The Characteristics of King Puranjana

Verse 1 (bhagavata.4.25.1)

मैत्रेय उवाच इति सन्दिश्य भगवान् बार्हिषदैरभिपूजितः । पश्यतां राजपुत्राणां तत्रैवान्तर्दधे हरः ॥ 25.1 ॥

maitreya uvāca iti sandiśya bhagavān bārhiṣadair abhipūjitaḥ paśyatāṁ rāja-putrāṇāṁ tatraivāntardadhe haraḥ

Maitreya said: Having thus instructed them, Bhagavan Shiva — worshipped by the sons of Barhishat — vanished then and there before the very eyes of the princes.

Verse 2 (bhagavata.4.25.2)

रुद्रगीतं भगवतः स्तोत्रं सर्वे प्रचेतसः । जपन्तस्ते तपस्तेपुर्वर्षाणामयुतं जले ॥ 25.2 ॥

rudra-gītaṁ bhagavataḥ stotraṁ sarve pracetasaḥ japantas te tapas tepur varṣāṇām ayutaṁ jale

Thereafter all the Pracetas, chanting the Rudra-gita — the hymn of the Lord — performed austerity standing in the water for ten thousand years.

Verse 3 (bhagavata.4.25.3)

प्राचीनबर्हिषं क्षत्तः कर्मस्वासक्तमानसम् । नारदोऽध्यात्मतत्त्वज्ञः कृपालुः प्रत्यबोधयत् ॥ 25.3 ॥

prācīnabarhiṣaṁ kṣattaḥ karmasv āsakta-mānasam nārado ’dhyātma-tattva-jñaḥ kṛpāluḥ pratyabodhayat

Meanwhile, O Kshatta, the compassionate Narada, knower of the truth of the self, awakened King Prachinabarhi — whose mind was engrossed in fruitive works — to higher understanding.

Verse 4 (bhagavata.4.25.4)

श्रेयस्त्वं कतमद्राजन् कर्मणात्मन ईहसे । दुःखहानिः सुखावाप्तिः श्रेयस्तन्नेह चेष्यते ॥ 25.4 ॥

śreyas tvaṁ katamad rājan karmaṇātmana īhase duḥkha-hāniḥ sukhāvāptiḥ śreyas tan neha ceṣyate

O King, what good do you seek for yourself through these works? If the highest good means the removal of misery and the attainment of happiness, that is not achieved through such action.

Verse 5 (bhagavata.4.25.5)

राजोवाच न जानामि महाभाग परं कर्मापविद्धधीः । ब्रूहि मे विमलं ज्ञानं येन मुच्येय कर्मभिः ॥ 25.5 ॥

rājovāca na jānāmi mahā-bhāga paraṁ karmāpaviddha-dhīḥ brūhi me vimalaṁ jñānaṁ yena mucyeya karmabhiḥ

The King said: O greatly blessed one, my intellect is entangled by works, so I do not know that highest goal. Tell me the pure knowledge by which I may be freed from these works.

Verse 6 (bhagavata.4.25.6)

गृहेषु कूटधर्मेषु पुत्रदारधनार्थधीः । न परं विन्दते मूढो भ्राम्यन् संसारवर्त्मसु ॥ 25.6 ॥

gṛheṣu kūṭa-dharmeṣu putra-dāra-dhanārtha-dhīḥ na paraṁ vindate mūḍho bhrāmyan saṁsāra-vartmasu

The fool whose mind clings to son, wife and wealth, caught in a household life built on false duties, never finds the highest good — he only wanders the roads of this world.

Verse 7 (bhagavata.4.25.7)

नारद उवाच भो भोः प्रजापते राजन् पशून् पश्य त्वयाध्वरे । संज्ञापिताञ्जीवसङ्घान्निर्घृणेन सहस्रशः ॥ 25.7 ॥

nārada uvāca bhoḥ bhoḥ prajāpate rājan paśūn paśya tvayādhvare saṁjñāpitāñ jīva-saṅghān nirghṛṇena sahasraśaḥ

Narada said: O King, lord of subjects, look — behold those multitudes of living creatures you have mercilessly slaughtered by the thousands in your sacrifices.

Verse 8 (bhagavata.4.25.8)

एते त्वां सम्प्रतीक्षन्ते स्मरन्तो वैशसं तव । सम्परेतम् अयःकूटैश्छिन्दन्त्युत्थितमन्यवः ॥ 25.8 ॥

ete tvāṁ sampratīkṣante smaranto vaiśasaṁ tava samparetam ayaḥ-kūṭaiś chindanty utthita-manyavaḥ

They remember the cruelty you showed them, and they are waiting for you; when you die, they will rise in fury and pierce you through with their horns of iron.

