The Battle Between the Demigods and the Demons

Verse 1 (bhagavata.8.10.1)

श्रीशुक उवाच इति दानवदैतेया नाविन्दन्नमृतं नृप । युक्ताः कर्मणि यत्ताश्च वासुदेवपराङ्मुखाः ॥ 10.1 ॥

śrī-śuka uvāca iti dānava-daiteyā nāvindann amṛtaṁ nṛpa yuktāḥ karmaṇi yattāś ca vāsudeva-parāṅmukhāḥ

Sri Sukadeva said: O King, though the Danavas and Daityas had thus applied themselves fully to the labor of churning, they could not obtain the nectar, for they had turned their faces away from Vasudeva, the Supreme Lord.

Verse 2 (bhagavata.8.10.2)

साधयित्वामृतं राजन्पाययित्वा स्वकान्सुरान् । पश्यतां सर्वभूतानां ययौ गरुडवाहनः ॥ 10.2 ॥

sādhayitvāmṛtaṁ rājan pāyayitvā svakān surān paśyatāṁ sarva-bhūtānāṁ yayau garuḍa-vāhanaḥ

O King, having thus accomplished the task of the nectar and given it to his own devoted demigods to drink, the Lord who rides Garuda departed, in full view of every living being present.

Verse 3 (bhagavata.8.10.3)

सपत्नानां परामृद्धिं दृष्ट्वा ते दितिनन्दनाः । अमृष्यमाणा उत्पेतुर्देवान्प्रत्युद्यतायुधाः ॥ 10.3 ॥

sapatnānāṁ parām ṛddhiṁ dṛṣṭvā te diti-nandanāḥ amṛṣyamāṇā utpetur devān pratyudyatāyudhāḥ

Seeing the supreme prosperity that had fallen to their rivals, the sons of Diti could not bear it, and, weapons raised, they charged at the demigods.

Verse 4 (bhagavata.8.10.4)

ततः सुरगणाः सर्वे सुधया पीतयैधिताः । प्रतिसंयुयुधुः शस्त्रैर्नारायणपदाश्रयाः ॥ 10.4 ॥

tataḥ sura-gaṇāḥ sarve sudhayā pītayaidhitāḥ pratisaṁyuyudhuḥ śastrair nārāyaṇa-padāśrayāḥ

Then all the demigods, invigorated by the nectar they had drunk and ever sheltered at the feet of Narayana, took up their weapons and fought back in return.

Verse 5 (bhagavata.8.10.5)

तत्र दैवासुरो नाम रणः परमदारुणः । रोधस्युदन्वतो राजंस्तुमुलो रोमहर्षणः ॥ 10.5 ॥

tatra daivāsuro nāma raṇaḥ parama-dāruṇaḥ rodhasy udanvato rājaṁs tumulo roma-harṣaṇaḥ

O King, there on the shore of the milk ocean broke out that most terrible and tumultuous battle called the Daivasura war, between the gods and the demons — a fight so fierce that even to hear of it makes the hair stand on end.

Verse 6 (bhagavata.8.10.6)

तत्रान्योन्यं सपत्नास्ते संरब्धमनसो रणे । समासाद्यासिभिर्बाणैर्निजघ्नुर्विविधायुधैः ॥ 10.6 ॥

tatrānyonyaṁ sapatnās te saṁrabdha-manaso raṇe samāsādyāsibhir bāṇair nijaghnur vividhāyudhaiḥ

There the two hosts of rivals, their minds inflamed with rage, closed in upon each other and struck one another down with swords, arrows and weapons of every kind.

Verse 7 (bhagavata.8.10.7)

शङ्खतूर्यमृदङ्गानां भेरीडमरिणां महान् । हस्त्यश्वरथपत्तीनां नदतां निस्वनोऽभवत् ॥ 10.7 ॥

śaṅkha-tūrya-mṛdaṅgānāṁ bherī-ḍamariṇāṁ mahān hasty-aśva-ratha-pattīnāṁ nadatāṁ nisvano ’bhavat

A great tumult of sound arose — conches, trumpets, mridangas, kettledrums and small drums, mingled with the roaring of elephants, horses, chariots and foot soldiers.

