The Discourse on Speaker and Listener

Verse 1 (devibhagavatam.2.12.1)

सूत उवाच । तच्छ्रुत्वा वचनं तस्य व्यासः सत्यवतीसुतः । उवाच वचनं तत्र सभायां नृपतिं च तम्

sūta uvāca tacchrutvā vacanaṁ tasya vyāsaḥ satyavatīsutaḥ uvāca vacanaṁ tatra sabhāyāṁ nṛpatiṁ ca tam

Suta said: Hearing his words, Vyasa, the son of Satyavati, spoke there in that assembly to that king.

Verse 2 (devibhagavatam.2.12.2)

व्यास उवाच । शृणु राजन् प्रवक्ष्यामि पुराणं गुह्यमद्भुतम् । पुण्यं भागवतं नाम नानाख्यानयुतं शिवम्

vyāsa uvāca śṛṇu rājan pravakṣyāmi purāṇaṁ guhyamadbhutam puṇyaṁ bhāgavataṁ nāma nānākhyānayutaṁ śivam

Vyasa said: "Listen, O king, I shall relate to you a secret and wondrous Purana — that meritorious, auspicious Purana called Bhagavata, replete with many tales.

Verse 3 (devibhagavatam.2.12.3)

अध्यापितं मया पूर्वं शुकायात्मसुताय वै । श्रावयामि नृप त्वां हि रहस्यं परमं मम

adhyāpitaṁ mayā pūrvaṁ śukāyātmasutāya vai śrāvayāmi nṛpa tvāṁ hi rahasyaṁ paramaṁ mama

This I taught in earlier times to my own son Shuka; O king, now I shall relate to you as well this supreme secret of mine.

Verse 4 (devibhagavatam.2.12.4)

धर्मार्थकाममोक्षाणां कारणं श्रवणात्किल । शुभद सुखदं नित्यं सर्वागमसमुद्धृतम्

dharmārthakāmamokṣāṇāṁ kāraṇaṁ śravaṇātkila śubhada sukhadaṁ nityaṁ sarvāgamasamuddhṛtam

By hearing it, dharma, artha, kama, and moksha — all these — come to fruition; it is auspicious, ever a source of joy, and the very essence drawn from all the scriptures."

Verse 5 (devibhagavatam.2.12.5)

जनमेजय उवाच । आस्तीकोऽयं सुतः कस्य विघ्नार्थं कथमागतः । प्रयोजनं किमत्रास्य सर्पाणां रक्षणे प्रभो

janamejaya uvāca āstīko'yaṁ sutaḥ kasya vighnārthaṁ kathamāgataḥ prayojanaṁ kimatrāsya sarpāṇāṁ rakṣaṇe prabho

Janamejaya said: "Whose son is this Astika, and how did he come to obstruct the sacrifice? O lord, what was his purpose in protecting the serpents?

Verse 6 (devibhagavatam.2.12.6)

कथयैतन्महाभाग विस्तरेण कथानकम् । पुराणं च तथा सर्वं विस्तराद्वद सुव्रत

kathayaitanmahābhāga vistareṇa kathānakam purāṇaṁ ca tathā sarvaṁ vistarādvada suvrata

O illustrious one, tell me this entire story in full detail, and along with it, O one of good vows, relate that whole Purana in full detail too."

Verse 7 (devibhagavatam.2.12.7)

व्यास उवाच । जरत्कारुर्मुनिः शान्तो न चकार गृहाश्रमम् । तेन दृष्टा वने गर्ते लम्बमाना स्वपूर्वजाः

vyāsa uvāca jaratkārurmuniḥ śānto na cakāra gṛhāśramam tena dṛṣṭā vane garte lambamānā svapūrvajāḥ

Vyasa said: "There was a serene sage named Jaratkaru, who had never entered the household life. Once, in the forest, he saw his own ancestors hanging in a pit,

Verse 8 (devibhagavatam.2.12.8)

ततस्तमाहुः कुरु पुत्र दारा- । न्यथा च नः स्यात्परमा हि तृप्तिः । स्वर्गे व्रजामः खलु दुःखमुक्ता । वयं सदाचारयुते सुते वै

tatastamāhuḥ kuru putra dārā- nyathā ca naḥ syātparamā hi tṛptiḥ svarge vrajāmaḥ khalu duḥkhamuktā vayaṁ sadācārayute sute vai

and then they said to him, "O son, take a wife, otherwise we shall have no supreme satisfaction. We may go to heaven, freed from our suffering,

