The Activities of the Pracetas

Verse 1 (bhagavata.4.30.1)

विदुर उवाच ये त्वयाभिहिता ब्रह्मन् सुताः प्राचीनबर्हिषः । ते रुद्रगीतेन हरिं सिद्धिमापुः प्रतोष्य काम् ॥ 30.1 ॥

vidura uvāca ye tvayābhihitā brahman sutāḥ prācīnabarhiṣaḥ te rudra-gītena hariṁ siddhim āpuḥ pratoṣya kām

Vidura said: O brahmana, you told me of the sons of Prachinabarhi who pleased Bhagavan Hari with the Rudra-gita. What perfection did they attain by satisfying Him?

Verse 2 (bhagavata.4.30.2)

किं बार्हस्पत्येह परत्र वाथ कैवल्यनाथप्रियपार्श्ववर्तिनः । आसाद्य देवं गिरिशं यदृच्छया प्रापुः परं नूनमथ प्रचेतसः ॥ 30.2 ॥

kiṁ bārhaspatyeha paratra vātha kaivalya-nātha-priya-pārśva-vartinaḥ āsādya devaṁ giriśaṁ yadṛcchayā prāpuḥ paraṁ nūnam atha pracetasaḥ

O son of Brihaspati, having by chance encountered the god Girisha, that dear companion of the Lord of liberation, what did the Pracetas attain, in this world or the next? Surely they attained the highest state.

Verse 3 (bhagavata.4.30.3)

मैत्रेय उवाच प्रचेतसोऽन्तरुदधौ पितुरादेशकारिणः । जपयज्ञेन तपसा पुरञ्जनमतोषयन् ॥ 30.3 ॥

maitreya uvāca pracetaso ’ntar udadhau pitur ādeśa-kāriṇaḥ japa-yajñena tapasā purañjanam atoṣayan

Maitreya said: The Pracetas, obeying their father's order, entered the sea and, through the sacrifice of japa and austerity, set about pleasing Bhagavan.

Verse 4 (bhagavata.4.30.4)

दशवर्षसहस्रान्ते पुरुषस्तु सनातनः । तेषामाविरभूत्कृच्छ्रं शान्तेन शमयन् रुचा ॥ 30.4 ॥

daśa-varṣa-sahasrānte puruṣas tu sanātanaḥ teṣām āvirabhūt kṛcchraṁ śāntena śamayan rucā

At the end of ten thousand years, that eternal Purusha appeared before them, his serene radiance dispelling all the hardship of their austerity.

Verse 5 (bhagavata.4.30.5)

सुपर्णस्कन्धमारूढो मेरुशृङ्गमिवाम्बुदः । पीतवासा मणिग्रीवः कुर्वन्वितिमिरा दिशः ॥ 30.5 ॥

suparṇa-skandham ārūḍho meru-śṛṅgam ivāmbudaḥ pīta-vāsā maṇi-grīvaḥ kurvan vitimirā diśaḥ

Mounted on the shoulders of Suparna, like a cloud resting on the peak of Meru, clothed in yellow, his neck adorned with a jewel, he made every direction free of darkness.

Verse 6 (bhagavata.4.30.6)

काशिष्णुना कनकवर्णविभूषणेन भ्राजत्कपोलवदनो विलसत्किरीटः । अष्टायुधैरनुचरैर्मुनिभिः सुरेन्द्रै- रासेवितो गरुडकिन्नरगीतकीर्तिः ॥ 30.6 ॥

kāśiṣṇunā kanaka-varṇa-vibhūṣaṇena bhrājat-kapola-vadano vilasat-kirīṭaḥ aṣṭāyudhair anucarair munibhiḥ surendrair āsevito garuḍa-kinnara-gīta-kīrtiḥ

His face and cheeks blazed with golden ornaments, His crown shining bright; He bore eight weapons, and was attended by followers, sages and gods, His glory sung by Garuda and the Kinnaras.

Verse 7 (bhagavata.4.30.7)

पीनायताष्टभुजमण्डलमध्यलक्ष्म्या स्पर्धच्छ्रिया परिवृतो वनमालयाद्यः । बर्हिष्मतः पुरुष आह सुतान् प्रपन्नान् पर्जन्यनादरुतया सघृणावलोकः ॥ 30.7 ॥

pīnāyatāṣṭa-bhuja-maṇḍala-madhya-lakṣmyā spardhac-chriyā parivṛto vana-mālayādyaḥ barhiṣmataḥ puruṣa āha sutān prapannān parjanya-nāda-rutayā saghṛṇāvalokaḥ

Adorned around his eight strong, outstretched arms with a forest garland whose beauty rivaled that of the goddess of fortune, the primeval Purusha, with a merciful glance and a voice like thunder, addressed the surrendered sons of Barhishat.

