The Future Dynasties of Kali-yuga

Verse 1 (bhagavata.12.1.1)

श्रीशुक उवाच योऽन्त्यः पुरञ्जयो नाम भविष्यो बारहद्रथः । तस्यामात्यस्तु शुनको हत्वा स्वामिनमात्मजम् ॥ १ ॥

śrī-śuka uvāca yo ’ntyaḥ purañjayo nāma bhaviṣyo bārahadrathaḥ tasyāmātyas tu śunako hatvā svāminam ātma-jam

Shri Shuka said: The last king of this line, who is yet to come, will be a descendant of Brihadratha named Puranjaya. His own minister, Shunaka, will kill his master.

Verse 2 (bhagavata.12.1.2)

प्रद्योतसंज्ञं राजानं कर्ता यत् पालकः सुतः । विशाखयूपस्तत्पुत्रो भविता राजकस्ततः ॥ २ ॥

pradyota-saṁjñaṁ rājānaṁ kartā yat-pālakaḥ sutaḥ viśākhayūpas tat-putro bhavitā rājakas tataḥ

and will install his own son, named Pradyota, as king. His son will be Palaka; Palaka's son will be Vishakhayupa; and from him will come Rajaka.

Verse 3 (bhagavata.12.1.3)

नन्दिवर्धनस्तत्पुत्रः पञ्च प्रद्योतना इमे । अष्टत्रिंशोत्तरशतं भोक्ष्यन्ति पृथिवीं नृपाः ॥ ३ ॥

nandivardhanas tat-putraḥ pañca pradyotanā ime aṣṭa-triṁśottara-śataṁ bhokṣyanti pṛthivīṁ nṛpāḥ

Rajaka's son will be Nandivardhana. These five kings of the Pradyota dynasty will enjoy the earth for one hundred and thirty-eight years.

Verse 4 (bhagavata.12.1.4)

शिशुनागस्ततो भाव्यः काकवर्णस्तु तत्सुतः । क्षेमधर्मा तस्य सुतः क्षेत्रज्ञः क्षेमधर्मजः ॥ ४ ॥

śiśunāgas tato bhāvyaḥ kākavarṇas tu tat-sutaḥ kṣemadharmā tasya sutaḥ kṣetrajñaḥ kṣemadharma-jaḥ

After him will come Shishunaga; his son Kakavarna. Kakavarna's son will be Kshemadharma, and Kshemadharma's son will be Kshetrajna.

Verse 5 (bhagavata.12.1.5)

विधिसारः सुतस्तस्याजातशत्रुर्भविष्यति । दर्भकस्तत्सुतो भावी दर्भकस्याजयः स्मृतः ॥ ५ ॥

vidhisāraḥ sutas tasyā- jātaśatrur bhaviṣyati darbhakas tat-suto bhāvī darbhakasyājayaḥ smṛtaḥ

Kshetrajna's son will be Vidhisara; his son will be Ajatashatru. Ajatashatru's son will be Darbhaka, and Darbhaka's son is remembered as Ajaya.

Verse 6 (bhagavata.12.1.6)

नन्दिवर्धन आजेयो महानन्दिः सुतस्ततः । शिशुनागा दशैवैते सष्ट्युत्तरशतत्रयम् ॥ ६ ॥

nandivardhana ājeyo mahānandiḥ sutas tataḥ śiśunāgā daśaivaite saṣṭy-uttara-śata-trayam

From Ajaya will come a (second) Nandivardhana; his son will be Mahanandi. These ten kings of the Shishunaga line will, for three hundred and sixty years,

Verse 7 (bhagavata.12.1.7)

समा भोक्ष्यन्ति पृथिवीं कुरुश्रेष्ठ कलौ नृपाः । महानन्दिसुतो राजन् शूद्रागर्भोद्भवो बली ॥ ७ ॥

samā bhokṣyanti pṛthivīṁ kuru-śreṣṭha kalau nṛpāḥ mahānandi-suto rājan śūdrā-garbhodbhavo balī

enjoy the earth in the Age of Kali, O best of the Kurus. O King, from Mahanandi a mighty son will be born in the womb of a shudra woman.

