The Dynasties of the Sons of Manu

Verse 1 (bhagavata.9.2.1)

श्रीशुक उवाच एवं गतेऽथ सुद्युम्ने मनुर्वैवस्वतः सुते । पुत्रकामस्तपस्तेपे यमुनायां शतं समाः ॥ 2.1 ॥

śrī-śuka uvāca evaṁ gate ’tha sudyumne manur vaivasvataḥ sute putra-kāmas tapas tepe yamunāyāṁ śataṁ samāḥ

Shukadeva said: When Sudyumna had thus departed for the forest, Vaivasvata Manu, desiring more sons, performed austerities on the bank of the Yamuna for a hundred years.

Verse 2 (bhagavata.9.2.2)

ततोऽयजन्मनुर्देवमपत्यार्थं हरिं प्रभुम् । इक्ष्वाकुपूर्वजान् पुत्रान्लेभे स्वसदृशान् दश ॥ 2.2 ॥

tato ’yajan manur devam apatyārthaṁ hariṁ prabhum ikṣvāku-pūrvajān putrān lebhe sva-sadṛśān daśa

Thereafter, desiring offspring, Manu worshipped the almighty Lord Hari, and obtained ten sons like himself, of whom Ikshvaku was the eldest.

Verse 3 (bhagavata.9.2.3)

पृषध्रस्तु मनोः पुत्रो गोपालो गुरुणा कृतः । पालयामास गा यत्तो रात्र्यां वीरासनव्रतः ॥ 2.3 ॥

pṛṣadhras tu manoḥ putro go-pālo guruṇā kṛtaḥ pālayām āsa gā yatto rātryāṁ vīrāsana-vrataḥ

Manu's son Prishadhra was, by his guru's order, made protector of the cows. Keeping the vow of standing sentinel through the night, he guarded the herd.

Verse 4 (bhagavata.9.2.4)

एकदा प्राविशद् गोष्ठं शार्दूलो निशि वर्षति । शयाना गाव उत्थाय भीतास्ता बभ्रमुर्व्रजे ॥ 2.4 ॥

ekadā prāviśad goṣṭhaṁ śārdūlo niśi varṣati śayānā gāva utthāya bhītās tā babhramur vraje

One rainy night, a lion entered the cow-pen. The sleeping cows started up in terror and scattered here and there through the enclosure.

Verse 5 (bhagavata.9.2.5)

एकां जग्राह बलवान् सा चुक्रोश भयातुरा । तस्यास्तु क्रन्दितं श्रुत्वा पृषध्रोऽनुससार ह ॥ 2.5 ॥

ekāṁ jagrāha balavān sā cukrośa bhayāturā tasyāstu kranditaṁ śrutvā pṛṣadhro ’nusasāra ha

The powerful lion seized one of the cows, and she screamed out in terror. Hearing her cry, Prishadhra ran at once toward the sound.

Verse 6 (bhagavata.9.2.6)

खड्गमादाय तरसा प्रलीनोडुगणे निशि । अजानन्नच्छिनोद् बभ्रोः शिरः शार्दूलशङ्कया ॥ 2.6 ॥

khaḍgamādāya tarasā pralīnoḍugaṇe niśi ajānannacchinod babhroḥ śiraḥ śārdūlaśaṅkayā

In the dark of night, the stars hidden by cloud, he seized his sword and — mistaking her for the lion — unknowingly struck off the cow's own head.

Verse 7 (bhagavata.9.2.7)

व्याघ्रोऽपि वृक्णश्रवणो निस्त्रिंशाग्राहतस्ततः । निश्चक्राम भृशं भीतो रक्तं पथि समुत्सृजन् ॥ 2.7 ॥

vyāghro ’pi vṛkṇa-śravaṇo nistriṁśāgrāhatas tataḥ niścakrāma bhṛśaṁ bhīto raktaṁ pathi samutsṛjan

The lion, its ear grazed by the sword's edge, fled from that place in terror, shedding blood along the path.

