Genealogical Table of the Daughters of Manu

Verse 1 (bhagavata.4.1.1)

मैत्रेय उवाच मनोस्तु शतरूपायां तिस्रः कन्याश्च जज्ञिरे । आकूतिर्देवहूतिश्च प्रसूतिरिति विश्रुताः ॥ १ ॥

maitreya uvāca manos tu śatarūpāyāṁ tisraḥ kanyāś ca jajñire ākūtir devahūtiś ca prasūtir iti viśrutāḥ

Sri Maitreya said: To Manu, in his wife Shatarupa, three daughters were born, celebrated by the names Akuti, Devahuti and Prasuti.

Verse 2 (bhagavata.4.1.2)

आकूतिं रुचये प्रादादपि भ्रातृमतीं नृपः । पुत्रिकाधर्ममाश्रित्य शतरूपानुमोदितः ॥ २ ॥

ākūtiṁ rucaye prādād api bhrātṛmatīṁ nṛpaḥ putrikā-dharmam āśritya śatarūpānumoditaḥ

Though Akuti had brothers, King Manu, with the consent of Shatarupa, gave her in marriage to Prajapati Ruchi under the putrika-dharma, the agreement that her son would be counted as Manu's own.

Verse 3 (bhagavata.4.1.3)

प्रजापतिः स भगवान् रुचिस्तस्यामजीजनत् । मिथुनं ब्रह्मवर्चस्वी परमेण समाधिना ॥ ३ ॥

prajāpatiḥ sa bhagavān rucis tasyām ajījanat mithunaṁ brahma-varcasvī parameṇa samādhinā

That illustrious Prajapati Ruchi, radiant with brahminical splendor, begot in her, through the power of the deepest meditation, a twin — a son and a daughter.

Verse 4 (bhagavata.4.1.4)

यस्तयोः पुरुषः साक्षाद्विष्णुर्यज्ञस्वरूपधृक् । या स्त्री सा दक्षिणा भूतेरंशभूतानपायिनी ॥ ४ ॥

yas tayoḥ puruṣaḥ sākṣād viṣṇur yajña-svarūpa-dhṛk yā strī sā dakṣiṇā bhūter aṁśa-bhūtānapāyinī

Of the two, the male child was none other than Bhagavan Vishnu Himself, appearing in the form of Yajna, and the female child was Dakshina, an inseparable partial manifestation of the goddess Bhuti (Lakshmi).

Verse 5 (bhagavata.4.1.5)

आनिन्ये स्वगृहं पुत्र्याः पुत्रं विततरोचिषम् । स्वायम्भुवो मुदा युक्तो रुचिर्जग्राह दक्षिणाम् ॥ ५ ॥

āninye sva-gṛhaṁ putryāḥ putraṁ vitata-rociṣam svāyambhuvo mudā yukto rucir jagrāha dakṣiṇām

Svayambhuva Manu joyfully brought that radiant grandson, Yajna, home, while Ruchi kept the daughter, Dakshina, with himself.

Verse 6 (bhagavata.4.1.6)

तां कामयानां भगवानुवाह यजुषां पतिः । तुष्टायां तोषमापन्नोऽजनयद् द्वादशात्मजान् ॥ ६ ॥

tāṁ kāmayānāṁ bhagavān uvāha yajuṣāṁ patiḥ tuṣṭāyāṁ toṣam āpanno ’janayad dvādaśātmajān

Bhagavan, the lord of the sacrificial hymns, later married Dakshina, who desired Him as her husband, and, well pleased with her, begot in her twelve sons.

Verse 7 (bhagavata.4.1.7)

तोषः प्रतोषः सन्तोषो भद्रः शान्तिरिडस्पतिः । इध्मः कविर्विभुः स्वह्नः सुदेवो रोचनो द्विषट् ॥ ७ ॥

toṣaḥ pratoṣaḥ santoṣo bhadraḥ śāntir iḍaspatiḥ idhmaḥ kavir vibhuḥ svahnaḥ sudevo rocano dvi-ṣaṭ

The twelve sons of Yajna and Dakshina were Tosha, Pratosha, Santosha, Bhadra, Shanti, Idaspati, Idhma, Kavi, Vibhu, Svahna, Sudeva and Rochana.

Verse 8 (bhagavata.4.1.8)

तुषिता नाम ते देवा आसन्स्वायम्भुवान्तरे । मरीचिमिश्रा ऋषयो यज्ञः सुरगणेश्वरः ॥ ८ ॥

tuṣitā nāma te devā āsan svāyambhuvāntare marīci-miśrā ṛṣayo yajñaḥ sura-gaṇeśvaraḥ

In the reign of Svayambhuva Manu, these sons became the celestial gods known as the Tushitas; Marichi and the other sages headed the seven rishis, and Yajna himself became Indra, the lord of the gods.

