The Geography of Jambudvipa

Verse 1 (bhagavata.5.19.1)

श्रीशुक उवाच किम्पुरुषे वर्षे भगवन्तमादिपुरुषं लक्ष्मणाग्रजं सीताभिरामं रामं तच्चरणसन्निकर्षाभिरतः परमभागवतो हनुमान् सह किम्पुरुषैरविरतभक्तिरुपास्ते ॥ १ ॥

śrī-śuka uvāca kimpuruṣe varṣe bhagavantam ādi-puruṣaṁ lakṣmaṇāgrajaṁ sītābhirāmaṁ rāmaṁ tac-caraṇa-sannikarṣābhirataḥ parama-bhāgavato hanumān saha kimpuruṣair avirata-bhaktir upāste.

In Kimpurusha-varsha, the supreme devotee Hanuman, given over entirely to nearness to the feet of the primeval Lord Rama, elder brother of Lakshmana and beloved of Sita, worships Him together with the Kimpurushas, his devotion never ceasing.

Verse 2 (bhagavata.5.19.2)

आर्ष्टिषेणेन सह गन्धर्वैरनुगीयमानां परमकल्याणीं भर्तृभगवत्कथां समुपशृणोति स्वयं चेदं गायति ॥ २ ॥

ārṣṭiṣeṇena saha gandharvair anugīyamānāṁ parama-kalyāṇīṁ bhartṛ-bhagavat-kathāṁ samupaśṛṇoti svayaṁ cedaṁ gāyati.

Together with Arshtishena, he continually listens to the supremely auspicious narrative of his Lord, sung by the Gandharvas, and himself sings this hymn.

Verse 3 (bhagavata.5.19.3)

ॐ नमो भगवते उत्तमश्लोकाय नम आर्यलक्षणशीलव्रताय नम उपशिक्षितात्मन उपासितलोकाय नमः साधुवादनिकषणाय नमो ब्रह्मण्यदेवाय महापुरुषाय महाराजाय नम इति ॥ ३ ॥

oṁ namo bhagavate uttamaślokāya nama ārya-lakṣaṇa-śīla-vratāya nama upaśikṣitātmana upāsita-lokāya namaḥ sādhu-vāda-nikaṣaṇāya namo brahmaṇya-devāya mahā-puruṣāya mahā-rājāya nama iti.

Om, obeisance to Bhagavan, of excellent renown; obeisance to Him whose character, conduct and vow are noble, whose self is perfectly disciplined, and who is worshiped by the whole world; obeisance to Him who is the touchstone by which true praise is tested; obeisance to the God of the brahmanas, the Supreme Person, the Great King. Obeisance to Him.

Verse 4 (bhagavata.5.19.4)

यत्तद्विशुद्धानुभवमात्रमेकं स्वतेजसा ध्वस्तगुणव्यवस्थम् । प्रत्यक्प्रशान्तं सुधियोपलम्भनं ह्यनामरूपं निरहं प्रपद्ये ॥ ४ ॥

yat tad viśuddhānubhava-mātram ekaṁ sva-tejasā dhvasta-guṇa-vyavastham pratyak praśāntaṁ sudhiyopalambhanaṁ hy anāma-rūpaṁ nirahaṁ prapadye

That which is pure experience alone, one without a second, which by its own radiance has dissolved every arrangement of the material qualities, inwardly at peace, perceivable only by the pure of mind, without name or form, without ego, in that Reality I take refuge.

Verse 5 (bhagavata.5.19.5)

मर्त्यावतारस्त्विह मर्त्यशिक्षणं रक्षोवधायैव न केवलं विभोः । कुतोऽन्यथा स्याद्रमतः स्व आत्मनः सीताकृतानि व्यसनानीश्वरस्य ॥ ५ ॥

martyāvatāras tv iha martya-śikṣaṇaṁ rakṣo-vadhāyaiva na kevalaṁ vibhoḥ kuto ’nyathā syād ramataḥ sva ātmanaḥ sītā-kṛtāni vyasanānīśvarasya

The Lord's mortal incarnation here was meant for the instruction of mortal beings, and not for the killing of the Rakshasa alone; for how else could the self-sufficient Ishvara, who delights within His own Self, have been touched by the tribulations that came to Him through Sita?

