The Glories of Devotional Service

Verse 1 (bhagavata.3.25.1)

शौनक उवाच कपिलस्तत्त्वसंख्याता भगवानात्ममायया । जातः स्वयमजः साक्षादात्मप्रज्ञप्तये नृणाम् ॥ १ ॥

śaunaka uvāca kapilas tattva-saṅkhyātā bhagavān ātma-māyayā jātaḥ svayam ajaḥ sākṣād ātma-prajñaptaye nṛṇām

Shaunaka said: Kapila, the expounder of the true principles, the worshipful Lord, though Himself unborn, took birth in person through His own maya, in order to impart self-knowledge to humankind.

Verse 2 (bhagavata.3.25.2)

न ह्यस्य वर्ष्मणः पुंसां वरिम्णः सर्वयोगिनाम् । विश्रुतौ श्रुतदेवस्य भूरि तृप्यन्ति मेऽसवः ॥ २ ॥

na hy asya varṣmaṇaḥ puṁsāṁ varimṇaḥ sarva-yoginām viśrutau śruta-devasya bhūri tṛpyanti me ’savaḥ

My senses never grow sated, however much I hear of His glory, He who is the greatest among men, the foremost of all yogis, the very Lord of the Vedas.

Verse 3 (bhagavata.3.25.3)

यद्यद्विधत्ते भगवान् स्वच्छन्दात्मात्ममायया । तानि मे श्रद्दधानस्य कीर्तन्यान्यनुकीर्तय ॥ ३ ॥

yad yad vidhatte bhagavān svacchandātmātma-māyayā tāni me śraddadhānasya kīrtanyāny anukīrtaya

Whatever the self-willed Lord accomplishes through His own maya is worthy of being glorified; please recount it all to me, faithful as I am.

Verse 4 (bhagavata.3.25.4)

सूत उवाच द्वैपायनसखस्त्वेवं मैत्रेयो भगवांस्तथा । प्राहेदं विदुरं प्रीत आन्वीक्षिक्यां प्रचोदितः ॥ ४ ॥

sūta uvāca dvaipāyana-sakhas tv evaṁ maitreyo bhagavāṁs tathā prāhedaṁ viduraṁ prīta ānvīkṣikyāṁ pracoditaḥ

Suta said: Thus the worshipful Maitreya, friend of Dvaipayana, pleased and stirred to speak of transcendental knowledge, told this very thing to Vidura.

Verse 5 (bhagavata.3.25.5)

मैत्रेय उवाच पितरि प्रस्थितेऽरण्यं मातुः प्रियचिकीर्षया । तस्मिन् बिन्दुसरेऽवात्सीद्भगवान् कपिलः किल ॥ ५ ॥

maitreya uvāca pitari prasthite ’raṇyaṁ mātuḥ priya-cikīrṣayā tasmin bindusare ’vātsīd bhagavān kapilaḥ kila

Maitreya said: When His father had set out for the forest, the worshipful Kapila, desiring to please His mother, remained there at Bindu-sarovara.

Verse 6 (bhagavata.3.25.6)

तमासीनमकर्माणं तत्त्वमार्गाग्रदर्शनम् । स्वसुतं देवहूत्याह धातुः संस्मरती वचः ॥ ६ ॥

tam āsīnam akarmāṇaṁ tattva-mārgāgra-darśanam sva-sutaṁ devahūty āha dhātuḥ saṁsmaratī vacaḥ

To Him, her own son, seated there at leisure, able to reveal the highest path of truth, Devahuti, recalling Brahma's words, now spoke.

Verse 7 (bhagavata.3.25.7)

देवहूतिरुवाच निर्विण्णा नितरां भूमन्नसदिन्द्रियतर्षणात् । येन सम्भाव्यमानेन प्रपन्नान्धं तमः प्रभो ॥ ७ ॥

devahūtir uvāca nirviṇṇā nitarāṁ bhūmann asad-indriya-tarṣaṇāt yena sambhāvyamānena prapannāndhaṁ tamaḥ prabho

Devahuti said: O infinite one, I am utterly wearied by the ceaseless craving of these perishable senses, through which, O Lord, I have fallen into this blinding darkness.

Verse 8 (bhagavata.3.25.8)

तस्य त्वं तमसोऽन्धस्य दुष्पारस्याद्य पारगम् । सच्चक्षुर्जन्मनामन्ते लब्धं मे त्वदनुग्रहात् ॥ ८ ॥

tasya tvaṁ tamaso ’ndhasya duṣpārasyādya pāragam sac-cakṣur janmanām ante labdhaṁ me tvad-anugrahāt

You alone can carry me across that blinding darkness, so hard to cross; it is You I have now obtained, at the end of many births, as my true eye, by Your grace alone.