Verse 9 (bhagavata.4.1.9)

प्रियव्रतोत्तानपादौ मनुपुत्रौ महौजसौ । तत्पुत्रपौत्रनप्तृणामनुवृत्तं तदन्तरम् ॥ ९ ॥

priyavratottānapādau manu-putrau mahaujasau tat-putra-pautra-naptṝṇām anuvṛttaṁ tad-antaram

Manu's two sons Priyavrata and Uttanapada were mighty kings, and throughout that manvantara their sons, grandsons and great-grandsons continued to fill the world.

Verse 10 (bhagavata.4.1.10)

देवहूतिमदात्तात कर्दमायात्मजां मनुः । तत्सम्बन्धि श्रुतप्रायं भवता गदतो मम ॥ १० ॥

devahūtim adāt tāta kardamāyātmajāṁ manuḥ tat-sambandhi śruta-prāyaṁ bhavatā gadato mama

Dear child, Manu gave his daughter Devahuti to Kardama Muni — and that account, as I have already told it, you have heard from me almost in full.

Verse 11 (bhagavata.4.1.11)

दक्षाय ब्रह्मपुत्राय प्रसूतिं भगवान्मनुः । प्रायच्छद्यत्कृतः सर्गस्त्रिलोक्यां विततो महान् ॥ ११ ॥

dakṣāya brahma-putrāya prasūtiṁ bhagavān manuḥ prāyacchad yat-kṛtaḥ sargas tri-lokyāṁ vitato mahān

The venerable Manu gave his daughter Prasuti to Daksha, the son of Brahma, and from that union came the vast creation that has spread through the three worlds.

Verse 12 (bhagavata.4.1.12)

याः कर्दमसुताः प्रोक्ता नव ब्रह्मर्षिपत्नयः । तासां प्रसूतिप्रसवं प्रोच्यमानं निबोध मे ॥ १२ ॥

yāḥ kardama-sutāḥ proktā nava brahmarṣi-patnayaḥ tāsāṁ prasūti-prasavaṁ procyamānaṁ nibodha me

You have already heard of Kardama's nine daughters, who became the wives of the nine great brahmin sages; now hear from me of the offspring born of them.

Verse 13 (bhagavata.4.1.13)

पत्नी मरीचेस्तु कला सुषुवे कर्दमात्मजा । कश्यपं पूर्णिमानं च ययोरापूरितं जगत् ॥ १३ ॥

patnī marīces tu kalā suṣuve kardamātmajā kaśyapaṁ pūrṇimānaṁ ca yayor āpūritaṁ jagat

Kala, the daughter of Kardama and wife of Marichi, gave birth to Kashyapa and Purnima, whose descendants filled the whole world.

Verse 14 (bhagavata.4.1.14)

पूर्णिमासूत विरजं विश्वगं च परन्तप । देवकुल्यां हरेः पादशौचाद्याभूत्सरिद्दिवः ॥ १४ ॥

pūrṇimāsūta virajaṁ viśvagaṁ ca parantapa devakulyāṁ hareḥ pāda- śaucād yābhūt sarid divaḥ

O scourge of enemies, Purnima gave birth to Viraja, Vishvaga and Devakulya — that same Devakulya who, as the water that once washed the lotus feet of Sri Hari, later became the celestial river of heaven.

Verse 15 (bhagavata.4.1.15)

अत्रेः पत्न्यनसूया त्रीञ्जज्ञे सुयशसः सुतान् । दत्तं दुर्वाससं सोममात्मेशब्रह्मसम्भवान् ॥ १५ ॥

atreḥ patny anasūyā trīñ jajñe suyaśasaḥ sutān dattaṁ durvāsasaṁ somam ātmeśa-brahma-sambhavān

Anasuya, wife of Atri, gave birth to three sons of great renown — Datta, Durvasa and Soma — who arose as partial manifestations of Vishnu, Shiva and Brahma respectively.

Verse 16 (bhagavata.4.1.16)

विदुर उवाच अत्रेर्गृहे सुरश्रेष्ठाः स्थित्युत्पत्त्यन्तहेतवः । किञ्चिच्चिकीर्षवो जाता एतदाख्याहि मे गुरो ॥ १६ ॥

vidura uvāca atrer gṛhe sura-śreṣṭhāḥ sthity-utpatty-anta-hetavaḥ kiñcic cikīrṣavo jātā etad ākhyāhi me guro

Vidura said: O master, why did those foremost gods, who are themselves the causes of the world's creation, maintenance and dissolution, take birth in Atri's house, desiring to accomplish some particular purpose? Please explain this to me.

Verse 17 (bhagavata.4.1.17)

मैत्रेय उवाच ब्रह्मणा चोदितः सृष्टावत्रिर्ब्रह्मविदां वरः । सह पत्न्या ययावृक्षं कुलाद्रिं तपसि स्थितः ॥ १७ ॥

maitreya uvāca brahmaṇā coditaḥ sṛṣṭāv atrir brahma-vidāṁ varaḥ saha patnyā yayāv ṛkṣaṁ kulādriṁ tapasi sthitaḥ

Sri Maitreya said: When Brahma commanded him to engage in creation, Atri, foremost among the knowers of Brahman, went with his wife to the Riksha range of mountains and settled there in austerity.

