The Description of Manidvipa

Verse 1 (devibhagavatam.12.10.1)

व्यास उवाच । ब्रह्मलोकादूर्ध्वभागे सर्वलोकोऽस्ति यः श्रुतः । मणिद्वीपः स एवास्ति यत्र देवी विराजते

vyāsa uvāca brahmalokādūrdhvabhāge sarvaloko'sti yaḥ śrutaḥ maṇidvīpaḥ sa evāsti yatra devī virājate

Vyasa said: Above Brahmaloka there exists that world which is spoken of as the Sarvaloka — that very place is Manidvipa, where the Devi resides in splendor.

Verse 2 (devibhagavatam.12.10.2)

सर्वस्मादधिको यस्मात्सर्वलोकस्ततः स्मृतः । पुरा पराम्बयैवायं कल्पितो मनसेच्छया

sarvasmādadhiko yasmātsarvalokastataḥ smṛtaḥ purā parāmbayaivāyaṁ kalpito manasecchayā

Since it surpasses all other worlds, it is remembered as Sarvaloka; it was fashioned long ago by the Supreme Mother herself, through her mental will,

Verse 3 (devibhagavatam.12.10.3)

सर्वादौ निजवासार्थं प्रकृत्या मूलभूतया । कैलासादधिको लोको वैकुण्ठादपि चोत्तमः

sarvādau nijavāsārthaṁ prakṛtyā mūlabhūtayā kailāsādadhiko loko vaikuṇṭhādapi cottamaḥ

at the very beginning of all things, for her own dwelling, by the root-cause Prakriti. It is a world superior even to Kailasa, and greater even than Vaikuntha,

Verse 4 (devibhagavatam.12.10.4)

गोलोकादपि सर्वस्मात्सर्वलोकोऽधिकः स्मृतः । न तत्समं त्रिलोक्यां तु सुन्दरं विद्यते क्वचित्

golokādapi sarvasmātsarvaloko'dhikaḥ smṛtaḥ na tatsamaṁ trilokyāṁ tu sundaraṁ vidyate kvacit

and Sarvaloka is remembered as surpassing even Goloka, greater than all. Nowhere in the three worlds does anything equal to it in beauty exist.

Verse 5 (devibhagavatam.12.10.5)

छत्रीभूतं त्रिजगतो भवसन्तापनाशकम् । छायाभूतं तदेवास्ति ब्रह्माण्डानां तु सत्तम

chatrībhūtaṁ trijagato bhavasantāpanāśakam chāyābhūtaṁ tadevāsti brahmāṇḍānāṁ tu sattama

It stands as a canopy over the three worlds, destroying the torment of worldly existence; O best one, it is the very shade for all the universes.

Verse 6 (devibhagavatam.12.10.6)

बहुयोजनविस्तीर्णो गम्भीरस्तावदेव हि । मणिद्वीपस्य परितो वर्तते तु सुधोदधिः

bahuyojanavistīrṇo gambhīrastāvadeva hi maṇidvīpasya parito vartate tu sudhodadhiḥ

A vast ocean of nectar, extending for many yojanas and equally deep, surrounds Manidvipa on every side —

Verse 7 (devibhagavatam.12.10.7)

मरुत्सङ्घट्टनोत्कीर्णतरङ्ग शतसङ्कुलः । रत्नाच्छवालुकायुक्तो झषशङ्खसमाकुलः

marutsaṅghaṭṭanotkīrṇataraṅga śatasaṅkulaḥ ratnācchavālukāyukto jhaṣaśaṅkhasamākulaḥ

crowded with hundreds of waves carved by the clash of the winds, its sands clear as gems, teeming with fish and conches,

Verse 8 (devibhagavatam.12.10.8)

वीचिसङ्घर्षसञ्जातलहरीकणशीतलः । नानाध्वजसमायुक्तनानापोतगतागतैः

vīcisaṅgharṣasañjātalaharīkaṇaśītalaḥ nānādhvajasamāyuktanānāpotagatāgataiḥ

cooled by the fine spray thrown up from the friction of its waves, alive with the coming and going of many ships bearing various banners,

Verse 9 (devibhagavatam.12.10.9)

विराजमानः परितस्तीररत्नद्रुमो महान् । तदुत्तरमयोधातुनिर्मितो गगने ततः

virājamānaḥ paritastīraratnadrumo mahān taduttaramayodhātunirmito gagane tataḥ

resplendent, its great shores lined with jeweled trees on every side. Beyond that, rising into the sky, there stands —

Verse 10 (devibhagavatam.12.10.10)

सप्तयोजनविस्तीर्णः प्राकारो वर्तते महान् । नानाशस्त्रप्रहरणा नानायुद्धविशारदाः

saptayojanavistīrṇaḥ prākāro vartate mahān nānāśastrapraharaṇā nānāyuddhaviśāradāḥ

— a great rampart made of iron, seven yojanas in extent. Guards skilled in wielding many kinds of weapons and expert in many kinds of warfare

Verse 11 (devibhagavatam.12.10.11)

रक्षका निवसन्त्यत्र मोदमानाः समन्ततः । चतुर्द्वारसमायुक्तो द्वारपालशतान्वितः

rakṣakā nivasantyatra modamānāḥ samantataḥ caturdvārasamāyukto dvārapālaśatānvitaḥ

dwell here, rejoicing on every side. It is furnished with four gates, and attended by hundreds of gatekeepers,

Verse 12 (devibhagavatam.12.10.12)

नानागणैः परिवृतो देवीभक्तियुतैर्नृप । दर्शनार्थं समायान्ति ये देवा जगदीशितुः

nānāgaṇaiḥ parivṛto devībhaktiyutairnṛpa darśanārthaṁ samāyānti ye devā jagadīśituḥ

surrounded by manifold hosts devoted to the Devi, O king; those gods who come for the sight of the Mistress of the world —

Verse 13 (devibhagavatam.12.10.13)

तेषां गणा वसन्त्यत्र वाहनानि च तत्र हि । विमानशतसङ्घर्षघण्टास्वनसमाकुलः

teṣāṁ gaṇā vasantyatra vāhanāni ca tatra hi vimānaśatasaṅgharṣaghaṇṭāsvanasamākulaḥ

