The Ramparts Built of Padmaraga and Other Gems

Verse 1 (devibhagavatam.12.11.1)

व्यास उवाच । पुष्परागमयादग्रे कुङ्कुमारुणविग्रहः । पद्मरागमयः सालो मध्ये भूश्चैव तादृशी

vyāsa uvāca puṣparāgamayādagre kuṅkumāruṇavigrahaḥ padmarāgamayaḥ sālo madhye bhūścaiva tādṛśī

Vyasa said: Beyond the topaz rampart stands a rampart made of ruby, of a hue red as saffron; the ground within it is likewise of that same hue.

Verse 2 (devibhagavatam.12.11.2)

दशयोजनवान्दैर्घ्ये गोपुरद्वारसंयुतः । तन्मणिस्तम्भसंयुक्ता मण्डपाः शतशो नृप

daśayojanavāndairghye gopuradvārasaṁyutaḥ tanmaṇistambhasaṁyuktā maṇḍapāḥ śataśo nṛpa

Ten yojanas in extent, furnished with towered gateways; O king, hundreds of pavilions are joined with pillars of that same gem.

Verse 3 (devibhagavatam.12.11.3)

मध्ये भुवि समासीनाश्चतुःषष्टिमिताः कलाः । नानायुधधरा वीरा रत्नभूषणभूषिताः

madhye bhuvi samāsīnāścatuḥṣaṣṭimitāḥ kalāḥ nānāyudhadharā vīrā ratnabhūṣaṇabhūṣitāḥ

Seated in the midst of the ground are sixty-four Kalas, heroic, bearing manifold weapons, adorned with jeweled ornaments,

Verse 4 (devibhagavatam.12.11.4)

प्रत्येकलोकस्तासां तु तत्तल्लोकस्य नायकाः । समन्तात्पद्मरागस्य परिवार्य स्थिताः सदा

pratyekalokastāsāṁ tu tattallokasya nāyakāḥ samantātpadmarāgasya parivārya sthitāḥ sadā

each with her own world; they are the leaders of their respective worlds, ever standing surrounding the ruby rampart on every side,

Verse 5 (devibhagavatam.12.11.5)

स्वस्वलोकजनैर्जुष्टाः स्वस्ववाहनहेतिभिः । तासां नामानि वक्ष्यामि शृणु त्वं जनमेजय

svasvalokajanairjuṣṭāḥ svasvavāhanahetibhiḥ tāsāṁ nāmāni vakṣyāmi śṛṇu tvaṁ janamejaya

attended by the people of their own worlds, with their own vehicles and weapons. I shall tell you their names — listen, O Janamejaya:

Verse 6 (devibhagavatam.12.11.6)

पिङ्गलाक्षी विशालाक्षी समृद्धिर्वृद्धिरेव च । श्रद्धा स्वाहा स्वधाभिख्या माया संज्ञा वसुन्धरा

piṅgalākṣī viśālākṣī samṛddhirvṛddhireva ca śraddhā svāhā svadhābhikhyā māyā saṁjñā vasundharā

Pingalakshi, Vishalakshi, Samriddhi, and Vriddhi, Shraddha, Svaha, she named Svadha, Maya, Sanjna, Vasundhara,

Verse 7 (devibhagavatam.12.11.7)

त्रिलोकधात्री सावित्री गायत्री त्रिदशेश्वरी । सुरूपा बहुरूपा च स्कन्दमाताच्युतप्रिया

trilokadhātrī sāvitrī gāyatrī tridaśeśvarī surūpā bahurūpā ca skandamātācyutapriyā

Trilokadhatri, Savitri, Gayatri, Tridasheshvari, Surupa, Bahurupa, Skandamata, and Achyutapriya,

Verse 8 (devibhagavatam.12.11.8)

विमला चामला तद्वदरुणी पुनरारुणी । प्रकृतिर्विकृतिः सृष्टिः स्थितिः संहृतिरेव च

vimalā cāmalā tadvadaruṇī punarāruṇī prakṛtirvikṛtiḥ sṛṣṭiḥ sthitiḥ saṁhṛtireva ca

Vimala, Amala, and likewise Aruni and again another Aruni, Prakriti, Vikriti, Srishti, Sthiti, and likewise Samhriti,

Verse 9 (devibhagavatam.12.11.9)

सन्ध्या माता सती हंसी मर्दिका वज्रिका परा । देवमाता भगवती देवकी कमलासना

sandhyā mātā satī haṁsī mardikā vajrikā parā devamātā bhagavatī devakī kamalāsanā

Sandhya, Mata, Sati, Hamsi, Mardika, Vajrika, Para, Devamata, Bhagavati, Devaki, and Kamalasana,

Verse 10 (devibhagavatam.12.11.10)

त्रिमुखी सप्तमुख्यन्या सुरासुरविमर्दिनी । लम्बोष्ठी चोर्ध्वकेशी च बहुशीर्षा वृकोदरी

trimukhī saptamukhyanyā surāsuravimardinī lamboṣṭhī cordhvakeśī ca bahuśīrṣā vṛkodarī

Trimukhi, another named Saptamukhi, Surasuravimardini, Lambosthi, Urdhvakeshi, Bahushirsha, Vrikodari,

Verse 11 (devibhagavatam.12.11.11)

रथरेखाह्वया पश्चाच्छशिरेखा तथापरा । गगनवेगा पवनवेगा वेगा चैव ततः परम्

ratharekhāhvayā paścācchaśirekhā tathāparā gaganavegā pavanavegā vegā caiva tataḥ param

one named Ratharekha, and after her Shashirekha, and likewise Gaganavega, Pavanavega, and then Vega,

Verse 12 (devibhagavatam.12.11.12)

अग्रे भुवनपाला स्यात्तत्पश्चान्मदनातुरा । अनङ्गानङ्गमथना तथैवानङ्गमेखला

agre bhuvanapālā syāttatpaścānmadanāturā anaṅgānaṅgamathanā tathaivānaṅgamekhalā

then Bhuvanapala, and after her Madanatura, Ananga, Anangamathana, and likewise Anangamekhala,

Verse 13 (devibhagavatam.12.11.13)

अनङ्गकुसुमा पश्चाद्विश्वरूपा सुरादिका । क्षयङ्करी भवेच्छक्तिरक्षोभ्या च ततः परम्

anaṅgakusumā paścādviśvarūpā surādikā kṣayaṅkarī bhavecchaktirakṣobhyā ca tataḥ param

Anangakusuma, and after her Vishvarupa, Suradika, the Shakti called Kshayankari, and then Akshobhya,

Verse 14 (devibhagavatam.12.11.14)

सत्यवादिन्यथ प्रोक्ता बहुरूपा शुचितव्रता । उदाराख्या च वागीशी चतुःषष्टिमिताः स्मृताः

satyavādinyatha proktā bahurūpā śucitavratā udārākhyā ca vāgīśī catuḥṣaṣṭimitāḥ smṛtāḥ

and then Satyavadini is declared, Bahurupa, Shuchivrata, the one named Udara, and Vagishi — thus these sixty-four are remembered.

