The Renunciation of Kardama Muni

Verse 1 (bhagavata.3.24.1)

मैत्रेय उवाच निर्वेदवादिनीमेवं मनोर्दुहितरं मुनिः । दयालुः शालिनीमाह शुक्लाभिव्याहृतं स्मरन् ॥ १ ॥

maitreya uvāca nirveda-vādinīm evaṁ manor duhitaraṁ muniḥ dayāluḥ śālinīm āha śuklābhivyāhṛtaṁ smaran

Maitreya said: To Manu's daughter, who spoke thus with words of renunciation, the compassionate sage, recalling what the pure Lord had once told him, replied to that praiseworthy woman.

Verse 2 (bhagavata.3.24.2)

ऋषिरुवाच मा खिदो राजपुत्रीत्थमात्मानं प्रत्यनिन्दिते । भगवांस्तेऽक्षरो गर्भमदूरात्सम्प्रपत्स्यते ॥ २ ॥

ṛṣir uvāca mā khido rāja-putrīttham ātmānaṁ praty anindite bhagavāṁs te ’kṣaro garbham adūrāt samprapatsyate

The sage said: Do not grieve over yourself this way, O princess, O blameless one; the imperishable Lord will soon enter your very womb.

Verse 3 (bhagavata.3.24.3)

धृतव्रतासि भद्रं ते दमेन नियमेन च । तपोद्रविणदानैश्च श्रद्धया चेश्वरं भज ॥ ३ ॥

dhṛta-vratāsi bhadraṁ te damena niyamena ca tapo-draviṇa-dānaiś ca śraddhayā ceśvaraṁ bhaja

You have faithfully kept your vow; may good fortune be yours. Worship the Lord with self-control, discipline, austerity, charitable giving, and faith.

Verse 4 (bhagavata.3.24.4)

स त्वयाराधितः शुक्लो वितन्वन्मामकंयशः । छेत्ता ते हृदयग्रन्थिमौदर्यो ब्रह्मभावनः ॥ ४ ॥

sa tvayārādhitaḥ śuklo vitanvan māmakaṁ yaśaḥ chettā te hṛdaya-granthim audaryo brahma-bhāvanaḥ

He, the pure Lord, worshiped by you, and one who will spread my own fame, will, as your own son and teacher of the knowledge of Brahman, sever the knot binding your heart.

Verse 5 (bhagavata.3.24.5)

मैत्रेय उवाच देवहूत्यपि संदेशं गौरवेण प्रजापतेः । सम्यक् श्रद्धाय पुरुषं कूटस्थमभजद्गुरुम् ॥ ५ ॥

maitreya uvāca devahūty api sandeśaṁ gauraveṇa prajāpateḥ samyak śraddhāya puruṣaṁ kūṭa-stham abhajad gurum

Maitreya said: Devahuti too, receiving the words of the Prajapati with reverence and full faith, began to worship that unchanging Supreme Person seated within every heart, most worthy of worship.

Verse 6 (bhagavata.3.24.6)

तस्यां बहुतिथे काले भगवान्मधुसूदनः । कार्दमं वीर्यमापन्नो जज्ञेऽग्निरिव दारुणि ॥ ६ ॥

tasyāṁ bahu-tithe kāle bhagavān madhusūdanaḥ kārdamaṁ vīryam āpanno jajñe ’gnir iva dāruṇi

After many years had passed, entering into Kardama's very seed, Lord Madhusudana appeared within her, just as fire arises within wood.

Verse 7 (bhagavata.3.24.7)

अवादयंस्तदा व्योम्नि वादित्राणि घनाघनाः । गायन्ति तं स्म गन्धर्वा नृत्यन्त्यप्सरसो मुदा ॥ ७ ॥

avādayaṁs tadā vyomni vāditrāṇi ghanāghanāḥ gāyanti taṁ sma gandharvā nṛtyanty apsaraso mudā

Then, in the sky, the rain-clouds sounded like musical instruments, the Gandharvas sang His glories, and the Apsaras danced with joy.

Verse 8 (bhagavata.3.24.8)

पेतुः सुमनसो दिव्याः खेचरैरपवर्जिताः । प्रसेदुश्च दिशः सर्वा अम्भांसि च मनांसि च ॥ ८ ॥

petuḥ sumanaso divyāḥ khe-carair apavarjitāḥ praseduś ca diśaḥ sarvā ambhāṁsi ca manāṁsi ca

Divine flowers, released by those who travel the skies, fell like rain; every direction, every water, and every mind grew serene and glad.

