥

anye ca ye vai niśaṭholmukādayaḥ sahasrajic-chatajid-bhānu-mukhyāḥ anyonyam āsādya madāndha-kāritā jaghnur mukundena vimohitā bhṛśam

Others too — Nishatha, Ulmuka and the rest, along with Sahasrajit, Shatajit, Bhanu and their companions — blinded by intoxication and utterly bewildered by Mukunda, met one another and slew each other.

Verse 18 (bhagavata.11.30.18)

दाशार्हवृष्ण्यन्धकभोजसात्वता मध्वर्बुदा माथुरशूरसेनाः । विसर्जनाः कुकुराः कुन्तयश्च मिथस्तु जघ्नुः सुविसृज्य सौहृदम् ॥ १८ ॥

dāśārha-vṛṣṇy-andhaka-bhoja-sātvatā madhv-arbudā māthura-śūrasenāḥ visarjanāḥ kukurāḥ kuntayaś ca mithas tu jaghnuḥ su-visṛjya sauhṛdam

The Dasharhas, Vrishnis, Andhakas, Bhojas, Satvatas, Madhus, Arbudas, Mathuras, Shurasenas, Visarjanas, Kukuras and Kuntis — all, having cast off their friendship entirely, slaughtered one another.

Verse 19 (bhagavata.11.30.19)

पुत्रा अयुध्यन् पितृभिर्भ्रातृभिश्च स्वस्रीयदौहित्रपितृव्यमातुलैः । मित्राणि मित्रैः सुहृदः सुहृद्भि- र्ज्ञातींस्त्वहन् ज्ञातय एव मूढाः ॥ १९ ॥

putrā ayudhyan pitṛbhir bhrātṛbhiś ca svasrīya-dauhitra-pitṛvya-mātulaiḥ mitrāṇi mitraiḥ suhṛdaḥ suhṛdbhir jñātīṁs tv ahan jñātaya eva mūḍhāḥ

Sons fought fathers, brothers fought brothers, nephews and grandsons fought uncles; friends fought friends, well-wishers fought well-wishers — thus, deluded, kinsmen slew their own kin.

Verse 20 (bhagavata.11.30.20)

शरेषु हीयमानेषु भज्यमानेसु धन्वसु । शस्त्रेषु क्षीयमानेषु मुष्टिभिर्जह्रुरेरकाः ॥ २० ॥

śareṣu hīyamāneṣu bhajyamāneṣu dhanvasu śastreṣu kṣīyamāneṣu muṣṭibhir jahrur erakāḥ

When their arrows were spent, their bows broken and their weapons exhausted, they seized reed-stalks in their bare fists.

Verse 21 (bhagavata.11.30.21)

ता वज्रकल्पा ह्यभवन् परिघा मुष्टिना भृताः । जघ्नुर्द्विषस्तैः कृष्णेन वार्यमाणास्तु तं च ते ॥ २१ ॥

tā vajra-kalpā hy abhavan parighā muṣṭinā bhṛtāḥ jaghnur dviṣas taiḥ kṛṣṇena vāryamāṇās tu taṁ ca te

Once grasped in the fist, those reeds turned into iron rods as hard as thunderbolts; with these they struck down their foes, and even when Krishna sought to restrain them, they struck at Him too.

Verse 22 (bhagavata.11.30.22)

प्रत्यनीकं मन्यमाना बलभद्रं च मोहिताः । हन्तुं कृतधियो राजन्नापन्ना आततायिनः ॥ २२ ॥

pratyanīkaṁ manyamānā balabhadraṁ ca mohitāḥ hantuṁ kṛta-dhiyo rājann āpannā ātatāyinaḥ

O King, in their delusion they even mistook Balabhadra for an enemy, and, weapons raised, resolved to kill Him, rushed upon Him.

Verse 23 (bhagavata.11.30.23)

अथ तावपि सङ्क्रुद्धावुद्यम्य कुरुनन्दन । एरकामुष्टिपरिघौ चरन्तौ जघ्नतुर्युधि ॥ २३ ॥

atha tāv api saṅkruddhāv udyamya kuru-nandana erakā-muṣṭi-parighau carantau jaghnatur yudhi

O descendant of Kuru, then both of Them, Krishna and Balarama, greatly angered, took up reed-clubs and, moving through the battlefield, struck down the attackers.