Verse 15 (devibhagavatam.12.11.15)

ज्वलज्जिह्नाननाः सर्वा वमन्त्यो वह्निमुल्बणम् । जलं पिबामः सकलं संहरामो विभावसुम्

jvalajjihnānanāḥ sarvā vamantyo vahnimulbaṇam jalaṁ pibāmaḥ sakalaṁ saṁharāmo vibhāvasum

All of them, their mouths ablaze with tongues of fire, vomiting forth fierce flame, cry out: 'We shall drink up all the waters, we shall consume the fire itself,'

Verse 16 (devibhagavatam.12.11.16)

पवनं स्तम्भयामोऽद्य भक्षयामोऽखिलं जगत् । इति वाचं सङ्गिरन्ते क्रोधसंरक्तलोचनाः

pavanaṁ stambhayāmo'dya bhakṣayāmo'khilaṁ jagat iti vācaṁ saṅgirante krodhasaṁraktalocanāḥ

'we shall today halt the very wind, we shall devour the whole world!' — such words they utter, their eyes red with fury.

Verse 17 (devibhagavatam.12.11.17)

चापबाणधराः सर्वा युद्धायैवोत्सुकाः सदा । दंष्ट्राकटकटारावैर्बधिरीकृतदिङ्मुखाः

cāpabāṇadharāḥ sarvā yuddhāyaivotsukāḥ sadā daṁṣṭrākaṭakaṭārāvairbadhirīkṛtadiṅmukhāḥ

All of them, bearing bow and arrow, are ever eager for battle alone, deafening every quarter with the grinding gnash of their fangs,

Verse 18 (devibhagavatam.12.11.18)

पिङ्गोर्ध्वकेश्यः सम्प्रोक्ताश्चापबाणकराः सदा । शताक्षौहिणिका सेनाप्येकैकस्याः प्रकीर्तिता

piṅgordhvakeśyaḥ samproktāścāpabāṇakarāḥ sadā śatākṣauhiṇikā senāpyekaikasyāḥ prakīrtitā

their tawny hair standing on end, ever bow and arrow in hand — an army of a hundred akshauhinis is declared for each single one of them,

Verse 19 (devibhagavatam.12.11.19)

एकैकशक्तेः सामर्थ्यं लक्षब्रह्माण्डनाशने । शताक्षौहिणिका सेना तादृशी नृपसत्तम

ekaikaśakteḥ sāmarthyaṁ lakṣabrahmāṇḍanāśane śatākṣauhiṇikā senā tādṛśī nṛpasattama

O best of kings, such is the power of each single Shakti — the capacity to destroy a hundred thousand universes — and such is the hundred-akshauhini army of each.

Verse 20 (devibhagavatam.12.11.20)

किं न कुर्याज्जगत्यस्मिन्नशक्यं वक्तुमेव तत् । सर्वापि युद्धसामग्री तस्मिन्साले स्थिता मुने

kiṁ na kuryājjagatyasminnaśakyaṁ vaktumeva tat sarvāpi yuddhasāmagrī tasminsāle sthitā mune

What could they not do in this world? That indeed cannot be told. O sage, all manner of war-materiel is stationed within that rampart —

Verse 21 (devibhagavatam.12.11.21)

रथानां गणना नास्ति हयानां करिणां तथा । शस्त्राणां गणना तद्वद्गणानां गणना तथा

rathānāṁ gaṇanā nāsti hayānāṁ kariṇāṁ tathā śastrāṇāṁ gaṇanā tadvadgaṇānāṁ gaṇanā tathā

there is no counting the chariots, nor of the horses and elephants; likewise there is no counting the weapons, nor of the hosts.

Verse 22 (devibhagavatam.12.11.22)

पद्मरागमयादग्रे गोमेदमणिनिर्मितः । दशयोजनदैर्घ्येण प्राकारो वर्तते महान्

padmarāgamayādagre gomedamaṇinirmitaḥ daśayojanadairghyeṇa prākāro vartate mahān

Beyond the ruby rampart, a great rampart made of gomeda stands, ten yojanas in extent.

Verse 23 (devibhagavatam.12.11.23)

भास्वज्जपाप्रसूनाभो मध्यभूस्तस्य तादृशी । गोमेदकल्पितान्येव तद्वासिसदनानि च

bhāsvajjapāprasūnābho madhyabhūstasya tādṛśī gomedakalpitānyeva tadvāsisadanāni ca

Radiant like the hibiscus flower, its central ground is likewise of that hue; the dwellings of those who reside there are fashioned entirely of gomeda,

Verse 24 (devibhagavatam.12.11.24)

पक्षिणः स्तम्भवर्याश्च वृक्षा वाप्यः सरांसि च । गोमेदकल्पिता एव कुङ्कुमारुणविग्रहाः

pakṣiṇaḥ stambhavaryāśca vṛkṣā vāpyaḥ sarāṁsi ca gomedakalpitā eva kuṅkumāruṇavigrahāḥ

the birds, the finest pillars, the trees, the step-wells, and the lakes — all are fashioned of gomeda, red-hued as saffron.

Verse 25 (devibhagavatam.12.11.25)

तन्मध्यस्था महादेव्यो द्वात्रिंशच्छक्तयः स्मृताः । नानाशस्त्रप्रहरणा गोमेदमणिभूषिताः

tanmadhyasthā mahādevyo dvātriṁśacchaktayaḥ smṛtāḥ nānāśastrapraharaṇā gomedamaṇibhūṣitāḥ

Dwelling within it are thirty-two Great Goddesses, remembered as Shaktis, striking with manifold weapons, adorned with gomeda gems,

Verse 26 (devibhagavatam.12.11.26)

प्रत्येकलोकवासिन्यः परिवार्य समन्ततः । गोमेदसाले सन्नद्धाः पिशाचवदना नृप

pratyekalokavāsinyaḥ parivārya samantataḥ gomedasāle sannaddhāḥ piśācavadanā nṛpa

each dwelling in her own world, surrounding it on every side; O king, they stand armed within the gomeda rampart, their faces like Pishachas,

Verse 27 (devibhagavatam.12.11.27)

स्वर्लोकवासिभिर्नित्यं पूजिताश्चक्रबाहवः । क्रोधरक्तेक्षणा भिन्धि पचच्छिन्धि दहेति च

svarlokavāsibhirnityaṁ pūjitāścakrabāhavaḥ krodharaktekṣaṇā bhindhi pacacchindhi daheti ca

ever worshipped by the dwellers of the heavenly worlds, discus in hand, their eyes red with rage, crying out 'Pierce! Cook! Sever! Burn!' —

Verse 28 (devibhagavatam.12.11.28)

वदन्ति सततं वाचं युद्धोत्सुकहृदन्तराः । एकैकस्या महाशक्तेर्दशाक्षौहिणिका मता

vadanti satataṁ vācaṁ yuddhotsukahṛdantarāḥ ekaikasyā mahāśakterdaśākṣauhiṇikā matā

— such are the words they constantly utter, their hearts eager for battle; each of these Great Shaktis is deemed to have an army of ten akshauhinis,

Verse 29 (devibhagavatam.12.11.29)

सेना तत्राप्येकशक्तिर्लक्षब्रह्माण्डनाशिनी । तादृशीनां महासेना वर्णनीया कथं नृप

senā tatrāpyekaśaktirlakṣabrahmāṇḍanāśinī tādṛśīnāṁ mahāsenā varṇanīyā kathaṁ nṛpa

and each such Shakti alone is capable of destroying a hundred thousand universes; O king, how can the great army of such beings even be described?

