The Narayana-kavacha Shield

Verse 1 (bhagavata.6.8.1)

श्रीराजोवाच यया गुप्तः सहस्राक्षः सवाहान् रिपुसैनिकान् । क्रीडन्निव विनिर्जित्य त्रिलोक्या बुभुजे श्रियम् ॥ 8.1 ॥

śrī-rājovāca yayā guptaḥ sahasrākṣaḥ savāhān ripu-sainikān krīḍann iva vinirjitya tri-lokyā bubhuje śriyam

The king said: Please describe to me that armor, protected by which the thousand-eyed Indra conquered his enemy soldiers together with their mounts as easily as if in play, and thereafter enjoyed the wealth of all three worlds —

Verse 2 (bhagavata.6.8.2)

भगवंस्तन्ममाख्याहि वर्म नारायणात्मकम् । यथाततायिनः शत्रून्येन गुप्तोऽजयन्मृधे ॥ 8.2 ॥

bhagavaṁs tan mamākhyāhi varma nārāyaṇātmakam yathātatāyinaḥ śatrūn yena gupto ’jayan mṛdhe

— that armor, O lord, whose very self is Narayana, by wearing which Indra, though his enemies had already taken up arms against him, conquered them in battle.

Verse 3 (bhagavata.6.8.3)

श्रीबादरायणिरुवाच वृतः पुरोहितस्त्वाष्ट्रो महेन्द्रायानुपृच्छते । नारायणाख्यं वर्माह तदिहैकमनाः शृणु ॥ 8.3 ॥

śrī-bādarāyaṇir uvāca vṛtaḥ purohitas tvāṣṭro mahendrāyānupṛcchate nārāyaṇākhyaṁ varmāha tad ihaika-manāḥ śṛṇu

Sri Badarayani said: When Mahendra asked this question of Vishvarupa, son of Tvashta, who had been chosen as his priest, Vishvarupa spoke of the armor called Narayana-kavacha; hear it now, O King, with an attentive mind.

Verse 4 (bhagavata.6.8.4)

श्रीविश्वरूप उवाच धौताङ्घ्रिपाणिराचम्य सपवित्र उदङ्मुखः । कृतस्वाङ्गकरन्यासो मन्त्राभ्यां वाग्यतः शुचिः ॥ 8.4 ॥

śrī-viśvarūpa uvāca dhautāṅghri-pāṇir ācamya sapavitra udaṅ-mukhaḥ kṛta-svāṅga-kara-nyāso mantrābhyāṁ vāg-yataḥ śuciḥ

Sri Vishvarupa said: Having washed the hands and feet, sipped water for purification, and facing north while wearing a ring of kusha grass, one should, remaining silent and pure, perform the placement of the mantras upon the limbs and hands.

Verse 5 (bhagavata.6.8.5)

नारायणपरं वर्म सन्नह्येद् भय आगते । पादयोर्जानुनोरूर्वोरुदरे हृद्यथोरसि ॥ 8.5 ॥

nārāyaṇa-paraṁ varma sannahyed bhaya āgate pādayor jānunor ūrvor udare hṛdy athorasi

When danger has come, one should bind on this supreme armor of Narayana — upon the feet, the knees, the thighs, the abdomen, the heart, and then the chest,

Verse 6 (bhagavata.6.8.6)

मुखे शिरस्यानुपूर्व्यादोंङ्कारादीनि विन्यसेत् । ॐ नमो नारायणायेति विपर्ययमथापि वा ॥ 8.6 ॥

mukhe śirasy ānupūrvyād oṁkārādīni vinyaset oṁ namo nārāyaṇāyeti viparyayam athāpi vā

and upon the mouth and the head in due order, placing the syllables beginning with Om — that is, the mantra "Om namo narayanaya" — or, alternatively, in reverse order.