Verse 8 (bhagavata.9.2.8)

मन्यमानो हतं व्याघ्रं पृषध्रः परवीरहा । अद्राक्षीत् स्वहतां बभ्रुं व्युष्टायां निशि दुःखितः ॥ 2.8 ॥

manyamāno hataṁ vyāghraṁ pṛṣadhraḥ para-vīra-hā adrākṣīt sva-hatāṁ babhruṁ vyuṣṭāyāṁ niśi duḥkhitaḥ

Prishadhra, slayer of enemy heroes, had believed he had killed the lion; but when dawn broke he saw the cow slain by his own hand, and grief overcame him.

Verse 9 (bhagavata.9.2.9)

तं शशाप कुलाचार्यः कृतागसमकामतः । न क्षत्रबन्धुः शूद्रस्त्वं कर्मणा भवितामुना ॥ 2.9 ॥

taṁ śaśāpa kulācāryaḥ kṛtāgasam akāmataḥ na kṣatra-bandhuḥ śūdras tvaṁ karmaṇā bhavitāmunā

Though Prishadhra had committed this sin unknowingly, his family preceptor Vasishtha cursed him: "For this act, you shall not be born a kshatriya again — by this deed you shall become a shudra."

Verse 10 (bhagavata.9.2.10)

एवं शप्तस्तु गुरुणा प्रत्यगृह्णात् कृताञ्जलिः । अधारयद् व्रतं वीर ऊर्ध्वरेता मुनिप्रियम् ॥ 2.10 ॥

evaṁ śaptas tu guruṇā pratyagṛhṇāt kṛtāñjaliḥ adhārayad vrataṁ vīra ūrdhva-retā muni-priyam

Thus cursed by his guru, Prishadhra accepted the curse with folded hands, and took up the vow of celibate continence so dear to the sages.

Verse 11 (bhagavata.9.2.11)

वासुदेवे भगवति सर्वात्मनि परेऽमले । एकान्तित्वं गतो भक्त्या सर्वभूतसुहृत् समः ॥ 2.11 ॥

vāsudeve bhagavati sarvātmani pare ’male ekāntitvaṁ gato bhaktyā sarvabhūtasuhṛt samaḥ

He became single-mindedly devoted, through bhakti, to Lord Vasudeva — the Self of all beings, supreme and untainted — and grew even-minded and a well-wisher toward every creature.

Verse 12 (bhagavata.9.2.12)

विमुक्तसङ्गः शान्तात्मा संयताक्षोऽपरिग्रहः । यदृच्छयोपपन्नेन कल्पयन् वृत्तिमात्मनः ॥ 2.12 ॥

vimuktasaṅgaḥ śāntātmā saṁyatākṣo ’parigrahaḥ yadṛcchayopapannena kalpayan vṛttimātmanaḥ

Free of all attachment, tranquil of mind, his senses subdued, owning nothing, he sustained himself on whatever came to him unsought.

Verse 13 (bhagavata.9.2.13)

आत्मन्यात्मानमाधाय ज्ञानतृप्तः समाहितः । विचचार महीमेतां जडान्धबधिराकृतिः ॥ 2.13 ॥

ātmanyātmānamādhāya jñānatṛptaḥ samāhitaḥ vicacāra mahīmetāṁ jaḍāndhabadhirākṛtiḥ

Resting the self within the self, satisfied in knowledge and deeply composed, he wandered this earth as though he were dumb, blind and deaf.

Verse 14 (bhagavata.9.2.14)

एवं वृत्तो वनं गत्वा दृष्ट्वा दावाग्निमुत्थितम् । तेनोपयुक्तकरणो ब्रह्म प्राप परं मुनिः ॥ 2.14 ॥

evaṁ vṛtto vanaṁ gatvā dṛṣṭvā dāvāgnim utthitam tenopayukta-karaṇo brahma prāpa paraṁ muniḥ

Established in this state, he went to the forest, and upon seeing a blazing wildfire, the sage gave up his body in it and attained the Supreme Absolute.

Verse 15 (bhagavata.9.2.15)

कविः कनीयान् विषयेषु निःस्पृहो विसृज्य राज्यं सह बन्धुभिर्वनम् । निवेश्य चित्ते पुरुषं स्वरोचिषं विवेश कैशोरवयाः परं गतः ॥ 2.15 ॥

kaviḥ kanīyān viṣayeṣu niḥspṛho visṛjya rājyaṁ saha bandhubhir vanam niveśya citte puruṣaṁ sva-rociṣaṁ viveśa kaiśora-vayāḥ paraṁ gataḥ

Manu's youngest son, Kavi, was wholly free of desire for sense-objects. Even before full youth he renounced the kingdom and went with his kinsmen to the forest; fixing the self-luminous Supreme Person within his heart, he attained the highest state.

