Devahuti's Lamentation

Verse 1 (bhagavata.3.23.1)

मैत्रेय उवाच पितृभ्यां प्रस्थिते साध्वी पतिमिङ्गितकोविदा । नित्यं पर्यचरत्प्रीत्या भवानीव भवं प्रभुम् ॥ १ ॥

maitreya uvāca pitṛbhyāṁ prasthite sādhvī patim iṅgita-kovidā nityaṁ paryacarat prītyā bhavānīva bhavaṁ prabhum

Maitreya said: After her parents had departed, the chaste Devahuti, who understood her husband's every wish, served her lord constantly and with love, as Bhavani serves her lord Bhava.

Verse 2 (bhagavata.3.23.2)

विश्रम्भेणात्मशौचेन गौरवेण दमेन च । शुश्रूषया सौहृदेन वाचा मधुरया च भोः ॥ २ ॥

viśrambheṇātma-śaucena gauraveṇa damena ca śuśrūṣayā sauhṛdena vācā madhurayā ca bhoḥ

O Vidura, with trust, with purity of body and mind, with reverence, with self-restraint, with attentive service, with affection, and with sweet words...

Verse 3 (bhagavata.3.23.3)

विसृज्य कामं दम्भं च द्वेषं लोभमघं मदम् । अप्रमत्तोद्यता नित्यं तेजीयांसमतोषयत् ॥ ३ ॥

visṛjya kāmaṁ dambhaṁ ca dveṣaṁ lobham aghaṁ madam apramattodyatā nityaṁ tejīyāṁsam atoṣayat

— giving up lust, pride, envy, greed, sin, and vanity, ever watchful and diligent, she kept her illustrious husband well pleased.

Verse 4 (bhagavata.3.23.4)

स वै देवर्षिवर्यस्तां मानवीं समनुव्रताम् । दैवाद्गरीयसः पत्युराशासानां महाशिषः ॥ ४ ॥

sa vai devarṣi-varyas tāṁ mānavīṁ samanuvratām daivād garīyasaḥ patyur āśāsānāṁ mahāśiṣaḥ

That foremost of celestial sages beheld the daughter of Manu, devoted to him, who held her husband to be greater even than destiny itself, and who looked to him for the greatest of blessings...

Verse 5 (bhagavata.3.23.5)

कालेन भूयसा क्षामां कर्शितां व्रतचर्यया । प्रेमगद्गदया वाचा पीडितः कृपयाब्रवीत् ॥ ५ ॥

kālena bhūyasā kṣāmāṁ karśitāṁ vrata-caryayā prema-gadgadayā vācā pīḍitaḥ kṛpayābravīt

...who had grown thin and weak from her long observance of vows; overcome with compassion, he spoke to her in a voice choked with love.

Verse 6 (bhagavata.3.23.6)

कर्दम उवाच तुष्टोऽहमद्य तव मानवि मानदायाः शुश्रूषया परमया परया च भक्त्या । यो देहिनामयमतीव सुहृत्स देहो नावेक्षितः समुचितः क्षपितुं मदर्थे ॥ ६ ॥

kardama uvāca tuṣṭo ’ham adya tava mānavi mānadāyāḥ śuśrūṣayā paramayā parayā ca bhaktyā yo dehinām ayam atīva suhṛt sa deho nāvekṣitaḥ samucitaḥ kṣapituṁ mad-arthe

Kardama said: Today, O respectful daughter of Manu, I am well pleased with you, by your excellent service and your supreme devotion. This body, so dear to every embodied soul, you have given no thought to at all, spending it entirely in my service.

Verse 7 (bhagavata.3.23.7)

ये मे स्वधर्मनिरतस्य तपःसमाधि- विद्यात्मयोगविजिता भगवत्प्रसादाः । तानेव ते मदनुसेवनयावरुद्धान् दृष्टिं प्रपश्य वितराम्यभयानशोकान् ॥ ७ ॥

ye me sva-dharma-niratasya tapaḥ-samādhi- vidyātma-yoga-vijitā bhagavat-prasādāḥ tān eva te mad-anusevanayāvaruddhān dṛṣṭiṁ prapaśya vitarāmy abhayān aśokān

Those blessings of the Lord which I, devoted to my own duty, have won through austerity, meditation, knowledge, and yoga, those very blessings, through your service to me, have already become yours; behold them now with that vision. I grant them to you, free from all fear and sorrow.