Verse 7 (bhagavata.6.8.7)

करन्यासं ततः कुर्याद् द्वादशाक्षरविद्यया । प्रणवादियकारान्तमङ्गुल्यङ्गुष्ठपर्वसु ॥ 8.7 ॥

kara-nyāsaṁ tataḥ kuryād dvādaśākṣara-vidyayā praṇavādi-ya-kārāntam aṅguly-aṅguṣṭha-parvasu

Then one should perform the placement upon the hands using the mantra of twelve syllables, from the pranava (Om) up to the syllable "ya," upon the joints of the fingers and thumbs.

Verse 8 (bhagavata.6.8.8)

न्यसेद्धृदय ओंङ्कारं विकारमनु मूर्धनि । षकारं तु भ्रुवोर्मध्ये णकारं शिखया न्यसेत् ॥ 8.8 ॥

nyased dhṛdaya oṁkāraṁ vi-kāram anu mūrdhani ṣa-kāraṁ tu bhruvor madhye ṇa-kāraṁ śikhayā nyaset

One should place the syllable Om upon the heart, the syllable "vi" upon the crown of the head, the syllable "sha" between the eyebrows, and the syllable "na" upon the topknot of hair.

Verse 9 (bhagavata.6.8.9)

वेकारं नेत्रयोर्युञ्ज्यान्नकारं सर्वसन्धिषु । मकारमस्त्रमुद्दिश्य मन्त्रमूर्तिर्भवेद् बुधः ॥ 8.9 ॥

ve-kāraṁ netrayor yuñjyān na-kāraṁ sarva-sandhiṣu ma-kāram astram uddiśya mantra-mūrtir bhaved budhaḥ

One should join the syllable "ve" to the eyes, and the syllable "na" to all the joints of the body, and, directing the syllable "ma" as a weapon — thus the wise practitioner becomes the very embodiment of the mantra.

Verse 10 (bhagavata.6.8.10)

सविसर्गं फडन्तं तत्सर्वदिक्षु विनिर्दिशेत् । ॐ विष्णवे नम इति ॥ 8.10 ॥

savisargaṁ phaḍ-antaṁ tat sarva-dikṣu vinirdiśet oṁ viṣṇave nama iti

That six-syllabled mantra "Om vishnave namah," together with the visarga and ending in the syllable "phat," should then be directed toward all directions.

Verse 11 (bhagavata.6.8.11)

आत्मानं परमं ध्यायेद् ध्येयं षट्शक्तिभिर्युतम् । विद्यातेजस्तपोमूर्तिमिमं मन्त्रमुदाहरेत् ॥ 8.11 ॥

ātmānaṁ paramaṁ dhyāyed dhyeyaṁ ṣaṭ-śaktibhir yutam vidyā-tejas-tapo-mūrtim imaṁ mantram udāharet

One should then meditate upon the Supreme Self, worthy of meditation, endowed with the six opulences, whose very form is knowledge, splendor, and austerity, and recite the following prayer —

Verse 12 (bhagavata.6.8.12)

ॐ हरिर्विदध्यान्मम सर्वरक्षां न्यस्ताङ्घ्रिपद्मः पतगेन्द्रपृष्ठे । दरारिचर्मासिगदेषुचाप- पाशान् दधानोऽष्टगुणोऽष्टबाहुः ॥ 8.12 ॥

om harir vidadhyān mama sarva-rakṣāṁ nyastāṅghri-padmaḥ patagendra-pṛṣṭhe darāri-carmāsi-gadeṣu-cāpa- pāśān dadhāno ’ṣṭa-guṇo ’ṣṭa-bāhuḥ

Om. May Hari, His lotus feet set upon the back of Garuda, king of birds, holding in His eight arms the conch, disc, shield, sword, mace, arrows, bow, and noose, He who is endowed with the eight mystic perfections, grant me complete protection.

Verse 13 (bhagavata.6.8.13)

जलेषु मां रक्षतु मत्स्यमूर्ति- र्यादोगणेभ्यो वरुणस्य पाशात् । स्थलेषु मायावटुवामनोऽव्यात् त्रिविक्रमः खेऽवतु विश्वरूपः ॥ 8.13 ॥

jaleṣu māṁ rakṣatu matsya-mūrtir yādo-gaṇebhyo varuṇasya pāśāt sthaleṣu māyāvaṭu-vāmano vyāt trivikramaḥ khe vatu viśvarūpaḥ

In the waters may He, in His form as the Fish, protect me from the creatures of the deep and from Varuna's noose; on land may the illusion-wielding dwarf Vamana protect me; and in the sky may Vishvarupa, who as Trivikrama measured the worlds, protect me.