Verse 16 (bhagavata.9.2.16)

करूषान्मानवादासन् कारूषाः क्षत्रजातयः । उत्तरापथगोप्तारो ब्रह्मण्या धर्मवत्सलाः ॥ 2.16 ॥

karūṣān mānavād āsan kārūṣāḥ kṣatra-jātayaḥ uttarā-patha-goptāro brahmaṇyā dharma-vatsalāḥ

From Manu's son Karusha arose the Karusha lineage of kshatriyas. They were the guardians of the northern lands, friends to the brahmanas, and devoted to dharma.

Verse 17 (bhagavata.9.2.17)

धृष्टाद् धार्ष्टमभूत् क्षत्रं ब्रह्मभूयं गतं क्षितौ । नृगस्य वंशः सुमतिर्भूतज्योतिस्ततो वसुः ॥ 2.17 ॥

dhṛṣṭād dhārṣṭam abhūt kṣatraṁ brahma-bhūyaṁ gataṁ kṣitau nṛgasya vaṁśaḥ sumatir bhūtajyotis tato vasuḥ

From Dhrishta came the Dharshta kshatriya line, which on this earth attained the status of brahmanas. In Nriga's line came Sumati, from Sumati Bhutajyoti, and from Bhutajyoti, Vasu.

Verse 18 (bhagavata.9.2.18)

वसोः प्रतीकस्तत्पुत्र ओघवानोघवत्पिता । कन्या चौघवती नाम सुदर्शन उवाह ताम् ॥ 2.18 ॥

vasoḥ pratīkas tat-putra oghavān oghavat-pitā kanyā caughavatī nāma sudarśana uvāha tām

Vasu's son was Pratika, whose son was Oghavan; and Oghavan had a daughter named Oghavati, whom Sudarshana took in marriage.

Verse 19 (bhagavata.9.2.19)

चित्रसेनो नरिष्यन्तादृक्षस्तस्य सुतोऽभवत् । तस्य मीढ्वांस्ततः पूर्ण इन्द्रसेनस्तु तत्सुतः ॥ 2.19 ॥

citraseno nariṣyantād ṛkṣas tasya suto ’bhavat tasya mīḍhvāṁs tataḥ pūrṇa indrasenas tu tat-sutaḥ

From Narishyanta came Chitrasena, and his son was Riksha; from Riksha came Midhvan, from Midhvan, Purna, and from Purna, Indrasena.

Verse 20 (bhagavata.9.2.20)

वीतिहोत्रस्त्विन्द्रसेनात् तस्य सत्यश्रवा अभूत् । उरुश्रवाः सुतस्तस्य देवदत्तस्ततोऽभवत् ॥ 2.20 ॥

vītihotras tv indrasenāt tasya satyaśravā abhūt uruśravāḥ sutas tasya devadattas tato ’bhavat

From Indrasena came Vitihotra; from him, Satyashrava; from Satyashrava his son Urushrava; and from Urushrava, Devadatta.

Verse 21 (bhagavata.9.2.21)

ततोऽग्निवेश्यो भगवानग्निः स्वयमभूत् सुतः । कानीन इति विख्यातो जातूकर्ण्यो महानृषिः ॥ 2.21 ॥

tato ’gniveśyo bhagavān agniḥ svayam abhūt sutaḥ kānīna iti vikhyāto jātūkarṇyo mahān ṛṣiḥ

Thereafter the fire-god Agni himself became manifest as the son Agniveshya — a great sage renowned by the names Kanina and Jatukarnya.

Verse 22 (bhagavata.9.2.22)

ततो ब्रह्मकुलं जातमाग्निवेश्यायनं नृप । नरिष्यन्तान्वयः प्रोक्तो दिष्टवंशमतः शृणु ॥ 2.22 ॥

tato brahma-kulaṁ jātam āgniveśyāyanaṁ nṛpa nariṣyantānvayaḥ prokto diṣṭa-vaṁśam ataḥ śṛṇu

O King, from Agniveshya arose the brahmana lineage known as Agniveshyayana. Thus have I told the line of Narishyanta; now hear the line of Dishta.