Verse 9 (devibhagavatam.2.12.9)

स तानुवाचाथ लभे समाना- । मयाचितां चातिवशानुगां च । तदा गृहारम्भमहं करोमि । ब्रवीमि तथ्यं मम पूर्वजा वै

sa tānuvācātha labhe samānā- mayācitāṁ cātivaśānugāṁ ca tadā gṛhārambhamahaṁ karomi bravīmi tathyaṁ mama pūrvajā vai

only when you have a virtuous son." He said to them, "If I obtain a wife unsought, bearing my own name, and wholly compliant to my will,

Verse 10 (devibhagavatam.2.12.10)

इत्युक्त्वा ताञ्जरत्कारुर्गतस्तीर्थान्प्रति द्विजः । तदैव पन्नगाः शप्ता मात्राग्नौ निपतन्त्विति

ityuktvā tāñjaratkārurgatastīrthānprati dvijaḥ tadaiva pannagāḥ śaptā mātrāgnau nipatantviti

then and only then shall I take up the householder's life; this I say to my ancestors in all truth." Having spoken thus, the brahmin Jaratkaru went off toward the sacred fords; and it was at this same time that the serpents had been cursed by their own mother to fall into the fire.

Verse 11 (devibhagavatam.2.12.11)

कश्यपस्य मुनेः पत्न्यौ कद्रूश्च विनता तथा । दृष्ट्वादित्यरथे चाश्वमूचतुश्च परस्परम्

kaśyapasya muneḥ patnyau kadrūśca vinatā tathā dṛṣṭvādityarathe cāśvamūcatuśca parasparam

The sage Kashyapa had two wives — Kadru and Vinata; once, seeing a horse harnessed to the sun's chariot, they said this to one another.

Verse 12 (devibhagavatam.2.12.12)

तं दृष्ट्वा च तदा कद्रूर्विनतामिदमब्रवीत् । किंवर्णोऽयं हयो भद्रे सत्यं प्रब्रूहि माचिरम्

taṁ dṛṣṭvā ca tadā kadrūrvinatāmidamabravīt kiṁvarṇo'yaṁ hayo bhadre satyaṁ prabrūhi māciram

Seeing it, Kadru said to Vinata, "O gentle one, what colour is this horse? Tell me truly, and without delay."

Verse 13 (devibhagavatam.2.12.13)

विनतोवाच । श्वेत एवाश्वराजोऽयं किं वा त्वं मन्यसे शुभे । ब्रूहि वर्णं त्वमप्यस्य ततस्तु विपणावहे

vinatovāca śveta evāśvarājo'yaṁ kiṁ vā tvaṁ manyase śubhe brūhi varṇaṁ tvamapyasya tatastu vipaṇāvahe

Vinata said: "O gentle one, this king of horses is white — what do you think? Tell me too what colour you see him as, and then let us wager on it."

Verse 14 (devibhagavatam.2.12.14)

कद्रुरुवाच । कृष्णवर्णमहं मन्ये हयमेनं शुचिस्मिते । एहि सार्धं मया दिव्यं दासीभावाय भामिनि

kadruruvāca kṛṣṇavarṇamahaṁ manye hayamenaṁ śucismite ehi sārdhaṁ mayā divyaṁ dāsībhāvāya bhāmini

Kadru said: "O pure-smiling one, I regard this horse as black. Come, O lovely one, let us wager on this — the loser to become the other's servant."

Verse 15 (devibhagavatam.2.12.15)

सूत उवाच । कद्रूश्च स्वसुतानाह सर्वान्सर्पान्वशे स्थितान् । बालाञ्छ्यामान्प्रकुर्वन्तु यावतोऽश्वशरीरके

sūta uvāca kadrūśca svasutānāha sarvānsarpānvaśe sthitān bālāñchyāmānprakurvantu yāvato'śvaśarīrake

Suta said: Kadru told all her serpent sons, who were subject to her will, to become dark and cling to that horse's body.