Verse 30 (devibhagavatam.12.11.30)

रथानां नैव गणना वाहनानां तथैव च । सर्वयुद्धसमारम्भस्तत्र देव्या विराजते

rathānāṁ naiva gaṇanā vāhanānāṁ tathaiva ca sarvayuddhasamārambhastatra devyā virājate

There is no counting the chariots, nor likewise of the mounts; there the Devi's entire array for war stands in splendor.

Verse 31 (devibhagavatam.12.11.31)

तासां नामानि वक्ष्यामि पापनाशकराणि च । विद्याह्रीपुष्टयः प्रज्ञा सिनीवाली कुहूस्तथा

tāsāṁ nāmāni vakṣyāmi pāpanāśakarāṇi ca vidyāhrīpuṣṭayaḥ prajñā sinīvālī kuhūstathā

I shall tell you their names, which destroy sin: Vidya, Hri, Pushti, Prajna, Sinivali, and likewise Kuhu,

Verse 32 (devibhagavatam.12.11.32)

रुद्रा वीर्या प्रभा नन्दा पोषिणी ऋद्धिदा शुभा । कालरात्रिर्महारात्रिर्भद्रकाली कपर्दिनी

rudrā vīryā prabhā nandā poṣiṇī ṛddhidā śubhā kālarātrirmahārātrirbhadrakālī kapardinī

Rudra, Virya, Prabha, Nanda, Poshini, Riddhida, Shubha, Kalaratri, Maharatri, Bhadrakali, Kapardini,

Verse 33 (devibhagavatam.12.11.33)

विकृतिर्दण्डिमुण्डिन्यौ सेन्दुखण्डा शिखण्डिनी । निशुम्भशुम्भमथिनी महिषासुरमर्दिनी

vikṛtirdaṇḍimuṇḍinyau sendukhaṇḍā śikhaṇḍinī niśumbhaśumbhamathinī mahiṣāsuramardinī

Vikriti, Dandi and Mundini, Sendukhanda, Shikhandini, the destroyer of Nishumbha and Shumbha, and Mahishasuramardini,

Verse 34 (devibhagavatam.12.11.34)

इन्द्राणी चैव रुद्राणी शङ्करार्धशरीरिणी । नारी नारायणी चैव त्रिशूलिन्यपि पालिनी

indrāṇī caiva rudrāṇī śaṅkarārdhaśarīriṇī nārī nārāyaṇī caiva triśūlinyapi pālinī

Indrani and likewise Rudrani, she who forms half of Shankara's body, Nari, and likewise Narayani, and Trishulini, and also Palini,

Verse 35 (devibhagavatam.12.11.35)

अम्बिका ह्लादिनी पश्चादित्येवं शक्तयः स्मृताः । यद्येताः कुपिता देव्यस्तदा ब्रह्माण्डनाशनम्

ambikā hlādinī paścādityevaṁ śaktayaḥ smṛtāḥ yadyetāḥ kupitā devyastadā brahmāṇḍanāśanam

Ambika, and afterward Hladini — thus these Shaktis are remembered. If these goddesses should become angry, then the destruction of the universe follows;

Verse 36 (devibhagavatam.12.11.36)

पराजयो न चैतासां कदाचित्क्वचिदस्ति हि । गोमेदकमयादग्रे सद्वज्रमणिनिर्मितः

parājayo na caitāsāṁ kadācitkvacidasti hi gomedakamayādagre sadvajramaṇinirmitaḥ

defeat for these beings never occurs, anywhere, at any time. Beyond the gomeda rampart, a rampart made of true diamond,

Verse 37 (devibhagavatam.12.11.37)

दशयोजनतुङ्गोऽसौ गोपुरद्वारसंयुतः । कपाटशृङ्खलाबद्धो नववृक्षसमुज्ज्वलः

daśayojanatuṅgo'sau gopuradvārasaṁyutaḥ kapāṭaśṛṅkhalābaddho navavṛkṣasamujjvalaḥ

ten yojanas in height, furnished with towered gateways, its doors bound with chains, resplendent with ever-fresh trees, stands there.

Verse 38 (devibhagavatam.12.11.38)

सालस्तन्मध्यभूम्यादि सर्वं हीरमयं स्मृतम् । गृहाणि वीथयो रथ्या महामार्गाङ्गणानि च

sālastanmadhyabhūmyādi sarvaṁ hīramayaṁ smṛtam gṛhāṇi vīthayo rathyā mahāmārgāṅgaṇāni ca

Within that rampart, the ground and everything else is remembered as made of diamond — the houses, the lanes, the streets, the great roads, and the courtyards,

Verse 39 (devibhagavatam.12.11.39)

वृक्षालवालतरवः सारङ्गा अपि तादृशाः । दीर्घिकाश्रेणयो वाप्यस्तडागाः कूपसंयुताः

vṛkṣālavālataravaḥ sāraṅgā api tādṛśāḥ dīrghikāśreṇayo vāpyastaḍāgāḥ kūpasaṁyutāḥ

the trees with their basins, and likewise the deer, all of that same substance; rows of long pools, step-wells, reservoirs, joined with wells.

Verse 40 (devibhagavatam.12.11.40)

तत्र श्रीभुवनेश्वर्या वसन्ति परिचारिकाः । एकैका लक्षदासीभिः सेविता मदगर्विताः

tatra śrībhuvaneśvaryā vasanti paricārikāḥ ekaikā lakṣadāsībhiḥ sevitā madagarvitāḥ

There dwell the handmaidens of the glorious Bhuvaneshvari, each one attended by a hundred thousand maidservants, intoxicated with pride,

Verse 41 (devibhagavatam.12.11.41)

तालवृन्तधराः काश्चिच्चषकाढ्यकराम्बुजाः । काश्चित्ताम्बूलपात्राणि धारयन्त्योऽतिगर्विताः

tālavṛntadharāḥ kāściccaṣakāḍhyakarāmbujāḥ kāścittāmbūlapātrāṇi dhārayantyo'tigarvitāḥ

some bearing palm-leaf fans, their lotus-hands holding cups; others, exceedingly proud, holding trays of betel;

Verse 42 (devibhagavatam.12.11.42)