Verse 8 (bhagavata.8.10.8)

रथिनो रथिभिस्तत्र पत्तिभिः सह पत्तयः । हया हयैरिभाश्चेभैः समसज्जन्त संयुगे ॥ 10.8 ॥

rathino rathibhis tatra pattibhiḥ saha pattayaḥ hayā hayair ibhāś cebhaiḥ samasajjanta saṁyuge

There charioteers matched themselves against charioteers, foot soldiers against foot soldiers, horsemen against horsemen, and elephant-riders against elephant-riders, each meeting his equal in the fray.

Verse 9 (bhagavata.8.10.9)

उष्ट्रैः केचिदिभैः केचिदपरे युयुधुः खरैः । केचिद्गौरमुखैरृक्षैर्द्वीपिभिर्हरिभिर्भटाः ॥ 10.9 ॥

uṣṭraiḥ kecid ibhaiḥ kecid apare yuyudhuḥ kharaiḥ kecid gaura-mukhair ṛkṣair dvīpibhir haribhir bhaṭāḥ

Some warriors fought mounted on camels, some on elephants, some on asses; others rode into battle on white-muzzled bears, on leopards, and on lions.

Verse 10 (bhagavata.8.10.10)

गृध्रैः कङ्कैर्बकैरन्ये श्येनभासैस्तिमिङ्गिलैः । शरभैर्महिषैः खड्गैर्गोवृषैर्गवयारुणैः ॥ 10.10 ॥

gṛdhraiḥ kaṅkair bakair anye śyena-bhāsais timiṅgilaiḥ śarabhair mahiṣaiḥ khaḍgair go-vṛṣair gavayāruṇaiḥ

Still others fought mounted on vultures, kanka birds, herons, hawks and bhasa birds, and on the whale-devouring timingilas; some rode sharabhas, buffaloes and rhinoceroses, others cows, bulls, forest oxen and reddish beasts.

Verse 11 (bhagavata.8.10.11)

शिवाभिराखुभिः केचित् कृकलासैः शशैर्नरैः । बस्तैरेके कृष्णसारैर्हंसैरन्ये च सूकरैः ॥ 10.11 ॥

śivābhir ākhubhiḥ kecit kṛkalāsaiḥ śaśair naraiḥ bastair eke kṛṣṇa-sārair haṁsair anye ca sūkaraiḥ

Some rode jackals, rats, lizards, hares, and even men; some fought mounted on goats and black antelope, and yet others on swans and boars.

Verse 12 (bhagavata.8.10.12)

अन्ये जलस्थलखगैः सत्त्वैर्विकृतविग्रहैः । सेनयोरुभयो राजन्विविशुस्तेऽग्रतोऽग्रतः ॥ 10.12 ॥

anye jala-sthala-khagaiḥ sattvair vikṛta-vigrahaiḥ senayor ubhayo rājan viviśus te ’grato ’grataḥ

O King, mounted thus on strange-formed creatures of water, land and air, the two armies pressed forward, rank upon rank, until they stood face to face.

Verse 13 (bhagavata.8.10.13)

चित्रध्वजपटै राजन्नातपत्रैः सितामलैः । महाधनैर्वज्रदण्डैर्व्यजनैर्बार्हचामरैः ॥ 10.13 ॥

citra-dhvaja-paṭai rājann ātapatraiḥ sitāmalaiḥ mahā-dhanair vajra-daṇḍair vyajanair bārha-cāmaraiḥ

O King, with their many-colored banners, their spotless white parasols on diamond-studded handles, and their fans of peacock plume and yak-tail whisk,

Verse 14 (bhagavata.8.10.14)

वातोद्धूतोत्तरोष्णीषैरर्चिर्भिर्वर्मभूषणैः । स्फुरद्भिर्विशदैः शस्त्रैः सुतरां सूर्यरश्मिभिः ॥ 10.14 ॥

vātoddhūtottaroṣṇīṣair arcirbhir varma-bhūṣaṇaiḥ sphuradbhir viśadaiḥ śastraiḥ sutarāṁ sūrya-raśmibhiḥ

with their turban-cloths fluttering in the wind, their armor and ornaments gleaming, and their bright weapons flashing all the more in the rays of the sun,

Verse 15 (bhagavata.8.10.15)

देवदानववीराणां ध्वजिन्यौ पाण्डुनन्दन । रेजतुर्वीरमालाभिर्यादसामिव सागरौ ॥ 10.15 ॥

deva-dānava-vīrāṇāṁ dhvajinyau pāṇḍu-nandana rejatur vīra-mālābhir yādasām iva sāgarau

O descendant of Pandu, the two armies of divine and demon heroes shone with their ranks of warriors, resembling two oceans teeming with creatures of the deep.