Verse 18 (bhagavata.4.1.18)

तस्मिन् प्रसूनस्तबकपलाशाशोककानने । वार्भिः स्रवद्भिरुद्घुष्टेनिर्विन्ध्यायाः समन्ततः ॥ १८ ॥

tasmin prasūna-stabaka- palāśāśoka-kānane vārbhiḥ sravadbhir udghuṣṭe nirvindhyāyāḥ samantataḥ

There, in a forest thick with clusters of flowering ashoka and palasha trees, resounding on every side with the murmur of the flowing waters of the river Nirvindhya —

Verse 19 (bhagavata.4.1.19)

प्राणायामेन संयम्य मनो वर्षशतं मुनिः । अतिष्ठदेकपादेन निर्द्वन्द्वोऽनिलभोजनः ॥ १९ ॥

prāṇāyāmena saṁyamya mano varṣa-śataṁ muniḥ atiṣṭhad eka-pādena nirdvandvo ’nila-bhojanaḥ

— the sage, controlling his mind through pranayama, stood there on a single leg for a hundred years, beyond all duality, living on air alone.

Verse 20 (bhagavata.4.1.20)

शरणं तं प्रपद्येऽहं य एव जगदीश्वरः । प्रजामात्मसमां मह्यं प्रयच्छत्विति चिन्तयन् ॥ २० ॥

śaraṇaṁ taṁ prapadye ’haṁ ya eva jagad-īśvaraḥ prajām ātma-samāṁ mahyaṁ prayacchatv iti cintayan

Thinking, "I take shelter of Him who alone is the Lord of the universe; may He grant me a son exactly like Himself" —

Verse 21 (bhagavata.4.1.21)

तप्यमानं त्रिभुवनं प्राणायामैधसाग्निना । निर्गतेन मुनेर्मूर्ध्नः समीक्ष्य प्रभवस्त्रयः ॥ २१ ॥

tapyamānaṁ tri-bhuvanaṁ prāṇāyāmaidhasāgninā nirgatena muner mūrdhnaḥ samīkṣya prabhavas trayaḥ

As the fire, kindled by the fuel of his breath-control, blazed forth from the sage's head and scorched the three worlds, the three primal deities perceived it —

Verse 22 (bhagavata.4.1.22)

अप्सरोमुनिगन्धर्वसिद्धविद्याधरोरगैः । वितायमानयशसस्तदाश्रमपदं ययुः ॥ २२ ॥

apsaro-muni-gandharva- siddha-vidyādharoragaiḥ vitāyamāna-yaśasas tad-āśrama-padaṁ yayuḥ

— and, their glory extolled by the celestial nymphs, sages, Gandharvas, Siddhas, Vidyadharas and Nagas who accompanied them, they came to the sage's hermitage.

Verse 23 (bhagavata.4.1.23)

तत्प्रादुर्भावसंयोगविद्योतितमना मुनिः । उत्तिष्ठन्नेकपादेन ददर्श विबुधर्षभान् ॥ २३ ॥

tat-prādurbhāva-saṁyoga- vidyotita-manā muniḥ uttiṣṭhann eka-pādena dadarśa vibudharṣabhān

His mind lit up by the joy of their appearance together, the sage rose up, still on one leg, and beheld those foremost among the gods.

Verse 24 (bhagavata.4.1.24)

प्रणम्य दण्डवद्भूमावुपतस्थेऽर्हणाञ्जलिः । वृषहंससुपर्णस्थान् स्वैः स्वैश्चिह्नैश्च चिह्नितान् ॥ २४ ॥

praṇamya daṇḍavad bhūmāv upatasthe ’rhaṇāñjaliḥ vṛṣa-haṁsa-suparṇa-sthān svaiḥ svaiś cihnaiś ca cihnitān

Falling prostrate like a rod upon the ground, he rose with folded hands in worship before those three, seated upon a bull, a swan and Garuda, each marked by his own emblem.

Verse 25 (bhagavata.4.1.25)

कृपावलोकेन हसद्वदनेनोपलम्भितान् । तद्रोचिषा प्रतिहते निमील्य मुनिरक्षिणी ॥ २५ ॥

kṛpāvalokena hasad- vadanenopalambhitān tad-rociṣā pratihate nimīlya munir akṣiṇī

They regarded him with a compassionate glance and a smiling face, but their radiance so overwhelmed his sight that the sage closed his eyes.

Verse 26 (bhagavata.4.1.26)

चेतस्तत्प्रवणं युञ्जन्नस्तावीत्संहताञ्जलिः । श्लक्ष्णया सूक्तया वाचा सर्वलोकगरीयसः ॥ २६ ॥

cetas tat-pravaṇaṁ yuñjann astāvīt saṁhatāñjaliḥ ślakṣṇayā sūktayā vācā sarva-loka-garīyasaḥ

Fixing his heart wholly upon them, with palms joined together he began to praise, in gentle and well-chosen words, those three who are the most venerable of all the worlds.