Verse 9 (bhagavata.3.24.9)

तत्कर्दमाश्रमपदं सरस्वत्या परिश्रितम् । स्वयम्भूः साकमृषिभिर्मरीच्यादिभिरभ्ययात् ॥ ९ ॥

tat kardamāśrama-padaṁ sarasvatyā pariśritam svayambhūḥ sākam ṛṣibhir marīcy-ādibhir abhyayāt

The self-born Brahma, together with the sages headed by Marichi, journeyed to Kardama's hermitage, encircled by the Sarasvati.

Verse 10 (bhagavata.3.24.10)

भगवन्तं परं ब्रह्म सत्त्वेनांशेन शत्रुहन् । तत्त्वसंख्यानविज्ञप्त्यै जातं विद्वानजः स्वराट् ॥ १० ॥

bhagavantaṁ paraṁ brahma sattvenāṁśena śatru-han tattva-saṅkhyāna-vijñaptyai jātaṁ vidvān ajaḥ svarāṭ

O slayer of the enemy, Brahma, the unborn and self-ruling one, all-knowing, understood that the Supreme Brahman had appeared, through a portion of His pure goodness, precisely to reveal the true enumeration of principles known as Sankhya.

Verse 11 (bhagavata.3.24.11)

सभाजयन् विशुद्धेन चेतसा तच्चिकीर्षितम् । प्रहृष्यमाणैरसुभिः कर्दमं चेदमभ्यधात् ॥ ११ ॥

sabhājayan viśuddhena cetasā tac-cikīrṣitam prahṛṣyamāṇair asubhiḥ kardamaṁ cedam abhyadhāt

Honoring, with a pure heart, the Lord's intended purpose, his very senses thrilled with delight, he spoke thus to Kardama.

Verse 12 (bhagavata.3.24.12)

ब्रह्मोवाच त्वया मेऽपचितिस्तात कल्पिता निर्व्यलीकतः । यन्मे सञ्जगृहे वाक्यं भवान्मानद मानयन् ॥ १२ ॥

brahmovāca tvayā me ’pacitis tāta kalpitā nirvyalīkataḥ yan me sañjagṛhe vākyaṁ bhavān mānada mānayan

Brahma said: My son, you have paid me true and sincere honor, for you, O giver of honor to others, have accepted my words with proper respect.

Verse 13 (bhagavata.3.24.13)

एतावत्येव शुश्रूषा कार्या पितरि पुत्रकैः । बाढमित्यनुमन्येत गौरवेण गुरोर्वचः ॥ १३ ॥

etāvaty eva śuśrūṣā kāryā pitari putrakaiḥ bāḍham ity anumanyeta gauraveṇa guror vacaḥ

This much alone is the service that sons owe their father: to accept, with proper deference, the guru's word, saying, 'Yes, so be it.'

Verse 14 (bhagavata.3.24.14)

इमा दुहितरः सत्यस्तव वत्स सुमध्यमाः । सर्गमेतं प्रभावैः स्वैर्बृंहयिष्यन्त्यनेकधा ॥ १४ ॥

imā duhitaraḥ satyas tava vatsa sumadhyamāḥ sargam etaṁ prabhāvaiḥ svair bṛṁhayiṣyanty anekadhā

My son, these slender-waisted daughters of yours are truly virtuous; through their own descendants they will multiply this creation in countless ways.

Verse 15 (bhagavata.3.24.15)

अतस्त्वमृषिमुख्येभ्यो यथाशीलं यथारुचि । आत्मजाः परिदेह्यद्य विस्तृणीहि यशो भुवि ॥ १५ ॥

atas tvam ṛṣi-mukhyebhyo yathā-śīlaṁ yathā-ruci ātmajāḥ paridehy adya vistṛṇīhi yaśo bhuvi

Therefore, according to each one's temperament and inclination, give your daughters today to the foremost sages, and spread your fame across the earth.

Verse 16 (bhagavata.3.24.16)

वेदाहमाद्यं पुरुषमवतीर्णं स्वमायया । भूतानां शेवधिं देहं बिभ्राणं कपिलं मुने ॥ १६ ॥

vedāham ādyaṁ puruṣam avatīrṇaṁ sva-māyayā bhūtānāṁ śevadhiṁ dehaṁ bibhrāṇaṁ kapilaṁ mune

O sage, I know that the primal Person has descended through His own maya, the treasury of all beings, having taken on the body of Kapila.