काश्चित्तच्छत्रधारिण्यश्चामराणां विधारिकाः । नानावस्त्रधराः काश्चित्काश्चित्पुष्पकराम्बुजाः

kāścittacchatradhāriṇyaścāmarāṇāṁ vidhārikāḥ nānāvastradharāḥ kāścitkāścitpuṣpakarāmbujāḥ

some bearing her royal parasol, others carrying chowries; some clad in manifold garments, others holding flowers in their lotus-hands;

Verse 43 (devibhagavatam.12.11.43)

नानादर्शकराः काश्चित्काश्चित्कुङ्कुमलेपनम् । धारयन्त्यः कज्जलं च सिन्दूरचषकं पराः

nānādarśakarāḥ kāścitkāścitkuṅkumalepanam dhārayantyaḥ kajjalaṁ ca sindūracaṣakaṁ parāḥ

some holding manifold mirrors, others holding saffron-paste for anointing; some bearing kohl, and yet others a cup of vermilion;

Verse 44 (devibhagavatam.12.11.44)

काश्चिच्चित्रकनिर्मात्र्यः पादसंवाहने रताः । काश्चित्तु भूषाकारिण्यो नानाभूषाधराः पराः

kāściccitrakanirmātryaḥ pādasaṁvāhane ratāḥ kāścittu bhūṣākāriṇyo nānābhūṣādharāḥ parāḥ

some who paint decorative designs, others devoted to massaging her feet; some who fashion ornaments, and yet others wearing manifold ornaments themselves;

Verse 45 (devibhagavatam.12.11.45)

पुष्पभूषणनिर्मात्र्यः पुष्पशृङ्गारकारिकाः । नानाविलासचतुरा बह्व्य एवंविधाः पराः

puṣpabhūṣaṇanirmātryaḥ puṣpaśṛṅgārakārikāḥ nānāvilāsacaturā bahvya evaṁvidhāḥ parāḥ

some who fashion floral ornaments, others who arrange floral adornments; many others, skilled in manifold graceful arts, of this kind.

Verse 46 (devibhagavatam.12.11.46)

निबद्धपरिधानीया युवत्यः सकला अपि । देवीकृपालेशवशात्तुच्छीकृतजगत्त्रयाः

nibaddhaparidhānīyā yuvatyaḥ sakalā api devīkṛpāleśavaśāttucchīkṛtajagattrayāḥ

All these young women, their garments bound securely, have, by a mere fragment of the Devi's grace, made the three worlds seem trifling.

Verse 47 (devibhagavatam.12.11.47)

एता दूत्यः स्मृता देव्यः शृङ्गारमदगर्विताः । तासां नामानि वक्ष्यामि शृणु मे नृपसत्तम

etā dūtyaḥ smṛtā devyaḥ śṛṅgāramadagarvitāḥ tāsāṁ nāmāni vakṣyāmi śṛṇu me nṛpasattama

These goddesses are remembered as messengers, intoxicated with the pride of their own charm; I shall tell you their names — listen to me, O best of kings:

Verse 48 (devibhagavatam.12.11.48)

अनङ्गरूपा प्रथमाप्यनङ्गमदना परा । तृतीया तु ततः प्रोक्ता सुन्दरी मदनातुरा

anaṅgarūpā prathamāpyanaṅgamadanā parā tṛtīyā tu tataḥ proktā sundarī madanāturā

Anangarupa is the first, then Anangamadana; the third thereafter is declared to be Sundari Madanatura,

Verse 49 (devibhagavatam.12.11.49)

ततो भुवनवेगा स्यात्तथा भुवनपालिका । स्यात्सर्वशिशिरानङ्गवदनानङ्गमेखला

tato bhuvanavegā syāttathā bhuvanapālikā syātsarvaśiśirānaṅgavadanānaṅgamekhalā

then Bhuvanavega, and likewise Bhuvanapalika; and Sarvashishira, Anangavadana, and Anangamekhala,

Verse 50 (devibhagavatam.12.11.50)

विद्युद्दामसमानाङ्ग्यः क्वणत्काञ्चीगुणान्विताः । रणन्मञ्जीरचरणा बहिरन्तरितस्ततः

vidyuddāmasamānāṅgyaḥ kvaṇatkāñcīguṇānvitāḥ raṇanmañjīracaraṇā bahirantaritastataḥ

their bodies like flashes of lightning, adorned with tinkling girdle-strings, their feet ringing with anklets, moving here and there, inside and out,

Verse 51 (devibhagavatam.12.11.51)

धावमानास्तु शोभन्ते सर्वा विद्युल्लतोपमाः । कुशलाः सर्वकार्येषु वेत्रहस्ताः समन्ततः

dhāvamānāstu śobhante sarvā vidyullatopamāḥ kuśalāḥ sarvakāryeṣu vetrahastāḥ samantataḥ

they run about and shine, all resembling creepers of lightning, skilled in every task, canes in hand on every side.

Verse 52 (devibhagavatam.12.11.52)

अष्टदिक्षु तथैतासां प्राकाराद्बहिरेव च । सदनानि विराजन्ते नानावाहनहेतिभिः

aṣṭadikṣu tathaitāsāṁ prākārādbahireva ca sadanāni virājante nānāvāhanahetibhiḥ

In the eight directions, just outside that rampart, their dwellings stand in splendor, filled with manifold vehicles and weapons.

Verse 53 (devibhagavatam.12.11.53)

वज्रसालादग्रभागे सालो वैदूर्यनिर्मितः । दशयोजनतुङ्गोऽसौ गोपुरद्वारभूषितः

vajrasālādagrabhāge sālo vaidūryanirmitaḥ daśayojanatuṅgo'sau gopuradvārabhūṣitaḥ

Beyond the diamond rampart is a rampart made of vaidurya, ten yojanas in height, adorned with towered gateways.

Verse 54 (devibhagavatam.12.11.54)

वैदूर्यभूमिः सर्वापि गृहाणि विविधानि च । वीथ्यो रथ्या महामार्गाः सर्वे वैदूर्यनिर्मिताः

vaidūryabhūmiḥ sarvāpi gṛhāṇi vividhāni ca vīthyo rathyā mahāmārgāḥ sarve vaidūryanirmitāḥ

The ground there is entirely of vaidurya, and so are the various dwellings; the lanes, streets, and great roads, all made of vaidurya.

Verse 55 (devibhagavatam.12.11.55)

वापीकूपतडागाश्च स्रवन्तीनां तटानि च । बालुका चैव सर्वापि वैदूर्यमणिनिर्मिता

vāpīkūpataḍāgāśca sravantīnāṁ taṭāni ca bālukā caiva sarvāpi vaidūryamaṇinirmitā

The step-wells, the wells, the reservoirs, and the banks of the streams, and all the sand there too, are fashioned from the gem vaidurya.