Verse 8 (bhagavata.12.1.8)

महापद्मपतिः कश्चिन्नन्दः क्षत्रविनाशकृत् । ततो नृपा भविष्यन्ति शूद्रप्रायास्त्वधार्मिकाः ॥ ८ ॥

mahāpadma-patiḥ kaścin nandaḥ kṣatra-vināśa-kṛt tato nṛpā bhaviṣyanti śūdra-prāyās tv adhārmikāḥ

That lord of Mahapadma, called Nanda, will be a destroyer of kshatriyas. After him the kings will become mostly shudra-like and irreligious.

Verse 9 (bhagavata.12.1.9)

स एकच्छत्रां पृथिवीमनुल्लङ्घितशासनः । शासिष्यति महापद्मो द्वितीय इव भार्गवः ॥ ९ ॥

sa eka-cchatrāṁ pṛthivīm anullaṅghita-śāsanaḥ śāsiṣyati mahāpadmo dvitīya iva bhārgavaḥ

That Mahapadma, his command unopposed by any, will rule the earth under a single crown, as though he were a second Bhargava, Parashurama.

Verse 10 (bhagavata.12.1.10)

तस्य चाष्टौ भविष्यन्ति सुमाल्यप्रमुखाः सुताः । य इमां भोक्ष्यन्ति महीं राजानश्च शतं समाः ॥ १० ॥

tasya cāṣṭau bhaviṣyanti sumālya-pramukhāḥ sutāḥ ya imāṁ bhokṣyanti mahīṁ rājānaś ca śataṁ samāḥ

He will have eight sons headed by Sumalya, who as kings will enjoy this earth for a hundred years.

Verse 11 (bhagavata.12.1.11)

नव नन्दान् द्विजः कश्चित् प्रपन्नानुद्धरिष्यति । तेषामभावे जगतीं मौर्या भोक्ष्यन्ति वै कलौ ॥ ११ ॥

nava nandān dvijaḥ kaścit prapannān uddhariṣyati teṣām abhāve jagatīṁ mauryā bhokṣyanti vai kalau

A certain brahmana will uproot these nine Nandas, even though they took shelter in their power. In their absence, it is the Maurya dynasty that will enjoy the earth in Kali-yuga.

Verse 12 (bhagavata.12.1.12)

स एव चन्द्रगुप्तं वै द्विजो राज्येऽभिषेक्ष्यति । तत्सुतो वारिसारस्तु ततश्चाशोकवर्धनः ॥ १२ ॥

sa eva candraguptaṁ vai dvijo rājye ’bhiṣekṣyati tat-suto vārisāras tu tataś cāśokavardhanaḥ

That same brahmana will install Chandragupta on the throne. His son will be Varisara, and from him will come Ashokavardhana.

Verse 13 (bhagavata.12.1.13)

सुयशा भविता तस्य सङ्गतः सुयशःसुतः । शालिशूकस्ततस्तस्य सोमशर्मा भविष्यति । शतधन्वा ततस्तस्य भविता तद् बृहद्रथः ॥ १३ ॥

suyaśā bhavitā tasya saṅgataḥ suyaśaḥ-sutaḥ śāliśūkas tatas tasya somaśarmā bhaviṣyati śatadhanvā tatas tasya bhavitā tad-bṛhadrathaḥ

His son will be Suyasha; Suyasha's son, Sangata. His son will be Shalishuka; then his son Somasharma; then his son Shatadhanva; and his son will be Brihadratha.

Verse 14 (bhagavata.12.1.14)

मौर्या ह्येते दश नृपाः सप्तत्रिंशच्छतोत्तरम् । समा भोक्ष्यन्ति पृथिवीं कलौ कुरुकुलोद्वह ॥ १४ ॥

mauryā hy ete daśa nṛpāḥ sapta-triṁśac-chatottaram samā bhokṣyanti pṛthivīṁ kalau kuru-kulodvaha

O ornament of the Kuru race, these ten Maurya kings will indeed enjoy the earth for one hundred and thirty-seven years of the Kali age.