Verse 17 (bhagavata.3.24.17)

ज्ञानविज्ञानयोगेन कर्मणामुद्धरन् जटाः । हिरण्यकेशः पद्माक्षः पद्ममुद्रापदाम्बुजः ॥ १७ ॥

jñāna-vijñāna-yogena karmaṇām uddharan jaṭāḥ hiraṇya-keśaḥ padmākṣaḥ padma-mudrā-padāmbujaḥ

Golden-haired, lotus-eyed, His lotus feet marked with the sign of the lotus, He, through knowledge, its true application, and yoga, will tear out fruitive action by its very roots.

Verse 18 (bhagavata.3.24.18)

एष मानवि ते गर्भं प्रविष्टः कैटभार्दनः । अविद्यासंशयग्रन्थिं छित्त्वा गां विचरिष्यति ॥ १८ ॥

eṣa mānavi te garbhaṁ praviṣṭaḥ kaiṭabhārdanaḥ avidyā-saṁśaya-granthiṁ chittvā gāṁ vicariṣyati

O daughter of Manu, this very slayer of Kaitabha has entered your womb; He will sever the knot of ignorance and doubt, and then wander over the whole earth.

Verse 19 (bhagavata.3.24.19)

अयं सिद्धगणाधीशः साङ्ख्याचार्यैः सुसम्मतः । लोके कपिल इत्याख्यां गन्ता ते कीर्तिवर्धनः ॥ १९ ॥

ayaṁ siddha-gaṇādhīśaḥ sāṅkhyācāryaiḥ susammataḥ loke kapila ity ākhyāṁ gantā te kīrti-vardhanaḥ

He, the lord of the hosts of the perfected souls, well honored by the teachers of Sankhya, will go by the name Kapila throughout the world, and He will ever increase your fame.

Verse 20 (bhagavata.3.24.20)

मैत्रेय उवाच तावाश्वास्य जगत्स्रष्टा कुमारैः सहनारदः । हंसो हंसेन यानेन त्रिधामपरमं ययौ ॥ २० ॥

maitreya uvāca tāv āśvāsya jagat-sraṣṭā kumāraiḥ saha-nāradaḥ haṁso haṁsena yānena tri-dhāma-paramaṁ yayau

Maitreya said: Having thus reassured the couple, Brahma, the creator of the universe, together with Narada and the Kumaras, departed on his swan-vehicle for the highest of the three heavenly abodes.

Verse 21 (bhagavata.3.24.21)

गते शतधृतौ क्षत्तः कर्दमस्तेन चोदितः । यथोदितं स्वदुहितृः प्रादाद्विश्वसृजां ततः ॥ २१ ॥

gate śata-dhṛtau kṣattaḥ kardamas tena coditaḥ yathoditaṁ sva-duhitṝḥ prādād viśva-sṛjāṁ tataḥ

O Kshatta, after Brahma had gone, Kardama, as he had been instructed, then gave his own daughters to the creators of the universe, just as directed.

Verse 22 (bhagavata.3.24.22)

मरीचये कलां प्रादादनसूयामथात्रये । श्रद्धामङ्गिरसेऽयच्छत्पुलस्त्याय हविर्भुवम् ॥ २२ ॥

marīcaye kalāṁ prādād anasūyām athātraye śraddhām aṅgirase ’yacchat pulastyāya havirbhuvam

He gave Kala to Marichi, Anasuya to Atri, Shraddha to Angira, and Havirbhu to Pulastya.

Verse 23 (bhagavata.3.24.23)

पुलहाय गतिं युक्तां क्रतवे च क्रियां सतीम् । ख्यातिं च भृगवेऽयच्छद्वसिष्ठायाप्यरुन्धतीम् ॥ २३ ॥

pulahāya gatiṁ yuktāṁ kratave ca kriyāṁ satīm khyātiṁ ca bhṛgave ’yacchad vasiṣṭhāyāpy arundhatīm

And fitting Gati he gave to Pulaha, virtuous Kriya to Kratu, Khyati to Bhrigu, and Arundhati to Vasishtha.

Verse 24 (bhagavata.3.24.24)

अथर्वणेऽददाच्छान्तिं यया यज्ञो वितन्यते । विप्रर्षभान् कृतोद्वाहान् सदारान् समलालयत् ॥ २४ ॥

atharvaṇe ’dadāc chāntiṁ yayā yajño vitanyate viprarṣabhān kṛtodvāhān sadārān samalālayat

To Atharva he gave Shanti, through whom sacrifice is carried forward; thus he had all the foremost brahmanas married, and cared for them together with their wives.

