King Pururava and Urvashi

Verse 1 (bhagavata.9.14.1)

श्रीशुक उवाच अथातः श्रुयतां राजन् वंशः सोमस्य पावनः । यस्मिन्नैलादयो भूपाः कीर्त्यन्ते पुण्यकीर्तयः ॥ १ ॥

śrī-śuka uvāca athātaḥ śrūyatāṁ rājan vaṁśaḥ somasya pāvanaḥ yasminn ailādayo bhūpāḥ kīrtyante puṇya-kīrtayaḥ

Shri Shuka said: Now, O king, hear the purifying lineage of the moon-god, in which kings of sacred renown such as Aila are celebrated.

Verse 2 (bhagavata.9.14.2)

सहस्रशिरसः पुंसो नाभिह्रदसरोरुहात् । जातस्यासीत् सुतो धातुरत्रिः पितृसमो गुणैः ॥ २ ॥

sahasra-śirasaḥ puṁso nābhi-hrada-saroruhāt jātasyāsīt suto dhātur atriḥ pitṛ-samo guṇaiḥ

From the lotus that arose from the navel-lake of the thousand-headed Purusha was born Brahma, the creator; and Atri, his son, matched his father's qualities.

Verse 3 (bhagavata.9.14.3)

तस्य दृग्भ्योऽभवत् पुत्रः सोमोऽमृतमयः किल । विप्रौषध्युडुगणानां ब्रह्मणा कल्पितः पतिः ॥ ३ ॥

tasya dṛgbhyo ’bhavat putraḥ somo ’mṛtamayaḥ kila viprauṣadhy-uḍu-gaṇānāṁ brahmaṇā kalpitaḥ patiḥ

From Atri's eyes was born a son, Soma, filled with nectar; Brahma appointed him lord over the brahmanas, over medicinal herbs, and over the constellations.

Verse 4 (bhagavata.9.14.4)

सोऽयजद् राजसूयेन विजित्य भुवनत्रयम् । पत्नीं बृहस्पतेर्दर्पात् तारां नामाहरद् बलात् ॥ ४ ॥

so ’yajad rājasūyena vijitya bhuvana-trayam patnīṁ bṛhaspater darpāt tārāṁ nāmāharad balāt

Having conquered the three worlds, Soma performed the Rajasuya sacrifice; then, in his pride, he forcibly abducted Tara, the wife of Brihaspati.

Verse 5 (bhagavata.9.14.5)

यदा स देवगुरुणा याचितोऽभीक्ष्णशो मदात् । नात्यजत् तत्कृते जज्ञे सुरदानवविग्रहः ॥ ५ ॥

yadā sa deva-guruṇā yācito ’bhīkṣṇaśo madāt nātyajat tat-kṛte jajñe sura-dānava-vigrahaḥ

Though the guru of the gods entreated him again and again, Soma, blinded by arrogance, would not return her; over this a war broke out between gods and demons.

Verse 6 (bhagavata.9.14.6)

शुक्रो बृहस्पतेर्द्वेषादग्रहीत् सासुरोडुपम् । हरो गुरुसुतं स्नेहात् सर्वभूतगणावृतः ॥ ६ ॥

śukro bṛhaspater dveṣād agrahīt sāsuroḍupam haro guru-sutaṁ snehāt sarva-bhūta-gaṇāvṛtaḥ

Shukra, out of hostility to Brihaspati, took the moon-god's side together with the demons; Shiva, out of affection for his guru's son, sided with Brihaspati, surrounded by all his hosts of spirits.

Verse 7 (bhagavata.9.14.7)

सर्वदेवगणोपेतो महेन्द्रो गुरुमन्वयात् । सुरासुरविनाशोऽभूत् समरस्तारकामयः ॥ ७ ॥

sarva-deva-gaṇopeto mahendro gurum anvayāt surāsura-vināśo ’bhūt samaras tārakāmayaḥ

Great Indra, together with all the hosts of gods, followed the guru's cause; thus a war broke out that destroyed gods and demons alike — all for the sake of Tara.

