Vyasa's Birth

Verse 1 (devibhagavatam.2.2.1)

सूत उवाच । एकदा तीर्थयात्रायां व्रजन् पाराशरो मुनिः । आजगाम महातेजाः कालिन्द्यास्तटमुत्तमम्

sūta uvāca ekadā tīrthayātrāyāṁ vrajan pārāśaro muniḥ ājagāma mahātejāḥ kālindyāstaṭamuttamam

Suta said: Once, while journeying on pilgrimage, the greatly radiant sage Parashara arrived at the excellent bank of the Kalindi (Yamuna).

Verse 2 (devibhagavatam.2.2.2)

निषादमाह धर्मात्मा कुर्वन्तं भोजनं तदा । प्रापयस्व परं पारं कालिन्द्या उडुपेन माम्

niṣādamāha dharmātmā kurvantaṁ bhojanaṁ tadā prāpayasva paraṁ pāraṁ kālindyā uḍupena mām

That righteous sage said to the fisherman, who was then eating his meal, "Take me across to the far bank in your boat."

Verse 3 (devibhagavatam.2.2.3)

दाशः श्रुत्वा मुनेर्वाक्यं कुर्वाणो भोजनं तटे । उवाच तां सुतां बालां मत्स्यगन्धां मनोरमाम्

dāśaḥ śrutvā munervākyaṁ kurvāṇo bhojanaṁ taṭe uvāca tāṁ sutāṁ bālāṁ matsyagandhāṁ manoramām

Hearing the sage's words, the fisherman, who was eating on the bank, said to his lovely young daughter Matsyagandha.

Verse 4 (devibhagavatam.2.2.4)

उडुपेन मुनिं बाले परं पारं नयस्व ह । गन्तुकामोऽस्ति धर्मात्मा तापसोऽयं शुचिस्मिते

uḍupena muniṁ bāle paraṁ pāraṁ nayasva ha gantukāmo'sti dharmātmā tāpaso'yaṁ śucismite

"O child, take this sage across to the other bank in the boat; O pure-smiling one, this righteous ascetic wishes to cross."

Verse 5 (devibhagavatam.2.2.5)

इत्युक्ता सा तदा पित्रा मत्स्यगन्धाथ वासवी । उडुपे मुनिमासीनं संवाहयति भामिनी

ityuktā sā tadā pitrā matsyagandhātha vāsavī uḍupe munimāsīnaṁ saṁvāhayati bhāminī

Thus bidden by her father, that lovely Matsyagandha of celestial lineage began to row the sage, who was seated in the boat, across the river.

Verse 6 (devibhagavatam.2.2.6)

व्रजन् सूर्यसुतातोये भावित्वाद्दैवयोगतः । कामार्तस्तु मुनिर्जातो दृष्ट्वा तां चारुलोचनाम्

vrajan sūryasutātoye bhāvitvāddaivayogataḥ kāmārtastu munirjāto dṛṣṭvā tāṁ cārulocanām

As they went upon the waters of the Yamuna, through the workings of destiny and providence, the sage, beholding that lovely-eyed girl, became overcome with desire.

Verse 7 (devibhagavatam.2.2.7)

ग्रहीतुकामः स मुनिर्दृष्ट्वा व्यञ्जितयौवनाम् । दक्षिणेन करेणैनामस्पृशद्दक्षिणे करे

grahītukāmaḥ sa munirdṛṣṭvā vyañjitayauvanām dakṣiṇena kareṇaināmaspṛśaddakṣiṇe kare

Seeing her youth now in bloom, desirous of possessing her, the sage touched her right hand with his own right hand.

Verse 8 (devibhagavatam.2.2.8)

तमुवाचासितापाङ्गी स्मितपूर्वमिदं वचः । कुलस्य सदृशं वः किं श्रुतस्य तपसश्च किम्

tamuvācāsitāpāṅgī smitapūrvamidaṁ vacaḥ kulasya sadṛśaṁ vaḥ kiṁ śrutasya tapasaśca kim

That dark-eyed girl, smiling first, said these words to him: "Is this fitting for your lineage? Is it worthy of your learning and your austerity?

