The Hamsa-guhya Prayers of Prajapati Daksha

Verse 1 (bhagavata.6.4.1)

श्रीराजोवाच देवासुरनृणां सर्गो नागानां मृगपक्षिणाम् । सामासिकस्त्वया प्रोक्तो यस्तु स्वायम्भुवेऽन्तरे ॥ १ ॥

śrī-rājovāca devāsura-nṛṇāṁ sargo nāgānāṁ mṛga-pakṣiṇām sāmāsikas tvayā prokto yas tu svāyambhuve ’ntare

The king said: My lord, you have briefly described to me the creation of the demigods, demons, human beings, serpents, beasts and birds that took place during the reign of Svayambhuva Manu.

Verse 2 (bhagavata.6.4.2)

तस्यैव व्यासमिच्छामि ज्ञातुं ते भगवन् यथा । अनुसर्गं यया शक्त्या ससर्ज भगवान् परः ॥ २ ॥

tasyaiva vyāsam icchāmi jñātuṁ te bhagavan yathā anusargaṁ yayā śaktyā sasarja bhagavān paraḥ

My lord, I wish now to know that same creation in full detail, and also to learn by what potency the Supreme Personality of Godhead brought about this subsequent creation.

Verse 3 (bhagavata.6.4.3)

श्रीसूत उवाच इति सम्प्रश्नमाकर्ण्य राजर्षेर्बादरायणिः । प्रतिनन्द्य महायोगी जगाद मुनिसत्तमाः ॥ ३ ॥

śrī-sūta uvāca iti sampraśnam ākarṇya rājarṣer bādarāyaṇiḥ pratinandya mahā-yogī jagāda muni-sattamāḥ

Shri Suta said: O best of sages, having heard this question from the royal sage Parikshit, the great yogi Badarayani praised it and then spoke as follows.

Verse 4 (bhagavata.6.4.4)

श्रीशुक उवाच यदा प्रचेतसः पुत्रा दश प्राचीनबर्हिषः । अन्तःसमुद्रादुन्मग्ना ददृशुर्गां द्रुमैर्वृताम् ॥ ४ ॥

śrī-śuka uvāca yadā pracetasaḥ putrā daśa prācīnabarhiṣaḥ antaḥ-samudrād unmagnā dadṛśur gāṁ drumair vṛtām

Shri Shuka said: When the ten sons of Prachinabarhi, the Pracheta brothers, emerged from within the ocean, they saw the earth entirely covered with trees.

Verse 5 (bhagavata.6.4.5)

द्रुमेभ्यः क्रुध्यमानास्ते तपोदीपितमन्यवः । मुखतो वायुमग्निं च ससृजुस्तद्दिधक्षया ॥ ५ ॥

drumebhyaḥ krudhyamānās te tapo-dīpita-manyavaḥ mukhato vāyum agniṁ ca sasṛjus tad-didhakṣayā

Enraged at the trees, their fury inflamed by long austerity, they produced wind and fire from their very mouths, intent on burning them all to ashes.

Verse 6 (bhagavata.6.4.6)

ताभ्यां निर्दह्यमानांस्तानुपलभ्य कुरूद्वह । राजोवाच महान् सोमो मन्युं प्रशमयन्निव ॥ ६ ॥

tābhyāṁ nirdahyamānāṁs tān upalabhya kurūdvaha rājovāca mahān somo manyuṁ praśamayann iva

O best of the Kurus, seeing the trees being consumed by that wind and fire, the great Soma, king of the trees, spoke as follows, as though to calm their anger.

Verse 7 (bhagavata.6.4.7)

न द्रुमेभ्यो महाभागा दीनेभ्यो द्रोग्धुमर्हथ । विवर्धयिषवो यूयं प्रजानां पतयः स्मृताः ॥ ७ ॥

na drumebhyo mahā-bhāgā dīnebhyo drogdhum arhatha vivardhayiṣavo yūyaṁ prajānāṁ patayaḥ smṛtāḥ

O most fortunate ones, you should not harm these helpless trees, for you are known as the protectors meant to foster and increase your subjects.