— their attendant hosts and their vehicles also dwell here; the place is filled with the clash and clatter of the bells of hundreds of celestial chariots,

Verse 14 (devibhagavatam.12.10.14)

हयहेषाखराघातबधिरीकृतदिङ्मुखः । गणैः किलकिलारावैर्वेत्रहस्तैश्च ताडिताः

hayaheṣākharāghātabadhirīkṛtadiṅmukhaḥ gaṇaiḥ kilakilārāvairvetrahastaiśca tāḍitāḥ

the neighing of horses, the beating of hooves, deafening every quarter; the servants of the hosts of the gods, with staffs of cane in hand,

Verse 15 (devibhagavatam.12.10.15)

सेवका देवसङ्घानां भ्राजन्ते तत्र भूमिप । तस्मिन्कोलाहले राजन्न शब्दः केनचित्क्वचित्

sevakā devasaṅghānāṁ bhrājante tatra bhūmipa tasminkolāhale rājanna śabdaḥ kenacitkvacit

— such servants of the divine hosts shine here, O lord of the earth. Yet, O king, amid all that tumult, not a single sound of anyone —

Verse 16 (devibhagavatam.12.10.16)

कस्यचिच्छ्रूयतेऽत्यन्तं नानाध्वनिसमाकुले । पदे पदे मिष्टवारिपरिपूर्णसरांसि च

kasyacicchrūyate'tyantaṁ nānādhvanisamākule pade pade miṣṭavāriparipūrṇasarāṁsi ca

— is heard clearly at all, so filled is the place with a confusion of every kind of sound. At every step there are lakes brimming with sweet water,

Verse 17 (devibhagavatam.12.10.17)

वाटिका विविधा राजन् रत्नद्रुमविराजिताः । तदुत्तरं महासारधातुनिर्मितमण्डलः

vāṭikā vividhā rājan ratnadrumavirājitāḥ taduttaraṁ mahāsāradhātunirmitamaṇḍalaḥ

and various gardens, O king, resplendent with jeweled trees. Beyond that lies a circle made of the finest bell-metal —

Verse 18 (devibhagavatam.12.10.18)

सालोऽपरो महानस्ति गगनस्पर्शि यच्छिरः । तेजसा स्याच्छतगुणः पूर्वसालादयं परः

sālo'paro mahānasti gaganasparśi yacchiraḥ tejasā syācchataguṇaḥ pūrvasālādayaṁ paraḥ

— another great rampart, whose top touches the very sky; this one is a hundredfold greater in splendor than the previous rampart.

Verse 19 (devibhagavatam.12.10.19)

गोपुरद्वारसहितो बहुवृक्षसमन्वितः । या वृक्षजातयः सन्ति सर्वास्तास्तत्र सन्ति च

gopuradvārasahito bahuvṛkṣasamanvitaḥ yā vṛkṣajātayaḥ santi sarvāstāstatra santi ca

It is furnished with towered gateways, and abounds in many trees; whatever species of tree exists anywhere, all of them are found there,

Verse 20 (devibhagavatam.12.10.20)

निरन्तरं पुष्पयुताः सदा फलसमन्विताः । नवपल्लवसंयुक्ताः परसौरभसङ्कुलाः

nirantaraṁ puṣpayutāḥ sadā phalasamanvitāḥ navapallavasaṁyuktāḥ parasaurabhasaṅkulāḥ

perpetually in flower, ever laden with fruit, adorned with fresh new shoots, filled with the most exquisite fragrance —

Verse 21 (devibhagavatam.12.10.21)

पनसा बकुला लोध्राः कर्णिकाराश्च शिंशपाः । देवदारुकाञ्चनारा आम्राश्चैव सुमेरवः

panasā bakulā lodhrāḥ karṇikārāśca śiṁśapāḥ devadārukāñcanārā āmrāścaiva sumeravaḥ

jackfruit trees, bakula, lodhra, karnikara, shishapa, deodar, kanchanara, mango trees, and sumeru trees,

Verse 22 (devibhagavatam.12.10.22)

लिकुचा हिङ्गुलाश्चैला लवङ्गाः कट्फलास्तथा । पाटला मुचुकुन्दाश्च फलिन्यो जघनेफलाः

likucā hiṅgulāścailā lavaṅgāḥ kaṭphalāstathā pāṭalā mucukundāśca phalinyo jaghanephalāḥ

likucha, hingula, cardamom, clove, katphala, patala, muchukunda, and fruit-bearing trees heavy with fruit at their base,

Verse 23 (devibhagavatam.12.10.23)

तालास्तमालाः सालाश्च कङ्कोला नागभद्रकाः । पुन्नागाः पीलवः साल्वका वै कर्पूरशाखिनः

tālāstamālāḥ sālāśca kaṅkolā nāgabhadrakāḥ punnāgāḥ pīlavaḥ sālvakā vai karpūraśākhinaḥ

palmyra, tamala, sala trees, kankola, nagabhadraka, punnaga, pilu, salvaka, and camphor trees,

Verse 24 (devibhagavatam.12.10.24)

अश्वकर्णा हस्तिकर्णास्तालपर्णाश्च दाडिमाः । गणिका बन्धुजीवाश्च जम्बीराश्च कुरण्डकाः

aśvakarṇā hastikarṇāstālaparṇāśca dāḍimāḥ gaṇikā bandhujīvāśca jambīrāśca kuraṇḍakāḥ

ashvakarna, hastikarna, tala-leafed trees, pomegranates, ganika, bandhujiva, citron trees, and kurandaka,

Verse 25 (devibhagavatam.12.10.25)

चाम्पेया बन्धुजीवाश्च तथा वै कनकद्रुमाः । कालागुरुद्रुमाश्चैव तथा चन्दनपादपाः

cāmpeyā bandhujīvāśca tathā vai kanakadrumāḥ kālāgurudrumāścaiva tathā candanapādapāḥ

champaka trees, bandhujiva, and likewise trees of gold, and trees of black aloeswood, and likewise sandalwood trees,

Verse 26 (devibhagavatam.12.10.26)

खर्जूरा यूथिकास्तालपर्ण्यश्चैव तथेक्षवः । क्षीरवृक्षाश्च खदिराश्चिञ्जाभल्लातकास्तथा

kharjūrā yūthikāstālaparṇyaścaiva tathekṣavaḥ kṣīravṛkṣāśca khadirāściñjābhallātakāstathā

date-palms, jasmine, tala-leaf plants, and likewise sugarcane, milk-sap trees, khadira, chinja, and marking-nut trees,

Verse 27 (devibhagavatam.12.10.27)

रुचकाः कुटजा वृक्षा बिल्ववृक्षास्तथैव च । तुलसीनां वनान्येवं मल्लिकानां तथैव च

rucakāḥ kuṭajā vṛkṣā bilvavṛkṣāstathaiva ca tulasīnāṁ vanānyevaṁ mallikānāṁ tathaiva ca

rucaka trees, kutaja trees, and likewise bilva trees; and groves of tulasi in the same way, and likewise of mallika.