Verse 16 (bhagavata.8.10.16)

वैरोचनो बलिः सङ्ख्ये सोऽसुराणां चमूपतिः । यानं वैहायसं नाम कामगं मयनिर्मितम् ॥ 10.16 ॥

vairocano baliḥ saṅkhye so ’surāṇāṁ camū-patiḥ yānaṁ vaihāyasaṁ nāma kāma-gaṁ maya-nirmitam

Bali, the son of Virocana, who commanded the demon forces in that battle, was mounted upon a craft named Vaihayasa, built by the architect Maya, which could travel wherever its rider willed.

Verse 17 (bhagavata.8.10.17)

सर्वसाङ्ग्रामिकोपेतं सर्वाश्चर्यमयं प्रभो । अप्रतर्क्यमनिर्देश्यं दृश्यमानमदर्शनम् ॥ 10.17 ॥

sarva-sāṅgrāmikopetaṁ sarvāścaryamayaṁ prabho apratarkyam anirdeśyaṁ dṛśyamānam adarśanam

O lord, that craft was equipped with every implement of war and was full of wonders past reckoning — inconceivable, indescribable, now visible, now vanishing from sight.

Verse 18 (bhagavata.8.10.18)

आस्थितस्तद् विमानाग्र्यं सर्वानीकाधिपैर्वृतः । बालव्यजनछत्राग्र्यै रेजे चन्द्र इवोदये ॥ 10.18 ॥

āsthitas tad vimānāgryaṁ sarvānīkādhipair vṛtaḥ bāla-vyajana-chatrāgryai reje candra ivodaye

Seated upon that finest of crafts, surrounded by the commanders of all his forces, and set off by the finest of fans and umbrellas, Bali shone like the rising moon.

Verse 19 (bhagavata.8.10.19)

तस्यासन्सर्वतो यानैर्यूथानां पतयोऽसुराः । नमुचिः शम्बरो बाणो विप्रचित्तिरयोमुखः ॥ 10.19 ॥

tasyāsan sarvato yānair yūthānāṁ patayo ’surāḥ namuciḥ śambaro bāṇo vipracittir ayomukhaḥ

All around him, each on his own mount, stood the demon commanders of the several divisions: Namuci, Shambara, Bana, Vipracitti, Ayomukha,

Verse 20 (bhagavata.8.10.20)

द्विमूर्धा कालनाभोऽथ प्रहेतिर्हेतिरिल्वलः । शकुनिर्भूतसन्तापो वज्रदंष्ट्रो विरोचनः ॥ 10.20 ॥

dvimūrdhā kālanābho ’tha prahetir hetir ilvalaḥ śakunir bhūtasantāpo vajradaṁṣṭro virocanaḥ

Dvimurdha, Kalanabha, Praheti, Heti, Ilvala, Shakuni, Bhutasantapa, Vajradamshtra and Virochana,

Verse 21 (bhagavata.8.10.21)

हयग्रीवः शङ्कुशिराः कपिलो मेघदुन्दुभिः । तारकश्चक्रदृक् शुम्भो निशुम्भो जम्भ उत्कलः ॥ 10.21 ॥

hayagrīvaḥ śaṅkuśirāḥ kapilo meghadundubhiḥ tārakaś cakradṛk śumbho niśumbho jambha utkalaḥ

Hayagriva, Shankushira, Kapila, Meghadundubhi, Taraka, Chakradrik, Shumbha, Nishumbha, Jambha and Utkala,

Verse 22 (bhagavata.8.10.22)

अरिष्टोऽरिष्टनेमिश्च मयश्च त्रिपुराधिपः । अन्ये पौलोमकालेया निवातकवचादयः ॥ 10.22 ॥

ariṣṭo ’riṣṭanemiś ca mayaś ca tripurādhipaḥ anye pauloma-kāleyā nivātakavacādayaḥ

Arishta, Arishtanemi, and Maya, lord of the three cities — along with others of the Pauloma, Kaleya and Nivatakavacha clans.

Verse 23 (bhagavata.8.10.23)

अलब्धभागाः सोमस्य केवलं क्लेशभागिनः । सर्व एते रणमुखे बहुशो निर्जितामराः ॥ 10.23 ॥

alabdha-bhāgāḥ somasya kevalaṁ kleśa-bhāginaḥ sarva ete raṇa-mukhe bahuśo nirjitāmarāḥ

Having received nothing of the nectar but only the labor of churning, all these demons — repeatedly defeated by the gods in the past — now stood at the forefront of the battle.