Verse 8 (bhagavata.6.4.8)

अहो प्रजापतिपतिर्भगवान् हरिरव्ययः । वनस्पतीनोषधीश्च ससर्जोर्जमिषं विभुः ॥ ८ ॥

aho prajāpati-patir bhagavān harir avyayaḥ vanaspatīn oṣadhīś ca sasarjorjam iṣaṁ vibhuḥ

Ah, the imperishable Lord Hari, master of all the prajapatis, the all-powerful one, created these trees and herbs as nourishing, strength-giving food.

Verse 9 (bhagavata.6.4.9)

अन्नं चराणामचरा ह्यपदः पादचारिणाम् । अहस्ता हस्तयुक्तानां द्विपदां च चतुष्पदः ॥ ९ ॥

annaṁ carāṇām acarā hy apadaḥ pāda-cāriṇām ahastā hasta-yuktānāṁ dvi-padāṁ ca catuṣ-padaḥ

The unmoving are food for the moving; those without legs are food for those with legs; those without hands are food for those with hands; and the four-legged are food for the two-legged.

Verse 10 (bhagavata.6.4.10)

यूयं च पित्रान्वादिष्टा देवदेवेन चानघाः । प्रजासर्गाय हि कथं वृक्षान्निर्दग्धुमर्हथ ॥ १० ॥

yūyaṁ ca pitrānvādiṣṭā deva-devena cānaghāḥ prajā-sargāya hi kathaṁ vṛkṣān nirdagdhum arhatha

O sinless ones, both your father and the Lord of lords have instructed you to bring forth and increase progeny — how, then, can you rightly go on burning these trees?

Verse 11 (bhagavata.6.4.11)

आतिष्ठत सतां मार्गं कोपं यच्छत दीपितम् । पित्रा पितामहेनापि जुष्टं वः प्रपितामहैः ॥ ११ ॥

ātiṣṭhata satāṁ mārgaṁ kopaṁ yacchata dīpitam pitrā pitāmahenāpi juṣṭaṁ vaḥ prapitāmahaiḥ

Follow the path walked by the virtuous, and hold back this inflamed anger of yours — the very path followed by your father, your grandfather, and your great-grandfathers before them.

Verse 12 (bhagavata.6.4.12)

तोकानां पितरौ बन्धू दृशः पक्ष्म स्त्रियाः पतिः । पतिः प्रजानां भिक्षूणां गृह्यज्ञानां बुधः सुहृत् ॥ १२ ॥

tokānāṁ pitarau bandhū dṛśaḥ pakṣma striyāḥ patiḥ patiḥ prajānāṁ bhikṣūṇāṁ gṛhy ajñānāṁ budhaḥ suhṛt

As parents are friends to their children, as the eyelid guards the eye, as the husband protects his wife, as the householder shelters beggars, and as the wise befriend the ignorant — so should a protector act toward those under his care.

Verse 13 (bhagavata.6.4.13)

अन्तर्देहेषु भूतानामात्मास्ते हरिरीश्वरः । सर्वं तद्धिष्ण्यमीक्षध्वमेवं वस्तोषितो ह्यसौ ॥ १३ ॥

antar deheṣu bhūtānām ātmāste harir īśvaraḥ sarvaṁ tad-dhiṣṇyam īkṣadhvam evaṁ vas toṣito hy asau

Within the bodies of all beings dwells Hari, the Supreme Lord Himself, as the indwelling Self. Regard every body as His own dwelling place — in this way He will be pleased with you.

Verse 14 (bhagavata.6.4.14)

यः समुत्पतितं देह आकाशान्मन्युमुल्बणम् । आत्मजिज्ञासया यच्छेत्स गुणानतिवर्तते ॥ १४ ॥

yaḥ samutpatitaṁ deha ākāśān manyum ulbaṇam ātma-jijñāsayā yacchet sa guṇān ativartate

One who, through inquiry into the self, restrains that powerful anger which arises suddenly in the body as though falling from the sky, thereby transcends the material modes of nature.

Verse 15 (bhagavata.6.4.15)

अलं दग्धैर्द्रुमैर्दीनैः खिलानां शिवमस्तु वः । वार्क्षी ह्येषा वरा कन्या पत्नीत्वे प्रतिगृह्यताम् ॥ १५ ॥

alaṁ dagdhair drumair dīnaiḥ khilānāṁ śivam astu vaḥ vārkṣī hy eṣā varā kanyā patnītve pratigṛhyatām

Enough now of burning these helpless trees; may good fortune attend those that remain. Here is an excellent maiden, raised by the trees themselves — accept her as your wife.