Verse 9 (devibhagavatam.2.2.9)

त्वं वै वसिष्ठदायादः कुलशीलसमन्वितः । किं चिकीर्षसि धर्मज्ञ मन्मथेन प्रपीडितः

tvaṁ vai vasiṣṭhadāyādaḥ kulaśīlasamanvitaḥ kiṁ cikīrṣasi dharmajña manmathena prapīḍitaḥ

You are a descendant of Vasishtha, endowed with noble family and character. O knower of dharma, tormented by desire, what is it you mean to do?

Verse 10 (devibhagavatam.2.2.10)

दुर्लभं मानुषं जन्म भुवि ब्राह्मणसत्तम । तत्रापि दुर्लभं मन्ये ब्राह्मणत्वं विशेषतः

durlabhaṁ mānuṣaṁ janma bhuvi brāhmaṇasattama tatrāpi durlabhaṁ manye brāhmaṇatvaṁ viśeṣataḥ

O best of brahmins, human birth on this earth is itself hard to obtain, and within that, I consider brahminhood especially hard to attain.

Verse 11 (devibhagavatam.2.2.11)

कुलेन शीलेन तथा श्रुतेन । द्विजोत्तमस्त्वं किल धर्मविच्च । अनार्यभावं कथमागतोऽसि । विप्रेन्द्र मां वीक्ष्य च मीनगन्धाम्

kulena śīlena tathā śrutena dvijottamastvaṁ kila dharmavicca anāryabhāvaṁ kathamāgato'si viprendra māṁ vīkṣya ca mīnagandhām

By lineage, character, and learning you are a foremost brahmin and versed in dharma. Then, O lord of the twice-born, how, upon seeing me — one who smells of fish — have you fallen into so unworthy a state?

Verse 12 (devibhagavatam.2.2.12)

मदीये शरीरे द्विजामोघबुद्धे । शुभं किं समालोक्य पाणिं ग्रहीतुम् । समीपं समायासि कामातुरस्त्वं । कथं नाभिजानासि धर्मं स्वकीयम्

madīye śarīre dvijāmoghabuddhe śubhaṁ kiṁ samālokya pāṇiṁ grahītum samīpaṁ samāyāsi kāmāturastvaṁ kathaṁ nābhijānāsi dharmaṁ svakīyam

O brahmin of unerring wisdom, what auspicious thing have you seen in this body of mine, that overcome with desire you have drawn near to take my hand? Why do you not recognize your own proper duty?

Verse 13 (devibhagavatam.2.2.13)

अहो मन्दबुद्धिर्द्विजोऽयं ग्रहीष्य- । ञ्जले मग्न एवाद्य मां वै गृहीत्वा । मनो व्याकुलं पञ्चबाणातिविद्धं । न कोऽपीह शक्तः प्रतीपं हि कर्तुम्

aho mandabuddhirdvijo'yaṁ grahīṣya- ñjale magna evādya māṁ vai gṛhītvā mano vyākulaṁ pañcabāṇātividdhaṁ na ko'pīha śaktaḥ pratīpaṁ hi kartum

"Ah, this dull-witted brahmin means to seize me here today, immersed as I am in the water itself — his mind, utterly pierced by the five arrows of desire, has become distracted; here no one is able to restrain him" — (so she reflected).

Verse 14 (devibhagavatam.2.2.14)

इति सञ्चिन्त्य सा बाला तमुवाच महामुनिम् । धैर्यं कुरु महाभाग परं पारं नयामि वै

iti sañcintya sā bālā tamuvāca mahāmunim dhairyaṁ kuru mahābhāga paraṁ pāraṁ nayāmi vai

Having thought this, the girl said to the great sage, "O illustrious one, be patient; I shall indeed take you across to the far shore."