Verse 24 (bhagavata.8.10.24)

सिंहनादान्विमुञ्चन्तः शङ्खान्दध्मुर्महारवान् । दृष्ट्वा सपत्नानुत्सिक्तान्बलभित् कुपितो भृशम् ॥ 10.24 ॥

siṁha-nādān vimuñcantaḥ śaṅkhān dadhmur mahā-ravān dṛṣṭvā sapatnān utsiktān balabhit kupito bhṛśam

Roaring like lions and blowing their conches with a mighty blast, they advanced; and seeing his arrogant rivals thus, Indra, slayer of Bala, grew fiercely angry.

Verse 25 (bhagavata.8.10.25)

ऐरावतं दिक्करिणमारूढः शुशुभे स्वराट् । यथा स्रवत्प्रस्रवणमुदयाद्रिमहर्पतिः ॥ 10.25 ॥

airāvataṁ dik-kariṇam ārūḍhaḥ śuśubhe sva-rāṭ yathā sravat-prasravaṇam udayādrim ahar-patiḥ

Mounted on Airavata, the elephant of the quarters, the sovereign Indra shone as splendidly as the sun rising over the streaming slopes of Mount Udaya.

Verse 26 (bhagavata.8.10.26)

तस्यासन्सर्वतो देवा नानावाहध्वजायुधाः । लोकपालाः सहगणैर्वाय्वग्निवरुणादयः ॥ 10.26 ॥

tasyāsan sarvato devā nānā-vāha-dhvajāyudhāḥ lokapālāḥ saha-gaṇair vāyv-agni-varuṇādayaḥ

Around him stood the demigods on their various mounts, with their banners and weapons, and the world-guardians — Vayu, Agni, Varuna and the rest — each with his own retinue.

Verse 27 (bhagavata.8.10.27)

तेऽन्योन्यमभिसंसृत्य क्षिपन्तो मर्मभिर्मिथः । आह्वयन्तो विशन्तोऽग्रे युयुधुर्द्वन्द्वयोधिनः ॥ 10.27 ॥

te ’nyonyam abhisaṁsṛtya kṣipanto marmabhir mithaḥ āhvayanto viśanto ’gre yuyudhur dvandva-yodhinaḥ

Coming close together, they taunted one another with words that pierced to the quick; then, calling out their challenges, they pressed forward and fought man to man, in single combats.

Verse 28 (bhagavata.8.10.28)

युयोध बलिरिन्द्रेण तारकेण गुहोऽस्यत । वरुणो हेतिनायुध्यन्मित्रो राजन्प्रहेतिना ॥ 10.28 ॥

yuyodha balir indreṇa tārakeṇa guho ’syata varuṇo hetināyudhyan mitro rājan prahetinā

Bali fought with Indra, Kartikeya hurled himself against Taraka, Varuna fought with Heti, and, O King, Mitra fought with Praheti.

Verse 29 (bhagavata.8.10.29)

यमस्तु कालनाभेन विश्वकर्मा मयेन वै । शम्बरो युयुधे त्वष्ट्रा सवित्रा तु विरोचनः ॥ 10.29 ॥

yamas tu kālanābhena viśvakarmā mayena vai śambaro yuyudhe tvaṣṭrā savitrā tu virocanaḥ

Yamaraja fought with Kalanabha, Vishvakarma with Maya, Shambara with Tvashta, and Virochana with the sun-god.

Verse 30 (bhagavata.8.10.30)

अपराजितेन नमुचिरश्विनौ वृषपर्वणा । सूर्यो बलिसुतैर्देवो बाणज्येष्ठैः शतेन च ॥ 10.30 ॥

aparājitena namucir aśvinau vṛṣaparvaṇā sūryo bali-sutair devo bāṇa-jyeṣṭhaiḥ śatena ca

Namuchi fought with Aparajita, Vrishaparva with the twin Ashvini-kumaras, and the sun-god with Bali's hundred sons headed by Bana.