Verse 9 (bhagavata.4.25.9)

अत्र ते कथयिष्येऽमुमितिहासं पुरातनम् । पुरञ्जनस्य चरितं निबोध गदतो मम ॥ 25.9 ॥

atra te kathayiṣye ’mum itihāsaṁ purātanam purañjanasya caritaṁ nibodha gadato mama

In this connection let me tell you an ancient story — the history of King Puranjana. Listen carefully to what I now relate.

Verse 10 (bhagavata.4.25.10)

आसीत्पुरञ्जनो नाम राजा राजन् बृहच्छ्रवाः । तस्याविज्ञातनामासीत्सखाविज्ञातचेष्टितः ॥ 25.10 ॥

āsīt purañjano nāma rājā rājan bṛhac-chravāḥ tasyāvijñāta-nāmāsīt sakhāvijñāta-ceṣṭitaḥ

O King, there was once a king of far-reaching fame named Puranjana. He had a friend called Avijnata — "the Unknown" — whose ways no one could ever fathom.

Verse 11 (bhagavata.4.25.11)

सोऽन्वेषमाणः शरणं बभ्राम पृथिवीं प्रभुः । नानुरूपं यदाविन्ददभूत्स विमना इव ॥ 25.11 ॥

so ’nveṣamāṇaḥ śaraṇaṁ babhrāma pṛthivīṁ prabhuḥ nānurūpaṁ yadāvindad abhūt sa vimanā iva

Seeking a home for himself, that mighty lord wandered over the whole earth; and when he found nothing to his liking, he became as if disheartened.

Verse 12 (bhagavata.4.25.12)

न साधु मेने ताः सर्वा भूतले यावतीः पुरः । कामान् कामयमानोऽसौ तस्य तस्योपपत्तये ॥ 25.12 ॥

na sādhu mene tāḥ sarvā bhūtale yāvatīḥ puraḥ kāmān kāmayamāno ’sau tasya tasyopapattaye

Longing for the fulfillment of desire after desire, he found none of the many cities on earth satisfactory to his taste.

Verse 13 (bhagavata.4.25.13)

स एकदा हिमवतो दक्षिणेष्वथ सानुषु । ददर्श नवभिर्द्वार्भिः पुरं लक्षितलक्षणाम् ॥ 25.13 ॥

sa ekadā himavato dakṣiṇeṣv atha sānuṣu dadarśa navabhir dvārbhiḥ puraṁ lakṣita-lakṣaṇām

One day, among the southern ranges of the Himalayas, he beheld a city with nine gates, marked by every sign of good fortune.

Verse 14 (bhagavata.4.25.14)

प्राकारोपवनाट्टालपरिखैरक्षतोरणैः । स्वर्णरौप्यायसैः शृङ्गैः सङ्कुलां सर्वतो गृहैः ॥ 25.14 ॥

prākāropavanāṭṭāla- parikhair akṣa-toraṇaiḥ svarṇa-raupyāyasaiḥ śṛṅgaiḥ saṅkulāṁ sarvato gṛhaiḥ

That city was ringed by ramparts, groves, watchtowers and moats, its gateway-arches unbroken, and it was crowded on every side with mansions crowned in spires of gold, silver and iron.

Verse 15 (bhagavata.4.25.15)

नीलस्फटिकवैदूर्यमुक्तामरकतारुणैः । क्लृप्तहर्म्यस्थलीं दीप्तां श्रिया भोगवतीमिव ॥ 25.15 ॥

nīla-sphaṭika-vaidūrya- muktā-marakatāruṇaiḥ kḷpta-harmya-sthalīṁ dīptāṁ śriyā bhogavatīm iva

Its mansion floors were inlaid with sapphire, crystal, cat's-eye, pearl, emerald and ruby, and the whole city blazed with a splendor like that of Bhogavati, the serpent-world's own capital.

Verse 16 (bhagavata.4.25.16)

सभाचत्वररथ्याभिराक्रीडायतनापणैः । चैत्यध्वजपताकाभिर्युक्तां विद्रुमवेदिभिः ॥ 25.16 ॥

sabhā-catvara-rathyābhir ākrīḍāyatanāpaṇaiḥ caitya-dhvaja-patākābhir yuktāṁ vidruma-vedibhiḥ

It was adorned with assembly halls, plazas, streets, playgrounds, dwellings and marketplaces, hung with temple-flags and banners, and set with altars of coral.

