Lord Narasimha Slays the King of the Demons

Verse 1 (bhagavata.7.8.1)

श्रीनारद उवाच अथ दैत्यसुताः सर्वे श्रुत्वा तदनुवर्णितम् । जगृहुर्निरवद्यत्वान्नैव गुर्वनुशिक्षितम् ॥ १ ॥

śrī-nārada uvāca atha daitya-sutāḥ sarve śrutvā tad-anuvarṇitam jagṛhur niravadyatvān naiva gurv-anuśikṣitam

Narada said: Then, having heard what Prahlada had thus described, all the sons of the demons accepted it because of its very faultlessness — not the teaching given by their tutor.

Verse 2 (bhagavata.7.8.2)

अथाचार्यसुतस्तेषां बुद्धिमेकान्तसंस्थिताम् । आलक्ष्य भीतस्त्वरितो राज्ञ आवेदयद्यथा ॥ २ ॥

athācārya-sutas teṣāṁ buddhim ekānta-saṁsthitām ālakṣya bhītas tvarito rājña āvedayad yathā

Then the son of the family priest, seeing that the boys' minds had become fixed exclusively on this devotion, grew afraid and hastened to report the matter to the king exactly as it stood.

Verse 3 (bhagavata.7.8.3)

कोपावेशचलद्गात्रः पुत्रं हन्तुं मनो दधे । क्षिप्त्वा परुषया वाचा प्रह्रादमतदर्हणम् । आहेक्षमाणः पापेन तिरश्चीनेन चक्षुषा ॥ ३ ॥

kopāveśa-calad-gātraḥ putraṁ hantuṁ mano dadhe kṣiptvā paruṣayā vācā prahrādam atad-arhaṇam āhekṣamāṇaḥ pāpena tiraścīnena cakṣuṣā

His limbs trembling with the surge of anger, Hiranyakashipu resolved in his mind to kill his own son; hurling harsh words at Prahlada, undeserved as they were, and glaring with a wicked, sidelong glance, he spoke.

Verse 4 (bhagavata.7.8.4)

प्रश्रयावनतं दान्तं बद्धाञ्जलिमवस्थितम् । सर्पः पदाहत इव श्वसन्प्रकृतिदारुणः ॥ ४ ॥

praśrayāvanataṁ dāntaṁ baddhāñjalim avasthitam sarpaḥ padāhata iva śvasan prakṛti-dāruṇaḥ

Prahlada stood there humbly bowed, self-controlled, his hands folded — while Hiranyakashipu, cruel by nature, hissed like a snake trodden underfoot.

Verse 5 (bhagavata.7.8.5)

श्रीहिरण्यकशिपुरुवाच हे दुर्विनीत मन्दात्मन्कुलभेदकराधम । स्तब्धं मच्छासनोद्वृत्तं नेष्ये त्वाद्य यमक्षयम् ॥ ५ ॥

śrī-hiraṇyakaśipur uvāca he durvinīta mandātman kula-bheda-karādhama stabdhaṁ mac-chāsanodvṛttaṁ neṣye tvādya yama-kṣayam

Hiranyakashipu said: O ill-mannered, dull-witted one, vilest destroyer of the family — obstinate one who has defied my rule — today I shall send you to the abode of Yama.

Verse 6 (bhagavata.7.8.6)

क्रुद्धस्य यस्य कम्पन्ते त्रयो लोकाः सहेश्वराः । तस्य मेऽभीतवन्मूढ शासनं किं बलोऽत्यगाः ॥ ६ ॥

kruddhasya yasya kampante trayo lokāḥ saheśvarāḥ tasya me ’bhītavan mūḍha śāsanaṁ kiṁ balo ’tyagāḥ

O fool, when I am angered the three worlds tremble along with their very rulers — by whose strength have you, so fearless, dared to overstep my command?

Verse 7 (bhagavata.7.8.7)

श्रीप्रह्राद उवाच न केवलं मे भवतश्च राजन् स वै बलं बलिनां चापरेषाम् । परेऽवरेऽमी स्थिरजङ्गमा ये ब्रह्मादयो येन वशं प्रणीताः ॥ ७ ॥

śrī-prahrāda uvāca na kevalaṁ me bhavataś ca rājan sa vai balaṁ balināṁ cāpareṣām pare ’vare ’mī sthira-jaṅgamā ye brahmādayo yena vaśaṁ praṇītāḥ

Prahlada said: O King, that strength is not mine alone, nor yours — it is the very strength of all the powerful, and of everyone else besides. All beings, moving and unmoving, high and low, even Brahma himself, are brought under the control of that one strength.

Verse 8 (bhagavata.7.8.8)

स ईश्वरः काल उरुक्रमोऽसा- वोजः सहः सत्त्वबलेन्द्रियात्मा । स एव विश्वं परमः स्वशक्तिभिः सृजत्यवत्यत्ति गुणत्रयेशः ॥ ८ ॥

sa īśvaraḥ kāla urukramo ’sāv ojaḥ sahaḥ sattva-balendriyātmā sa eva viśvaṁ paramaḥ sva-śaktibhiḥ sṛjaty avaty atti guṇa-trayeśaḥ

He is the Supreme Controller, time itself, the one of vast, unfathomable strides; He is vigor, endurance, and the very self of being, of strength, and of the senses. He alone, the Supreme, master of the three modes, creates, sustains and devours this universe by His own powers.