Verse 31 (bhagavata.8.10.31)

राहुणा च तथा सोमः पुलोम्ना युयुधेऽनिलः । निशुम्भशुम्भयोर्देवी भद्रकाली तरस्विनी ॥ 10.31 ॥

rāhuṇā ca tathā somaḥ pulomnā yuyudhe ’nilaḥ niśumbha-śumbhayor devī bhadrakālī tarasvinī

The moon-god fought with Rahu, Vayu with Puloma, and the swift goddess Bhadrakali took on both Shumbha and Nishumbha together.

Verse 32 (bhagavata.8.10.32)

वृषाकपिस्तु जम्भेन महिषेण विभावसुः । इल्वलः सह वातापिर्ब्रह्मपुत्रैररिन्दम ॥ 10.32 ॥

vṛṣākapis tu jambhena mahiṣeṇa vibhāvasuḥ ilvalaḥ saha vātāpir brahma-putrair arindama

O subduer of foes, Vrishakapi fought with Jambha, Vibhavasu with Mahisha, and Ilvala, together with his brother Vatapi, fought the sons of Brahma.

Verse 33 (bhagavata.8.10.33)

कामदेवेन दुर्मर्ष उत्कलो मातृभिः सह । बृहस्पतिश्चोशनसा नरकेण शनैश्चरः ॥ 10.33 ॥

kāmadevena durmarṣa utkalo mātṛbhiḥ saha bṛhaspatiś cośanasā narakeṇa śanaiścaraḥ

Durmarsha fought with Kamadeva, Utkala with the Matrika goddesses, Brihaspati with Ushanas (Shukracharya), and Shanaishchara with Narakasura.

Verse 34 (bhagavata.8.10.34)

मरुतो निवातकवचैः कालेयैर्वसवोऽमराः । विश्वेदेवास्तु पौलोमै रुद्राः क्रोधवशैः सह ॥ 10.34 ॥

maruto nivātakavacaiḥ kāleyair vasavo ’marāḥ viśvedevās tu paulomai rudrāḥ krodhavaśaiḥ saha

The Maruts fought the Nivatakavachas, the Vasus the Kaleyas, the Vishvedevas the Paulomas, and the Rudras battled the Krodhavasha demons.

Verse 35 (bhagavata.8.10.35)

त एवमाजावसुराः सुरेन्द्रा द्वन्द्वेन संहत्य च युध्यमानाः । अन्योन्यमासाद्य निजघ्नुरोजसा जिगीषवस्तीक्ष्णशरासितोमरैः ॥ 10.35 ॥

ta evam ājāv asurāḥ surendrā dvandvena saṁhatya ca yudhyamānāḥ anyonyam āsādya nijaghnur ojasā jigīṣavas tīkṣṇa-śarāsi-tomaraiḥ

Thus, on that battlefield, the demons and the lords of the demigods fought both in single combats and in massed engagements, each side hungry for victory, striking one another down with all their strength using sharp arrows, swords and lances.

Verse 36 (bhagavata.8.10.36)

भुशुण्डिभिश्चक्रगदर्ष्टिपट्टिशैः शक्त्युल्मुकैः प्रासपरश्वधैरपि । निस्त्रिंशभल्लैः परिघैः समुद्गरैः सभिन्दिपालैश्च शिरांसि चिच्छिदुः ॥ 10.36 ॥

bhuśuṇḍibhiś cakra-gadarṣṭi-paṭṭiśaiḥ śakty-ulmukaiḥ prāsa-paraśvadhair api nistriṁśa-bhallaiḥ parighaiḥ samudgaraiḥ sabhindipālaiś ca śirāṁsi cicchiduḥ

With bhushundis, discuses, clubs, rishtis, pattishas, spears, firebrands, prasas, axes, swords, arrows, iron bars, mudgaras and bhindipala missiles, they severed one another's heads.

Verse 37 (bhagavata.8.10.37)

गजास्तुरङ्गाः सरथाः पदातयः सारोहवाहा विविधा विखण्डिताः । निकृत्तबाहूरुशिरोधराङ्घ्रय- श्छिन्नध्वजेष्वासतनुत्रभूषणाः ॥ 10.37 ॥

gajās turaṅgāḥ sarathāḥ padātayaḥ sāroha-vāhā vividhā vikhaṇḍitāḥ nikṛtta-bāhūru-śirodharāṅghrayaś chinna-dhvajeṣvāsa-tanutra-bhūṣaṇāḥ

Elephants, horses, chariots and foot soldiers, together with their riders and mounts of every kind, were hacked to pieces; arms, thighs, necks and legs were severed, and banners, bows, armor and ornaments lay torn and scattered.

