The Story of Bhramari Devi

Verse 1 (devibhagavatam.10.13.1)

श्रीनारायण उवाच । अथातः श्रूयतां शेषमनूनां चित्रमुद्भवम् । यस्य स्मरणमात्रेण देवीभक्तिः प्रजायते ॥

śrīnārāyaṇa uvāca athātaḥ śrūyatāṁ śeṣamanūnāṁ citramudbhavam yasya smaraṇamātreṇa devībhaktiḥ prajāyate

Shri Narayana said: Now hear the remaining wondrous origin of the Manus, by whose mere remembrance devotion to the Goddess is born.

Verse 2 (devibhagavatam.10.13.2)

आसन्वैवस्वतमनोः पुत्राः षड् विमलोदयाः । करूषश्च पृषध्रश्च नाभागो दिष्ट एव च ॥

āsanvaivasvatamanoḥ putrāḥ ṣaḍ vimalodayāḥ karūṣaśca pṛṣadhraśca nābhāgo diṣṭa eva ca

There were six sons of Vaivasvata Manu, of pure origin: Karusha, Prishadhra, Nabhaga, and Dishta indeed —

Verse 3 (devibhagavatam.10.13.3)

शर्यातिश्च त्रिशङ्कुश्च सर्व एव महाबलाः । ततः षडेव ते गत्वा कालिन्द्यास्तीरमुत्तमम् ॥

śaryātiśca triśaṅkuśca sarva eva mahābalāḥ tataḥ ṣaḍeva te gatvā kālindyāstīramuttamam

— Sharyati and Trishanku, all of them of great strength. Then these six, going to the excellent bank of the Kalindi —

Verse 4 (devibhagavatam.10.13.4)

निराहारा जितश्वासाः पूजां चक्रुस्ततः स्थिताः । देव्या महीमयीं मूर्तिं विनिर्माय पृथक्पृथक् ॥

nirāhārā jitaśvāsāḥ pūjāṁ cakrustataḥ sthitāḥ devyā mahīmayīṁ mūrtiṁ vinirmāya pṛthakpṛthak

— fasting, their breath controlled, remaining there, performed worship, each separately fashioning an earthen image of the Goddess.

Verse 5 (devibhagavatam.10.13.5)

विविधैरुपचारैस्तां पूजयामासुरादृताः । ततश्च सर्व एवैते तपःसारा महाबलाः ॥

vividhairupacāraistāṁ pūjayāmāsurādṛtāḥ tataśca sarva evaite tapaḥsārā mahābalāḥ

With various offerings they worshipped her with reverence. And then all these, whose essence was austerity, of great strength —

Verse 6 (devibhagavatam.10.13.6)

जीर्णपर्णाशना वायुभक्षणास्तोयजीवनाः । धूम्रपाना रश्मिपानाः क्रमशश्च बहुश्रमाः ॥

jīrṇaparṇāśanā vāyubhakṣaṇāstoyajīvanāḥ dhūmrapānā raśmipānāḥ kramaśaśca bahuśramāḥ

— eating withered leaves, subsisting on air, living on water, drinking smoke, drinking sun-rays, in turn, with much toil —

Verse 7 (devibhagavatam.10.13.7)

ततस्तेषामादरेणाराधनं कुर्वतां सदा । विमला मतिरुत्पन्ना सर्वमोहविनाशिनी ॥

tatasteṣāmādareṇārādhanaṁ kurvatāṁ sadā vimalā matirutpannā sarvamohavināśinī

— then, as they performed worship with devotion always, a stainless understanding arose, destroying all delusion.

Verse 8 (devibhagavatam.10.13.8)

बभूवुर्मनुपुत्रास्ते देवीपादैकचिन्तनाः । मत्या विमलया तेषामात्मन्येवाखिलं जगत् ॥

babhūvurmanuputrāste devīpādaikacintanāḥ matyā vimalayā teṣāmātmanyevākhilaṁ jagat

The sons of Manu became fixed solely in contemplation of the Goddess's feet. By their stainless understanding, within their very selves —

Verse 9 (devibhagavatam.10.13.9)

दर्शनं सञ्जगामाशु तदद्भुतमिवाभवत् । एवं द्वादशवर्षान्ते तपसा जगदीश्वरी ॥

darśanaṁ sañjagāmāśu tadadbhutamivābhavat evaṁ dvādaśavarṣānte tapasā jagadīśvarī

— the whole universe swiftly appeared to their vision; it was as if a wonder had occurred. Thus, at the end of twelve years of austerity —

Verse 10 (devibhagavatam.10.13.10)

प्रादुर्बभूव देवेशी सहस्रार्कसमद्युतिः । तां दृष्ट्वा विमलात्मानो राजपुत्राः षडेव ते ॥

prādurbabhūva deveśī sahasrārkasamadyutiḥ tāṁ dṛṣṭvā vimalātmāno rājaputrāḥ ṣaḍeva te

— the sovereign Goddess of the universe appeared, radiant as a thousand suns. Seeing her, those six princes, of stainless soul —

Verse 11 (devibhagavatam.10.13.11)

तुष्टुवुर्भक्तिनम्रान्तःकरणा भावसंयुताः । राजपुत्रा ऊचुः । महेश्वरि जयेशानि परमे करुणालये ॥

tuṣṭuvurbhaktinamrāntaḥkaraṇā bhāvasaṁyutāḥ rājaputrā ūcuḥ maheśvari jayeśāni parame karuṇālaye

— praised her, their inner hearts bowed with devotion, filled with feeling. The princes said: 'O great sovereign, victory to you, Ishani, supreme, abode of compassion —'

Verse 12 (devibhagavatam.10.13.12)

वाग्भवाराधनप्रीते वाग्भवप्रतिपादिते । क्लीङ्कारविग्रहे देवि क्लीङ्कारप्रीतिदायिनि ॥

vāgbhavārādhanaprīte vāgbhavapratipādite klīṅkāravigrahe devi klīṅkāraprītidāyini

'— pleased by the worship of Vagbhava, expounded by Vagbhava itself; O Goddess whose form is the syllable Klim, giver of delight in the syllable Klim —'

Verse 13 (devibhagavatam.10.13.13)

कामराजमनोमोददायिनीश्वरतोषिणि । महामाये मोदपरे महासाम्राज्यदायिनि ॥

kāmarājamanomodadāyinīśvaratoṣiṇi mahāmāye modapare mahāsāmrājyadāyini

'— giver of the delight of the mind through the Kamaraja mantra, satisfying the Lord; great Maya, delighting in joy, giver of vast sovereignty —'

Verse 14 (devibhagavatam.10.13.14)

विष्ण्वर्कहरशक्रादिस्वरूपे भोगवर्धिनि । एवं स्तुता भगवती राजपुत्रैर्महात्मभिः ॥

viṣṇvarkaharaśakrādisvarūpe bhogavardhini evaṁ stutā bhagavatī rājaputrairmahātmabhiḥ

'— whose form is Vishnu, Surya, Hara, Indra, and the rest, increaser of enjoyment.' Thus praised by the great-souled princes —

Verse 15 (devibhagavatam.10.13.15)

प्रसादसुमुखी देवी प्रोवाच वचनं शुभम् । देव्युवाच । राजपुत्रा महात्मानो भवन्तस्तपसा युताः ॥

prasādasumukhī devī provāca vacanaṁ śubham devyuvāca rājaputrā mahātmāno bhavantastapasā yutāḥ

— the Goddess, her face gracious with favor, spoke auspicious words. The Goddess said: 'O great-souled princes, endowed with austerity —'

Verse 16 (devibhagavatam.10.13.16)

निष्कल्मषाः शुद्धधियो जाता वै मदुपासनात् । वरं मनोगतं सर्वं याचध्वमविलम्बितम् ॥

niṣkalmaṣāḥ śuddhadhiyo jātā vai madupāsanāt varaṁ manogataṁ sarvaṁ yācadhvamavilambitam

'— you have become free of blemish, of pure understanding, through worship of me. Ask without delay for whatever boon is in your mind.'

