The Story of Satyavrata, Part One

Verse 1 (devibhagavatam.3.10.1)

जनमेजय उवाच । कोऽसौ सत्यव्रतो नाम ब्राह्मणो द्विजसत्तमः । कस्मिन्देशे समुत्पन्नः कीदृशश्च वदस्व मे

janamejaya uvāca ko'sau satyavrato nāma brāhmaṇo dvijasattamaḥ kasmindeśe samutpannaḥ kīdṛśaśca vadasva me

Janamejaya said: "Who was that brahmin named Satyavrata, foremost among the twice-born? In what land was he born, and what was he like? Tell me this.

Verse 2 (devibhagavatam.3.10.2)

कथं तेन श्रुतः शब्दः कथमुच्चारितः पुनः । सिद्धिश्च कीदृशी जाता तस्य विप्रस्य तत्क्षणात्

kathaṁ tena śrutaḥ śabdaḥ kathamuccāritaḥ punaḥ siddhiśca kīdṛśī jātā tasya viprasya tatkṣaṇāt

"How did he hear that syllable, and how did he then utter it? And what kind of perfection arose for that brahmin at that very instant?

Verse 3 (devibhagavatam.3.10.3)

कथं तुष्टा भवानी सा सर्वज्ञा सर्वसंस्थिता । विस्तरेण वदस्वाद्य कथामेतां मनोरमाम्

kathaṁ tuṣṭā bhavānī sā sarvajñā sarvasaṁsthitā vistareṇa vadasvādya kathāmetāṁ manoramām

"How did that all-knowing, all-abiding Bhavani become pleased? Tell me today, in full detail, this enchanting story."

Verse 4 (devibhagavatam.3.10.4)

सूत उवाच । इति पृष्टस्तदा राज्ञा व्यासः सत्यवतीसुतः । उवाच परमोदारं वचनं रसवच्छुचि

sūta uvāca iti pṛṣṭastadā rājñā vyāsaḥ satyavatīsutaḥ uvāca paramodāraṁ vacanaṁ rasavacchuci

Suta said: Thus questioned by the king, Vyasa, the son of Satyavati, spoke words most gracious, full of flavour, and pure.

Verse 5 (devibhagavatam.3.10.5)

व्यास उवाच । शृणु राजन् प्रवक्ष्यामि कथां पौराणिकीं शुभाम् । श्रुता मुनिसमाजेषु मया पूर्वं कुरूद्वह

vyāsa uvāca śṛṇu rājan pravakṣyāmi kathāṁ paurāṇikīṁ śubhām śrutā munisamājeṣu mayā pūrvaṁ kurūdvaha

Vyasa said: "Listen, O king, I shall tell this auspicious ancient tale, which I once heard in the assemblies of sages, O foremost of the Kurus.

Verse 6 (devibhagavatam.3.10.6)

एकदाऽहं कुरुश्रेष्ठ कुर्वंस्तीर्थाटनं शुचि । सम्प्राप्तो नैमिषारण्यं पावनं मुनिसेवितम्

ekadā'haṁ kuruśreṣṭha kurvaṁstīrthāṭanaṁ śuci samprāpto naimiṣāraṇyaṁ pāvanaṁ munisevitam

"Once, O best of the Kurus, while engaged in a pure pilgrimage of sacred fords, I arrived at Naimisharanya, the purifying forest attended by sages.

Verse 7 (devibhagavatam.3.10.7)

प्रणम्याहं मुनीन्सर्वान् स्थितस्तत्र वराश्रमे । विधिपुत्रास्तु यत्रासञ्जीवन्मुक्ता महाव्रताः

praṇamyāhaṁ munīnsarvān sthitastatra varāśrame vidhiputrāstu yatrāsañjīvanmuktā mahāvratāḥ

"Having bowed to all the sages, I remained there in that excellent hermitage, where the sons of Vidhi dwelt, liberated while yet living, of great vows.

Verse 8 (devibhagavatam.3.10.8)

कथाप्रसङ्ग एवासीत्तत्र विप्रसमागमे । जमदग्निस्तु पप्रच्छ मुनीनेवं समास्थितः

kathāprasaṅga evāsīttatra viprasamāgame jamadagnistu papraccha munīnevaṁ samāsthitaḥ

"There, in that gathering of brahmins, a discussion of stories arose; and Jamadagni, thus present, questioned the sages.