Verse 38 (bhagavata.8.10.38)

तेषां पदाघातरथाङ्गचूर्णिता- दायोधनादुल्बण उत्थितस्तदा । रेणुर्दिशः खं द्युमणिं च छादयन् न्यवर्ततासृक् स्रुतिभिः परिप्लुतात् ॥ 10.38 ॥

teṣāṁ padāghāta-rathāṅga-cūrṇitād āyodhanād ulbaṇa utthitas tadā reṇur diśaḥ khaṁ dyumaṇiṁ ca chādayan nyavartatāsṛk-srutibhiḥ pariplutāt

From that battlefield, crushed beneath the tread of feet and the wheels of chariots, a thick dust rose and blanketed the directions, the sky and even the sun; but once the ground grew soaked through with flowing streams of blood, the dust settled and rose no more.

Verse 39 (bhagavata.8.10.39)

शिरोभिरुद्धूतकिरीटकुण्डलैः संरम्भदृग्भिः परिदष्टदच्छदैः । महाभुजैः साभरणैः सहायुधैः सा प्रास्तृता भूः करभोरुभिर्बभौ ॥ 10.39 ॥

śirobhir uddhūta-kirīṭa-kuṇḍalaiḥ saṁrambha-dṛgbhiḥ paridaṣṭa-dacchadaiḥ mahā-bhujaiḥ sābharaṇaiḥ sahāyudhaiḥ sā prāstṛtā bhūḥ karabhorubhir babhau

That ground lay strewn — and in its terrible way, adorned — with severed heads, crowns and earrings scattered about, eyes still fixed in rage, lips still bitten in fury; with great arms still clutching their ornaments and weapons; and with thighs, shapely as elephants' trunks, lying cut and cast about.

Verse 40 (bhagavata.8.10.40)

कबन्धास्तत्र चोत्पेतुः पतितस्वशिरोऽक्षिभिः । उद्यतायुधदोर्दण्डैराधावन्तो भटान् मृधे ॥ 10.40 ॥

kabandhās tatra cotpetuḥ patita-sva-śiro-’kṣibhiḥ udyatāyudha-dordaṇḍair ādhāvanto bhaṭān mṛdhe

There, headless trunks rose up of themselves and, seeing by the eyes of their own fallen heads, ran at the enemy soldiers on the field, weapons still raised in their arms.

Verse 41 (bhagavata.8.10.41)

बलिर्महेन्द्रं दशभिस्त्रिभिरैरावतं शरैः । चतुर्भिश्चतुरो वाहानेकेनारोहमार्च्छयत् ॥ 10.41 ॥

balir mahendraṁ daśabhis tribhir airāvataṁ śaraiḥ caturbhiś caturo vāhān ekenāroham ārcchayat

Bali struck great Indra with ten arrows, Airavata with three, the four attendant mounts guarding the elephant's legs with four arrows, and the driver with a single arrow.

Verse 42 (bhagavata.8.10.42)

स तानापततः शक्रस्तावद्भिः शीघ्रविक्रमः । चिच्छेद निशितैर्भल्लैरसम्प्राप्तान्हसन्निव ॥ 10.42 ॥

sa tān āpatataḥ śakras tāvadbhiḥ śīghra-vikramaḥ ciccheda niśitair bhallair asamprāptān hasann iva

Quick to act, Indra met those oncoming arrows with an equal number of his own sharp bhalla arrows, cutting them down before they could reach him, almost as if he were smiling at the effort.

Verse 43 (bhagavata.8.10.43)

तस्य कर्मोत्तमं वीक्ष्य दुर्मर्षः शक्तिमाददे । तां ज्वलन्तीं महोल्काभां हस्तस्थामच्छिनद्धरिः ॥ 10.43 ॥

tasya karmottamaṁ vīkṣya durmarṣaḥ śaktim ādade tāṁ jvalantīṁ maholkābhāṁ hasta-sthām acchinad dhariḥ

Seeing this superb feat, Bali, unable to bear it, seized his shakti weapon, blazing like a great meteor — but Indra cut it to pieces even as it lay in his hand.

Verse 44 (bhagavata.8.10.44)

ततः शूलं ततः प्रासं ततस्तोमरमृष्टयः । यद् यच्छस्त्रं समादद्यात्सर्वं तदच्छिनद् विभुः ॥ 10.44 ॥

tataḥ śūlaṁ tataḥ prāsaṁ tatas tomaram ṛṣṭayaḥ yad yac chastraṁ samādadyāt sarvaṁ tad acchinad vibhuḥ

Then Bali took up, one after another, a trident, a prasa, a tomara and a rishti — but whatever weapon he raised, the mighty Indra cut it down at once.