Verse 17 (bhagavata.4.25.17)

पुर्यास्तु बाह्योपवने दिव्यद्रुमलताकुले । नदद्विहङ्गालिकुलकोलाहलजलाशये ॥ 25.17 ॥

puryās tu bāhyopavane divya-druma-latākule nadad-vihaṅgāli-kula- kolāhala-jalāśaye

In the park beyond the city walls, thick with celestial trees and vines, lay a lake ringing with the clamor of flocks of birds and swarms of bees.

Verse 18 (bhagavata.4.25.18)

हिमनिर्झरविप्रुष्मत्कुसुमाकरवायुना । चलत्प्रवालविटपनलिनीतटसम्पदि ॥ 25.18 ॥

hima-nirjhara-vipruṣmat- kusumākara-vāyunā calat-pravāla-viṭapa- nalinī-taṭa-sampadi

There, on the rich lotus-bordered shore, the spring wind — laden with the spray of snow-fed cascades — set the tender young shoots of the branches trembling.

Verse 19 (bhagavata.4.25.19)

नानारण्यमृगव्रातैरनाबाधे मुनिव्रतैः । आहूतं मन्यते पान्थो यत्र कोकिलकूजितैः ॥ 25.19 ॥

nānāraṇya-mṛga-vrātair anābādhe muni-vrataiḥ āhūtaṁ manyate pāntho yatra kokila-kūjitaiḥ

There, herds of forest creatures of every kind, harmless as sages bound by vows, troubled no one, and any traveler who heard the cuckoos calling felt as if he were being invited to linger.

Verse 20 (bhagavata.4.25.20)

यदृच्छयागतां तत्र ददर्श प्रमदोत्तमाम् । भृत्यैर्दशभिरायान्तीमेकैकशतनायकैः ॥ 25.20 ॥

yadṛcchayāgatāṁ tatra dadarśa pramadottamām bhṛtyair daśabhir āyāntīm ekaika-śata-nāyakaiḥ

There he saw, arriving as if by chance, a young woman of surpassing beauty, coming with ten attendants, each of whom was himself a lord over a hundred more.

Verse 21 (bhagavata.4.25.21)

पञ्चशीर्षाहिना गुप्तां प्रतीहारेण सर्वतः । अन्वेषमाणामृषभमप्रौढां कामरूपिणीम् ॥ 25.21 ॥

pañca-śīrṣāhinā guptāṁ pratīhāreṇa sarvataḥ anveṣamāṇām ṛṣabham aprauḍhāṁ kāma-rūpiṇīm

On every side she was guarded by a five-hooded serpent who served as her doorkeeper; though still young, and capable of taking any form she wished, she was searching for a husband worthy of her.

Verse 22 (bhagavata.4.25.22)

सुनासां सुदतीं बालां सुकपोलां वराननाम् । समविन्यस्तकर्णाभ्यां बिभ्रतीं कुण्डलश्रियम् ॥ 25.22 ॥

sunāsāṁ sudatīṁ bālāṁ sukapolāṁ varānanām sama-vinyasta-karṇābhyāṁ bibhratīṁ kuṇḍala-śriyam

That young woman had a lovely nose, lovely teeth, lovely cheeks and a beautiful face, and on her evenly-set ears she wore the splendor of earrings.

Verse 23 (bhagavata.4.25.23)

पिशङ्गनीवीं सुश्रोणीं श्यामां कनकमेखलाम् । पद्भ्यां क्वणद्भ्यां चलन्तीं नूपुरैर्देवतामिव ॥ 25.23 ॥

piśaṅga-nīvīṁ suśroṇīṁ śyāmāṁ kanaka-mekhalām padbhyāṁ kvaṇadbhyāṁ calantīṁ nūpurair devatām iva

Her garment was knotted in tawny gold at the waist, her hips were shapely, her complexion dark, and she wore a golden girdle; as she walked, the anklets ringing at her feet made her seem like a goddess.

Verse 24 (bhagavata.4.25.24)

स्तनौ व्यञ्जितकैशोरौ समवृत्तौ निरन्तरौ । वस्त्रान्तेन निगूहन्तीं व्रीडया गजगामिनीम् ॥ 25.24 ॥

stanau vyañjita-kaiśorau sama-vṛttau nirantarau vastrāntena nigūhantīṁ vrīḍayā gaja-gāminīm

Her two breasts, full with the bloom of youth, were round and set close together, and as she walked with an elephant's grace, she kept trying, out of shyness, to cover them with the end of her garment.