Verse 17 (devibhagavatam.10.13.17)

प्रसन्नाहं प्रदास्यामि युष्माकं मनसि स्थितम् । राजपुत्रा ऊचुः । देवि निष्कण्टकं राज्यं सन्ततिश्चिरजीविनी ॥

prasannāhaṁ pradāsyāmi yuṣmākaṁ manasi sthitam rājaputrā ūcuḥ devi niṣkaṇṭakaṁ rājyaṁ santatiścirajīvinī

'I am pleased; I shall grant what is fixed in your minds.' The princes said: 'O Goddess, a kingdom free of thorns, a long-lived lineage —'

Verse 18 (devibhagavatam.10.13.18)

भोगा अव्याहता कामं यशस्तेजो मतिश्च ह । अकुण्ठितत्वं सर्वेषामेष एव वरो हितः ॥

bhogā avyāhatā kāmaṁ yaśastejo matiśca ha akuṇṭhitatvaṁ sarveṣāmeṣa eva varo hitaḥ

'— pleasures unimpeded as desired, fame, splendor, and understanding — may these be unhindered for all of us; this alone is the beneficial boon.'

Verse 19 (devibhagavatam.10.13.19)

देव्युवाच । एवमस्तु च सर्वेषां भवतां यन्मनोगतम् । अथान्यदपि मे वाक्यं भूयतामादरादिदम् ॥

devyuvāca evamastu ca sarveṣāṁ bhavatāṁ yanmanogatam athānyadapi me vākyaṁ bhūyatāmādarādidam

The Goddess said: 'So be it, whatever is in the minds of all of you. Now hear also this further word of mine, with reverence —'

Verse 20 (devibhagavatam.10.13.20)

भवन्तः सर्व एवैते मन्वन्तरपतीश्वराः । सन्तत्या दीर्घया भोगैरनेकैरपि सङ्गमः ॥

bhavantaḥ sarva evaite manvantarapatīśvarāḥ santatyā dīrghayā bhogairanekairapi saṅgamaḥ

'— all of you shall become lords, sovereigns of manvantaras; through long-lasting progeny and union with many enjoyments —'

Verse 21 (devibhagavatam.10.13.21)

अखण्डितबलैश्वर्यं यशस्तेजोविभूतयः । भवितारो मत्प्रसादाद्राजपुत्राः क्रमेण तु ॥

akhaṇḍitabalaiśvaryaṁ yaśastejovibhūtayaḥ bhavitāro matprasādādrājaputrāḥ krameṇa tu

'— with unbroken strength and sovereignty, fame, splendor, and glories — you princes shall become these, in due order, by my grace.'

Verse 22 (devibhagavatam.10.13.22)

श्रीनारायण उवाच । एवं तेभ्यो वरान्दत्त्वा भ्रामरी जगदम्बिका । अन्तर्धानं जगामाशु भक्त्या तैः संस्तुता सती ॥

śrīnārāyaṇa uvāca evaṁ tebhyo varāndattvā bhrāmarī jagadambikā antardhānaṁ jagāmāśu bhaktyā taiḥ saṁstutā satī

Shri Narayana said: Having thus granted them boons, Bhramari, the Mother of the world, being praised by them with devotion, immediately vanished, that virtuous one.

Verse 23 (devibhagavatam.10.13.23)

ते राजपुत्राः सर्वेऽपि तस्मिञ्जन्मन्यनुत्तमम् । राज्यं महीगतान्भोगान्बुभुजुश्च महौजसः ॥

te rājaputrāḥ sarve'pi tasmiñjanmanyanuttamam rājyaṁ mahīgatānbhogānbubhujuśca mahaujasaḥ

All those princes, in that very birth, unsurpassed, enjoyed the kingdom and the pleasures found on earth, those of great vigor.

Verse 24 (devibhagavatam.10.13.24)

सन्ततिं चाखण्डितां ते समुत्पाद्य महीतले । वंशं संस्थाप्य सर्वेऽपि मनूनां पतयोऽभवन् ॥

santatiṁ cākhaṇḍitāṁ te samutpādya mahītale vaṁśaṁ saṁsthāpya sarve'pi manūnāṁ patayo'bhavan

Having produced unbroken progeny on the earth, and having established their lineage, they all became lords of Manus —

Verse 25 (devibhagavatam.10.13.25)

भवान्तरे क्रमेणैव सावर्णिपदभागिनः । प्रथमो दक्षसावर्णिर्नवमो मनुरीरितः ॥

bhavāntare krameṇaiva sāvarṇipadabhāginaḥ prathamo dakṣasāvarṇirnavamo manurīritaḥ

— in due order, in a later existence, sharers of the status of Savarni. The first, Daksha-Savarni, is spoken of as the ninth Manu —

Verse 26 (devibhagavatam.10.13.26)

अव्याहतबलो देव्याः प्रसादादभवद्विभुः । द्वितीयो मेरुसावर्णिर्दशमो मनुरेव च ॥

avyāhatabalo devyāḥ prasādādabhavadvibhuḥ dvitīyo merusāvarṇirdaśamo manureva ca

— of unhindered strength, he became mighty by the Goddess's grace. The second, Meru-Savarni, is indeed the tenth Manu —

Verse 27 (devibhagavatam.10.13.27)

बभूव मन्वन्तरपो महादेवीप्रसादतः । तृतीयो मनुराख्यातः सूर्यसावर्णिनामकः ॥

babhūva manvantarapo mahādevīprasādataḥ tṛtīyo manurākhyātaḥ sūryasāvarṇināmakaḥ

— he became the lord of a manvantara by the great Goddess's grace. The third Manu is called by the name Surya-Savarni —

Verse 28 (devibhagavatam.10.13.28)

एकादशो महोत्साहस्तपसा स्वेन भावितः । चतुर्थश्चन्द्रसावर्णिर्द्वादशो मनुराड् विभुः ॥

ekādaśo mahotsāhastapasā svena bhāvitaḥ caturthaścandrasāvarṇirdvādaśo manurāḍ vibhuḥ

— the eleventh, of great vigor, sanctified by his own austerity. The fourth, Chandra-Savarni, sovereign, the twelfth Manu, that mighty one —

Verse 29 (devibhagavatam.10.13.29)

देवीसमाराधनेन जातो मन्वन्तरेश्वरः । पञ्चमो रुद्रसावर्णिस्त्रयोदशमनुः स्मृतः ॥

devīsamārādhanena jāto manvantareśvaraḥ pañcamo rudrasāvarṇistrayodaśamanuḥ smṛtaḥ

— became lord of a manvantara through worship of the Goddess. The fifth, Rudra-Savarni, is remembered as the thirteenth Manu —

Verse 30 (devibhagavatam.10.13.30)

महाबलो महासत्त्वो बभूव जगदीश्वरः । षष्ठश्च विष्णुसावर्णिश्चतुर्दशमनुः कृती ॥

mahābalo mahāsattvo babhūva jagadīśvaraḥ ṣaṣṭhaśca viṣṇusāvarṇiścaturdaśamanuḥ kṛtī

— of great strength, of great being, became lord of the world. And the sixth, Vishnu-Savarni, the accomplished fourteenth Manu —

Verse 31 (devibhagavatam.10.13.31)

बभूव देवीवरतो जगतां प्रथितः प्रभुः । चतुर्दशैते मनवो महातेजोबलैर्युताः ॥

babhūva devīvarato jagatāṁ prathitaḥ prabhuḥ caturdaśaite manavo mahātejobalairyutāḥ

— became, by the Goddess's boon, a renowned lord of the worlds. These fourteen Manus, endowed with great splendor and strength —

Verse 32 (devibhagavatam.10.13.32)

देव्याराधनतः पूज्या वन्द्या लोकेषु नित्यशः । महाप्रतापिनः सर्वे भ्रामर्यास्तु प्रसादतः ॥

devyārādhanataḥ pūjyā vandyā lokeṣu nityaśaḥ mahāpratāpinaḥ sarve bhrāmaryāstu prasādataḥ

— through worship of the Goddess, are worthy of worship and homage always in the worlds; all of them of great might, by the grace of Bhramari.