Verse 9 (devibhagavatam.3.10.9)

जमदग्निरुवाच । सन्देहोऽस्ति महाभागा मम चेतसि तापसाः । समाजेषु मुनीनां वै निःसन्देहो भवाम्यहम्

jamadagniruvāca sandeho'sti mahābhāgā mama cetasi tāpasāḥ samājeṣu munīnāṁ vai niḥsandeho bhavāmyaham

Jamadagni said: 'O greatly fortunate ascetics, a doubt exists in my mind; only in the assemblies of sages do I become free of doubt.

Verse 10 (devibhagavatam.3.10.10)

ब्रह्मा विष्णुस्तथा रुद्रो मघवा वरुणोऽनलः । कुबेरः पवनस्त्वष्टा सेनानीश्च गणाधिपः

brahmā viṣṇustathā rudro maghavā varuṇo'nalaḥ kuberaḥ pavanastvaṣṭā senānīśca gaṇādhipaḥ

"Brahma, Vishnu, and likewise Rudra, Indra, Varuna, Fire, Kubera, Wind, Tvashtr, the commander of the celestial army, and the lord of the ganas —

Verse 11 (devibhagavatam.3.10.11)

सूर्योऽश्विनौ भगः पूषा निशानाथो ग्रहास्तथा । आराधनीयतमः कोऽत्र वाञ्छितार्थफलप्रदः

sūryo'śvinau bhagaḥ pūṣā niśānātho grahāstathā ārādhanīyatamaḥ ko'tra vāñchitārthaphalapradaḥ

"— Surya, the two Ashvins, Bhaga, Pushan, the lord of the night, and the planets likewise — who among these is most worthy of worship, the grantor of the fruit of desired objects,

Verse 12 (devibhagavatam.3.10.12)

सुखसेव्यश्च सततं चाशुतोषश्च मानदाः । ब्रुवन्तु मुनयः शीघ्रं सर्वज्ञाः संशितव्रताः

sukhasevyaśca satataṁ cāśutoṣaśca mānadāḥ bruvantu munayaḥ śīghraṁ sarvajñāḥ saṁśitavratāḥ

"— ever easily served with happiness, and quickly pleased, and honour-giving? Let the all-knowing sages of firm vows tell me this swiftly.'"

Verse 13 (devibhagavatam.3.10.13)

एवं प्रश्ने कृते तत्र लोमशो वाक्यमब्रवीत् । जमदग्ने शृणुष्वैतद्यत्पृष्टं वै त्वयाऽधुना

evaṁ praśne kṛte tatra lomaśo vākyamabravīt jamadagne śṛṇuṣvaitadyatpṛṣṭaṁ vai tvayā'dhunā

When the question was thus posed there, Lomasha spoke these words: 'O Jamadagni, listen to this, which you have just now asked.

Verse 14 (devibhagavatam.3.10.14)

सेवनीयतमा शक्तिः सर्वेषां शुभमिच्छताम् । परा प्रकृतिराद्या च सर्वगा सर्वदा शिवा

sevanīyatamā śaktiḥ sarveṣāṁ śubhamicchatām parā prakṛtirādyā ca sarvagā sarvadā śivā

'The most worthy of service for all who desire good is Shakti — the supreme, primal Prakriti, all-pervading, ever auspicious.

Verse 15 (devibhagavatam.3.10.15)

देवानां जननी सैव ब्रह्मादीनां महात्मनाम् । आदिप्रकृतिमूलं सा संसारपादपस्य वै

devānāṁ jananī saiva brahmādīnāṁ mahātmanām ādiprakṛtimūlaṁ sā saṁsārapādapasya vai

'She alone is the mother of the gods, of the great-souled Brahma and the others; she is the primal root of Prakriti, the very root of the tree of worldly existence.

Verse 16 (devibhagavatam.3.10.16)

स्मृता चोच्चारिता देवी ददाति किल वाञ्छितम् । सर्वदैवार्द्रचित्ता सा वरदानाय सेविता

smṛtā coccāritā devī dadāti kila vāñchitam sarvadaivārdracittā sā varadānāya sevitā

'The Goddess, when remembered and when uttered, indeed grants what is desired; ever with a heart softened by compassion, she is served for the bestowal of boons.