Verse 25 (bhagavata.4.25.25)

तामाह ललितं वीरः सव्रीडस्मितशोभनाम् । स्निग्धेनापाङ्गपुङ्खेन स्पृष्टः प्रेमोद्भ्रमद्भ्रुवा ॥ 25.25 ॥

tām āha lalitaṁ vīraḥ savrīḍa-smita-śobhanām snigdhenāpāṅga-puṅkhena spṛṣṭaḥ premodbhramad-bhruvā

Struck by the arrows of her tender, sidelong glance, and by her eyebrows trembling with passion, the hero Puranjana tenderly addressed her, lovely as she was with her shy smile.

Verse 26 (bhagavata.4.25.26)

का त्वं कञ्जपलाशाक्षि कस्यासीह कुतः सति । इमामुप पुरीं भीरु किं चिकीर्षसि शंस मे ॥ 25.26 ॥

kā tvaṁ kañja-palāśākṣi kasyāsīha kutaḥ sati imām upa purīṁ bhīru kiṁ cikīrṣasi śaṁsa me

[Puranjana said:] O lotus-petal-eyed one, who are you — whose daughter, and from where, O virtuous one? O timid one, tell me — what is it you mean to do, coming near this city?

Verse 27 (bhagavata.4.25.27)

क एतेऽनुपथा ये त एकादश महाभटाः । एता वा ललनाः सुभ्रु कोऽयं तेऽहिः पुरःसरः ॥ 25.27 ॥

ka ete ’nupathā ye ta ekādaśa mahā-bhaṭāḥ etā vā lalanāḥ subhru ko ’yaṁ te ’hiḥ puraḥ-saraḥ

Who are these eleven mighty warriors who follow behind you? And, O fair-browed one, who are these women, and who is this serpent going ahead of you?

Verse 28 (bhagavata.4.25.28)

त्वं ह्रीर्भवान्यस्यथ वाग्रमा पतिं विचिन्वती किं मुनिवद्रहो वने । त्वदङ्घ्रिकामाप्तसमस्तकामं क्व पद्मकोशः पतितः कराग्रात् ॥ 25.28 ॥

tvaṁ hrīr bhavāny asy atha vāg ramā patiṁ vicinvatī kiṁ munivad raho vane tvad-aṅghri-kāmāpta-samasta-kāmaṁ kva padma-kośaḥ patitaḥ karāgrāt

Are you Hri, or Bhavani, or Vak, or Rama herself, searching this lonely forest alone, like a sage, for a husband? Whoever wins your feet would gain every desire there is — yet where has the lotus-bud fallen from your fingertips?

Verse 29 (bhagavata.4.25.29)

नासां वरोर्वन्यतमा भुविस्पृक् पुरीमिमां वीरवरेण साकम् । अर्हस्यलङ्कर्तुमदभ्रकर्मणा लोकं परं श्रीरिव यज्ञपुंसा ॥ 25.29 ॥

nāsāṁ varorv anyatamā bhuvi-spṛk purīm imāṁ vīra-vareṇa sākam arhasy alaṅkartum adabhra-karmaṇā lokaṁ paraṁ śrīr iva yajña-puṁsā

O fair one, since your feet touch the ground you can be none of those goddesses — you belong to this earth. Join with me, the greatest of heroes, and through my boundless deeds adorn this city, as Shri adorns the highest world in union with the Lord of sacrifice.

Verse 30 (bhagavata.4.25.30)

यदेष मापाङ्गविखण्डितेन्द्रियं सव्रीडभावस्मितविभ्रमद्भ्रुवा । त्वयोपसृष्टो भगवान्मनोभवः प्रबाधतेऽथानुगृहाण शोभने ॥ 25.30 ॥

yad eṣa māpāṅga-vikhaṇḍitendriyaṁ savrīḍa-bhāva-smita-vibhramad-bhruvā tvayopasṛṣṭo bhagavān mano-bhavaḥ prabādhate ’thānugṛhāṇa śobhane

Your sidelong glance has already shattered my senses, and the mighty god of love, stirred by your shy smile and trembling brows, now torments me — O radiant one, be gracious to me now.