Verse 16 (bhagavata.6.4.16)

इत्यामन्त्र्य वरारोहां कन्यामाप्सरसीं नृप । सोमो राजा ययौ दत्त्वा ते धर्मेणोपयेमिरे ॥ १६ ॥

ity āmantrya varārohāṁ kanyām āpsarasīṁ nṛpa somo rājā yayau dattvā te dharmeṇopayemire

O king, having spoken thus, King Soma gave them that lovely maiden, born of an Apsara, and then departed; the Pracheta brothers married her according to proper religious rites.

Verse 17 (bhagavata.6.4.17)

तेभ्यस्तस्यां समभवद् दक्षः प्राचेतसः किल । यस्य प्रजाविसर्गेण लोका आपूरितास्त्रयः ॥ १७ ॥

tebhyas tasyāṁ samabhavad dakṣaḥ prācetasaḥ kila yasya prajā-visargeṇa lokā āpūritās trayaḥ

From all of them together, in that maiden's womb, was born Daksha, called Prachetasa, by whose generation of offspring the three worlds became filled.

Verse 18 (bhagavata.6.4.18)

यथा ससर्ज भूतानि दक्षो दुहितृवत्सलः । रेतसा मनसा चैव तन्ममावहितः शृणु ॥ १८ ॥

yathā sasarja bhūtāni dakṣo duhitṛ-vatsalaḥ retasā manasā caiva tan mamāvahitaḥ śṛṇu

Hear attentively from me how Daksha, so deeply affectionate toward his daughters, brought forth living beings both through his own seed and through his mind.

Verse 19 (bhagavata.6.4.19)

मनसैवासृजत्पूर्वं प्रजापतिरिमाः प्रजाः । देवासुरमनुष्यादीन्नभःस्थलजलौकसः ॥ १९ ॥

manasaivāsṛjat pūrvaṁ prajāpatir imāḥ prajāḥ devāsura-manuṣyādīn nabhaḥ-sthala-jalaukasaḥ

Prajapati first created these beings — gods, demons, humans and others, dwellers of sky, land and water alike — through his mind alone.

Verse 20 (bhagavata.6.4.20)

तमबृंहितमालोक्य प्रजासर्गं प्रजापतिः । विन्ध्यपादानुपव्रज्य सोऽचरद्दुष्करं तपः ॥ २० ॥

tam abṛṁhitam ālokya prajā-sargaṁ prajāpatiḥ vindhya-pādān upavrajya so ’carad duṣkaraṁ tapaḥ

Seeing that this creation of beings was not sufficiently increasing, Prajapati went to the foothills of the Vindhya mountains and undertook the most difficult austerities.

Verse 21 (bhagavata.6.4.21)

तत्राघमर्षणं नाम तीर्थं पापहरं परम् । उपस्पृश्यानुसवनं तपसातोषयद्धरिम् ॥ २१ ॥

tatrāghamarṣaṇaṁ nāma tīrthaṁ pāpa-haraṁ param upaspṛśyānusavanaṁ tapasātoṣayad dharim

There, at the supremely sin-destroying holy place named Aghamarshana, performing his ritual ablutions again and again, he pleased Lord Hari through his austerities.

Verse 22 (bhagavata.6.4.22)

अस्तौषीद्धंसगुह्येन भगवन्तमधोक्षजम् । तुभ्यं तदभिधास्यामि कस्यातुष्यद्यथा हरिः ॥ २२ ॥

astauṣīd dhaṁsa-guhyena bhagavantam adhokṣajam tubhyaṁ tad abhidhāsyāmi kasyātuṣyad yathā hariḥ

He praised the transcendent Lord, beyond the senses, with the confidential hymn known as the Hamsa-guhya — I shall now recite it to you, and tell you how Hari came to be pleased with him.