Verse 28 (devibhagavatam.12.10.28)

इत्यादितरुजातीनां वनान्युपवनानि च । नानावापीशतैर्युक्तान्येवं सन्ति धराधिप

ityāditarujātīnāṁ vanānyupavanāni ca nānāvāpīśatairyuktānyevaṁ santi dharādhipa

O lord of the earth, groves and gardens of these and other kinds of trees exist thus, joined with hundreds of various step-wells.

Verse 29 (devibhagavatam.12.10.29)

कोकिलारावसंयुक्ता गुञ्जद्भ्रमरभूषिताः । निर्यासस्राविणः सर्वे स्निग्धच्छायास्तरूत्तमाः

kokilārāvasaṁyuktā guñjadbhramarabhūṣitāḥ niryāsasrāviṇaḥ sarve snigdhacchāyāstarūttamāḥ

Filled with the calls of cuckoos, adorned with humming bees, all these finest of trees exude sweet resin and cast cool, glossy shade;

Verse 30 (devibhagavatam.12.10.30)

नानाऋतुभवा वृक्षा नानापक्षिसमाकुलाः । नानारसस्राविणीभिर्नदीभिरतिशोभिताः

nānāṛtubhavā vṛkṣā nānāpakṣisamākulāḥ nānārasasrāviṇībhirnadībhiratiśobhitāḥ

trees born of every season, teeming with birds of every kind, made supremely beautiful by rivers flowing with every kind of sweet essence;

Verse 31 (devibhagavatam.12.10.31)

पारावतशुकव्रातसारिकापक्षमारुतैः । हंसपक्षसमुद्भूतावातव्रातैश्चलद्द्रुमम्

pārāvataśukavrātasārikāpakṣamārutaiḥ haṁsapakṣasamudbhūtāvātavrātaiścaladdrumam

the trees swaying in the breezes stirred by the wings of flocks of doves, parrots, and mynahs, and by the gusts raised by the wings of swans —

Verse 32 (devibhagavatam.12.10.32)

सुगन्धग्राहिपवनपूरितं तद्वनोत्तमम् । सहितं हरिणीयूथैर्धावमानैरितस्ततः

sugandhagrāhipavanapūritaṁ tadvanottamam sahitaṁ hariṇīyūthairdhāvamānairitastataḥ

that finest of forests is filled with fragrance-laden breezes, together with herds of deer running here and there,

Verse 33 (devibhagavatam.12.10.33)

नृत्यद्बर्हिकदम्बस्य केकारावैः सुखप्रदैः । नादितं तद्वनं दिव्यं मधुस्रावि समन्ततः

nṛtyadbarhikadambasya kekārāvaiḥ sukhapradaiḥ nāditaṁ tadvanaṁ divyaṁ madhusrāvi samantataḥ

resounding everywhere with the delightful cries of flocks of dancing peacocks; that divine forest drips with honey on every side.

Verse 34 (devibhagavatam.12.10.34)

कांस्यसालादुत्तरे तु ताम्रसालः प्रकीर्तितः । चतुरस्रसमाकार उन्नत्या सप्तयोजनः

kāṁsyasālāduttare tu tāmrasālaḥ prakīrtitaḥ caturasrasamākāra unnatyā saptayojanaḥ

Beyond the bell-metal rampart, there is declared to be a rampart of copper, square in shape, seven yojanas in height.

Verse 35 (devibhagavatam.12.10.35)

द्वयोस्तु सालयोर्मध्ये सम्प्रोक्ता कल्पवाटिका । येषां तरूणां पुष्पाणि काञ्चनाभानि भूमिप

dvayostu sālayormadhye samproktā kalpavāṭikā yeṣāṁ tarūṇāṁ puṣpāṇi kāñcanābhāni bhūmipa

Between these two ramparts is declared the Kalpa-garden, O lord of the earth, whose trees' flowers gleam like gold,

Verse 36 (devibhagavatam.12.10.36)

पत्राणि काञ्चनाभानि रत्नबीजफलानि च । दशयोजनगन्धो हि प्रसर्पति समन्ततः

patrāṇi kāñcanābhāni ratnabījaphalāni ca daśayojanagandho hi prasarpati samantataḥ

whose leaves gleam like gold, and whose seeds and fruits are made of gems; their fragrance spreads for ten yojanas on every side.

Verse 37 (devibhagavatam.12.10.37)

तद्वनं रक्षितं राजन् वसन्तेनर्तुनानिशम् । पुष्पसिंहासनासीनः पुष्पच्छत्रविराजितः

tadvanaṁ rakṣitaṁ rājan vasantenartunāniśam puṣpasiṁhāsanāsīnaḥ puṣpacchatravirājitaḥ

That forest, O king, is protected ceaselessly by the season Vasanta itself, seated upon a throne of flowers, resplendent beneath a canopy of blossoms,

Verse 38 (devibhagavatam.12.10.38)

पुष्पभूषाभूषितश्च पुष्पासवविघूर्णितः । मधुश्रीर्माधवश्रीश्च द्वे भार्ये तस्य सम्मते

puṣpabhūṣābhūṣitaśca puṣpāsavavighūrṇitaḥ madhuśrīrmādhavaśrīśca dve bhārye tasya sammate

adorned with ornaments of flowers, swaying with the wine of flowers; Madhushri and Madhavashri are his two beloved wives,

Verse 39 (devibhagavatam.12.10.39)