Verse 23 (bhagavata.9.2.23)

नाभागो दिष्टपुत्रोऽन्यः कर्मणा वैश्यतां गतः । भलन्दनः सुतस्तस्य वत्सप्रीतिर्भलन्दनात् ॥ 2.23 ॥

nābhāgo diṣṭaputro ’nyaḥ karmaṇā vaiśyatāṁ gataḥ bhalandanaḥ sutastasya vatsaprītirbhalandanāt

Dishta had another son, Nabhaga, who by his occupation became a vaishya. From Nabhaga came Bhalandana, and from Bhalandana, Vatsapriti.

Verse 24 (bhagavata.9.2.24)

वत्सप्रीतेः सुतः प्रांशुस्तत्सुतं प्रमतिं विदुः । खनित्रः प्रमतेस्तस्माच्चाक्षुषोऽथ विविंशतिः ॥ 2.24 ॥

vatsaprīteḥ sutaḥ prāṁśustatsutaṁ pramatiṁ viduḥ khanitraḥ pramatestasmāccākṣuṣo ’tha viviṁśatiḥ

Vatsapriti's son was Pramshu, and his son was known as Pramati; from Pramati came Khanitra, from Khanitra, Chakshusha, and from him, Vivimshati.

Verse 25 (bhagavata.9.2.25)

विविंशतेः सुतो रम्भः खनीनेत्रोऽस्य धार्मिकः । करन्धमो महाराज तस्यासीदात्मजो नृप ॥ 2.25 ॥

viviṁśateḥ suto rambhaḥ khanīnetro ’sya dhārmikaḥ karandhamo mahārāja tasyāsīd ātmajo nṛpa

Vivimshati's son was Rambha, whose righteous son was Khaninetra; and O King, Khaninetra's son was King Karandhama.

Verse 26 (bhagavata.9.2.26)

तस्यावीक्षित् सुतो यस्य मरुत्तश्चक्रवर्त्यभूत् । संवर्तोऽयाजयद् यं वै महायोग्यङ्गिरःसुतः ॥ 2.26 ॥

tasyāvīkṣit suto yasya maruttaś cakravarty abhūt saṁvarto ’yājayad yaṁ vai mahā-yogy aṅgiraḥ-sutaḥ

From Karandhama came a son named Avikshit, whose son was Marutta, the universal emperor; the great mystic Samvarta, son of Angira, engaged him in performing sacrifice.

Verse 27 (bhagavata.9.2.27)

मरुत्तस्य यथा यज्ञो न तथान्योऽस्ति कश्चन । सर्वं हिरण्मयं त्वासीद् यत् किञ्चिच्चास्य शोभनम् ॥ 2.27 ॥

maruttasya yathā yajño na tathānyo ’sti kaścana sarvaṁ hiraṇmayaṁ tv āsīd yat kiñcic cāsya śobhanam

No other sacrifice has ever equalled Marutta's; whatever splendid thing that sacrifice possessed was wrought entirely of gold.

Verse 28 (bhagavata.9.2.28)

अमाद्यदिन्द्रः सोमेन दक्षिणाभिर्द्विजातयः । मरुतः परिवेष्टारो विश्वेदेवाः सभासदः ॥ 2.28 ॥

amādyad indraḥ somena dakṣiṇābhir dvijātayaḥ marutaḥ pariveṣṭāro viśvedevāḥ sabhā-sadaḥ

At that sacrifice Indra grew intoxicated on soma, the brahmanas were satisfied with lavish gifts, the Maruts served as attendants, and the Vishvedevas sat as members of the assembly.

Verse 29 (bhagavata.9.2.29)

मरुत्तस्य दमः पुत्रस्तस्यासीद् राज्यवर्धनः । सुधृतिस्तत्सुतो जज्ञे सौधृतेयो नरः सुतः ॥ 2.29 ॥

maruttasya damaḥ putras tasyāsīd rājyavardhanaḥ sudhṛtis tat-suto jajñe saudhṛteyo naraḥ sutaḥ

Marutta's son was Dama, and Dama's son, Rajyavardhana; from Rajyavardhana came Sudhriti, and Sudhriti's son was Nara.