Verse 9 (bhagavata.7.8.9)

जह्यासुरं भावमिमं त्वमात्मनः समं मनो धत्स्व न सन्ति विद्विषः । ऋतेऽजितादात्मन उत्पथे स्थितात् तद्धि ह्यनन्तस्य महत्समर्हणम् ॥ ९ ॥

jahy āsuraṁ bhāvam imaṁ tvam ātmanaḥ samaṁ mano dhatsva na santi vidviṣaḥ ṛte ’jitād ātmana utpathe sthitāt tad dhi hy anantasya mahat samarhaṇam

Please give up this demoniac nature of yours, and hold your mind equal toward all — there is no enemy anywhere except one's own uncontrolled mind gone astray. That very equanimity is itself the great worship offered to the Infinite Lord.

Verse 10 (bhagavata.7.8.10)

दस्यून्पुरा षण् न विजित्य लुम्पतो मन्यन्त एके स्वजिता दिशो दश । जितात्मनो ज्ञस्य समस्य देहिनां साधोः स्वमोहप्रभवाः कुतः परे ॥ १० ॥

dasyūn purā ṣaṇ na vijitya lumpato manyanta eke sva-jitā diśo daśa jitātmano jñasya samasya dehināṁ sādhoḥ sva-moha-prabhavāḥ kutaḥ pare

In ancient times some, without ever conquering those six thieves that plunder the self, yet plundering others, imagined they had conquered all ten directions. But for one who has mastered his own mind, who is wise, equal-eyed toward all beings and virtuous, where do "enemies" even come from — are they not born of one's own delusion alone?

Verse 11 (bhagavata.7.8.11)

श्रीहिरण्यकशिपुरुवाच व्यक्तं त्वं मर्तुकामोऽसि योऽतिमात्रं विकत्थसे । मुमूर्षूणां हि मन्दात्मन् ननु स्युर्विक्लवा गिरः ॥ ११ ॥

śrī-hiraṇyakaśipur uvāca vyaktaṁ tvaṁ martu-kāmo ’si yo ’timātraṁ vikatthase mumūrṣūṇāṁ hi mandātman nanu syur viklavā giraḥ

Hiranyakashipu said: It is plain that you wish to die, boasting as excessively as you do. O dull-witted one — is it not true that the speech of those about to die grows incoherent, just like this?

Verse 12 (bhagavata.7.8.12)

यस्त्वया मन्दभाग्योक्तो मदन्यो जगदीश्वरः । क्वासौ यदि स सर्वत्र कस्मात् स्तम्भे न दृश्यते ॥ १२ ॥

yas tvayā manda-bhāgyokto mad-anyo jagad-īśvaraḥ kvāsau yadi sa sarvatra kasmāt stambhe na dṛśyate

O unfortunate one, that lord of the universe, other than me, of whom you speak — where is he? If he is truly everywhere, why then is he not seen in this pillar?

Verse 13 (bhagavata.7.8.13)

सोऽहं विकत्थमानस्य शिरः कायाद्धरामि ते । गोपायेत हरिस्त्वाद्य यस्ते शरणमीप्सितम् ॥ १३ ॥

so ’haṁ vikatthamānasya śiraḥ kāyād dharāmi te gopāyeta haris tvādya yas te śaraṇam īpsitam

Since you boast so much, I shall now sever your head from this body of yours. Let that Hari you so long for as your refuge protect you today, if he can!

Verse 14 (bhagavata.7.8.14)

एवं दुरुक्तैर्मुहुरर्दयन् रुषा सुतं महाभागवतं महासुरः । खड्गं प्रगृह्योत्पतितो वरासनात् स्तम्भं तताडातिबलः स्वमुष्टिना ॥ १४ ॥

evaṁ duruktair muhur ardayan ruṣā sutaṁ mahā-bhāgavataṁ mahāsuraḥ khaḍgaṁ pragṛhyotpatito varāsanāt stambhaṁ tatāḍātibalaḥ sva-muṣṭinā

Thus, in his fury, tormenting his own greatly devoted son again and again with harsh words, the great demon seized his sword, leaped up from his royal throne, and with tremendous force struck the pillar with his own fist.

Verse 15 (bhagavata.7.8.15)

तदैव तस्मिन्निनदोऽतिभीषणो बभूव येनाण्डकटाहमस्फुटत् । यं वै स्वधिष्ण्योपगतं त्वजादयः श्रुत्वा स्वधामात्ययमङ्ग मेनिरे ॥ १५ ॥

tadaiva tasmin ninado ’tibhīṣaṇo babhūva yenāṇḍa-kaṭāham asphuṭat yaṁ vai sva-dhiṣṇyopagataṁ tv ajādayaḥ śrutvā sva-dhāmātyayam aṅga menire

At that very instant a most terrifying sound arose from within the pillar, so that the shell of the universe itself seemed to crack; hearing it reach even their own abodes, Brahma and the other demigods thought their own realms were being destroyed.

Verse 16 (bhagavata.7.8.16)

स विक्रमन् पुत्रवधेप्सुरोजसा निशम्य निर्ह्रादमपूर्वमद्भुतम् । अन्तःसभायां न ददर्श तत्पदं वितत्रसुर्येन सुरारियूथपाः ॥ १६ ॥

sa vikraman putra-vadhepsur ojasā niśamya nirhrādam apūrvam adbhutam antaḥ-sabhāyāṁ na dadarśa tat-padaṁ vitatrasur yena surāri-yūtha-pāḥ

Advancing with force, eager to kill his own son, Hiranyakashipu heard that unprecedented and wondrous roar; yet within the assembly hall he could not find its source — that very sound by which even the demon chiefs, the enemies of the gods, were struck with terror.