Verse 56 (devibhagavatam.12.11.56)

तत्राष्टदिक्षु परितो ब्राह्म्यादीनां च मण्डलम् । निजैर्गणैः परिवृतं भ्राजते नृपसत्तम

tatrāṣṭadikṣu parito brāhmyādīnāṁ ca maṇḍalam nijairgaṇaiḥ parivṛtaṁ bhrājate nṛpasattama

There, in the eight directions all around, O best of kings, shines the circle of the Mother-goddesses beginning with Brahmi, surrounded by their own hosts,

Verse 57 (devibhagavatam.12.11.57)

प्रतिब्रह्माण्डमातॄणां ताः समष्टय ईरिताः । ब्राह्मी माहेश्वरी चैव कौमारी वैष्णवी तथा

pratibrahmāṇḍamātṝṇāṁ tāḥ samaṣṭaya īritāḥ brāhmī māheśvarī caiva kaumārī vaiṣṇavī tathā

declared to be the collective forms of the Mother-goddesses present in every single universe — Brahmi, and likewise Maheshvari, Kaumari, and likewise Vaishnavi,

Verse 58 (devibhagavatam.12.11.58)

वाराही च तथेन्द्राणी चामुण्डा सप्त मातरः । अष्टमी तु महालक्ष्मीर्नाम्ना प्रोक्तास्तु मातरः

vārāhī ca tathendrāṇī cāmuṇḍā sapta mātaraḥ aṣṭamī tu mahālakṣmīrnāmnā proktāstu mātaraḥ

Varahi, and likewise Indrani, and Chamunda — these seven Mothers; and the eighth is Mahalakshmi — thus by name are the Mothers declared.

Verse 59 (devibhagavatam.12.11.59)

ब्रह्मरुद्रादिदेवानां समाकारास्तु ताः स्मृताः । जगत्कल्याणकारिण्यः स्वस्वसेनासमावृताः

brahmarudrādidevānāṁ samākārāstu tāḥ smṛtāḥ jagatkalyāṇakāriṇyaḥ svasvasenāsamāvṛtāḥ

They are remembered as bearing the very forms of Brahma, Rudra, and the other gods; bringers of welfare to the world, each surrounded by her own army.

Verse 60 (devibhagavatam.12.11.60)

तत्सालस्य चतुर्द्वार्षु वाहनानि महेशितुः । सज्जानि नृपते सन्ति सालङ्काराणि नित्यशः

tatsālasya caturdvārṣu vāhanāni maheśituḥ sajjāni nṛpate santi sālaṅkārāṇi nityaśaḥ

At the four gates of that rampart, O king, stand the vehicles of the Great Ruler, ever prepared and richly adorned:

Verse 61 (devibhagavatam.12.11.61)

दन्तिनः कोटिशो वाहाः कोटिशः शिबिकास्तथा । हंसाः सिंहाश्च गरुडा मयूरा वृषभास्तथा

dantinaḥ koṭiśo vāhāḥ koṭiśaḥ śibikāstathā haṁsāḥ siṁhāśca garuḍā mayūrā vṛṣabhāstathā

tens of millions of elephants, tens of millions of horses, and likewise palanquins; swans, lions, Garudas, peacocks, and likewise bulls,

Verse 62 (devibhagavatam.12.11.62)

तैर्युक्ताः स्यन्दनास्तद्वत्कोटिशो नृपनन्दन । पार्ष्णिग्राहसमायुक्ता ध्वजैराकाशचुम्बिनः

tairyuktāḥ syandanāstadvatkoṭiśo nṛpanandana pārṣṇigrāhasamāyuktā dhvajairākāśacumbinaḥ

and, O delight of kings, tens of millions of chariots yoked to these, equipped with rear-guards, their banners kissing the very sky,

Verse 63 (devibhagavatam.12.11.63)

कोटिशस्तु विमानानि नानाचिह्नान्वितानि च । नानावादित्रयुक्तानि महाध्वजयुतानि च

koṭiśastu vimānāni nānācihnānvitāni ca nānāvāditrayuktāni mahādhvajayutāni ca

and tens of millions of celestial cars, marked with manifold emblems, fitted with manifold musical instruments, and furnished with great banners.

Verse 64 (devibhagavatam.12.11.64)

वैदूर्यमणिसालस्याप्यग्रे सालः परः स्मृतः । दशयोजनतुङ्गोऽसाविन्द्रनीलाश्मनिर्मितः

vaidūryamaṇisālasyāpyagre sālaḥ paraḥ smṛtaḥ daśayojanatuṅgo'sāvindranīlāśmanirmitaḥ

Beyond the vaidurya-gem rampart, another rampart is remembered, ten yojanas in height, made of sapphire.

Verse 65 (devibhagavatam.12.11.65)

तन्मध्यभूस्तथा वीथ्यो महामार्गा गृहाणि च । वापीकूपतडागाश्च सर्वे तन्मणिनिर्मिताः

tanmadhyabhūstathā vīthyo mahāmārgā gṛhāṇi ca vāpīkūpataḍāgāśca sarve tanmaṇinirmitāḥ

Its central ground, its lanes, great roads, and houses, and its step-wells, wells, and reservoirs, are all fashioned from that same gem.

Verse 66 (devibhagavatam.12.11.66)

तत्र पद्मं तु सम्प्रोक्तं बहुयोजनविस्तृतम् । षोडशारं दीप्यमानं सुदर्शनमिवापरम्

tatra padmaṁ tu samproktaṁ bahuyojanavistṛtam ṣoḍaśāraṁ dīpyamānaṁ sudarśanamivāparam

There is declared a great lotus, extending for many yojanas, with sixteen spokes, blazing like a second discus of Vishnu.

Verse 67 (devibhagavatam.12.11.67)

तत्र षोडशशक्तीनां स्थानानि विविधानि च । सर्वोपस्करयुक्तानि समृद्धानि वसन्ति हि

tatra ṣoḍaśaśaktīnāṁ sthānāni vividhāni ca sarvopaskarayuktāni samṛddhāni vasanti hi

There, the various abodes of the sixteen Shaktis, furnished with every requisite and richly prosperous, exist there.

Verse 68 (devibhagavatam.12.11.68)

तासां नामानि वक्ष्यामि शृणु मे नृपसत्तम । कराली विकराली च तथोमा च सरस्वती

tāsāṁ nāmāni vakṣyāmi śṛṇu me nṛpasattama karālī vikarālī ca tathomā ca sarasvatī

I shall tell you their names — listen to me, O best of kings: Karali, Vikarali, and likewise Uma, and Sarasvati,

Verse 69 (devibhagavatam.12.11.69)

श्रीदुर्गोषा तथा लक्ष्मीः श्रुतिश्चैव स्मृतिर्धृतिः । श्रद्धा मेधा मतिः कान्तिरार्या षोडश शक्तयः

śrīdurgoṣā tathā lakṣmīḥ śrutiścaiva smṛtirdhṛtiḥ śraddhā medhā matiḥ kāntirāryā ṣoḍaśa śaktayaḥ

Shridurgosha, and likewise Lakshmi, Shruti, and likewise Smriti, Dhriti, Shraddha, Medha, Mati, Kanti, and Arya — these sixteen Shaktis.