Verse 8 (bhagavata.4.30.8)

श्रीभगवानुवाच वरं वृणीध्वं भद्रं वो यूयं मे नृपनन्दनाः । सौहार्देनापृथग्धर्मास्तुष्टोऽहं सौहृदेन वः ॥ 30.8 ॥

śrī-bhagavān uvāca varaṁ vṛṇīdhvaṁ bhadraṁ vo yūyaṁ me nṛpa-nandanāḥ sauhārdenāpṛthag-dharmās tuṣṭo ’haṁ sauhṛdena vaḥ

Shri Bhagavan said: Ask for a boon — may all be well with you, O sons of the King. Since you are joined in one dharma through mutual affection, I am pleased by your friendship.

Verse 9 (bhagavata.4.30.9)

योऽनुस्मरति सन्ध्यायां युष्माननुदिनं नरः । तस्य भ्रातृष्वात्मसाम्यं तथा भूतेषु सौहृदम् ॥ 30.9 ॥

yo ’nusmarati sandhyāyāṁ yuṣmān anudinaṁ naraḥ tasya bhrātṛṣv ātma-sāmyaṁ tathā bhūteṣu sauhṛdam

Whoever remembers you daily at the twilight hour will come to feel equanimity toward his own brothers and friendship toward all beings.

Verse 10 (bhagavata.4.30.10)

ये तु मां रुद्रगीतेन सायं प्रातः समाहिताः । स्तुवन्त्यहं कामवरान्दास्ये प्रज्ञां च शोभनाम् ॥ 30.10 ॥

ye tu māṁ rudra-gītena sāyaṁ prātaḥ samāhitāḥ stuvanty ahaṁ kāma-varān dāsye prajñāṁ ca śobhanām

And those who, with a focused mind, praise Me morning and evening with the Rudra-gita — to them I shall grant the boons they desire, together with a beautiful understanding.

Verse 11 (bhagavata.4.30.11)

यद्यूयं पितुरादेशमग्रहीष्ट मुदान्विताः । अथो व उशती कीर्तिर्लोकाननु भविष्यति ॥ 30.11 ॥

yad yūyaṁ pitur ādeśam agrahīṣṭa mudānvitāḥ atho va uśatī kīrtir lokān anu bhaviṣyati

Because you have joyfully accepted your father's command, your beautiful fame will spread through all the worlds.

Verse 12 (bhagavata.4.30.12)

भविता विश्रुतः पुत्रोऽनवमो ब्रह्मणो गुणैः । य एतामात्मवीर्येण त्रिलोकीं पूरयिष्यति ॥ 30.12 ॥

bhavitā viśrutaḥ putro ’navamo brahmaṇo guṇaiḥ ya etām ātma-vīryeṇa tri-lokīṁ pūrayiṣyati

A renowned son will be born to you, no less in his qualities than Brahma himself, who by his own power will fill these three worlds with descendants.

Verse 13 (bhagavata.4.30.13)

कण्डोः प्रम्लोचया लब्धा कन्या कमललोचना । तां चापविद्धां जगृहुर्भूरुहा नृपनन्दनाः ॥ 30.13 ॥

kaṇḍoḥ pramlocayā labdhā kanyā kamala-locanā tāṁ cāpaviddhāṁ jagṛhur bhūruhā nṛpa-nandanāḥ

From the sage Kandu, through Pramlocha, a lotus-eyed daughter was born; and when she was left abandoned, O sons of the King, the trees took her in.

Verse 14 (bhagavata.4.30.14)

क्षुत्क्षामाया मुखे राजा सोमः पीयूषवर्षिणीम् । देशिनीं रोदमानाया निदधे स दयान्वितः ॥ 30.14 ॥

kṣut-kṣāmāyā mukhe rājā somaḥ pīyūṣa-varṣiṇīm deśinīṁ rodamānāyā nidadhe sa dayānvitaḥ

As that hungry, wasted child wept, the moon-king, moved with compassion, placed his own nectar-streaming finger into her crying mouth.

