Summary Description of the Mahapurusha

Verse 1 (bhagavata.12.11.1)

श्रीशौनक उवाच अथेममर्थं पृच्छामो भवन्तं बहुवित्तमम् । समस्ततन्त्रराद्धान्ते भवान् भागवत तत्त्ववित् ॥ १ ॥

śrī-śaunaka uvāca athemam arthaṁ pṛcchāmo bhavantaṁ bahu-vittamam samasta-tantra-rāddhānte bhavān bhāgavata tattva-vit

Shri Shaunaka said: We now ask you this question, for you are most learned; O devotee of the Lord, you know the essential truth established at the conclusion of all the tantras.

Verse 2 (bhagavata.12.11.2)

तान्त्रिकाः परिचर्यायां केवलस्य श्रियः पतेः । अङ्गोपाङ्गायुधाकल्पं कल्पयन्ति यथा च यैः ॥ २ ॥

tāntrikāḥ paricaryāyāṁ kevalasya śriyaḥ pateḥ aṅgopāṅgāyudhākalpaṁ kalpayanti yathā ca yaiḥ

In the worship prescribed by the tantras of the one Lord of Shri, how do the followers of that path conceive of His limbs, minor limbs, weapons and ornaments, and by what means?

Verse 3 (bhagavata.12.11.3)

तन्नो वर्णय भद्रं ते क्रियायोगं बुभुत्सताम् । येन क्रियानैपुणेन मर्त्यो यायादमर्त्यताम् ॥ ३ ॥

tan no varṇaya bhadraṁ te kriyā-yogaṁ bubhutsatām yena kriyā-naipuṇena martyo yāyād amartyatām

Please describe this to us, who wish to understand — may good fortune attend you — that ritual practice by whose skillful performance a mortal attains immortality.

Verse 4 (bhagavata.12.11.4)

सूत उवाच नमस्कृत्य गुरून् वक्ष्ये विभूतीर्वैष्णवीरपि । याः प्रोक्ता वेदतन्त्राभ्यामाचार्यैः पद्मजादिभिः ॥ ४ ॥

sūta uvāca namaskṛtya gurūn vakṣye vibhūtīr vaiṣṇavīr api yāḥ proktā veda-tantrābhyām ācāryaiḥ padmajādibhiḥ

Suta said: Bowing to my teachers, I shall now describe the Vaishnava opulences as they were taught, by the authority of the Veda and the tantras, by teachers beginning with Brahma, the lotus-born.

Verse 5 (bhagavata.12.11.5)

मायाद्यैर्नवभिस्तत्त्वैः स विकारमयो विराट् । निर्मितो दृश्यते यत्र सचित्के भुवनत्रयम् ॥ ५ ॥

māyādyair navabhis tattvaiḥ sa vikāra-mayo virāṭ nirmito dṛśyate yatra sa-citke bhuvana-trayam

Formed of the nine transforming principles beginning with maya, that Virat, the cosmic form, becomes visible, and within His conscious body the three worlds are seen.

Verse 6 (bhagavata.12.11.6)

एतद् वै पौरुषं रूपं भूः पादौ द्यौः शिरो नभः । नाभिः सूर्योऽक्षिणी नासे वायुः कर्णौ दिशः प्रभोः ॥ ६ ॥

etad vai pauruṣaṁ rūpaṁ bhūḥ pādau dyauḥ śiro nabhaḥ nābhiḥ sūryo ’kṣiṇī nāse vāyuḥ karṇau diśaḥ prabhoḥ

This, indeed, is the form of the Purusha: the earth His feet, heaven His head, the sky His navel, the sun His eyes, the wind His nostrils; the directions are the Lord's ears.

Verse 7 (bhagavata.12.11.7)

प्रजापतिः प्रजननमपानो मृत्युरीशितुः । तद्बाहवो लोकपाला मनश्चन्द्रो भ्रुवौ यमः ॥ ७ ॥

prajāpatiḥ prajananam apāno mṛtyur īśituḥ tad-bāhavo loka-pālā manaś candro bhruvau yamaḥ

Prajapati is His organ of generation, death His organ of excretion; the guardians of the worlds are His arms, the moon His mind, and Yama His eyebrows.