Verse 16 (devibhagavatam.2.12.16)

नेति केचन तत्राहुस्तानथासौ शशाप ह । जनमेजयस्य यज्ञे वै गमिष्यथ हुताशनम्

neti kecana tatrāhustānathāsau śaśāpa ha janamejayasya yajñe vai gamiṣyatha hutāśanam

Some of the serpents there refused; and then she cursed them, saying, "All of you shall go into the fire at Janamejaya's sacrifice."

Verse 17 (devibhagavatam.2.12.17)

अन्ये चक्रुर्हयं सर्पाः कर्बुरं वर्णभोगकैः । वेष्टयित्वास्य पुच्छं तु मातुः प्रियचिकीर्षया

anye cakrurhayaṁ sarpāḥ karburaṁ varṇabhogakaiḥ veṣṭayitvāsya pucchaṁ tu mātuḥ priyacikīrṣayā

The other serpents, desiring to please their mother, wound themselves about the horse's tail and made him appear speckled and mottled.

Verse 18 (devibhagavatam.2.12.18)

भगिन्यौ च सुसंयुक्ते गत्वा ददृशतुर्हयम् । कर्बुरं तं हयं दृष्ट्वा विनता चातिदुःखिता

bhaginyau ca susaṁyukte gatvā dadṛśaturhayam karburaṁ taṁ hayaṁ dṛṣṭvā vinatā cātiduḥkhitā

The two sisters went there together and beheld the horse. Seeing that speckled horse, Vinata was struck with great sorrow.

Verse 19 (devibhagavatam.2.12.19)

तदाजगाम गरुडः सुतस्तस्या महाबलः । स दृष्ट्वा मातरं दीनामपृच्छत्पन्नगाशनः

tadājagāma garuḍaḥ sutastasyā mahābalaḥ sa dṛṣṭvā mātaraṁ dīnāmapṛcchatpannagāśanaḥ

At that moment her mighty son Garuda arrived there. That serpent-eating son, seeing his mother so downcast, asked her.

Verse 20 (devibhagavatam.2.12.20)

मातः कथं सुदीनासि रुदितेव विभासि मे । जीवमाने मयि सुते तथान्ये रविसारथौ

mātaḥ kathaṁ sudīnāsi ruditeva vibhāsi me jīvamāne mayi sute tathānye ravisārathau

"O mother, why are you so distressed? You seem to me as if you are weeping. Though I your son am alive, and the other one too, the sun's charioteer (Aruna) —

Verse 21 (devibhagavatam.2.12.21)

दुःखितासि ततो वां धिग्जीवितं चारुलोचने । किं जातेन सुतेनाथ यदि माता सुदुःखिता

duḥkhitāsi tato vāṁ dhigjīvitaṁ cārulocane kiṁ jātena sutenātha yadi mātā suduḥkhitā

yet you grieve, O fair-eyed one; cursed then be such a life. If a mother is so deeply sorrowful, what use is the son once born to her?

Verse 22 (devibhagavatam.2.12.22)

शंस मे कारणं मातः करोमि विगतज्वराम् । विनतोवाच । सपत्न्या दास्यहं पुत्र किं ब्रवीमि वृथा क्षता

śaṁsa me kāraṇaṁ mātaḥ karomi vigatajvarām vinatovāca sapatnyā dāsyahaṁ putra kiṁ bravīmi vṛthā kṣatā

O mother, tell me the cause of this, I shall free you from that grief." Vinata said: "O son, I have become the slave of my co-wife. Wounded thus in vain, what more can I say to you?

Verse 23 (devibhagavatam.2.12.23)

वह मां सा ब्रवीत्यद्य तेनास्मि दुःखिता सुत । गरुड उवाच । वहिष्येऽहं तत्र किल यत्र सा गन्तुमुत्सुका

vaha māṁ sā bravītyadya tenāsmi duḥkhitā suta garuḍa uvāca vahiṣye'haṁ tatra kila yatra sā gantumutsukā

"Carry me today" — this is what she says to me, and it is for this that I am grieved, O son." Garuda said: "I myself shall carry her wherever she wishes to go.