Verse 23 (bhagavata.6.4.23)

श्रीप्रजापतिरुवाच नमः परायावितथानुभूतये गुणत्रयाभासनिमित्तबन्धवे । अदृष्टधाम्ने गुणतत्त्वबुद्धिभि- र्निवृत्तमानाय दधे स्वयम्भुवे ॥ २३ ॥

śrī-prajāpatir uvāca namaḥ parāyāvitathānubhūtaye guṇa-trayābhāsa-nimitta-bandhave adṛṣṭa-dhāmne guṇa-tattva-buddhibhir nivṛtta-mānāya dadhe svayambhuve

Obeisance to that Supreme Truth, whose self-revealed realization never proves false, who is the very cause and kinsman behind the mere semblance of the three material modes, whose abode remains unseen, and who stands wholly beyond the estimation of those whose intellect mistakes the gunas for ultimate reality — to that self-existent one I offer my obeisance.

Verse 24 (bhagavata.6.4.24)

न यस्य सख्यं पुरुषोऽवैति सख्युः सखा वसन् संवसतः पुरेऽस्मिन् । गुणो यथा गुणिनो व्यक्तदृष्टे- स्तस्मै महेशाय नमस्करोमि ॥ २४ ॥

na yasya sakhyaṁ puruṣo ’vaiti sakhyuḥ sakhā vasan saṁvasataḥ pure ’smin guṇo yathā guṇino vyakta-dṛṣṭes tasmai maheśāya namaskaromi

To Him whose companionship the living being fails to recognize, even though he dwells with Him as a friend within this very body, just as a sense-object never perceives the perceiver whose sight reveals it — to that great Lord I offer my obeisance.

Verse 25 (bhagavata.6.4.25)

देहोऽसवोऽक्षा मनवो भूतमात्रा- मात्मानमन्यं च विदुः परं यत् । सर्वं पुमान् वेद गुणांश्च तज्ज्ञो न वेद सर्वज्ञमनन्तमीडे ॥ २५ ॥

deho ’savo ’kṣā manavo bhūta-mātrām ātmānam anyaṁ ca viduḥ paraṁ yat sarvaṁ pumān veda guṇāṁś ca taj-jño na veda sarva-jñam anantam īḍe

The body, the vital airs, the senses, the mind and the subtle elements know neither themselves, nor one another, nor anything beyond; yet the soul, knowing them all along with their qualities, still cannot know that omniscient, infinite one — to Him I offer this praise.

Verse 26 (bhagavata.6.4.26)

यदोपरामो मनसो नामरूप- रूपस्य दृष्टस्मृतिसम्प्रमोषात् । य ईयते केवलया स्वसंस्थया हंसाय तस्मै शुचिसद्मने नमः ॥ २६ ॥

yadoparāmo manaso nāma-rūpa- rūpasya dṛṣṭa-smṛti-sampramoṣāt ya īyate kevalayā sva-saṁsthayā haṁsāya tasmai śuci-sadmane namaḥ

When the mind's activity of fashioning names and forms comes to rest, through the dissolving of ordinary perception and memory, He alone is perceived in His own true form — to that pure Swan, whose dwelling place is purity itself, I offer my obeisance.

Verse 27 (bhagavata.6.4.27)

मनीषिणोऽन्तर्हृदि सन्निवेशितं स्वशक्तिभिर्नवभिश्च त्रिवृद्भिः । वह्निं यथा दारुणि पाञ्चदश्यं मनीषया निष्कर्षन्ति गूढम् ॥ २७ ॥

manīṣiṇo ’ntar-hṛdi sanniveśitaṁ sva-śaktibhir navabhiś ca trivṛdbhiḥ vahniṁ yathā dāruṇi pāñcadaśyaṁ manīṣayā niṣkarṣanti gūḍham

Just as the learned, through the fifteen sacred kindling-hymns, draw forth the fire hidden within wood, so the wise, through discerning intelligence, extract that hidden Supersoul, seated within the heart, veiled by His own nine potencies and by the three material modes.

Verse 28 (bhagavata.6.4.28)

स वै ममाशेषविशेषमाया निषेधनिर्वाणसुखानुभूतिः । स सर्वनामा स च विश्वरूपः प्रसीदतामनिरुक्तात्मशक्तिः ॥ २८ ॥

sa vai mamāśeṣa-viśeṣa-māyā- niṣedha-nirvāṇa-sukhānubhūtiḥ sa sarva-nāmā sa ca viśva-rūpaḥ prasīdatām aniruktātma-śaktiḥ

He alone is, for me, the direct experience of that supreme bliss which arises when every distinction of maya is negated; He alone bears every name, and He alone is the form of the universe — may that Lord of inexpressible spiritual potency be pleased with me.