Verse 14 (bhagavata.6.8.14)

दुर्गेष्वटव्याजिमुखादिषु प्रभुः पायान्नृसिंहोऽसुरयूथपारिः । विमुञ्चतो यस्य महाट्टहासं दिशो विनेदुर्न्यपतंश्च गर्भाः ॥ 8.14 ॥

durgeṣv aṭavy-āji-mukhādiṣu prabhuḥ pāyān nṛsiṁho ’sura-yūthapāriḥ vimuñcato yasya mahāṭṭa-hāsaṁ diśo vinedur nyapataṁś ca garbhāḥ

In dangerous places such as forests and battlefields, may the mighty Narasimha, enemy of the demon hosts, protect me — He whose tremendous laughter, once released, made every direction resound and caused wombs to miscarry.

Verse 15 (bhagavata.6.8.15)

रक्षत्वसौ माध्वनि यज्ञकल्पः स्वदंष्ट्रयोन्नीतधरो वराहः । रामोऽद्रिकूटेष्वथ विप्रवासे सलक्ष्मणोऽव्याद् भरताग्रजोऽस्मान् ॥ 8.15 ॥

rakṣatv asau mādhvani yajña-kalpaḥ sva-daṁṣṭrayonnīta-dharo varāhaḥ rāmo ’dri-kūṭeṣv atha vipravāse salakṣmaṇo ’vyād bharatāgrajo ’smān

May that Varaha, embodiment of sacrifice, who raised the earth upon His own tusk, protect me on the road; may Parashurama protect me on mountain peaks; and while in a foreign land, may Rama, elder brother of Bharata, protect us together with Lakshmana.

Verse 16 (bhagavata.6.8.16)

मामुग्रधर्मादखिलात्प्रमादा- न्नारायणः पातु नरश्च हासात् । दत्तस्त्वयोगादथ योगनाथः पायाद्गुणेशः कपिलः कर्मबन्धात् ॥ 8.16 ॥

mām ugra-dharmād akhilāt pramādān nārāyaṇaḥ pātu naraś ca hāsāt dattas tv ayogād atha yoga-nāthaḥ pāyād guṇeśaḥ kapilaḥ karma-bandhāt

May Narayana protect me from all cruel duties and from carelessness, and may Nara protect me from vain pride; may Dattatreya, lord of yoga, protect me from failure in yoga; and may Kapila, lord of the gunas, protect me from bondage to fruitive action.

Verse 17 (bhagavata.6.8.17)

सनत्कुमारोऽवतु कामदेवा- द्धयशीर्षा मां पथि देवहेलनात् । देवर्षिवर्यः पुरुषार्चनान्तरात् कूर्मो हरिर्मां निरयादशेषात् ॥ 8.17 ॥

sanat-kumāro ’vatu kāmadevād dhayaśīrṣā māṁ pathi deva-helanāt devarṣi-varyaḥ puruṣārcanāntarāt kūrmo harir māṁ nirayād aśeṣāt

May Sanat-kumara protect me from lust; may Hayagriva protect me on the road from disrespect toward the gods; may the great sage Narada protect me from faults in the worship of the Deity; and may Hari as the Tortoise protect me from every kind of hell.

Verse 18 (bhagavata.6.8.18)

धन्वन्तरिर्भगवान् पात्वपथ्याद् द्वन्द्वाद् भयादृषभो निर्जितात्मा । यज्ञश्च लोकादवताज्जनान्ताद् बलो गणात् क्रोधवशादहीन्द्रः ॥ 8.18 ॥

dhanvantarir bhagavān pātv apathyād dvandvād bhayād ṛṣabho nirjitātmā yajñaś ca lokād avatāj janāntād balo gaṇāt krodha-vaśād ahīndraḥ

May the illustrious Dhanvantari protect me from harmful food; may the self-mastered Rishabha protect me from fear born of the dualities of heat and cold; may Yajna protect me from the censure of the people; and may Balarama, lord of serpents, protect me from wrathful hosts.