Verse 15 (devibhagavatam.2.2.15)

सूत उवाच । पराशरस्तु तच्छ्रुत्वा वचनं हितपूर्वकम् । करं त्यक्त्वा स्थितस्तत्र सिन्धोः पारं गतः पुनः

sūta uvāca parāśarastu tacchrutvā vacanaṁ hitapūrvakam karaṁ tyaktvā sthitastatra sindhoḥ pāraṁ gataḥ punaḥ

Suta said: Parashara, hearing this beneficial speech of hers, released her hand and remained still there, until the boat had reached the far bank of the Yamuna.

Verse 16 (devibhagavatam.2.2.16)

मत्स्यगन्धां प्रजग्राह मुनिः कामातुरस्तदा । वेपमाना तु सा कन्या तमुवाच पुरःस्थितम्

matsyagandhāṁ prajagrāha muniḥ kāmāturastadā vepamānā tu sā kanyā tamuvāca puraḥsthitam

Then that desire-stricken sage seized Matsyagandha again; and the trembling girl said to him as he stood before her.

Verse 17 (devibhagavatam.2.2.17)

दुर्गन्धाहं मुनिश्रेष्ठ कथं त्वं नोपशङ्कसे । समानरूपयोः कामसंयोगस्तु सुखावहः

durgandhāhaṁ muniśreṣṭha kathaṁ tvaṁ nopaśaṅkase samānarūpayoḥ kāmasaṁyogastu sukhāvahaḥ

"O foremost of sages, I give off an ill odour — why do you not consider this? Union in desire brings joy only between those of matched, similar form."

Verse 18 (devibhagavatam.2.2.18)

इत्युक्तेन तु सा कन्या क्षणमात्रेण भामिनी । कृता योजनगन्धा तु सुरूपा च वरानना

ityuktena tu sā kanyā kṣaṇamātreṇa bhāminī kṛtā yojanagandhā tu surūpā ca varānanā

So addressed, in that very instant that beautiful girl was made by the sage into Yojanagandha — one whose fragrance spreads for a full league — and endowed with the loveliest form.

Verse 19 (devibhagavatam.2.2.19)

मृगनाभिसुगन्धां तां कृत्वा कान्तां मनोहराम् । जग्राह दक्षिणे पाणौ मुनिर्मन्मथपीडितः

mṛganābhisugandhāṁ tāṁ kṛtvā kāntāṁ manoharām jagrāha dakṣiṇe pāṇau munirmanmathapīḍitaḥ

Having made her fragrant as musk, charming and lovely, the desire-tormented sage took hold of her with his right hand.

Verse 20 (devibhagavatam.2.2.20)

ग्रहीतुकामं तं प्राह नाम्ना सत्यवती शुभा । मुने पश्यति लोकोऽयं पिता चैव तटस्थितः

grahītukāmaṁ taṁ prāha nāmnā satyavatī śubhā mune paśyati loko'yaṁ pitā caiva taṭasthitaḥ

To him, desirous of taking her, the fair Satyavati said, "O sage, these people can see us, and my father too is standing right there on the bank.

Verse 21 (devibhagavatam.2.2.21)

पशुधर्मो न मे प्रीतिं जनयत्यतिदारुणः । प्रतीक्षस्व मुनिश्रेष्ठ यावद्भवति यामिनी

paśudharmo na me prītiṁ janayatyatidāruṇaḥ pratīkṣasva muniśreṣṭha yāvadbhavati yāminī

Such open, animal-like conduct brings me no pleasure — it is most dreadful. O foremost of sages, wait until night falls.

Verse 22 (devibhagavatam.2.2.22)

रात्रौ व्यवाय उद्दिष्टो दिवा न मनुजस्य हि । दिवासङ्गे महान् दोषः पश्यन्ति किल मानवाः

rātrau vyavāya uddiṣṭo divā na manujasya hi divāsaṅge mahān doṣaḥ paśyanti kila mānavāḥ

Union is enjoined for humankind at night, not by day; there is great fault in daytime union, for people can see.