Verse 27 (bhagavata.4.1.27)

अत्रिरुवाच विश्वोद्भवस्थितिलयेषु विभज्यमानै- र्मायागुणैरनुयुगं विगृहीतदेहाः । ते ब्रह्मविष्णुगिरिशाः प्रणतोऽस्म्यहं व-स्तेभ्यः क एव भवतां म इहोपहूतः ॥ २७ ॥

atrir uvāca viśvodbhava-sthiti-layeṣu vibhajyamānair māyā-guṇair anuyugaṁ vigṛhīta-dehāḥ te brahma-viṣṇu-giriśāḥ praṇato ’smy ahaṁ vas tebhyaḥ ka eva bhavatāṁ ma ihopahūtaḥ

Atri said: O Brahma, Vishnu and Shiva, who in every age take on distinct bodies through the divisions of maya's three modes for the sake of the universe's creation, maintenance and dissolution — I bow down to you all. Yet which one of you was it that I actually summoned here?

Verse 28 (bhagavata.4.1.28)

एको मयेह भगवान्विविधप्रधानै- श्चित्तीकृतः प्रजननाय कथं नु यूयम् । अत्रागतास्तनुभृतां मनसोऽपि दूराद् ब्रूत प्रसीदत महानिह विस्मयो मे ॥ २८ ॥

eko mayeha bhagavān vividha-pradhānaiś cittī-kṛtaḥ prajananāya kathaṁ nu yūyam atrāgatās tanu-bhṛtāṁ manaso ’pi dūrād brūta prasīdata mahān iha vismayo me

I fixed my mind on the one Supreme Lord alone through many kinds of concentration, longing for a son — how then have all three of you come here, You who are far beyond the reach of any embodied being's mind? Please tell me; be gracious to me, for my astonishment is very great.

Verse 29 (bhagavata.4.1.29)

मैत्रेय उवाच इति तस्य वचः श्रुत्वा त्रयस्ते विबुधर्षभाः । प्रत्याहुः श्लक्ष्णया वाचा प्रहस्य तमृषिं प्रभो ॥ २९ ॥

maitreya uvāca iti tasya vacaḥ śrutvā trayas te vibudharṣabhāḥ pratyāhuḥ ślakṣṇayā vācā prahasya tam ṛṣiṁ prabho

Sri Maitreya said: O Vidura, hearing his words, those three foremost of the gods smiled and replied to the sage in gentle tones.

Verse 30 (bhagavata.4.1.30)

देवा ऊचुः यथा कृतस्ते सङ्कल्पो भाव्यं तेनैव नान्यथा । सत्सङ्कल्पस्य ते ब्रह्मन् यद्वै ध्यायति ते वयम् ॥ ३० ॥

devā ūcuḥ yathā kṛtas te saṅkalpo bhāvyaṁ tenaiva nānyathā sat-saṅkalpasya te brahman yad vai dhyāyati te vayam

The gods said: O brahmana, whatever resolve you have made shall come to pass exactly so, and not otherwise; for your resolve is unfailing, and we are indeed the very one you have been meditating upon.

Verse 31 (bhagavata.4.1.31)

अथास्मदंशभूतास्ते आत्मजा लोकविश्रुताः । भवितारोऽङ्ग भद्रं ते विस्रप्स्यन्ति च ते यशः ॥ ३१ ॥

athāsmad-aṁśa-bhūtās te ātmajā loka-viśrutāḥ bhavitāro ’ṅga bhadraṁ te visrapsyanti ca te yaśaḥ

O gentle one, sons will therefore be born to you as partial expansions of us three, celebrated throughout the worlds; all good fortune to you — they shall spread your fame far and wide.

Verse 32 (bhagavata.4.1.32)

एवं कामवरं दत्त्वा प्रतिजग्मुः सुरेश्वराः । सभाजितास्तयोः सम्यग्दम्पत्योर्मिषतोस्ततः ॥ ३२ ॥

evaṁ kāma-varaṁ dattvā pratijagmuḥ sureśvarāḥ sabhājitās tayoḥ samyag dampatyor miṣatos tataḥ

Having thus granted the boon he desired, the lords of the gods, duly honored by the couple, then departed, even as husband and wife watched them go.

Verse 33 (bhagavata.4.1.33)

सोमोऽभूद्ब्रह्मणोंऽशेन दत्तो विष्णोस्तु योगवित् । दुर्वासाः शङ्करस्यांशो निबोधाङ्गिरसः प्रजाः ॥ ३३ ॥

somo ’bhūd brahmaṇo ’ṁśena datto viṣṇos tu yogavit durvāsāḥ śaṅkarasyāṁśo nibodhāṅgirasaḥ prajāḥ

Thus Soma was born of Brahma's partial expansion, Datta the master of yoga of Vishnu's, and Durvasa of Shiva's — now hear of the progeny of Angira.