Verse 24 (devibhagavatam.2.12.24)

मा शोकं कुरु कल्याणि निश्चिन्तां त्वां करोम्यहम् । व्यास उवाच । इत्युक्ता सा गता पार्श्वं कद्रोश्च विनता तदा

mā śokaṁ kuru kalyāṇi niścintāṁ tvāṁ karomyaham vyāsa uvāca ityuktā sā gatā pārśvaṁ kadrośca vinatā tadā

O blessed one, do not grieve; I shall set your mind at rest." Vyasa said: Thus spoken to, Vinata then went to Kadru's side,

Verse 25 (devibhagavatam.2.12.25)

दासीभावमपाकर्तुं गरुडोऽपि महाबलः । उवाह तां सपुत्रां वै सिन्धोः पारं जगाम ह

dāsībhāvamapākartuṁ garuḍo'pi mahābalaḥ uvāha tāṁ saputrāṁ vai sindhoḥ pāraṁ jagāma ha

and the mighty Garuda too, to do away with that servitude, carried her along with her sons across the ocean.

Verse 26 (devibhagavatam.2.12.26)

गत्वा तां गरुडः प्राह ब्रूहि मातर्नमोऽस्तु ते । कथं मुच्येत मे माता दासीभावादसंशयम्

gatvā tāṁ garuḍaḥ prāha brūhi mātarnamo'stu te kathaṁ mucyeta me mātā dāsībhāvādasaṁśayam

Going there, Garuda said to her, "O mother, tell me, I bow to you — how, without any doubt, may my mother be freed from this servitude?"

Verse 27 (devibhagavatam.2.12.27)

कद्रूरुवाच । अमृतं देवलोकात्त्वं बलादानीय मे सुतान् । समर्पय सुताद्याशु मातरं मोचयाबलाम्

kadrūruvāca amṛtaṁ devalokāttvaṁ balādānīya me sutān samarpaya sutādyāśu mātaraṁ mocayābalām

Kadru said: "Bring me, by force, the nectar of immortality from the world of the gods, give it to my sons — swiftly free your mother from this servitude, O son."

Verse 28 (devibhagavatam.2.12.28)

व्यास उवाच । इत्युक्तः प्रययौ शीघ्रमिन्द्रलोकं महाबलः । कृत्वा युद्धं जहाराशु सुधाकुम्भं खगोत्तमः

vyāsa uvāca ityuktaḥ prayayau śīghramindralokaṁ mahābalaḥ kṛtvā yuddhaṁ jahārāśu sudhākumbhaṁ khagottamaḥ

Vyasa said: Thus told, that mighty one swiftly departed for Indra's realm; that excellent bird, waging battle, at once seized the vessel of nectar.

Verse 29 (devibhagavatam.2.12.29)

समानीयामृतं मात्रे वैनतेयः समर्पयत् । मोचिता विनता तेन दासीभावादसंशयम्

samānīyāmṛtaṁ mātre vainateyaḥ samarpayat mocitā vinatā tena dāsībhāvādasaṁśayam

Bringing that nectar, the son of Vinata (Garuda) delivered it to his mother; and thus Vinata was, without any doubt, freed from that servitude.

Verse 30 (devibhagavatam.2.12.30)

अमृतं सञ्जहारेन्द्रः स्नातुं सर्पा यदा गताः । दासीभावाद्विनिर्मुक्ता विनता विपतेर्बलात्

amṛtaṁ sañjahārendraḥ snātuṁ sarpā yadā gatāḥ dāsībhāvādvinirmuktā vinatā vipaterbalāt

When the serpents went off to bathe, Indra took back that nectar. Thus, through her son's own valour, Vinata was freed from that state of servitude.

Verse 31 (devibhagavatam.2.12.31)

तत्रास्तीर्णाः कुशास्तैस्तु लीढाः पन्नगनामकैः । द्विजिह्वास्ते सुसम्पन्नाः कुशाग्रस्पर्शमात्रतः

tatrāstīrṇāḥ kuśāstaistu līḍhāḥ pannaganāmakaiḥ dvijihvāste susampannāḥ kuśāgrasparśamātrataḥ

The nagas licked the kusha grass strewn there; and by that mere touch of the kusha grass's tip, those serpents' tongues split into two, becoming forked.