Verse 23 (devibhagavatam.2.2.23)

कामं यच्छ महाबुद्धे लोकनिन्दा दुरासदा । तच्छ्रुत्वा वचनं तस्या युक्तमुक्तमुदारधीः

kāmaṁ yaccha mahābuddhe lokanindā durāsadā tacchrutvā vacanaṁ tasyā yuktamuktamudāradhīḥ

O one of great wisdom, restrain your desire, for the world's censure is hard to bear" — hearing her fitting words, the noble-minded sage spoke.

Verse 24 (devibhagavatam.2.2.24)

नीहारं कल्पयामास शीघ्रं पुण्यबलेन वै । नीहारे च समुत्पन्ने तटेऽतितमसा युते

nīhāraṁ kalpayāmāsa śīghraṁ puṇyabalena vai nīhāre ca samutpanne taṭe'titamasā yute

By the power of his merit he swiftly conjured a dense mist; and when that mist arose, the riverbank became wrapped in deep darkness.

Verse 25 (devibhagavatam.2.2.25)

कामिनी तं मुनिं प्राह मृदुपूर्वमिदं वचः । कन्याहं द्विजशार्दूल भुक्त्वा गन्तासि कामतः

kāminī taṁ muniṁ prāha mṛdupūrvamidaṁ vacaḥ kanyāhaṁ dvijaśārdūla bhuktvā gantāsi kāmataḥ

Then that desirous woman spoke gently to the sage: "O best of brahmins, I am still unwed; having enjoyed me, you will simply go your way, driven by desire.

Verse 26 (devibhagavatam.2.2.26)

अमोघवीर्यस्त्वं ब्रह्मन् का गतिर्मे भवेदिति । पितरं किं ब्रवीम्यद्य सगर्भा चेद्भवाम्यहम्

amoghavīryastvaṁ brahman kā gatirme bhavediti pitaraṁ kiṁ bravīmyadya sagarbhā cedbhavāmyaham

O brahmin, your seed is unfailing — what then will become of me? If I conceive, what shall I say to my father this very day?

Verse 27 (devibhagavatam.2.2.27)

त्वं गमिष्यसि भुक्त्वा मां किं करोमि वदस्व तत् । पराशर उवाच । कान्तेऽद्य मत्प्रियं कृत्वा कन्यैव त्वं भविष्यसि

tvaṁ gamiṣyasi bhuktvā māṁ kiṁ karomi vadasva tat parāśara uvāca kānte'dya matpriyaṁ kṛtvā kanyaiva tvaṁ bhaviṣyasi

You will go your way after this enjoyment — tell me, what am I to do then?" Parashara said: "O lovely one, even after pleasing me today, you shall remain a maiden still.

Verse 28 (devibhagavatam.2.2.28)

वृणीष्व च वरं भीरु यं त्वमिच्छसि भामिनि । सत्यवत्युवाच । यथा मे पितरौ लोके न जानीतो हि मानद

vṛṇīṣva ca varaṁ bhīru yaṁ tvamicchasi bhāmini satyavatyuvāca yathā me pitarau loke na jānīto hi mānada

O timid one, O lovely woman, ask for whatever boon you desire." Satyavati said: "O giver of honour, in such a way that my parents shall not know of this in this world —

Verse 29 (devibhagavatam.2.2.29)

कन्याव्रतं न मे हन्यात्तथा कुरु द्विजोत्तम । पुत्रश्च त्वत्समः कामं भवेदद्भुतवीर्यवान्

kanyāvrataṁ na me hanyāttathā kuru dvijottama putraśca tvatsamaḥ kāmaṁ bhavedadbhutavīryavān

may my vow of maidenhood not be broken, O best of brahmins — grant this. And may my son possess wondrous valour equal to your own.