Verse 29 (bhagavata.6.4.29)

यद्यन्निरुक्तं वचसा निरूपितं धियाक्षभिर्वा मनसोत यस्य । मा भूत्स्वरूपं गुणरूपं हि तत्तत् स वै गुणापायविसर्गलक्षणः ॥ २९ ॥

yad yan niruktaṁ vacasā nirūpitaṁ dhiyākṣabhir vā manasota yasya mā bhūt svarūpaṁ guṇa-rūpaṁ hi tat tat sa vai guṇāpāya-visarga-lakṣaṇaḥ

Whatever is expressed in words, or grasped by intellect, senses or mind — none of that is His true nature, for all such things are themselves made of the gunas; He alone bears the mark of both the dissolution and the manifestation of the gunas.

Verse 30 (bhagavata.6.4.30)

यस्मिन्यतो येन च यस्य यस्मै यद्यो यथा कुरुते कार्यते च । परावरेषां परमं प्राक् प्रसिद्धं तद् ब्रह्म तद्धेतुरनन्यदेकम् ॥ ३० ॥

yasmin yato yena ca yasya yasmai yad yo yathā kurute kāryate ca parāvareṣāṁ paramaṁ prāk prasiddhaṁ tad brahma tad dhetur ananyad ekam

In whom, from whom, by whom, of whom, for whom — whatever is done or caused to be done, by anyone, in any way — He alone stands supreme among all things high and low, known even before creation itself; that is Brahman, the cause of all causes, the one without a second.

Verse 31 (bhagavata.6.4.31)

यच्छक्तयो वदतां वादिनां वै विवादसंवादभुवो भवन्ति । कुर्वन्ति चैषां मुहुरात्ममोहं तस्मै नमोऽनन्तगुणाय भूम्ने ॥ ३१ ॥

yac-chaktayo vadatāṁ vādināṁ vai vivāda-saṁvāda-bhuvo bhavanti kurvanti caiṣāṁ muhur ātma-mohaṁ tasmai namo ’nanta-guṇāya bhūmne

By whose potencies the debaters, each propounding his own doctrine, come to both dispute and agreement among themselves, and who thereby again and again casts them into bewilderment about the true self — to Him, of infinite attributes and all-pervading, I offer my obeisance.

Verse 32 (bhagavata.6.4.32)

अस्तीति नास्तीति च वस्तुनिष्ठयो- रेकस्थयोर्भिन्नविरुद्धधर्मणोः । अवेक्षितं किञ्चन योगसाङ्ख्ययोः समं परं ह्यनुकूलं बृहत्तत् ॥ ३२ ॥

astīti nāstīti ca vastu-niṣṭhayor eka-sthayor bhinna-viruddha-dharmaṇoḥ avekṣitaṁ kiñcana yoga-sāṅkhyayoḥ samaṁ paraṁ hy anukūlaṁ bṛhat tat

The assertion 'He is' and the denial 'He is not' — though grounded in one and the same reality, appear as differing, opposing views; yet both yoga and Sankhya point toward some one thing they have each glimpsed — that same, equal, supreme and ultimately harmonious vast reality is He.

Verse 33 (bhagavata.6.4.33)

योऽनुग्रहार्थं भजतां पादमूल- मनामरूपो भगवाननन्तः । नामानि रूपाणि च जन्मकर्मभि- र्भेजे स मह्यं परमः प्रसीदतु ॥ ३३ ॥

yo ’nugrahārthaṁ bhajatāṁ pāda-mūlam anāma-rūpo bhagavān anantaḥ nāmāni rūpāṇi ca janma-karmabhir bheje sa mahyaṁ paramaḥ prasīdatu

He who, though Himself nameless and formless, the infinite Lord, out of sheer grace toward those who worship His feet, takes on names, forms, births and deeds — may that Supreme Being be pleased with me.