Verse 33 (devibhagavatam.10.13.33)

नारद उवाच । केयं सा भ्रामरी देवी कथं जाता किमात्मिका । तदाख्यानं वद प्राज्ञ विचित्रं शोकनाशकम् ॥

nārada uvāca keyaṁ sā bhrāmarī devī kathaṁ jātā kimātmikā tadākhyānaṁ vada prājña vicitraṁ śokanāśakam

Narada said: Who is that Bhramari Devi, how was she born, of what nature is she? Tell that wondrous account, O wise one, the destroyer of sorrow.

Verse 34 (devibhagavatam.10.13.34)

न तृप्तिमधिगच्छामि पिबन्देवीकथामृतम् । अमृतं पिबतां मृत्युर्नास्य श्रवणतो यतः ॥

na tṛptimadhigacchāmi pibandevīkathāmṛtam amṛtaṁ pibatāṁ mṛtyurnāsya śravaṇato yataḥ

I do not attain satiety drinking the nectar of the Goddess's story — death does not come to those who drink nectar, from hearing this.

Verse 35 (devibhagavatam.10.13.35)

श्रीनारायण उवाच । शृणु नारद वक्ष्यामि जगन्मातुर्विचेष्टितम् । अचिन्त्याव्यक्तरूपाया विचित्रं मोक्षदायकम् ॥

śrīnārāyaṇa uvāca śṛṇu nārada vakṣyāmi jaganmāturviceṣṭitam acintyāvyaktarūpāyā vicitraṁ mokṣadāyakam

Shri Narayana said: Listen, Narada, I shall relate the deeds of the Mother of the world, of inconceivable, unmanifest form, wondrous, the giver of liberation.

Verse 36 (devibhagavatam.10.13.36)

यद्यच्चरित्रं श्रीदेव्यास्तत्सर्वं लोकहेतवे । निर्व्याजया करुणया पुत्रे मातुर्यथा तथा ॥

yadyaccaritraṁ śrīdevyāstatsarvaṁ lokahetave nirvyājayā karuṇayā putre māturyathā tathā

Whatever the story of Shri Devi, all of it is for the world's sake, out of unfeigned compassion, as a mother's is for her child.

Verse 37 (devibhagavatam.10.13.37)

पूर्वं दैत्यो महानासीदरुणाख्यो महाबलः । पाताले दैत्यसंस्थाने देवद्वेषी महाखलः ॥

pūrvaṁ daityo mahānāsīdaruṇākhyo mahābalaḥ pātāle daityasaṁsthāne devadveṣī mahākhalaḥ

Formerly there was a great daitya named Aruna, of great strength, in the netherworld, the abode of the daityas, a hater of the gods, greatly wicked.

Verse 38 (devibhagavatam.10.13.38)

स देवाञ्जेतुकामश्च चकार परमं तपः । पद्मसम्भवमुद्दिश्य स नस्त्राता भविष्यति ॥

sa devāñjetukāmaśca cakāra paramaṁ tapaḥ padmasambhavamuddiśya sa nastrātā bhaviṣyati

Desiring to conquer the gods, he performed the utmost austerity, with Brahma, the lotus-born, in mind — 'he shall be my savior.'

Verse 39 (devibhagavatam.10.13.39)

गत्वा हिमवतः पार्श्वे गङ्गाजलसुशीतले । पक्वपर्णाशनो योगी सन्निरुध्य मरुद्गणम् ॥

gatvā himavataḥ pārśve gaṅgājalasuśītale pakvaparṇāśano yogī sannirudhya marudgaṇam

Going to the side of the Himalaya, by the cool waters of the Ganga, that yogi, eating ripened leaves, having restrained the group of vital winds —

Verse 40 (devibhagavatam.10.13.40)

गायत्रीजपसंसक्तः सकामस्तमसा युतः । दशवर्षसहस्राणि ततो वारिकणाशनः ॥

gāyatrījapasaṁsaktaḥ sakāmastamasā yutaḥ daśavarṣasahasrāṇi tato vārikaṇāśanaḥ

— devoted to the japa of Gayatri, full of desire yet possessed by tamas — for ten thousand years, then, subsisting only on drops of water —

Verse 41 (devibhagavatam.10.13.41)

दशवर्षसहस्राणि ततः पवनभोजनः । दशवर्षसहस्राणि निराहारोऽभवत्ततः ॥

daśavarṣasahasrāṇi tataḥ pavanabhojanaḥ daśavarṣasahasrāṇi nirāhāro'bhavattataḥ

— for ten thousand years, then feeding on air alone — for ten thousand years, then he became one who took no food at all.

Verse 42 (devibhagavatam.10.13.42)

एवं तपस्यतस्तस्य शरीरादुत्थितोऽनलः । ददाह जगतीं सर्वां तदद्भुतमिवाभवत् ॥

evaṁ tapasyatastasya śarīrādutthito'nalaḥ dadāha jagatīṁ sarvāṁ tadadbhutamivābhavat

Thus, as he performed austerity, fire arose from his body and burned the entire earth; it was as if a wonder had occurred.

Verse 43 (devibhagavatam.10.13.43)

किमिदं किमिदं चेति देवाः सर्वे चकम्पिरे । सन्त्रस्ताः सकला लोका ब्रह्माणं शरणं ययुः ॥

kimidaṁ kimidaṁ ceti devāḥ sarve cakampire santrastāḥ sakalā lokā brahmāṇaṁ śaraṇaṁ yayuḥ

'What is this, what is this?' — all the gods trembled. All the worlds, terrified, went to Brahma for refuge.

Verse 44 (devibhagavatam.10.13.44)

विज्ञापितं देववरैः श्रुत्वा तत्र चतुर्मुखः । गायत्रीसहितो हंससमारूढो ययौ मुदा ॥

vijñāpitaṁ devavaraiḥ śrutvā tatra caturmukhaḥ gāyatrīsahito haṁsasamārūḍho yayau mudā

Having heard what was represented by the best of gods, the four-faced one there, together with Gayatri, mounted on his swan, went forth with joy.

Verse 45 (devibhagavatam.10.13.45)

प्राणमात्रावशिष्टं तं धमनीशतसङ्कुलम् । शुष्कोदरं क्षामगात्रं ध्यानमीलितलोचनम् ॥

prāṇamātrāvaśiṣṭaṁ taṁ dhamanīśatasaṅkulam śuṣkodaraṁ kṣāmagātraṁ dhyānamīlitalocanam

He saw him, reduced to but a breath remaining, his body a mass of a hundred veins, his belly shrunken, his limbs emaciated, his eyes closed in meditation —

Verse 46 (devibhagavatam.10.13.46)

ददर्श तेजसा दीप्तं द्वितीयमिव पावकम् । वरं वरय भद्रं ते वत्स यन्मनसि स्थितम् ॥

dadarśa tejasā dīptaṁ dvitīyamiva pāvakam varaṁ varaya bhadraṁ te vatsa yanmanasi sthitam

— blazing with splendor like a second fire. 'Choose a boon, blessed one, my child, whatever is fixed in your mind —'

Verse 47 (devibhagavatam.10.13.47)

श्रुतिमात्रेण सन्तोषकारकं वाक्यमूचिवान् । श्रुत्वा ब्रह्ममुखाद्वाणीं सुधाधारामिवारुणः ॥

śrutimātreṇa santoṣakārakaṁ vākyamūcivān śrutvā brahmamukhādvāṇīṁ sudhādhārāmivāruṇaḥ

— he spoke words that brought contentment merely by hearing them. Hearing that voice from Brahma's mouth, like a stream of nectar, Aruna —

Verse 48 (devibhagavatam.10.13.48)

उन्मीलिताक्षः पुरतो ददर्श जलजोद्भवम् । गायत्रीसहितं देवं चतुर्वेदसमन्वितम् ॥

unmīlitākṣaḥ purato dadarśa jalajodbhavam gāyatrīsahitaṁ devaṁ caturvedasamanvitam