Verse 32 (devibhagavatam.2.12.32)

मात्रा शप्ताश्च ये नागा वासुकिप्रमुखाः शुचा । ब्रह्माणं शरणं गत्वा ते होचुः शापजं भयम्

mātrā śaptāśca ye nāgā vāsukipramukhāḥ śucā brahmāṇaṁ śaraṇaṁ gatvā te hocuḥ śāpajaṁ bhayam

Those nagas, headed by Vasuki, who had been cursed by their own mother in a fit of grief, went and took refuge with Brahma and told him of the fear born of that curse.

Verse 33 (devibhagavatam.2.12.33)

तानाह भगवान्ब्रह्मा जरत्कारुर्महामुनिः । वासुकेर्भगिनीं तस्मै अर्पयध्वं सनामिकाम्

tānāha bhagavānbrahmā jaratkārurmahāmuniḥ vāsukerbhaginīṁ tasmai arpayadhvaṁ sanāmikām

The lord Brahma said to them, "There is a great sage named Jaratkaru; let Vasuki give to him his own sister, who bears that same name.

Verse 34 (devibhagavatam.2.12.34)

तस्यां यो जायते पुत्रः स वस्त्राता भविष्यति । आस्तीक इति नामासौ भविता नात्र संशयः

tasyāṁ yo jāyate putraḥ sa vastrātā bhaviṣyati āstīka iti nāmāsau bhavitā nātra saṁśayaḥ

Whatever son is born to them shall be your protector, who shall deliver you all; his name shall be Astika, of this there is no doubt."

Verse 35 (devibhagavatam.2.12.35)

वासुकिस्तु तदाकर्ण्य वचनं ब्रह्मणः शिवम् । वनं गत्वा सुतां तस्मै ददौ विनयपूर्वकम्

vāsukistu tadākarṇya vacanaṁ brahmaṇaḥ śivam vanaṁ gatvā sutāṁ tasmai dadau vinayapūrvakam

Hearing this, Vasuki, accepting Brahma's gracious counsel, went to the forest and gave his sister to him (Jaratkaru) with the greatest humility.

Verse 36 (devibhagavatam.2.12.36)

सनामां तां मुनिर्ज्ञात्वा जरत्कारुरुवाच तम् । अप्रियं मे यदा कुर्यात्तदा तां सन्त्यजाम्यहम्

sanāmāṁ tāṁ munirjñātvā jaratkāruruvāca tam apriyaṁ me yadā kuryāttadā tāṁ santyajāmyaham

Knowing her to bear the same name, the sage Jaratkaru said to her, "The day you do anything displeasing to me, that very day I shall abandon you."

Verse 37 (devibhagavatam.2.12.37)

वाग्बन्धं तादृशं कृत्वा मुनिर्जग्राह तां स्वयम् । दत्त्वा च वासुकिः कामं भवनं स्वं जगाम ह

vāgbandhaṁ tādṛśaṁ kṛtvā munirjagrāha tāṁ svayam dattvā ca vāsukiḥ kāmaṁ bhavanaṁ svaṁ jagāma ha

Having made this bond of words, the sage himself accepted her; and Vasuki, having thus given her over as desired, returned to his own abode.

Verse 38 (devibhagavatam.2.12.38)

कृत्वा पर्णकुटीं शुभ्रां जरत्कारुर्महावने । तया सह सुखं प्राप रममाणः परन्तप

kṛtvā parṇakuṭīṁ śubhrāṁ jaratkārurmahāvane tayā saha sukhaṁ prāpa ramamāṇaḥ parantapa

Building a fair hut of leaves in that great forest, O scorcher of foes, Jaratkaru dwelt happily there, sporting together with her.

Verse 39 (devibhagavatam.2.12.39)

एकदा भोजनं कृत्वा सुप्तोऽसौ मुनिसत्तमः । भगिनी वासुकेस्तत्र संस्थिता वरवर्णिनी

ekadā bhojanaṁ kṛtvā supto'sau munisattamaḥ bhaginī vāsukestatra saṁsthitā varavarṇinī

Once, having eaten, that excellent sage fell asleep; at that time Vasuki's lovely sister sat there beside him.