Verse 17 (bhagavata.7.8.17)

सत्यं विधातुं निजभृत्यभाषितं व्याप्तिं च भूतेष्वखिलेषु चात्मनः । अदृश्यतात्यद्भुतरूपमुद्वहन् स्तम्भे सभायां न मृगं न मानुषम् ॥ १७ ॥

satyaṁ vidhātuṁ nija-bhṛtya-bhāṣitaṁ vyāptiṁ ca bhūteṣv akhileṣu cātmanaḥ adṛśyatātyadbhuta-rūpam udvahan stambhe sabhāyāṁ na mṛgaṁ na mānuṣam

To prove true the words spoken by His own servant, and to demonstrate His own presence within every being, He appeared there in the assembly, from within that very pillar, bearing a most wondrous form — neither beast nor man.

Verse 18 (bhagavata.7.8.18)

स सत्त्वमेनं परितो विपश्यन् स्तम्भस्य मध्यादनुनिर्जिहानम् । नायं मृगो नापि नरो विचित्र- महो किमेतन्नृमृगेन्द्ररूपम् ॥ १८ ॥

sa sattvam enaṁ parito vipaśyan stambhasya madhyād anunirjihānam nāyaṁ mṛgo nāpi naro vicitram aho kim etan nṛ-mṛgendra-rūpam

Looking all around at that being emerging from the very middle of the pillar, Hiranyakashipu wondered: "This is neither beast nor man — how strange! What is this form, half man and half lion?"

Verse 19 (bhagavata.7.8.19)

मीमांसमानस्य समुत्थितोऽग्रतो । नृसिंहरूपस्तदलं भयानकम् ॥ १९ ॥

mīmāṁsamānasya samutthito 'grato nṛsiṁha-rūpas tad alaṁ bhayānakam

As he was still pondering this very thought, that intensely fearsome Nrisimha form rose up directly before him.

Verse 20 (bhagavata.7.8.20)

प्रतप्तचामीकरचण्डलोचनं स्फुरत्सटाकेशरजृम्भिताननम् । करालदंष्ट्रं करवालचञ्चल क्षुरान्तजिह्वं भ्रुकुटीमुखोल्बणम् ॥ २० ॥

pratapta-cāmīkara-caṇḍa-locanaṁ sphurat saṭā-keśara-jṛmbhitānanam karāla-daṁṣṭraṁ karavāla-cañcala- kṣurānta-jihvaṁ bhrukuṭī-mukholbaṇam

Its eyes blazed like molten gold; its face, framed by a shimmering, restless mane, seemed to swell outward; its teeth were terrible, its tongue flickered like the edge of a sword, and its knitted brows made the whole face more dreadful still.

Verse 21 (bhagavata.7.8.21)

स्तब्धोर्ध्वकर्णं गिरिकन्दराद्भुत- व्यात्तास्यनासं हनुभेदभीषणम् । दिविस्पृशत्कायमदीर्घपीवर- ग्रीवोरुवक्षःस्थलमल्पमध्यमम् ॥ २१ ॥

stabdhordhva-karṇaṁ giri-kandarādbhuta- vyāttāsya-nāsaṁ hanu-bheda-bhīṣaṇam divi-spṛśat kāyam adīrgha-pīvara- grīvoru-vakṣaḥ-sthalam alpa-madhyamam

Its ears stood erect and rigid; its gaping mouth and nostrils were as wondrous as a mountain cave; its parted jaws were terrifying. Its body touched the sky; its neck was short and thick, its chest broad, its waist slender.

Verse 22 (bhagavata.7.8.22)

चन्द्रांशुगौरैश्छुरितं तनूरुहै- र्विष्वग्भुजानीकशतं नखायुधम् । दुरासदं सर्वनिजेतरायुध- प्रवेकविद्रावितदैत्यदानवम् ॥ २२ ॥

candrāṁśu-gauraiś churitaṁ tanūruhair viṣvag bhujānīka-śataṁ nakhāyudham durāsadaṁ sarva-nijetarāyudha- praveka-vidrāvita-daitya-dānavam

Its body-hair was pale as moonbeams; its hundred arms, like ranks of soldiers, spread out in every direction, armed with claws; unapproachable, it scattered the daityas and danavas with the foremost of every weapon, its own and others' alike.

Verse 23 (bhagavata.7.8.23)

प्रायेण मेऽयं हरिणोरुमायिना वधः स्मृतोऽनेन समुद्यतेन किम् । एवं ब्रुवंस्त्वभ्यपतद् गदायुधो नदन् नृसिंहं प्रति दैत्यकुञ्जरः ॥ २३ ॥

prāyeṇa me ’yaṁ hariṇorumāyinā vadhaḥ smṛto ’nena samudyatena kim evaṁ bruvaṁs tv abhyapatad gadāyudho nadan nṛsiṁhaṁ prati daitya-kuñjaraḥ

"This is surely a scheme for my death, devised by Hari of vast illusory power — but what will this effort of his accomplish?" So saying, that elephant among demons, roaring, charged at Nrisimha, club raised high.