Verse 15 (bhagavata.12.1.15)

अग्निमित्रस्ततस्तस्मात् सुज्येष्ठो भविता ततः । वसुमित्रो भद्रकश्च पुलिन्दो भविता सुतः ॥ १५ ॥

agnimitras tatas tasmāt sujyeṣṭho bhavitā tataḥ vasumitro bhadrakaś ca pulindo bhavitā sutaḥ

After him will come Agnimitra, and then from him Sujyeshtha. Then Vasumitra and Bhadraka, and Bhadraka's son will be Pulinda.

Verse 16 (bhagavata.12.1.16)

ततो घोषः सुतस्तस्माद् वज्रमित्रो भविष्यति । ततो भागवतस्तस्माद् देवभूतिः कुरूद्वह ॥ १६ ॥

tato ghoṣaḥ sutas tasmād vajramitro bhaviṣyati tato bhāgavatas tasmād devabhūtiḥ kurūdvaha

Then his son Ghosha; from him Vajramitra will come. Then Bhagavata, and from him, O ornament of the Kurus, Devabhuti.

Verse 17 (bhagavata.12.1.17)

शुङ्गा दशैते भोक्ष्यन्ति भूमिं वर्षशताधिकम् । ततः काण्वानियं भूमिर्यास्यत्यल्पगुणान्नृप ॥ १७ ॥

śuṅgā daśaite bhokṣyanti bhūmiṁ varṣa-śatādhikam tataḥ kāṇvān iyaṁ bhūmir yāsyaty alpa-guṇān nṛpa

These ten Shunga kings will rule the earth for more than a hundred years. Then, O King, this earth will pass into the hands of the Kanvas, men of little virtue.

Verse 18 (bhagavata.12.1.18)

शुङ्गं हत्वा देवभूतिं काण्वोऽमात्यस्तु कामिनम् । स्वयं करिष्यते राज्यं वसुदेवो महामतिः ॥ १८ ॥

śuṅgaṁ hatvā devabhūtiṁ kāṇvo ’mātyas tu kāminam svayaṁ kariṣyate rājyaṁ vasudevo mahā-matiḥ

Having killed the lustful Devabhuti, the last of the Shungas, the highly intelligent minister of the Kanva line, Vasudeva, will himself take the kingdom.

Verse 19 (bhagavata.12.1.19)

तस्य पुत्रस्तु भूमित्रस्तस्य नारायणः सुतः । काण्वायना इमे भूमिं चत्वारिंशच्च पञ्च च । शतानि त्रीणि भोक्ष्यन्ति वर्षाणां च कलौ युगे ॥ १९ ॥

tasya putras tu bhūmitras tasya nārāyaṇaḥ sutaḥ kāṇvāyanā ime bhūmiṁ catvāriṁśac ca pañca ca śatāni trīṇi bhokṣyanti varṣāṇāṁ ca kalau yuge

His son will be Bhumitra; his son, Narayana. These Kanvayana kings will enjoy the earth for three hundred and forty-five years of the Kali age.

Verse 20 (bhagavata.12.1.20)

हत्वा काण्वं सुशर्माणं तद् भृत्यो वृषलो बली । गां भोक्ष्यत्यन्ध्रजातीयः कञ्चित् कालमसत्तमः ॥ २० ॥

hatvā kāṇvaṁ suśarmāṇaṁ tad-bhṛtyo vṛṣalo balī gāṁ bhokṣyaty andhra-jātīyaḥ kañcit kālam asattamaḥ

Having slain Susharma, the last of the Kanvas, that king's own servant — a most base but powerful man of the Andhra race, Vrishala — will rule the earth for some time.