Verse 17 (devibhagavatam.3.10.17)

इतिहासं प्रवक्ष्यामि शृण्वन्तु मुनयः शुभम् । अक्षरोच्चारणादेव यथा प्राप्तं द्विजेन वै

itihāsaṁ pravakṣyāmi śṛṇvantu munayaḥ śubham akṣaroccāraṇādeva yathā prāptaṁ dvijena vai

'I shall now tell a sacred history — let the sages listen — of how, through the mere utterance of a single syllable, it was obtained by a brahmin.

Verse 18 (devibhagavatam.3.10.18)

कोसलेषु द्विजः कश्चिद्देवदत्तेति विश्रुतः । अनपत्यश्चकारेष्टिं पुत्राय विधिपूर्वकम्

kosaleṣu dvijaḥ kaściddevadatteti viśrutaḥ anapatyaścakāreṣṭiṁ putrāya vidhipūrvakam

'In the Kosala country there was a certain brahmin renowned as Devadatta; being childless, he performed a sacrificial rite for the sake of a son, according to due rule.

Verse 19 (devibhagavatam.3.10.19)

तमसातीरमास्थाय कृत्वा मण्डपमुत्तमम् । द्विजानाहूय वेदज्ञान्सत्रकर्मविशारदान्

tamasātīramāsthāya kṛtvā maṇḍapamuttamam dvijānāhūya vedajñānsatrakarmaviśāradān

'Taking his stand upon the bank of the Tamasa river, having built an excellent pavilion, and having summoned brahmins learned in the Vedas, skilled in sacrificial rites —

Verse 20 (devibhagavatam.3.10.20)

कृत्वा वेदीं विधानेन स्थापयित्वा विभावसून् । पुत्रेष्टिं विधिवत्तत्र चकार द्विजसत्तमः

kṛtvā vedīṁ vidhānena sthāpayitvā vibhāvasūn putreṣṭiṁ vidhivattatra cakāra dvijasattamaḥ

'— having made the altar according to rule and having established the sacred fires, that best of brahmins duly performed the son-sacrifice there.

Verse 21 (devibhagavatam.3.10.21)

ब्रह्माणं कल्पयामास सुहोत्रं मुनिसत्तमम् । अध्वर्युं याज्ञवल्क्यं च होतारं च बृहस्पतिम्

brahmāṇaṁ kalpayāmāsa suhotraṁ munisattamam adhvaryuṁ yājñavalkyaṁ ca hotāraṁ ca bṛhaspatim

'He appointed Suhotra, the foremost of sages, as the Brahman-priest; Yajnavalkya as the Adhvaryu; and Brihaspati as the Hotr;

Verse 22 (devibhagavatam.3.10.22)

प्रस्तोतारं तथा पैलमुद्गातारं च गोभिलम् । सभ्यानन्यान्मुनीन्कृत्वा विधिवत्प्रददौ वसु

prastotāraṁ tathā pailamudgātāraṁ ca gobhilam sabhyānanyānmunīnkṛtvā vidhivatpradadau vasu

'— Paila likewise as the Prastotr, and Gobhila as the Udgatr; and having made other sages the assembly, he duly distributed wealth to them.

Verse 23 (devibhagavatam.3.10.23)

उद्गाता सामगः श्रेष्ठः सप्तस्वरसमन्वितम् । रथन्तरमगायत्तु स्वरितेन समन्वितम्

udgātā sāmagaḥ śreṣṭhaḥ saptasvarasamanvitam rathantaramagāyattu svaritena samanvitam

'The Udgatr, the excellent singer of the Sama chants, endowed with the seven notes, sang the Rathantara chant, joined with the svarita accent;

Verse 24 (devibhagavatam.3.10.24)

तदाऽस्य स्वरभङ्गोऽभूत्कृते श्वासे मुहुर्मुहुः । देवदत्तश्चुकोपाशु गोभिलं प्रत्युवाच ह

tadā'sya svarabhaṅgo'bhūtkṛte śvāse muhurmuhuḥ devadattaścukopāśu gobhilaṁ pratyuvāca ha