Verse 34 (bhagavata.6.4.34)

यः प्राकृतैर्ज्ञानपथैर्जनानां यथाशयं देहगतो विभाति । यथानिलः पार्थिवमाश्रितो गुणं स ईश्वरो मे कुरुतां मनोरथम् ॥ ३४ ॥

yaḥ prākṛtair jñāna-pathair janānāṁ yathāśayaṁ deha-gato vibhāti yathānilaḥ pārthivam āśrito guṇaṁ sa īśvaro me kurutāṁ manoratham

He who, dwelling within the body, manifests Himself to people through the lesser paths of worship, each according to his own inclination — just as air, though itself without scent, takes on the earthy fragrance it carries — may that Lord fulfill the desire of my heart.

Verse 35 (bhagavata.6.4.35)

श्रीशुक उवाच इति स्तुतः संस्तुवतः स तस्मिन्नघमर्षणे । प्रादुरासीत्कुरुश्रेष्ठ भगवान् भक्तवत्सलः ॥ ३५ ॥

śrī-śuka uvāca iti stutaḥ saṁstuvataḥ sa tasminn aghamarṣaṇe prādurāsīt kuru-śreṣṭha bhagavān bhakta-vatsalaḥ

Shri Shuka said: O best of the Kurus, thus praised, the Supreme Lord, ever affectionate to His devotees, appeared right there at that holy place of Aghamarshana.

Verse 36 (bhagavata.6.4.36)

कृतपादः सुपर्णांसे प्रलम्बाष्टमहाभुजः । चक्रशङ्खासिचर्मेषुधनुःपाशगदाधरः ॥ ३६ ॥

kṛta-pādaḥ suparṇāṁse pralambāṣṭa-mahā-bhujaḥ cakra-śaṅkhāsi-carmeṣu- dhanuḥ-pāśa-gadā-dharaḥ

His feet rested upon the shoulders of Garuda; He had eight long and mighty arms, in which He held a discus, conch, sword, shield, arrow, bow, rope and mace.

Verse 37 (bhagavata.6.4.37)

पीतवासा घनश्यामः प्रसन्नवदनेक्षणः । वनमालानिवीताङ्गो लसच्छ्रीवत्सकौस्तुभः ॥ ३७ ॥

pīta-vāsā ghana-śyāmaḥ prasanna-vadanekṣaṇaḥ vana-mālā-nivītāṅgo lasac-chrīvatsa-kaustubhaḥ

He wore garments of yellow silk, His complexion was a deep, cloud-like blue-black, His face and eyes radiated a cheerful glow, His whole body was garlanded with forest flowers, and the mark of Shrivatsa and the Kaustubha jewel gleamed upon His chest.

Verse 38 (bhagavata.6.4.38)

महाकिरीटकटकः स्फुरन्मकरकुण्डलः । काञ्च्यङ्गुलीयवलयनूपुराङ्गदभूषितः ॥ ३८ ॥

mahā-kirīṭa-kaṭakaḥ sphuran-makara-kuṇḍalaḥ kāñcy-aṅgulīya-valaya- nūpurāṅgada-bhūṣitaḥ

A great circular crown adorned His head, gleaming shark-shaped earrings hung from His ears, and He was further adorned with a waist-belt, finger rings, bracelets, anklets and armlets.

Verse 39 (bhagavata.6.4.39)

त्रैलोक्यमोहनं रूपं बिभ्रत् त्रिभुवनेश्वरः । वृतो नारदनन्दाद्यैः पार्षदैः सुरयूथपैः । स्तूयमानोऽनुगायद्भिः सिद्धगन्धर्वचारणैः ॥ ३९ ॥

trailokya-mohanaṁ rūpaṁ bibhrat tribhuvaneśvaraḥ vṛto nārada-nandādyaiḥ pārṣadaiḥ sura-yūthapaiḥ stūyamāno ’nugāyadbhiḥ siddha-gandharva-cāraṇaiḥ

Bearing that form which enchants all three worlds, the Lord of the three worlds stood there, surrounded by His eternal associates like Narada and Nanda and by the chiefs of the demigods, while Siddhas, Gandharvas and Charanas sang His praises all around Him.