क्रीडतः स्मेरवदने सुमस्तबककन्दुकैः । अतीव रम्यं विपिनं मधुस्रावि समन्ततः

krīḍataḥ smeravadane sumastabakakandukaiḥ atīva ramyaṁ vipinaṁ madhusrāvi samantataḥ

who play with smiling faces, using clusters of blossoms as playthings; the forest is exceedingly delightful, dripping with honey on every side,

Verse 40 (devibhagavatam.12.10.40)

दशयोजनपर्यन्तं कुसुमामोदवायुना । पूरितं दिव्यगन्धर्वैः साङ्गनैर्गानलोलुपैः

daśayojanaparyantaṁ kusumāmodavāyunā pūritaṁ divyagandharvaiḥ sāṅganairgānalolupaiḥ

filled for ten yojanas around with the fragrant breeze of flowers, and with divine Gandharvas, together with their wives, who delight in singing —

Verse 41 (devibhagavatam.12.10.41)

शोभितं तद्वनं दिव्यं मत्तकोकिलनादितम् । वसन्तलक्ष्मीसंयुक्तं कामिकामप्रवर्धनम्

śobhitaṁ tadvanaṁ divyaṁ mattakokilanāditam vasantalakṣmīsaṁyuktaṁ kāmikāmapravardhanam

— that divine forest is beautified, resounding with the calls of intoxicated cuckoos, joined with the glory of Vasanta, ever increasing the desires of lovers.

Verse 42 (devibhagavatam.12.10.42)

ताम्रसालादुत्तरत्र सीससालः प्रकीर्तितः । समुच्छ्रायः स्मृतोऽप्यस्य सप्तयोजनसङ्ख्यया

tāmrasālāduttaratra sīsasālaḥ prakīrtitaḥ samucchrāyaḥ smṛto'pyasya saptayojanasaṅkhyayā

Beyond the copper rampart, a rampart of lead is declared; its height too is remembered as measuring seven yojanas.

Verse 43 (devibhagavatam.12.10.43)

सन्तानवाटिकामध्ये सालयोस्तु द्वयोर्नृप । दशयोजनगन्धस्तु प्रसूनानां समन्ततः

santānavāṭikāmadhye sālayostu dvayornṛpa daśayojanagandhastu prasūnānāṁ samantataḥ

Between these two ramparts lies the Santana-garden, O king, whose blossoms spread their fragrance for ten yojanas on every side;

Verse 44 (devibhagavatam.12.10.44)

हिरण्याभानि कुसुमान्युत्फुल्लानि निरन्तरम् । अमृतद्रवसंयुक्तफलानि मधुराणि च

hiraṇyābhāni kusumānyutphullāni nirantaram amṛtadravasaṁyuktaphalāni madhurāṇi ca

its flowers, gleaming like gold, are perpetually in full bloom, and its fruits, sweet and filled with nectar-like juice —

Verse 45 (devibhagavatam.12.10.45)

ग्रीष्मर्तुर्नायकस्तस्या वाटिकाया नृपोत्तम । शुक्रश्रीश्च शुचिश्रीश्च द्वे भार्ये तस्य सम्मते

grīṣmarturnāyakastasyā vāṭikāyā nṛpottama śukraśrīśca śuciśrīśca dve bhārye tasya sammate

— O best of kings, the season Grishma is the lord of that garden; Shukrashri and Shuchishri are his two beloved wives.

Verse 46 (devibhagavatam.12.10.46)

सन्तापत्रस्तलोकास्तु वृक्षमूलेषु संस्थिताः । नानासिद्धैः परिवृतो नानादेवैः समन्वितः

santāpatrastalokāstu vṛkṣamūleṣu saṁsthitāḥ nānāsiddhaiḥ parivṛto nānādevaiḥ samanvitaḥ

Beings distressed by the heat take shelter at the foot of its trees; he is surrounded by manifold Siddhas and accompanied by manifold gods.

Verse 47 (devibhagavatam.12.10.47)

विलासिनीनां वृन्दैस्तु चन्दनद्रवपङ्किलैः । पुष्पमालाभूषितैस्तु तालवृन्तकराम्बुजैः

vilāsinīnāṁ vṛndaistu candanadravapaṅkilaiḥ puṣpamālābhūṣitaistu tālavṛntakarāmbujaiḥ

With troops of graceful women smeared with liquid sandal-paste, adorned with garlands of flowers, palm-leaf fans in their lotus-hands,

Verse 48 (devibhagavatam.12.10.48)

प्राकारः शोभितो राजञ्छीतलाम्बुनिषेविभिः । सीससालादुत्तरत्राप्यारकूटमयः शुभः

prākāraḥ śobhito rājañchītalāmbuniṣevibhiḥ sīsasālāduttaratrāpyārakūṭamayaḥ śubhaḥ

the rampart is beautified, O king, by those who partake of cool waters. Beyond the lead rampart lies an auspicious rampart made of white brass,

Verse 49 (devibhagavatam.12.10.49)

प्राकारो वर्तते राजन् मुनियोजनदैर्घ्यवान् । हरिचन्दनवृक्षाणां वाटी मध्ये तयोः स्मृता

prākāro vartate rājan muniyojanadairghyavān haricandanavṛkṣāṇāṁ vāṭī madhye tayoḥ smṛtā

O king, seven yojanas in extent. Between the two is remembered the garden of harichandana trees,

Verse 50 (devibhagavatam.12.10.50)

सालयोरधिनाथस्तु वर्षर्तुर्मेघवाहनः । विद्युत्पिङ्गलनेत्रश्च जीमूतकवचः स्मृतः

sālayoradhināthastu varṣarturmeghavāhanaḥ vidyutpiṅgalanetraśca jīmūtakavacaḥ smṛtaḥ

whose lord is the season Varsha, riding upon a cloud, his eyes tawny like lightning, remembered as clad in armor of thundercloud,

Verse 51 (devibhagavatam.12.10.51)

वज्रनिर्घोषमुखरश्चेन्द्रधन्वा समन्ततः । सहस्रशो वारिधारा मुञ्चन्नास्ते गणावृतः

vajranirghoṣamukharaścendradhanvā samantataḥ sahasraśo vāridhārā muñcannāste gaṇāvṛtaḥ

his voice roaring like the thunderbolt, the rainbow arching all around him; he sits releasing thousands of streams of rain, surrounded by his hosts —