Verse 19 (bhagavata.6.8.19)

द्वैपायनो भगवानप्रबोधाद् बुद्धस्तु पाषण्डगणप्रमादात् । कल्किः कलेः कालमलात् प्रपातु धर्मावनायोरुकृतावतारः ॥ 8.19 ॥

dvaipāyano bhagavān aprabodhād buddhas tu pāṣaṇḍa-gaṇa-pramādāt kalkiḥ kaleḥ kāla-malāt prapātu dharmāvanāyoru-kṛtāvatāraḥ

May the illustrious Dvaipayana (Vyasa) protect me from ignorance; may Buddha protect me from the heedlessness of atheistic company; and may Kalki, whose great incarnation is undertaken for the protection of dharma, protect me from the taint of this age of Kali.

Verse 20 (bhagavata.6.8.20)

मां केशवो गदया प्रातरव्याद् गोविन्द आसङ्गवमात्तवेणुः । नारायणः प्राह्ण उदात्तशक्ति- र्मध्यन्दिने विष्णुररीन्द्रपाणिः ॥ 8.20 ॥

māṁ keśavo gadayā prātar avyād govinda āsaṅgavam ātta-veṇuḥ nārāyaṇaḥ prāhṇa udātta-śaktir madhyan-dine viṣṇur arīndra-pāṇiḥ

May Keshava with His mace protect me at dawn; may Govinda, flute in hand, protect me in the mid-morning; may Narayana of exalted power protect me in the forenoon; and may Vishnu, disc in hand against His foes, protect me at midday.

Verse 21 (bhagavata.6.8.21)

देवोऽपराह्णे मधुहोग्रधन्वा सायं त्रिधामावतु माधवो माम् । दोषे हृषीकेश उतार्धरात्रे निशीथ एकोऽवतु पद्मनाभः ॥ 8.21 ॥

devo ’parāhṇe madhu-hogradhanvā sāyaṁ tri-dhāmāvatu mādhavo mām doṣe hṛṣīkeśa utārdha-rātre niśītha eko ’vatu padmanābhaḥ

May the fierce-bowed slayer of Madhu protect me in the afternoon; may Madhava, present in the three worlds, protect me in the evening; may Hrishikesha protect me at nightfall and at midnight; and in the dead of night may Padmanabha alone protect me.

Verse 22 (bhagavata.6.8.22)

श्रीवत्सधामापररात्र ईशः प्रत्यूष ईशोऽसिधरो जनार्दनः । दामोदरोऽव्यादनुसन्ध्यं प्रभाते विश्वेश्वरो भगवान् कालमूर्तिः ॥ 8.22 ॥

śrīvatsa-dhāmāpara-rātra īśaḥ pratyūṣa īśo ’si-dharo janārdanaḥ dāmodaro ’vyād anusandhyaṁ prabhāte viśveśvaro bhagavān kāla-mūrtiḥ

May the Lord who bears Shrivatsa on His chest protect me in the latter part of the night; may sword-bearing Janardana protect me at the approach of dawn; may Damodara protect me at the junction of night and day; and may Vishveshvara, the Lord whose very form is time, protect me at daybreak.

Verse 23 (bhagavata.6.8.23)

चक्रं युगान्तानलतिग्मनेमि भ्रमत् समन्ताद् भगवत्प्रयुक्तम् । दन्दग्धि दन्दग्ध्यरिसैन्यमाशु कक्षं यथा वातसखो हुताशः ॥ 8.23 ॥

cakraṁ yugāntānala-tigma-nemi bhramat samantād bhagavat-prayuktam dandagdhi dandagdhy ari-sainyam āśu kakṣaṁ yathā vāta-sakho hutāśaḥ

O disc, whose rim burns sharp as the fire that ends the ages, sent forth by the Lord to wheel on every side — burn, burn at once the armies of my enemies, as fire aided by the wind burns dry grass.