Verse 30 (devibhagavatam.2.2.30)

गन्धोऽयं सर्वदा मे स्याद्यौवनं च नवं नवम् । पराशर उवाच । शृणु सुन्दरि पुत्रस्ते विष्ण्वंशसम्भवः शुचिः

gandho'yaṁ sarvadā me syādyauvanaṁ ca navaṁ navam parāśara uvāca śṛṇu sundari putraste viṣṇvaṁśasambhavaḥ śuciḥ

And may this fragrance ever remain in my body, and may my youth ever remain forever fresh and new." Parashara said: "Listen, O lovely one — your son shall be born of a portion of Vishnu, pure and holy,

Verse 31 (devibhagavatam.2.2.31)

भविष्यति च विख्यातस्त्रैलोक्ये वरवर्णिनि । केनचित्कारणेनाहं जातः कामातुरस्त्वयि

bhaviṣyati ca vikhyātastrailokye varavarṇini kenacitkāraṇenāhaṁ jātaḥ kāmāturastvayi

and he shall become famed throughout the three worlds, O fair one. It is for some particular reason alone that I became overwhelmed with desire for you.

Verse 32 (devibhagavatam.2.2.32)

कदापि च न सम्मोहो भूतपूर्वो वरानने । दृष्ट्वा चाप्सरसां रूपं सदाहं धैर्यमावहम्

kadāpi ca na sammoho bhūtapūrvo varānane dṛṣṭvā cāpsarasāṁ rūpaṁ sadāhaṁ dhairyamāvaham

O fair-faced one, never before have I fallen into such infatuation. Even on beholding the beauty of apsaras I have always maintained my composure.

Verse 33 (devibhagavatam.2.2.33)

दैवयोगेन वीक्ष्य त्वां कामस्य वशगोऽभवम् । तत्किञ्चित्कारणं विद्धि दैवं हि दुरतिक्रमम्

daivayogena vīkṣya tvāṁ kāmasya vaśago'bhavam tatkiñcitkāraṇaṁ viddhi daivaṁ hi duratikramam

It was only through the working of fate that, seeing you, I fell under the sway of desire; know this to be for a particular reason, for destiny is exceedingly hard to overcome.

Verse 34 (devibhagavatam.2.2.34)

दृष्ट्वाहं चातिदुर्गन्धां त्वां कथं मोहमाप्नुयाम् । पुराणकर्ता पुत्रस्ते भविष्यति वरानने

dṛṣṭvāhaṁ cātidurgandhāṁ tvāṁ kathaṁ mohamāpnuyām purāṇakartā putraste bhaviṣyati varānane

How, on seeing you so ill-scented as you then were, could I otherwise have fallen into such delusion? O fair-faced one, this son of yours shall be the composer of the Puranas,

Verse 35 (devibhagavatam.2.2.35)

वेदविद्भागकर्ता च ख्यातश्च भुवनत्रये । सूत उवाच । इत्युक्त्वा तां वशं यातां भुक्त्वा स मुनिसत्तमः

vedavidbhāgakartā ca khyātaśca bhuvanatraye sūta uvāca ityuktvā tāṁ vaśaṁ yātāṁ bhuktvā sa munisattamaḥ

the one who divides the Veda into branches, and shall be renowned in all three worlds." Suta said: Having spoken thus, and having enjoyed union with that yielding woman, that foremost of sages,

Verse 36 (devibhagavatam.2.2.36)

जगाम तरसा स्नात्वा कालिन्दीसलिले मुनिः । सापि सत्यवती जाता सद्यो गर्भवती सती

jagāma tarasā snātvā kālindīsalile muniḥ sāpi satyavatī jātā sadyo garbhavatī satī

swiftly bathed in the waters of the Yamuna and departed. And the chaste Satyavati too instantly became pregnant.