Verse 15 (bhagavata.4.30.15)

प्रजाविसर्ग आदिष्टाः पित्रा मामनुवर्तता । तत्र कन्यां वरारोहां तामुद्वहत मा चिरम् ॥ 30.15 ॥

prajā-visarga ādiṣṭāḥ pitrā mām anuvartatā tatra kanyāṁ varārohāṁ tām udvahata mā ciram

Commanded by your father, who himself follows Me, to bring forth progeny, marry that lovely maiden without any delay.

Verse 16 (bhagavata.4.30.16)

अपृथग्धर्मशीलानां सर्वेषां वः सुमध्यमा । अपृथग्धर्मशीलेयं भूयात्पत्न्यर्पिताशया ॥ 30.16 ॥

apṛthag-dharma-śīlānāṁ sarveṣāṁ vaḥ sumadhyamā apṛthag-dharma-śīleyaṁ bhūyāt patny arpitāśayā

Since all of you share the same nature and dharma, let this slender maiden, of that same undivided nature, become your wife, her heart wholly given to you.

Verse 17 (bhagavata.4.30.17)

दिव्यवर्षसहस्राणां सहस्रमहतौजसः । भौमान् भोक्ष्यथ भोगान् वै दिव्यांश्चानुग्रहान्मम ॥ 30.17 ॥

divya-varṣa-sahasrāṇāṁ sahasram ahataujasaḥ bhaumān bhokṣyatha bhogān vai divyāṁś cānugrahān mama

For a thousand thousand celestial years, your vigor undiminished, you shall enjoy earthly pleasures as well as divine favors granted by My own grace.

Verse 18 (bhagavata.4.30.18)

अथ मय्यनपायिन्या भक्त्या पक्वगुणाशयाः । उपयास्यथ मद्धाम निर्विद्य निरयादतः ॥ 30.18 ॥

atha mayy anapāyinyā bhaktyā pakva-guṇāśayāḥ upayāsyatha mad-dhāma nirvidya nirayād ataḥ

Then, your hearts ripened by unwavering devotion to Me, growing detached from this world that is like a hell, you shall attain My own abode.

Verse 19 (bhagavata.4.30.19)

गृहेष्वाविशतां चापि पुंसां कुशलकर्मणाम् । मद्वार्तायातयामानां न बन्धाय गृहा मताः ॥ 30.19 ॥

gṛheṣv āviśatāṁ cāpi puṁsāṁ kuśala-karmaṇām mad-vārtā-yāta-yāmānāṁ na bandhāya gṛhā matāḥ

Even for men who take up household life, if their deeds are auspicious and their hours pass in discourse about Me, that household is not reckoned a bondage at all.

Verse 20 (bhagavata.4.30.20)

नव्यवद्धृदये यज्ज्ञो ब्रह्मैतद्ब्रह्मवादिभिः । न मुह्यन्ति न शोचन्ति न हृष्यन्ति यतो गताः ॥ 30.20 ॥

navyavad dhṛdaye yaj jño brahmaitad brahma-vādibhiḥ na muhyanti na śocanti na hṛṣyanti yato gatāḥ

That knower who abides ever fresh within the heart is called Brahman by the knowers of Brahman; having reached that state, one is neither deluded, nor grieves, nor becomes elated.

Verse 21 (bhagavata.4.30.21)

मैत्रेय उवाच एवं ब्रुवाणं पुरुषार्थभाजनं जनार्दनं प्राञ्जलयः प्रचेतसः । तद्दर्शनध्वस्ततमोरजोमला गिरागृणन् गद्गदया सुहृत्तमम् ॥ 30.21 ॥

maitreya uvāca evaṁ bruvāṇaṁ puruṣārtha-bhājanaṁ janārdanaṁ prāñjalayaḥ pracetasaḥ tad-darśana-dhvasta-tamo-rajo-malā girāgṛṇan gadgadayā suhṛttamam

Maitreya said: As Janardana, the very treasury of life's true goals, spoke thus, the Pracetas, hands folded, their impurities of darkness and passion swept away by that very vision, began to praise their dearest friend in a voice choked with emotion.