'— but then his voice broke, as he breathed again and again; and Devadatta became swiftly angry and spoke thus to Gobhila:

Verse 25 (devibhagavatam.3.10.25)

मूर्खोऽसि मुनिमुख्याद्य स्वरभङ्गस्त्वया कृतः । काम्यकर्मणि सञ्जाते पुत्रार्थं यजतश्च मे

mūrkho'si munimukhyādya svarabhaṅgastvayā kṛtaḥ kāmyakarmaṇi sañjāte putrārthaṁ yajataśca me

'"You are a fool today, O chief of sages — you have broken the note, in this rite performed for a desired end, when I am sacrificing for the sake of a son!"'

Verse 26 (devibhagavatam.3.10.26)

गोभिलस्तु तदोवाच देवदत्तं सुकोपितः । मूर्खस्ते भविता पुत्रः शठः शब्दविवर्जितः

gobhilastu tadovāca devadattaṁ sukopitaḥ mūrkhaste bhavitā putraḥ śaṭhaḥ śabdavivarjitaḥ

'Gobhila, greatly angered, then said to Devadatta: "Your son shall be a fool, a rogue, devoid of proper speech!

Verse 27 (devibhagavatam.3.10.27)

सर्वप्राणिशरीरे तु श्वासोच्छ्वासः सुदुर्ग्रहः । न मेऽत्र दूषणं किञ्चित्स्वरभङ्गे महामते

sarvaprāṇiśarīre tu śvāsocchvāsaḥ sudurgrahaḥ na me'tra dūṣaṇaṁ kiñcitsvarabhaṅge mahāmate

"Breathing in and out is most difficult to control in the body of any living being; there is no fault whatsoever of mine, O great-minded one, in the breaking of a note."'

Verse 28 (devibhagavatam.3.10.28)

तच्छ्रुत्वा वचनं तस्य गोभिलस्य महात्मनः । शापाद्भीतो देवदत्तस्तमुवाचातिदुःखितः

tacchrutvā vacanaṁ tasya gobhilasya mahātmanaḥ śāpādbhīto devadattastamuvācātiduḥkhitaḥ

'Hearing these words of the great-souled Gobhila, Devadatta, terrified by the curse, spoke to him, exceedingly distressed:

Verse 29 (devibhagavatam.3.10.29)

कथं क्रुद्धोऽसि विप्रेन्द्र वृथा मयि निरागसि । अक्रोधना हि मुनयो भवन्ति सुखदाः सदा

kathaṁ kruddho'si viprendra vṛthā mayi nirāgasi akrodhanā hi munayo bhavanti sukhadāḥ sadā

'"Why are you angry, O lord of brahmins, needlessly, against me who am innocent? For sages who are free of anger are ever the givers of happiness.

Verse 30 (devibhagavatam.3.10.30)

स्वल्पेऽपराधे विप्रेन्द्र कथं शप्तस्त्वया ह्यहम् । अपुत्रोऽहं सुतप्तः प्राक् तापयुक्तः पुनः कृतः

svalpe'parādhe viprendra kathaṁ śaptastvayā hyaham aputro'haṁ sutaptaḥ prāk tāpayuktaḥ punaḥ kṛtaḥ

"For so slight an offence, O lord of brahmins, why have I been cursed by you? I, who was already tormented by having no son, have now been afflicted with anguish once more.

Verse 31 (devibhagavatam.3.10.31)

मूर्खपुत्रादपुत्रत्वं वरं वेदविदो विदुः । तथापि ब्राह्मणो मूर्खः सर्वेषां निन्द्य एव हि

mūrkhaputrādaputratvaṁ varaṁ vedavido viduḥ tathāpi brāhmaṇo mūrkhaḥ sarveṣāṁ nindya eva hi

"Those who know the Vedas say that childlessness is preferable to a foolish son; and yet an ignorant brahmin is indeed to be despised by all.