Verse 24 (bhagavata.6.8.24)

गदेऽशनिस्पर्शनविस्फुलिङ्गे निष्पिण्ढि निष्पिण्ढ्यजितप्रियासि । कुष्माण्डवैनायकयक्षरक्षो- भूतग्रहांश्चूर्णय चूर्णयारीन् ॥ 8.24 ॥

gade ’śani-sparśana-visphuliṅge niṣpiṇḍhi niṣpiṇḍhy ajita-priyāsi kuṣmāṇḍa-vaināyaka-yakṣa-rakṣo- bhūta-grahāṁś cūrṇaya cūrṇayārīn

O mace, whose touch sparks like the thunderbolt, dear indeed to the Unconquered Lord — crush, crush! Pulverize, pulverize the Kushmandas, Vinayakas, Yakshas, Rakshasas, Bhutas, and evil planetary spirits who are my enemies.

Verse 25 (bhagavata.6.8.25)

त्वं यातुधानप्रमथप्रेतमातृ- पिशाचविप्रग्रहघोरदृष्टीन् । दरेन्द्र विद्रावय कृष्णपूरितो भीमस्वनोऽरेर्हृदयानि कम्पयन् ॥ 8.25 ॥

tvaṁ yātudhāna-pramatha-preta-mātṛ- piśāca-vipragraha-ghora-dṛṣṭīn darendra vidrāvaya kṛṣṇa-pūrito bhīma-svano ’rer hṛdayāni kampayan

O best of conches, filled ever with Krishna's own breath — with your terrible sound, drive away the fearsome-eyed Yatudhanas, Pramathas, Pretas, Matris, Pishachas, and brahma-rakshasas, and make the hearts of my enemies tremble.

Verse 26 (bhagavata.6.8.26)

त्वं तिग्मधारासिवरारिसैन्य- मीशप्रयुक्तो मम छिन्धि छिन्धि । चक्षूंषि चर्मञ्छतचन्द्र छादय द्विषामघोनां हर पापचक्षुषाम् ॥ 8.26 ॥

tvaṁ tigma-dhārāsi-varāri-sainyam īśa-prayukto mama chindhi chindhi cakṣūṁṣi carmañ chata-candra chādaya dviṣām aghonāṁ hara pāpa-cakṣuṣām

O finest of swords with a keen edge, sent forth by the Lord — cut down, cut down the armies of my foes. O shield marked with a hundred moons, cover the sinful eyes of my malicious enemies, take away their evil gaze.

Verse 27 (bhagavata.6.8.27)

यन्नो भयं ग्रहेभ्योऽभूत् केतुभ्यो नृभ्य एव च । सरीसृपेभ्यो दंष्ट्रिभ्यो भूतेभ्योंहोभ्य एव च ॥ 8.27 ॥

yan no bhayaṁ grahebhyo ’bhūt ketubhyo nṛbhya eva ca sarīsṛpebhyo daṁṣṭribhyo bhūtebhyo ’ṁhobhya eva ca

Whatever fear we may have of malevolent planets, of comets, of hostile men, of serpents, of fanged beasts, of evil spirits, or indeed of our own past sins —

Verse 28 (bhagavata.6.8.28)

सर्वाण्येतानि भगवन्नामरूपानुकीर्तनात् । प्रयान्तु सङ्क्षयं सद्यो ये नः श्रेयःप्रतीपकाः ॥ 8.28 ॥

sarvāṇy etāni bhagavan- nāma-rūpānukīrtanāt prayāntu saṅkṣayaṁ sadyo ye naḥ śreyaḥ-pratīpakāḥ

— may all these obstacles, whatever stands opposed to our welfare, be instantly and utterly destroyed through the constant chanting of the Lord's holy names and forms.