Verse 31 (bhagavata.4.25.31)

त्वदाननं सुभ्रु सुतारलोचनं व्यालम्बिनीलालकवृन्दसंवृतम् । उन्नीय मे दर्शय वल्गुवाचकं यद्व्रीडया नाभिमुखं शुचिस्मिते ॥ 25.31 ॥

tvad-ānanaṁ subhru sutāra-locanaṁ vyālambi-nīlālaka-vṛnda-saṁvṛtam unnīya me darśaya valgu-vācakaṁ yad vrīḍayā nābhimukhaṁ śuci-smite

O fair-browed one, lift your face — bright-eyed and lovely, framed by falling clusters of dark curls, speaking such sweet words — and show it to me; O pure and gently smiling one, you keep it turned from me only out of shyness.

Verse 32 (bhagavata.4.25.32)

नारद उवाच इत्थं पुरञ्जनं नारी याचमानमधीरवत् । अभ्यनन्दत तं वीरं हसन्ती वीर मोहिता ॥ 25.32 ॥

nārada uvāca itthaṁ purañjanaṁ nārī yācamānam adhīravat abhyanandata taṁ vīraṁ hasantī vīra mohitā

Narada said: As Puranjana pleaded with her thus, unable to contain himself, that woman, herself now enchanted, welcomed the hero with a smile.

Verse 33 (bhagavata.4.25.33)

न विदाम वयं सम्यक्कर्तारं पुरुषर्षभ । आत्मनश्च परस्यापि गोत्रं नाम च यत्कृतम् ॥ 25.33 ॥

na vidāma vayaṁ samyak kartāraṁ puruṣarṣabha ātmanaś ca parasyāpi gotraṁ nāma ca yat-kṛtam

[The woman said:] O best among men, I do not truly know who made me, nor do I know the lineage or name — either of myself or of these others with me.

Verse 34 (bhagavata.4.25.34)

इहाद्य सन्तमात्मानं विदाम न ततः परम् । येनेयं निर्मिता वीर पुरी शरणमात्मनः ॥ 25.34 ॥

ihādya santam ātmānaṁ vidāma na tataḥ param yeneyaṁ nirmitā vīra purī śaraṇam ātmanaḥ

We know only that today we exist here; beyond that we know nothing at all — not even, O hero, who built this city as our refuge.

Verse 35 (bhagavata.4.25.35)

एते सखायः सख्यो मे नरा नार्यश्च मानद । सुप्तायां मयि जागर्ति नागोऽयं पालयन् पुरीम् ॥ 25.35 ॥

ete sakhāyaḥ sakhyo me narā nāryaś ca mānada suptāyāṁ mayi jāgarti nāgo ’yaṁ pālayan purīm

O giver of honor, these men and women here are my companions; and when I fall asleep, this serpent stays awake, watching over the city.

Verse 36 (bhagavata.4.25.36)

दिष्ट्यागतोऽसि भद्रं ते ग्राम्यान् कामानभीप्ससे । उद्वहिष्यामि तांस्तेऽहं स्वबन्धुभिररिन्दम ॥ 25.36 ॥

diṣṭyāgato ’si bhadraṁ te grāmyān kāmān abhīpsase udvahiṣyāmi tāṁs te ’haṁ sva-bandhubhir arindama

By good fortune you have come here — may all be well with you. O subduer of foes, since you long for worldly pleasures, I, together with my kinsfolk, shall bring them to you.

Verse 37 (bhagavata.4.25.37)

इमां त्वमधितिष्ठस्व पुरीं नवमुखीं विभो । मयोपनीतान् गृह्णानः कामभोगान् शतं समाः ॥ 25.37 ॥

imāṁ tvam adhitiṣṭhasva purīṁ nava-mukhīṁ vibho mayopanītān gṛhṇānaḥ kāma-bhogān śataṁ samāḥ

O mighty one, take your seat as ruler of this nine-gated city, and for a hundred years accept and enjoy the sense-pleasures I shall bring to you.

Verse 38 (bhagavata.4.25.38)

कं नु त्वदन्यं रमये ह्यरतिज्ञमकोविदम् । असम्परायाभिमुखमश्वस्तनविदं पशुम् ॥ 25.38 ॥

kaṁ nu tvad-anyaṁ ramaye hy arati-jñam akovidam asamparāyābhimukham aśvastana-vidaṁ paśum

Whom besides you could I ever take delight in — one ignorant of the art of love, unmindful of the world to come, an animal not even aware of tomorrow?