Verse 22 (bhagavata.4.30.22)

प्रचेतस ऊचुः नमो नमः क्लेशविनाशनाय निरूपितोदारगुणाह्वयाय । मनोवचोवेगपुरोजवाय सर्वाक्षमार्गैरगताध्वने नमः ॥ 30.22 ॥

pracetasa ūcuḥ namo namaḥ kleśa-vināśanāya nirūpitodāra-guṇāhvayāya mano-vaco-vega-puro-javāya sarvākṣa-mārgair agatādhvane namaḥ

The Pracetas said: Obeisances again and again to You, destroyer of all affliction, whose very name proclaims Your magnanimous qualities; who move swifter than mind or speech; obeisances to You, whose path no sense can ever reach.

Verse 23 (bhagavata.4.30.23)

शुद्धाय शान्ताय नमः स्वनिष्ठया मनस्यपार्थं विलसद्द्वयाय । नमो जगत्स्थानलयोदयेषु गृहीतमायागुणविग्रहाय ॥ 30.23 ॥

śuddhāya śāntāya namaḥ sva-niṣṭhayā manasy apārthaṁ vilasad-dvayāya namo jagat-sthāna-layodayeṣu gṛhīta-māyā-guṇa-vigrahāya

Obeisances to You, the pure, the tranquil, in whom duality, though it appears within the mind, is in truth without substance; obeisances to You who take up forms fashioned of Your own maya-gunas for the creation, maintenance and dissolution of the world.

Verse 24 (bhagavata.4.30.24)

नमो विशुद्धसत्त्वाय हरये हरिमेधसे । वासुदेवाय कृष्णाय प्रभवे सर्वसात्वताम् ॥ 30.24 ॥

namo viśuddha-sattvāya haraye hari-medhase vāsudevāya kṛṣṇāya prabhave sarva-sātvatām

Obeisances to You of purest being, to Hari, whose very intellect removes all distress; to Vasudeva, to Krishna, the source of all devotees.

Verse 25 (bhagavata.4.30.25)

नमः कमलनाभाय नमः कमलमालिने । नमः कमलपादाय नमस्ते कमलेक्षण ॥ 30.25 ॥

namaḥ kamala-nābhāya namaḥ kamala-māline namaḥ kamala-pādāya namas te kamalekṣaṇa

Obeisances to the lotus-naveled one, obeisances to the wearer of the lotus garland, obeisances to the lotus-footed one; obeisances to You, O lotus-eyed one.

Verse 26 (bhagavata.4.30.26)

नमः कमलकिञ्जल्कपिशङ्गामलवाससे । सर्वभूतनिवासाय नमोऽयुङ्क्ष्महि साक्षिणे ॥ 30.26 ॥

namaḥ kamala-kiñjalka- piśaṅgāmala-vāsase sarva-bhūta-nivāsāya namo ’yuṅkṣmahi sākṣiṇe

Obeisances to You, clad in stainless garments the color of the lotus filament, who dwell within all beings as their witness — to You we now offer ourselves.

Verse 27 (bhagavata.4.30.27)

रूपं भगवता त्वेतदशेषक्लेशसङ्क्षयम् । आविष्कृतं नः क्लिष्टानां किमन्यदनुकम्पितम् ॥ 30.27 ॥

rūpaṁ bhagavatā tv etad aśeṣa-kleśa-saṅkṣayam āviṣkṛtaṁ naḥ kliṣṭānāṁ kim anyad anukampitam

This form of Yours, O Bhagavan, which destroys every affliction, You have revealed to us in our distress; what greater compassion could there be than this?

Verse 28 (bhagavata.4.30.28)

एतावत्त्वं हि विभुभिर्भाव्यं दीनेषु वत्सलैः । यदनुस्मर्यते काले स्वबुद्ध्याभद्ररन्धन ॥ 30.28 ॥

etāvat tvaṁ hi vibhubhir bhāvyaṁ dīneṣu vatsalaiḥ yad anusmaryate kāle sva-buddhyābhadra-randhana

O destroyer of misfortune, this alone befits the mighty who are tender toward the lowly — that they be recalled, in their own time, by the very wisdom they grant.

Verse 29 (bhagavata.4.30.29)

येनोपशान्तिर्भूतानां क्षुल्लकानामपीहताम् । अन्तर्हितोऽन्तर्हृदये कस्मान्नो वेद नाशिषः ॥ 30.29 ॥

yenopaśāntir bhūtānāṁ kṣullakānām apīhatām antarhito ’ntar-hṛdaye kasmān no veda nāśiṣaḥ

By which even the smallest striving creatures find their peace — You, hidden within the heart, why should You not know our own desires as well?