— opened his eyes and beheld before him the lotus-born one, together with Gayatri, accompanied by the four Vedas —

Verse 49 (devibhagavatam.10.13.49)

अक्षस्रक्कुण्डिकाहस्तं जपन्तं ब्रह्म शाश्वतम् । दृष्ट्वोत्थाय ननामाथ स्तुत्वा च विविधैः स्तवैः ॥

akṣasrakkuṇḍikāhastaṁ japantaṁ brahma śāśvatam dṛṣṭvotthāya nanāmātha stutvā ca vividhaiḥ stavaiḥ

— rosary and water-pot in hand, reciting the eternal Brahman-mantra. Seeing him, he rose, bowed, and praised him with various hymns —

Verse 50 (devibhagavatam.10.13.50)

वरं वव्रे स्वबुद्धिस्थं मा भवेन्मृत्युरित्यपि । श्रुत्वारुणवचो ब्रह्मा बोधयामास सादरम् ॥

varaṁ vavre svabuddhisthaṁ mā bhavenmṛtyurityapi śrutvāruṇavaco brahmā bodhayāmāsa sādaram

— and chose the boon fixed in his own mind: 'let death never be mine.' Having heard Aruna's words, Brahma instructed him respectfully —

Verse 51 (devibhagavatam.10.13.51)

ब्रह्मविष्णुमहेशाद्या मृत्युना कवलीकृताः । तदान्येषां तु का वार्ता मरणे दानवोत्तम ॥

brahmaviṣṇumaheśādyā mṛtyunā kavalīkṛtāḥ tadānyeṣāṁ tu kā vārtā maraṇe dānavottama

'— even Brahma, Vishnu, Maheshvara, and the rest are swallowed by death — then what of others, in the matter of dying, O best of danavas?'

Verse 52 (devibhagavatam.10.13.52)

वरं योग्यं ततो ब्रूहि दातुं यः शक्यते मया । नात्राग्रहं प्रकुर्वन्ति बुद्धिमन्तो जनाः क्वचित् ॥

varaṁ yogyaṁ tato brūhi dātuṁ yaḥ śakyate mayā nātrāgrahaṁ prakurvanti buddhimanto janāḥ kvacit

'— therefore tell me a fitting boon which I am able to grant. Wise men never press an unreasonable demand in such matters.'

Verse 53 (devibhagavatam.10.13.53)

इति ब्रह्मवचः श्रुत्वा पुनः प्रोवाच सादरम् । न युद्धे न च शस्त्रास्त्रान्न पुम्भ्यो नापि योषितः ॥

iti brahmavacaḥ śrutvā punaḥ provāca sādaram na yuddhe na ca śastrāstrānna pumbhyo nāpi yoṣitaḥ

Having heard Brahma's words, he spoke again with reverence: 'Not in battle, nor by weapons or missiles, nor by man, nor by woman —'

Verse 54 (devibhagavatam.10.13.54)

द्विपाद्भ्यो वा चतुष्पाद्भ्यो नोभयाकारतस्तथा । भवेन्मे मृत्युरित्येवं देव देहि वरं प्रभो ॥

dvipādbhyo vā catuṣpādbhyo nobhayākāratastathā bhavenme mṛtyurityevaṁ deva dehi varaṁ prabho

'— nor by two-footed nor by four-footed creatures, nor by one of both natures combined — let death be mine in this way, O god, grant me this boon, O lord —'

Verse 55 (devibhagavatam.10.13.55)

बलं च विपुलं देहि येन देवजयो भवेत् । इति तस्य वचः श्रुत्वा तथास्त्विति वचोऽब्रवीत् ॥

balaṁ ca vipulaṁ dehi yena devajayo bhavet iti tasya vacaḥ śrutvā tathāstviti vaco'bravīt

'— and grant me abundant strength, by which victory over the gods may come.' Having heard his words, Brahma said, 'So be it' —

Verse 56 (devibhagavatam.10.13.56)

दत्त्वा वरं जगामाशु पद्मजः स्वं निकेतनम् । ततोऽरुणाख्यो दैत्यस्तु पातालात्स्वाश्रयस्थितान् ॥

dattvā varaṁ jagāmāśu padmajaḥ svaṁ niketanam tato'ruṇākhyo daityastu pātālātsvāśrayasthitān

— and having granted the boon, the lotus-born one swiftly went to his own abode. Then that daitya named Aruna summoned the daityas who dwelt in their own abodes —

Verse 57 (devibhagavatam.10.13.57)

दैत्यानाकारयामास ब्रह्मणो वरदर्पितः । आगत्य तेऽसुराः सर्वे दैत्येशं तं प्रचक्रिरे ॥

daityānākārayāmāsa brahmaṇo varadarpitaḥ āgatya te'surāḥ sarve daityeśaṁ taṁ pracakrire

— in the netherworld, swollen with pride at Brahma's boon. Those asuras all came and made him their lord of daityas.

Verse 58 (devibhagavatam.10.13.58)

दूतं च प्रेषयामासुर्युद्धार्थममरावतीम् । दूतवाक्यं तदा श्रुत्वा देवराड् भयकम्पितः ॥

dūtaṁ ca preṣayāmāsuryuddhārthamamarāvatīm dūtavākyaṁ tadā śrutvā devarāḍ bhayakampitaḥ

And they sent a messenger to Amaravati for the purpose of war. Then, hearing the messenger's words, the king of the gods, trembling with fear —

Verse 59 (devibhagavatam.10.13.59)

देवैः सार्धं जगामाशु ब्रह्मणः सदनं प्रति । ब्रह्मविष्णू पुरस्कृत्य जग्मुस्ते शङ्करालयम् ॥

devaiḥ sārdhaṁ jagāmāśu brahmaṇaḥ sadanaṁ prati brahmaviṣṇū puraskṛtya jagmuste śaṅkarālayam

— went swiftly together with the gods toward Brahma's abode. Placing Brahma and Vishnu before them, they went to Shankara's dwelling.

Verse 60 (devibhagavatam.10.13.60)

विचारं चक्रिरे तत्र वधार्थं ते सुरद्रुहाम् । एतस्मिन्समये तत्र दैत्यसेनासमावृतः ॥

vicāraṁ cakrire tatra vadhārthaṁ te suradruhām etasminsamaye tatra daityasenāsamāvṛtaḥ

There they deliberated on the means of destroying that enemy of the gods. At this time, there, surrounded by the daitya army —

Verse 61 (devibhagavatam.10.13.61)

अरुणाख्यो दैत्यराजो जगामाशु त्रिविष्टपम् । सूर्येन्दुयमवह्नीनामधिकारान्पृथक्पृथक् ॥

aruṇākhyo daityarājo jagāmāśu triviṣṭapam sūryenduyamavahnīnāmadhikārānpṛthakpṛthak

— the daitya king named Aruna quickly went to the triple heaven, and, over the domains of the Sun, Moon, Yama, and Fire, each separately —

Verse 62 (devibhagavatam.10.13.62)

स्वयं चकार तपसा नानारूपधरो मुने । स्वस्वस्थानच्युताः सर्वे जग्मुः कैलासमण्डलम् ॥

svayaṁ cakāra tapasā nānārūpadharo mune svasvasthānacyutāḥ sarve jagmuḥ kailāsamaṇḍalam

— by his own austerity, assumed various forms and took control, O sage. All of them, dislodged from their own stations, went to the region of Kailasa —

Verse 63 (devibhagavatam.10.13.63)

शशंसुः शङ्करं देवाः स्वस्वदुःखं पृथक्पृथक् । महान् विचारस्तत्रासीत्किं कर्तव्यमतः परम् ॥

śaśaṁsuḥ śaṅkaraṁ devāḥ svasvaduḥkhaṁ pṛthakpṛthak mahān vicārastatrāsītkiṁ kartavyamataḥ param

— and related to Shankara, each their own particular suffering. There a great deliberation arose: 'What is to be done further in this?'