Verse 40 (devibhagavatam.2.12.40)

न सम्बोधयितव्योऽहं त्वया कान्ते कथञ्चन । इत्युक्त्वा तु गतो निद्रां मुनिस्तां सुदतीं तदा

na sambodhayitavyo'haṁ tvayā kānte kathañcana ityuktvā tu gato nidrāṁ munistāṁ sudatīṁ tadā

"O beloved, you must never wake me" — having said this, that sage, before that lovely woman, fell into a deep sleep.

Verse 41 (devibhagavatam.2.12.41)

रविरस्तगिरिं प्राप्तः सन्ध्याकाल उपस्थिते । किं करोमि न मे शान्तिस्त्यजेन्मां बोधितः पुनः

ravirastagiriṁ prāptaḥ sandhyākāla upasthite kiṁ karomi na me śāntistyajenmāṁ bodhitaḥ punaḥ

The sun reached its setting mountain, the twilight hour arrived — "What am I to do now? I find no peace — if I wake him, he will abandon me.

Verse 42 (devibhagavatam.2.12.42)

धर्मलोपभयाद्भीता जरत्कारुरचिन्तयत् । नोचेत्प्रबोथयाम्येनं सन्ध्याकालो वृथा व्रजेत्

dharmalopabhayādbhītā jaratkāruracintayat nocetprabothayāmyenaṁ sandhyākālo vṛthā vrajet

Fearful of the loss of religious observance, Jaratkaru (his wife, of the same name) began to think, "If I do not wake him, this twilight hour will pass in vain.

Verse 43 (devibhagavatam.2.12.43)

धर्मनाशाद्वरं त्यागस्तथापि मरणं ध्रुवम् । धर्महानिर्नराणां हि नरकाय भवेत्पुनः

dharmanāśādvaraṁ tyāgastathāpi maraṇaṁ dhruvam dharmahānirnarāṇāṁ hi narakāya bhavetpunaḥ

Rather than the loss of religious duty, abandonment (by my husband) is the better fate, though it be, for me, as certain as death itself. For men, the loss of dharma leads again only to hell."

Verse 44 (devibhagavatam.2.12.44)

इति सञ्चिन्त्य सा बाला तं मुनिं प्रत्यबोधयत् । सन्ध्याकालोऽपि सञ्जात उत्तिष्ठोत्तिष्ठसुव्रत

iti sañcintya sā bālā taṁ muniṁ pratyabodhayat sandhyākālo'pi sañjāta uttiṣṭhottiṣṭhasuvrata

Reflecting thus, that young woman awakened the sage — "The twilight hour has come; rise, rise, O one of good vows!"

Verse 45 (devibhagavatam.2.12.45)

उत्थितोऽसौ मुनिः कोपात्तामुवाच व्रजाम्यहम् । त्वं तु भ्रातृगृहं याहि निद्राविच्छेदकारिणी

utthito'sau muniḥ kopāttāmuvāca vrajāmyaham tvaṁ tu bhrātṛgṛhaṁ yāhi nidrāvicchedakāriṇī

Rising in anger, that sage said to her, "I now depart. Return to your brother's house — you have broken my sleep."

Verse 46 (devibhagavatam.2.12.46)

वेपमानाब्रवीद्वाक्यमित्युक्ता मुनिना तदा । भ्रात्रा दत्ता यदर्थं तत्कथं स्यादमितप्रभ

vepamānābravīdvākyamityuktā muninā tadā bhrātrā dattā yadarthaṁ tatkathaṁ syādamitaprabha

Trembling, that woman, thus addressed by the sage, said, "O one of immeasurable splendour, how then shall the purpose for which my brother gave me to you be fulfilled?"

Verse 47 (devibhagavatam.2.12.47)

मुनिः प्राह जरत्कारुं तदस्तीति निराकुलः । गता सा मुनिना त्यक्ता वासुकेः सदनं तदा

muniḥ prāha jaratkāruṁ tadastīti nirākulaḥ gatā sā muninā tyaktā vāsukeḥ sadanaṁ tadā

The sage said to Jaratkaru, "It shall indeed come to pass" — saying this, he became free of worry. Then, abandoned by the sage, she went to Vasuki's house.