Verse 52 (devibhagavatam.12.10.52)

नभःश्रीश्च नभस्यश्रीः स्वरस्या रस्यमालिनी । अम्बा दुला निरत्निश्चाभ्रमन्ती मेघयन्तिका

nabhaḥśrīśca nabhasyaśrīḥ svarasyā rasyamālinī ambā dulā niratniścābhramantī meghayantikā

Nabhahshri, Nabhasyashri, Svarasya, Rasyamalini, Amba, Dula, Niratni, Abhramanti, Meghayantika,

Verse 53 (devibhagavatam.12.10.53)

वर्षयन्ती चिपुणिका वारिधारा च सम्मताः । वर्षर्तोर्द्वादश प्रोक्ताः शक्तयो मदविह्वलाः

varṣayantī cipuṇikā vāridhārā ca sammatāḥ varṣartordvādaśa proktāḥ śaktayo madavihvalāḥ

Varshayanti, Chipunika, and Varidhara — these twelve are declared to be the powers of the season Varsha, made intoxicated with the season's fullness.

Verse 54 (devibhagavatam.12.10.54)

नवपल्लववृक्षाश्च नवीनलतिकान्विताः । हरितानि तृणान्येव वेष्टिता यैर्धराखिला

navapallavavṛkṣāśca navīnalatikānvitāḥ haritāni tṛṇānyeva veṣṭitā yairdharākhilā

Trees are all in fresh new leaf, joined with new tendrils; the whole earth is wrapped in green grasses because of them,

Verse 55 (devibhagavatam.12.10.55)

नदीनदप्रवाहाश्च प्रवहन्ति च वेगतः । सरांसि कलुषाम्बूनि रागिचित्तसमानि च

nadīnadapravāhāśca pravahanti ca vegataḥ sarāṁsi kaluṣāmbūni rāgicittasamāni ca

the flows of rivers and streams run with great force, and the lakes, their waters turbid, resemble the passion-clouded minds of lovers —

Verse 56 (devibhagavatam.12.10.56)

वसन्ति देवाः सिद्धाश्च ये देवीकर्मकारिणः । वापीकूपतडागाश्च ये देव्यर्थं समर्पिताः

vasanti devāḥ siddhāśca ye devīkarmakāriṇaḥ vāpīkūpataḍāgāśca ye devyarthaṁ samarpitāḥ

here dwell gods and Siddhas who perform the Devi's work, and the step-wells, wells, and reservoirs that have been dedicated for the Devi's sake —

Verse 57 (devibhagavatam.12.10.57)

ते गणा निवसन्त्यत्र सविलासाश्च साङ्गनाः । आरकूटमयादग्रे सप्तयोजनदैर्घ्यवान्

te gaṇā nivasantyatra savilāsāśca sāṅganāḥ ārakūṭamayādagre saptayojanadairghyavān

— those hosts, graceful and with their consorts, dwell here. Beyond the white-brass rampart, seven yojanas in extent, stands —

Verse 58 (devibhagavatam.12.10.58)

पञ्चलोहात्मकः सालो मध्ये मन्दारवाटिका । नानापुष्पलताकीर्णा नानापल्लवशोभिता

pañcalohātmakaḥ sālo madhye mandāravāṭikā nānāpuṣpalatākīrṇā nānāpallavaśobhitā

— a rampart made of the five metals; in its midst is the Mandara-garden, strewn with manifold flowering vines and beautified with manifold new leaves;

Verse 59 (devibhagavatam.12.10.59)

अधिष्ठातात्र सम्प्रोक्तः शरदृतुरनामयः । इषुलक्ष्मीरूर्जलक्ष्मीर्द्वे भार्ये तस्य सम्मते

adhiṣṭhātātra samproktaḥ śaradṛturanāmayaḥ iṣulakṣmīrūrjalakṣmīrdve bhārye tasya sammate

here Sharad, free from all affliction, is declared to be the presiding lord; Ishulakshmi and Urjalakshmi are his two beloved wives.

Verse 60 (devibhagavatam.12.10.60)

नानासिद्धा वसन्त्यत्र साङ्गनाः सपरिच्छदाः । पञ्चलोहमयादग्रे सप्तयोजनदैर्घ्यवान्

nānāsiddhā vasantyatra sāṅganāḥ saparicchadāḥ pañcalohamayādagre saptayojanadairghyavān

Manifold Siddhas, with their consorts and retinues, dwell here. Beyond the rampart of five metals, seven yojanas in extent, stands —

Verse 61 (devibhagavatam.12.10.61)

दीप्यमानो महाशृङ्गैर्वर्तते रौप्यसालकः । पारिजाताटवीमध्ये प्रसूनस्तबकान्विता

dīpyamāno mahāśṛṅgairvartate raupyasālakaḥ pārijātāṭavīmadhye prasūnastabakānvitā

— a silver rampart, blazing with great turrets. In the midst of the Parijata forest, joined with clusters of blossom,

Verse 62 (devibhagavatam.12.10.62)

दशयोजनगन्धीनि कुसुमानि समन्ततः । मोदयन्ति गणान्सर्वान्ये देवीकर्मकारिणः

daśayojanagandhīni kusumāni samantataḥ modayanti gaṇānsarvānye devīkarmakāriṇaḥ

flowers fragrant for ten yojanas delight, on every side, all the hosts who perform the Devi's work.

Verse 63 (devibhagavatam.12.10.63)

तत्राधिनाथः सम्प्रोक्तो हेमन्तर्तुर्महोज्ज्वलः । सगणः सायुधः सर्वान् रागिणो रञ्जयन्नृप

tatrādhināthaḥ samprokto hemantarturmahojjvalaḥ sagaṇaḥ sāyudhaḥ sarvān rāgiṇo rañjayannṛpa

There, the presiding lord is declared to be the season Hemanta, blazing with splendor, O king, together with his hosts and his weapons, delighting all those touched by his season's charm;

Verse 64 (devibhagavatam.12.10.64)

सहश्रीश्च सहस्यश्रीर्द्वे भार्ये तस्य सम्मते । वसन्ति तत्र सिद्धाश्च ये देवीव्रतकारिणः

sahaśrīśca sahasyaśrīrdve bhārye tasya sammate vasanti tatra siddhāśca ye devīvratakāriṇaḥ

Sahashri and Sahasyashri are his two beloved wives; here also dwell Siddhas who observe vows to the Devi.