Verse 32 (devibhagavatam.3.10.32)

पशुवच्छूद्रवच्चैव न योग्यः सर्वकर्मसु । किं करोमीह मूर्खेण पुत्रेण द्विजसत्तम

paśuvacchūdravaccaiva na yogyaḥ sarvakarmasu kiṁ karomīha mūrkheṇa putreṇa dvijasattama

"He is fit for no rites at all, like an animal or a shudra — O best of brahmins, what shall I do with a foolish son?

Verse 33 (devibhagavatam.3.10.33)

यथा शूद्रस्तथा मूर्खो ब्राह्मणो नात्र संशयः । न पूजार्हो न दानार्हो निन्द्यश्च सर्वकर्मसु

yathā śūdrastathā mūrkho brāhmaṇo nātra saṁśayaḥ na pūjārho na dānārho nindyaśca sarvakarmasu

"An ignorant brahmin is exactly like a shudra — of this there is no doubt; he is unfit to be honoured, unfit to receive gifts, and is to be censured in every rite.

Verse 34 (devibhagavatam.3.10.34)

देशे वै वसमानश्च ब्राह्मणो वेदवर्जितः । करदः शूद्रवच्चैव मन्तव्यः स च भूभुजा

deśe vai vasamānaśca brāhmaṇo vedavarjitaḥ karadaḥ śūdravaccaiva mantavyaḥ sa ca bhūbhujā

"A brahmin dwelling in a country, devoid of the Veda, is to be regarded by the king as a tax-payer, just like a shudra.

Verse 35 (devibhagavatam.3.10.35)

नासने पितृकार्येषु देवकार्येषु स द्विजः । मूर्खः समुपवेश्यश्च कार्यश्च फलमिच्छता

nāsane pitṛkāryeṣu devakāryeṣu sa dvijaḥ mūrkhaḥ samupaveśyaśca kāryaśca phalamicchatā

"Such a foolish brahmin is not to be seated in the rites for the ancestors or for the gods; he should not be employed by one who desires the proper fruit.

Verse 36 (devibhagavatam.3.10.36)

राज्ञा शूद्रसमो ज्ञेयो न योज्यः सर्वकर्मसु । कर्षकस्तु द्विजः कार्यो ब्राह्मणो वेदवर्जितः

rājñā śūdrasamo jñeyo na yojyaḥ sarvakarmasu karṣakastu dvijaḥ kāryo brāhmaṇo vedavarjitaḥ

"He is to be regarded by the king as equal to a shudra, not to be employed in any priestly rites; a brahmin devoid of the Veda should be made a farmer.

Verse 37 (devibhagavatam.3.10.37)

विना विप्रेण कर्तव्यं श्राद्धं कुशचटेन वै । न तु विप्रेण मूर्खेण श्राद्धं कार्यं कदाचन

vinā vipreṇa kartavyaṁ śrāddhaṁ kuśacaṭena vai na tu vipreṇa mūrkheṇa śrāddhaṁ kāryaṁ kadācana

"The shraddha, the ancestral rite, is to be performed even without a brahmin, using a bundle of kusha grass instead; but it should never be performed with a foolish brahmin.

Verse 38 (devibhagavatam.3.10.38)

आहारादधिकं चान्नं न दातव्यमपण्डिते । दाता नरकमाप्नोति ग्रहीता तु विशेषतः

āhārādadhikaṁ cānnaṁ na dātavyamapaṇḍite dātā narakamāpnoti grahītā tu viśeṣataḥ

"Food beyond what is needed for his own sustenance should not be given to an unlearned man; the giver goes to hell, and the receiver especially so.

Verse 39 (devibhagavatam.3.10.39)

धिग्राज्यं तस्य राज्ञो वै यस्य देशेऽबुधा जनाः । पूज्यन्ते ब्राह्मणा मूर्खा दानमानादिकैरपि

dhigrājyaṁ tasya rājño vai yasya deśe'budhā janāḥ pūjyante brāhmaṇā mūrkhā dānamānādikairapi

"Shame on the kingdom of that king in whose land ignorant, foolish brahmins are honoured with gifts, respect, and the like!

Verse 40 (devibhagavatam.3.10.40)

आसने पूजने दाने यत्र भेदो न चाण्वपि । मूर्खपण्डितयोर्भेदो ज्ञातव्यो विबुधेन वै

āsane pūjane dāne yatra bhedo na cāṇvapi mūrkhapaṇḍitayorbhedo jñātavyo vibudhena vai

"Where in seating, honour, and gift-giving there is not even the slightest distinction — there, the distinction between the fool and the learned man must indeed be known and observed by the wise.