Verse 40 (bhagavata.6.4.40)

रूपं तन्महदाश्चर्यं विचक्ष्यागतसाध्वसः । ननाम दण्डवद्भूमौ प्रहृष्टात्मा प्रजापतिः ॥ ४० ॥

rūpaṁ tan mahad-āścaryaṁ vicakṣyāgata-sādhvasaḥ nanāma daṇḍavad bhūmau prahṛṣṭātmā prajāpatiḥ

Beholding that great and wondrous form, Prajapati Daksha, at first overtaken by awe, then filled with immense joy, fell flat upon the ground like a rod to offer his obeisance.

Verse 41 (bhagavata.6.4.41)

न किञ्चनोदीरयितुमशकत् तीव्रया मुदा । आपूरितमनोद्वारैर्ह्रदिन्य इव निर्झरैः ॥ ४१ ॥

na kiñcanodīrayitum aśakat tīvrayā mudā āpūrita-manodvārair hradinya iva nirjharaiḥ

Overwhelmed by such intense joy, his senses filled to overflowing just as rivers are filled by mountain torrents, he found himself unable to utter a single word.

Verse 42 (bhagavata.6.4.42)

तं तथावनतं भक्तं प्रजाकामं प्रजापतिम् । चित्तज्ञः सर्वभूतानामिदमाह जनार्दनः ॥ ४२ ॥

taṁ tathāvanataṁ bhaktaṁ prajā-kāmaṁ prajāpatim citta-jñaḥ sarva-bhūtānām idam āha janārdanaḥ

The Lord Janardana, who knows the heart of every living being, then spoke these words to that devoted Prajapati, bowed so low before Him, longing as he was for progeny.

Verse 43 (bhagavata.6.4.43)

श्रीभगवानुवाच प्राचेतस महाभाग संसिद्धस्तपसा भवान् । यच्छ्रद्धया मत्परया मयि भावं परं गतः ॥ ४३ ॥

śrī-bhagavān uvāca prācetasa mahā-bhāga saṁsiddhas tapasā bhavān yac chraddhayā mat-parayā mayi bhāvaṁ paraṁ gataḥ

The Supreme Lord said: O son of the Pracetas, O most fortunate one, you have attained perfection through your austerities, for through faith centered wholly on Me, you have reached the supreme state of loving devotion to Me.

Verse 44 (bhagavata.6.4.44)

प्रीतोऽहं ते प्रजानाथ यत्तेऽस्योद्बृंहणं तपः । ममैष कामो भूतानां यद्भूयासुर्विभूतयः ॥ ४४ ॥

prīto ’haṁ te prajā-nātha yat te ’syodbṛṁhaṇaṁ tapaḥ mamaiṣa kāmo bhūtānāṁ yad bhūyāsur vibhūtayaḥ

O lord of subjects, I am pleased with you, for this austerity of yours is meant for the increase and flourishing of this world. This too is My own desire — that all beings should prosper and grow.

Verse 45 (bhagavata.6.4.45)

ब्रह्मा भवो भवन्तश्च मनवो विबुधेश्वराः । विभूतयो मम ह्येता भूतानां भूतिहेतवः ॥ ४५ ॥

brahmā bhavo bhavantaś ca manavo vibudheśvarāḥ vibhūtayo mama hy etā bhūtānāṁ bhūti-hetavaḥ

Brahma, Shiva, you and the other prajapatis, the Manus, and the lords of the demigods — all of these are My own manifestations of power, and the very causes of the well-being of all living beings.

Verse 46 (bhagavata.6.4.46)

तपो मे हृदयं ब्रह्मंस्तनुर्विद्या क्रियाकृतिः । अङ्गानि क्रतवो जाता धर्म आत्मासवः सुराः ॥ ४६ ॥

tapo me hṛdayaṁ brahmaṁs tanur vidyā kriyākṛtiḥ aṅgāni kratavo jātā dharma ātmāsavaḥ surāḥ

O brahmana, austerity is My heart, sacred knowledge is My body, and righteous action is My very form; the sacrifices are My limbs, dharma is My soul, and the celestial gods are My life-breath.