Verse 24 (bhagavata.11.30.24)

ब्रह्मशापोपसृष्टानां कृष्णमायावृतात्मनाम् । स्पर्धाक्रोधः क्षयं निन्ये वैणवोऽग्निर्यथा वनम् ॥ २४ ॥

brahma-śāpopasṛṣṭānāṁ kṛṣṇa-māyāvṛtātmanām spardhā-krodhaḥ kṣayaṁ ninye vaiṇavo 'gnir yathā vanam

The rivalry and rage of those overtaken by the brahmanas' curse, their minds veiled by Krishna's maya, brought them all to destruction — just as a fire born in a bamboo grove consumes the entire forest.

Verse 25 (bhagavata.11.30.25)

एवं नष्टेषु सर्वेषु कुलेषु स्वेषु केशवः । अवतारितो भुवो भार इति मेनेऽवशेषितः ॥ २५ ॥

evaṁ naṣṭeṣu sarveṣu kuleṣu sveṣu keśavaḥ avatārito bhuvo bhāra iti mene 'vaśeṣitaḥ

Thus, with His entire dynasty destroyed, Keshava, now alone remaining, reflected that the burden of the earth had at last been removed.

Verse 26 (bhagavata.11.30.26)

रामः समुद्रवेलायां योगमास्थाय पौरुषम् । तत्याज लोकं मानुष्यं संयोज्यात्मानमात्मनि ॥ २६ ॥

rāmaḥ samudra-velāyāṁ yogam āsthāya pauruṣam tatyāja lokaṁ mānuṣyaṁ saṁyojyātmānam ātmani

Balarama went to the shore of the ocean, fixed Himself in the yoga of the Supreme Person, and, merging His self within His own self, gave up this mortal world.

Verse 27 (bhagavata.11.30.27)

रामनिर्याणमालोक्य भगवान् देवकीसुतः । निषसाद धरोपस्थे तुष्णीमासाद्य पिप्पलम् ॥ २७ ॥

rāma-niryāṇam ālokya bhagavān devakī-sutaḥ niṣasāda dharopasthe tuṣṇīm āsādya pippalam

Seeing Balarama's departure, the Blessed Lord, son of Devaki, went and sat down silently on the ground beneath a nearby pippala tree.

Verse 28 (bhagavata.11.30.28)

बिभ्रच्चतुर्भुजं रूपं भ्राजिष्णु प्रभया स्वया । दिशो वितिमिराः कुर्वन् विधूम इव पावकः ॥ २८ ॥

bibhrac catur-bhujaṁ rūpaṁ bhrājiṣṇu prabhayā svayā diśo vitimirāḥ kurvan vidhūma iva pāvakaḥ

Displaying His four-armed form, radiant with His own splendor, dispelling the darkness of every direction like a smokeless fire —

Verse 29 (bhagavata.11.30.29)

श्रीवत्साङ्कं घनश्यामं तप्तहाटकवर्चसम् । कौशेयाम्बरयुग्मेन परिवीतं सुमङ्गलम् ॥ २९ ॥

śrīvatsāṅkaṁ ghana-śyāmaṁ tapta-hāṭaka-varcasam kauśeyāmbara-yugmena parivītaṁ su-maṅgalam

— bearing the mark of Shrivatsa, dark as a dense rain cloud, His splendor like molten gold, robed in a pair of silk garments, wholly auspicious —

Verse 30 (bhagavata.11.30.30)

सुन्दरस्मितवक्त्राब्जं नीलकुन्तलमण्डितम् । पुण्डरीकाभिरामाक्षं स्फुरन्मकरकुण्डलम् ॥ ३० ॥

sundara-smita-vaktrābjaṁ nīla-kuntala-maṇḍitam puṇḍarīkābhirāmākṣaṁ sphuran makara-kuṇḍalam