Verse 39 (bhagavata.4.25.39)

धर्मो ह्यत्रार्थकामौ च प्रजानन्दोऽमृतं यशः । लोका विशोका विरजा यान्न केवलिनो विदुः ॥ 25.39 ॥

dharmo hy atrārtha-kāmau ca prajānando ’mṛtaṁ yaśaḥ lokā viśokā virajā yān na kevalino viduḥ

[The woman continued:] Here in the householder's life are dharma, artha and kama, the delight of children, imperishable fame, and grief-free, stainless worlds to come — things those who seek the Self alone never come to know.

Verse 40 (bhagavata.4.25.40)

पितृदेवर्षिमर्त्यानां भूतानामात्मनश्च ह । क्षेम्यं वदन्ति शरणं भवेऽस्मिन् यद्गृहाश्रमः ॥ 25.40 ॥

pitṛ-devarṣi-martyānāṁ bhūtānām ātmanaś ca ha kṣemyaṁ vadanti śaraṇaṁ bhave ’smin yad gṛhāśramaḥ

The wise declare that in this world of becoming, the shelter of household life brings good to the ancestors, the gods, the sages, to mortal beings, to all creatures, and to oneself as well.

Verse 41 (bhagavata.4.25.41)

का नाम वीर विख्यातं वदान्यं प्रियदर्शनम् । न वृणीत प्रियं प्राप्तं मादृशी त्वादृशं पतिम् ॥ 25.41 ॥

kā nāma vīra vikhyātaṁ vadānyaṁ priya-darśanam na vṛṇīta priyaṁ prāptaṁ mādṛśī tvādṛśaṁ patim

O hero, what woman like myself, having found such a welcome chance, would not choose a husband as famed, as generous, and as pleasing to the eye as you?

Verse 42 (bhagavata.4.25.42)

कस्या मनस्ते भुवि भोगिभोगयोः स्त्रिया न सज्जेद्भुजयोर्महाभुज । योऽनाथवर्गाधिमलं घृणोद्धत स्मितावलोकेन चरत्यपोहितुम् ॥ 25.42 ॥

kasyā manas te bhuvi bhogi-bhogayoḥ striyā na sajjed bhujayor mahā-bhuja yo ’nātha-vargādhim alaṁ ghṛṇoddhata- smitāvalokena caraty apohitum

O mighty-armed one, what woman would not lose her heart to your arms, coiled like serpents — you who wander about, moved by boundless compassion, dispelling the sorrows of helpless women with your proud, gracious smile?

Verse 43 (bhagavata.4.25.43)

नारद उवाच इति तौ दम्पती तत्र समुद्य समयं मिथः । तां प्रविश्य पुरीं राजन्मुमुदाते शतं समाः ॥ 25.43 ॥

nārada uvāca iti tau dam-patī tatra samudya samayaṁ mithaḥ tāṁ praviśya purīṁ rājan mumudāte śataṁ samāḥ

Narada said: O King, thus having bound themselves to one another, that pair entered the city and lived there together in joy for a hundred years.

Verse 44 (bhagavata.4.25.44)

उपगीयमानो ललितं तत्र तत्र च गायकैः । क्रीडन् परिवृतः स्त्रीभिर्ह्रदिनीमाविशच्छुचौ ॥ 25.44 ॥

upagīyamāno lalitaṁ tatra tatra ca gāyakaiḥ krīḍan parivṛtaḥ strībhir hradinīm āviśac chucau

Praised sweetly wherever he went by singers, and sporting there surrounded by women, he would go down into the river when the heat of summer came.

Verse 45 (bhagavata.4.25.45)

सप्तोपरि कृता द्वारः पुरस्तस्यास्तु द्वे अधः । पृथग्विषयगत्यर्थं तस्यां यः कश्चनेश्वरः ॥ 25.45 ॥

saptopari kṛtā dvāraḥ puras tasyās tu dve adhaḥ pṛthag-viṣaya-gaty-arthaṁ tasyāṁ yaḥ kaścaneśvaraḥ

Seven gates of that city were set above, and two below, so that whoever was its ruling lord might pass through them into their several domains.

Verse 46 (bhagavata.4.25.46)

पञ्च द्वारस्तु पौरस्त्या दक्षिणैका तथोत्तरा । पश्चिमे द्वे अमूषां ते नामानि नृप वर्णये ॥ 25.46 ॥

pañca dvāras tu paurastyā dakṣiṇaikā tathottarā paścime dve amūṣāṁ te nāmāni nṛpa varṇaye

Of these gates, five faced the east, one the south, one the north, and two the west; O King, let me now tell you their names.