Verse 29 (bhagavata.6.8.29)

गरुडो भगवान् स्तोत्रस्तोभश्छन्दोमयः प्रभुः । रक्षत्वशेषकृच्छ्रेभ्यो विष्वक्सेनः स्वनामभिः ॥ 8.29 ॥

garuḍo bhagavān stotra- stobhaś chandomayaḥ prabhuḥ rakṣatv aśeṣa-kṛcchrebhyo viṣvaksenaḥ sva-nāmabhiḥ

May the illustrious Garuda, whose very being is composed of sacred hymns and their meters, protect us from every calamity; and may Vishvaksena protect us through the power of his own holy names.

Verse 30 (bhagavata.6.8.30)

सर्वापद्भ्यो हरेर्नामरूपयानायुधानि नः । बुद्धीन्द्रियमनःप्राणान् पान्तु पार्षदभूषणाः ॥ 8.30 ॥

sarvāpadbhyo harer nāma- rūpa-yānāyudhāni naḥ buddhīndriya-manaḥ-prāṇān pāntu pārṣada-bhūṣaṇāḥ

May the holy names, forms, carriers, and weapons of Hari — all the ornaments of His personal attendants — protect our intelligence, senses, mind, and life-breath from every kind of danger.

Verse 31 (bhagavata.6.8.31)

यथा हि भगवानेव वस्तुतः सदसच्च यत् । सत्येनानेन नः सर्वे यान्तु नाशमुपद्रवाः ॥ 8.31 ॥

yathā hi bhagavān eva vastutaḥ sad asac ca yat satyenānena naḥ sarve yāntu nāśam upadravāḥ

Just as the Supreme Lord Himself is, in truth, both the manifest and the unmanifest — by the power of this very truth may all our afflictions be destroyed.

Verse 32 (bhagavata.6.8.32)

यथैकात्म्यानुभावानां विकल्परहितः स्वयम् । भूषणायुधलिङ्गाख्या धत्ते शक्तीः स्वमायया ॥ 8.32 ॥

yathaikātmyānubhāvānāṁ vikalpa-rahitaḥ svayam bhūṣaṇāyudha-liṅgākhyā dhatte śaktīḥ sva-māyayā

Just as He who is Himself without distinction, whose very nature is oneness, assumes through His own divine power the various energies known by the names of ornament, weapon, and form —

Verse 33 (bhagavata.6.8.33)

तेनैव सत्यमानेन सर्वज्ञो भगवान् हरिः । पातु सर्वैः स्वरूपैर्नः सदा सर्वत्र सर्वगः ॥ 8.33 ॥

tenaiva satya-mānena sarva-jño bhagavān hariḥ pātu sarvaiḥ svarūpair naḥ sadā sarvatra sarva-gaḥ

— by that same truth, may the all-knowing, all-pervading Lord Hari, present everywhere, protect us always and everywhere through all of His own forms.

Verse 34 (bhagavata.6.8.34)

विदिक्षु दिक्षूर्ध्वमधः समन्ता- दन्तर्बहिर्भगवान्नारसिंहः । प्रहापयँल्लोकभयं स्वनेन स्वतेजसा ग्रस्तसमस्ततेजाः ॥ 8.34 ॥

vidikṣu dikṣūrdhvam adhaḥ samantād antar bahir bhagavān nārasiṁhaḥ prahāpayaḻ loka-bhayaṁ svanena sva-tejasā grasta-samasta-tejāḥ

In every direction and corner, above and below, within and without, may the Lord Narasimha, whose own splendor has swallowed up all other splendor, protect us — dispelling the fear of the world with His roar.

Verse 35 (bhagavata.6.8.35)

मघवन्निदमाख्यातं वर्म नारायणात्मकम् । विजेष्यसेऽञ्जसा येन दंशितोऽसुरयूथपान् ॥ 8.35 ॥

maghavann idam ākhyātaṁ varma nārāyaṇātmakam vijeṣyase ’ñjasā yena daṁśito ’sura-yūthapān

O Maghavan, this armor whose very self is Narayana has now been described to you; wearing it, you shall with ease conquer the leaders of the demon hosts.