Verse 9 (bhagavata.3.25.9)

य आद्यो भगवान् पुंसामीश्वरो वै भवान् किल । लोकस्य तमसान्धस्य चक्षुः सूर्य इवोदितः ॥ ९ ॥

ya ādyo bhagavān puṁsām īśvaro vai bhavān kila lokasya tamasāndhasya cakṣuḥ sūrya ivoditaḥ

You are indeed the primal Lord and Master of all beings; for a world blinded by darkness, You have risen like the sun to be its very eye.

Verse 10 (bhagavata.3.25.10)

अथ मे देव सम्मोहमपाक्रष्टुं त्वमर्हसि । योऽवग्रहोऽहंममेतीत्येतस्मिन् योजितस्त्वया ॥ १० ॥

atha me deva sammoham apākraṣṭuṁ tvam arhasi yo ’vagraho ’haṁ mametīty etasmin yojitas tvayā

O Lord, now be pleased to dispel my delusion, this misconception of 'I' and 'mine' into which You Yourself have drawn me.

Verse 11 (bhagavata.3.25.11)

तं त्वा गताहं शरणं शरण्यं स्वभृत्यसंसारतरोः कुठारम् । जिज्ञासयाहं प्रकृतेः पूरुषस्य नमामि सद्धर्मविदां वरिष्ठम् ॥ ११ ॥

taṁ tvā gatāhaṁ śaraṇaṁ śaraṇyaṁ sva-bhṛtya-saṁsāra-taroḥ kuṭhāram jijñāsayāhaṁ prakṛteḥ pūruṣasya namāmi sad-dharma-vidāṁ variṣṭham

I have come to You for shelter, You alone worthy of being a refuge, the very axe that fells the tree of worldly existence for Your servants; desiring to know of nature and spirit, I bow to You, foremost among the knowers of true dharma.

Verse 12 (bhagavata.3.25.12)

मैत्रेय उवाच इति स्वमातुर्निरवद्यमीप्सितं निशम्य पुंसामपवर्गवर्धनम् । धियाभिनन्द्यात्मवतां सतां गति- र्बभाष ईषत्स्मितशोभिताननः ॥ १२ ॥

maitreya uvāca iti sva-mātur niravadyam īpsitaṁ niśamya puṁsām apavarga-vardhanam dhiyābhinandyātmavatāṁ satāṁ gatir babhāṣa īṣat-smita-śobhitānanaḥ

Maitreya said: Hearing His mother's flawless request, one that furthers liberation for humankind, He, the very goal of the self-realized and the virtuous, welcomed it inwardly, and, His face lit with a gentle smile, began to speak.

Verse 13 (bhagavata.3.25.13)

श्रीभगवानुवाच योग आध्यात्मिकः पुंसां मतो निःश्रेयसाय मे । अत्यन्तोपरतिर्यत्र दुःखस्य च सुखस्य च ॥ १३ ॥

śrī-bhagavān uvāca yoga ādhyātmikaḥ puṁsāṁ mato niḥśreyasāya me atyantoparatir yatra duḥkhasya ca sukhasya ca

The Lord said: In My view, it is that yoga relating to the self which is approved for the highest good of humankind, that yoga in which there comes a complete cessation of both sorrow and happiness.

Verse 14 (bhagavata.3.25.14)

तमिमं ते प्रवक्ष्यामि यमवोचं पुरानघे । ऋषीणां श्रोतुकामानां योगं सर्वाङ्गनैपुणम् ॥ १४ ॥

tam imaṁ te pravakṣyāmi yam avocaṁ purānaghe ṛṣīṇāṁ śrotu-kāmānāṁ yogaṁ sarvāṅga-naipuṇam

O sinless one, I shall now tell you that very yoga, perfect and complete in all its parts, which I once explained to the sages who longed to hear it.

Verse 15 (bhagavata.3.25.15)

चेतः खल्वस्य बन्धाय मुक्तये चात्मनो मतम् । गुणेषु सक्तं बन्धाय रतं वा पुंसि मुक्तये ॥ १५ ॥

cetaḥ khalv asya bandhāya muktaye cātmano matam guṇeṣu saktaṁ bandhāya rataṁ vā puṁsi muktaye

The consciousness of the self is held to be the cause of both bondage and liberation: when attached to the modes of material nature it binds, but when devoted to the Supreme Person it liberates.