Verse 47 (bhagavata.6.4.47)

अहमेवासमेवाग्रे नान्यत् किञ्चान्तरं बहिः । संज्ञानमात्रमव्यक्तं प्रसुप्तमिव विश्वतः ॥ ४७ ॥

aham evāsam evāgre nānyat kiñcāntaraṁ bahiḥ saṁjñāna-mātram avyaktaṁ prasuptam iva viśvataḥ

Before creation, I alone existed; there was nothing else at all, within or without. Consciousness then remained only unmanifest, as though asleep everywhere.

Verse 48 (bhagavata.6.4.48)

मय्यनन्तगुणेऽनन्ते गुणतो गुणविग्रहः । यदासीत्तत एवाद्यः स्वयम्भूः समभूदजः ॥ ४८ ॥

mayy ananta-guṇe ’nante guṇato guṇa-vigrahaḥ yadāsīt tata evādyaḥ svayambhūḥ samabhūd ajaḥ

When, within Me — infinite and possessed of infinite qualities — this world composed of the gunas arose out of My own potency, from that very arising was born the first being, the unborn, self-manifest Brahma.

Verse 49 (bhagavata.6.4.49)

स वै यदा महादेवो मम वीर्योपबृंहितः । मेने खिलमिवात्मानमुद्यतः स्वर्गकर्मणि ॥ ४९ ॥

sa vai yadā mahādevo mama vīryopabṛṁhitaḥ mene khilam ivātmānam udyataḥ svarga-karmaṇi

When that great being, Brahma, though empowered by My own potency, set about the work of creation, he came to feel himself, as it were, inadequate to the task —

Verse 50 (bhagavata.6.4.50)

अथ मेऽभिहितो देवस्तपोऽतप्यत दारुणम् । नव विश्वसृजो युष्मान् येनादावसृजद्विभुः ॥ ५० ॥

atha me ’bhihito devas tapo ’tapyata dāruṇam nava viśva-sṛjo yuṣmān yenādāv asṛjad vibhuḥ

— then, upon receiving My instruction, that god Brahma performed the most severe austerities, and by their power the mighty one brought forth, in the beginning, you nine creators of the universe.

Verse 51 (bhagavata.6.4.51)

एषा पञ्चजनस्याङ्ग दुहिता वै प्रजापतेः । असिक्नी नाम पत्नीत्वे प्रजेश प्रतिगृह्यताम् ॥ ५१ ॥

eṣā pañcajanasyāṅga duhitā vai prajāpateḥ asiknī nāma patnītve prajeśa pratigṛhyatām

My dear son, here is the daughter of the prajapati Panchajana, named Asikni. O lord of progeny, accept her as your wife.

Verse 52 (bhagavata.6.4.52)

मिथुनव्यवायधर्मस्त्वं प्रजासर्गमिमं पुनः । मिथुनव्यवायधर्मिण्यां भूरिशो भावयिष्यसि ॥ ५२ ॥

mithuna-vyavāya-dharmas tvaṁ prajā-sargam imaṁ punaḥ mithuna-vyavāya-dharmiṇyāṁ bhūriśo bhāvayiṣyasi

Take up the way of union between man and woman, and through this woman, who shares that same way, you shall once again bring forth progeny in great abundance.

Verse 53 (bhagavata.6.4.53)

त्वत्तोऽधस्तात्प्रजाः सर्वा मिथुनीभूय मायया । मदीयया भविष्यन्ति हरिष्यन्ति च मे बलिम् ॥ ५३ ॥

tvatto ’dhastāt prajāḥ sarvā mithunī-bhūya māyayā madīyayā bhaviṣyanti hariṣyanti ca me balim

All the generations of progeny that descend from you will, through My own illusory potency, likewise take up this way of union, bringing forth further offspring, and they too shall bring their offerings to Me.

Verse 54 (bhagavata.6.4.54)

श्रीशुक उवाच इत्युक्त्वा मिषतस्तस्य भगवान् विश्वभावनः । स्वप्नोपलब्धार्थ इव तत्रैवान्तर्दधे हरिः ॥ ५४ ॥

śrī-śuka uvāca ity uktvā miṣatas tasya bhagavān viśva-bhāvanaḥ svapnopalabdhārtha iva tatraivāntardadhe hariḥ

Shri Shuka said: Having spoken thus, the Supreme Lord Hari, creator of the universe, vanished then and there, even as Daksha looked on, like something obtained only in a dream.