Verse 8 (bhagavata.3.23.8)

अन्ये पुनर्भगवतो भ्रुव उद्विजृम्भ- विभ्रंशितार्थरचनाः किमुरुक्रमस्य । सिद्धासि भुङ्क्ष्व विभवान्निजधर्मदोहान् दिव्यान्नरैर्दुरधिगान्नृपविक्रियाभिः ॥ ८ ॥

anye punar bhagavato bhruva udvijṛmbha- vibhraṁśitārtha-racanāḥ kim urukramasya siddhāsi bhuṅkṣva vibhavān nija-dharma-dohān divyān narair duradhigān nṛpa-vikriyābhiḥ

What use are all other worldly achievements, which crumble at the mere flicker of the Lord's eyebrow? You have already attained perfection; enjoy these divine riches, gained through your own devotion, riches rarely won even by men proud of royal splendor.

Verse 9 (bhagavata.3.23.9)

एवं ब्रुवाणमबलाखिलयोगमाया- विद्याविचक्षणमवेक्ष्य गताधिरासीत् । सम्प्रश्रयप्रणयविह्वलया गिरेषद्- व्रीडावलोकविलसद्धसिताननाह ॥ ९ ॥

evaṁ bruvāṇam abalākhila-yoga-māyā- vidyā-vicakṣaṇam avekṣya gatādhir āsīt sampraśraya-praṇaya-vihvalayā gireṣad- vrīḍāvaloka-vilasad-dhasitānanāha

Hearing him speak thus, and seeing him so accomplished in all the knowledge of yogamaya, her mind grew easy; and with a voice trembling with humility and love, her face slightly bashful yet aglow with a smile, she spoke.

Verse 10 (bhagavata.3.23.10)

देवहूतिरुवाच राद्धं बत द्विजवृषैतदमोघयोग- मायाधिपे त्वयि विभो तदवैमि भर्तः । यस्तेऽभ्यधायि समयः सकृदङ्गसङ्गो भूयाद्गरीयसि गुणः प्रसवः सतीनाम् ॥ १० ॥

devahūtir uvāca rāddhaṁ bata dvija-vṛṣaitad amogha-yoga- māyādhipe tvayi vibho tad avaimi bhartaḥ yas te ’bhyadhāyi samayaḥ sakṛd aṅga-saṅgo bhūyād garīyasi guṇaḥ prasavaḥ satīnām

Devahuti said: O best of brahmanas, O mighty one, master of unfailing yogamaya, all this is already accomplished in you, I know it well, my husband. But let that promise you once made me, of bodily union, now be fulfilled, for progeny is the greatest virtue for a chaste woman blessed with so glorious a husband.

Verse 11 (bhagavata.3.23.11)

तत्रेतिकृत्यमुपशिक्ष यथोपदेशं येनैष मे कर्शितोऽतिरिरंसयात्मा । सिद्ध्येत ते कृतमनोभवधर्षिताया दीनस्तदीश भवनं सदृशं विचक्ष्व ॥ ११ ॥

tatreti-kṛtyam upaśikṣa yathopadeśaṁ yenaiṣa me karśito ’tiriraṁsayātmā siddhyeta te kṛta-manobhava-dharṣitāyā dīnas tad īśa bhavanaṁ sadṛśaṁ vicakṣva

In this matter, please instruct me as the scriptures direct, so that this body of mine, wasted by unfulfilled longing, may find its fulfillment. I am overcome by desire, poor as I am; O my lord, kindly think of a fitting dwelling for this.

Verse 12 (bhagavata.3.23.12)

मैत्रेय उवाच प्रियायाः प्रियमन्विच्छन् कर्दमो योगमास्थितः । विमानं कामगं क्षत्तस्तर्ह्येवाविरचीकरत् ॥ १२ ॥

maitreya uvāca priyāyāḥ priyam anvicchan kardamo yogam āsthitaḥ vimānaṁ kāma-gaṁ kṣattas tarhy evāviracīkarat

Maitreya said: O Kshatta, seeking to please his beloved, Kardama, drawing upon his yogic power, at once brought into being an aerial mansion that moved wherever he willed.