Verse 34 (bhagavata.4.1.34)

श्रद्धा त्वङ्गिरसः पत्नी चतस्रोऽसूत कन्यकाः । सिनीवाली कुहू राका चतुर्थ्यनुमतिस्तथा ॥ ३४ ॥

śraddhā tv aṅgirasaḥ patnī catasro ’sūta kanyakāḥ sinīvālī kuhū rākā caturthy anumatis tathā

Shraddha, the wife of Angira, gave birth to four daughters — Sinivali, Kuhu, Raka, and the fourth, Anumati.

Verse 35 (bhagavata.4.1.35)

तत्पुत्रावपरावास्तां ख्यातौ स्वारोचिषेऽन्तरे । उतथ्यो भगवान्साक्षाद् ब्रह्मिष्ठश्च बृहस्पतिः ॥ ३५ ॥

tat-putrāv aparāv āstāṁ khyātau svārociṣe ’ntare utathyo bhagavān sākṣād brahmiṣṭhaś ca bṛhaspatiḥ

She also had two sons, renowned in the manvantara of Svarochisha — Utathya, greatly blessed, and Brihaspati, foremost among the learned in the Veda.

Verse 36 (bhagavata.4.1.36)

पुलस्त्योऽजनयत्पत्न्यामगस्त्यं च हविर्भुवि । सोऽन्यजन्मनि दह्राग्निर्विश्रवाश्च महातपाः ॥ ३६ ॥

pulastyo ’janayat patnyām agastyaṁ ca havirbhuvi so ’nya-janmani dahrāgnir viśravāś ca mahā-tapāḥ

Pulastya begot in his wife Havirbhu a son named Agastya, who in another birth became Dahragni, and also a son of great austerity named Vishrava.

Verse 37 (bhagavata.4.1.37)

तस्य यक्षपतिर्देवः कुबेरस्त्विडविडासुतः । रावणः कुम्भकर्णश्च तथान्यस्यां विभीषणः ॥ ३७ ॥

tasya yakṣa-patir devaḥ kuberas tv iḍaviḍā-sutaḥ rāvaṇaḥ kumbhakarṇaś ca tathānyasyāṁ vibhīṣaṇaḥ

From him, Kubera, the lord of the Yakshas, was born of his wife Idavida, while Ravana, Kumbhakarna and Vibhishana were born of his other wife.

Verse 38 (bhagavata.4.1.38)

पुलहस्य गतिर्भार्या त्रीनसूत सती सुतान् । कर्मश्रेष्ठं वरीयांसं सहिष्णुं च महामते ॥ ३८ ॥

pulahasya gatir bhāryā trīn asūta satī sutān karmaśreṣṭhaṁ varīyāṁsaṁ sahiṣṇuṁ ca mahā-mate

O noble one, Gati, the virtuous wife of the sage Pulaha, gave birth to three sons — Karmashreshtha, Variyan and Sahishnu.

Verse 39 (bhagavata.4.1.39)

क्रतोरपि क्रिया भार्या वालखिल्यानसूयत । ऋषीन्षष्टिसहस्राणि ज्वलतो ब्रह्मतेजसा ॥ ३९ ॥

krator api kriyā bhāryā vālakhilyān asūyata ṛṣīn ṣaṣṭi-sahasrāṇi jvalato brahma-tejasā

Kriya, the wife of the sage Kratu, gave birth to sixty thousand Valakhilya sages, all blazing with the splendor of Vedic knowledge.

Verse 40 (bhagavata.4.1.40)

ऊर्जायां जज्ञिरे पुत्रा वसिष्ठस्य परन्तप । चित्रकेतुप्रधानास्ते सप्त ब्रह्मर्षयोऽमलाः ॥ ४० ॥

ūrjāyāṁ jajñire putrā vasiṣṭhasya parantapa citraketu-pradhānās te sapta brahmarṣayo ’malāḥ

O scourge of enemies, in his wife Urja were born the sons of Vasishtha — seven immaculate brahmarshis headed by Chitraketu.

Verse 41 (bhagavata.4.1.41)

चित्रकेतुः सुरोचिश्च विरजा मित्र एव च । उल्बणो वसुभृद्यानो द्युमान्शक्त्यादयोऽपरे ॥ ४१ ॥

citraketuḥ surociś ca virajā mitra eva ca ulbaṇo vasubhṛdyāno dyumān śakty-ādayo ’pare

Their names were Chitraketu, Suruchi, Viraja, Mitra, Ulbana, Vasubhridyana and Dyuman; besides these, other capable sons, headed by Shakti, were born of Vasishtha's other wife.