Verse 6 (bhagavata.5.19.6)

न वै स आत्मात्मवतां सुहृत्तमः सक्तस्त्रिलोक्यां भगवान् वासुदेवः । न स्त्रीकृतं कश्मलमश्नुवीत न लक्ष्मणं चापि विहातुमर्हति ॥ ६ ॥

na vai sa ātmātmavatāṁ suhṛttamaḥ saktas tri-lokyāṁ bhagavān vāsudevaḥ na strī-kṛtaṁ kaśmalam aśnuvīta na lakṣmaṇaṁ cāpi vihātum arhati

He, Bhagavan Vasudeva, the very Self and dearest friend of the self-realized, is never truly attached within the three worlds; He could not truly suffer the anguish caused by attachment to a woman, nor could He ever bring Himself to forsake Lakshmana.

Verse 7 (bhagavata.5.19.7)

न जन्म नूनं महतो न सौभगं न वाङ्न बुद्धिर्नाकृतिस्तोषहेतुः । तैर्यद्विसृष्टानपि नो वनौकस- श्चकार सख्ये बत लक्ष्मणाग्रजः ॥ ७ ॥

na janma nūnaṁ mahato na saubhagaṁ na vāṅ na buddhir nākṛtis toṣa-hetuḥ tair yad visṛṣṭān api no vanaukasaś cakāra sakhye bata lakṣmaṇāgrajaḥ

Surely it is not noble birth, nor good fortune, nor eloquence, nor intelligence, nor bodily beauty that wins His favor, for even though we forest-dwellers possess none of these, the elder brother of Lakshmana accepted us, marvelously, in friendship.

Verse 8 (bhagavata.5.19.8)

सुरोऽसुरो वाप्यथ वानरो नरः सर्वात्मना यः सुकृतज्ञमुत्तमम् । भजेत रामं मनुजाकृतिं हरिं य उत्तराननयत्कोसलान्दिवमिति ॥ ८ ॥

suro ’suro vāpy atha vānaro naraḥ sarvātmanā yaḥ sukṛtajñam uttamam bhajeta rāmaṁ manujākṛtiṁ hariṁ ya uttarān anayat kosalān divam iti

Whether god or demon, monkey or man, whoever worships, with his whole being, Rama, who knows and rewards even the smallest good deed, the most excellent one, Hari in human form, who led the people of Kosala up to the highest heaven, attains Him.

Verse 9 (bhagavata.5.19.9)

भारतेऽपि वर्षे भगवान्नरनारायणाख्य आकल्पान्तमुपचितधर्मज्ञानवैराग्यैश्वर्योपशमोपरमात्मोपलम्भनमनुग्रहायात्मवतामनुकम्पया तपोऽव्यक्तगतिश्चरति ॥ ९ ॥

bhārate ’pi varṣe bhagavān nara-nārāyaṇākhya ākalpāntam upacita-dharma-jñāna-vairāgyaiśvaryopaśamoparamātmopalambhanam anugrahāyātmavatām anukampayā tapo ’vyakta-gatiś carati.

In Bharata-varsha too, Bhagavan, known as Nara-Narayana, having gathered to perfection dharma, knowledge, renunciation and spiritual opulence, practices austerity in an unmanifest way until the end of the kalpa, out of compassion, so as to bestow upon self-controlled devotees the attainment of peace and true self-realization.

Verse 10 (bhagavata.5.19.10)

तं भगवान्नारदो वर्णाश्रमवतीभिर्भारतीभिः प्रजाभिर्भगवत्प्रोक्ताभ्यां साङ्ख्ययोगाभ्यां भगवदनुभावोपवर्णनं सावर्णेरुपदेक्ष्यमाणः परमभक्तिभावेनोपसरति इदं चाभिगृणाति ॥ १० ॥

taṁ bhagavān nārado varṇāśramavatībhir bhāratībhiḥ prajābhir bhagavat-proktābhyāṁ sāṅkhya-yogābhyāṁ bhagavad-anubhāvopavarṇanaṁ sāvarṇer upadekṣyamāṇaḥ parama-bhakti-bhāvenopasarati idaṁ cābhigṛṇāti.