Verse 16 (bhagavata.3.25.16)

अहंममाभिमानोत्थैः कामलोभादिभिर्मलैः । वीतं यदा मनः शुद्धमदुःखमसुखं समम् ॥ १६ ॥

ahaṁ mamābhimānotthaiḥ kāma-lobhādibhir malaiḥ vītaṁ yadā manaḥ śuddham aduḥkham asukhaṁ samam

When the mind is freed from the impurities of lust, greed, and the like, all born of the false conceit of 'I' and 'mine,' and becomes pure, it rises beyond sorrow and joy, into a state of perfect equanimity.

Verse 17 (bhagavata.3.25.17)

तदा पुरुष आत्मानं केवलं प्रकृतेः परम् । निरन्तरं स्वयंज्योतिरणिमानमखण्डितम् ॥ १७ ॥

tadā puruṣa ātmānaṁ kevalaṁ prakṛteḥ param nirantaraṁ svayaṁ-jyotir aṇimānam akhaṇḍitam

Then that person beholds his own self as pure, beyond material nature, unbroken, self-luminous, and though infinitesimally small, undivided.

Verse 18 (bhagavata.3.25.18)

ज्ञानवैराग्ययुक्तेन भक्तियुक्तेन चात्मना । परिपश्यत्युदासीनं प्रकृतिं च हतौजसम् ॥ १८ ॥

jñāna-vairāgya-yuktena bhakti-yuktena cātmanā paripaśyaty udāsīnaṁ prakṛtiṁ ca hataujasam

With a mind now equipped with knowledge, renunciation, and devotion, one looks upon material nature, its power now spent, with complete indifference.

Verse 19 (bhagavata.3.25.19)

न युज्यमानया भक्त्या भगवत्यखिलात्मनि । सदृशोऽस्ति शिवः पन्था योगिनां ब्रह्मसिद्धये ॥ १९ ॥

na yujyamānayā bhaktyā bhagavaty akhilātmani sadṛśo ’sti śivaḥ panthā yogināṁ brahma-siddhaye

For yogis seeking perfection in Brahman, there is no path as truly auspicious as devotion offered to the Lord, the Soul of all beings.

Verse 20 (bhagavata.3.25.20)

प्रसङ्गमजरं पाशमात्मनः कवयो विदुः । स एव साधुषु कृतो मोक्षद्वारमपावृतम् ॥ २० ॥

prasaṅgam ajaraṁ pāśam ātmanaḥ kavayo viduḥ sa eva sādhuṣu kṛto mokṣa-dvāram apāvṛtam

The wise know attachment to be an ever-fresh bond upon the soul; yet that very attachment, when turned toward the virtuous, throws wide open the door of liberation.

Verse 21 (bhagavata.3.25.21)

तितिक्षवः कारुणिकाः सुहृदः सर्वदेहिनाम् । अजातशत्रवः शान्ताः साधवः साधुभूषणाः ॥ २१ ॥

titikṣavaḥ kāruṇikāḥ suhṛdaḥ sarva-dehinām ajāta-śatravaḥ śāntāḥ sādhavaḥ sādhu-bhūṣaṇāḥ

Forbearing, compassionate, friends to every embodied being, without enemies, peaceful, virtuous, adorned with the very ornaments of saintliness.

Verse 22 (bhagavata.3.25.22)

मय्यनन्येन भावेन भक्तिं कुर्वन्ति ये दृढाम् । मत्कृते त्यक्तकर्माणस्त्यक्तस्वजनबान्धवाः ॥ २२ ॥

mayy ananyena bhāvena bhaktiṁ kurvanti ye dṛḍhām mat-kṛte tyakta-karmāṇas tyakta-svajana-bāndhavāḥ

Those who render Me firm, undivided devotion, who for My sake have set aside all other action and forsaken kinsmen and friends,

Verse 23 (bhagavata.3.25.23)

मदाश्रयाः कथा मृष्टाःशृण्वन्ति कथयन्ति च । तपन्ति विविधास्तापा नैतान्मद्गतचेतसः ॥ २३ ॥

mad-āśrayāḥ kathā mṛṣṭāḥ śṛṇvanti kathayanti ca tapanti vividhās tāpā naitān mad-gata-cetasaḥ

who hear and tell the delightful stories connected with Me, upon them, whose minds are fixed on Me, the various afflictions of this world do not burn.