Verse 8 (bhagavata.9.14.8)

निवेदितोऽथाङ्गिरसा सोमं निर्भर्त्स्य विश्वकृत् । तारां स्वभर्त्रे प्रायच्छदन्तर्वत्नीमवैत् पतिः ॥ ८ ॥

nivedito ’thāṅgirasā somaṁ nirbhartsya viśva-kṛt tārāṁ sva-bhartre prāyacchad antarvatnīm avait patiḥ

When Brahma, the maker of the universe, was told of it all by Angiras, he rebuked Soma and had Tara restored to her own husband, who then perceived that she was pregnant.

Verse 9 (bhagavata.9.14.9)

त्यज त्यजाशु दुष्प्रज्ञे मत्क्षेत्रादाहितं परैः । नाहं त्वां भस्मसात् कुर्यां स्त्रियं सान्तानिकेऽसति ॥ ९ ॥

tyaja tyajāśu duṣprajñe mat-kṣetrād āhitaṁ paraiḥ nāhaṁ tvāṁ bhasmasāt kuryāṁ striyaṁ sāntānike ’sati

Brihaspati said: "Give it up, foolish woman — deliver at once what another has placed in what was my field! Since it was for the sake of a child, unchaste though you are, I shall not burn you to ashes."

Verse 10 (bhagavata.9.14.10)

तत्याज व्रीडिता तारा कुमारं कनकप्रभम् । स्पृहामाङ्गिरसश्चक्रे कुमारे सोम एव च ॥ १० ॥

tatyāja vrīḍitā tārā kumāraṁ kanaka-prabham spṛhām āṅgirasaś cakre kumāre soma eva ca

Ashamed, Tara at once gave birth to the child, whose body shone golden; both Brihaspati and Soma desired that child for their own.

Verse 11 (bhagavata.9.14.11)

ममायं न तवेत्युच्चैस्तस्मिन् विवदमानयोः । पप्रच्छुऋर्षयो देवा नैवोचे व्रीडिता तु सा ॥ ११ ॥

mamāyaṁ na tavety uccais tasmin vivadamānayoḥ papracchur ṛṣayo devā naivoce vrīḍitā tu sā

As the two loudly disputed, each saying "He is mine, not yours!" the sages and gods questioned Tara, but, overcome with shame, she said nothing.

Verse 12 (bhagavata.9.14.12)

कुमारो मातरं प्राह कुपितोऽलीकलज्जया । किं न वचस्यसद् वृत्ते आत्मावद्यं वदाशु मे ॥ १२ ॥

kumāro mātaraṁ prāha kupito ’līka-lajjayā kiṁ na vacasy asad-vṛtte ātmāvadyaṁ vadāśu me

The child himself, angered by her needless shame, said to his mother: "You woman of ill conduct, why do you not speak? Tell me at once whose fault this is."

Verse 13 (bhagavata.9.14.13)

ब्रह्मा तां रह आहूय समप्राक्षीच्च सान्त्वयन् । सोमस्येत्याह शनकैः सोमस्तं तावदग्रहीत् ॥ १३ ॥

brahmā tāṁ raha āhūya samaprākṣīc ca sāntvayan somasyety āha śanakaiḥ somas taṁ tāvad agrahīt

Brahma then called Tara aside in private and, gently soothing her, questioned her; softly she said, "He is Soma's son" — and Soma at once claimed the child as his own.

Verse 14 (bhagavata.9.14.14)

तस्यात्मयोनिरकृत बुध इत्यभिधां नृप । बुद्ध्या गम्भीरया येन पुत्रेणापोडुराण्मुदम् ॥ १४ ॥

tasyātma-yonir akṛta budha ity abhidhāṁ nṛpa buddhyā gambhīrayā yena putreṇāpoḍurāṇ mudam

O king, Brahma gave that child the name Budha, for his profound intelligence; through this son the lord of the stars found great delight.