Verse 13 (bhagavata.3.23.13)

सर्वकामदुघं दिव्यं सर्वरत्नसमन्वितम् । सर्वर्द्ध्युपचयोदर्कं मणिस्तम्भैरुपस्कृतम् ॥ १३ ॥

sarva-kāma-dughaṁ divyaṁ sarva-ratna-samanvitam sarvarddhy-upacayodarkaṁ maṇi-stambhair upaskṛtam

It was a wondrous thing, granting every desire, adorned with every kind of gem, its splendor ever increasing, its pillars set with precious stones.

Verse 14 (bhagavata.3.23.14)

दिव्योपकरणोपेतं सर्वकालसुखावहम् । पट्टिकाभिः पताकाभिर्विचित्राभिरलंकृतम् ॥ १४ ॥

divyopakaraṇopetaṁ sarva-kāla-sukhāvaham paṭṭikābhiḥ patākābhir vicitrābhir alaṅkṛtam

It was fitted with celestial furnishings, comfortable in every season, and adorned with brightly colored ribbons and banners.

Verse 15 (bhagavata.3.23.15)

स्रग्भिर्विचित्रमाल्याभिर्मञ्जुशिञ्जत्षडङ्घ्रिभिः । दुकूलक्षौमकौशेयैर्नानावस्रैर्विराजितम् ॥ १५ ॥

sragbhir vicitra-mālyābhir mañju-śiñjat-ṣaḍ-aṅghribhiḥ dukūla-kṣauma-kauśeyair nānā-vastrair virājitam

It was adorned with garlands of varied flowers, humming sweetly with bees, and it shone with fine cloths of silk, linen, and every other fabric.

Verse 16 (bhagavata.3.23.16)

उपर्युपरि विन्यस्तनिलयेषु पृथक्पृथक् । क्षिप्तैः कशिपुभिः कान्तं पर्यङ्कव्यजनासनैः ॥ १६ ॥

upary upari vinyasta- nilayeṣu pṛthak pṛthak kṣiptaiḥ kaśipubhiḥ kāntaṁ paryaṅka-vyajanāsanaiḥ

Its stories, rising one above another, each separately furnished with beds, fans, and seats, made it a truly charming sight.

Verse 17 (bhagavata.3.23.17)

तत्र तत्र विनिक्षिप्तनानाशिल्पोपशोभितम् । महामरकतस्थल्या जुष्टं विद्रुमवेदिभिः ॥ १७ ॥

tatra tatra vinikṣipta- nānā-śilpopaśobhitam mahā-marakata-sthalyā juṣṭaṁ vidruma-vedibhiḥ

It was adorned here and there with all manner of artistic craftsmanship, furnished with a floor of great emeralds and platforms of coral.

Verse 18 (bhagavata.3.23.18)

द्वाःसु विद्रुमदेहल्या भातं वज्रकपाटवत् । शिखरेष्विन्द्रनीलेषु हेमकुम्भैरधिश्रितम् ॥ १८ ॥

dvāḥsu vidruma-dehalyā bhātaṁ vajra-kapāṭavat śikhareṣv indranīleṣu hema-kumbhair adhiśritam

At its entrances, coral thresholds gleamed, its doors were studded with diamonds, and its sapphire-domed towers were crowned with golden pinnacles.

Verse 19 (bhagavata.3.23.19)

चक्षुष्मत्पद्मरागाग्र्यैर्वज्रभित्तिषु निर्मितैः । जुष्टं विचित्रवैतानैर्महार्हैर्हेमतोरणैः ॥ १९ ॥

cakṣuṣmat padmarāgāgryair vajra-bhittiṣu nirmitaiḥ juṣṭaṁ vicitra-vaitānair mahārhair hema-toraṇaiḥ

With the finest rubies set into its diamond walls, it seemed almost to possess eyes; it was furnished with marvelous canopies and precious golden archways.