Verse 24 (bhagavata.7.8.24)

अलक्षितोऽग्नौ पतितः पतङ्गमो यथा नृसिंहौजसि सोऽसुरस्तदा । न तद्विचित्रं खलु सत्त्वधामनि स्वतेजसा यो नु पुरापिबत् तमः ॥ २४ ॥

alakṣito ’gnau patitaḥ pataṅgamo yathā nṛsiṁhaujasi so ’suras tadā na tad vicitraṁ khalu sattva-dhāmani sva-tejasā yo nu purāpibat tamaḥ

Just as a moth vanishes the moment it falls into fire, so that demon then disappeared within the effulgence of Nrisimha — nor is this any wonder, for He is the very abode of pure goodness, He who long ago swallowed up darkness itself with His own radiance.

Verse 25 (bhagavata.7.8.25)

ततोऽभिपद्याभ्यहनन्महासुरो रुषा नृसिंहं गदयोरुवेगया । तं विक्रमन्तं सगदं गदाधरो महोरगं तार्क्ष्यसुतो यथाग्रहीत् ॥ २५ ॥

tato ’bhipadyābhyahanan mahāsuro ruṣā nṛsiṁhaṁ gadayoruvegayā taṁ vikramantaṁ sagadaṁ gadādharo mahoragaṁ tārkṣya-suto yathāgrahīt

Then the great demon, drawing near in fury, began striking at Nrisimha with his club at tremendous speed; but the wielder of the mace seized him, club and all, exactly as Garuda, son of Tarkshya, would seize a great serpent.

Verse 26 (bhagavata.7.8.26)

स तस्य हस्तोत्कलितस्तदासुरो विक्रीडतो यद्वदहिर्गरुत्मतः । असाध्वमन्यन्त हृतौकसोऽमरा घनच्छदा भारत सर्वधिष्ण्यपाः ॥ २६ ॥

sa tasya hastotkalitas tadāsuro vikrīḍato yadvad ahir garutmataḥ asādhv amanyanta hṛtaukaso ’marā ghana-cchadā bhārata sarva-dhiṣṇya-pāḥ

O descendant of Bharata, when the demon slipped from His hand — just as a serpent sometimes slips free from Garuda at play — the demigods, who had lost their abodes and lay hidden behind the clouds on every side, thought this no good sign at all.

Verse 27 (bhagavata.7.8.27)

तं मन्यमानो निजवीर्यशङ्कितं यद्धस्तमुक्तो नृहरिं महासुरः । पुनस्तमासज्जत खड्गचर्मणी प्रगृह्य वेगेन गतश्रमो मृधे ॥ २७ ॥

taṁ manyamāno nija-vīrya-śaṅkitaṁ yad dhasta-mukto nṛhariṁ mahāsuraḥ punas tam āsajjata khaḍga-carmaṇī pragṛhya vegena gata-śramo mṛdhe

Imagining, because he had slipped free from His hand, that Nrihari now feared his own prowess, the great demon, his battle-weariness spent, again seized his sword and shield and charged at Him with great speed.

Verse 28 (bhagavata.7.8.28)

तं श्येनवेगं शतचन्द्रवर्त्मभि श्चरन्तमच्छिद्रमुपर्यधो हरिः । कृत्वाट्टहासं खरमुत्स्वनोल्बणं निमीलिताक्षं जगृहे महाजवः ॥ २८ ॥

taṁ śyena-vegaṁ śata-candra-vartmabhiś carantam acchidram upary-adho hariḥ kṛtvāṭṭa-hāsaṁ kharam utsvanolbaṇaṁ nimīlitākṣaṁ jagṛhe mahā-javaḥ

Moving with the speed of a hawk, wheeling his shield marked with a hundred moons above and below without leaving any gap, that demon was seized — his eyes closed — by Hari of tremendous speed, who first let out a harsh and thunderous burst of laughter.

Verse 29 (bhagavata.7.8.29)

विष्वक्स्फुरन्तं ग्रहणातुरं हरि- र्व्यालो यथाखुं कुलिशाक्षतत्वचम् । द्वार्यूरुमापत्य ददार लीलया नखैर्यथाहिं गरुडो महाविषम् ॥ २९ ॥

viṣvak sphurantaṁ grahaṇāturaṁ harir vyālo yathākhuṁ kuliśākṣata-tvacam dvāry ūrum āpatya dadāra līlayā nakhair yathāhiṁ garuḍo mahā-viṣam

As a snake seizes a mouse, so Hari seized that demon — writhing on every side, distressed at being caught, his skin unpierced even by Indra's own thunderbolt. Falling upon him at the doorway and setting him upon His thighs, the Lord tore him apart with His nails as effortlessly as Garuda tears apart a mighty venomous serpent.

Verse 30 (bhagavata.7.8.30)

संरम्भदुष्प्रेक्ष्यकराललोचनो व्यात्ताननान्तं विलिहन्स्वजिह्वया । असृग्लवाक्तारुणकेशराननो यथान्त्रमाली द्विपहत्यया हरिः ॥ ३० ॥

saṁrambha-duṣprekṣya-karāla-locano vyāttānanāntaṁ vilihan sva-jihvayā asṛg-lavāktāruṇa-keśarānano yathāntra-mālī dvipa-hatyayā hariḥ

His eyes fierce and terrible, unbearable to look upon in His fury, licking the corners of His own gaping mouth with His tongue, His mane and face reddened and flecked with drops of blood, garlanded with the demon's own entrails, Hari appeared like a lion just returned from killing an elephant.