Verse 64 (devibhagavatam.10.13.64)

न युद्धेन च शस्त्रास्त्रैर्न पुम्भ्यो नापि योषितः । द्विपाद्भ्यो वा चतुष्पाद्भ्यो नोभयाकारतोऽपि वा ॥

na yuddhena ca śastrāstrairna pumbhyo nāpi yoṣitaḥ dvipādbhyo vā catuṣpādbhyo nobhayākārato'pi vā

'Not by battle nor by weapons or missiles, not by man nor by woman, not by two-footed nor by four-footed, nor even by one of both natures combined —'

Verse 65 (devibhagavatam.10.13.65)

मृत्युर्भवेदिति ब्रह्मा प्रोवाच वचनं यतः । इति चिन्तातुराः सर्वे कर्तुं किञ्चिन्न च क्षमाः ॥

mṛtyurbhavediti brahmā provāca vacanaṁ yataḥ iti cintāturāḥ sarve kartuṁ kiñcinna ca kṣamāḥ

'— can death come to him' — this Brahma had spoken. Thus all, afflicted with anxiety, were unable to do anything.

Verse 66 (devibhagavatam.10.13.66)

एतस्मिन्समये तत्र वागभूदशरीरिणी । भजध्वं भुवनेशानीं सा वः कार्यं विधास्यति ॥

etasminsamaye tatra vāgabhūdaśarīriṇī bhajadhvaṁ bhuvaneśānīṁ sā vaḥ kāryaṁ vidhāsyati

At this time, there, a bodiless voice arose: 'Worship the sovereign of the worlds; she will accomplish your task.'

Verse 67 (devibhagavatam.10.13.67)

गायत्रीजपसंसक्तो दैत्यराड् यदि तां त्यजेत् । मृत्युयोग्यस्तदा भूयादित्युच्चैस्तोषकारिणी ॥

gāyatrījapasaṁsakto daityarāḍ yadi tāṁ tyajet mṛtyuyogyastadā bhūyādityuccaistoṣakāriṇī

'— if the king of daityas, devoted to Gayatri-japa, should abandon it, then he would become fit for death' — thus that voice spoke, greatly delighting them.

Verse 68 (devibhagavatam.10.13.68)

श्रुत्वा दैवीं तथा वाणीं मन्त्रयामासुरादृताः । बृहस्पतिं समाहूय वचनं प्राह देवराट् ॥

śrutvā daivīṁ tathā vāṇīṁ mantrayāmāsurādṛtāḥ bṛhaspatiṁ samāhūya vacanaṁ prāha devarāṭ

Having heard that divine voice, they deliberated with reverence. Summoning Brihaspati, the king of the gods spoke these words:

Verse 69 (devibhagavatam.10.13.69)

गुरो गच्छ सुराणां तु कार्यार्थमसुरं प्रति । यथा भवेच्च गायत्रीत्यागस्तस्य तथा कुरु ॥

guro gaccha surāṇāṁ tu kāryārthamasuraṁ prati yathā bhavecca gāyatrītyāgastasya tathā kuru

'Go, O guru, on behalf of the gods, to the asura, for the sake of our task; so contrive it that his abandonment of Gayatri comes to pass.'

Verse 70 (devibhagavatam.10.13.70)

अस्माभिः परमेशानी सेव्यते ध्यानयोगतः । प्रसन्ना सा भगवती साहाय्यं ते करिष्यति ॥

asmābhiḥ parameśānī sevyate dhyānayogataḥ prasannā sā bhagavatī sāhāyyaṁ te kariṣyati

'We serve the supreme sovereign through the discipline of meditation; that pleased Bhagavati will render you aid.'

Verse 71 (devibhagavatam.10.13.71)

इत्यादिश्य गुरुं सर्वे जग्मुर्जाम्बूनदेश्वरीम् । सास्मान्दैत्यभयत्रस्तान् पालयिष्यति शोभना ॥

ityādiśya guruṁ sarve jagmurjāmbūnadeśvarīm sāsmāndaityabhayatrastān pālayiṣyati śobhanā

Having thus instructed the guru, all of them went to the sovereign of the golden land: 'She, the beautiful one, shall protect us, terrified by fear of the daitya.'

Verse 72 (devibhagavatam.10.13.72)

तत्र गत्वा तपश्चर्यां चक्रुः सर्वे सुनिष्ठिताः । मायाबीजजपासक्ता देवीमखपरायणाः ॥

tatra gatvā tapaścaryāṁ cakruḥ sarve suniṣṭhitāḥ māyābījajapāsaktā devīmakhaparāyaṇāḥ

Going there, they all performed austerity, firmly established, devoted to the japa of the Maya seed-mantra, intent on worship of the Goddess.

Verse 73 (devibhagavatam.10.13.73)

बृहस्पतिस्तदा शीघ्रं जगामासुरसन्निधौ । आगतं मुनिवर्यं तं पप्रच्छाथ स दैत्यराट् ॥

bṛhaspatistadā śīghraṁ jagāmāsurasannidhau āgataṁ munivaryaṁ taṁ papracchātha sa daityarāṭ

Then Brihaspati swiftly went to the presence of the asura. That daitya king questioned the excellent sage who had come —

Verse 74 (devibhagavatam.10.13.74)

मुने कुत्रागमः कस्मात्किमर्थमिति मे वद । नाहं युष्मत्पक्षपाती प्रत्युतारातिरेव च ॥

mune kutrāgamaḥ kasmātkimarthamiti me vada nāhaṁ yuṣmatpakṣapātī pratyutārātireva ca

'O sage, from where have you come, and why, and for what purpose — tell me this. I am not partial to your side, but rather your enemy indeed.'

Verse 75 (devibhagavatam.10.13.75)

इति तस्य वचः श्रुत्वा प्रोवाच मुनिनायकः । अस्मत्सेव्या च या देवी सा त्वया पूज्यतेऽनिशम् ॥

iti tasya vacaḥ śrutvā provāca munināyakaḥ asmatsevyā ca yā devī sā tvayā pūjyate'niśam

Having heard his words, the foremost of sages spoke: 'The Goddess whom we serve — she is worshipped by you as well, constantly —'

Verse 76 (devibhagavatam.10.13.76)

तस्मादस्मत्पक्षपाती न भवेस्त्वं कथं वद । इति तस्य वचः श्रुत्वा मोहितो देवमायया ॥

tasmādasmatpakṣapātī na bhavestvaṁ kathaṁ vada iti tasya vacaḥ śrutvā mohito devamāyayā

'— therefore, how could you say you are not partial to our side?' Having heard his words, deluded by the Goddess's maya, O excellent one —

Verse 77 (devibhagavatam.10.13.77)

तत्याज परमं मन्त्रमभिमानेन सत्तम । गायत्रीत्यागतो दैत्यो निस्तेजस्को बभूव ह ॥

tatyāja paramaṁ mantramabhimānena sattama gāyatrītyāgato daityo nistejasko babhūva ha

— he abandoned that supreme mantra out of pride. Having abandoned Gayatri, the daitya became bereft of splendor.

Verse 78 (devibhagavatam.10.13.78)

कृतकार्यो गुरुस्तस्मात्स्थानान्निर्गतवान्पुनः । ततो वृत्तान्तमखिलं कथयामास वज्रिणे ॥

kṛtakāryo gurustasmātsthānānnirgatavānpunaḥ tato vṛttāntamakhilaṁ kathayāmāsa vajriṇe

His task accomplished, the guru then departed from that place, and related the whole account to the wielder of the thunderbolt.

Verse 79 (devibhagavatam.10.13.79)

सन्तुष्टास्ते सुराः सर्वे भेजिरे परमेश्वरीम् । एवं बहुगते काले कस्मिंश्चित्समये मुने ॥

santuṣṭāste surāḥ sarve bhejire parameśvarīm evaṁ bahugate kāle kasmiṁścitsamaye mune

All the gods, greatly pleased, took refuge in the supreme sovereign Goddess. Thus, as much time had passed, at a certain moment, O sage —

Verse 80 (devibhagavatam.10.13.80)

प्रादुरासीज्जगन्माता जगन्मङ्गलकारिणी । कोटिसूर्यप्रतीकाशा कोटिकन्दर्पसुन्दरी ॥

prādurāsījjaganmātā jaganmaṅgalakāriṇī koṭisūryapratīkāśā koṭikandarpasundarī

— the Mother of the world appeared, the bringer of the world's welfare, radiant as a hundred million suns, beautiful as a hundred million Kamadevas.