Verse 20 (bhagavata.3.23.20)

हंसपारावतव्रातैस्तत्र तत्र निकूजितम् । कृत्रिमान् मन्यमानैः स्वानधिरुह्याधिरुह्य च ॥ २० ॥

haṁsa-pārāvata-vrātais tatra tatra nikūjitam kṛtrimān manyamānaiḥ svān adhiruhyādhiruhya ca

It resounded here and there with flocks of cooing swans and doves, the real birds again and again fluttering up over the artificial ones, mistaking them for their own kind.

Verse 21 (bhagavata.3.23.21)

विहारस्थानविश्रामसंवेशप्राङ्गणाजिरैः । यथोपजोषं रचितैर्विस्मापनमिवात्मनः ॥ २१ ॥

vihāra-sthāna-viśrāma- saṁveśa-prāṅgaṇājiraiḥ yathopajoṣaṁ racitair vismāpanam ivātmanaḥ

With pleasure grounds, resting chambers, bedrooms, and inner and outer courtyards, all designed for comfort, it was so wondrous that it astonished even Kardama himself.

Verse 22 (bhagavata.3.23.22)

ईदृग्गृहं तत्पश्यन्तीं नातिप्रीतेन चेतसा । सर्वभूताशयाभिज्ञः प्रावोचत्कर्दमः स्वयम् ॥ २२ ॥

īdṛg gṛhaṁ tat paśyantīṁ nātiprītena cetasā sarva-bhūtāśayābhijñaḥ prāvocat kardamaḥ svayam

Seeing her look upon such a house without much joy in her heart, Kardama, who could read the inmost thoughts of every being, himself spoke to her.

Verse 23 (bhagavata.3.23.23)

निमज्ज्यास्मिन् हृदे भीरु विमानमिदमारुह । इदं शुक्लकृतं तीर्थमाशिषां यापकं नृणाम् ॥ २३ ॥

nimajjyāsmin hrade bhīru vimānam idam āruha idaṁ śukla-kṛtaṁ tīrtham āśiṣāṁ yāpakaṁ nṛṇām

'O timid one, first bathe in this lake, and then ascend this aerial mansion; this sacred place was made by the pure Lord Himself, and it grants the desires of all men.'

Verse 24 (bhagavata.3.23.24)

सा तद्भर्तुः समादाय वचः कुवलयेक्षणा । सरजं बिभ्रती वासो वेणीभूतांश्च मूर्धजान् ॥ २४ ॥

sā tad bhartuḥ samādāya vacaḥ kuvalayekṣaṇā sarajaṁ bibhratī vāso veṇī-bhūtāṁś ca mūrdhajān

She, the lotus-eyed Devahuti, accepting her husband's words, still clad in a soiled garment, her hair matted into a braid...

Verse 25 (bhagavata.3.23.25)

अङ्गं च मलपङ्केन संछन्नं शबलस्तनम् । आविवेश सरस्वत्याः सरः शिवजलाशयम् ॥ २५ ॥

aṅgaṁ ca mala-paṅkena sañchannaṁ śabala-stanam āviveśa sarasvatyāḥ saraḥ śiva-jalāśayam

— her body caked with grime, her breasts discolored, entered that lake fed by the Sarasvati, its waters holy and pure.

Verse 26 (bhagavata.3.23.26)

सान्तःसरसि वेश्मस्थाः शतानि दश कन्यकाः । सर्वाः किशोरवयसो ददर्शोत्पलगन्धयः ॥ २६ ॥

sāntaḥ sarasi veśma-sthāḥ śatāni daśa kanyakāḥ sarvāḥ kiśora-vayaso dadarśotpala-gandhayaḥ

There within the lake, in a mansion, she beheld a thousand maidens, all in the bloom of youth and fragrant as lotuses.

Verse 27 (bhagavata.3.23.27)

तां दृष्ट्वा सहसोत्थाय प्रोचुः प्राञ्जलयः स्त्रियः । वयं कर्मकरीस्तुभ्यं शाधि नः करवाम किम् ॥ २७ ॥

tāṁ dṛṣṭvā sahasotthāya procuḥ prāñjalayaḥ striyaḥ vayaṁ karma-karīs tubhyaṁ śādhi naḥ karavāma kim

Seeing her, those women rose at once and, hands folded, said: 'We are your servants; command us, what shall we do?'