Verse 25 (bhagavata.3.24.25)

ततस्त ऋषयः क्षत्त कृतदारा निमन्त्र्य तम् । प्रातिष्ठन्नन्दिमापन्नाः स्वं स्वमाश्रममण्डलम् ॥ २५ ॥

tatas ta ṛṣayaḥ kṣattaḥ kṛta-dārā nimantrya tam prātiṣṭhan nandim āpannāḥ svaṁ svam āśrama-maṇḍalam

Then, O Kshatta, those sages, now married, took leave of Kardama and departed, full of joy, each to his own hermitage.

Verse 26 (bhagavata.3.24.26)

स चावतीर्णं त्रियुगमाज्ञाय विबुधर्षभम् । विविक्त उपसङ्गम्य प्रणम्य समभाषत ॥ २६ ॥

sa cāvatīrṇaṁ tri-yugam ājñāya vibudharṣabham vivikta upasaṅgamya praṇamya samabhāṣata

And Kardama, understanding that the Lord, foremost of the demigods, had now descended, approached Him in a secluded place, bowed down, and addressed Him.

Verse 27 (bhagavata.3.24.27)

अहो पापच्यमानानां निरये स्वैरमङ्गलैः । कालेन भूयसा नूनं प्रसीदन्तीह देवताः ॥ २७ ॥

aho pāpacyamānānāṁ niraye svair amaṅgalaiḥ kālena bhūyasā nūnaṁ prasīdantīha devatāḥ

'Ah, indeed, after so long a time, the gods have at last shown their grace to those suffering here, in this hell of their own making, through their own inauspicious deeds.'

Verse 28 (bhagavata.3.24.28)

बहुजन्मविपक्वेन सम्यग्योगसमाधिना । द्रष्टुं यतन्ते यतयः शून्यागारेषु यत्पदम् ॥ २८ ॥

bahu-janma-vipakvena samyag-yoga-samādhinā draṣṭuṁ yatante yatayaḥ śūnyāgāreṣu yat-padam

'Those very feet which sages, in solitary places, strive to behold through perfect trance in yoga matured over many lifetimes,'

Verse 29 (bhagavata.3.24.29)

स एव भगवानद्य हेलनं नगणय्य नः । गृहेषु जातो ग्राम्याणां यः स्वानां पक्षपोषणः ॥ २९ ॥

sa eva bhagavān adya helanaṁ na gaṇayya naḥ gṛheṣu jāto grāmyāṇāṁ yaḥ svānāṁ pakṣa-poṣaṇaḥ

'that very Lord, taking no account of our own negligence, has today appeared in the house of an ordinary householder like myself, He who nourishes and champions His own devotees.'

Verse 30 (bhagavata.3.24.30)

स्वीयं वाक्यमृतं कर्तुमवतीर्णोऽसि मे गृहे । चिकीर्षुर्भगवान् ज्ञानं भक्तानां मानवर्धनः ॥ ३० ॥

svīyaṁ vākyam ṛtaṁ kartum avatīrṇo ’si me gṛhe cikīrṣur bhagavān jñānaṁ bhaktānāṁ māna-vardhanaḥ

'O Lord, ever increasing the honor of Your devotees, You have descended into my house to make Your own word come true, wishing to impart knowledge to the world.'

Verse 31 (bhagavata.3.24.31)

तान्येव तेऽभिरूपाणि रूपाणि भगवंस्तव । यानि यानि च रोचन्ते स्वजनानामरूपिणः ॥ ३१ ॥

tāny eva te ’bhirūpāṇi rūpāṇi bhagavaṁs tava yāni yāni ca rocante sva-janānām arūpiṇaḥ

'O Lord, though You are without material form, whichever forms please Your own devotees, those very forms are truly Your own fitting forms.'

Verse 32 (bhagavata.3.24.32)

त्वां सूरिभिस्तत्त्वबुभुत्सयाद्धा सदाभिवादार्हणपादपीठम् । ऐश्वर्यवैराग्ययशोऽवबोध- वीर्यश्रिया पूर्तमहं प्रपद्ये ॥ ३२ ॥

tvāṁ sūribhis tattva-bubhutsayāddhā sadābhivādārhaṇa-pāda-pīṭham aiśvarya-vairāgya-yaśo-’vabodha- vīrya-śriyā pūrtam ahaṁ prapadye

'I take shelter of You, whose feet are ever worthy of the reverence of the wise who long to know the truth, You who are complete in opulence, renunciation, fame, knowledge, strength, and beauty.'