Verse 30 (bhagavata.4.30.30)

असावेव वरोऽस्माकमीप्सितो जगतः पते । प्रसन्नो भगवान् येषामपवर्गगुरुर्गतिः ॥ 30.30 ॥

asāv eva varo ’smākam īpsito jagataḥ pate prasanno bhagavān yeṣām apavarga-gurur gatiḥ

O Lord of the universe, this alone is the one boon we desire — that Bhagavan, the very teacher of liberation, be pleased, and become our final refuge.

Verse 31 (bhagavata.4.30.31)

वरं वृणीमहेऽथापि नाथ त्वत्परतः परात् । न ह्यन्तस्त्वद्विभूतीनां सोऽनन्त इति गीयसे ॥ 30.31 ॥

varaṁ vṛṇīmahe ’thāpi nātha tvat parataḥ parāt na hy antas tvad-vibhūtīnāṁ so ’nanta iti gīyase

And yet, O Lord, we ask this boon of You, who are beyond even the highest; for Your glories have no end at all — and for this You are celebrated as Ananta, the Infinite One.

Verse 32 (bhagavata.4.30.32)

पारिजातेऽञ्जसा लब्धे सारङ्गोऽन्यन्न सेवते । त्वदङ्घ्रिमूलमासाद्य साक्षात्किं किं वृणीमहि ॥ 30.32 ॥

pārijāte ’ñjasā labdhe sāraṅgo ’nyan na sevate tvad-aṅghri-mūlam āsādya sākṣāt kiṁ kiṁ vṛṇīmahi

Once the bee has easily won the parijata tree, it seeks nothing else; having reached the very root of Your feet, what more could we possibly ask for?

Verse 33 (bhagavata.4.30.33)

यावत्ते मायया स्पृष्टा भ्रमाम इह कर्मभिः । तावद्भवत्प्रसङ्गानां सङ्गः स्यान्नो भवे भवे ॥ 30.33 ॥

yāvat te māyayā spṛṣṭā bhramāma iha karmabhiḥ tāvad bhavat-prasaṅgānāṁ saṅgaḥ syān no bhave bhave

Yet as long as, touched by Your maya, we must go on wandering here through our own deeds, may we, birth after birth, have the company of those absorbed in speaking of You.

Verse 34 (bhagavata.4.30.34)

तुलयाम लवेनापि न स्वर्गं नापुनर्भवम् । भगवत्सङ्गिसङ्गस्य मर्त्यानां किमुताशिषः ॥ 30.34 ॥

tulayāma lavenāpi na svargaṁ nāpunar-bhavam bhagavat-saṅgi-saṅgasya martyānāṁ kim utāśiṣaḥ

Not even heaven, nor even freedom from rebirth, can be weighed against a single moment's association with those who keep the company of Your devotees — how much less, then, any other blessing for mortal beings.

Verse 35 (bhagavata.4.30.35)

यत्रेड्यन्ते कथा मृष्टास्तृष्णायाः प्रशमो यतः । निर्वैरं यत्र भूतेषु नोद्वेगो यत्र कश्चन ॥ 30.35 ॥

yatreḍyante kathā mṛṣṭās tṛṣṇāyāḥ praśamo yataḥ nirvairaṁ yatra bhūteṣu nodvego yatra kaścana

That place where pure, cleansing stories are extolled, whence all craving is stilled, where there is no enmity among beings and no agitation whatsoever —

Verse 36 (bhagavata.4.30.36)

यत्र नारायणः साक्षाद्भगवान्न्यासिनां गतिः । संस्तूयते सत्कथासु मुक्तसङ्गैः पुनः पुनः ॥ 30.36 ॥

yatra nārāyaṇaḥ sākṣād bhagavān nyāsināṁ gatiḥ saṁstūyate sat-kathāsu mukta-saṅgaiḥ punaḥ punaḥ

that place where Bhagavan Narayana himself, the very goal of renunciants, is praised again and again in holy discourse by souls freed of all attachment —

Verse 37 (bhagavata.4.30.37)

तेषां विचरतां पद्भ्यां तीर्थानां पावनेच्छया । भीतस्य किं न रोचेत तावकानां समागमः ॥ 30.37 ॥

teṣāṁ vicaratāṁ padbhyāṁ tīrthānāṁ pāvanecchayā bhītasya kiṁ na roceta tāvakānāṁ samāgamaḥ

should such a meeting not be welcome to one who fears this worldly existence, when it is with devotees of Yours who wander on foot even to purify the holy places of pilgrimage?