Verse 24 (bhagavata.3.25.24)

त एते साधवः साध्वि सर्वसङ्गविवर्जिताः । सङ्गस्तेष्वथ ते प्रार्थ्यः सङ्गदोषहरा हि ते ॥ २४ ॥

ta ete sādhavaḥ sādhvi sarva-saṅga-vivarjitāḥ saṅgas teṣv atha te prārthyaḥ saṅga-doṣa-harā hi te

These, O virtuous lady, are the true saints, free from every worldly attachment; it is their company you should seek, for it alone removes the defect of ordinary attachment.

Verse 25 (bhagavata.3.25.25)

सतां प्रसङ्गान्मम वीर्यसंविदो भवन्ति हृत्कर्णरसायनाः कथाः । तज्जोषणादाश्वपवर्गवर्त्मनि श्रद्धा रतिर्भक्तिरनुक्रमिष्यति ॥ २५ ॥

satāṁ prasaṅgān mama vīrya-saṁvido bhavanti hṛt-karṇa-rasāyanāḥ kathāḥ taj-joṣaṇād āśv apavarga-vartmani śraddhā ratir bhaktir anukramiṣyati

Through the company of the virtuous, accounts that reveal My own glory become like nectar to the heart and ear; by cultivating them, faith, attachment, and devotion follow, one upon the other, swiftly along the path of liberation.

Verse 26 (bhagavata.3.25.26)

भक्त्या पुमाञ्जातविराग ऐन्द्रियाद् दृष्टश्रुतान्मद्रचनानुचिन्तया । चित्तस्य यत्तो ग्रहणे योगयुक्तो यतिष्यते ऋजुभिर्योगमार्गैः ॥ २६ ॥

bhaktyā pumāñ jāta-virāga aindriyād dṛṣṭa-śrutān mad-racanānucintayā cittasya yatto grahaṇe yoga-yukto yatiṣyate ṛjubhir yoga-mārgaiḥ

Through devotion, a person, having grown detached from sense-objects seen and heard, through constant contemplation of My creation, striving to master the mind, established in yoga, makes his effort along the straight paths of yoga.

Verse 27 (bhagavata.3.25.27)

असेवयायं प्रकृतेर्गुणानां ज्ञानेन वैराग्यविजृम्भितेन । योगेन मय्यर्पितया च भक्त्या मां प्रत्यगात्मानमिहावरुन्धे ॥ २७ ॥

asevayāyaṁ prakṛter guṇānāṁ jñānena vairāgya-vijṛmbhitena yogena mayy arpitayā ca bhaktyā māṁ pratyag-ātmānam ihāvarundhe

By ceasing to serve the modes of material nature, through knowledge that has blossomed into renunciation, through yoga, and through devotion offered unto Me, he attains Me, the innermost Self, here in this very life.

Verse 28 (bhagavata.3.25.28)

देवहूतिरुवाच काचित्त्वय्युचिता भक्तिः कीदृशी मम गोचरा । यया पदं ते निर्वाणमञ्जसान्वाश्नवा अहम् ॥ २८ ॥

devahūtir uvāca kācit tvayy ucitā bhaktiḥ kīdṛśī mama gocarā yayā padaṁ te nirvāṇam añjasānvāśnavā aham

Devahuti said: What form of devotion to You is proper for me, and within my own reach, by which I might swiftly attain those liberating feet of Yours?

Verse 29 (bhagavata.3.25.29)

यो योगो भगवद्बाणो निर्वाणात्मंस्त्वयोदितः । कीदृशः कति चाङ्गानि यतस्तत्त्वावबोधनम् ॥ २९ ॥

yo yogo bhagavad-bāṇo nirvāṇātmaṁs tvayoditaḥ kīdṛśaḥ kati cāṅgāni yatas tattvāvabodhanam

O embodiment of liberation, that yoga aimed at the Supreme Lord which You have described, of what nature is it, and how many limbs does it have, by which one may come to understand the truth?

Verse 30 (bhagavata.3.25.30)

तदेतन्मे विजानीहि यथाहं मन्दधीर्हरे । सुखं बुद्ध्येय दुर्बोधं योषा भवदनुग्रहात् ॥ ३० ॥

tad etan me vijānīhi yathāhaṁ manda-dhīr hare sukhaṁ buddhyeya durbodhaṁ yoṣā bhavad-anugrahāt

O Hari, please explain this to me in such a way that I, of dull understanding and a mere woman, may through Your grace easily grasp what is otherwise so difficult to understand.