Verse 28 (bhagavata.3.23.28)

स्नानेन तां महार्हेण स्नापयित्वा मनस्विनीम् । दुकूले निर्मले नूत्ने ददुरस्यै च मानदाः ॥ २८ ॥

snānena tāṁ mahārheṇa snāpayitvā manasvinīm dukūle nirmale nūtne dadur asyai ca mānadāḥ

Bathing that noble lady with the most precious oils, those respectful maidens presented her with spotless new garments of fine cloth.

Verse 29 (bhagavata.3.23.29)

भूषणानि परार्ध्यानि वरीयांसि द्युमन्ति च । अन्नं सर्वगुणोपेतं पानं चैवामृतासवम् ॥ २९ ॥

bhūṣaṇāni parārdhyāni varīyāṁsi dyumanti ca annaṁ sarva-guṇopetaṁ pānaṁ caivāmṛtāsavam

They gave her priceless ornaments, splendid and gleaming, food endowed with every good quality, and a sweet, intoxicating nectar to drink.

Verse 30 (bhagavata.3.23.30)

अथादर्शे स्वमात्मानं स्रग्विणं विरजाम्बरम् । विरजं कृतस्वस्त्ययनं कन्याभिर्बहुमानितम् ॥ ३० ॥

athādarśe svam ātmānaṁ sragviṇaṁ virajāmbaram virajaṁ kṛta-svastyayanaṁ kanyābhir bahu-mānitam

Then, in a mirror, she beheld her own reflection: garlanded, dressed in spotless robes, her body wholly cleansed, adorned with auspicious marks, and held in the highest honor by the maidens.

Verse 31 (bhagavata.3.23.31)

स्नातं कृतशिरःस्नानं सर्वाभरणभूषितम् । निष्कग्रीवं वलयिनं कूजत्काञ्चननूपुरम् ॥ ३१ ॥

snātaṁ kṛta-śiraḥ-snānaṁ sarvābharaṇa-bhūṣitam niṣka-grīvaṁ valayinaṁ kūjat-kāñcana-nūpuram

Bathed from head to foot, adorned with every ornament, a golden locket about her neck, bangles upon her wrists, tinkling golden anklets about her feet.

Verse 32 (bhagavata.3.23.32)

श्रोण्योरध्यस्तया काञ्च्या काञ्चन्या बहुरत्नया । हारेण च महार्हेण रुचकेन च भूषितम् ॥ ३२ ॥

śroṇyor adhyastayā kāñcyā kāñcanyā bahu-ratnayā hāreṇa ca mahārheṇa rucakena ca bhūṣitam

About her hips she wore a golden girdle set with many jewels, and she was further adorned with a precious necklace and auspicious ornaments.

Verse 33 (bhagavata.3.23.33)

सुदता सुभ्रुवा श्लक्ष्णस्निग्धापाङ्गेन चक्षुषा । पद्मकोशस्पृधा नीलैरलकैश्च लसन्मुखम् ॥ ३३ ॥

sudatā subhruvā ślakṣṇa- snigdhāpāṅgena cakṣuṣā padma-kośa-spṛdhā nīlair alakaiś ca lasan-mukham

Her face, with its lovely teeth, graceful brows, and eyes whose soft, moist corners rivaled a lotus bud, shone radiant, framed by dark, curling locks.

Verse 34 (bhagavata.3.23.34)

यदा सस्मार ऋषभमृषीणां दयितं पतिम् । तत्र चास्ते सह स्त्रीभिर्यत्रास्ते स प्रजापतिः ॥ ३४ ॥

yadā sasmāra ṛṣabham ṛṣīṇāṁ dayitaṁ patim tatra cāste saha strībhir yatrāste sa prajāpatiḥ

The moment she thought of her beloved husband, that foremost of sages, she found herself, together with all her maidens, instantly at the very spot where that Prajapati was.

Verse 35 (bhagavata.3.23.35)

भर्तुः पुरस्तादात्मानं स्त्रीसहस्रवृतं तदा । निशाम्य तद्योगगतिं संशयं प्रत्यपद्यत ॥ ३५ ॥

bhartuḥ purastād ātmānaṁ strī-sahasra-vṛtaṁ tadā niśāmya tad-yoga-gatiṁ saṁśayaṁ pratyapadyata

Finding herself before her husband, surrounded by a thousand women, and beholding the power of his yoga, she was struck with amazement.