Verse 15 (bhagavata.9.14.15)

ततः पुरूरवा जज्ञे इलायां य उदाहृतः । तस्य रूपगुणौदार्यशीलद्रविणविक्रमान् ॥ १५ ॥

tataḥ purūravā jajñe ilāyāṁ ya udāhṛtaḥ tasya rūpa-guṇaudārya- śīla-draviṇa-vikramān

From Budha, through Ila, was born the Pururava already spoken of earlier. His beauty, virtues, generosity, character, wealth and valor —

Verse 16 (bhagavata.9.14.16)

श्रुत्वोर्वशीन्द्रभवने गीयमानान् सुरर्षिणा । तदन्तिकमुपेयाय देवी स्मरशरार्दिता ॥ १६ ॥

śrutvorvaśīndra-bhavane gīyamānān surarṣiṇā tad-antikam upeyāya devī smara-śarārditā

— on hearing all these praised by the divine sage in Indra's court, the goddess Urvashi, pierced by the arrow of desire, came to be near him.

Verse 17 (bhagavata.9.14.17)

मित्रावरुणयोः शापादापन्ना नरलोकताम् । निशम्य पुरुषश्रेष्ठं कन्दर्पमिव रूपिणम् । धृतिं विष्टभ्य ललना उपतस्थे तदन्तिके ॥ १७ ॥

mitrā-varuṇayoḥ śāpād āpannā nara-lokatām niśamya puruṣa-śreṣṭhaṁ kandarpam iva rūpiṇam

Under a curse of Mitra and Varuna, bound to the ways of mortal humans, she, hearing of that finest of men, whose beauty resembled Kama's own,

Verse 18 (bhagavata.9.14.18)

स तां विलोक्य नृपतिर्हर्षेणोत्फुल्ललोचनः । उवाच श्लक्ष्णया वाचा देवीं हृष्टतनूरुहः ॥ १८ ॥

dhṛtiṁ viṣṭabhya lalanā upatasthe tad-antike sa tāṁ vilokya nṛpatir harṣeṇotphulla-locanaḥ uvāca ślakṣṇayā vācā devīṁ hṛṣṭa-tanūruhaḥ

steadied her own resolve as a woman and drew near him. The king, beholding her, his eyes wide with delight and the hair on his body standing on end, spoke gently to the goddess with these words.

Verse 19 (bhagavata.9.14.19)

श्रीराजोवाच स्वागतं ते वरारोहे आस्यतां करवाम किम् । संरमस्व मया साकं रतिर्नौ शाश्वतीः समाः ॥ १९ ॥

śrī-rājovāca svāgataṁ te varārohe āsyatāṁ karavāma kim saṁramasva mayā sākaṁ ratir nau śāśvatīḥ samāḥ

"Welcome, O lovely one; be seated — what may I do for you? Take your delight with me; let our love last for endless years."

Verse 20 (bhagavata.9.14.20)

उर्वश्युवाच कस्यास्त्वयि न सज्जेत मनो दृष्टिश्च सुन्दर । यदङ्गान्तरमासाद्य च्यवते ह रिरंसया ॥ २० ॥

urvaśy uvāca kasyās tvayi na sajjeta mano dṛṣṭiś ca sundara yad-aṅgāntaram āsādya cyavate ha riraṁsayā

"O handsome one, whose mind and eyes would not be drawn to you? Any woman who reaches your embrace would surely be undone by longing."

Verse 21 (bhagavata.9.14.21)

एतावुरणकौ राजन् न्यासौ रक्षस्व मानद । संरंस्ये भवता साकं श्लाघ्यः स्त्रीणां वरः स्मृतः ॥ २१ ॥

etāv uraṇakau rājan nyāsau rakṣasva mānada saṁraṁsye bhavatā sākaṁ ślāghyaḥ strīṇāṁ varaḥ smṛtaḥ

"O king, O giver of honor, keep these two lambs safe for me as a trust. I shall gladly unite with you, for you are remembered as the most praiseworthy of husbands among women's choices."