Verse 31 (bhagavata.3.25.31)

मैत्रेय उवाच विदित्वार्थं कपिलो मातुरित्थं जातस्नेहो यत्र तन्वाभिजातः । तत्त्वाम्नायं यत्प्रवदन्ति सांख्यं प्रोवाच वै भक्तिवितानयोगम् ॥ ३१ ॥

maitreya uvāca viditvārthaṁ kapilo mātur itthaṁ jāta-sneho yatra tanvābhijātaḥ tattvāmnāyaṁ yat pravadanti sāṅkhyaṁ provāca vai bhakti-vitāna-yogam

Maitreya said: Understanding His mother's purpose, and His own affection stirring since He had been born of her very body, Kapila spoke to her of that traditional doctrine of truth called Sankhya, together with the yoga that spreads devotion.

Verse 32 (bhagavata.3.25.32)

श्रीभगवानुवाच देवानां गुणलिङ्गानामानुश्रविककर्मणाम् । सत्त्व एवैकमनसो वृत्तिः स्वाभाविकी तु या । अनिमित्ता भागवती भक्तिः सिद्धेर्गरीयसी ॥ ३२ ॥

śrī-bhagavān uvāca devānāṁ guṇa-liṅgānām ānuśravika-karmaṇām sattva evaika-manaso vṛttiḥ svābhāvikī tu yā animittā bhāgavatī bhaktiḥ siddher garīyasī

The Lord said: The senses are indicators of their objects, engaged in the actions enjoined by scripture; but the natural inclination of a one-pointed mind toward the Supreme is itself supreme, motiveless devotion to the Lord is greater even than liberation itself.

Verse 33 (bhagavata.3.25.33)

जरयत्याशु या कोशं निगीर्णमनलो यथा ॥ ३३ ॥

jarayaty āśu yā kośaṁ nigīrṇam analo yathā

that devotion which swiftly consumes the subtle sheath, just as fire quickly digests whatever it has swallowed.

Verse 34 (bhagavata.3.25.34)

नैकात्मतां मे स्पृहयन्ति केचिन् मत्पादसेवाभिरता मदीहाः । येऽन्योन्यतो भागवताः प्रसज्य सभाजयन्ते मम पौरुषाणि ॥ ३४ ॥

naikātmatāṁ me spṛhayanti kecin mat-pāda-sevābhiratā mad-īhāḥ ye ’nyonyato bhāgavatāḥ prasajya sabhājayante mama pauruṣāṇi

Some devotees, absorbed in the service of My feet and striving only for Me, do not even wish for oneness with Me; gathering together, they glorify My mighty deeds among themselves.

Verse 35 (bhagavata.3.25.35)

पश्यन्ति ते मे रुचिराण्यम्ब सन्तः प्रसन्नवक्त्रारुणलोचनानि । रूपाणि दिव्यानि वरप्रदानि साकं वाचं स्पृहणीयां वदन्ति ॥ ३५ ॥

paśyanti te me rucirāṇy amba santaḥ prasanna-vaktrāruṇa-locanāni rūpāṇi divyāni vara-pradāni sākaṁ vācaṁ spṛhaṇīyāṁ vadanti

O mother, these saints behold My charming, divine, boon-granting forms, their faces gentle and gracious, their eyes reddish like the dawn; and they converse with Me in words truly worth longing for.

Verse 36 (bhagavata.3.25.36)

तैर्दर्शनीयावयवैरुदार- विलासहासेक्षितवामसूक्तैः । हृतात्मनो हृतप्राणांश्च भक्ति- रनिच्छतो मे गतिमण्वीं प्रयुङ्क्ते ॥ ३६ ॥

tair darśanīyāvayavair udāra- vilāsa-hāsekṣita-vāma-sūktaiḥ hṛtātmano hṛta-prāṇāṁś ca bhaktir anicchato me gatim aṇvīṁ prayuṅkte

By those charming limbs, that exalted play, that smile, that glance, those pleasing words, their very hearts and life-breaths are captivated, and devotion carries them, even without their seeking it, toward My own subtle abode.

Verse 37 (bhagavata.3.25.37)

अथो विभूतिं मम मायाविनस्ता- मैश्वर्यमष्टाङ्गमनुप्रवृत्तम् । श्रियं भागवतीं वास्पृहयन्ति भद्रां परस्य मे तेऽश्नुवते तु लोके ॥ ३७ ॥

atho vibhūtiṁ mama māyāvinas tām aiśvaryam aṣṭāṅgam anupravṛttam śriyaṁ bhāgavatīṁ vāspṛhayanti bhadrāṁ parasya me te ’śnuvate tu loke

They do not even desire that opulence of Mine, the Lord of maya, the eightfold mystic power that trails behind it, nor the blessed splendor of the divine kingdom; yet, devoted to Me, the Supreme, they come to enjoy it even in this very world.