To him, Bhagavan Narada, wishing to teach Savarni Manu, for the sake of Bharata-varsha's people who follow the divisions of varna and ashrama, how to glorify the Lord through the Sankhya and Yoga that the Lord Himself has taught, draws near with the deepest devotion, and recites this hymn.

Verse 11 (bhagavata.5.19.11)

ॐ नमो भगवते उपशमशीलायोपरतानात्म्याय नमोऽकिञ्चनवित्ताय ऋषिऋषभाय नरनारायणाय परमहंसपरमगुरवे आत्मारामाधिपतये नमो नम इति ॥ ११ ॥

oṁ namo bhagavate upaśama-śīlāyoparatānātmyāya namo ’kiñcana-vittāya ṛṣi-ṛṣabhāya nara-nārāyaṇāya paramahaṁsa-parama-gurave ātmārāmādhipataye namo nama iti.

Om, obeisance to Bhagavan, whose very nature is peace, free of any sense of a separate self; obeisance to Him who is the wealth of those who possess nothing; obeisance to Nara-Narayana, foremost among sages, supreme teacher of the paramahamsas, Lord of those who delight in the Self. Obeisance, obeisance to Him.

Verse 12 (bhagavata.5.19.12)

गायति चेदम्— कर्तास्य सर्गादिषु यो न बध्यते न हन्यते देहगतोऽपि दैहिकैः । द्रष्टुर्न दृग्यस्य गुणैर्विदूष्यते तस्मै नमोऽसक्तविविक्तसाक्षिणे ॥ १२ ॥

gāyati cedam — kartāsya sargādiṣu yo na badhyate na hanyate deha-gato ’pi daihikaiḥ draṣṭur na dṛg yasya guṇair vidūṣyate tasmai namo ’sakta-vivikta-sākṣiṇe

And he sings this: To Him who, though the doer of creation and all the rest, is never bound by it; who, though embodied, is never slain by the body's afflictions; whose seeing is never stained by the qualities of what He sees, obeisance to Him, the unattached, pure witness.

Verse 13 (bhagavata.5.19.13)

इदं हि योगेश्वर योगनैपुणं हिरण्यगर्भो भगवाञ्जगाद यत् । यदन्तकाले त्वयि निर्गुणे मनो भक्त्या दधीतोज्झितदुष्कलेवरः ॥ १३ ॥

idaṁ hi yogeśvara yoga-naipuṇaṁ hiraṇyagarbho bhagavāñ jagāda yat yad anta-kāle tvayi nirguṇe mano bhaktyā dadhītojjhita-duṣkalevaraḥ

O Lord of yoga, this indeed is the very skill in yoga that Lord Brahma himself declared: that at the time of death, having cast off this wretched body, one should fix the mind upon You, the unqualified Absolute, through devotion.

Verse 14 (bhagavata.5.19.14)

यथैहिकामुष्मिककामलम्पटः सुतेषु दारेषु धनेषु चिन्तयन् । शङ्केत विद्वान् कुकलेवरात्ययाद् यस्तस्य यत्नः श्रम एव केवलम् ॥ १४ ॥

yathaihikāmuṣmika-kāma-lampaṭaḥ suteṣu dāreṣu dhaneṣu cintayan śaṅketa vidvān kukalevarātyayād yas tasya yatnaḥ śrama eva kevalam

Just as one greedy for pleasure both here and hereafter, forever anxious over children, wife and wealth, dreads the loss of this wretched body, so too, if a learned man remains just as attached, all his effort in spiritual study amounts to nothing but fruitless labor.