Verse 22 (bhagavata.9.14.22)

घृतं मे वीर भक्ष्यं स्यान्नेक्षे त्वान्यत्र मैथुनात् । विवाससं तत् तथेति प्रतिपेदे महामनाः ॥ २२ ॥

ghṛtaṁ me vīra bhakṣyaṁ syān nekṣe tvānyatra maithunāt vivāsasaṁ tat tatheti pratipede mahāmanāḥ

"O hero, let only food cooked in ghee be my fare, and let me never see you unclothed except during union." The noble-hearted king agreed, "So be it."

Verse 23 (bhagavata.9.14.23)

अहो रूपमहो भावो नरलोकविमोहनम् । को न सेवेत मनुजो देवीं त्वां स्वयमागताम् ॥ २३ ॥

aho rūpam aho bhāvo nara-loka-vimohanam ko na seveta manujo devīṁ tvāṁ svayam āgatām

"Ah, such beauty, such grace — enough to bewilder the world of men! What man would not gladly serve a goddess who has come to him of her own will?"

Verse 24 (bhagavata.9.14.24)

तया स पुरुषश्रेष्ठो रमयन्त्या यथार्हतः । रेमे सुरविहारेषु कामं चैत्ररथादिषु ॥ २४ ॥

tayā sa puruṣa-śreṣṭho ramayantyā yathārhataḥ reme sura-vihāreṣu kāmaṁ caitrarathādiṣu

Shri Shuka continued: That finest of men then took his delight with her, as she in turn delighted him, at pleasure-groves of the gods such as Chaitraratha, wherever he desired.

Verse 25 (bhagavata.9.14.25)

रममाणस्तया देव्या पद्मकिञ्जल्कगन्धया । तन्मुखामोदमुषितो मुमुदेऽहर्गणान् बहून् ॥ २५ ॥

ramamāṇas tayā devyā padma-kiñjalka-gandhayā tan-mukhāmoda-muṣito mumude ’har-gaṇān bahūn

Sporting with that goddess, fragrant as the pollen of a lotus, and captivated by the sweetness of her face, he rejoiced with her for many long days.

Verse 26 (bhagavata.9.14.26)

अपश्यन्नुर्वशीमिन्द्रो गन्धर्वान् समचोदयत् । उर्वशीरहितं मह्यमास्थानं नातिशोभते ॥ २६ ॥

apaśyann urvaśīm indro gandharvān samacodayat urvaśī-rahitaṁ mahyam āsthānaṁ nātiśobhate

Missing Urvashi from his court, Indra urged the Gandharvas to act, saying, "Without Urvashi my assembly hall no longer shines as it should."

Verse 27 (bhagavata.9.14.27)

ते उपेत्य महारात्रे तमसि प्रत्युपस्थिते । उर्वश्या उरणौ जह्रुर्न्यस्तौ राजनि जायया ॥ २७ ॥

te upetya mahā-rātre tamasi pratyupasthite urvaśyā uraṇau jahrur nyastau rājani jāyayā

So the Gandharvas came in the depth of night, when darkness had fallen, and stole away the two lambs which Urvashi, as his wife, had entrusted to the king.

Verse 28 (bhagavata.9.14.28)

निशम्याक्रन्दितं देवी पुत्रयोर्नीयमानयोः । हतास्म्यहं कुनाथेन नपुंसा वीरमानिना ॥ २८ ॥

niśamyākranditaṁ devī putrayor nīyamānayoḥ hatāsmy ahaṁ kunāthena napuṁsā vīra-māninā

Hearing the cries of what she loved as her own sons being carried off, the goddess exclaimed, "I am undone, protected as I am by so worthless a husband — a coward who fancies himself a hero!"

Verse 29 (bhagavata.9.14.29)

यद्विश्रम्भादहं नष्टा हृतापत्या च दस्युभिः । यः शेते निशि सन्त्रस्तो यथा नारी दिवा पुमान् ॥ २९ ॥

yad-viśrambhād ahaṁ naṣṭā hṛtāpatyā ca dasyubhiḥ yaḥ śete niśi santrasto yathā nārī divā pumān

"Because I trusted him, thieves have robbed me of my children, and I am ruined. By night he lies trembling like a woman, though by day he seems a man."