Verse 8 (bhagavata.12.11.8)

लज्जोत्तरोऽधरो लोभो दन्ता ज्योत्स्ना स्मयो भ्रमः । रोमाणि भूरुहा भूम्नो मेघाः पुरुषमूर्धजाः ॥ ८ ॥

lajjottaro ’dharo lobho dantā jyotsnā smayo bhramaḥ romāṇi bhūruhā bhūmno meghāḥ puruṣa-mūrdhajāḥ

Shame is His upper lip, greed His lower lip, moonlight His teeth, delusion His smile; the trees of this vast earth are His bodily hairs, and the clouds the hair of His head.

Verse 9 (bhagavata.12.11.9)

यावानयं वै पुरुषो यावत्या संस्थया मितः । तावानसावपि महापुरुषो लोकसंस्थया ॥ ९ ॥

yāvān ayaṁ vai puruṣo yāvatyā saṁsthayā mitaḥ tāvān asāv api mahā- puruṣo loka-saṁsthayā

Just as an ordinary man is measured by the dimensions of his own frame, so too is that Mahapurusha measured by the arrangement of the worlds themselves.

Verse 10 (bhagavata.12.11.10)

कौस्तुभव्यपदेशेन स्वात्मज्योतिर्बिभर्त्यजः । तत्प्रभा व्यापिनी साक्षात् श्रीवत्समुरसा विभुः ॥ १० ॥

kaustubha-vyapadeśena svātma-jyotir bibharty ajaḥ tat-prabhā vyāpinī sākṣāt śrīvatsam urasā vibhuḥ

In the guise of the Kaustubha gem the unborn Lord bears His own self-luminous radiance, and that all-pervading effulgence He bears directly upon His chest as the mark of Shrivatsa.

Verse 11 (bhagavata.12.11.11)

स्वमायां वनमालाख्यां नानागुणमयीं दधत् । वासश्छन्दोमयं पीतं ब्रह्मसूत्रं त्रिवृत् स्वरम् ॥ ११ ॥

sva-māyāṁ vana-mālākhyāṁ nānā-guṇa-mayīṁ dadhat vāsaś chando-mayaṁ pītaṁ brahma-sūtraṁ tri-vṛt svaram

He wears His own maya, composed of the various gunas, in the form of His forest garland; His yellow garment is the Vedic meters, and His sacred thread the threefold syllable Om.

Verse 12 (bhagavata.12.11.12)

बिभर्ति साङ्ख्यं योगं च देवो मकरकुण्डले । मौलिं पदं पारमेष्ठ्यं सर्वलोकाभयङ्करम् ॥ १२ ॥

bibharti sāṅkhyaṁ yogaṁ ca devo makara-kuṇḍale mauliṁ padaṁ pārameṣṭhyaṁ sarva-lokābhayaṅ-karam

As His two shark-shaped earrings, the Lord bears Sankhya and Yoga; and His crown is the supreme abode of Brahmaloka, which grants fearlessness to all the worlds.

Verse 13 (bhagavata.12.11.13)

अव्याकृतमनन्ताख्यमासनं यदधिष्ठितः । धर्मज्ञानादिभिर्युक्तं सत्त्वं पद्ममिहोच्यते ॥ १३ ॥

avyākṛtam anantākhyam āsanaṁ yad-adhiṣṭhitaḥ dharma-jñānādibhir yuktaṁ sattvaṁ padmam ihocyate

The unmanifest, called Ananta, is the seat upon which He rests; and the lotus, endowed with dharma, jnana and the rest, is here called sattva, the mode of goodness.

Verse 14 (bhagavata.12.11.14)

ओजःसहोबलयुतं मुख्यतत्त्वं गदां दधत् । अपां तत्त्वं दरवरं तेजस्तत्त्वं सुदर्शनम् ॥ १४ ॥

ojaḥ-saho-bala-yutaṁ mukhya-tattvaṁ gadāṁ dadhat apāṁ tattvaṁ dara-varaṁ tejas-tattvaṁ sudarśanam

The mace He bears is prana, the chief vital principle endowed with vigor, force and strength; His excellent conch is the element water, and His Sudarshana disc the element fire.

Verse 15 (bhagavata.12.11.15)

नभोनिभं नभस्तत्त्वमसिं चर्म तमोमयम् । कालरूपं धनुः शार्ङ्गं तथा कर्ममयेषुधिम् ॥ १५ ॥

nabho-nibhaṁ nabhas-tattvam asiṁ carma tamo-mayam kāla-rūpaṁ dhanuḥ śārṅgaṁ tathā karma-mayeṣudhim

His sky-hued sword is the element ether, His shield is composed of tamas; His bow Sharnga is the very form of time, and His quiver is made of karma.