Verse 41 (devibhagavatam.3.10.41)

मूर्खा यत्र सुगर्विष्ठा दानमानपरिग्रहैः । तस्मिन्देशे न वस्तव्यं पण्डितेन कथञ्चन

mūrkhā yatra sugarviṣṭhā dānamānaparigrahaiḥ tasmindeśe na vastavyaṁ paṇḍitena kathañcana

"Where fools are made greatly arrogant through the receiving of gifts and honour, in that land a learned man should on no account dwell.

Verse 42 (devibhagavatam.3.10.42)

असतामुपकाराय दुर्जनानां विभूतयः । पिचुमन्दः फलाढ्योऽपि काकैरेवोपभुज्यते

asatāmupakārāya durjanānāṁ vibhūtayaḥ picumandaḥ phalāḍhyo'pi kākairevopabhujyate

"The prosperity of the wicked serves only for the benefit of the wicked; a neem tree, though laden with fruit, is enjoyed only by crows.

Verse 43 (devibhagavatam.3.10.43)

भुक्त्वान्नं वेदविद्विप्रो वेदाभ्यासं करोति वै । क्रीडन्ति पूर्वजास्तस्य स्वर्गे प्रमुदिताः किल

bhuktvānnaṁ vedavidvipro vedābhyāsaṁ karoti vai krīḍanti pūrvajāstasya svarge pramuditāḥ kila

"When a brahmin learned in the Veda eats food given in charity and then practises the Veda, his ancestors indeed rejoice, sporting happily in heaven.

Verse 44 (devibhagavatam.3.10.44)

गोभिलातः विमुक्तं वै त्वया वेदविदुत्तम । संसारे मूर्खपुत्रत्वं मरणादतिगर्हितम्

gobhilātaḥ vimuktaṁ vai tvayā vedaviduttama saṁsāre mūrkhaputratvaṁ maraṇādatigarhitam

"O foremost knower of the Veda, release me from this — for in this world, having a foolish son is more reprehensible than death itself.

Verse 45 (devibhagavatam.3.10.45)

कृपां कुरु महाभाग शापस्यानुग्रहं प्रति । दीनोद्धारणशक्तोऽसि पतामि तव पादयोः

kṛpāṁ kuru mahābhāga śāpasyānugrahaṁ prati dīnoddhāraṇaśakto'si patāmi tava pādayoḥ

"Show me compassion, O greatly fortunate one, and grant grace regarding your curse; you are capable of uplifting the wretched — I fall at your feet."'

Verse 46 (devibhagavatam.3.10.46)

लोमश उवाच । इत्युक्त्वा देवदत्तस्तु पतितस्तस्य पादयोः । स्तुवन्दीनहृदत्यर्थं कृपणः साश्रुलोचनः

lomaśa uvāca ityuktvā devadattastu patitastasya pādayoḥ stuvandīnahṛdatyarthaṁ kṛpaṇaḥ sāśrulocanaḥ

Lomasha said: Having said this, Devadatta fell at his feet, praising him, his heart exceedingly wretched, pitiable, with tears in his eyes.

Verse 47 (devibhagavatam.3.10.47)

गोभिलस्तु तदा तत्र दृष्ट्वा तं दीनचेतसम् । क्षणकोपा महान्तो वै पापिष्ठाः कल्पकोपनाः

gobhilastu tadā tatra dṛṣṭvā taṁ dīnacetasam kṣaṇakopā mahānto vai pāpiṣṭhāḥ kalpakopanāḥ

Gobhila, then, seeing him there of such a wretched mind, relented — for great souls indeed feel anger only momentarily, whereas the wicked hold their anger for an age.

Verse 48 (devibhagavatam.3.10.48)

जलं स्वभावतः शीतं पावकातपयोगतः । उष्णं भवति तच्छीघ्रं तद्विना शिशिरं भवेत्

jalaṁ svabhāvataḥ śītaṁ pāvakātapayogataḥ uṣṇaṁ bhavati tacchīghraṁ tadvinā śiśiraṁ bhavet

Water, by its own nature cool, becomes hot quickly through contact with fire or the sun's heat; but without that contact, it becomes cool again.