Verse 21 (bhagavata.12.1.21)

कृष्णनामाथ तद्भ्राता भविता पृथिवीपतिः । श्रीशान्तकर्णस्तत्पुत्रः पौर्णमासस्तु तत्सुतः ॥ २१ ॥

kṛṣṇa-nāmātha tad-bhrātā bhavitā pṛthivī-patiḥ śrī-śāntakarṇas tat-putraḥ paurṇamāsas tu tat-sutaḥ

Then his brother, named Krishna, will become lord of the earth. His son will be Shri Shantakarna, and his son, Paurnamasa.

Verse 22 (bhagavata.12.1.22)

लम्बोदरस्तु तत्पुत्रस्तस्माच्चिबिलको नृपः । मेघस्वातिश्चिबिलकादटमानस्तु तस्य च ॥ २२ ॥

lambodaras tu tat-putras tasmāc cibilako nṛpaḥ meghasvātiś cibilakād aṭamānas tu tasya ca

His son will be Lambodara; from him, King Chibilaka. From Chibilaka, Meghasvati; and from him, Atamana.

Verse 23 (bhagavata.12.1.23)

अनिष्टकर्मा हालेयस्तलकस्तस्य चात्मजः । पुरीषभीरुस्तत्पुत्रस्ततो राजा सुनन्दनः ॥ २३ ॥

aniṣṭakarmā hāleyas talakas tasya cātma-jaḥ purīṣabhīrus tat-putras tato rājā sunandanaḥ

Then the ill-doing Haleya; his son Talaka. His son Purishabhiru, and then King Sunandana.

Verse 24 (bhagavata.12.1.24)

चकोरो बहवो यत्र शिवस्वातिररिन्दमः । तस्यापि गोमतीपुत्रः पुरीमान् भविता ततः ॥ २४ ॥

cakoro bahavo yatra śivasvātir arin-damaḥ tasyāpi gomatī putraḥ purīmān bhavitā tataḥ

Where many Chakora kings will follow, there will be Shivasvati, tamer of foes. His son, born of Gomati, will be Purimana.

Verse 25 (bhagavata.12.1.25)

मेदशिराः शिवस्कन्दो यज्ञश्रीस्तत्सुतस्ततः । विजयस्तत्सुतो भाव्यश्चन्द्रविज्ञः सलोमधिः ॥ २५ ॥

medaśirāḥ śivaskando yajñaśrīs tat-sutas tataḥ vijayas tat-suto bhāvyaś candravijñaḥ sa-lomadhiḥ

Then Medashira, Shivaskanda, and his son Yajnashri. His son will be Vijaya, and then Chandravijna together with Lomadhi.

Verse 26 (bhagavata.12.1.26)

एते त्रिंशन्नृपतयश्चत्वार्यब्दशतानि च । षट्पञ्चाशच्च पृथिवीं भोक्ष्यन्ति कुरुनन्दन ॥ २६ ॥

ete triṁśan nṛpatayaś catvāry abda-śatāni ca ṣaṭ-pañcāśac ca pṛthivīṁ bhokṣyanti kuru-nandana

O joy of the Kurus, these thirty kings will enjoy the earth for four hundred and fifty-six years.

Verse 27 (bhagavata.12.1.27)

सप्ताभीरा आवभृत्या दश गर्दभिनो नृपाः । कङ्काः षोडश भूपाला भविष्यन्त्यतिलोलुपाः ॥ २७ ॥

saptābhīrā āvabhṛtyā daśa gardabhino nṛpāḥ kaṅkāḥ ṣoḍaśa bhū-pālā bhaviṣyanty ati-lolupāḥ

Then seven Abhira kings of Avabhritya, ten Gardabhi kings, and sixteen exceedingly greedy Kanka rulers will follow.

Verse 28 (bhagavata.12.1.28)

ततोऽष्टौ यवना भाव्याश्चतुर्दश तुरुष्ककाः । भूयो दश गुरुण्डाश्च मौला एकादशैव तु ॥ २८ ॥

tato ’ṣṭau yavanā bhāvyāś caturdaśa turuṣkakāḥ bhūyo daśa guruṇḍāś ca maulā ekādaśaiva tu

Then eight Yavana kings will follow, then fourteen Turushkas, then ten Gurundas, and eleven Maula kings.