Verse 16 (bhagavata.12.11.16)

इन्द्रियाणि शरानाहुराकूतीरस्य स्यन्दनम् । तन्मात्राण्यस्याभिव्यक्तिं मुद्रयार्थक्रियात्मताम् ॥ १६ ॥

indriyāṇi śarān āhur ākūtīr asya syandanam tan-mātrāṇy asyābhivyaktiṁ mudrayārtha-kriyātmatām

His arrows, they say, are the senses; His chariot is the will; the subtle sense-objects are His manifestation, and His hand-gesture is the very essence of purposeful action.

Verse 17 (bhagavata.12.11.17)

मण्डलं देवयजनं दीक्षा संस्कार आत्मनः । परिचर्या भगवत आत्मनो दुरितक्षयः ॥ १७ ॥

maṇḍalaṁ deva-yajanaṁ dīkṣā saṁskāra ātmanaḥ paricaryā bhagavata ātmano durita-kṣayaḥ

The worship-mandala is the place of divine sacrifice; initiation is the sanctifying rite of the self; and service to the Lord is the destruction of the soul's own sins.

Verse 18 (bhagavata.12.11.18)

भगवान् भगशब्दार्थं लीलाकमलमुद्वहन् । धर्मं यशश्च भगवांश्चामरव्यजनेऽभजत् ॥ १८ ॥

bhagavān bhaga-śabdārthaṁ līlā-kamalam udvahan dharmaṁ yaśaś ca bhagavāṁś cāmara-vyajane ’bhajat

Playfully bearing a lotus that embodies the meanings of the word 'bhaga,' the Lord accepts the service of two chamara fans, which are dharma and fame.

Verse 19 (bhagavata.12.11.19)

आतपत्रं तु वैकुण्ठं द्विजा धामाकुतोभयम् । त्रिवृद्वेदः सुपर्णाख्यो यज्ञं वहति पूरुषम् ॥ १९ ॥

ātapatraṁ tu vaikuṇṭhaṁ dvijā dhāmākuto-bhayam tri-vṛd vedaḥ suparṇākhyo yajñaṁ vahati pūruṣam

O brahmanas, His umbrella is Vaikuntha itself, the abode free of all fear; and Garuda, who bears the sacrificial Lord, is the threefold Veda.

Verse 20 (bhagavata.12.11.20)

अनपायिनी भगवती श्रीः साक्षादात्मनो हरेः । विष्वक्सेनस्तन्त्रमूर्तिर्विदितः पार्षदाधिपः । नन्दादयोऽष्टौ द्वाःस्थाश्च तेऽणिमाद्या हरेर्गुणाः ॥ २० ॥

anapāyinī bhagavatī śrīḥ sākṣād ātmano hareḥ viṣvaksenas tantra-mūrtir viditaḥ pārṣadādhipaḥ nandādayo ’ṣṭau dvāḥ-sthāś ca te ’ṇimādyā harer guṇāḥ

The ever-unfailing goddess Shri is directly the personification of Hari's own being; Vishvaksena, known as chief of His attendants, is the embodiment of the tantras; and the eight doorkeepers headed by Nanda are Hari's own mystic powers, beginning with anima.

Verse 21 (bhagavata.12.11.21)

वासुदेवः सङ्कर्षणः प्रद्युम्नः पुरुषः स्वयम् । अनिरुद्ध इति ब्रह्मन् मूर्तिव्यूहोऽभिधीयते ॥ २१ ॥

vāsudevaḥ saṅkarṣaṇaḥ pradyumnaḥ puruṣaḥ svayam aniruddha iti brahman mūrti-vyūho ’bhidhīyate

Vasudeva, Sankarshana, Pradyumna — the Purusha Himself — and Aniruddha, O brahmana, are what is called the fourfold expansion of His forms.

Verse 22 (bhagavata.12.11.22)

स विश्वस्तैजसः प्राज्ञस्तुरीय इति वृत्तिभिः । अर्थेन्द्रियाशयज्ञानैर्भगवान् परिभाव्यते ॥ २२ ॥

sa viśvas taijasaḥ prājñas turīya iti vṛttibhiḥ arthendriyāśaya-jñānair bhagavān paribhāvyate

By these functions — Vishva, Taijasa, Prajna, and the fourth, Turiya — corresponding to the object, the senses, the inner faculty and pure knowledge, the Lord is conceived.