Verse 38 (bhagavata.3.25.38)

न कर्हिचिन्मत्पराः शान्तरूपे नङ्क्ष्यन्ति नो मेऽनिमिषो लेढि हेतिः । येषामहं प्रिय आत्मा सुतश्च सखा गुरुः सुहृदो दैवमिष्टम् ॥ ३८ ॥

na karhicin mat-parāḥ śānta-rūpe naṅkṣyanti no me ’nimiṣo leḍhi hetiḥ yeṣām ahaṁ priya ātmā sutaś ca sakhā guruḥ suhṛdo daivam iṣṭam

O tranquil one, those devoted to Me are never destroyed, nor does the never-blinking weapon of time ever touch them, for to them I am the beloved, the very self, the son, the friend, the teacher, the well-wisher, and the chosen Deity.

Verse 39 (bhagavata.3.25.39)

इमं लोकं तथैवामुमात्मानमुभयायिनम् । आत्मानमनु ये चेह ये रायः पशवो गृहाः ॥ ३९ ॥

imaṁ lokaṁ tathaivāmum ātmānam ubhayāyinam ātmānam anu ye ceha ye rāyaḥ paśavo gṛhāḥ

This world, and likewise the next, the subtle self that travels between the two, and whatever, in relation to that self, belongs here, wealth, cattle, home,

Verse 40 (bhagavata.3.25.40)

विसृज्य सर्वानन्यांश्च मामेवं विश्वतोमुखम् । भजन्त्यनन्यया भक्त्या तान्मृत्योरतिपारये ॥ ४० ॥

visṛjya sarvān anyāṁś ca mām evaṁ viśvato-mukham bhajanty ananyayā bhaktyā tān mṛtyor atipāraye

all of this, and everything else besides, having renounced, they worship Me alone, the Lord who faces every direction, with undivided devotion; and those souls I carry across, beyond the reach of death.

Verse 41 (bhagavata.3.25.41)

नान्यत्र मद्भगवतः प्रधानपुरुषेश्वरात् । आत्मनः सर्वभूतानां भयं तीव्रं निवर्तते ॥ ४१ ॥

nānyatra mad bhagavataḥ pradhāna-puruṣeśvarāt ātmanaḥ sarva-bhūtānāṁ bhayaṁ tīvraṁ nivartate

Nowhere else than in Me, the Supreme Lord, master of both matter and spirit, the Self of all beings, does their intense fear ever come to an end.

Verse 42 (bhagavata.3.25.42)

मद्भयाद्वाति वातोऽयं सूर्यस्तपति मद्भयात् । वर्षतीन्द्रो दहत्यग्निर्मृत्युश्चरति मद्भयात् ॥ ४२ ॥

mad-bhayād vāti vāto ’yaṁ sūryas tapati mad-bhayāt varṣatīndro dahaty agnir mṛtyuś carati mad-bhayāt

Out of fear of Me this wind blows, out of fear of Me the sun gives its heat; out of fear of Me Indra sends the rain, fire burns, and death goes about its work.

Verse 43 (bhagavata.3.25.43)

ज्ञानवैराग्ययुक्तेन भक्तियोगेन योगिनः । क्षेमाय पादमूलं मे प्रविशन्त्यकुतोभयम् ॥ ४३ ॥

jñāna-vairāgya-yuktena bhakti-yogena yoginaḥ kṣemāya pāda-mūlaṁ me praviśanty akuto-bhayam

The yogis, equipped with knowledge and renunciation, through the yoga of devotion, enter, for their own security, that fearless refuge at the very root of My feet.

Verse 44 (bhagavata.3.25.44)

एतावानेव लोकेऽस्मिन् पुंसां निःश्रेयसोदयः । तीव्रेण भक्तियोगेन मनो मय्यर्पितं स्थिरम् ॥ ४४ ॥

etāvān eva loke ’smin puṁsāṁ niḥśreyasodayaḥ tīvreṇa bhakti-yogena mano mayy arpitaṁ sthiram

This alone, in this world, is the very rise of the highest good for humankind: that through intense devotional yoga, the mind should become steadily and firmly fixed upon Me.