— His lotus face graced with a lovely smile, adorned with dark curling locks, His eyes lovely as lotus petals, His shark-shaped earrings gleaming —

Verse 31 (bhagavata.11.30.31)

कटिसूत्रब्रह्मसूत्रकिरीटकटकाङ्गदैः । हारनूपुरमुद्राभिः कौस्तुभेन विराजितम् ॥ ३१ ॥

kaṭi-sūtra-brahma-sūtra- kirīṭa-kaṭakāṅgadaiḥ hāra-nūpura-mudrābhiḥ kaustubhena virājitam

— resplendent with waist-cord, sacred thread, crown, bracelets and armlets, with necklace, anklets, rings and the Kaustubha gem —

Verse 32 (bhagavata.11.30.32)

वनमालापरीताङ्गं मूर्तिमद्भिर्निजायुधैः । कृत्वोरौ दक्षिणे पादमासीनं पङ्कजारुणम् ॥ ३२ ॥

vana-mālā-parītāṅgaṁ mūrtimadbhir nijāyudhaiḥ kṛtvorau dakṣiṇe pādam āsīnaṁ paṅkajāruṇam

— His body encircled with a forest garland, surrounded by His own weapons in their embodied forms — He sat with His lotus-red left foot resting upon His right thigh.

Verse 33 (bhagavata.11.30.33)

मुषलावशेषायःखण्डकृतेषुर्लुब्धको जरा । मृगास्याकारं तच्चरणं विव्याध मृगशङ्कया ॥ ३३ ॥

muṣalāvaśeṣāyaḥ-khaṇḍa- kṛteṣur lubdhako jarā mṛgāsyākāraṁ tac-caraṇaṁ vivyādha mṛga-śaṅkayā

A hunter named Jara, his arrow tipped with the last remaining fragment of iron from Samba's club, mistaking that ruddy foot for a deer's face, pierced it, taking it for game.

Verse 34 (bhagavata.11.30.34)

चतुर्भुजं तं पुरुषं दृष्ट्वा स कृतकिल्बिषः । भीतः पपात शिरसा पादयोरसुरद्विषः ॥ ३४ ॥

catur-bhujaṁ taṁ puruṣaṁ dṛṣṭvā sa kṛta-kilbiṣaḥ bhītaḥ papāta śirasā pādayor asura-dviṣaḥ

Seeing that he had wronged the four-armed Person, he fell down, frightened, his head at the feet of the enemy of the demons.

Verse 35 (bhagavata.11.30.35)

अजानता कृतमिदं पापेन मधुसूदन । क्षन्तुमर्हसि पापस्य उत्तमःश्लोक मेऽनघ ॥ ३५ ॥

ajānatā kṛtam idaṁ pāpena madhusūdana kṣantum arhasi pāpasya uttamaḥśloka me 'nagha

'O Madhusudana, this sinful act was done by me in ignorance. O sinless one, O Uttamashloka, please forgive this sinner.'

Verse 36 (bhagavata.11.30.36)

यस्यानुस्मरणं नृणामज्ञानध्वान्तनाशनम् । वदन्ति तस्य ते विष्णो मयासाधु कृतं प्रभो ॥ ३६ ॥

yasyānusmaraṇaṁ nṛṇām ajñāna-dhvānta-nāśanam vadanti tasya te viṣṇo mayāsādhu kṛtaṁ prabho

'O Vishnu, the wise say that remembrance of You alone destroys the darkness of men's ignorance — yet, O Lord, it is against You that I have done this evil deed.'

Verse 37 (bhagavata.11.30.37)

तन्माशु जहि वैकुण्ठ पाप्मानं मृगलुब्धकम् । यथा पुनरहं त्वेवं न कुर्यां सदतिक्रमम् ॥ ३७ ॥

tan māśu jahi vaikuṇṭha pāpmānaṁ mṛga-lubdhakam yathā punar ahaṁ tv evaṁ na kuryāṁ sad-atikramam

'Therefore, O Lord of Vaikuntha, kill me at once, this sinful deer-hunter, so that I may never again commit such an offense against the saintly.'