Verse 23 (bhagavata.12.11.23)

अङ्गोपाङ्गायुधाकल्पैर्भगवांस्तच्चतुष्टयम् । बिभर्ति स्म चतुर्मूर्तिर्भगवान् हरिरीश्वरः ॥ २३ ॥

aṅgopāṅgāyudhākalpair bhagavāṁs tac catuṣṭayam bibharti sma catur-mūrtir bhagavān harir īśvaraḥ

With His limbs, minor limbs, weapons and ornaments, the Lord Hari, the Ishvara, thus bears that fourfold expansion in four distinct forms.

Verse 24 (bhagavata.12.11.24)

द्विजऋषभ स एष ब्रह्मयोनिः स्वयंदृक् स्वमहिमपरिपूर्णो मायया च स्वयैतत् । सृजति हरति पातीत्याख्ययानावृताक्षो विवृत इव निरुक्तस्तत्परैरात्मलभ्यः ॥ २४ ॥

dvija-ṛṣabha sa eṣa brahma-yoniḥ svayaṁ-dṛk sva-mahima-paripūrṇo māyayā ca svayaitat sṛjati harati pātīty ākhyayānāvṛtākṣo vivṛta iva niruktas tat-parair ātma-labhyaḥ

O best of brahmanas, this same Lord is the source of the Vedas, self-luminous, perfect in His own glory; through His own maya He creates, destroys and sustains this universe — and though thus spoken of, as if divided by these functions, His true eye remains ever unveiled, and He is attained as the very Self by those devoted to Him.

Verse 25 (bhagavata.12.11.25)

श्रीकृष्ण कृष्णसख वृष्ण्यृषभावनिध्रुग् राजन्यवंशदहनानपवर्गवीर्य । गोविन्द गोपवनिताव्रजभृत्यगीत- तीर्थश्रवः श्रवणमङ्गल पाहि भृत्यान् ॥ २५ ॥

śrī-kṛṣṇa kṛṣṇa-sakha vṛṣṇy-ṛṣabhāvani-dhrug- rājanya-vaṁśa-dahanānapavarga-vīrya govinda gopa-vanitā-vraja-bhṛtya-gīta tīrtha-śravaḥ śravaṇa-maṅgala pāhi bhṛtyān

O Shri Krishna, friend of Krishna [Arjuna], foremost of the Vrishnis, You who consumed the kingly lines that oppressed this earth, whose power never wanes! O Govinda, whose sacred glory, sung by the gopis and cowherds and their own servants, is auspicious to hear — protect Your servants.

Verse 26 (bhagavata.12.11.26)

य इदं कल्य उत्थाय महापुरुषलक्षणम् । तच्चित्तः प्रयतो जप्त्वा ब्रह्म वेद गुहाशयम् ॥ २६ ॥

ya idaṁ kalya utthāya mahā-puruṣa-lakṣaṇam tac-cittaḥ prayato japtvā brahma veda guhāśayam

Whoever rises early and, with mind fixed and purified, softly recites this description of the Mahapurusha's characteristics, comes to know that Brahman who dwells hidden in the heart.

Verse 27 (bhagavata.12.11.27)

श्रीशौनक उवाच शुको यदाह भगवान् विष्णुराताय शृण्वते । सौरो गणो मासि मासि नाना वसति सप्तकः ॥ २७ ॥

śrī-śaunaka uvāca śuko yad āha bhagavān viṣṇu-rātāya śṛṇvate sauro gaṇo māsi māsi nānā vasati saptakaḥ

Shri Shaunaka said: What the illustrious Shuka spoke to Vishnurata, who was listening — that in each month a different sevenfold company of the sun-god's retinue dwells —

Verse 28 (bhagavata.12.11.28)

तेषां नामानि कर्माणि नियुक्तानामधीश्वरैः । ब्रूहि नः श्रद्दधानानां व्यूहं सूर्यात्मनो हरेः ॥ २८ ॥

teṣāṁ nāmāni karmāṇi niyuktānām adhīśvaraiḥ brūhi naḥ śraddadhānānāṁ vyūhaṁ sūryātmano hareḥ

— their names and their appointed duties, assigned by their overlords — please tell us, who listen with faith, this arrangement of Hari in His form as the sun.