Verse 36 (bhagavata.3.23.36)

स तां कृतमलस्नानां विभ्राजन्तीमपूर्ववत् । आत्मनो बिभ्रतीं रूपं संवीतरुचिरस्तनीम् ॥ ३६ ॥

sa tāṁ kṛta-mala-snānāṁ vibhrājantīm apūrvavat ātmano bibhratīṁ rūpaṁ saṁvīta-rucira-stanīm

He saw her, her impurities washed clean away, radiant as never before, now bearing her own true beauty, her lovely breasts modestly veiled.

Verse 37 (bhagavata.3.23.37)

विद्याधरीसहस्रेण सेव्यमानां सुवाससम् । जातभावो विमानं तदारोहयदमित्रहन् ॥ ३७ ॥

vidyādharī-sahasreṇa sevyamānāṁ suvāsasam jāta-bhāvo vimānaṁ tad ārohayad amitra-han

Waited upon by a thousand Vidyadhari maidens and beautifully attired, she stirred his tenderness, O slayer of enemies, and he helped her up onto that aerial mansion.

Verse 38 (bhagavata.3.23.38)

तस्मिन्नलुप्तमहिमा प्रिययानुरक्तो विद्याधरीभिरुपचीर्णवपुर्विमाने । बभ्राज उत्कचकुमुद्गणवानपीच्य- स्ताराभिरावृत इवोडुपतिर्नभःस्थः ॥ ३८ ॥

tasminn alupta-mahimā priyayānurakto vidyādharībhir upacīrṇa-vapur vimāne babhrāja utkaca-kumud-gaṇavān apīcyas tārābhir āvṛta ivoḍu-patir nabhaḥ-sthaḥ

There in that mansion, devoted to his beloved and attended by the Vidyadhari maidens, his glory in no way diminished, he shone like the lovely moon in the sky, opening the lily beds, ringed all about by stars.

Verse 39 (bhagavata.3.23.39)

तेनाष्टलोकपविहारकुलाचलेन्द्र- द्रोणीस्वनङ्गसखमारुतसौभगासु । सिद्धैर्नुतो द्युधुनिपातशिवस्वनासु रेमे चिरं धनदवल्ललनावरूथी ॥ ३९ ॥

tenāṣṭa-lokapa-vihāra-kulācalendra- droṇīṣv anaṅga-sakha-māruta-saubhagāsu siddhair nuto dyudhuni-pāta-śiva-svanāsu reme ciraṁ dhanadaval-lalanā-varūthī

In that mansion he journeyed to the pleasure valleys of great Mount Meru, favored ground of the eight guardians of the directions, made delightful by breezes that were companions to desire, praised there by the Siddhas, resounding with the blessed murmur of the falling heavenly Ganga; there, like Kubera himself, surrounded by lovely women, he took his pleasure for a very long time.

Verse 40 (bhagavata.3.23.40)

वैश्रम्भके सुरसने नन्दने पुष्पभद्रके । मानसे चैत्ररथ्ये च स रेमे रामया रतः ॥ ४० ॥

vaiśrambhake surasane nandane puṣpabhadrake mānase caitrarathye ca sa reme rāmayā rataḥ

In the gardens Vaishrambhaka, Surasana, Nandana, and Pushpabhadraka, by Lake Manasa-sarovara, and in the grove of Chaitraratha, he took his pleasure, delighted by his wife.

Verse 41 (bhagavata.3.23.41)

भ्राजिष्णुना विमानेन कामगेन महीयसा । वैमानिकानत्यशेत चरँल्लोकान् यथानिलः ॥ ४१ ॥

bhrājiṣṇunā vimānena kāma-gena mahīyasā vaimānikān atyaśeta caraḻ lokān yathānilaḥ

With that radiant, mighty aerial mansion that moved at his very will, journeying through all the worlds like the wind, he surpassed even the demigods traveling in their own celestial cars.

Verse 42 (bhagavata.3.23.42)

किं दुरापादनं तेषां पुंसामुद्दामचेतसाम् । यैराश्रितस्तीर्थपदश्चरणो व्यसनात्ययः ॥ ४२ ॥

kiṁ durāpādanaṁ teṣāṁ puṁsām uddāma-cetasām yair āśritas tīrtha-padaś caraṇo vyasanātyayaḥ

What indeed is beyond the reach of resolute men who have taken shelter at the feet of the Lord, feet that are themselves a sacred crossing-place, putting an end to every calamity?