Verse 31 (bhagavata.7.8.31)

नखाङ्कुरोत्पाटितहृत्सरोरुहं विसृज्य तस्यानुचरानुदायुधान् । अहन् समस्तान्नखशस्त्रपाणिभि- र्दोर्दण्डयूथोऽनुपथान् सहस्रशः ॥ ३१ ॥

nakhāṅkurotpāṭita-hṛt-saroruhaṁ visṛjya tasyānucarān udāyudhān ahan samastān nakha-śastra-pāṇibhir dordaṇḍa-yūtho ’nupathān sahasraśaḥ

Having torn out the lotus of the demon's heart with the tips of His nails and cast the body aside, the Lord, His countless mighty arms His army, went on to slay by the thousand every armed follower of the demon who stood in His path, using His nails alone as weapons.

Verse 32 (bhagavata.7.8.32)

सटावधूता जलदाः परापतन् ग्रहाश्च तद् दृष्टिविमुष्टरोचिषः । अम्भोधयः श्वासहता विचुक्षुभु- र्निर्ह्रादभीता दिगिभा विचुक्रुशुः ॥ ३२ ॥

saṭāvadhūtā jaladāḥ parāpatan grahāś ca tad-dṛṣṭi-vimuṣṭa-rociṣaḥ ambhodhayaḥ śvāsa-hatā vicukṣubhur nirhrāda-bhītā digibhā vicukruśuḥ

Clouds, shaken by His mane, scattered and fled; the planets lost their brilliance, stolen away by His gaze; the oceans, struck by His breath, were thrown into turmoil; and the elephants that guard the directions cried out in terror at His roar.

Verse 33 (bhagavata.7.8.33)

द्यौस्तत्सटोत्क्षिप्तविमानसङ्कुला प्रोत्सर्पत क्ष्मा च पदाभिपीडिता । शैलाः समुत्पेतुरमुष्य रंहसा तत्तेजसा खं ककुभो न रेजिरे ॥ ३३ ॥

dyaus tat-saṭotkṣipta-vimāna-saṅkulā protsarpata kṣmā ca padābhipīḍitā śailāḥ samutpetur amuṣya raṁhasā tat-tejasā khaṁ kakubho na rejire

The sky filled with airplanes hurled up by His mane; the earth, pressed beneath His feet, seemed to slip from its place; the mountains sprang up from the force of His stride; and the sky and all directions lost their natural luster before His effulgence.

Verse 34 (bhagavata.7.8.34)

ततः सभायामुपविष्टमुत्तमे नृपासने सम्भृततेजसं विभुम् । अलक्षितद्वैरथमत्यमर्षणं प्रचण्डवक्त्रं न बभाज कश्चन ॥ ३४ ॥

tataḥ sabhāyām upaviṣṭam uttame nṛpāsane sambhṛta-tejasaṁ vibhum alakṣita-dvairatham atyamarṣaṇaṁ pracaṇḍa-vaktraṁ na babhāja kaścana

Then that all-powerful Lord, effulgence still gathered about Him, sat down upon the finest royal throne in the assembly hall — yet finding no rival, He remained fiercely angry, His countenance terrible, so that no one there dared come near Him.

Verse 35 (bhagavata.7.8.35)

निशाम्य लोकत्रयमस्तकज्वरं तमादिदैत्यं हरिणा हतं मृधे । प्रहर्षवेगोत्कलितानना मुहुः प्रसूनवर्षैर्ववृषुः सुरस्त्रियः ॥ ३५ ॥

niśāmya loka-traya-mastaka-jvaraṁ tam ādi-daityaṁ hariṇā hataṁ mṛdhe praharṣa-vegotkalitānanā muhuḥ prasūna-varṣair vavṛṣuḥ sura-striyaḥ

Seeing that primordial demon — who had lain like a burning fever in the head of all three worlds — slain in battle by Hari, the wives of the demigods, their faces blossoming again and again with the rush of their joy, rained down flowers upon Him.

Verse 36 (bhagavata.7.8.36)

तदा विमानावलिभिर्नभस्तलं दिदृक्षतां सङ्कुलमास नाकिनाम् । सुरानका दुन्दुभयोऽथ जघ्निरे गन्धर्वमुख्या ननृतुर्जगुः स्त्रियः ॥ ३६ ॥

tadā vimānāvalibhir nabhastalaṁ didṛkṣatāṁ saṅkulam āsa nākinām surānakā dundubhayo ’tha jaghnire gandharva-mukhyā nanṛtur jaguḥ striyaḥ

Then the sky grew crowded with row upon row of the demigods' airplanes, for all of them longed to see the scene; the demigods' drums and kettledrums rang out, the chief Gandharvas danced, and the celestial women sang.

Verse 37 (bhagavata.7.8.37)

तत्रोपव्रज्य विबुधा ब्रह्मेन्द्रगिरिशादयः । ऋषयः पितरः सिद्धा विद्याधरमहोरगाः ॥ ३७ ॥

tatropavrajya vibudhā brahmendra-giriśādayaḥ ṛṣayaḥ pitaraḥ siddhā vidyādhara-mahoragāḥ

Then the demigods, headed by Brahma, Indra and Shiva, drew near — together with the great sages, the Pitris, the Siddhas, the Vidyadharas and the great serpents.