Verse 30 (bhagavata.9.14.30)

इति वाक्सायकैर्बिद्धः प्रतोत्त्रैरिव कुञ्जरः । निशि निस्त्रिंशमादाय विवस्त्रोऽभ्यद्रवद् रुषा ॥ ३० ॥

iti vāk-sāyakair biddhaḥ pratottrair iva kuñjaraḥ niśi nistriṁśam ādāya vivastro ’bhyadravad ruṣā

Stung by these arrow-like words as an elephant is stung by its driver's goad, he seized his sword in fury and, without even dressing, rushed out naked into the night.

Verse 31 (bhagavata.9.14.31)

ते विसृज्योरणौ तत्र व्यद्योतन्त स्म विद्युतः । आदाय मेषावायान्तं नग्नमैक्षत सा पतिम् ॥ ३१ ॥

te visṛjyoraṇau tatra vyadyotanta sma vidyutaḥ ādāya meṣāv āyāntaṁ nagnam aikṣata sā patim

The Gandharvas, releasing the two lambs there, flashed like lightning; and Urvashi, seeing her husband return with the lambs but stripped bare, departed at once.

Verse 32 (bhagavata.9.14.32)

ऐलोऽपि शयने जायामपश्यन् विमना इव । तच्चित्तो विह्वलः शोचन् बभ्रामोन्मत्तवन्महीम् ॥ ३२ ॥

ailo ’pi śayane jāyām apaśyan vimanā iva tac-citto vihvalaḥ śocan babhrāmonmattavan mahīm

Pururava, finding his wife gone from their bed, was struck with anguish; his mind fixed only on her, distraught with grief, he wandered the earth like a madman.

Verse 33 (bhagavata.9.14.33)

स तां वीक्ष्य कुरुक्षेत्रे सरस्वत्यां च तत्सखीः । पञ्च प्रहृष्टवदनः प्राह सूक्तं पुरूरवाः ॥ ३३ ॥

sa tāṁ vīkṣya kurukṣetre sarasvatyāṁ ca tat-sakhīḥ pañca prahṛṣṭa-vadanaḥ prāha sūktaṁ purūravāḥ

Then, seeing her at Kurukshetra on the bank of the Sarasvati, together with her five companions, Pururava, his face lit with joy, spoke to her these sweet words.

Verse 34 (bhagavata.9.14.34)

अहो जाये तिष्ठ तिष्ठ घोरे न त्यक्तुमर्हसि । मां त्वमद्याप्यनिर्वृत्य वचांसि कृणवावहै ॥ ३४ ॥

aho jāye tiṣṭha tiṣṭha ghore na tyaktum arhasi māṁ tvam adyāpy anirvṛtya vacāṁsi kṛṇavāvahai

"O my wife, stay, stay — O cruel one, you should not abandon me thus. Even now, before you go, let us at least exchange some words together."

Verse 35 (bhagavata.9.14.35)

सुदेहोऽयं पतत्यत्र देवि दूरं हृतस्त्वया । खादन्त्येनं वृका गृध्रास्त्वत्प्रसादस्य नास्पदम् ॥ ३५ ॥

sudeho ’yaṁ pataty atra devi dūraṁ hṛtas tvayā khādanty enaṁ vṛkā gṛdhrās tvat-prasādasya nāspadam

"O goddess, since you have carried my heart away, this fine body of mine shall fall right here; unfit now for your favor, it shall be eaten by jackals and vultures."

Verse 36 (bhagavata.9.14.36)

उर्वश्युवाच मा मृथाः पुरुषोऽसि त्वं मा स्म त्वाद्युर्वृका इमे । क्वापि सख्यं न वै स्त्रीणां वृकाणां हृदयं यथा ॥ ३६ ॥

urvaśy uvāca mā mṛthāḥ puruṣo ’si tvaṁ mā sma tvādyur vṛkā ime kvāpi sakhyaṁ na vai strīṇāṁ vṛkāṇāṁ hṛdayaṁ yathā

"Do not die — you are a man; do not let these jackals devour you. There is no true friendship to be had anywhere with women, whose hearts are like the hearts of jackals."