Verse 33 (bhagavata.3.24.33)

परं प्रधानं पुरुषं महान्तं कालं कविं त्रिवृतं लोकपालम् । आत्मानुभूत्यानुगतप्रपञ्चं स्वच्छन्दशक्तिं कपिलं प्रपद्ये ॥ ३३ ॥

paraṁ pradhānaṁ puruṣaṁ mahāntaṁ kālaṁ kaviṁ tri-vṛtaṁ loka-pālam ātmānubhūtyānugata-prapañcaṁ svacchanda-śaktiṁ kapilaṁ prapadye

'I take refuge in Kapila, the Supreme, the source of primal matter, the Person, the great cosmic principle, time itself, the all-knowing, the threefold, guardian of the worlds, in whom this material manifestation is drawn back by His own inner power, and whose power is wholly independent.'

Verse 34 (bhagavata.3.24.34)

आ स्माभिपृच्छेऽद्य पतिं प्रजानां त्वयावतीर्णर्ण उताप्तकामः । परिव्रजत्पदवीमास्थितोऽहं चरिष्ये त्वां हृदि युञ्जन् विशोकः ॥ ३४ ॥

ā smābhipṛcche ’dya patiṁ prajānāṁ tvayāvatīrṇarṇa utāpta-kāmaḥ parivrajat-padavīm āsthito ’haṁ cariṣye tvāṁ hṛdi yuñjan viśokaḥ

'O Lord of all beings, now I ask Your leave; freed from my debt by Your birth, my desires all fulfilled, I shall take up the path of the wandering renunciant and roam about, holding You within my heart, free of all sorrow.'

Verse 35 (bhagavata.3.24.35)

श्री भगवानुवाच मया प्रोक्तं हि लोकस्य प्रमाणं सत्यलौकिके । अथाजनि मया तुभ्यं यदवोचमृतं मुने ॥ ३५ ॥

śrī-bhagavān uvāca mayā proktaṁ hi lokasya pramāṇaṁ satya-laukike athājani mayā tubhyaṁ yad avocam ṛtaṁ mune

The Lord said: Whatever I have spoken, whether in scripture or in ordinary speech, stands as authority for the world; therefore, O sage, I have now taken birth to make true what I once promised you.

Verse 36 (bhagavata.3.24.36)

एतन्मे जन्म लोकेऽस्मिन्मुमुक्षूणां दुराशयात् । प्रसंख्यानाय तत्त्वानां सम्मतायात्मदर्शने ॥ ३६ ॥

etan me janma loke ’smin mumukṣūṇāṁ durāśayāt prasaṅkhyānāya tattvānāṁ sammatāyātma-darśane

This birth of Mine in this world is meant for expounding, to those seeking liberation from unworthy desires, the enumeration of true principles honored in the science of self-realization.

Verse 37 (bhagavata.3.24.37)

एष आत्मपथोऽव्यक्तो नष्टः कालेन भूयसा । तं प्रवर्तयितुं देहमिमं विद्धि मया भृतम् ॥ ३७ ॥

eṣa ātma-patho ’vyakto naṣṭaḥ kālena bhūyasā taṁ pravartayituṁ deham imaṁ viddhi mayā bhṛtam

This subtle path of self-realization has, through the long passage of time, been lost; know that I have taken on this body precisely to set it moving once more.

Verse 38 (bhagavata.3.24.38)

गच्छ कामं मयापृष्टो मयि संन्यस्तकर्मणा । जित्वा सुदुर्जयं मृत्युममृतत्वाय मां भज ॥ ३८ ॥

gaccha kāmaṁ mayāpṛṣṭo mayi sannyasta-karmaṇā jitvā sudurjayaṁ mṛtyum amṛtatvāya māṁ bhaja

Go now, with My blessing, as you wish; surrendering all your actions unto Me, conquering death, so hard to overcome, worship Me for the sake of immortality.

Verse 39 (bhagavata.3.24.39)

मामात्मानं स्वयंज्योतिः सर्वभूतगुहाशयम् । आत्मन्येवात्मना वीक्ष्य विशोकोऽभयमृच्छसि ॥ ३९ ॥

mām ātmānaṁ svayaṁ-jyotiḥ sarva-bhūta-guhāśayam ātmany evātmanā vīkṣya viśoko ’bhayam ṛcchasi

Beholding Me, the self-luminous Self dwelling in the hearts of all beings, within your own self and through your own self, you will attain fearlessness, free from all grief.