Verse 15 (bhagavata.5.19.15)

तन्नः प्रभो त्वं कुकलेवरार्पितां त्वन्माययाहंममतामधोक्षज । भिन्द्याम येनाशु वयं सुदुर्भिदां विधेहि योगं त्वयि नः स्वभावमिति ॥ १५ ॥

tan naḥ prabho tvaṁ kukalevarārpitāṁ tvan-māyayāhaṁ-mamatām adhokṣaja bhindyāma yenāśu vayaṁ sudurbhidāṁ vidhehi yogaṁ tvayi naḥ svabhāvam iti

Therefore, O Lord beyond the senses, grant that through You alone we may swiftly break this most stubborn knot of 'I' and 'mine,' imposed by Your maya upon this wretched body; and grant us union with You, which alone is our true nature.

Verse 16 (bhagavata.5.19.16)

भारतेऽप्यस्मिन्वर्षे सरिच्छैलाः सन्ति बहवो मलयो मङ्गलप्रस्थो मैनाकस्त्रिकूट ऋषभः कूटकः कोल्लकः सह्यो देवगिरिऋर्ष्यमूकः श्रीशैलो वेङ्कटो महेन्द्रो वारिधारो विन्ध्यः शुक्तिमानृक्षगिरिः पारियात्रो द्रोणश्चित्रकूटो गोवर्धनो रैवतकः ककुभो नीलो गोकामुख इन्द्रकीलः कामगिरिरिति चान्ये च शतसहस्रशः शैलास्तेषां नितम्बप्रभवा नदा नद्यश्च सन्त्यसङ्ख्याताः ॥ १६ ॥

bhārate ’py asmin varṣe saric-chailāḥ santi bahavo malayo maṅgala-prastho mainākas trikūṭa ṛṣabhaḥ kūṭakaḥ kollakaḥ sahyo devagirir ṛṣyamūkaḥ śrī-śailo veṅkaṭo mahendro vāridhāro vindhyaḥ śuktimān ṛkṣagiriḥ pāriyātro droṇaś citrakūṭo govardhano raivatakaḥ kakubho nīlo gokāmukha indrakīlaḥ kāmagirir iti cānye ca śata-sahasraśaḥ śailās teṣāṁ nitamba-prabhavā nadā nadyaś ca santy asaṅkhyātāḥ.

In this Bharata-varsha too there are many mountains and rivers, mountains such as Malaya, Mangala-prastha, Mainaka, Trikuta, Rishabha, Kutaka, Kollaka, Sahya, Devagiri, Rishyamuka, Shri-shaila, Venkata, Mahendra, Varidhara, Vindhya, Shuktiman, Rikshagiri, Pariyatra, Drona, Chitrakuta, Govardhana, Raivataka, Kakubha, Nila, Gokamukha, Indrakila, Kamagiri, and hundreds of thousands of others besides, from whose slopes rise countless rivers, both great and small.

Verse 17 (bhagavata.5.19.17)

एतासामपो भारत्यः प्रजा नामभिरेव पुनन्तीनामात्मना चोपस्पृशन्ति ॥ १७ ॥

etāsām apo bhāratyaḥ prajā nāmabhir eva punantīnām ātmanā copaspṛśanti;

The people of Bharata purify themselves by touching, in person, the waters of these rivers, which purify by their very names alone.

Verse 18 (bhagavata.5.19.18)

चन्द्रवसा ताम्रपर्णी अवटोदा कृतमाला वैहायसी कावेरी वेणी पयस्विनी शर्करावर्ता तुङ्गभद्रा कृष्णा वेण्या भीमरथी गोदावरी निर्विन्ध्या पयोष्णी तापी रेवा सुरसा नर्मदा चर्मण्वती सिन्धुरन्धः शोणश्च नदौ महानदी वेदस्मृतिऋर्षिकुल्या त्रिसामा कौशिकी मन्दाकिनी यमुना सरस्वती दृषद्वती गोमती सरयू रोधस्वती सप्तवती सुषोमा शतद्रूश्चन्द्रभागा मरुद्वृधा वितस्ता असिक्नी विश्वेति महानद्यः ॥ १८ ॥