Verse 37 (devibhagavatam.2.2.37)

सुषुवे यमुनाद्वीपे पुत्रं काममिवापरम् । जातमात्रस्तु तेजस्वी तामुवाच स्वमातरम्

suṣuve yamunādvīpe putraṁ kāmamivāparam jātamātrastu tejasvī tāmuvāca svamātaram

On an island in the Yamuna she gave birth to a son radiant as another god of love. That splendid child, the very moment he was born, said to his own mother.

Verse 38 (devibhagavatam.2.2.38)

तपस्येव मनः कृत्वा विविशे चातिवीर्यवान् । गच्छ मातर्यथाकामं गच्छाम्यहमतः परम्

tapasyeva manaḥ kṛtvā viviśe cātivīryavān gaccha mātaryathākāmaṁ gacchāmyahamataḥ param

"Setting my mind wholly upon austerity, mighty as I am, I now enter the forest. Go, O mother, as you wish; I now depart to practise penance.

Verse 39 (devibhagavatam.2.2.39)

तपः कर्तुं महाभागे दर्शयिष्यामि वै स्मृतः । मातर्यदा भवेत्कार्यं तव किञ्चिदनुत्तमम्

tapaḥ kartuṁ mahābhāge darśayiṣyāmi vai smṛtaḥ mātaryadā bhavetkāryaṁ tava kiñcidanuttamam

O greatly fortunate one, whenever there is need of me, the moment you remember me I shall appear before you. O mother, whenever you have some especially weighty task —

Verse 40 (devibhagavatam.2.2.40)

स्मर्तव्योऽहं तदा शीघ्रमागमिष्यामि भामिनि । स्वस्ति तेऽस्तु गमिष्यामि त्यक्त्वा चिन्तां सुखं वस

smartavyo'haṁ tadā śīghramāgamiṣyāmi bhāmini svasti te'stu gamiṣyāmi tyaktvā cintāṁ sukhaṁ vasa

then remember me, O lovely lady, and I shall come at once. May all be well with you; I now depart — cast aside your worry and live happily."

Verse 41 (devibhagavatam.2.2.41)

इत्युक्त्वा निर्ययौ व्यासः सापि पित्रन्तिकं गता । द्वीपे न्यस्तस्तया बालस्तस्माद्द्वैपायनोऽभवत्

ityuktvā niryayau vyāsaḥ sāpi pitrantikaṁ gatā dvīpe nyastastayā bālastasmāddvaipāyano'bhavat

Having spoken thus, Vyasa departed, and she too returned to her father's home. Because he was left upon an island (dvīpa), that child came to be called Dvaipayana.

Verse 42 (devibhagavatam.2.2.42)

जातमात्रो जगामाशु वृद्धिं विष्ण्वंशयोगतः । तीर्थे तीर्थे कृतस्तानश्चचार तप उत्तमम्

jātamātro jagāmāśu vṛddhiṁ viṣṇvaṁśayogataḥ tīrthe tīrthe kṛtastānaścacāra tapa uttamam

The very moment he was born, through his union with a portion of Vishnu, he swiftly grew to maturity; bathing at every sacred ford, he practised the highest austerity.

Verse 43 (devibhagavatam.2.2.43)

एवं द्वैपायनो जज्ञे सत्यवत्यां पराशरात् । चकार वेदशाखाश्च प्राप्तं ज्ञात्वा कलेर्युगम्

evaṁ dvaipāyano jajñe satyavatyāṁ parāśarāt cakāra vedaśākhāśca prāptaṁ jñātvā kaleryugam

Thus Dvaipayana was born to Satyavati from Parashara. Perceiving the approach of the Kali age, he composed the branches of the Veda.

Verse 44 (devibhagavatam.2.2.44)

वेदविस्तारकरणाद्व्यासनामाभवन्मुनिः । पुराणसंहिताश्चक्रे महाभारतमुत्तमम्

vedavistārakaraṇādvyāsanāmābhavanmuniḥ purāṇasaṁhitāścakre mahābhāratamuttamam

Because he thus expanded the Veda, that sage came to be known by the name Vyasa. He composed the Purana-collections and the excellent Mahabharata.