Verse 38 (bhagavata.7.8.38)

मनवः प्रजानां पतयो गन्धर्वाप्सरचारणाः । यक्षाः किम्पुरुषास्तात वेतालाः सहकिन्नराः ॥ ३८ ॥

manavaḥ prajānāṁ patayo gandharvāpsara-cāraṇāḥ yakṣāḥ kimpuruṣās tāta vetālāḥ saha-kinnarāḥ

The Manus, the lords of created beings, the Gandharvas, Apsaras and Charanas, the Yakshas and Kimpurushas, O dear one, and the Vetalas together with the Kinnaras —

Verse 39 (bhagavata.7.8.39)

ते विष्णुपार्षदाः सर्वे सुनन्दकुमुदादयः । मूर्ध्नि बद्धाञ्जलिपुटा आसीनं तीव्रतेजसम् । ईडिरे नरशार्दुलं नातिदूरचराः पृथक् ॥ ३९ ॥

te viṣṇu-pārṣadāḥ sarve sunanda-kumudādayaḥ mūrdhni baddhāñjali-puṭā āsīnaṁ tīvra-tejasam īḍire nara-śārdulaṁ nātidūracarāḥ pṛthak

— together with all of Vishnu's own attendants, headed by Sunanda and Kumuda, stood not far off, and each of them, hands joined and raised to the head, offered praise to that supremely radiant tiger among men.

Verse 40 (bhagavata.7.8.40)

श्रीब्रह्मोवाच नतोऽस्म्यनन्ताय दुरन्तशक्तये विचित्रवीर्याय पवित्रकर्मणे । विश्वस्य सर्गस्थितिसंयमान् गुणैः स्वलीलया सन्दधतेऽव्ययात्मने ॥ ४० ॥

śrī-brahmovāca nato ’smy anantāya duranta-śaktaye vicitra-vīryāya pavitra-karmaṇe viśvasya sarga-sthiti-saṁyamān guṇaiḥ sva-līlayā sandadhate ’vyayātmane

Brahma said: I bow to the Infinite One, of unfathomable power, of wondrous strength, whose every deed is ever pure — who, through the modes of nature and by His own mere play, brings about the creation, maintenance and dissolution of the universe, while His own self remains forever unchanging.

Verse 41 (bhagavata.7.8.41)

श्रीरुद्र उवाच कोपकालो युगान्तस्ते हतोऽयमसुरोऽल्पकः । तत्सुतं पाह्युपसृतं भक्तं ते भक्तवत्सल ॥ ४१ ॥

śrī-rudra uvāca kopa-kālo yugāntas te hato ’yam asuro ’lpakaḥ tat-sutaṁ pāhy upasṛtaṁ bhaktaṁ te bhakta-vatsala

Rudra said: The true time for Your wrath is the end of an age; this demon You have just slain is a trifling thing beside it. Now, O Lord so tender toward Your devotees, protect his son, who has come to You as Your own surrendered devotee.

Verse 42 (bhagavata.7.8.42)

श्रीइन्द्र उवाच प्रत्यानीताः परम भवता त्रायता नः स्वभागा दैत्याक्रान्तं हृदयकमलं तद्गृहं प्रत्यबोधि । कालग्रस्तं कियदिदमहो नाथ शुश्रूषतां ते मुक्तिस्तेषां न हि बहुमता नारसिंहापरैः किम् ॥ ४२ ॥

śrī-indra uvāca pratyānītāḥ parama bhavatā trāyatā naḥ sva-bhāgā daityākrāntaṁ hṛdaya-kamalaṁ tad-gṛhaṁ pratyabodhi kāla-grastaṁ kiyad idam aho nātha śuśrūṣatāṁ te muktis teṣāṁ na hi bahumatā nārasiṁhāparaiḥ kim

Indra said: O Supreme Lord, protecting us, You have won back our own shares of sacrifice; the lotus of our hearts, Your own dwelling place, so long overrun by the demon, has awakened once more. O Lord, how small a thing is even time's grasp for those who serve You — O Narasimha, for them not even liberation is greatly prized, what then of anything less!

Verse 43 (bhagavata.7.8.43)

श्रीऋषय ऊचुः त्वं नस्तपः परममात्थ यदात्मतेजो येनेदमादिपुरुषात्मगतं ससर्क्थ । तद्विप्रलुप्तममुनाद्य शरण्यपाल रक्षागृहीतवपुषा पुनरन्वमंस्थाः ॥ ४३ ॥

śrī-ṛṣaya ūcuḥ tvaṁ nas tapaḥ paramam āttha yad ātma-tejo yenedam ādi-puruṣātma-gataṁ sasarktha tad vipraluptam amunādya śaraṇya-pāla rakṣā-gṛhīta-vapuṣā punar anvamaṁsthāḥ

The sages said: It was You who once taught us that austerity is our supreme spiritual power, that very power by which You, O Original Person, brought forth this creation lying dormant within Yourself. That austerity, disrupted today by this demon, You have now, O protector of those who seek shelter, sanctioned once more by taking up this protecting form.