Verse 43 (bhagavata.3.23.43)

प्रेक्षयित्वा भुवो गोलं पत्न्यै यावान् स्वसंस्थया । बह्वाश्चर्यं महायोगी स्वाश्रमाय न्यवर्तत ॥ ४३ ॥

prekṣayitvā bhuvo golaṁ patnyai yāvān sva-saṁsthayā bahv-āścaryaṁ mahā-yogī svāśramāya nyavartata

Having shown his wife the entire sphere of the earth in all its arrangements, full of countless wonders, the great yogi returned to his own hermitage.

Verse 44 (bhagavata.3.23.44)

विभज्य नवधात्मानं मानवीं सुरतोत्सुकाम् । रामां निरमयन् रेमे वर्षपूगान्मुहूर्तवत् ॥ ४४ ॥

vibhajya navadhātmānaṁ mānavīṁ suratotsukām rāmāṁ niramayan reme varṣa-pūgān muhūrtavat

Dividing himself into nine forms, delighting Manu's daughter, who longed for union, he enjoyed with his wife for years on end, as though it were but a single moment.

Verse 45 (bhagavata.3.23.45)

तस्मिन् विमान उत्कृष्टां शय्यां रतिकरीं श्रिता । न चाबुध्यत तं कालं पत्यापीच्येन सङ्गता ॥ ४५ ॥

tasmin vimāna utkṛṣṭāṁ śayyāṁ rati-karīṁ śritā na cābudhyata taṁ kālaṁ patyāpīcyena saṅgatā

Upon that excellent bed within the mansion, a bed that stirred desire, in the company of her most handsome husband, she was scarcely even aware of time passing at all.

Verse 46 (bhagavata.3.23.46)

एवं योगानुभावेन दम्पत्यो रममाणयोः । शतं व्यतीयुः शरदः कामलालसयोर्मनाक् ॥ ४६ ॥

evaṁ yogānubhāvena dam-patyo ramamāṇayoḥ śataṁ vyatīyuḥ śaradaḥ kāma-lālasayor manāk

Thus, through the power of yoga, as the couple sported, eagerly longing for pleasure, a hundred autumns slipped by as though they were but a single moment.

Verse 47 (bhagavata.3.23.47)

तस्यामाधत्त रेतस्तां भावयन्नात्मनात्मवित् । नोधा विधाय रूपं स्वं सर्वसङ्कल्पविद्विभुः ॥ ४७ ॥

tasyām ādhatta retas tāṁ bhāvayann ātmanātma-vit nodhā vidhāya rūpaṁ svaṁ sarva-saṅkalpa-vid vibhuḥ

That knower of the self, regarding her as half of his own being, dividing his form into nine, that mighty knower of every desire deposited his seed within her.

Verse 48 (bhagavata.3.23.48)

अतः सा सुषुवे सद्यो देवहूतिः स्त्रियः प्रजाः । सर्वास्ताश्चारुसर्वाङ्ग्यो लोहितोत्पलगन्धयः ॥ ४८ ॥

ataḥ sā suṣuve sadyo devahūtiḥ striyaḥ prajāḥ sarvās tāś cāru-sarvāṅgyo lohitotpala-gandhayaḥ

Thus Devahuti at once gave birth to daughters, every one of them lovely in every limb, and fragrant like the red lotus.

Verse 49 (bhagavata.3.23.49)

पतिं सा प्रव्रजिष्यन्तं तदालक्ष्योशतीबहिः । स्मयमाना विक्लवेन हृदयेन विदूयता ॥ ४९ ॥

patiṁ sā pravrajiṣyantaṁ tadālakṣyośatī bahiḥ smayamānā viklavena hṛdayena vidūyatā

Seeing her husband about to depart into the life of a wandering renunciant, that beautiful woman smiled outwardly, though her heart within was troubled and torn.