Verse 49 (devibhagavatam.3.10.49)

दयावान्गोभिलस्त्वाह देवदत्तं सुदुःखितम् । मूर्खो भूत्वा सुतस्ते वै विद्वानपि भविष्यति

dayāvāngobhilastvāha devadattaṁ suduḥkhitam mūrkho bhūtvā sutaste vai vidvānapi bhaviṣyati

Gobhila, filled with compassion, said to the greatly distressed Devadatta: "Your son, though born a fool, shall indeed also become learned."

Verse 50 (devibhagavatam.3.10.50)

इति दत्तवरः सोऽथ मुदितोऽभूद्द्विजर्षभः । इष्टिं समाप्य विप्रान्वै विससर्ज यथाविधि

iti dattavaraḥ so'tha mudito'bhūddvijarṣabhaḥ iṣṭiṁ samāpya viprānvai visasarja yathāvidhi

Having thus received this boon, that bull among brahmins became joyful; having completed the sacrifice, he duly dismissed the brahmins according to rule.

Verse 51 (devibhagavatam.3.10.51)

कालेन कियता तस्य भार्या रूपमती सती । गर्भं दधार काले सा रोहिणी रोहिणीसमा

kālena kiyatā tasya bhāryā rūpamatī satī garbhaṁ dadhāra kāle sā rohiṇī rohiṇīsamā

After some time, his wife Rupamati, a virtuous woman, conceived in due season — she, resembling the star Rohini, being herself named Rohini.

Verse 52 (devibhagavatam.3.10.52)

गर्भाधानादिकं कर्म चकार विधिवद्द्विजः । पुंसवनविधानञ्च शृङ्गारकरणं तथा

garbhādhānādikaṁ karma cakāra vidhivaddvijaḥ puṁsavanavidhānañca śṛṅgārakaraṇaṁ tathā

The brahmin duly performed the rites beginning with Garbhadhana, and likewise the rite of Pumsavana and the rite of adornment,

Verse 53 (devibhagavatam.3.10.53)

सीमन्तोन्नयनञ्चैव कृतं वेदविधानतः । ददौ दानानि मुदितो मत्वेष्टिं सफलां तथा

sīmantonnayanañcaiva kṛtaṁ vedavidhānataḥ dadau dānāni mudito matveṣṭiṁ saphalāṁ tathā

— and likewise the Simantonnayana was performed according to Vedic ordinance; joyfully, considering his sacrifice fruitful, he gave gifts.

Verse 54 (devibhagavatam.3.10.54)

शुभेऽह्नि सुषुवे पुत्रं रोहिणी रोहिणीयुते । दिने लग्ने शुभेऽत्यर्थं जातकर्म चकार सः

śubhe'hni suṣuve putraṁ rohiṇī rohiṇīyute dine lagne śubhe'tyarthaṁ jātakarma cakāra saḥ

On an auspicious day, Rohini gave birth to a son, under the conjunction of the Rohini nakshatra, on a most auspicious day and ascendant; he performed the birth-rite.

Verse 55 (devibhagavatam.3.10.55)

पुत्रदर्शनकं कृत्वा नामकर्म चकार च । उतथ्य इति पुत्रस्य कृतं नाम पुराविदा

putradarśanakaṁ kṛtvā nāmakarma cakāra ca utathya iti putrasya kṛtaṁ nāma purāvidā

Having performed the ceremony of first beholding the son, he also performed the name-giving rite; the name "Utathya" was given to the son by that knower of ancient lore.

Verse 56 (devibhagavatam.3.10.56)

स चाष्टमे तथा वर्षे शुभे वै शुभवासरे । तस्योपनयनं कर्म चकार विधिवत्पिता

sa cāṣṭame tathā varṣe śubhe vai śubhavāsare tasyopanayanaṁ karma cakāra vidhivatpitā

In the boy's eighth year, on an auspicious day, the father duly performed the sacred-thread ceremony for him.