Verse 44 (bhagavata.7.8.44)

श्रीपितर ऊचुः श्राद्धानि नोऽधिबुभुजे प्रसभं तनूजै- र्दत्तानि तीर्थसमयेऽप्यपिबत्तिलाम्बु । तस्योदरान्नखविदीर्णवपाद्य आर्च्छत् तस्मै नमो नृहरयेऽखिलधर्मगोप्त्रे ॥ ४४ ॥

śrī-pitara ūcuḥ śrāddhāni no ’dhibubhuje prasabhaṁ tanūjair dattāni tīrtha-samaye ’py apibat tilāmbu tasyodarān nakha-vidīrṇa-vapād ya ārcchat tasmai namo nṛharaye ’khila-dharma-goptre

The Pitris said: He who forcibly seized the shraddha offerings given by our own sons and grandsons, and even drank the sesame-water offered at holy places — his belly has now been torn open by Your nails. Our obeisances to You, Narahari, protector of all dharma.

Verse 45 (bhagavata.7.8.45)

श्रीसिद्धा ऊचुः यो नो गतिं योगसिद्धामसाधु- रहार्षीद् योगतपोबलेन । नाना दर्पं तं नखैर्विददार तस्मै तुभ्यं प्रणताः स्मो नृसिंह ॥ ४५ ॥

śrī-siddhā ūcuḥ yo no gatiṁ yoga-siddhām asādhur ahārṣīd yoga-tapo-balena nānā darpaṁ taṁ nakhair vidadāra tasmai tubhyaṁ praṇatāḥ smo nṛsiṁha

The Siddhas said: That wicked one, swollen with manifold pride, seized by the strength of his own yoga and austerity our natural power of movement attained through mystic perfection — him You have torn apart with Your nails. To You, O Nrisimha, our obeisance.

Verse 46 (bhagavata.7.8.46)

श्रीविद्याधरा ऊचुः विद्यां पृथग्धारणयानुराद्धां न्यषेधदज्ञो बलवीर्यदृप्तः । स येन सङ्ख्ये पशुवद्धतस्तं मायानृसिंहं प्रणताः स्म नित्यम् ॥ ४६ ॥

śrī-vidyādharā ūcuḥ vidyāṁ pṛthag dhāraṇayānurāddhāṁ nyaṣedhad ajño bala-vīrya-dṛptaḥ sa yena saṅkhye paśuvad dhatas taṁ māyā-nṛsiṁhaṁ praṇatāḥ sma nityam

The Vidyadharas said: That fool, made proud by his own strength and valor, forbade us the mystic power we had won through our own varied disciplines. To that wondrous form of Nrisimha, who has now slain him in battle like a mere beast, we bow eternally.

Verse 47 (bhagavata.7.8.47)

श्रीनागा ऊचुः येन पापेन रत्नानि स्त्रीरत्नानि हृतानि नः । तद्वक्षःपाटनेनासां दत्तानन्द नमोऽस्तु ते ॥ ४७ ॥

śrī-nāgā ūcuḥ yena pāpena ratnāni strī-ratnāni hṛtāni naḥ tad-vakṣaḥ-pāṭanenāsāṁ dattānanda namo ’stu te

The Nagas said: That sinful one who stole away our jewels, and our jewel-like women besides, has had his chest torn open by You, and joy restored to them once more. Our obeisances be to You.

Verse 48 (bhagavata.7.8.48)

श्रीमनव ऊचुः मनवो वयं तव निदेशकारिणो दितिजेन देव परिभूतसेतवः । भवता खलः स उपसंहृतः प्रभो करवाम ते किमनुशाधि किङ्करान् ॥ ४८ ॥

śrī-manava ūcuḥ manavo vayaṁ tava nideśa-kāriṇo ditijena deva paribhūta-setavaḥ bhavatā khalaḥ sa upasaṁhṛtaḥ prabho karavāma te kim anuśādhi kiṅkarān

The Manus said: O Lord, we, the Manus, are the executors of Your own command, yet the son of Diti overturned our order and boundaries. That villain has now been destroyed by You, O Lord — command us, Your servants, as to what we should do.

Verse 49 (bhagavata.7.8.49)

श्रीप्रजापतय ऊचुः प्रजेशा वयं ते परेशाभिसृष्टा न येन प्रजा वै सृजामो निषिद्धाः । स एष त्वया भिन्नवक्षा नु शेते जगन्मङ्गलं सत्त्वमूर्तेऽवतारः ॥ ४९ ॥

śrī-prajāpataya ūcuḥ prajeśā vayaṁ te pareśābhisṛṣṭā na yena prajā vai sṛjāmo niṣiddhāḥ sa eṣa tvayā bhinna-vakṣā nu śete jagan-maṅgalaṁ sattva-mūrte ’vatāraḥ

The Prajapatis said: O Supreme Lord, we, the lords of creation, were brought forth by You alone, yet he even forbade us to bring forth new progeny. Now he lies here, his chest torn open by You — to this incarnation, taken in pure goodness for the welfare of the whole universe, our obeisance.

Verse 50 (bhagavata.7.8.50)

श्रीगन्धर्वा ऊचुः वयं विभो ते नटनाट्यगायका येनात्मसाद्वीर्यबलौजसा कृताः । स एष नीतो भवता दशामिमां किमुत्पथस्थः कुशलाय कल्पते ॥ ५० ॥

śrī-gandharvā ūcuḥ vayaṁ vibho te naṭa-nāṭya-gāyakā yenātmasād vīrya-balaujasā kṛtāḥ sa eṣa nīto bhavatā daśām imāṁ kim utpathasthaḥ kuśalāya kalpate

The Gandharvas said: O Almighty, we are Your own dancers, players and singers, whom he had brought under his sway by the force of his strength and valor. You have now reduced him to this state — how, indeed, could one who had strayed so far from the true path ever come to good?