Verse 81 (devibhagavatam.10.13.81)

चित्रानुलेपना देवी चित्रवासोयुगान्विता । विचित्रमाल्याभरणा चित्रभ्रमरमुष्टिका ॥

citrānulepanā devī citravāsoyugānvitā vicitramālyābharaṇā citrabhramaramuṣṭikā

The Goddess, wondrously anointed, clad in a pair of wondrous garments, adorned with wondrous garlands and ornaments, her fist wondrously formed of bees —

Verse 82 (devibhagavatam.10.13.82)

वराभयकरा शान्ता करुणामृतसागरा । नानाभ्रमरसंयुक्तपुष्पमालाविराजिता ॥

varābhayakarā śāntā karuṇāmṛtasāgarā nānābhramarasaṁyuktapuṣpamālāvirājitā

— her hands granting boons and fearlessness, tranquil, an ocean of the nectar of compassion, resplendent with a garland of flowers thronged by various bees —

Verse 83 (devibhagavatam.10.13.83)

भ्रामरीभिर्विचित्राभिरसङ्ख्याभिः समावृता । भ्रमरैर्गायमानैश्च ह्रीङ्कारमनुमन्वहम् ॥

bhrāmarībhirvicitrābhirasaṅkhyābhiḥ samāvṛtā bhramarairgāyamānaiśca hrīṅkāramanumanvaham

— surrounded by countless wondrous swarms of bees, and by bees ceaselessly humming the mantra of the syllable Hrim —

Verse 84 (devibhagavatam.10.13.84)

समन्ततः परिवृता कोटिकोटिभिरम्बिका । सर्वशृङ्गारवेषाढ्या सर्ववेदप्रशंसिता ॥

samantataḥ parivṛtā koṭikoṭibhirambikā sarvaśṛṅgāraveṣāḍhyā sarvavedapraśaṁsitā

— Ambika, encircled on every side by tens of millions upon millions of them, adorned with every ornament of beauty, praised by all the Vedas —

Verse 85 (devibhagavatam.10.13.85)

सर्वात्मिका सर्वमयी सर्वमङ्गलरूपिणी । सर्वज्ञा सर्वजननी सर्वा सर्वेश्वरी शिवा ॥

sarvātmikā sarvamayī sarvamaṅgalarūpiṇī sarvajñā sarvajananī sarvā sarveśvarī śivā

— the Self of all, the essence of all, whose form is all auspiciousness, all-knowing, the mother of all, the All, the sovereign of all, auspicious —

Verse 86 (devibhagavatam.10.13.86)

दृष्ट्वा तां तरलात्मानो देवा ब्रह्मपुरोगमाः । तुष्टुवुर्हृष्टमनसो विष्टरश्रवसां शिवाम् ॥

dṛṣṭvā tāṁ taralātmāno devā brahmapurogamāḥ tuṣṭuvurhṛṣṭamanaso viṣṭaraśravasāṁ śivām

— seeing her, the gods, their hearts trembling, headed by Brahma, praised her with delighted minds, that auspicious one of far-famed glory.

Verse 87 (devibhagavatam.10.13.87)

देवा ऊचुः । नमो देवि महाविद्ये सृष्टिस्थित्यन्तकारिणि । नमः कमलपत्राक्षि सर्वाधारे नमोऽस्तु ते ॥

devā ūcuḥ namo devi mahāvidye sṛṣṭisthityantakāriṇi namaḥ kamalapatrākṣi sarvādhāre namo'stu te

The gods said: Homage to you, O Goddess, great knowledge, the cause of creation, sustenance, and dissolution! Homage, O lotus-petal-eyed one, the support of all, homage to you!

Verse 88 (devibhagavatam.10.13.88)

सविश्वतैजसप्राज्ञविराट्सूत्रात्मिके नमः । नमो व्याकृतरूपायै कूटस्थायै नमो नमः ॥

saviśvataijasaprājñavirāṭsūtrātmike namaḥ namo vyākṛtarūpāyai kūṭasthāyai namo namaḥ

Homage to you who are Vishva, Taijasa, Prajna, Virat, and Sutratma! Homage to your differentiated form, homage, homage to the undifferentiated one!

Verse 89 (devibhagavatam.10.13.89)

दुर्गे सर्गादिरहिते दुष्टसंरोधनार्गले । निरर्गलप्रेमगम्ये भर्गे देवि नमोऽस्तु ते ॥

durge sargādirahite duṣṭasaṁrodhanārgale nirargalapremagamye bharge devi namo'stu te

O Durga, free from any beginning of creation, the bolt that bars the wicked! Attained only through boundless love, O Bharga, O Goddess, homage to you!

Verse 90 (devibhagavatam.10.13.90)

नमः श्रीकालिके मातर्नमो नीलसरस्वति । उग्रतारे महोग्रे ते नित्यमेव नमो नमः ॥

namaḥ śrīkālike mātarnamo nīlasarasvati ugratāre mahogre te nityameva namo namaḥ

Homage to Shri Kalika, O Mother! Homage to Nilasarasvati! O Ugratara, greatly terrible, to you, ever and always, homage, homage!

Verse 91 (devibhagavatam.10.13.91)

नमः पीताम्बरे देवि नमस्त्रिपुरसुन्दरि । नमो भैरवि मातङ्गि धूमावति नमो नमः ॥

namaḥ pītāmbare devi namastripurasundari namo bhairavi mātaṅgi dhūmāvati namo namaḥ

Homage to you, O Goddess clad in yellow garments! Homage to you, Tripurasundari! Homage to Bhairavi, Matangi, Dhumavati, homage, homage!

Verse 92 (devibhagavatam.10.13.92)

छिन्नमस्ते नमस्तेऽस्तु क्षीरसागरकन्यके । नमः शाकम्भरि शिवे नमस्ते रक्तदन्तिके ॥

chinnamaste namaste'stu kṣīrasāgarakanyake namaḥ śākambhari śive namaste raktadantike

Homage to Chhinnamasta, homage to you, O daughter of the ocean of milk! Homage to Shakambhari, auspicious one, homage to you, Raktadantika!

Verse 93 (devibhagavatam.10.13.93)

निशुम्भशुम्भदलनि रक्तबीजविनाशिनि । धूम्रलोचननिर्णाशे वृत्रासुरनिबर्हिणि ॥

niśumbhaśumbhadalani raktabījavināśini dhūmralocananirṇāśe vṛtrāsuranibarhiṇi

O splitter of Nishumbha and Shumbha, destroyer of Raktabija, ender of Dhumralochana, crusher of the demon Vritra —

Verse 94 (devibhagavatam.10.13.94)

चण्डमुण्डप्रमथिनि दानवान्तकरे शिवे । नमस्ते विजये गङ्गे शारदे विकचानने ॥

caṇḍamuṇḍapramathini dānavāntakare śive namaste vijaye gaṅge śārade vikacānane

O tormentor of Chanda and Munda, auspicious one, ender of danavas! Homage to you, Vijaya, Ganga, Sharada, whose face blossoms open —

Verse 95 (devibhagavatam.10.13.95)

पृथ्वीरूपे दयारूपे तेजोरूपे नमो नमः । प्राणरूपे महारूपे भूतरूपे नमोऽस्तु ते ॥

pṛthvīrūpe dayārūpe tejorūpe namo namaḥ prāṇarūpe mahārūpe bhūtarūpe namo'stu te

O whose form is the earth, whose form is compassion, whose form is radiance, homage, homage! O whose form is life-breath, whose form is greatness, whose form is all beings, homage to you!