Verse 38 (bhagavata.11.30.38)

यस्यात्मयोगरचितं न विदुर्विरिञ्चो रुद्रादयोऽस्य तनयाः पतयो गिरां ये । त्वन्मायया पिहितदृष्टय एतदञ्जः किं तस्य ते वयमसद्गतयो गृणीमः ॥ ३८ ॥

yasyātma-yoga-racitaṁ na vidur viriñco rudrādayo 'sya tanayāḥ patayo girāṁ ye tvan-māyayā pihita-dṛṣṭaya etad añjaḥ kiṁ tasya te vayam asad-gatayo gṛṇīmaḥ

'That which not even Brahma, nor his sons headed by Rudra, nor the great sages who are lords of speech understand — the working of Your own yogic power, their very sight veiled by Your maya — what indeed can I, so lowly born, say of it?'

Verse 39 (bhagavata.11.30.39)

श्रीभगवानुवाच मा भैर्जरे त्वमुत्तिष्ठ काम एष कृतो हि मे । याहि त्वं मदनुज्ञातः स्वर्गं सुकृतिनां पदम् ॥ ३९ ॥

śrī-bhagavān uvāca mā bhair jare tvam uttiṣṭha kāma eṣa kṛto hi me yāhi tvaṁ mad-anujñātaḥ svargaṁ su-kṛtināṁ padam

The Blessed Lord said: Fear not, Jara; rise up. This was indeed My own wish, fulfilled. Go now, with My permission, to heaven, the abode of the righteous.

Verse 40 (bhagavata.11.30.40)

इत्यादिष्टो भगवता कृष्णेनेच्छाशरीरिणा । त्रिः परिक्रम्य तं नत्वा विमानेन दिवं ययौ ॥ ४० ॥

ity ādiṣṭo bhagavatā kṛṣṇenecchā-śarīriṇā triḥ parikramya taṁ natvā vimānena divaṁ yayau

Thus instructed by the Blessed Krishna, whose body is assumed by His own will, he circled the Lord three times, bowed to Him, and journeyed to heaven in a celestial craft.

Verse 41 (bhagavata.11.30.41)

दारुकः कृष्णपदवीमन्विच्छन्नधिगम्य ताम् । वायुं तुलसिकामोदमाघ्रायाभिमुखं ययौ ॥ ४१ ॥

dārukaḥ kṛṣṇa-padavīm anvicchann adhigamya tām vāyuṁ tulasikāmodam āghrāyābhimukhaṁ yayau

Meanwhile Daruka the charioteer, searching for the trail of Krishna, came upon that place; catching the scent of tulasi on the breeze, he made his way toward it.

Verse 42 (bhagavata.11.30.42)

तं तत्र तिग्मद्युभिरायुधैर्वृतं ह्यश्वत्थमूले कृतकेतनं पतिम् । स्नेहप्लुतात्मा निपपात पादयो रथादवप्लुत्य सबाष्पलोचनः ॥ ४२ ॥

taṁ tatra tigma-dyubhir āyudhair vṛtaṁ hy aśvattha-mūle kṛta-ketanaṁ patim sneha-plutātmā nipapāta pādayo rathād avaplutya sa-bāṣpa-locanaḥ

Seeing his master seated there beneath the ashvattha tree, surrounded by His gleaming weapons, his heart overflowing with love, he leapt down from the chariot and fell at His feet, his eyes filled with tears.

Verse 43 (bhagavata.11.30.43)

अपश्यतस्त्वच्चरणाम्बुजं प्रभो दृष्टिः प्रणष्टा तमसि प्रविष्टा । दिशो न जाने न लभे च शान्तिं यथा निशायामुडुपे प्रणष्टे ॥ ४३ ॥

apaśyatas tvac-caraṇāmbujaṁ prabho dṛṣṭiḥ praṇaṣṭā tamasi praviṣṭā diśo na jāne na labhe ca śāntiṁ yathā niśāyām uḍupe praṇaṣṭe

'O Lord, not seeing Your lotus feet, my sight has failed and sunk into darkness. I know no direction, and I find no peace — just as on a night when the moon has vanished.'