Verse 45 (devibhagavatam.2.2.45)

शिष्यानध्यापयामास वेदान्कृत्वा विभागशः । सुमन्तुं जैमिनिं पैलं वैशम्पायनमेव च

śiṣyānadhyāpayāmāsa vedānkṛtvā vibhāgaśaḥ sumantuṁ jaiminiṁ pailaṁ vaiśampāyanameva ca

Having divided the Vedas into their branches, he taught them to his disciples — Sumantu, Jaimini, Paila, Vaishampayana —

Verse 46 (devibhagavatam.2.2.46)

असितं देवलं चैव शुकं चैव स्वमात्मजम् । सूत उवाच । एतच्च कथितं सर्वं कारणं मुनिसत्तमाः

asitaṁ devalaṁ caiva śukaṁ caiva svamātmajam sūta uvāca etacca kathitaṁ sarvaṁ kāraṇaṁ munisattamāḥ

and to Asita, Devala, and his own son Shuka as well. Suta said: O foremost of sages, I have thus related to you the entire cause and manner of it.

Verse 47 (devibhagavatam.2.2.47)

सत्यवत्याः सुतस्यापि समुत्पत्तिस्तथा शुभा । संशयोऽत्र न कर्तव्यः सम्भवे मुनिसत्तमाः

satyavatyāḥ sutasyāpi samutpattistathā śubhā saṁśayo'tra na kartavyaḥ sambhave munisattamāḥ

Such too was the auspicious manner of the birth of Satyavati's son. O foremost of sages, no doubt need be entertained in this matter.

Verse 48 (devibhagavatam.2.2.48)

महतां चरिते चैव गुणा ग्राह्या मुनेरिति । कारणाच्च समुत्पत्तिः सत्यवत्या झषोदरे

mahatāṁ carite caiva guṇā grāhyā muneriti kāraṇācca samutpattiḥ satyavatyā jhaṣodare

In the conduct of great souls, one should always take note only of their virtues — thus the sages have taught. It was for some particular reason that Satyavati's own birth came from a fish's womb,

Verse 49 (devibhagavatam.2.2.49)

पराशरेण संयोगः पुनः शन्तनुना तथा । अन्यथा तु मुनेश्चित्तं कथं कामाकुलं भवेत्

parāśareṇa saṁyogaḥ punaḥ śantanunā tathā anyathā tu muneścittaṁ kathaṁ kāmākulaṁ bhavet

and likewise for a reason her union came about with Parashara, and again afterward with Shantanu. Otherwise, how could that sage's mind have become so disturbed by desire,

Verse 50 (devibhagavatam.2.2.50)

अनार्यजुष्टं धर्मज्ञः कृतवान्स कथं मुनिः । सकारणेयमुत्पत्तिः कथिताश्चर्यकारिणी

anāryajuṣṭaṁ dharmajñaḥ kṛtavānsa kathaṁ muniḥ sakāraṇeyamutpattiḥ kathitāścaryakāriṇī

and how could that sage, versed in dharma, have acted in a manner unbecoming the noble? Thus has this astonishing birth been related, together with its true cause.

Verse 51 (devibhagavatam.2.2.51)

श्रुत्वा पापाच्च निर्मुक्तो नरो भवति सर्वथा । य एतच्छुभमाख्यानं शृणोति श्रुतिमान्नरः

śrutvā pāpācca nirmukto naro bhavati sarvathā ya etacchubhamākhyānaṁ śṛṇoti śrutimānnaraḥ

Hearing it, a person becomes wholly freed from all sin. That learned man who hears this auspicious narrative,

Verse 52 (devibhagavatam.2.2.52)

न दुर्गतिमवाप्नोति सुखी भवति सर्वदा

na durgatimavāpnoti sukhī bhavati sarvadā

never attains an evil state, and remains ever happy.