Verse 70 (devibhagavatam.12.11.70)

नीलजीमूतसङ्काशाः करवालकराम्बुजाः । समाः खेटकधारिण्यो युद्धोपक्रान्तमानसाः

nīlajīmūtasaṅkāśāḥ karavālakarāmbujāḥ samāḥ kheṭakadhāriṇyo yuddhopakrāntamānasāḥ

Dark as thunderclouds, swords in their lotus-hands, equally armed with shields, their minds set upon warfare,

Verse 71 (devibhagavatam.12.11.71)

सेनान्यः सकला एताः श्रीदेव्या जगदीशितुः । प्रतिब्रह्माण्डसंस्थानां शक्तीनां नायिकाः स्मृताः

senānyaḥ sakalā etāḥ śrīdevyā jagadīśituḥ pratibrahmāṇḍasaṁsthānāṁ śaktīnāṁ nāyikāḥ smṛtāḥ

all of them are generals of the glorious Devi, Mistress of the world; they are remembered as the leaders of the Shaktis present in every single universe.

Verse 72 (devibhagavatam.12.11.72)

ब्रह्माण्डक्षोभकारिण्यो देवीशक्त्युपबृंहिताः । नानारथसमारूढा नानाशक्तिभिरन्विताः

brahmāṇḍakṣobhakāriṇyo devīśaktyupabṛṁhitāḥ nānārathasamārūḍhā nānāśaktibhiranvitāḥ

Capable of shaking the universe, strengthened by the Devi's own power, mounted upon manifold chariots, accompanied by manifold Shaktis —

Verse 73 (devibhagavatam.12.11.73)

एतत्पराक्रमं वक्तुं सहस्रास्योऽपि न क्षमः । इन्द्रनीलमहासालादग्रे तु बहुविस्तृतः

etatparākramaṁ vaktuṁ sahasrāsyo'pi na kṣamaḥ indranīlamahāsālādagre tu bahuvistṛtaḥ

— even one with a thousand mouths is not capable of describing their valor. Beyond the great sapphire rampart, extending far and wide, stands —

Verse 74 (devibhagavatam.12.11.74)

मुक्ताप्राकार उदितो दशयोजनदैर्घ्यवान् । मध्यभूः पूर्ववत्प्रोक्ता तन्मध्येऽष्टदलाम्बुजम्

muktāprākāra udito daśayojanadairghyavān madhyabhūḥ pūrvavatproktā tanmadhye'ṣṭadalāmbujam

— a rampart of pearl, declared to be ten yojanas in extent; its central ground is as described before, and in its midst is an eight-petalled lotus,

Verse 75 (devibhagavatam.12.11.75)

मुक्तामणिगणाकीर्णं विस्तृतं तु सकेसरम् । तत्र देवीसमाकारा देव्यायुधधराः सदा

muktāmaṇigaṇākīrṇaṁ vistṛtaṁ tu sakesaram tatra devīsamākārā devyāyudhadharāḥ sadā

strewn with clusters of pearls, wide, with its own filaments; there, ever bearing the form of the Devi and her weapons —

Verse 76 (devibhagavatam.12.11.76)

सम्प्रोक्ता अष्टमन्त्रिण्यो जगद्वार्ताप्रबोधिकाः । देवीसमानभोगास्ता इङ्गितज्ञास्तु पण्डिताः

samproktā aṣṭamantriṇyo jagadvārtāprabodhikāḥ devīsamānabhogāstā iṅgitajñāstu paṇḍitāḥ

— are declared the eight Ministers, who awaken and understand the affairs of the world; enjoying pleasures equal to the Devi's own, learned in reading the slightest gesture,

Verse 77 (devibhagavatam.12.11.77)

कुशलाः सर्वकार्येषु स्वामिकार्यपरायणाः । देव्यभिप्रायबोध्यस्ताश्चतुरा अतिसुन्दराः

kuśalāḥ sarvakāryeṣu svāmikāryaparāyaṇāḥ devyabhiprāyabodhyastāścaturā atisundarāḥ

skilled in every task, devoted entirely to their Mistress's business, quick to grasp the Devi's intent, clever, exceedingly beautiful,

Verse 78 (devibhagavatam.12.11.78)

नानाशक्तिसमायुक्ताः प्रतिब्रह्माण्डवर्तिनाम् । प्राणिनां ताः समाचारं ज्ञानशक्त्या विदन्ति च

nānāśaktisamāyuktāḥ pratibrahmāṇḍavartinām prāṇināṁ tāḥ samācāraṁ jñānaśaktyā vidanti ca

endowed with manifold powers, they know, by the power of their own knowledge, the conduct of all living beings present in every single universe.

Verse 79 (devibhagavatam.12.11.79)

तासां नामानि वक्ष्यामि मत्तः शृणु नृपोत्तम । अनङ्गकुसुमा प्रोक्ताप्यनङ्गकुसुमातुरा

tāsāṁ nāmāni vakṣyāmi mattaḥ śṛṇu nṛpottama anaṅgakusumā proktāpyanaṅgakusumāturā

I shall tell you their names from myself — listen, O best of kings: Anangakusuma is declared, and Anangakusumatura,

Verse 80 (devibhagavatam.12.11.80)

अनङ्गमदना तद्वदनङ्गमदनातुरा । भुवनपाला गगनवेगा चैव ततः परम्

anaṅgamadanā tadvadanaṅgamadanāturā bhuvanapālā gaganavegā caiva tataḥ param

Anangamadana, and likewise Anangamadanatura, Bhuvanapala, and likewise Gaganavega, and then —

Verse 81 (devibhagavatam.12.11.81)

शशिरेखा च गगनरेखा चैव ततः परम् । पाशाङ्कुशवराभीतिधरा अरुणविग्रहाः

śaśirekhā ca gaganarekhā caiva tataḥ param pāśāṅkuśavarābhītidharā aruṇavigrahāḥ

— Shashirekha, and likewise Gaganarekha, and then the rest; bearing noose, goad, boon-granting gesture, and fearlessness-gesture, of ruddy hue,

Verse 82 (devibhagavatam.12.11.82)

विश्वसम्बन्धिनीं वार्तां बोधयन्ति प्रतिक्षणम् । मुक्तासालादग्रभागे महामारकतोऽपरः

viśvasambandhinīṁ vārtāṁ bodhayanti pratikṣaṇam muktāsālādagrabhāge mahāmārakato'paraḥ

they make known, at every moment, all tidings connected with the entire universe. Beyond the pearl rampart, another rampart, of great emerald, stands —

Verse 83 (devibhagavatam.12.11.83)

सालोत्तमः समुद्दिष्टो दशयोजनदैर्घ्यवान् । नानासौभाग्यसंयुक्तो नानाभोगसमन्वितः

sālottamaḥ samuddiṣṭo daśayojanadairghyavān nānāsaubhāgyasaṁyukto nānābhogasamanvitaḥ

— that finest of ramparts is described, ten yojanas in extent, endowed with manifold splendor, furnished with manifold enjoyments.