Verse 65 (devibhagavatam.12.10.65)

रौप्यसालमयादग्रे सप्तयोजनदैर्घ्यवान् । सौवर्णसालः सम्प्रोक्तस्तप्तहाटककल्पितः

raupyasālamayādagre saptayojanadairghyavān sauvarṇasālaḥ samproktastaptahāṭakakalpitaḥ

Beyond the silver rampart, seven yojanas in extent, there is declared a golden rampart, fashioned of molten gold.

Verse 66 (devibhagavatam.12.10.66)

मध्ये कदम्बवाटी तु पुष्पपल्लवशोभिता । कदम्बमदिराधाराः प्रवर्तन्ते सहस्रशः

madhye kadambavāṭī tu puṣpapallavaśobhitā kadambamadirādhārāḥ pravartante sahasraśaḥ

In its midst is the Kadamba-garden, beautified with flowers and fresh leaves; streams of Kadamba-wine flow there by the thousands,

Verse 67 (devibhagavatam.12.10.67)

याभिर्निपीतपीताभिर्निजानन्दोऽनुभूयते । तत्राधिनाथः सम्प्रोक्तः शैशिरर्तुर्महोदयः

yābhirnipītapītābhirnijānando'nubhūyate tatrādhināthaḥ samproktaḥ śaiśirarturmahodayaḥ

by drinking which one experiences bliss within one's own self. There, the presiding lord is declared to be the season Shishira, of great glory,

Verse 68 (devibhagavatam.12.10.68)

तपःश्रीश्च तपस्यश्रीर्द्वे भार्ये तस्य सम्मते । मोदमानः सहैताभ्यां वर्तते शिशिराकृतिः

tapaḥśrīśca tapasyaśrīrdve bhārye tasya sammate modamānaḥ sahaitābhyāṁ vartate śiśirākṛtiḥ

Tapahshri and Tapasyashri are his two beloved wives; delighting with them, he abides, embodying the winter cold.

Verse 69 (devibhagavatam.12.10.69)

नानाविलाससंयुक्तो नानागणसमावृतः । निवसन्ति महासिद्धा ये देवीदानकारिणः

nānāvilāsasaṁyukto nānāgaṇasamāvṛtaḥ nivasanti mahāsiddhā ye devīdānakāriṇaḥ

Joined with manifold delights, surrounded by manifold hosts, here dwell great Siddhas who make offerings to the Devi,

Verse 70 (devibhagavatam.12.10.70)

नानाभोगसमुत्पन्नमहानन्दसमन्विताः । साङ्गनाः परिवारैस्तु सङ्घशः परिवारिताः

nānābhogasamutpannamahānandasamanvitāḥ sāṅganāḥ parivāraistu saṅghaśaḥ parivāritāḥ

filled with the great bliss arising from manifold enjoyments, together with their consorts, surrounded by their retinues in troops.

Verse 71 (devibhagavatam.12.10.71)

स्वर्णसालमयादग्रे मुनियोजनदैर्घ्यवान् । पुष्परागमयः सालः कुङ्कुमारुणविग्रहः

svarṇasālamayādagre muniyojanadairghyavān puṣparāgamayaḥ sālaḥ kuṅkumāruṇavigrahaḥ

Beyond the golden rampart, seven yojanas in extent, stands a rampart made of topaz, of a red-saffron hue.

Verse 72 (devibhagavatam.12.10.72)

पुष्परागमयी भूमिर्वनान्युपवनानि च । रत्नवृक्षालवालाश्च पुष्परागमयाः स्मृताः

puṣparāgamayī bhūmirvanānyupavanāni ca ratnavṛkṣālavālāśca puṣparāgamayāḥ smṛtāḥ

The ground there is made of topaz, and so are the groves and gardens; even the basins of the jeweled trees are remembered as made of topaz.

Verse 73 (devibhagavatam.12.10.73)

प्राकारो यस्य रत्नस्य तद्रत्नरचिता द्रुमाः । वनभूः पक्षिणश्चैव रत्नवर्णजलानि च

prākāro yasya ratnasya tadratnaracitā drumāḥ vanabhūḥ pakṣiṇaścaiva ratnavarṇajalāni ca

Whatever gem the rampart is made of, the trees there are fashioned of that same gem; and likewise the forest floor, the birds, and the waters, colored like that gem.

Verse 74 (devibhagavatam.12.10.74)

मण्डपा मण्डपस्तम्भाः सरांसि कमलानि च । प्राकारे तत्र यद्यत्स्यात्तत्सर्वं तत्समं भवेत्

maṇḍapā maṇḍapastambhāḥ sarāṁsi kamalāni ca prākāre tatra yadyatsyāttatsarvaṁ tatsamaṁ bhavet

The pavilions, the pillars of the pavilions, the lakes, and the lotuses — whatever exists within each rampart, all of it is fashioned to match that rampart's own gem.

Verse 75 (devibhagavatam.12.10.75)

परिभाषेयमुद्दिष्टा रत्नसालादिषु प्रभो । तेजसा स्याल्लक्षगुणः पूर्वसालात्परो नृप

paribhāṣeyamuddiṣṭā ratnasālādiṣu prabho tejasā syāllakṣaguṇaḥ pūrvasālātparo nṛpa

O Lord, this rule is declared to hold for the jeweled ramparts and the rest; each one, O king, is a hundred-thousandfold greater in splendor than the rampart before it.

Verse 76 (devibhagavatam.12.10.76)

दिक्पाला निवसन्त्यत्र प्रतिब्रह्माण्डवर्तिनाम् । दिक्पालानां समष्ट्यात्मरूपाः स्फूर्जद्वरायुधाः

dikpālā nivasantyatra pratibrahmāṇḍavartinām dikpālānāṁ samaṣṭyātmarūpāḥ sphūrjadvarāyudhāḥ

Here dwell the Guardians of the Directions — themselves the collective, essential form of the direction-guardians present in every single universe — blazing with their excellent weapons.