Verse 37 (bhagavata.9.14.37)

स्त्रियो ह्यकरुणाः क्रूरा दुर्मर्षाः प्रियसाहसाः । घ्नन्त्यल्पार्थेऽपि विश्रब्धं पतिं भ्रातरमप्युत ॥ ३७ ॥

striyo hy akaruṇāḥ krūrā durmarṣāḥ priya-sāhasāḥ ghnanty alpārthe ’pi viśrabdhaṁ patiṁ bhrātaram apy uta

"Women are merciless and cruel, quick to take offense, and reckless for their own pleasure; for the smallest cause they will destroy even a trusting husband or brother."

Verse 38 (bhagavata.9.14.38)

विधायालीकविश्रम्भमज्ञेषु त्यक्तसौहृदाः । नवं नवमभीप्सन्त्यः पुंश्चल्यः स्वैरवृत्तयः ॥ ३८ ॥

vidhāyālīka-viśrambham ajñeṣu tyakta-sauhṛdāḥ navaṁ navam abhīpsantyaḥ puṁścalyaḥ svaira-vṛttayaḥ

"Fickle and unrestrained, they build a false trust with the unwary, abandon old affections, and, ever restless, go seeking one new love after another."

Verse 39 (bhagavata.9.14.39)

संवत्सरान्ते हि भवानेकरात्रं मयेश्वरः । रंस्यत्यपत्यानि च ते भविष्यन्त्यपराणि भोः ॥ ३९ ॥

saṁvatsarānte hi bhavān eka-rātraṁ mayeśvaraḥ raṁsyaty apatyāni ca te bhaviṣyanty aparāṇi bhoḥ

"Yet, my lord, at the end of each year you may unite with me for a single night; in this way you shall have still more children, one after another."

Verse 40 (bhagavata.9.14.40)

अन्तर्वत्नीमुपालक्ष्य देवीं स प्रययौ पुरीम् । पुनस्तत्र गतोऽब्दान्ते उर्वशीं वीरमातरम् ॥ ४० ॥

antarvatnīm upālakṣya devīṁ sa prayayau purīm punas tatra gato ’bdānte urvaśīṁ vīra-mātaram

Perceiving that the goddess was with child, he returned to his city; and at the end of the year he went there again, to Urvashi, now the mother of a heroic son.

Verse 41 (bhagavata.9.14.41)

उपलभ्य मुदा युक्तः समुवास तया निशाम् । अथैनमुर्वशी प्राह कृपणं विरहातुरम् ॥ ४१ ॥

upalabhya mudā yuktaḥ samuvāsa tayā niśām athainam urvaśī prāha kṛpaṇaṁ virahāturam

Rejoicing to have found her again, he spent that one night with her; and then, seeing him so pitiable and stricken with the pain of parting to come, Urvashi spoke to him.

Verse 42 (bhagavata.9.14.42)

गन्धर्वानुपधावेमांस्तुभ्यं दास्यन्ति मामिति । तस्य संस्तुवतस्तुष्टा अग्निस्थालीं ददुर्नृप । उर्वशीं मन्यमानस्तां सोऽबुध्यत चरन् वने ॥ ४२ ॥

gandharvān upadhāvemāṁs tubhyaṁ dāsyanti mām iti tasya saṁstuvatas tuṣṭā agni-sthālīṁ dadur nṛpa urvaśīṁ manyamānas tāṁ so ’budhyata caran vane

"Seek out these Gandharvas — they will give me to you." Following her word, the king praised them, and, pleased, they gave him a fire-vessel maiden; taking her for Urvashi, he wandered with her in the forest, only later realizing his mistake.