Verse 84 (devibhagavatam.12.11.84)

मध्यभूस्तादृशी प्रोक्ता सदनानि तथैव च । षट्कोणमत्र विस्तीर्णं कोणस्था देवताः शृणु

madhyabhūstādṛśī proktā sadanāni tathaiva ca ṣaṭkoṇamatra vistīrṇaṁ koṇasthā devatāḥ śṛṇu

Its central ground is described as being of that same substance, and likewise its dwellings; here a wide hexagon stands — hear now of the deities in its corners:

Verse 85 (devibhagavatam.12.11.85)

पूर्वकोणे चतुर्वक्त्रो गायत्रीसहितो विधिः । कुण्डिकाक्षगुणाभीतिदण्डायुधधरः परः

pūrvakoṇe caturvaktro gāyatrīsahito vidhiḥ kuṇḍikākṣaguṇābhītidaṇḍāyudhadharaḥ paraḥ

In the eastern corner is Vidhi of four faces, together with Gayatri, bearing his water-pot, rosary, and staff, and the gesture of fearlessness;

Verse 86 (devibhagavatam.12.11.86)

तदायुधधरा देवी गायत्री परदेवता । वेदाः सर्वे मूर्तिमन्तः शास्त्राणि विविधानि च

tadāyudhadharā devī gāyatrī paradevatā vedāḥ sarve mūrtimantaḥ śāstrāṇi vividhāni ca

the Devi Gayatri, the Supreme Deity, bears his same insignia; and there, in embodied form, dwell all the Vedas, and the various scriptures,

Verse 87 (devibhagavatam.12.11.87)

स्मृतयश्च पुराणानि मूर्तिमन्ति वसन्ति हि । ये ब्रह्मविग्रहाः सन्ति गायत्रीविग्रहाश्च ये

smṛtayaśca purāṇāni mūrtimanti vasanti hi ye brahmavigrahāḥ santi gāyatrīvigrahāśca ye

the Smritis, and the Puranas, all in embodied form; and whatever forms belong to Brahma, and whatever forms belong to Gayatri,

Verse 88 (devibhagavatam.12.11.88)

व्याहृतीनां विग्रहाश्च ते नित्यं तत्र सन्ति हि । रक्षःकोणे शङ्खचक्रगदाम्बुजकराम्बुजा

vyāhṛtīnāṁ vigrahāśca te nityaṁ tatra santi hi rakṣaḥkoṇe śaṅkhacakragadāmbujakarāmbujā

and the embodied forms of the vyahritis — all of these ever exist there. In that south-eastern corner, her lotus-hands bearing conch, discus, mace, and lotus,

Verse 89 (devibhagavatam.12.11.89)

सावित्री वर्तते तत्र महाविष्णुश्च तादृशः । ये विष्णुविग्रहाः सन्ति मत्स्यकूर्मादयोऽखिलाः

sāvitrī vartate tatra mahāviṣṇuśca tādṛśaḥ ye viṣṇuvigrahāḥ santi matsyakūrmādayo'khilāḥ

Savitri dwells there, and Maha-Vishnu likewise; and whatever forms belong to Vishnu — the Fish, the Tortoise, and all the rest —

Verse 90 (devibhagavatam.12.11.90)

सावित्रीविग्रहा ये च ते सर्वे तत्र सन्ति हि । वायुकोणे परश्वक्षमालाभयवरान्वितः

sāvitrīvigrahā ye ca te sarve tatra santi hi vāyukoṇe paraśvakṣamālābhayavarānvitaḥ

and whatever forms belong to Savitri, all of them exist there. In the north-west corner, joined with axe, rosary, gesture of fearlessness, and gesture of boon-granting,

Verse 91 (devibhagavatam.12.11.91)

महारुद्रो वर्ततेऽत्र सरस्वत्यपि तादृशी । ये ये तु रुद्रभेदाः स्युर्दक्षिणास्यादयो नृप

mahārudro vartate'tra sarasvatyapi tādṛśī ye ye tu rudrabhedāḥ syurdakṣiṇāsyādayo nṛpa

Maharudra dwells here, and likewise Sarasvati of that same nature; O king, whatever forms of Rudra there are, beginning with the southern-facing form and the rest,

Verse 92 (devibhagavatam.12.11.92)

गौरीभेदाश्च ये सर्वे ते तत्र निवसन्ति हि । चतुःषष्ट्यागमा ये च ये चान्येऽप्यागमाः स्मृताः

gaurībhedāśca ye sarve te tatra nivasanti hi catuḥṣaṣṭyāgamā ye ca ye cānye'pyāgamāḥ smṛtāḥ

and all the various forms of Gauri — all of them dwell there. And the sixty-four Agamas, and whatever other Agamas are remembered,

Verse 93 (devibhagavatam.12.11.93)

ते सर्वे मूर्तिमन्तश्च तत्रैव निवसन्ति हि । अग्निकोणे रत्नकुम्भं तथा मणिकरण्डकम्

te sarve mūrtimantaśca tatraiva nivasanti hi agnikoṇe ratnakumbhaṁ tathā maṇikaraṇḍakam

all of them, in embodied form, dwell there too. In the fire-corner, a jeweled vessel and a casket of gems —

Verse 94 (devibhagavatam.12.11.94)

दधानो निजहस्ताभ्यां कुबेरो धनदायकः । नानावीथीसमायुक्तो महालक्ष्मीसमन्वितः

dadhāno nijahastābhyāṁ kubero dhanadāyakaḥ nānāvīthīsamāyukto mahālakṣmīsamanvitaḥ

— held in his own two hands, Kubera, the giver of wealth, dwells, joined with manifold streets, accompanied by Mahalakshmi.

Verse 95 (devibhagavatam.12.11.95)

देव्या निधिपतिस्त्वास्ते स्वगुणैः परिवेष्टितः । वारुणे तु महाकोणे मदनो रतिसंयुतः

devyā nidhipatistvāste svaguṇaiḥ pariveṣṭitaḥ vāruṇe tu mahākoṇe madano ratisaṁyutaḥ

The Lord of Treasures abides there by the Devi's grace, surrounded by his own virtues. In the great western corner, Madana, joined with Rati,

Verse 96 (devibhagavatam.12.11.96)

पाशाङ्कुशधनुर्बाणधरो नित्यं विराजते । शृङ्गारा मूर्तिमन्तस्तु तत्र सन्निहिताः सदा

pāśāṅkuśadhanurbāṇadharo nityaṁ virājate śṛṅgārā mūrtimantastu tatra sannihitāḥ sadā

bearing noose, goad, bow, and arrow, ever reigns there in splendor; and there, ever present, dwell the embodied forms of amorous grace.