Verse 38 (bhagavata.4.30.38)

वयं तु साक्षाद्भगवन् भवस्य प्रियस्य सख्युः क्षणसङ्गमेन । सुदुश्चिकित्स्यस्य भवस्य मृत्यो- र्भिषक्तमं त्वाद्य गतिं गताः स्म ॥ 30.38 ॥

vayaṁ tu sākṣād bhagavan bhavasya priyasya sakhyuḥ kṣaṇa-saṅgamena suduścikitsyasya bhavasya mṛtyor bhiṣaktamaṁ tvādya gatiṁ gatāḥ sma

O Bhagavan, through a mere moment's encounter with Bhava, Your own beloved friend, we have today come to You, the most expert physician for this hardly curable disease of birth and death.

Verse 39 (bhagavata.4.30.39)

यन्नः स्वधीतं गुरवः प्रसादिता विप्राश्च वृद्धाश्च सदानुवृत्त्या । आर्या नताः सुहृदो भ्रातरश्च सर्वाणि भूतान्यनसूययैव ॥ 30.39 ॥

yan naḥ svadhītaṁ guravaḥ prasāditā viprāś ca vṛddhāś ca sad-ānuvṛttyā āryā natāḥ suhṛdo bhrātaraś ca sarvāṇi bhūtāny anasūyayaiva

Whatever we have studied, whatever we have done to please our teachers, the brahmanas and our elders through steady devotion, whatever homage we have paid to noble ones, to friends, to brothers, and indeed to all beings, without any envy —

Verse 40 (bhagavata.4.30.40)

यन्नः सुतप्तं तप एतदीश निरन्धसां कालमदभ्रमप्सु । सर्वं तदेतत्पुरुषस्य भूम्नो वृणीमहे ते परितोषणाय ॥ 30.40 ॥

yan naḥ sutaptaṁ tapa etad īśa nirandhasāṁ kālam adabhram apsu sarvaṁ tad etat puruṣasya bhūmno vṛṇīmahe te paritoṣaṇāya

and, O Lord, whatever austerity we have endured, standing without food for so long a time in the waters — all of this we now offer, for the satisfaction of You, the all-pervading Supreme Person.

Verse 41 (bhagavata.4.30.41)

मनुः स्वयम्भूर्भगवान् भवश्च येऽन्ये तपोज्ञानविशुद्धसत्त्वाः । अदृष्टपारा अपि यन्महिम्नः स्तुवन्त्यथो त्वात्मसमं गृणीमः ॥ 30.41 ॥

manuḥ svayambhūr bhagavān bhavaś ca ye ’nye tapo-jñāna-viśuddha-sattvāḥ adṛṣṭa-pārā api yan-mahimnaḥ stuvanty atho tvātma-samaṁ gṛṇīmaḥ

Manu, Svayambhu, Bhagavan Bhava, and other great souls purified by austerity and knowledge, though unable to reach the far limit of Your glory, still offer You praise; in that same way, according to our own small capacity, we too now praise You.

Verse 42 (bhagavata.4.30.42)

नमः समाय शुद्धाय पुरुषाय पराय च । वासुदेवाय सत्त्वाय तुभ्यं भगवते नमः ॥ 30.42 ॥

namaḥ samāya śuddhāya puruṣāya parāya ca vāsudevāya sattvāya tubhyaṁ bhagavate namaḥ

Obeisances to You, equal toward all, pure, the Supreme Person; to Vasudeva, to pure being itself; obeisances to You, O Bhagavan.

Verse 43 (bhagavata.4.30.43)

मैत्रेय उवाच इति प्रचेतोभिरभिष्टुतो हरिः प्रीतस्तथेत्याह शरण्यवत्सलः । अनिच्छतां यानमतृप्तचक्षुषां ययौ स्वधामानपवर्गवीर्यः ॥ 30.43 ॥

maitreya uvāca iti pracetobhir abhiṣṭuto hariḥ prītas tathety āha śaraṇya-vatsalaḥ anicchatāṁ yānam atṛpta-cakṣuṣāṁ yayau sva-dhāmānapavarga-vīryaḥ

Maitreya said: Thus praised by the Pracetas, Hari, ever tender toward those who take refuge in Him, pleased, said "So be it" — and though they, their eyes still unsated, did not wish Him to go, He, of unfailing power, departed for His own abode.