Verse 30 (bhagavata.9.2.30)

तत्सुतः केवलस्तस्माद् धुन्धुमान्वेगवांस्ततः । बुधस्तस्याभवद् यस्य तृणबिन्दुर्महीपतिः ॥ 2.30 ॥

tat-sutaḥ kevalas tasmād dhundhumān vegavāṁs tataḥ budhas tasyābhavad yasya tṛṇabindur mahīpatiḥ

Nara's son was Kevala, from him came Dhundhuman, and from Dhundhuman, Vegavan. Vegavan's son was Budha, whose son was Trinabindu, who became lord of this earth.

Verse 31 (bhagavata.9.2.31)

तं भेजेऽलम्बुषा देवी भजनीयगुणालयम् । वराप्सरा यतः पुत्राः कन्या चेलविलाभवत् ॥ 2.31 ॥

taṁ bheje ’lambuṣā devī bhajanīya-guṇālayam varāpsarā yataḥ putrāḥ kanyā celavilābhavat

The celestial Alambusha, foremost of the Apsaras, chose the virtuous Trinabindu as her husband; from her were born several sons and a daughter named Ilavila.

Verse 32 (bhagavata.9.2.32)

यस्यामुत्पादयामास विश्रवा धनदं सुतम् । प्रादाय विद्यां परमामृषिर्योगेश्वरः पितुः ॥ 2.32 ॥

yasyām utpādayām āsa viśravā dhanadaṁ sutam prādāya vidyāṁ paramām ṛṣir yogeśvaraḥ pituḥ

The sage Vishrava, lord of yoga, having received the highest knowledge from his father, begot in that same Ilavila the son named Dhanada, giver of wealth — Kubera.

Verse 33 (bhagavata.9.2.33)

विशालः शून्यबन्धुश्च धूम्रकेतुश्च तत्सुताः । विशालो वंशकृद् राजा वैशालीं निर्ममे पुरीम् ॥ 2.33 ॥

viśālaḥ śūnyabandhuś ca dhūmraketuś ca tat-sutāḥ viśālo vaṁśa-kṛd rājā vaiśālīṁ nirmame purīm

Trinabindu had three sons — Vishala, Shunyabandhu and Dhumraketu. Of these, Vishala founded his own lineage and built the city known as Vaishali.

Verse 34 (bhagavata.9.2.34)

हेमचन्द्रः सुतस्तस्य धूम्राक्षस्तस्य चात्मजः । तत्पुत्रात् संयमादासीत् कृशाश्वः सहदेवजः ॥ 2.34 ॥

hemacandraḥ sutas tasya dhūmrākṣas tasya cātmajaḥ tat-putrāt saṁyamād āsīt kṛśāśvaḥ saha-devajaḥ

Vishala's son was Hemachandra, his son was Dhumraksha, and his son Samyama had sons named Devaja and Krishashva.

Verse 35 (bhagavata.9.2.35)

कृशाश्वात् सोमदत्तोऽभूद् योऽश्वमेधैरिडस्पतिम् । इष्ट्वा पुरुषमापाग्र्यां गतिं योगेश्वराश्रिताम् ॥ 2.35 ॥

kṛśāśvāt somadatto ’bhūd yo ’śvamedhairiḍaspatim iṣṭvā puruṣamāpāgryāṁ gatiṁ yogeśvarāśritām

From Krishashva came Somadatta, who through ashvamedha sacrifices worshipped Lord Vishnu, and thereby attained the most exalted state, reserved for the masters of yoga.

Verse 36 (bhagavata.9.2.36)

सौमदत्तिस्तु सुमतिस्तत्पुत्रो जनमेजयः । एते वैशालभूपालास्तृणबिन्दोर्यशोधराः ॥ 2.36 ॥

saumadattistu sumatistatputro janamejayaḥ ete vaiśālabhūpālāstṛṇabindoryaśodharāḥ

Somadatta's son was Sumati, and his son was Janamejaya; all these were the kings of Vaishali, bearers of Trinabindu's renown.