Verse 42 (bhagavata.4.1.42)

चित्तिस्त्वथर्वणः पत्नी लेभे पुत्रं धृतव्रतम् । दध्यञ्चमश्वशिरसं भृगोर्वंशं निबोध मे ॥ ४२ ॥

cittis tv atharvaṇaḥ patnī lebhe putraṁ dhṛta-vratam dadhyañcam aśvaśirasaṁ bhṛgor vaṁśaṁ nibodha me

Chitti, the wife of Atharva, obtained a son firm in his vows, named Dadhyancha, also known as Ashvashira; now hear from me of the lineage of Bhrigu.

Verse 43 (bhagavata.4.1.43)

भृगुः ख्यात्यां महाभागः पत्न्यां पुत्रानजीजनत् । धातारं च विधातारं श्रियं च भगवत्पराम् ॥ ४३ ॥

bhṛguḥ khyātyāṁ mahā-bhāgaḥ patnyāṁ putrān ajījanat dhātāraṁ ca vidhātāraṁ śriyaṁ ca bhagavat-parām

The greatly blessed Bhrigu begot in his wife Khyati two sons, Dhata and Vidhata, and a daughter, Shri, wholly devoted to Bhagavan.

Verse 44 (bhagavata.4.1.44)

आयतिं नियतिं चैव सुते मेरुस्तयोरदात् । ताभ्यां तयोरभवतां मृकण्डः प्राण एव च ॥ ४४ ॥

āyatiṁ niyatiṁ caiva sute merus tayor adāt tābhyāṁ tayor abhavatāṁ mṛkaṇḍaḥ prāṇa eva ca

The sage Meru gave his two daughters, Ayati and Niyati, to Dhata and Vidhata; from them were born Mrikanda and Prana.

Verse 45 (bhagavata.4.1.45)

मार्कण्डेयो मृकण्डस्य प्राणाद्वेदशिरा मुनिः । कविश्च भार्गवो यस्य भगवानुशना सुतः ॥ ४५ ॥

mārkaṇḍeyo mṛkaṇḍasya prāṇād vedaśirā muniḥ kaviś ca bhārgavo yasya bhagavān uśanā sutaḥ

From Mrikanda was born Markandeya, and from Prana the sage Vedashira, whose son was the illustrious Ushana, also called Kavi, of the Bhrigu lineage.

Verse 46 (bhagavata.4.1.46)

त एते मुनयः क्षत्तर्लोकान्सर्गैरभावयन् । एष कर्दमदौहित्रसन्तानः कथितस्तव ॥ ४६ ॥

ta ete munayaḥ kṣattar lokān sargair abhāvayan eṣa kardama-dauhitra- santānaḥ kathitas tava

O Kshatta, all these sages filled the worlds with their progeny; thus have I told you of the descendants born through Kardama's daughters.

Verse 47 (bhagavata.4.1.47)

शृण्वतः श्रद्दधानस्य सद्यः पापहरः परः । प्रसूतिं मानवीं दक्ष उपयेमे ह्यजात्मजः ॥ ४७ ॥

śṛṇvataḥ śraddadhānasya sadyaḥ pāpa-haraḥ paraḥ prasūtiṁ mānavīṁ dakṣa upayeme hy ajātmajaḥ

This account at once destroys the sins of one who hears it with faith. Now, Daksha, son of Brahma, married Manu's other daughter, Prasuti.

Verse 48 (bhagavata.4.1.48)

तस्यां ससर्ज दुहितृः षोडशामललोचनाः । त्रयोदशादाद्धर्माय तथैकामग्नये विभुः ॥ ४८ ॥

tasyāṁ sasarja duhitṝḥ ṣoḍaśāmala-locanāḥ trayodaśādād dharmāya tathaikām agnaye vibhuḥ

In her he begot sixteen daughters of spotless eyes; the mighty Daksha gave thirteen of them to Dharma, and one to Agni.

Verse 49 (bhagavata.4.1.49)

पितृभ्य एकां युक्तेभ्यो भवायैकां भवच्छिदे । श्रद्धा मैत्री दया शान्तिस्तुष्टिः पुष्टिः क्रियोन्नतिः ॥ ४९ ॥

pitṛbhya ekāṁ yuktebhyo bhavāyaikāṁ bhava-cchide śraddhā maitrī dayā śāntis tuṣṭiḥ puṣṭiḥ kriyonnatiḥ

One he gave to the united Pitrs, and one to Bhagavan Shiv, the remover of worldly bondage. The names of the thirteen given to Dharma were Shraddha, Maitri, Daya, Shanti, Tushti, Pushti, Kriya, Unnati —

Verse 50 (bhagavata.4.1.50)

बुद्धिर्मेधा तितिक्षा ह्रीर्मूर्तिर्धर्मस्य पत्नयः । श्रद्धासूत शुभं मैत्री प्रसादमभयं दया ॥ ५० ॥

buddhir medhā titikṣā hrīr mūrtir dharmasya patnayaḥ śraddhāsūta śubhaṁ maitrī prasādam abhayaṁ dayā

— Buddhi, Medha, Titiksha, Hri and Murti — these were the wives of Dharma. Shraddha gave birth to Shubha, Maitri to Prasada, and Daya to Abhaya.