Verse 96 (devibhagavatam.10.13.96)

विश्वमूर्ते दयामूर्ते धर्ममूर्ते नमो नमः । देवमूर्ते ज्योतिमूर्ते ज्ञानमूर्ते नमोऽस्तु ते ॥

viśvamūrte dayāmūrte dharmamūrte namo namaḥ devamūrte jyotimūrte jñānamūrte namo'stu te

O whose form is the universe, whose form is compassion, whose form is dharma, homage, homage! O whose form is divinity, whose form is light, whose form is knowledge, homage to you!

Verse 97 (devibhagavatam.10.13.97)

गायत्रि वरदे देवि सावित्रि च सरस्वति । नमः स्वाहे स्वधे मातर्दक्षिणे ते नमो नमः ॥

gāyatri varade devi sāvitri ca sarasvati namaḥ svāhe svadhe mātardakṣiṇe te namo namaḥ

O Gayatri, giver of boons, O Goddess, Savitri and Sarasvati! Homage to Svaha, to Svadha, O Mother, to Dakshina, homage, homage to you!

Verse 98 (devibhagavatam.10.13.98)

नेति नेतीति वाक्यैर्या बोध्यते सकलागमैः । सर्वप्रत्यक्स्वरूपां तां भजामः परदेवताम् ॥

neti netīti vākyairyā bodhyate sakalāgamaiḥ sarvapratyaksvarūpāṁ tāṁ bhajāmaḥ paradevatām

She who is known through the words 'not this, not this' by all the scriptures — that supreme deity, whose very form is direct perception, we worship.

Verse 99 (devibhagavatam.10.13.99)

भ्रमरैर्वेष्टिता यस्माद् भ्रामरी या ततः स्मृता । तस्यै देव्यै नमो नित्यं नित्यमेव नमो नमः ॥

bhramarairveṣṭitā yasmād bhrāmarī yā tataḥ smṛtā tasyai devyai namo nityaṁ nityameva namo namaḥ

Because she is surrounded by bees, she is remembered as Bhramari — to that Goddess, homage always, ever and always homage.

Verse 100 (devibhagavatam.10.13.100)

नमस्ते पार्श्वयोः पृष्ठे नमस्ते पुरतोऽम्बिके । नम ऊर्ध्वं नमश्चाधः सर्वत्रैव नमो नमः ॥

namaste pārśvayoḥ pṛṣṭhe namaste purato'mbike nama ūrdhvaṁ namaścādhaḥ sarvatraiva namo namaḥ

Homage to you at the sides, at the back, homage to you in front, O Ambika! Homage above, homage below, everywhere indeed homage, homage!

Verse 101 (devibhagavatam.10.13.101)

कृपां कुरु महादेवि मणिद्वीपाधिवासिनि । अनन्तकोटिब्रह्माण्डनायिके जगदम्बिके ॥

kṛpāṁ kuru mahādevi maṇidvīpādhivāsini anantakoṭibrahmāṇḍanāyike jagadambike

Show your grace, O great Goddess, dweller in the jeweled isle, mistress of endless tens of millions of universes, O Mother of the world!

Verse 102 (devibhagavatam.10.13.102)

जय देवि जगन्मातर्जय देवि परात्परे । जय श्रीभुवनेशानि जय सर्वोत्तमोत्तमे ॥

jaya devi jaganmātarjaya devi parātpare jaya śrībhuvaneśāni jaya sarvottamottame

Victory, O Goddess, Mother of the world! Victory, O Goddess, supreme beyond the supreme! Victory, O sovereign Shri of the world! Victory, O highest of the highest!

Verse 103 (devibhagavatam.10.13.103)

कल्याणगुणरत्नानामाकरे भुवनेश्वरि । प्रसीद परमेशानि प्रसीद जगतोरणे ॥

kalyāṇaguṇaratnānāmākare bhuvaneśvari prasīda parameśāni prasīda jagatoraṇe

O mine of the jewels of auspicious virtues, O sovereign of the world! Be gracious, O supreme sovereign! Be gracious, O protector of the world!

Verse 104 (devibhagavatam.10.13.104)

श्रीनारायण उवाच । इति देववचः श्रुत्वा प्रगल्भं मधुरं वचः । उवाच जगदम्बा सा मत्तकोकिलभाषिणी ॥

śrīnārāyaṇa uvāca iti devavacaḥ śrutvā pragalbhaṁ madhuraṁ vacaḥ uvāca jagadambā sā mattakokilabhāṣiṇī

Shri Narayana said: Having heard these bold and sweet words of the gods, she, the Mother of the world, whose voice was like an intoxicated cuckoo's, spoke.

Verse 105 (devibhagavatam.10.13.105)

देव्युवाच । प्रसन्नाहं सदा देवा वरदेशशिखामणिः । ब्रुवन्तु विबुधाः सर्वे यदेव स्याच्चिकीर्षितम् ॥

devyuvāca prasannāhaṁ sadā devā varadeśaśikhāmaṇiḥ bruvantu vibudhāḥ sarve yadeva syāccikīrṣitam

The Goddess said: 'I am ever pleased, O gods, the crest-jewel of boon-givers; let all the wise ones say what is to be done.'

Verse 106 (devibhagavatam.10.13.106)

देवीवाक्यं सुराः श्रुत्वा प्रोचुर्दुःखस्य कारणम् । दुष्टदैत्यस्य चरितं जगद्बाधाकरं परम् ॥

devīvākyaṁ surāḥ śrutvā procurduḥkhasya kāraṇam duṣṭadaityasya caritaṁ jagadbādhākaraṁ param

Having heard the Goddess's words, the gods related the cause of their sorrow — the deeds of the wicked daitya, supremely oppressive to the world —

Verse 107 (devibhagavatam.10.13.107)

देवब्राह्मणवेदानां हेलनं नाशनं तथा । स्थानभ्रंशं सुराणां च कथयामासुरादृताः ॥

devabrāhmaṇavedānāṁ helanaṁ nāśanaṁ tathā sthānabhraṁśaṁ surāṇāṁ ca kathayāmāsurādṛtāḥ

— the scorning and destruction of gods, brahmins, and the Vedas, and the dislodging of the gods from their stations — this they related with reverence.

Verse 108 (devibhagavatam.10.13.108)

ब्रह्मणो वरदानं च यथावत्ते समूचिरे । श्रुत्वा देवमुखाद्वाणीं महाभगवती तदा ॥

brahmaṇo varadānaṁ ca yathāvatte samūcire śrutvā devamukhādvāṇīṁ mahābhagavatī tadā

And they related in full how Brahma had granted him the boon. Having heard that voice from the mouth of the gods, the great sovereign Goddess then —

Verse 109 (devibhagavatam.10.13.109)

प्रेरयामास हस्तस्थान्भ्रमरान्भ्रामरी तदा । पार्श्वस्थानग्नभागस्थान्नानारूपधरांस्तथा ॥

prerayāmāsa hastasthānbhramarānbhrāmarī tadā pārśvasthānagnabhāgasthānnānārūpadharāṁstathā

— sent forth the bees resting in her hands, that Bhramari; and from her sides, from parts of her nails, bearing various forms as well —

Verse 110 (devibhagavatam.10.13.110)

जनयामास बहुशो यैर्व्याप्तं भुवनत्रयम् । मटचीयूथवत्तेषां समुदायस्तु निर्गतः ॥

janayāmāsa bahuśo yairvyāptaṁ bhuvanatrayam maṭacīyūthavatteṣāṁ samudāyastu nirgataḥ

— she brought forth many, by which the three worlds were pervaded; a swarm like a cluster of bees emerged from them.