Verse 51 (bhagavata.7.8.51)

श्रीचारणा ऊचुः हरे तवाङ्घ्रिपङ्कजं भवापवर्गमाश्रिताः । यदेष साधुहृच्छयस्त्वयासुरः समापितः ॥ ५१ ॥

śrī-cāraṇā ūcuḥ hare tavāṅghri-paṅkajaṁ bhavāpavargam āśritāḥ yad eṣa sādhu-hṛc-chayas tvayāsuraḥ samāpitaḥ

The Charanas said: O Hari, we have taken shelter of those lotus feet of Yours that grant liberation from material bondage, since this demon, who lodged like a thorn in the hearts of the virtuous, has now been finished by You.

Verse 52 (bhagavata.7.8.52)

श्रीयक्षा ऊचुः वयमनुचरमुख्याः कर्मभिस्ते मनोज्ञै- स्त इह दितिसुतेन प्रापिता वाहकत्वम् । स तु जनपरितापं तत्कृतं जानता ते नरहर उपनीतः पञ्चतां पञ्चविंश ॥ ५२ ॥

śrī-yakṣā ūcuḥ vayam anucara-mukhyāḥ karmabhis te mano-jñais ta iha diti-sutena prāpitā vāhakatvam sa tu jana-paritāpaṁ tat-kṛtaṁ jānatā te narahara upanītaḥ pañcatāṁ pañca-viṁśa

The Yakshas said: O knower of the twenty-five principles, we are foremost among Your servants for the pleasing service we render You, yet that son of Diti forced us to carry his own palanquin. O Narahari, that villain who caused such suffering to all the people has now been dissolved by You back into the five elements.

Verse 53 (bhagavata.7.8.53)

श्रीकिम्पुरुषा ऊचुः वयं किम्पुरुषास्त्वं तु महापुरुष ईश्वरः । अयं कुपुरुषो नष्टो धिक्कृतः साधुभिर्यदा ॥ ५३ ॥

śrī-kimpuruṣā ūcuḥ vayaṁ kimpuruṣās tvaṁ tu mahā-puruṣa īśvaraḥ ayaṁ kupuruṣo naṣṭo dhik-kṛtaḥ sādhubhir yadā

The Kimpurushas said: We are but insignificant Kimpurushas, while You are the Supreme Person, the Lord Himself. This wicked man has now perished, since the virtuous had already condemned him.

Verse 54 (bhagavata.7.8.54)

श्रीवैतालिका ऊचुः सभासु सत्रेषु तवामलं यशो गीत्वा सपर्यां महतीं लभामहे । यस्तामनैषीद् वशमेष दुर्जनो द्विष्टया हतस्ते भगवन्यथामयः ॥ ५४ ॥

śrī-vaitālikā ūcuḥ sabhāsu satreṣu tavāmalaṁ yaśo gītvā saparyāṁ mahatīṁ labhāmahe yas tām anaiṣīd vaśam eṣa durjano dviṣṭyā hatas te bhagavan yathāmayaḥ

The Vaitalikas said: By singing Your spotless glory in assemblies and sacrificial arenas, we once received great honor — but this wicked man brought even that under his own sway. Fortunately, O Lord, You have now slain him, just as one cures a lingering disease.

Verse 55 (bhagavata.7.8.55)

श्रीकिन्नरा ऊचुः वयमीश किन्नरगणास्तवानुगा दितिजेन विष्टिममुनानुकारिताः । भवता हरे स वृजिनोऽवसादितो नरसिंह नाथ विभवाय नो भव ॥ ५५ ॥

śrī-kinnarā ūcuḥ vayam īśa kinnara-gaṇās tavānugā ditijena viṣṭim amunānukāritāḥ bhavatā hare sa vṛjino ’vasādito narasiṁha nātha vibhavāya no bhava

The Kinnaras said: O Lord, we, the Kinnaras, are Your own attendants, yet this son of Diti forced us into his unpaid service. O Hari, You have now destroyed that sinner — O Narasimha, our master, be now the source of our well-being.

Verse 56 (bhagavata.7.8.56)

श्रीविष्णुपार्षदा ऊचुः अद्यैतद्धरिनररूपमद्भुतं ते दृष्टं नः शरणद सर्वलोकशर्म । सोऽयं ते विधिकर ईश विप्रशप्त- स्तस्येदं निधनमनुग्रहाय विद्मः ॥ ५६ ॥

śrī-viṣṇu-pārṣadā ūcuḥ adyaitad dhari-nara-rūpam adbhutaṁ te dṛṣṭaṁ naḥ śaraṇada sarva-loka-śarma so ’yaṁ te vidhikara īśa vipra-śaptas tasyedaṁ nidhanam anugrahāya vidmaḥ

Vishnu's own attendants said: O giver of shelter, today we have beheld this wondrous form of Yours, part lion and part man, given for the well-being of all the worlds. O Lord, this was in truth Your own servant, cursed by brahmanas — his death here we understand to be nothing but Your own grace upon him.