candravasā tāmraparṇī avaṭodā kṛtamālā vaihāyasī kāverī veṇī payasvinī śarkarāvartā tuṅgabhadrā kṛṣṇāveṇyā bhīmarathī godāvarī nirvindhyā payoṣṇī tāpī revā surasā narmadā carmaṇvatī sindhur andhaḥ śoṇaś ca nadau mahānadī vedasmṛtir ṛṣikulyā trisāmā kauśikī mandākinī yamunā sarasvatī dṛṣadvatī gomatī sarayū rodhasvatī saptavatī suṣomā śatadrūś candrabhāgā marudvṛdhā vitastā asiknī viśveti mahā-nadyaḥ.

Their names are these great rivers: Chandravasa, Tamraparni, Avatoda, Kritamala, Vaihayasi, Kaveri, Veni, Payasvini, Sharkaravarta, Tungabhadra, Krishnavenya, Bhimarathi, Godavari, Nirvindhya, Payoshni, Tapi, Reva, Surasa, Narmada, Charmanvati, the two great streams Sindhu and Shona, Mahanadi, Vedasmriti, Rishikulya, Trisama, Kaushiki, Mandakini, Yamuna, Sarasvati, Drishadvati, Gomati, Sarayu, Rodhasvati, Saptavati, Sushoma, Shatadru, Chandrabhaga, Marudvridha, Vitasta, Asikni, and Vishva.

Verse 19 (bhagavata.5.19.19)

अस्मिन्नेव वर्षे पुरुषैर्लब्धजन्मभिः शुक्ललोहितकृष्णवर्णेन स्वारब्धेन कर्मणा दिव्यमानुषनारकगतयो बह्व्यः आत्मन आनुपूर्व्येण सर्वा ह्येव सर्वेषां विधीयन्ते यथावर्णविधानमपवर्गश्चापि भवति ॥ १९ ॥

asminn eva varṣe puruṣair labdha-janmabhiḥ śukla-lohita-kṛṣṇa-varṇena svārabdhena karmaṇā divya-mānuṣa-nāraka-gatayo bahvya ātmana ānupūrvyeṇa sarvā hy eva sarveṣāṁ vidhīyante yathā-varṇa-vidhānam apavargaś cāpi bhavati.

In this very land, people who take birth here, through the actions of their own undertaking, marked by the white, red or black of the material modes, have divine, human or hellish destinies of the self ordained for them in due order, each according to the proper arrangement of his varna; and here, too, liberation becomes possible.

Verse 20 (bhagavata.5.19.20)

योऽसौ भगवति सर्वभूतात्मन्यनात्म्येऽनिरुक्तेऽनिलयने परमात्मनि वासुदेवेऽनन्यनिमित्तभक्तियोगलक्षणो नानागतिनिमित्ताविद्याग्रन्थिरन्धनद्वारेण यदा हि महापुरुषपुरुषप्रसङ्गः ॥ २० ॥

yo ’sau bhagavati sarva-bhūtātmany anātmye ’nirukte ’nilayane paramātmani vāsudeve ’nanya-nimitta-bhakti-yoga-lakṣaṇo nānā-gati-nimittāvidyā-granthi-randhana-dvāreṇa yadā hi mahā-puruṣa-puruṣa-prasaṅgaḥ.

That form of devotion which has no cause beyond itself, directed toward the Supreme Person, Vasudeva, the Self of all beings, free of any material self, beyond description, without material abode, becomes attainable when, by an opening that breaks apart the knot of ignorance responsible for one's varied destinies, one comes into contact with the devotees of the Great Person.