Verse 97 (devibhagavatam.12.11.97)

ईशानकोणे विघ्नेशो नित्यं पुष्टिसमन्वितः । पाशाङ्कुशधरो वीरो विघ्नहर्ता विराजते

īśānakoṇe vighneśo nityaṁ puṣṭisamanvitaḥ pāśāṅkuśadharo vīro vighnahartā virājate

In the north-eastern corner, Vighnesha, ever accompanied by Pushti, bearing noose and goad, the hero who removes obstacles, reigns there in splendor;

Verse 98 (devibhagavatam.12.11.98)

विभूतयो गणेशस्य या याः सन्ति नृपोत्तम । ताः सर्वा निवसन्त्यत्र महैश्वर्यसमन्विताः

vibhūtayo gaṇeśasya yā yāḥ santi nṛpottama tāḥ sarvā nivasantyatra mahaiśvaryasamanvitāḥ

and, O best of kings, whatever manifestations of Ganesha there are, all of them dwell there, endowed with great majesty.

Verse 99 (devibhagavatam.12.11.99)

प्रतिब्रह्माण्डसंस्थानां ब्रह्मादीनां समष्टयः । एते ब्रह्मादयः प्रोक्ताः सेवन्ते जगदीश्वरीम्

pratibrahmāṇḍasaṁsthānāṁ brahmādīnāṁ samaṣṭayaḥ ete brahmādayaḥ proktāḥ sevante jagadīśvarīm

These are the collective forms of Brahma and the other gods present in every single universe; these deities, beginning with Brahma, are said to serve the Mistress of the world.

Verse 100 (devibhagavatam.12.11.100)

महामारकतस्याग्रे शतयोजनदैर्घ्यवान् । प्रवालसालोऽस्त्यपरः कुङ्कुमारुणविग्रहः

mahāmārakatasyāgre śatayojanadairghyavān pravālasālo'styaparaḥ kuṅkumāruṇavigrahaḥ

Beyond the great emerald rampart, a hundred yojanas in extent, stands another rampart of coral, red-hued as saffron, O lord of the earth.

Verse 101 (devibhagavatam.12.11.101)

मध्यभूस्तादृशी प्रोक्ता सदनानि च पूर्ववत् । तन्मध्ये पञ्चभूतानां स्वामिन्यः पञ्च सन्ति च

madhyabhūstādṛśī proktā sadanāni ca pūrvavat tanmadhye pañcabhūtānāṁ svāminyaḥ pañca santi ca

Its central ground is described as being of that same substance, and its dwellings as before; and in its midst are the five Mistresses of the five elements,

Verse 102 (devibhagavatam.12.11.102)

हृल्लेखा गगना रक्ता चतुर्थी तु करालिका । महोच्छुष्मा पञ्चमी च पञ्चभूतसमप्रभाः

hṛllekhā gaganā raktā caturthī tu karālikā mahocchuṣmā pañcamī ca pañcabhūtasamaprabhāḥ

Hrillekha, Gagana, Rakta, and fourth, Karalika, and fifth, Mahochchhushma — radiant as the five elements themselves,

Verse 103 (devibhagavatam.12.11.103)

पाशाङ्कुशवराभीतिधारिण्योऽमितभूषणाः । देवीसमानवेषाढ्या नवयौवनगर्विताः

pāśāṅkuśavarābhītidhāriṇyo'mitabhūṣaṇāḥ devīsamānaveṣāḍhyā navayauvanagarvitāḥ

bearing noose, goad, boon-granting gesture, and fearlessness-gesture, adorned with countless ornaments, richly attired like the Devi herself, proud in their fresh youth.

Verse 104 (devibhagavatam.12.11.104)

प्रवालसालादग्रे तु नवरत्नविनिर्मितः । बहुयोजनविस्तीर्णो महासालोऽस्ति भूमिप

pravālasālādagre tu navaratnavinirmitaḥ bahuyojanavistīrṇo mahāsālo'sti bhūmipa

Beyond the coral rampart, O lord of the earth, stands a great rampart made of the nine gems, extending for many yojanas.

Verse 105 (devibhagavatam.12.11.105)

तत्र चाम्नायदेवीनां सदनानि बहून्यपि । नवरत्नमयान्येव तडागाश्च सरांसि च

tatra cāmnāyadevīnāṁ sadanāni bahūnyapi navaratnamayānyeva taḍāgāśca sarāṁsi ca

There too are the many dwellings of the goddesses of the Amnayas, and the reservoirs and lakes, all made of the nine gems.

Verse 106 (devibhagavatam.12.11.106)

श्रीदेव्या येऽवताराः स्युस्ते तत्र निवसन्ति हि । महाविद्या महाभेदाः सन्ति तत्रैव भूमिप

śrīdevyā ye'vatārāḥ syuste tatra nivasanti hi mahāvidyā mahābhedāḥ santi tatraiva bhūmipa

Whatever incarnations there are of the glorious Devi, they dwell there; O lord of the earth, the great Mahavidyas, in their great variety, are there as well,

Verse 107 (devibhagavatam.12.11.107)

निजावरणदेवीभिर्निजभूषणवाहनैः । सर्वदेव्यो विराजन्ते कोटिसूर्यसमप्रभाः

nijāvaraṇadevībhirnijabhūṣaṇavāhanaiḥ sarvadevyo virājante koṭisūryasamaprabhāḥ

all the goddesses, with their own surrounding retinues and their own ornaments and vehicles, shine in splendor there, radiant as ten million suns.

Verse 108 (devibhagavatam.12.11.108)

सप्तकोटिमहामन्त्रदेवताः सन्ति तत्र हि । नवरत्नमयादग्रे चिन्तामणिगृहं महत्

saptakoṭimahāmantradevatāḥ santi tatra hi navaratnamayādagre cintāmaṇigṛhaṁ mahat

The deities of the seventy million great mantras exist there too. Beyond the rampart of the nine gems stands the great House of the Wish-Fulfilling Gem.

Verse 109 (devibhagavatam.12.11.109)

तत्रत्यं वस्तुमात्रं तु चिन्तामणिविनिर्मितम् । सूर्योद्गारोपलैस्तद्वच्चन्द्रोद्गारोपलैस्तथा

tatratyaṁ vastumātraṁ tu cintāmaṇivinirmitam sūryodgāropalaistadvaccandrodgāropalaistathā

Every single object there is fashioned entirely of the wish-fulfilling gem; likewise, of sun-stones and of moon-stones,

Verse 110 (devibhagavatam.12.11.110)

विद्युत्प्रभोपलैः स्तम्भाः कल्पितास्तु सहस्रशः । येषां प्रभाभिरन्तःस्थं वस्तु किञ्चिन्न दृश्यते

vidyutprabhopalaiḥ stambhāḥ kalpitāstu sahasraśaḥ yeṣāṁ prabhābhirantaḥsthaṁ vastu kiñcinna dṛśyate

and of lightning-bright gems, thousands of pillars are fashioned there, by whose radiance nothing at all within can even be seen.