Verse 48 (devibhagavatam.2.12.48)

पृष्टा भ्रात्राब्रवीद्वाक्यं यथोक्तं पतिना तदा । अस्तीत्युक्त्वा च हित्वा मां गतोऽसौ मुनिसत्तमः

pṛṣṭā bhrātrābravīdvākyaṁ yathoktaṁ patinā tadā astītyuktvā ca hitvā māṁ gato'sau munisattamaḥ

Asked by her brother, she related just what her husband had said — "He said, "It shall indeed come to pass," and having said this, that excellent sage abandoned me and departed."

Verse 49 (devibhagavatam.2.12.49)

वासुकिस्तु तदाकर्ण्य सत्यावाङ्मुनिरित्युत । विश्वासं च परं कृत्वा भगिनीं तां समाश्रयत्

vāsukistu tadākarṇya satyāvāṅmunirityuta viśvāsaṁ ca paraṁ kṛtvā bhaginīṁ tāṁ samāśrayat

Hearing this, Vasuki reflected that the sage's word was true, and, placing the utmost trust in it, gave shelter to his sister in his own home.

Verse 50 (devibhagavatam.2.12.50)

ततः कालेन कियता जातोऽसौ मुनिबालकः । आस्तीक इति नामासौ विख्यातः कुरुसत्तम

tataḥ kālena kiyatā jāto'sau munibālakaḥ āstīka iti nāmāsau vikhyātaḥ kurusattama

Then, after some time had passed, that sage-child was born; O foremost of the Kurus, he became renowned by the name Astika.

Verse 51 (devibhagavatam.2.12.51)

तेनायं रक्षितो यज्ञस्तव पार्थिवसत्तम । मातृपक्षस्य रक्षार्थं मुनिना भावितात्मना

tenāyaṁ rakṣito yajñastava pārthivasattama mātṛpakṣasya rakṣārthaṁ muninā bhāvitātmanā

O best of kings, it was he who protected this sacrifice of yours — that noble-souled sage acting for the protection of his mother's lineage.

Verse 52 (devibhagavatam.2.12.52)

भव्यं कृतं महाराज मानितोऽयं त्वया मुनिः । यायावरकुलोत्पनो वासुकेर्भगिनीसुतः

bhavyaṁ kṛtaṁ mahārāja mānito'yaṁ tvayā muniḥ yāyāvarakulotpano vāsukerbhaginīsutaḥ

O great king, you have done a fine and gracious thing, honouring this sage — one born in the Yayavara lineage, son of Vasuki's sister.

Verse 53 (devibhagavatam.2.12.53)

स्वस्ति तेऽस्तु महाबाहो भारतं सकलं श्रुतम् । दानानि बहु दत्तानि पूजिता मुनयस्तथा

svasti te'stu mahābāho bhārataṁ sakalaṁ śrutam dānāni bahu dattāni pūjitā munayastathā

O mighty-armed one, may all be well with you — you have heard the entire Mahabharata, given many gifts, and honoured the sages as well.

Verse 54 (devibhagavatam.2.12.54)

कृतेन सुकृतेनापि न पिता स्वर्गतिं गतः । पावितं न कुलं कृत्स्नं त्वया भूपतिसत्तम

kṛtena sukṛtenāpi na pitā svargatiṁ gataḥ pāvitaṁ na kulaṁ kṛtsnaṁ tvayā bhūpatisattama

Even so, despite all this well-performed merit, your father has not attained the path to heaven, nor, O best of kings, has your entire lineage yet been purified by you.

Verse 55 (devibhagavatam.2.12.55)

देव्याश्चायतनं भूप विस्तीर्णं कुरु भक्तितः । येन वै सकला सिद्धिस्तव स्याज्जनमेजय

devyāścāyatanaṁ bhūpa vistīrṇaṁ kuru bhaktitaḥ yena vai sakalā siddhistava syājjanamejaya

O king, build with devotion a spacious shrine to the Goddess, so that, O Janamejaya, complete accomplishment may be yours.

Verse 56 (devibhagavatam.2.12.56)

पूजिता परया भक्त्या शिवा सकलदा सदा । कुलवृद्धिं करोत्येव राज्यं च सुस्थिरं सदा

pūjitā parayā bhaktyā śivā sakaladā sadā kulavṛddhiṁ karotyeva rājyaṁ ca susthiraṁ sadā

Worshipped with supreme devotion, that gracious Goddess, giver of every desire, ever brings about the growth of one's lineage, and keeps one's kingdom ever secure and stable.