Verse 21 (bhagavata.5.19.21)

एतदेव हि देवा गायन्ति— अहो अमीषां किमकारि शोभनं प्रसन्न एषां स्विदुत स्वयं हरिः । यैर्जन्म लब्धं नृषु भारताजिरे मुकुन्दसेवौपयिकं स्पृहा हि नः ॥ २१ ॥

etad eva hi devā gāyanti — aho amīṣāṁ kim akāri śobhanaṁ prasanna eṣāṁ svid uta svayaṁ hariḥ yair janma labdhaṁ nṛṣu bhāratājire mukunda-sevaupayikaṁ spṛhā hi naḥ

This very truth the gods themselves sing: Ah, what auspicious deed indeed have these people done, or has Hari Himself simply grown pleased with them, that they have obtained birth among men in the very arena of Bharata, a birth fit for the service of Mukunda, a thing for which we ourselves still long?

Verse 22 (bhagavata.5.19.22)

किं दुष्करैर्नः क्रतुभिस्तपोव्रतै- र्दानादिभिर्वा द्युजयेन फल्गुना । न यत्र नारायणपादपङ्कज- स्मृतिः प्रमुष्टातिशयेन्द्रियोत्सवात् ॥ २२ ॥

kiṁ duṣkarair naḥ kratubhis tapo-vratair dānādibhir vā dyujayena phalgunā na yatra nārāyaṇa-pāda-paṅkaja- smṛtiḥ pramuṣṭātiśayendriyotsavāt

What use to us are difficult sacrifices, austerities, vows, acts of charity, or our conquest, however slight, of heaven itself, if in that state remembrance of Narayana's lotus feet is entirely swept away by the excess of sensory delight?

Verse 23 (bhagavata.5.19.23)

कल्पायुषां स्थानजयात्पुनर्भवात् क्षणायुषां भारतभूजयो वरम् । क्षणेन मर्त्येन कृतं मनस्विनः सन्न्यस्य संयान्त्यभयं पदं हरेः ॥ २३ ॥

kalpāyuṣāṁ sthānajayāt punar-bhavāt kṣaṇāyuṣāṁ bhārata-bhūjayo varam kṣaṇena martyena kṛtaṁ manasvinaḥ sannyasya saṁyānty abhayaṁ padaṁ hareḥ

Better a brief life spent conquering one's attachment to one's place in the land of Bharata than a life lasting an entire kalpa that only ends in rebirth. The wise, having in but a single moment renounced whatever mortal deeds they have done, pass on to Hari's fearless abode.

Verse 24 (bhagavata.5.19.24)

न यत्र वैकुण्ठकथासुधापगा न साधवो भागवतास्तदाश्रयाः । न यत्र यज्ञेशमखा महोत्सवाः सुरेशलोकोऽपि न वै स सेव्यताम् ॥ २४ ॥

na yatra vaikuṇṭha-kathā-sudhāpagā na sādhavo bhāgavatās tadāśrayāḥ na yatra yajñeśa-makhā mahotsavāḥ sureśa-loko ’pi na vai sa sevyatām

Where the nectar-river of Vaikuntha's tales does not flow, where saintly devotees do not take shelter beside it, where there are no great festivals of sacrifice to the Lord of sacrifice, that place, even if it be the abode of Indra himself, should not be sought after.

Verse 25 (bhagavata.5.19.25)

प्राप्ता नृजातिं त्विह ये च जन्तवो ज्ञानक्रियाद्रव्यकलापसम्भृताम् । न वै यतेरन्नपुनर्भवाय ते भूयो वनौका इव यान्ति बन्धनम् ॥ २५ ॥

prāptā nṛ-jātiṁ tv iha ye ca jantavo jñāna-kriyā-dravya-kalāpa-sambhṛtām na vai yaterann apunar-bhavāya te bhūyo vanaukā iva yānti bandhanam

Those beings who attain, here in Bharata-varsha, the human birth, endowed with the full assembly of knowledge, right action and the means to use them, if they fail to strive for freedom from rebirth, fall back again into bondage, like forest creatures that wander carelessly back into the snare.