Verse 45 (bhagavata.8.10.45)

ससर्जाथासुरीं मायामन्तर्धानगतोऽसुरः । ततः प्रादुरभूच्छैलः सुरानीकोपरि प्रभो ॥ 10.45 ॥

sasarjāthāsurīṁ māyām antardhāna-gato ’suraḥ tataḥ prādurabhūc chailaḥ surānīkopari prabho

O lord, that demon then vanished from sight and resorted to demonic sorcery, whereupon a vast mountain suddenly appeared looming over the army of the demigods.

Verse 46 (bhagavata.8.10.46)

ततो निपेतुस्तरवो दह्यमाना दवाग्निना । शिलाः सटङ्कशिखराश्चूर्णयन्त्यो द्विषद्बलम् ॥ 10.46 ॥

tato nipetus taravo dahyamānā davāgninā śilāḥ saṭaṅka-śikharāś cūrṇayantyo dviṣad-balam

From that mountain fell trees blazing in a forest fire, and boulders with jagged, chisel-sharp peaks came crashing down, crushing the ranks of the demigods' army.

Verse 47 (bhagavata.8.10.47)

महोरगाः समुत्पेतुर्दन्दशूकाः सवृश्चिकाः । सिंहव्याघ्रवराहाश्च मर्दयन्तो महागजाः ॥ 10.47 ॥

mahoragāḥ samutpetur dandaśūkāḥ savṛścikāḥ siṁha-vyāghra-varāhāś ca mardayanto mahā-gajāḥ

Great serpents, venomous creatures and scorpions sprang up along with lions, tigers, boars and huge elephants, trampling everything in their path.

Verse 48 (bhagavata.8.10.48)

यातुधान्यश्च शतशः शूलहस्ता विवाससः । छिन्धि भिन्धीति वादिन्यस्तथा रक्षोगणाः प्रभो ॥ 10.48 ॥

yātudhānyaś ca śataśaḥ śūla-hastā vivāsasaḥ chindhi bhindhīti vādinyas tathā rakṣo-gaṇāḥ prabho

O lord, hundreds of naked female demons appeared, tridents in hand, shrieking "Cut them down! Pierce them!" — and bands of rakshasa demons rose up along with them.

Verse 49 (bhagavata.8.10.49)

ततो महाघना व्योम्नि गम्भीरपरुषस्वनाः । अङ्गारान्मुमुचुर्वातैराहताः स्तनयित्नवः ॥ 10.49 ॥

tato mahā-ghanā vyomni gambhīra-paruṣa-svanāḥ aṅgārān mumucur vātair āhatāḥ stanayitnavaḥ

Then great thunderclouds gathered in the sky, rumbling deep and harsh, and, buffeted by fierce winds, began raining down live embers.

Verse 50 (bhagavata.8.10.50)

सृष्टो दैत्येन सुमहान्वह्निः श्वसनसारथिः । सांवर्तक इवात्युग्रो विबुधध्वजिनीमधाक् ॥ 10.50 ॥

sṛṣṭo daityena sumahān vahniḥ śvasana-sārathiḥ sāṁvartaka ivātyugro vibudha-dhvajinīm adhāk

A vast fire, generated by the demon and driven onward by furious winds, blazed as terribly as the Samvartaka fire of universal dissolution, and began consuming the army of the demigods.

Verse 51 (bhagavata.8.10.51)

ततः समुद्र उद्वेलः सर्वतः प्रत्यदृश्यत । प्रचण्डवातैरुद्धूततरङ्गावर्तभीषणः ॥ 10.51 ॥

tataḥ samudra udvelaḥ sarvataḥ pratyadṛśyata pracaṇḍa-vātair uddhūta- taraṅgāvarta-bhīṣaṇaḥ

Then, on every side, the ocean seemed to appear bursting past its shores, terrifying with whirlpools and waves whipped up by furious winds.