Verse 111 (devibhagavatam.10.13.111)

तदान्तरिक्षं तैर्व्याप्तमन्धकारः क्षितावभूत् । दिवि पर्वतशृङ्गेषु द्रुमेषु विपिनेष्वपि ॥

tadāntarikṣaṁ tairvyāptamandhakāraḥ kṣitāvabhūt divi parvataśṛṅgeṣu drumeṣu vipineṣvapi

Then the sky became pervaded by them, and darkness fell upon the earth; in the heavens, on mountain peaks, in trees, and in the forests as well —

Verse 112 (devibhagavatam.10.13.112)

भ्रमरा एव सञ्जातास्तदद्भुतमिवाभवत् । ते सर्वे दैत्यवक्षांसि दारयामासुरुद्गताः ॥

bhramarā eva sañjātāstadadbhutamivābhavat te sarve daityavakṣāṁsi dārayāmāsurudgatāḥ

— they all became bees; it was as if a wonder had occurred. All of them tore open the daityas' breasts, bursting forth —

Verse 113 (devibhagavatam.10.13.113)

नरं मधुहरं यद्वन्मक्षिकाः कोपसंयुताः । उपायो न च शस्त्राणां तथास्त्राणां तदाभवत् ॥

naraṁ madhuharaṁ yadvanmakṣikāḥ kopasaṁyutāḥ upāyo na ca śastrāṇāṁ tathāstrāṇāṁ tadābhavat

— like bees in fury attacking a man who has stolen their honey. There was no remedy then, neither of weapons nor of missiles.

Verse 114 (devibhagavatam.10.13.114)

न युद्धं न च सम्भाषा केवलं मरणं खलु । यस्मिन्यस्मिन्स्थले ये ये स्थिता दैत्या यथा यथा ॥

na yuddhaṁ na ca sambhāṣā kevalaṁ maraṇaṁ khalu yasminyasminsthale ye ye sthitā daityā yathā yathā

There was no battle and no parley — only death alone, indeed. In whatever place, whichever daityas stood, in whatever manner —

Verse 115 (devibhagavatam.10.13.115)

तत्रैव च तथा सर्वे मरणं प्रापुरुत्स्मयाः । परस्परं समाचारो न कस्याप्यभवत्तदा ॥

tatraiva ca tathā sarve maraṇaṁ prāpurutsmayāḥ parasparaṁ samācāro na kasyāpyabhavattadā

— in that very place, in that very manner, all of them met death, astonished. No mutual dealing occurred among any of them then.

Verse 116 (devibhagavatam.10.13.116)

क्षणमात्रेण ते सर्वे विनष्टा दैत्यपुङ्गवाः । कृत्वेत्थं भ्रमराः कार्यं देवीनिकटमाययुः ॥

kṣaṇamātreṇa te sarve vinaṣṭā daityapuṅgavāḥ kṛtvetthaṁ bhramarāḥ kāryaṁ devīnikaṭamāyayuḥ

In a mere moment, all those foremost of daityas were destroyed. Having accomplished the task thus, the bees came near the Goddess.

Verse 117 (devibhagavatam.10.13.117)

आश्चर्यमेतदाश्चर्यमिति लोकाः समूचिरे । किं चित्रं जगदम्बाया यस्या मायेयमीदृशी ॥

āścaryametadāścaryamiti lokāḥ samūcire kiṁ citraṁ jagadambāyā yasyā māyeyamīdṛśī

'A wonder, this is a wonder!' — thus the worlds exclaimed. 'What is not astonishing about the Mother of the world, whose maya is such as this?'

Verse 118 (devibhagavatam.10.13.118)

ततो देवगणाः सर्वे ब्रह्मविष्णुपुरोगमाः । निमग्ना हर्षजलधौ पूजयामासुरम्बिकाम् ॥

tato devagaṇāḥ sarve brahmaviṣṇupurogamāḥ nimagnā harṣajaladhau pūjayāmāsurambikām

Then all the hosts of gods, headed by Brahma and Vishnu, immersed in an ocean of joy, worshipped Ambika —

Verse 119 (devibhagavatam.10.13.119)

नानोपचारैर्विविधैर्नानोपायनपाणयः । जयशब्दं प्रकुर्वाणा मुमुचुः सुमनांसि च ॥

nānopacārairvividhairnānopāyanapāṇayaḥ jayaśabdaṁ prakurvāṇā mumucuḥ sumanāṁsi ca

— with various manifold offerings, their hands full of many kinds of gifts, uttering shouts of victory, and scattering flowers.

Verse 120 (devibhagavatam.10.13.120)

दिवि दुन्दुभयो नेदुर्ननृतुश्चाप्सरोगणाः । पेठुर्वेदान्मुनिश्रेष्ठा गन्धर्वाद्या जगुस्तथा ॥

divi dundubhayo nedurnanṛtuścāpsarogaṇāḥ peṭhurvedānmuniśreṣṭhā gandharvādyā jagustathā

In the heavens, kettledrums resounded, and the hosts of apsaras danced; the foremost of sages recited the Vedas, and the gandharvas and others sang likewise.

Verse 121 (devibhagavatam.10.13.121)

मृदङ्गमुरजावीणाढक्काडमरुनिःस्वनैः । घण्टाशङ्खनिनादैश्च व्याप्तमासीज्जगत्त्रयम् ॥

mṛdaṅgamurajāvīṇāḍhakkāḍamaruniḥsvanaiḥ ghaṇṭāśaṅkhaninādaiśca vyāptamāsījjagattrayam

With the sounds of mridangas, murajas, veenas, dhakkas, and damarus, and with the reverberations of bells and conches, the three worlds became pervaded.

Verse 122 (devibhagavatam.10.13.122)

नानास्तोत्रैस्तदा स्तुत्वा मूर्ध्न्याधायाज्जलींस्तथा । जय मातर्जयेशानीत्येवं सर्वे समूचिरे ॥

nānāstotraistadā stutvā mūrdhnyādhāyājjalīṁstathā jaya mātarjayeśānītyevaṁ sarve samūcire

Having then praised her with various hymns, and joining their hands to their heads, all exclaimed together: 'Victory, O Mother! Victory, O sovereign Ishani!'

Verse 123 (devibhagavatam.10.13.123)

ततस्तुष्टा महादेवी वरान्दत्त्वा पृथक्पृथक् । स्वस्मिंश्च विपुलां भक्तिं प्रार्थिता तैर्ददौ च ताम् ॥

tatastuṣṭā mahādevī varāndattvā pṛthakpṛthak svasmiṁśca vipulāṁ bhaktiṁ prārthitā tairdadau ca tām

Then the great Goddess, pleased, having granted them each their own separate boons, and, being entreated, granted them abundant devotion to herself.

Verse 124 (devibhagavatam.10.13.124)

पश्यतामेव देवानामन्तर्धानं गता ततः । इति ते सर्वमाख्यातं भ्रामर्याश्चरितं महत् ॥

paśyatāmeva devānāmantardhānaṁ gatā tataḥ iti te sarvamākhyātaṁ bhrāmaryāścaritaṁ mahat

— even as the gods watched, she then vanished from sight. Thus has been related to you this whole, great deed of Bhramari —

Verse 125 (devibhagavatam.10.13.125)

पठतां शृण्वतां चैव सर्वपापप्रणाशनम् । श्रुतमाश्चर्यजनकं संसारार्णवतारकम् ॥

paṭhatāṁ śṛṇvatāṁ caiva sarvapāpapraṇāśanam śrutamāścaryajanakaṁ saṁsārārṇavatārakam

— which destroys every sin for those who read or hear it, wondrous to hear, a ferry across the ocean of transmigration.

Verse 126 (devibhagavatam.10.13.126)

एवं मनूनां सर्वेषां चरितं पापनाशनम् । देवीमाहात्म्यसंयुक्तं पठञ्शृण्वञ्शुभप्रदम् ॥

evaṁ manūnāṁ sarveṣāṁ caritaṁ pāpanāśanam devīmāhātmyasaṁyuktaṁ paṭhañśṛṇvañśubhapradam

Thus, reading or hearing this sin-destroying deed of all the Manus, joined with the greatness of the Goddess, bestowing auspiciousness —

Verse 127 (devibhagavatam.10.13.127)

यश्चैतत्पठते नित्यं शृणुयाद्योऽनिशं नरः । सर्वपापविनिर्मुक्तो देवीसायुज्यमाप्नुयात् ॥

yaścaitatpaṭhate nityaṁ śṛṇuyādyo'niśaṁ naraḥ sarvapāpavinirmukto devīsāyujyamāpnuyāt

— whoever reads this always, or whoever hears it ceaselessly, that person, freed from all sin, attains union with the Goddess.