Verse 29 (bhagavata.12.1.29)

एते भोक्ष्यन्ति पृथिवीं दशवर्षशतानि च । नवाधिकां च नवतिं मौला एकादश क्षितिम् ॥ २९ ॥

ete bhokṣyanti pṛthivīṁ daśa varṣa-śatāni ca navādhikāṁ ca navatiṁ maulā ekādaśa kṣitim

These (Abhiras, Gardabhis and Kankas) will enjoy the earth for one thousand and ninety-nine years; the eleven Maulas too will enjoy the earth,

Verse 30 (bhagavata.12.1.30)

भोक्ष्यन्त्यब्दशतान्यङ्ग त्रीणि तैः संस्थिते ततः । किलकिलायां नृपतयो भूतनन्दोऽथ वङ्गिरिः ॥ ३० ॥

bhokṣyanty abda-śatāny aṅga trīṇi taiḥ saṁsthite tataḥ kilakilāyāṁ nṛpatayo bhūtanando ’tha vaṅgiriḥ

for three hundred years. O gentle one, when they too have passed, then in the city of Kilakila the kings Bhutananda and Vangiri will follow,

Verse 31 (bhagavata.12.1.31)

शिशुनन्दिश्च तद्भ्राता यशोनन्दिः प्रवीरकः । इत्येते वै वर्षशतं भविष्यन्त्यधिकानि षट् ॥ ३१ ॥

śiśunandiś ca tad-bhrātā yaśonandiḥ pravīrakaḥ ity ete vai varṣa-śataṁ bhaviṣyanty adhikāni ṣaṭ

along with his brother Shishunandi, Yashonandi, and Praviraka. All these together will rule for one hundred and six years.

Verse 32 (bhagavata.12.1.32)

तेषां त्रयोदश सुता भवितारश्च बाह्लिकाः । पुष्पमित्रोऽथ राजन्यो दुर्मित्रोऽस्य तथैव च ॥ ३२ ॥

teṣāṁ trayodaśa sutā bhavitāraś ca bāhlikāḥ puṣpamitro ’tha rājanyo durmitro ’sya tathaiva ca

Their thirteen sons will be called the Bahlikas. Then King Pushpamitra, and likewise his Durmitra.

Verse 33 (bhagavata.12.1.33)

एककाला इमे भूपाः सप्तान्ध्राः सप्त कौशलाः । विदूरपतयो भाव्या निषधास्तत एव हि ॥ ३३ ॥

eka-kālā ime bhū-pāḥ saptāndhrāḥ sapta kauśalāḥ vidūra-patayo bhāvyā niṣadhās tata eva hi

Contemporary with these will be seven Andhra kings, seven Kaushala kings, the lords of Vidura, and likewise the rulers of the Nishadha country.

Verse 34 (bhagavata.12.1.34)

मागधानां तु भविता विश्वस्फूर्जिः पुरञ्जयः । करिष्यत्यपरो वर्णान् पुलिन्दयदुमद्रकान् ॥ ३४ ॥

māgadhānāṁ tu bhavitā viśvasphūrjiḥ purañjayaḥ kariṣyaty aparo varṇān pulinda-yadu-madrakān

Then, among the Magadhas, there will appear Vishvasphurji, another Puranjaya. He will reduce the other social classes to the level of the Pulindas, Yadus and Madrakas.

Verse 35 (bhagavata.12.1.35)

प्रजाश्चाब्रह्मभूयिष्ठाः स्थापयिष्यति दुर्मतिः । वीर्यवान् क्षत्रमुत्साद्य पद्मवत्यां स वै पुरि । अनुगङ्गमाप्रयागं गुप्तां भोक्ष्यति मेदिनीम् ॥ ३५ ॥

prajāś cābrahma-bhūyiṣṭhāḥ sthāpayiṣyati durmatiḥ vīryavān kṣatram utsādya padmavatyāṁ sa vai puri anu-gaṅgam ā-prayāgaṁ guptāṁ bhokṣyati medinīm

That foolish yet powerful king, having uprooted the kshatriya order, will leave the citizens mostly without brahminical culture. From the city of Padmavati he will rule that guarded stretch of earth from the source of the Ganga to Prayaga.