Verse 52 (bhagavata.8.10.52)

एवं दैत्यैर्महामायैरलक्ष्यगतिभीरणे । सृज्यमानासु मायासु विषेदुः सुरसैनिकाः ॥ 10.52 ॥

evaṁ daityair mahā-māyair alakṣya-gatibhī raṇe sṛjyamānāsu māyāsu viṣeduḥ sura-sainikāḥ

As these illusions, one after another, were conjured up in that battle by demons skilled in sorcery and moving unseen, the army of the demigods sank into despair.

Verse 53 (bhagavata.8.10.53)

न तत्प्रतिविधिं यत्र विदुरिन्द्रादयो नृप । ध्यातः प्रादुरभूत् तत्र भगवान्विश्वभावनः ॥ 10.53 ॥

na tat-pratividhiṁ yatra vidur indrādayo nṛpa dhyātaḥ prādurabhūt tatra bhagavān viśva-bhāvanaḥ

O King, when Indra and the other demigods could find no remedy against this sorcery, they turned their minds in meditation upon the Lord, the sustainer of the universe, who then appeared there at once.

Verse 54 (bhagavata.8.10.54)

ततः सुपर्णांसकृताङ्घ्रिपल्लवः पिशङ्गवासा नवकञ्जलोचनः । अदृश्यताष्टायुधबाहुरुल्लस- च्छ्रीकौस्तुभानर्घ्यकिरीटकुण्डलः ॥ 10.54 ॥

tataḥ suparṇāṁsa-kṛtāṅghri-pallavaḥ piśaṅga-vāsā nava-kañja-locanaḥ adṛśyatāṣṭāyudha-bāhur ullasac- chrī-kaustubhānarghya-kirīṭa-kuṇḍalaḥ

Then, his tender lotus feet resting on Garuda's shoulders, clad in yellow silk, his eyes like freshly opened lotus petals, his eight arms bearing weapons, and adorned with the radiant Kaustubha jewel and a priceless crown and earrings, the Lord became visible there.

Verse 55 (bhagavata.8.10.55)

तस्मिन्प्रविष्टेऽसुरकूटकर्मजा माया विनेशुर्महिना महीयसः । स्वप्नो यथा हि प्रतिबोध आगते हरिस्मृतिः सर्वविपद्विमोक्षणम् ॥ 10.55 ॥

tasmin praviṣṭe ’sura-kūṭa-karmajā māyā vineśur mahinā mahīyasaḥ svapno yathā hi pratibodha āgate hari-smṛtiḥ sarva-vipad-vimokṣaṇam

As soon as that most glorious Lord entered the field, the illusions born of the demons' deceitful sorcery vanished by his sheer greatness — just as a dream's terrors vanish the moment the sleeper wakes. Indeed, remembrance of the Lord alone is enough to free one from every calamity.

Verse 56 (bhagavata.8.10.56)

दृष्ट्वा मृधे गरुडवाहमिभारिवाह आविध्य शूलमहिनोदथ कालनेमिः । तल्लीलया गरुडमूर्ध्नि पतद् गृहीत्वा तेनाहनन्नृप सवाहमरिं त्र्यधीशः ॥ 10.56 ॥

dṛṣṭvā mṛdhe garuḍa-vāham ibhāri-vāha āvidhya śūlam ahinod atha kālanemiḥ tal līlayā garuḍa-mūrdhni patad gṛhītvā tenāhanan nṛpa savāham ariṁ tryadhīśaḥ

O King, seeing the Lord riding upon Garuda in that battle, Kalanemi, mounted on a lion, whirled his trident and hurled it at Garuda's head. But the Lord of the three worlds caught it playfully as it fell toward Garuda, and with that very weapon slew that enemy, along with his lion mount.

Verse 57 (bhagavata.8.10.57)

माली सुमाल्यतिबलौ युधि पेततुर्य च्चक्रेण कृत्तशिरसावथ माल्यवांस्तम् । आहत्य तिग्मगदयाहनदण्डजेन्द्र तावच्छिरोऽच्छिनदरेर्नदतोऽरिणाद्यः ॥ 10.57 ॥

mālī sumāly atibalau yudhi petatur yac- cakreṇa kṛtta-śirasāv atha mālyavāṁs tam āhatya tigma-gadayāhanad aṇḍajendraṁ tāvac chiro ’cchinad arer nadato ’riṇādyaḥ

Then the two exceedingly powerful demons Mali and Sumali fell in that battle, their heads severed by the Lord's discus. When the demon Malyavan then struck at Garuda, chief of the egg-born birds, with a fierce mace, roaring like a lion, the original Lord instantly cut off the head of that enemy as well.