Verse 29 (bhagavata.12.11.29)

सूत उवाच अनाद्यविद्यया विष्णोरात्मनः सर्वदेहिनाम् । निर्मितो लोकतन्त्रोऽयं लोकेषु परिवर्तते ॥ २९ ॥

sūta uvāca anādy-avidyayā viṣṇor ātmanaḥ sarva-dehinām nirmito loka-tantro ’yaṁ lokeṣu parivartate

Suta said: Fashioned by the beginningless ignorance belonging to Vishnu, the Self of all embodied beings, this system of the worlds revolves among the worlds.

Verse 30 (bhagavata.12.11.30)

एक एव हि लोकानां सूर्य आत्मादिकृद्धरिः । सर्ववेदक्रियामूलमृषिभिर्बहुधोदितः ॥ ३० ॥

eka eva hi lokānāṁ sūrya ātmādi-kṛd dhariḥ sarva-veda-kriyā-mūlam ṛṣibhir bahudhoditaḥ

The sun is verily the one soul and original creator of the worlds, none other than Hari; the root of all Vedic ritual, he has been described in many ways by the sages.

Verse 31 (bhagavata.12.11.31)

कालो देशः क्रिया कर्ता करणं कार्यमागमः । द्रव्यं फलमिति ब्रह्मन् नवधोक्तोऽजया हरिः ॥ ३१ ॥

kālo deśaḥ kriyā kartā karaṇaṁ kāryam āgamaḥ dravyaṁ phalam iti brahman navadhokto ’jayā hariḥ

As time, place, action, agent, instrument, effect, scripture, substance, and result — in these nine ways, O brahmana, has Hari, through His unborn energy, been described.

Verse 32 (bhagavata.12.11.32)

मध्वादिषु द्वादशसु भगवान् कालरूपधृक् । लोकतन्त्राय चरति पृथग्द्वादशभिर्गणैः ॥ ३२ ॥

madhv-ādiṣu dvādaśasu bhagavān kāla-rūpa-dhṛk loka-tantrāya carati pṛthag dvādaśabhir gaṇaiḥ

Through the twelve months, beginning with Madhu, the Lord, bearing the form of time, moves about with a different set of twelve associates in each, to sustain the order of the worlds.

Verse 33 (bhagavata.12.11.33)

धाता कृतस्थली हेतिर्वासुकी रथकृन्मुने । पुलस्त्यस्तुम्बुरुरिति मधुमासं नयन्त्यमी ॥ ३३ ॥

dhātā kṛtasthalī hetir vāsukī rathakṛn mune pulastyas tumburur iti madhu-māsaṁ nayanty amī

O sage, Dhata as the sun, Kritasthali the apsara, Heti the rakshasa, Vasuki the naga, Rathakrit the yaksha, Pulastya the sage, and Tumburu the gandharva — these guide the month of Madhu.

Verse 34 (bhagavata.12.11.34)

अर्यमा पुलहोऽथौजाः प्रहेतिः पुञ्जिकस्थली । नारदः कच्छनीरश्च नयन्त्येते स्म माधवम् ॥ ३४ ॥

aryamā pulaho ’thaujāḥ prahetiḥ puñjikasthalī nāradaḥ kacchanīraś ca nayanty ete sma mādhavam

Aryama the sun, Pulaha the sage, Aujas the yaksha, Praheti the rakshasa, Punjikasthali the apsara, Narada the gandharva, and Kachchhanira the naga — these guide Madhava.

Verse 35 (bhagavata.12.11.35)

मित्रोऽत्रिः पौरुषेयोऽथ तक्षको मेनका हहाः । रथस्वन इति ह्येते शुक्रमासं नयन्त्यमी ॥ ३५ ॥

mitro ’triḥ pauruṣeyo ’tha takṣako menakā hahāḥ rathasvana iti hy ete śukra-māsaṁ nayanty amī

Mitra the sun, Atri the sage, Paurusheya the rakshasa, Takshaka the naga, Menaka the apsara, Haha the gandharva, and Rathasvana the yaksha — these guide the month of Shukra.

Verse 36 (bhagavata.12.11.36)

वसिष्ठो वरुणो रम्भा सहजन्यस्तथा हुहूः । शुक्रश्चित्रस्वनश्चैव शुचिमासं नयन्त्यमी ॥ ३६ ॥

vasiṣṭho varuṇo rambhā sahajanyas tathā huhūḥ śukraś citrasvanaś caiva śuci-māsaṁ nayanty amī

Vasishtha the sage, Varuna the sun, Rambha the apsara, Sahajanya the rakshasa, Huhu the gandharva, Shukra the naga, and Chitrasvana the yaksha — these guide the month of Shuchi.