Verse 44 (bhagavata.4.30.44)

अथ निर्याय सलिलात्प्रचेतस उदन्वतः । वीक्ष्याकुप्यन्द्रुमैश्छन्नां गां गां रोद्धुमिवोच्छ्रितैः ॥ 30.44 ॥

atha niryāya salilāt pracetasa udanvataḥ vīkṣyākupyan drumaiś channāṁ gāṁ gāṁ roddhum ivocchritaiḥ

Then the Pracetas emerged from the ocean's waters, and, seeing the earth covered over with towering trees, as if they blocked the way, grew angry.

Verse 45 (bhagavata.4.30.45)

ततोऽग्निमारुतौ राजन्नमुञ्चन्मुखतो रुषा । महीं निर्वीरुधं कर्तुं संवर्तक इवात्यये ॥ 30.45 ॥

tato ’gni-mārutau rājann amuñcan mukhato ruṣā mahīṁ nirvīrudhaṁ kartuṁ saṁvartaka ivātyaye

O King, in their fury they then released fire and wind from their mouths, to strip the earth bare of vegetation, like the fire of Samvartaka at the time of universal dissolution.

Verse 46 (bhagavata.4.30.46)

भस्मसात्क्रियमाणांस्तान् द्रुमान्वीक्ष्य पितामहः । आगतः शमयामास पुत्रान् बर्हिष्मतो नयैः ॥ 30.46 ॥

bhasmasāt kriyamāṇāṁs tān drumān vīkṣya pitāmahaḥ āgataḥ śamayām āsa putrān barhiṣmato nayaiḥ

Seeing those trees being reduced to ashes, grandfather Brahma came there and, with his wise counsel, pacified the sons of Barhishat.

Verse 47 (bhagavata.4.30.47)

तत्रावशिष्टा ये वृक्षा भीता दुहितरं तदा । उज्जह्रुस्ते प्रचेतोभ्य उपदिष्टाः स्वयम्भुवा ॥ 30.47 ॥

tatrāvaśiṣṭā ye vṛkṣā bhītā duhitaraṁ tadā ujjahrus te pracetobhya upadiṣṭāḥ svayambhuvā

The trees that remained, terrified, and instructed by Svayambhu, then brought forth their own daughter and offered her to the Pracetas.

Verse 48 (bhagavata.4.30.48)

ते च ब्रह्मण आदेशान्मारिषामुपयेमिरे । यस्यां महदवज्ञानादजन्यजनयोनिजः ॥ 30.48 ॥

te ca brahmaṇa ādeśān māriṣām upayemire yasyāṁ mahad-avajñānād ajany ajana-yonijaḥ

At Brahma's command, the Pracetas married that maiden named Marisha; from her, on account of a great earlier disrespect, that unborn one was born again through a womb.

Verse 49 (bhagavata.4.30.49)

चाक्षुषे त्वन्तरे प्राप्ते प्राक्सर्गे कालविद्रुते । यः ससर्ज प्रजा इष्टाः स दक्षो दैवचोदितः ॥ 30.49 ॥

cākṣuṣe tv antare prāpte prāk-sarge kāla-vidrute yaḥ sasarja prajā iṣṭāḥ sa dakṣo daiva-coditaḥ

When the Chakshusha manvantara came, his earlier creation having faded away with time, that same Daksha, impelled by providence, brought forth the desired progeny.

Verse 50 (bhagavata.4.30.50)

यो जायमानः सर्वेषां तेजस्तेजस्विनां रुचा । स्वयोपादत्त दाक्ष्याच्च कर्मणां दक्षमब्रुवन् ॥ 30.50 ॥

yo jāyamānaḥ sarveṣāṁ tejas tejasvināṁ rucā svayopādatta dākṣyāc ca karmaṇāṁ dakṣam abruvan

At the very moment of his birth, he drew to himself, by his own splendor, the brilliance of all other radiant beings; and because of his skill in action, he came to be called Daksha, the Able.

Verse 51 (bhagavata.4.30.51)

तं प्रजासर्गरक्षायामनादिरभिषिच्य च । युयोज युयुजेऽन्यांश्च स वै सर्वप्रजापतीन् ॥ 30.51 ॥

taṁ prajā-sarga-rakṣāyām anādir abhiṣicya ca yuyoja yuyuje ’nyāṁś ca sa vai sarva-prajāpatīn

The beginningless Brahma installed him in the work of generating and protecting living beings, and he in turn set all the other Prajapatis to that same task.