Verse 50 (bhagavata.3.23.50)

लिखन्त्यधोमुखी भूमिं पदा नखमणिश्रिया । उवाच ललितां वाचं निरुध्याश्रुकलां शनैः ॥ ५० ॥

likhanty adho-mukhī bhūmiṁ padā nakha-maṇi-śriyā uvāca lalitāṁ vācaṁ nirudhyāśru-kalāṁ śanaiḥ

Head bowed, tracing the earth with a foot bright with gem-like nails, holding back her tears, she began, slowly, to speak in soft and lovely words.

Verse 51 (bhagavata.3.23.51)

देवहूतिरुवाच सर्वं तद्भगवान्मह्यमुपोवाह प्रतिश्रुतम् । अथापि मे प्रपन्नाया अभयं दातुमर्हसि ॥ ५१ ॥

devahūtir uvāca sarvaṁ tad bhagavān mahyam upovāha pratiśrutam athāpi me prapannāyā abhayaṁ dātum arhasi

Devahuti said: My lord, you have fulfilled for me every promise you made; yet I, who have surrendered myself to you, ask that you also grant me freedom from fear.

Verse 52 (bhagavata.3.23.52)

ब्रह्मन्दुहितृभिस्तुभ्यं विमृग्याः पतयः समाः । कश्चित्स्यान्मे विशोकाय त्वयि प्रव्रजिते वनम् ॥ ५२ ॥

brahman duhitṛbhis tubhyaṁ vimṛgyāḥ patayaḥ samāḥ kaścit syān me viśokāya tvayi pravrajite vanam

O brahmana, our daughters will themselves seek out husbands suited to them; but when you depart to the forest, who will there be to console my grief?

Verse 53 (bhagavata.3.23.53)

एतावतालं कालेन व्यतिक्रान्तेन मे प्रभो । इन्द्रियार्थप्रसङ्गेन परित्यक्तपरात्मनः ॥ ५३ ॥

etāvatālaṁ kālena vyatikrāntena me prabho indriyārtha-prasaṅgena parityakta-parātmanaḥ

O lord, enough now of this time that has slipped by, spent chasing after the objects of the senses while neglecting knowledge of the Supreme Self.

Verse 54 (bhagavata.3.23.54)

इन्द्रियार्थेषु सज्जन्त्या प्रसङ्गस्त्वयि मे कृतः । अजानन्त्या परं भावं तथाप्यस्त्वभयाय मे ॥ ५४ ॥

indriyārtheṣu sajjantyā prasaṅgas tvayi me kṛtaḥ ajānantyā paraṁ bhāvaṁ tathāpy astv abhayāya me

Attached as I was to the objects of the senses, not knowing your supreme nature, I formed this bond with you; yet may that very bond become the means of my freedom from fear.

Verse 55 (bhagavata.3.23.55)

सङ्गो यः संसृतेर्हेतुरसत्सु विहितोऽधिया । स एव साधुषु कृतो निःसङ्गत्वाय कल्पते ॥ ५५ ॥

saṅgo yaḥ saṁsṛter hetur asatsu vihito ’dhiyā sa eva sādhuṣu kṛto niḥsaṅgatvāya kalpate

That very attachment which, through ignorance, when formed with the impious, becomes the cause of worldly bondage, that same attachment, when formed instead with the virtuous, leads on to liberation.

Verse 56 (bhagavata.3.23.56)

नेह यत्कर्म धर्माय न विरागाय कल्पते । न तीर्थपदसेवायै जीवन्नपि मृतो हि सः ॥ ५६ ॥

neha yat karma dharmāya na virāgāya kalpate na tīrtha-pada-sevāyai jīvann api mṛto hi saḥ

One whose actions here lead neither to dharma, nor to detachment, nor to service at the Lord's sacred feet, that person, though living, is truly dead.

Verse 57 (bhagavata.3.23.57)

साहं भगवतो नूनं वञ्चिता मायया दृढम् । यत्त्वां विमुक्तिदं प्राप्य न मुमुक्षेय बन्धनात् ॥ ५७ ॥

sāhaṁ bhagavato nūnaṁ vañcitā māyayā dṛḍham yat tvāṁ vimuktidaṁ prāpya na mumukṣeya bandhanāt

Surely I have been deeply deceived by the Lord's maya, for even having attained you, the giver of liberation, I did not seek release from bondage.