Verse 36 (bhagavata.12.1.36)

सौराष्ट्रावन्त्याभीराश्च शूरा अर्बुदमालवाः । व्रात्या द्विजा भविष्यन्ति शूद्रप्राया जनाधिपाः ॥ ३६ ॥

saurāṣṭrāvanty-ābhīrāś ca śūrā arbuda-mālavāḥ vrātyā dvijā bhaviṣyanti śūdra-prāyā janādhipāḥ

In the lands of Saurashtra, Avanti, Abhira, Shura, Arbuda and Malava, the twice-born will become vratyas, fallen from the sacred rites, and the rulers there will be mostly shudra-like.

Verse 37 (bhagavata.12.1.37)

सिन्धोस्तटं चन्द्रभागां कौन्तीं काश्मीरमण्डलम् । भोक्ष्यन्ति शूद्रा व्रात्याद्या म्लेच्छाश्चाब्रह्मवर्चसः ॥ ३७ ॥

sindhos taṭaṁ candrabhāgāṁ kauntīṁ kāśmīra-maṇḍalam bhokṣyanti śūdrā vrātyādyā mlecchāś cābrahma-varcasaḥ

The banks of the Sindhu, and the regions of Chandrabhaga, Kaunti and Kashmira, will be ruled by shudras, degraded vratyas, and mlecchas devoid of brahminical splendor.

Verse 38 (bhagavata.12.1.38)

तुल्यकाला इमे राजन् म्लेच्छप्रायाश्च भूभृतः । एतेऽधर्मानृतपराः फल्गुदास्तीव्रमन्यवः ॥ ३८ ॥

tulya-kālā ime rājan mleccha-prāyāś ca bhū-bhṛtaḥ ete ’dharmānṛta-parāḥ phalgu-dās tīvra-manyavaḥ

O King, these contemporaneous rulers will be mostly barbarous — devoted to unrighteousness and falsehood, miserly in giving, and fierce in anger.

Verse 39 (bhagavata.12.1.39)

स्त्रीबालगोद्विजघ्नाश्च परदारधनादृताः । उदितास्तमितप्राया अल्पसत्त्वाल्पकायुषः ॥ ३९ ॥

strī-bāla-go-dvija-ghnāś ca para-dāra-dhanādṛtāḥ uditāsta-mita-prāyā alpa-sattvālpakāyuṣaḥ

They will be slayers of women, children, cows and brahmanas, and covetous of other men's wives and wealth. Their rise and fall will come swiftly, and they will possess little strength of character and short lifespans.

Verse 40 (bhagavata.12.1.40)

असंस्कृताः क्रियाहीना रजसा तमसावृताः । प्रजास्ते भक्षयिष्यन्ति म्लेच्छा राजन्यरूपिणः ॥ ४० ॥

asaṁskṛtāḥ kriyā-hīnā rajasā tamasāvṛtāḥ prajās te bhakṣayiṣyanti mlecchā rājanya-rūpiṇaḥ

Without the purifying sacraments, devoid of prescribed duties, enveloped in passion and ignorance — these mlecchas in the guise of kings will devour their own subjects.

Verse 41 (bhagavata.12.1.41)

तन्नाथास्ते जनपदास्तच्छीलाचारवादिनः । अन्योन्यतो राजभिश्च क्षयं यास्यन्ति पीडिताः ॥ ४१ ॥

tan-nāthās te janapadās tac-chīlācāra-vādinaḥ anyonyato rājabhiś ca kṣayaṁ yāsyanti pīḍitāḥ

The subjects who take such rulers as their lords will themselves adopt their nature and conduct. Oppressed by one another and by their kings, they will all go to ruin.