Verse 51 (bhagavata.4.1.51)

शान्तिः सुखं मुदं तुष्टिः स्मयं पुष्टिरसूयत । योगं क्रियोन्नतिर्दर्पमर्थं बुद्धिरसूयत ॥ ५१ ॥

śāntiḥ sukhaṁ mudaṁ tuṣṭiḥ smayaṁ puṣṭir asūyata yogaṁ kriyonnatir darpam arthaṁ buddhir asūyata

Shanti gave birth to Sukha, Tushti to Muda, Pushti to Smaya, Kriya to Yoga, Unnati to Darpa, and Buddhi to Artha.

Verse 52 (bhagavata.4.1.52)

मेधा स्मृतिं तितिक्षा तु क्षेमं ह्रीः प्रश्रयं सुतम् । मूर्तिः सर्वगुणोत्पत्तिर्नरनारायणावृषी ॥ ५२ ॥

medhā smṛtiṁ titikṣā tu kṣemaṁ hrīḥ praśrayaṁ sutam mūrtiḥ sarva-guṇotpattir nara-nārāyaṇāv ṛṣī

Medha gave birth to Smriti, Titiksha to Kshema, and Hri to a son named Prashraya; while Murti, the very source of all good qualities, gave birth to the twin sages Nara and Narayana.

Verse 53 (bhagavata.4.1.53)

ययोर्जन्मन्यदो विश्वमभ्यनन्दत्सुनिर्वृतम् । मनांसि ककुभो वाताः प्रसेदुः सरितोऽद्रयः ॥ ५३ ॥

yayor janmany ado viśvam abhyanandat sunirvṛtam manāṁsi kakubho vātāḥ praseduḥ sarito ’drayaḥ

At the birth of those two, the whole universe rejoiced in deep contentment; every mind grew calm, and the winds, directions, rivers and mountains all became serene.

Verse 54 (bhagavata.4.1.54)

दिव्यवाद्यन्त तूर्याणि पेतुः कुसुमवृष्टयः । मुनयस्तुष्टुवुस्तुष्टा जगुर्गन्धर्वकिन्नराः ॥ ५४ ॥

divy avādyanta tūryāṇi petuḥ kusuma-vṛṣṭayaḥ munayas tuṣṭuvus tuṣṭā jagur gandharva-kinnarāḥ

Celestial instruments sounded of themselves, showers of flowers fell, delighted sages sang hymns of praise, and the Gandharvas and Kinnaras raised their voices in song.

Verse 55 (bhagavata.4.1.55)

नृत्यन्ति स्म स्त्रियो देव्य आसीत्परममङ्गलम् । देवा ब्रह्मादयः सर्वे उपतस्थुरभिष्टवैः ॥ ५५ ॥

nṛtyanti sma striyo devya āsīt parama-maṅgalam devā brahmādayaḥ sarve upatasthur abhiṣṭavaiḥ

The celestial women danced, and there was the highest auspiciousness everywhere; all the gods, headed by Brahma, came forward to worship them with hymns of praise.

Verse 56 (bhagavata.4.1.56)

देवा ऊचुः यो मायया विरचितं निजयात्मनीदं खे रूपभेदमिव तत्प्रतिचक्षणाय । एतेन धर्मसदने ऋषिमूर्तिनाद्य प्रादुश्चकार पुरुषाय नमः परस्मै ॥ ५६ ॥

devā ūcuḥ yo māyayā viracitaṁ nijayātmanīdaṁ khe rūpa-bhedam iva tat-praticakṣaṇāya etena dharma-sadane ṛṣi-mūrtinādya prāduścakāra puruṣāya namaḥ parasmai

The gods said: Obeisances to that Supreme Purusha who, in order to reveal for what it truly is this universe fashioned by His own maya within Himself — as when varied forms seem to appear in the sky — has now manifested Himself in the house of Dharma in the form of the sage Nara-Narayana.

Verse 57 (bhagavata.4.1.57)

सोऽयं स्थितिव्यतिकरोपशमाय सृष्टान् सत्त्वेन नः सुरगणाननुमेयतत्त्वः । दृश्याददभ्रकरुणेन विलोकनेन यच्छ्रीनिकेतममलं क्षिपतारविन्दम् ॥ ५७ ॥

so ’yaṁ sthiti-vyatikaropaśamāya sṛṣṭān sattvena naḥ sura-gaṇān anumeya-tattvaḥ dṛśyād adabhra-karuṇena vilokanena yac chrī-niketam amalaṁ kṣipatāravindam

May He, whose true nature can only be inferred, who created us gods in the mode of goodness to calm the disorder that threatens the world's order, now cast His glance of boundless compassion upon us — a glance whose beauty outshines even the stainless lotus that is the abode of the goddess of fortune.