Verse 77 (devibhagavatam.12.10.77)

पूर्वाशायां समुत्तुङ्गशृङ्गा पूरमरावती । नानोपवनसंयुक्तो महेन्द्रस्तत्र राजते

pūrvāśāyāṁ samuttuṅgaśṛṅgā pūramarāvatī nānopavanasaṁyukto mahendrastatra rājate

In the eastern quarter stands Amaravati, its towers rising loftily, joined with manifold gardens; there the great Indra reigns in splendor,

Verse 78 (devibhagavatam.12.10.78)

स्वर्गशोभा च या स्वर्गे यावती स्यात्ततोऽधिका । समष्टिशतनेत्रस्य सहस्रगुणतः स्मृता

svargaśobhā ca yā svarge yāvatī syāttato'dhikā samaṣṭiśatanetrasya sahasraguṇataḥ smṛtā

and whatever splendor exists in heaven itself is here a thousandfold greater — for this is remembered as the collective, essential form of the thousand-eyed one himself.

Verse 79 (devibhagavatam.12.10.79)

ऐरावतसमारूढो वज्रहस्तः प्रतापवान् । देवसेनापरिवृतो राजतेऽत्र शतक्रतुः

airāvatasamārūḍho vajrahastaḥ pratāpavān devasenāparivṛto rājate'tra śatakratuḥ

Mounted upon Airavata, the thunderbolt in hand, mighty in majesty, surrounded by the army of the gods, Indra, performer of a hundred sacrifices, reigns in splendor here.

Verse 80 (devibhagavatam.12.10.80)

देवाङ्गनागणयुता शची तत्र विराजते । वह्निकोणे वह्निपुरी वह्निपूःसदृशी नृप

devāṅganāgaṇayutā śacī tatra virājate vahnikoṇe vahnipurī vahnipūḥsadṛśī nṛpa

Shachi, together with her retinue of celestial women, shines in splendor there. In the fire-corner stands the city of Fire, resembling Agni's own city, O king,

Verse 81 (devibhagavatam.12.10.81)

स्वाहास्वधासमायुक्तो वह्निस्तत्र विराजते । निजवाहनभूषाढ्यो निजदेवगणैर्वृतः

svāhāsvadhāsamāyukto vahnistatra virājate nijavāhanabhūṣāḍhyo nijadevagaṇairvṛtaḥ

where Agni, joined with Svaha and Svadha, shines in splendor, richly adorned with his own vehicle and ornaments, surrounded by his own hosts of gods.

Verse 82 (devibhagavatam.12.10.82)

याम्याशायां यमपुरी तत्र दण्डधरो महान् । स्वभटैर्वेष्टितो राजन् चित्रगुप्तपुरोगमैः

yāmyāśāyāṁ yamapurī tatra daṇḍadharo mahān svabhaṭairveṣṭito rājan citraguptapurogamaiḥ

In the southern quarter stands Yamapuri; there the great Wielder of the Rod, O king, surrounded by his own warriors, led by Chitragupta,

Verse 83 (devibhagavatam.12.10.83)

निजशक्तियुतो भास्वत्तनयोऽस्ति यमो महान् । नैरृत्यां दिशि राक्षस्यां राक्षसैः परिवारितः

nijaśaktiyuto bhāsvattanayo'sti yamo mahān nairṛtyāṁ diśi rākṣasyāṁ rākṣasaiḥ parivāritaḥ

the great Yama, son of the Sun, joined with his own Shakti, abides. In the south-western, Rakshasa quarter, surrounded by Rakshasas,

Verse 84 (devibhagavatam.12.10.84)

खड्गधारी स्फुरन्नास्ते निरृतिर्निजशक्तियुक् । वारुण्यां वरुणो राजा पाशधारी प्रतापवान्

khaḍgadhārī sphurannāste nirṛtirnijaśaktiyuk vāruṇyāṁ varuṇo rājā pāśadhārī pratāpavān

sword in hand, Nirriti sits gleaming, joined with his own Shakti. In the western quarter, King Varuna, the noose-bearer, mighty in majesty,

Verse 85 (devibhagavatam.12.10.85)

महाझषसमारूढो वारुणीमधुविह्वलः । निजशक्तिसमायुक्तो निजयादोगणान्वितः

mahājhaṣasamārūḍho vāruṇīmadhuvihvalaḥ nijaśaktisamāyukto nijayādogaṇānvitaḥ

mounted upon a great sea-creature, intoxicated with the wine of Varuni, joined with his own Shakti, accompanied by his own hosts of water-creatures,

Verse 86 (devibhagavatam.12.10.86)

समास्ते वारुणे लोके वरुणानीरताकुलः । वायुकोणे वायुलोको वायुस्तत्राधितिष्ठति

samāste vāruṇe loke varuṇānīratākulaḥ vāyukoṇe vāyuloko vāyustatrādhitiṣṭhati

abides in the world of Varuna, absorbed in delight with Varunani. In the wind-corner is the world of Vayu; Vayu presides there,

Verse 87 (devibhagavatam.12.10.87)

वायुसाधनसंसिद्धयोगिभिः परिवारितः । ध्वजहस्तो विशालाक्षो मृगवाहनसंस्थितः

vāyusādhanasaṁsiddhayogibhiḥ parivāritaḥ dhvajahasto viśālākṣo mṛgavāhanasaṁsthitaḥ

surrounded by yogis accomplished through the practice of pranayama, a banner in hand, wide-eyed, seated upon a deer as his mount,

Verse 88 (devibhagavatam.12.10.88)

मरुद्गणैः परिवृतो निजशक्तिसमन्वितः । उत्तरस्यां दिशि महान् यक्षलोकोऽस्ति भूमिप

marudgaṇaiḥ parivṛto nijaśaktisamanvitaḥ uttarasyāṁ diśi mahān yakṣaloko'sti bhūmipa

surrounded by the hosts of Maruts, joined with his own Shakti. In the northern direction, O lord of the earth, is the great world of the Yakshas,

Verse 89 (devibhagavatam.12.10.89)