Verse 37 (bhagavata.12.11.37)

इन्द्रो विश्वावसुः श्रोता एलापत्रस्तथाङ्गिराः । प्रम्लोचा राक्षसो वर्यो नभोमासं नयन्त्यमी ॥ ३७ ॥

indro viśvāvasuḥ śrotā elāpatras tathāṅgirāḥ pramlocā rākṣaso varyo nabho-māsaṁ nayanty amī

Indra the sun, Vishvavasu the gandharva, Shrota the yaksha, Elapatra the naga, Angira the sage, Pramlocha the apsara, and Varya the rakshasa — these guide the month of Nabhas.

Verse 38 (bhagavata.12.11.38)

विवस्वानुग्रसेनश्च व्याघ्र आसारणो भृगुः । अनुम्लोचा शङ्खपालो नभस्याख्यं नयन्त्यमी ॥ ३८ ॥

vivasvān ugrasenaś ca vyāghra āsāraṇo bhṛguḥ anumlocā śaṅkhapālo nabhasyākhyaṁ nayanty amī

Vivasvan the sun, Ugrasena the gandharva, Vyaghra the rakshasa, Asarana the yaksha, Bhrigu the sage, Anumlocha the apsara, and Shankhapala the naga — these guide the month called Nabhasya.

Verse 39 (bhagavata.12.11.39)

पूषा धनञ्जयो वातः सुषेणः सुरुचिस्तथा । घृताची गौतमश्चेति तपोमासं नयन्त्यमी ॥ ३९ ॥

pūṣā dhanañjayo vātaḥ suṣeṇaḥ surucis tathā ghṛtācī gautamaś ceti tapo-māsaṁ nayanty amī

Pusha the sun, Dhananjaya the naga, Vata the rakshasa, Sushena the gandharva, Suruchi the yaksha, Ghritachi the apsara, and Gautama the sage — these guide the month of Tapas.

Verse 40 (bhagavata.12.11.40)

ऋतुर्वर्चा भरद्वाजः पर्जन्यः सेनजित्तथा । विश्व ऐरावतश्चैव तपस्याख्यं नयन्त्यमी ॥ ४० ॥

ṛtur varcā bharadvājaḥ parjanyaḥ senajit tathā viśva airāvataś caiva tapasyākhyaṁ nayanty amī

Ritu the yaksha, Varcha the rakshasa, Bharadvaja the sage, Parjanya the sun, Senajit the apsara, Vishva the gandharva, and Airavata the naga — these guide the month called Tapasya.

Verse 41 (bhagavata.12.11.41)

अथांशुः कश्यपस्तार्क्ष्य ऋतसेनस्तथोर्वशी । विद्युच्छत्रुर्महाशङ्खः सहोमासं नयन्त्यमी ॥ ४१ ॥

athāṁśuḥ kaśyapas tārkṣya ṛtasenas tathorvaśī vidyucchatrur mahāśaṅkhaḥ saho-māsaṁ nayanty amī

Amshu the sun, Kashyapa the sage, Tarkshya the yaksha, Ritasena the gandharva, Urvashi the apsara, Vidyuchchhatru the rakshasa, and Mahashankha the naga — these guide the month of Sahas.

Verse 42 (bhagavata.12.11.42)

भगः स्फूर्जोऽरिष्टनेमिरूर्ण आयुश्च पञ्चमः । कर्कोटकः पूर्वचित्तिः पुष्यमासं नयन्त्यमी ॥ ४२ ॥

bhagaḥ sphūrjo ’riṣṭanemir ūrṇa āyuś ca pañcamaḥ karkoṭakaḥ pūrvacittiḥ puṣya-māsaṁ nayanty amī

Bhaga the sun, Sphurja the rakshasa, Arishtanemi the gandharva, Urna the yaksha, Ayu the sage — the fifth — Karkotaka the naga, and Purvachitti the apsara — these guide the month of Pushya.