Verse 36 (bhagavata.6.8.36)

एतद् धारयमाणस्तु यं यं पश्यति चक्षुषा । पदा वा संस्पृशेत् सद्यः साध्वसात् स विमुच्यते ॥ 8.36 ॥

etad dhārayamāṇas tu yaṁ yaṁ paśyati cakṣuṣā padā vā saṁspṛśet sadyaḥ sādhvasāt sa vimucyate

Whoever wears this armor — whomever he looks upon with his eyes, or touches with his foot — that person is instantly freed from all fear.

Verse 37 (bhagavata.6.8.37)

न कुतश्चिद्भयं तस्य विद्यां धारयतो भवेत् । राजदस्युग्रहादिभ्यो व्याध्यादिभ्यश्च कर्हिचित् ॥ 8.37 ॥

na kutaścid bhayaṁ tasya vidyāṁ dhārayato bhavet rāja-dasyu-grahādibhyo vyādhy-ādibhyaś ca karhicit

One who holds this sacred knowledge never has fear from any source whatsoever — neither from kings, from thieves, from malevolent planets, nor at any time from disease and the like.

Verse 38 (bhagavata.6.8.38)

इमां विद्यां पुरा कश्चित्कौशिको धारयन् द्विजः । योगधारणया स्वाङ्गं जहौ स मरुधन्वनि ॥ 8.38 ॥

imāṁ vidyāṁ purā kaścit kauśiko dhārayan dvijaḥ yoga-dhāraṇayā svāṅgaṁ jahau sa maru-dhanvani

Long ago, a certain brahmana of the Kaushika lineage, holding this sacred knowledge, gave up his own body through the power of yoga in a desert wilderness.

Verse 39 (bhagavata.6.8.39)

तस्योपरि विमानेन गन्धर्वपतिरेकदा । ययौ चित्ररथः स्त्रीभिर्वृतो यत्र द्विजक्षयः ॥ 8.39 ॥

tasyopari vimānena gandharva-patir ekadā yayau citrarathaḥ strībhir vṛto yatra dvija-kṣayaḥ

One day, over the very spot where that brahmana's body lay, Chitraratha, king of the Gandharvas, surrounded by women, happened to pass by in his aerial chariot.

Verse 40 (bhagavata.6.8.40)

गगनान्न्यपतत् सद्यः सविमानो ह्यवाक् शिराः । स वालिखिल्यवचनादस्थीन्यादाय विस्मितः । प्रास्य प्राचीसरस्वत्यां स्नात्वा धाम स्वमन्वगात् ॥ 8.40 ॥

gaganān nyapatat sadyaḥ savimāno hy avāk-śirāḥ sa vālikhilya-vacanād asthīny ādāya vismitaḥ prāsya prācī-sarasvatyāṁ snātvā dhāma svam anvagāt

At once he fell headlong from the sky, chariot and all; astonished, he then, on the instruction of the Valikhilya sages, gathered up the brahmana's bones, cast them into the eastward-flowing Sarasvati, bathed there, and only then returned to his own abode.

Verse 41 (bhagavata.6.8.41)

श्रीशुक उवाच य इदं शृणुयात्काले यो धारयति चादृतः । तं नमस्यन्ति भूतानि मुच्यते सर्वतो भयात् ॥ 8.41 ॥

śrī-śuka uvāca ya idaṁ śṛṇuyāt kāle yo dhārayati cādṛtaḥ taṁ namasyanti bhūtāni mucyate sarvato bhayāt

Sri Shuka said: Whoever hears this armor at the proper time, or holds it with reverence, is honored by all beings and freed from every kind of fear.

Verse 42 (bhagavata.6.8.42)

एतां विद्यामधिगतो विश्वरूपाच्छतक्रतुः । त्रैलोक्यलक्ष्मीं बुभुजे विनिर्जित्य मृधेऽसुरान् ॥ 8.42 ॥

etāṁ vidyām adhigato viśvarūpāc chatakratuḥ trailokya-lakṣmīṁ bubhuje vinirjitya mṛdhe ’surān

Having received this sacred knowledge from Vishvarupa, Indra of the hundred sacrifices conquered the demons in battle and thereafter enjoyed the prosperity of the three worlds.