Verse 47 (bhagavata.4.25.47)

खद्योताविर्मुखी च प्राग्द्वारावेकत्र निर्मिते । विभ्राजितं जनपदं याति ताभ्यां द्युमत्सखः ॥ 25.47 ॥

khadyotāvirmukhī ca prāg dvārāv ekatra nirmite vibhrājitaṁ janapadaṁ yāti tābhyāṁ dyumat-sakhaḥ

Khadyota and Avirmukhi were two eastern gates built next to each other; through them, together with his friend Dyuman, the King would go to the land of Vibhrajita.

Verse 48 (bhagavata.4.25.48)

नलिनी नालिनी च प्राग्द्वारावेकत्र निर्मिते । अवधूतसखस्ताभ्यां विषयं याति सौरभम् ॥ 25.48 ॥

nalinī nālinī ca prāg dvārāv ekatra nirmite avadhūta-sakhas tābhyāṁ viṣayaṁ yāti saurabham

Nalini and Nalini were also two eastern gates set close together; through them, with his friend Avadhuta, the King would go to the land of Saurabha.

Verse 49 (bhagavata.4.25.49)

मुख्या नाम पुरस्ताद् द्वास्तयापणबहूदनौ । विषयौ याति पुरराड्रसज्ञविपणान्वितः ॥ 25.49 ॥

mukhyā nāma purastād dvās tayāpaṇa-bahūdanau viṣayau yāti pura-rāḍ rasajña-vipaṇānvitaḥ

The gate called Mukhya likewise faced east; through it the lord of the city, together with Rasajna and Vipana, would go to the two regions of Apana and Bahudana.

Verse 50 (bhagavata.4.25.50)

पितृहूर्नृप पुर्या द्वार्दक्षिणेन पुरञ्जनः । राष्ट्रं दक्षिणपञ्चालं याति श्रुतधरान्वितः ॥ 25.50 ॥

pitṛhūr nṛpa puryā dvār dakṣiṇena purañjanaḥ rāṣṭraṁ dakṣiṇa-pañcālaṁ yāti śrutadharānvitaḥ

O King, through the southern gate called Pitrihu, Puranjana, with his friend Shrutadhara, would go to the land of Dakshina-panchala.

Verse 51 (bhagavata.4.25.51)

देवहूर्नाम पुर्या द्वा उत्तरेण पुरञ्जनः । राष्ट्रमुत्तरपञ्चालं याति श्रुतधरान्वितः ॥ 25.51 ॥

devahūr nāma puryā dvā uttareṇa purañjanaḥ rāṣṭram uttara-pañcālaṁ yāti śrutadharānvitaḥ

Through the city's northern gate, named Devahu, Puranjana would again go, with Shrutadhara, to the land of Uttara-panchala.

Verse 52 (bhagavata.4.25.52)

आसुरी नाम पश्चाद् द्वास्तया याति पुरञ्जनः । ग्रामकं नाम विषयं दुर्मदेन समन्वितः ॥ 25.52 ॥

āsurī nāma paścād dvās tayā yāti purañjanaḥ grāmakaṁ nāma viṣayaṁ durmadena samanvitaḥ

Through the western gate called Asuri, Puranjana, together with his friend Durmada, would go to the region named Gramaka.

Verse 53 (bhagavata.4.25.53)

निऋर्तिर्नाम पश्चाद् द्वास्तया याति पुरञ्जनः । वैशसं नाम विषयं लुब्धकेन समन्वितः ॥ 25.53 ॥

nirṛtir nāma paścād dvās tayā yāti purañjanaḥ vaiśasaṁ nāma viṣayaṁ lubdhakena samanvitaḥ

Through the other western gate, called Nirriti, Puranjana, together with his friend Lubdhaka, would go to the region called Vaishasa.

Verse 54 (bhagavata.4.25.54)

अन्धावमीषां पौराणां निर्वाक्पेशस्कृतावुभौ । अक्षण्वतामधिपतिस्ताभ्यां याति करोति च ॥ 25.54 ॥

andhāv amīṣāṁ paurāṇāṁ nirvāk-peśaskṛtāv ubhau akṣaṇvatām adhipatis tābhyāṁ yāti karoti ca

Among that city's inhabitants were two blind ones, Nirvak and Peshaskrit; though he was lord over those who had sight, it was with these two that he went about and carried out his affairs.