Verse 57 (devibhagavatam.2.12.57)

देवीमखं विधानेन कृत्वा पार्थिवसत्तम । श्रीमद्भागवतं नाम पुराणं परमं शृणु

devīmakhaṁ vidhānena kṛtvā pārthivasattama śrīmadbhāgavataṁ nāma purāṇaṁ paramaṁ śṛṇu

O best of kings, having duly performed a great sacrifice to the Goddess, now hear that supreme Purana called Shrimad Bhagavata.

Verse 58 (devibhagavatam.2.12.58)

त्वामहं श्रावयिष्यामि कथां परमपावनीम् । संसारतारिणीं दिव्यां नानारससमाहृताम्

tvāmahaṁ śrāvayiṣyāmi kathāṁ paramapāvanīm saṁsāratāriṇīṁ divyāṁ nānārasasamāhṛtām

I shall relate to you that most sacred narrative, which ferries one across this worldly existence, which is divine, and abundant with every rasa.

Verse 59 (devibhagavatam.2.12.59)

न श्रोतव्यं परं चास्मात्पुराणाद्विद्यते भुवि । नाराध्यं विद्यते राजन्देवीपादाम्बुजादृते

na śrotavyaṁ paraṁ cāsmātpurāṇādvidyate bhuvi nārādhyaṁ vidyate rājandevīpādāmbujādṛte

Nothing else on this earth is more worth hearing than this Purana; O king, nothing else is more worth worshipping than the lotus feet of the Goddess.

Verse 60 (devibhagavatam.2.12.60)

ते सभाग्याः कृतप्रज्ञा धन्यास्ते नृपसत्तम । येषां चित्ते सदा देवी वसति प्रेमसंकुले

te sabhāgyāḥ kṛtaprajñā dhanyāste nṛpasattama yeṣāṁ citte sadā devī vasati premasaṁkule

O best of kings, blessed, wise, and truly fortunate are those in whose hearts that Goddess, ever full of love, ever dwells.

Verse 61 (devibhagavatam.2.12.61)

सुदुःखितास्ते दृश्यन्ते भुवि भारत भारते । नाराधिता महामाया यैर्जनैश्च सदाम्बिका

suduḥkhitāste dṛśyante bhuvi bhārata bhārate nārādhitā mahāmāyā yairjanaiśca sadāmbikā

O jewel of Bharata's line, upon this land of Bharata, those people appear the most wretched who have never worshipped the great Maya, Ambika.

Verse 62 (devibhagavatam.2.12.62)

ब्रह्मादयः सुराः सर्वे यदाराधनतत्पराः । वर्तन्ते सर्वदा राजंस्तां न सेवेत को जनः

brahmādayaḥ surāḥ sarve yadārādhanatatparāḥ vartante sarvadā rājaṁstāṁ na seveta ko janaḥ

That Goddess whom Brahma and all the gods ever remain devoted to worshipping — O king, who among men would not serve her?

Verse 63 (devibhagavatam.2.12.63)

य इदं शृणुयान्नित्यं सर्वान्कामानवाप्नुयात् । भगवत्या समाख्यातं विष्णवे यदनुत्तमम्

ya idaṁ śṛṇuyānnityaṁ sarvānkāmānavāpnuyāt bhagavatyā samākhyātaṁ viṣṇave yadanuttamam

Whoever hears this narrative regularly attains all his desires; for it was Bhagavati herself who once related it to Lord Vishnu, and it is unsurpassed.

Verse 64 (devibhagavatam.2.12.64)

तेन श्रुतेन ते राजंश्चित्ते शान्तिर्भविष्यति । पितॄणां चाक्षयः स्वर्गः पुराणश्रवणाद्भवेत्

tena śrutena te rājaṁścitte śāntirbhaviṣyati pitṝṇāṁ cākṣayaḥ svargaḥ purāṇaśravaṇādbhavet

O king, by hearing it, peace shall come into your heart, and by the hearing of this Purana, one's ancestors attain an imperishable heaven."