Verse 43 (bhagavata.9.14.43)

स्थालीं न्यस्य वने गत्वा गृहानाध्यायतो निशि । त्रेतायां सम्प्रवृत्तायां मनसि त्रय्यवर्तत ॥ ४३ ॥

sthālīṁ nyasya vane gatvā gṛhān ādhyāyato niśi tretāyāṁ sampravṛttāyāṁ manasi trayy avartata

Leaving the vessel-maiden in the forest, he returned home, and as he lay awake through the night meditating upon Urvashi, the Treta age dawned, and the threefold Vedic knowledge arose within his mind.

Verse 44 (bhagavata.9.14.44)

स्थालीस्थानं गतोऽश्वत्थं शमीगर्भं विलक्ष्य सः । तेन द्वे अरणी कृत्वा उर्वशीलोककाम्यया ॥ ४४ ॥

sthālī-sthānaṁ gato ’śvatthaṁ śamī-garbhaṁ vilakṣya saḥ tena dve araṇī kṛtvā urvaśī-loka-kāmyayā

He then went to the very spot where he had left the vessel-maiden, and there saw an ashvattha tree growing from within the heart of a shami tree. From its wood he fashioned two fire-sticks, longing to reach the world where Urvashi dwelt.

Verse 45 (bhagavata.9.14.45)

उर्वशीं मन्त्रतो ध्यायन्नधरारणिमुत्तराम् । आत्मानमुभयोर्मध्ये यत् तत् प्रजननं प्रभुः ॥ ४५ ॥

urvaśīṁ mantrato dhyāyann adharāraṇim uttarām ātmānam ubhayor madhye yat tat prajananaṁ prabhuḥ

With sacred formulas he meditated on the lower fire-stick as Urvashi, the upper as himself, and, as lord of the rite, on what arose between them as his own son.

Verse 46 (bhagavata.9.14.46)

तस्य निर्मन्थनाज्जातो जातवेदा विभावसुः । त्रय्या स विद्यया राज्ञा पुत्रत्वे कल्पितस्त्रिवृत् ॥ ४६ ॥

tasya nirmanthanāj jāto jāta-vedā vibhāvasuḥ trayyā sa vidyayā rājñā putratve kalpitas tri-vṛt

From his churning of the two sticks was born fire, the knower of all beings; and by the threefold Vedic wisdom, the king esteemed that sacred, threefold fire as his very own son.

Verse 47 (bhagavata.9.14.47)

तेनायजत यज्ञेशं भगवन्तमधोक्षजम् । उर्वशीलोकमन् विच्छन्सर्वदेवमयं हरिम् ॥ ४७ ॥

tenāyajata yajñeśaṁ bhagavantam adhokṣajam urvaśī-lokam anvicchan sarva-devamayaṁ harim

With that fire, longing to reach Urvashi's world, he offered worship to Bhagavan Hari, the lord of sacrifice himself, beyond the reach of the senses, who is the very embodiment of all the gods.

Verse 48 (bhagavata.9.14.48)

एक एव पुरा वेदः प्रणवः सर्ववाङ्मयः । देवो नारायणो नान्य एकोऽग्निर्वर्ण एव च ॥ ४८ ॥

eka eva purā vedaḥ praṇavaḥ sarva-vāṅmayaḥ devo nārāyaṇo nānya eko ’gnir varṇa eva ca

In ancient times there was but a single Veda, the syllable Om containing within it all speech; Narayana alone was worshiped as the Lord, no other; there was but a single sacred fire, and a single order of life.

Verse 49 (bhagavata.9.14.49)

पुरूरवस एवासीत् त्रयी त्रेतामुखे नृप । अग्निना प्रजया राजा लोकं गान्धर्वमेयिवान् ॥ ४९ ॥

purūravasa evāsīt trayī tretā-mukhe nṛpa agninā prajayā rājā lokaṁ gāndharvam eyivān

O king, it was Pururava who, at the very dawn of the Treta age, first brought forth the threefold Vedic knowledge; and through that fire, taken as his own offspring, the king attained the world of the Gandharvas.