Verse 26 (bhagavata.5.19.26)

यैः श्रद्धया बर्हिषि भागशो हवि- र्निरुप्तमिष्टं विधिमन्त्रवस्तुतः । एकः पृथङ्नामभिराहुतो मुदा गृह्णाति पूर्णः स्वयमाशिषां प्रभुः ॥ २६ ॥

yaiḥ śraddhayā barhiṣi bhāgaśo havir niruptam iṣṭaṁ vidhi-mantra-vastutaḥ ekaḥ pṛthaṅ-nāmabhir āhuto mudā gṛhṇāti pūrṇaḥ svayam āśiṣāṁ prabhuḥ

Those who, with faith, lay their oblation upon the sacred grass, portion by portion, duly offered according to rite, mantra and substance, though they invoke it under separate and different names, it is the one, complete Lord Himself who gladly accepts each offering, He who is the sole master granting every blessing.

Verse 27 (bhagavata.5.19.27)

सत्यं दिशत्यर्थितमर्थितो नृणां नैवार्थदो यत्पुनरर्थिता यतः । स्वयं विधत्ते भजतामनिच्छता- मिच्छापिधानं निजपादपल्लवम् ॥ २७ ॥

satyaṁ diśaty arthitam arthito nṛṇāṁ naivārthado yat punar arthitā yataḥ svayaṁ vidhatte bhajatām anicchatām icchāpidhānaṁ nija-pāda-pallavam

To men who ask, He truly grants what they ask for, yet He is not, in truth, a giver of mere wealth, since such giving only leads to asking again. But to those who worship without desiring anything at all, He bestows, of His own accord, His own tender lotus feet, which cover over every further desire.

Verse 28 (bhagavata.5.19.28)

यद्यत्र नः स्वर्गसुखावशेषितं स्विष्टस्य सूक्तस्य कृतस्य शोभनम् । तेनाजनाभे स्मृतिमज्जन्म नः स्याद् वर्षे हरिर्यद्भजतां शं तनोति ॥ २८ ॥

yady atra naḥ svarga-sukhāvaśeṣitaṁ sviṣṭasya sūktasya kṛtasya śobhanam tenājanābhe smṛtimaj janma naḥ syād varṣe harir yad-bhajatāṁ śaṁ tanoti

If any good remnant of merit still remains to us here from a sacrifice well performed, a hymn well recited, or other good deeds done, then by that merit may we be born, endowed with memory of the Lord, in Ajanabha-varsha, where Hari extends well-being upon all who worship Him.

Verse 29 (bhagavata.5.19.29)

श्रीशुक उवाच जम्बूद्वीपस्य च राजन्नुपद्वीपानष्टौ हैक उपदिशन्ति सगरात्मजैरश्वान्वेषण इमां महीं परितो निखनद्भिरुपकल्पितान् ॥ २९ ॥

śrī-śuka uvāca jambūdvīpasya ca rājann upadvīpān aṣṭau haika upadiśanti sagarātmajair aśvānveṣaṇa imāṁ mahīṁ parito nikhanadbhir upakalpitān;

Shukadeva said: And of Jambudvipa, O King, some learned teachers describe eight smaller islands, formed when the sons of Sagara, searching for the sacrificial horse, dug up the whole of this earth all around.

Verse 30 (bhagavata.5.19.30)

तद्यथा स्वर्णप्रस्थश्चन्द्रशुक्ल आवर्तनो रमणको मन्दरहरिणः पाञ्चजन्यः सिंहलो लङ्केति ॥ ३० ॥

tad yathā svarṇaprasthaś candraśukla āvartano ramaṇako mandarahariṇaḥ pāñcajanyaḥ siṁhalo laṅketi.

Their names are these: Svarnaprastha, Chandrashukla, Avartana, Ramanaka, Mandara-harina, Panchajanya, Simhala and Lanka.

Verse 31 (bhagavata.5.19.31)

एवं तव भारतोत्तम जम्बूद्वीपवर्षविभागो यथोपदेशमुपवर्णित इति ॥ ३१ ॥

evaṁ tava bhāratottama jambūdvīpa-varṣa-vibhāgo yathopadeśam upavarṇita iti.

Thus, O best of the Bharatas, the division of Jambudvipa's lands has been described to you, just as it was taught to me.