Verse 44 (bhagavata.11.30.44)

इति ब्रुवति सूते वै रथो गरुडलाञ्छनः । खमुत्पपात राजेन्द्र साश्वध्वज उदीक्षतः ॥ ४४ ॥

iti bruvati sūte vai ratho garuḍa-lāñchanaḥ kham utpapāta rājendra sāśva-dhvaja udīkṣataḥ

[Sri Shuka continued:] O foremost of kings, even as the charioteer spoke thus, the chariot marked with the emblem of Garuda rose up into the sky, with its horses and its banner, before his very eyes.

Verse 45 (bhagavata.11.30.45)

तमन्वगच्छन् दिव्यानि विष्णुप्रहरणानि च । तेनातिविस्मितात्मानं सूतमाह जनार्दनः ॥ ४५ ॥

tam anvagacchan divyāni viṣṇu-praharaṇāni ca tenāti-vismitātmānaṁ sūtam āha janārdanaḥ

The divine weapons of Vishnu, too, rose and followed after it. Then, seeing his utter astonishment, Lord Janardana spoke to His charioteer.

Verse 46 (bhagavata.11.30.46)

गच्छ द्वारवतीं सूत ज्ञातीनां निधनं मिथः । सङ्कर्षणस्य निर्याणं बन्धुभ्यो ब्रूहि मद्दशाम् ॥ ४६ ॥

gaccha dvāravatīṁ sūta jñātīnāṁ nidhanaṁ mithaḥ saṅkarṣaṇasya niryāṇaṁ bandhubhyo brūhi mad-daśām

'Go, charioteer, to Dvaraka, and tell our kinsmen of the mutual destruction of our family, of Sankarshana's departure, and of My present condition.'

Verse 47 (bhagavata.11.30.47)

द्वारकायां च न स्थेयं भवद्भिश्च स्वबन्धुभिः । मया त्यक्तां यदुपुरीं समुद्रः प्लावयिष्यति ॥ ४७ ॥

dvārakāyāṁ ca na stheyaṁ bhavadbhiś ca sva-bandhubhiḥ mayā tyaktāṁ yadu-purīṁ samudraḥ plāvayiṣyati

'You and your kinsmen should not remain in Dvaraka, for once I have left it, this city of the Yadus will be engulfed by the ocean.'

Verse 48 (bhagavata.11.30.48)

स्वं स्वं परिग्रहं सर्वे आदाय पितरौ च नः । अर्जुनेनाविताः सर्व इन्द्रप्रस्थं गमिष्यथ ॥ ४८ ॥

svaṁ svaṁ parigrahaṁ sarve ādāya pitarau ca naḥ arjunenāvitāḥ sarva indraprasthaṁ gamiṣyatha

'Let all of you take your own families, together with My parents, and, under Arjuna's protection, go to Indraprastha.'

Verse 49 (bhagavata.11.30.49)

त्वं तु मद्धर्ममास्थाय ज्ञाननिष्ठ उपेक्षकः । मन्मायारचितामेतां विज्ञायोपशमं व्रज ॥ ४९ ॥

tvaṁ tu mad-dharmam āsthāya jñāna-niṣṭha upekṣakaḥ man-māyā-racitām etāṁ vijñayopaśamaṁ vraja

'But you should remain established in devotion to Me, fixed in knowledge, indifferent to it all; and, understanding this entire happening to be a working of My own maya, remain at peace.'

Verse 50 (bhagavata.11.30.50)

इत्युक्तस्तं परिक्रम्य नमस्कृत्य पुनः पुनः । तत्पादौ शीर्ष्ण्युपाधाय दुर्मनाः प्रययौ पुरीम् ॥ ५० ॥

ity uktas taṁ parikramya namaskṛtya punaḥ punaḥ tat-pādau śīrṣṇy upādhāya durmanāḥ prayayau purīm

Thus instructed, Daruka circled Him, bowed again and again, placed His feet upon his own head, and, his heart heavy, set out for the city.