Verse 40 (bhagavata.3.24.40)

मात्र आध्यात्मिकीं विद्यां शमनीं सर्वकर्मणाम् । वितरिष्ये यया चासौ भयं चातितरिष्यति ॥ ४० ॥

mātra ādhyātmikīṁ vidyāṁ śamanīṁ sarva-karmaṇām vitariṣye yayā cāsau bhayaṁ cātitariṣyati

To My own mother, too, I shall impart that spiritual knowledge which brings all fruitive action to rest, by which she also will cross beyond all fear.

Verse 41 (bhagavata.3.24.41)

मैत्रेय उवाच एवं समुदितस्तेन कपिलेन प्रजापतिः । दक्षिणीकृत्य तं प्रीतो वनमेव जगाम ह ॥ ४१ ॥

maitreya uvāca evaṁ samuditas tena kapilena prajāpatiḥ dakṣiṇī-kṛtya taṁ prīto vanam eva jagāma ha

Maitreya said: Thus addressed by Kapila, the Prajapati Kardama circumambulated Him and, well pleased at heart, set out for the forest.

Verse 42 (bhagavata.3.24.42)

व्रतं स आस्थितो मौनमात्मैकशरणो मुनिः । निःसङ्गो व्यचरत्क्षोणीमनग्निरनिकेतनः ॥ ४२ ॥

vrataṁ sa āsthito maunam ātmaika-śaraṇo muniḥ niḥsaṅgo vyacarat kṣoṇīm anagnir aniketanaḥ

That sage took up a vow of silence, seeking shelter in the Self alone, and, free from attachment, wandered the earth without fire and without any fixed dwelling.

Verse 43 (bhagavata.3.24.43)

मनो ब्रह्मणि युञ्जानो यत्तत्सदसतः परम् । गुणावभासे विगुण एकभक्त्यानुभाविते ॥ ४३ ॥

mano brahmaṇi yuñjāno yat tat sad-asataḥ param guṇāvabhāse viguṇa eka-bhaktyānubhāvite

He fixed his mind upon that Brahman, which is beyond cause and effect, which reveals the modes of nature yet remains itself beyond them, perceptible only through exclusive devotion.

Verse 44 (bhagavata.3.24.44)

निरहंकृतिर्निर्ममश्च निर्द्वन्द्वः समदृक् स्वदृक् । प्रत्यक्प्रशान्तधीर्धीरः प्रशान्तोर्मिरिवोदधिः ॥ ४४ ॥

nirahaṅkṛtir nirmamaś ca nirdvandvaḥ sama-dṛk sva-dṛk pratyak-praśānta-dhīr dhīraḥ praśāntormir ivodadhiḥ

Free from false ego and possessiveness, beyond all dualities, seeing all things with an equal eye, beholding his own true self, his mind turned inward and calm, composed, like an ocean with its waves stilled.

Verse 45 (bhagavata.3.24.45)

वासुदेवे भगवति सर्वज्ञे प्रत्यगात्मनि । परेण भक्तिभावेन लब्धात्मा मुक्तबन्धनः ॥ ४५ ॥

vāsudeve bhagavati sarva-jñe pratyag-ātmani pareṇa bhakti-bhāvena labdhātmā mukta-bandhanaḥ

Through supreme devotional love for Vasudeva, the omniscient Lord and inner Self, he attained self-realization and was freed from all bondage.

Verse 46 (bhagavata.3.24.46)

आत्मानं सर्वभूतेषु भगवन्तमवस्थितम् । अपश्यत्सर्वभूतानि भगवत्यपि चात्मनि ॥ ४६ ॥

ātmānaṁ sarva-bhūteṣu bhagavantam avasthitam apaśyat sarva-bhūtāni bhagavaty api cātmani

He beheld the Lord, the Self, dwelling within every being, and he saw all beings resting within the Lord and within his own self as well.

Verse 47 (bhagavata.3.24.47)

इच्छाद्वेषविहीनेन सर्वत्र समचेतसा । भगवद्भक्तियुक्तेन प्राप्ता भागवती गतिः ॥ ४७ ॥

icchā-dveṣa-vihīnena sarvatra sama-cetasā bhagavad-bhakti-yuktena prāptā bhāgavatī gatiḥ

Free from desire and hatred, his mind equal toward all things, united in devotion to the Lord, he attained the destination reserved for the devotees.