Verse 43 (bhagavata.12.11.43)

त्वष्टा ऋचीकतनयः कम्बलश्च तिलोत्तमा । ब्रह्मापेतोऽथ शतजिद् धृतराष्ट्र इषम्भराः ॥ ४३ ॥

tvaṣṭā ṛcīka-tanayaḥ kambalaś ca tilottamā brahmāpeto ’tha satajid dhṛtarāṣṭra iṣam-bharāḥ

Tvashta the sun, the son of Richika the sage, Kambala the naga, Tilottama the apsara, Brahmapeta the rakshasa, Shatajit the yaksha, and Dhritarashtra the gandharva — these sustain the month of Isha.

Verse 44 (bhagavata.12.11.44)

विष्णुरश्वतरो रम्भा सूर्यवर्चाश्च सत्यजित् । विश्वामित्रो मखापेत ऊर्जमासं नयन्त्यमी ॥ ४४ ॥

viṣṇur aśvataro rambhā sūryavarcāś ca satyajit viśvāmitro makhāpeta ūrja-māsaṁ nayanty amī

Vishnu the sun, Ashvatara the naga, Rambha the apsara, Suryavarcha the gandharva, Satyajit the yaksha, Vishvamitra the sage, and Makhapeta the rakshasa — these guide the month of Urja.

Verse 45 (bhagavata.12.11.45)

एता भगवतो विष्णोरादित्यस्य विभूतयः । स्मरतां सन्ध्ययोर्नृणां हरन्त्यंहो दिने दिने ॥ ४५ ॥

etā bhagavato viṣṇor ādityasya vibhūtayaḥ smaratāṁ sandhyayor nṝṇāṁ haranty aṁho dine dine

These are the opulent manifestations of Lord Vishnu as the sun; for those who remember them at the two twilights, they remove sin day after day.

Verse 46 (bhagavata.12.11.46)

द्वादशस्वपि मासेषु देवोऽसौ षड्भिरस्य वै । चरन् समन्तात्तनुते परत्रेह च सन्मतिम् ॥ ४६ ॥

dvādaśasv api māseṣu devo ’sau ṣaḍbhir asya vai caran samantāt tanute paratreha ca san-matim

Thus in all twelve months, that god, moving about with his six associates in each, spreads pure understanding both in this world and the next.

Verse 47 (bhagavata.12.11.47)

सामर्ग्यजुर्भिस्तल्लिङ्गैऋर्षयः संस्तुवन्त्यमुम् । गन्धर्वास्तं प्रगायन्ति नृत्यन्त्यप्सरसोऽग्रतः ॥ ४७ ॥

sāmarg-yajurbhis tal-liṅgair ṛṣayaḥ saṁstuvanty amum gandharvās taṁ pragāyanti nṛtyanty apsaraso ’grataḥ

With hymns of Sama, Rig and Yajur that reveal his true nature, the sages praise him; the gandharvas sing before him, and the apsaras dance in front.

Verse 48 (bhagavata.12.11.48)

उन्नह्यन्ति रथं नागा ग्रामण्यो रथयोजकाः । चोदयन्ति रथं पृष्ठे नैऋर्ता बलशालिनः ॥ ४८ ॥

unnahyanti rathaṁ nāgā grāmaṇyo ratha-yojakāḥ codayanti rathaṁ pṛṣṭhe nairṛtā bala-śālinaḥ

The nagas fasten his chariot's harness, the yakshas act as charioteers, and the mighty rakshasas drive the chariot forward from behind.

Verse 49 (bhagavata.12.11.49)

वालखिल्याः सहस्राणि षष्टिर्ब्रह्मर्षयोऽमलाः । पुरतोऽभिमुखं यान्ति स्तुवन्ति स्तुतिभिर्विभुम् ॥ ४९ ॥

vālakhilyāḥ sahasrāṇi ṣaṣṭir brahmarṣayo ’malāḥ purato ’bhimukhaṁ yānti stuvanti stutibhir vibhum

Sixty thousand pure brahmarshis called the Valakhilyas go ahead, facing him, praising that mighty lord with their hymns.

Verse 50 (bhagavata.12.11.50)

एवं ह्यनादिनिधनो भगवान् हरिरीश्वरः । कल्पे कल्पे स्वमात्मानं व्यूह्य लोकानवत्यजः ॥ ५० ॥

evaṁ hy anādi-nidhano bhagavān harir īśvaraḥ kalpe kalpe svam ātmānaṁ vyūhya lokān avaty ajaḥ

Thus the beginningless and endless Lord Hari, the unborn Ishvara, in each and every kalpa expands Himself into these forms and protects all the worlds.