Verse 55 (bhagavata.4.25.55)

स यर्ह्यन्तःपुरगतो विषूचीनसमन्वितः । मोहं प्रसादं हर्षं वा याति जायात्मजोद्भवम् ॥ 25.55 ॥

sa yarhy antaḥpura-gato viṣūcīna-samanvitaḥ mohaṁ prasādaṁ harṣaṁ vā yāti jāyātmajodbhavam

Whenever he entered the private apartments together with Vishuchina, he would come to feel the delusion, the contentment or the joy that springs from wife and children.

Verse 56 (bhagavata.4.25.56)

एवं कर्मसु संसक्तः कामात्मा वञ्चितोऽबुधः । महिषी यद्यदीहेत तत्तदेवान्ववर्तत ॥ 25.56 ॥

evaṁ karmasu saṁsaktaḥ kāmātmā vañcito ’budhaḥ mahiṣī yad yad īheta tat tad evānvavartata

Thus engrossed in worldly deeds, ruled by desire, and unwise, he was thoroughly deceived; whatever the Queen wished for, that alone he would go on doing.

Verse 57 (bhagavata.4.25.57)

क्वचित्पिबन्त्यां पिबति मदिरां मदविह्वलः । अश्नन्त्यां क्वचिदश्नाति जक्षत्यां सह जक्षिति ॥ 25.57 ॥

kvacit pibantyāṁ pibati madirāṁ mada-vihvalaḥ aśnantyāṁ kvacid aśnāti jakṣatyāṁ saha jakṣiti

Sometimes, when she drank, he too, overcome with intoxication, would drink liquor; sometimes when she ate, he would eat; and when she chewed her food, he would chew right along with her.

Verse 58 (bhagavata.4.25.58)

क्वचिद्गायति गायन्त्यां रुदत्यां रुदति क्वचित् । क्वचिद्धसन्त्यां हसति जल्पन्त्यामनु जल्पति ॥ 25.58 ॥

kvacid gāyati gāyantyāṁ rudatyāṁ rudati kvacit kvacid dhasantyāṁ hasati jalpantyām anu jalpati

Sometimes, when she sang, he would sing; sometimes when she wept, he would weep too; when she laughed, he would laugh, and when she chattered on, he would chatter right after her.

Verse 59 (bhagavata.4.25.59)

क्वचिद्धावति धावन्त्यां तिष्ठन्त्यामनु तिष्ठति । अनु शेते शयानायामन्वास्ते क्वचिदासतीम् ॥ 25.59 ॥

kvacid dhāvati dhāvantyāṁ tiṣṭhantyām anu tiṣṭhati anu śete śayānāyām anvāste kvacid āsatīm

Sometimes, when she ran, he would run; when she stood still, he would stand still after her; when she lay down, he would lie down after her; and sometimes, when she sat, he would sit close beside her.

Verse 60 (bhagavata.4.25.60)

क्वचिच्छृणोति शृण्वन्त्यां पश्यन्त्यामनु पश्यति । क्वचिज्जिघ्रति जिघ्रन्त्यां स्पृशन्त्यां स्पृशति क्वचित् ॥ 25.60 ॥

kvacic chṛṇoti śṛṇvantyāṁ paśyantyām anu paśyati kvacij jighrati jighrantyāṁ spṛśantyāṁ spṛśati kvacit

Sometimes, when she listened, he would listen; when she looked at something, he would look after her; sometimes, when she smelled something, he too would smell it, and when she touched something, sometimes he too would touch it.

Verse 61 (bhagavata.4.25.61)

क्वचिच्च शोचतीं जायामनुशोचति दीनवत् । अनु हृष्यति हृष्यन्त्यां मुदितामनु मोदते ॥ 25.61 ॥

kvacic ca śocatīṁ jāyām anu śocati dīnavat anu hṛṣyati hṛṣyantyāṁ muditām anu modate

And sometimes, when his wife grieved, he too, like a helpless man, would grieve after her; when she rejoiced, he too rejoiced after her, and when she was delighted, he too felt delight after her.

Verse 62 (bhagavata.4.25.62)

विप्रलब्धो महिष्यैवं सर्वप्रकृतिवञ्चितः । नेच्छन्ननुकरोत्यज्ञः क्लैब्यात्क्रीडामृगो यथा ॥ 25.62 ॥

vipralabdho mahiṣyaivaṁ sarva-prakṛti-vañcitaḥ necchann anukaroty ajñaḥ klaibyāt krīḍā-mṛgo yathā

Thus beguiled by the Queen, cheated in the whole of his nature, that unwise king kept imitating her even against his own wish — helpless, like some tame animal kept only for sport.