Verse 58 (bhagavata.4.1.58)

एवं सुरगणैस्तात भगवन्तावभिष्टुतौ । लब्धावलोकैर्ययतुरर्चितौ गन्धमादनम् ॥ ५८ ॥

evaṁ sura-gaṇais tāta bhagavantāv abhiṣṭutau labdhāvalokair yayatur arcitau gandhamādanam

O dear one, thus praised by the assembled gods, the two divine sages, having granted them Their glance and duly worshiped, then departed for Mount Gandhamadana.

Verse 59 (bhagavata.4.1.59)

ताविमौ वै भगवतो हरेरंशाविहागतौ । भारव्ययाय च भुवः कृष्णौ यदुकुरूद्वहौ ॥ ५९ ॥

tāv imau vai bhagavato harer aṁśāv ihāgatau bhāra-vyayāya ca bhuvaḥ kṛṣṇau yadu-kurūdvahau

These two are indeed partial expansions of Bhagavan Hari, who have now appeared as Krishna and Arjuna, the foremost of the Yadu and Kuru lines, to relieve the earth of her burden.

Verse 60 (bhagavata.4.1.60)

स्वाहाभिमानिनश्चाग्नेरात्मजांस्त्रीनजीजनत् । पावकं पवमानं च शुचिं च हुतभोजनम् ॥ ६० ॥

svāhābhimāninaś cāgner ātmajāṁs trīn ajījanat pāvakaṁ pavamānaṁ ca śuciṁ ca huta-bhojanam

The fire-god who is Svaha's beloved husband begot in her three sons — Pavaka, Pavamana and Shuchi — who subsist by consuming the oblations offered in sacrifice.

Verse 61 (bhagavata.4.1.61)

तेभ्योऽग्नयः समभवन्चत्वारिंशच्च पञ्च च । त एवैकोनपञ्चाशत्साकं पितृपितामहैः ॥ ६१ ॥

tebhyo ’gnayaḥ samabhavan catvāriṁśac ca pañca ca ta evaikonapañcāśat sākaṁ pitṛ-pitāmahaiḥ

From those three, another forty-five fire-gods were born; together with their father and grandfather, they number forty-nine in all.

Verse 62 (bhagavata.4.1.62)

वैतानिके कर्मणि यन्नामभिर्ब्रह्मवादिभिः । आग्नेय्य इष्टयो यज्ञे निरूप्यन्तेऽग्नयस्तु ते ॥ ६२ ॥

vaitānike karmaṇi yan- nāmabhir brahma-vādibhiḥ āgneyya iṣṭayo yajñe nirūpyante ’gnayas tu te

These are the very fire-gods in whose names the ritual offerings of the fire-sacrifice are designated by the followers of the Vedic path in solemn rites.

Verse 63 (bhagavata.4.1.63)

अग्निष्वात्ता बर्हिषदः सौम्याः पितर आज्यपाः । साग्नयोऽनग्नयस्तेषां पत्नी दाक्षायणी स्वधा ॥ ६३ ॥

agniṣvāttā barhiṣadaḥ saumyāḥ pitara ājyapāḥ sāgnayo ’nagnayas teṣāṁ patnī dākṣāyaṇī svadhā

The Pitrs are the Agnishvattas, Barhishadas, Saumyas and Ajyapas, some with fire and some without; their common wife is Svadha, the daughter of Daksha.

Verse 64 (bhagavata.4.1.64)

तेभ्यो दधार कन्ये द्वे वयुनां धारिणीं स्वधा । उभे ते ब्रह्मवादिन्यौ ज्ञानविज्ञानपारगे ॥ ६४ ॥

tebhyo dadhāra kanye dve vayunāṁ dhāriṇīṁ svadhā ubhe te brahma-vādinyau jñāna-vijñāna-pārage

By them, Svadha bore two daughters, Vayuna and Dharini, both proclaimers of Brahman, and both fully accomplished in knowledge and its practical realization.

Verse 65 (bhagavata.4.1.65)

भवस्य पत्नी तु सती भवं देवमनुव्रता । आत्मनः सदृशं पुत्रं न लेभे गुणशीलतः ॥ ६५ ॥

bhavasya patnī tu satī bhavaṁ devam anuvratā ātmanaḥ sadṛśaṁ putraṁ na lebhe guṇa-śīlataḥ

But Sati, the wife of Bhagavan Shiv, devoted entirely to her lord, could not obtain a son equal to herself in qualities and character.

Verse 66 (bhagavata.4.1.66)

पितर्यप्रतिरूपे स्वे भवायानागसे रुषा । अप्रौढैवात्मनात्मानमजहाद्योगसंयुता ॥ ६६ ॥

pitary apratirūpe sve bhavāyānāgase ruṣā aprauḍhaivātmanātmānam ajahād yoga-saṁyutā

This was because her father behaved unbecomingly toward her faultless husband Bhagavan Shiv, out of ill will; and so, still in her youth, Sati gave up her own body of her own accord, by the power of yoga.