यक्षाधिराजस्तत्रास्ते वृद्धिऋद्ध्यादिशक्तिभिः । नवभिर्निधिभिर्युक्तस्तुन्दिलो धननायकः

yakṣādhirājastatrāste vṛddhiṛddhyādiśaktibhiḥ navabhirnidhibhiryuktastundilo dhananāyakaḥ

where the king of the Yakshas, the pot-bellied lord of wealth, abides, together with the powers Vriddhi, Riddhi, and the rest, joined with his nine treasures,

Verse 90 (devibhagavatam.12.10.90)

मणिभद्रः पूर्णभद्रो मणिमान्मणिकन्धरः । मणिभूषो मणिस्रग्वी मणिकार्मुकधारकः

maṇibhadraḥ pūrṇabhadro maṇimānmaṇikandharaḥ maṇibhūṣo maṇisragvī maṇikārmukadhārakaḥ

together with Manibhadra, Purnabhadra, Manimat, Manikandhara, Manibhusha, Manisragvi, the bearer of the jeweled bow,

Verse 91 (devibhagavatam.12.10.91)

इत्यादियक्षसेनानीसहितो निजशक्तियुक् । ईशानकोणे सम्प्रोक्तो रुद्रलोको महत्तरः

ityādiyakṣasenānīsahito nijaśaktiyuk īśānakoṇe samprokto rudraloko mahattaraḥ

and other such generals of the Yaksha army, joined with his own Shakti. In the Ishana-corner is declared the still greater world of Rudra,

Verse 92 (devibhagavatam.12.10.92)

अनर्घ्यरत्नखचितो यत्र रुद्रोऽधिदैवतम् । मन्युमान्दीप्तनयनो बद्धपृष्ठमहेषुधिः

anarghyaratnakhacito yatra rudro'dhidaivatam manyumāndīptanayano baddhapṛṣṭhamaheṣudhiḥ

studded with priceless gems, where Rudra is the presiding deity — full of righteous wrath, his eyes blazing, a great quiver bound upon his back,

Verse 93 (devibhagavatam.12.10.93)

स्फूर्जद्धनुर्वामहस्तोऽधिज्यधन्वभिराधृतः । स्वसमानैरसङ्ख्यातरुद्रैः शूलवरायुधैः

sphūrjaddhanurvāmahasto'dhijyadhanvabhirādhṛtaḥ svasamānairasaṅkhyātarudraiḥ śūlavarāyudhaiḥ

a flashing bow in his left hand, upheld by strung bows, surrounded by countless Rudras equal to himself, armed with the excellent trident,

Verse 94 (devibhagavatam.12.10.94)

विकृतास्यैः करालास्यैर्वमद्वह्निभिरास्यतः । दशहस्तैः शतकरैः सहस्रभुजसंयुतैः

vikṛtāsyaiḥ karālāsyairvamadvahnibhirāsyataḥ daśahastaiḥ śatakaraiḥ sahasrabhujasaṁyutaiḥ

of distorted faces, of terrible mouths, vomiting fire from their mouths, some with ten hands, some with a hundred, some joined with a thousand arms,

Verse 95 (devibhagavatam.12.10.95)

दशपादैर्दशग्रीवैस्त्रिनेत्रैरुग्रमूर्तिभिः । अन्तरिक्षचरा ये च ये च भूमिचरा स्मृताः

daśapādairdaśagrīvaistrinetrairugramūrtibhiḥ antarikṣacarā ye ca ye ca bhūmicarā smṛtāḥ

with ten feet, with ten necks, three-eyed, of fierce forms — those who move in the sky and those remembered as moving upon the earth,

Verse 96 (devibhagavatam.12.10.96)

रुद्राध्याये स्मृता रुद्रास्तैः सर्वैश्च समावृतः । रुद्राणीकोटिसहितो भद्रकाल्यादिमातृभिः

rudrādhyāye smṛtā rudrāstaiḥ sarvaiśca samāvṛtaḥ rudrāṇīkoṭisahito bhadrakālyādimātṛbhiḥ

the Rudras remembered in the Rudra-chapter — surrounded by all of these, together with tens of millions of Rudranis, and with the Mother-goddesses beginning with Bhadrakali,

Verse 97 (devibhagavatam.12.10.97)

नानाशक्तिसमाविष्टडामर्यादिगणावृतः । वीरभद्रादिसहितो रुद्रो राजन् विराजते

nānāśaktisamāviṣṭaḍāmaryādigaṇāvṛtaḥ vīrabhadrādisahito rudro rājan virājate

pervaded by manifold Shaktis, surrounded by hosts beginning with Damari, together with Virabhadra and the rest, Rudra, O king, reigns there in splendor —

Verse 98 (devibhagavatam.12.10.98)

मुण्डमालाधरो नागवलयो नागकन्धरः । व्याघ्रचर्मपरीधानो गजचर्मोत्तरीयकः

muṇḍamālādharo nāgavalayo nāgakandharaḥ vyāghracarmaparīdhāno gajacarmottarīyakaḥ

bearing a garland of skulls, with serpent-bracelets, a serpent about his neck, clad in a tiger-skin, an elephant-hide as his upper garment,

Verse 99 (devibhagavatam.12.10.99)

चिताभस्माङ्ग लिप्ताङ्गः प्रमथादिगणावृतः । निनदड्डमरुध्वानैर्बधिरीकृतदिङ्मुखः

citābhasmāṅga liptāṅgaḥ pramathādigaṇāvṛtaḥ ninadaḍḍamarudhvānairbadhirīkṛtadiṅmukhaḥ

his limbs smeared with ash from the funeral pyre, surrounded by the hosts beginning with the Pramathas, every quarter deafened by the resounding sound of his damaru drum,

Verse 100 (devibhagavatam.12.10.100)

अट्टहासास्फोटशब्दैः सन्त्रासितनभस्तलः । भूतसङ्घसमाविष्टो भूतावासो महेश्वरः । ईशानदिक्पतिः सोऽयं नाम्ना चेशान एव च

aṭṭahāsāsphoṭaśabdaiḥ santrāsitanabhastalaḥ bhūtasaṅghasamāviṣṭo bhūtāvāso maheśvaraḥ īśānadikpatiḥ so'yaṁ nāmnā ceśāna eva ca

the very vault of the sky terrified by the sound of his thunderous laughter — pervaded by hosts of ghosts, the very abode of ghosts, the Great Lord. He it is who is the guardian of the Ishana quarter, and who is named Ishana himself.