Verse 57 (devibhagavatam.3.10.57)

वेदमध्यापयामास गुरुस्तं वै व्रते स्थितम् । नोच्चचार तथोतथ्यः संस्थितो मुग्धवत्तदा

vedamadhyāpayāmāsa gurustaṁ vai vrate sthitam noccacāra tathotathyaḥ saṁsthito mugdhavattadā

The teacher began to instruct him in the Veda, while he remained in his vow as a student; but Utathya could not utter it properly, remaining as if stupefied.

Verse 58 (devibhagavatam.3.10.58)

बहुधा पाठितः पित्रा न दधार मतिं शठः । मूढवत्तिष्ठतेऽत्यर्थं तं शुशोच पिता तदा

bahudhā pāṭhitaḥ pitrā na dadhāra matiṁ śaṭhaḥ mūḍhavattiṣṭhate'tyarthaṁ taṁ śuśoca pitā tadā

Though taught repeatedly by his father, the foolish boy retained nothing in his mind; he remained utterly stupefied. His father then grieved for him.

Verse 59 (devibhagavatam.3.10.59)

एवं कुर्वन्सदाऽभ्यासं जातो द्वादशवार्षिकः । न वेद विधिवत्कर्तुं सन्ध्यावन्दनकं विधिम्

evaṁ kurvansadā'bhyāsaṁ jāto dvādaśavārṣikaḥ na veda vidhivatkartuṁ sandhyāvandanakaṁ vidhim

Though continually practising in this way, he reached the age of twelve years, yet did not know how to properly perform the rite of the twilight prayers.

Verse 60 (devibhagavatam.3.10.60)

मूर्खोऽभूदिति लोकेषु गता वार्ताऽतिविस्तरा । ब्राह्मणेषु च सर्वेषु तापसेष्वितरेषु च

mūrkho'bhūditi lokeṣu gatā vārtā'tivistarā brāhmaṇeṣu ca sarveṣu tāpaseṣvitareṣu ca

"He has become a fool" — this report spread far and wide among the people, among all the brahmins and ascetics and others.

Verse 61 (devibhagavatam.3.10.61)

जहास लोकस्तं विप्रं यत्र तत्र गतं मुने । पिता माता निनिन्दाथ मूर्खं तमतिभर्त्सयन्

jahāsa lokastaṁ vipraṁ yatra tatra gataṁ mune pitā mātā ninindātha mūrkhaṁ tamatibhartsayan

People laughed at that brahmin wherever he went, O sage; his father and mother censured him, greatly reproaching the fool.

Verse 62 (devibhagavatam.3.10.62)

निन्दितोऽथ जनैः कामं पितृभ्यामथ बान्धवैः । वैराग्यमगमद्विप्रो जगाम वनमप्यसौ

nindito'tha janaiḥ kāmaṁ pitṛbhyāmatha bāndhavaiḥ vairāgyamagamadvipro jagāma vanamapyasau

Reviled greatly by the people, by his parents, and by his relatives, the brahmin developed dispassion for worldly life, and went off into the forest.

Verse 63 (devibhagavatam.3.10.63)

अन्धो वरस्तथा पङ्गुर्न मूर्खस्तु वरः सुतः । इत्युक्तोऽसौ पितृभ्यां वै विवेश काननं प्रति

andho varastathā paṅgurna mūrkhastu varaḥ sutaḥ ityukto'sau pitṛbhyāṁ vai viveśa kānanaṁ prati

"A blind son, or even a lame one, is preferable — but not a foolish son as one's own" — having been told this by his parents, he entered the forest.

Verse 64 (devibhagavatam.3.10.64)

गङ्गातीरे शुभे स्थाने कृत्वोटजमनुत्तमम् । वन्यां वृत्तिं च सङ्कल्प्य स्थितस्तत्र समाहितः

gaṅgātīre śubhe sthāne kṛtvoṭajamanuttamam vanyāṁ vṛttiṁ ca saṅkalpya sthitastatra samāhitaḥ

Having built an excellent hut on the auspicious bank of the Ganga, and having resolved upon a forest livelihood, he remained there with a composed mind.

Verse 65 (devibhagavatam.3.10.65)

नियमं च परं कृत्वा नासत्यं प्रब्रवीम्यहम् । स्थितस्तत्राश्रमे रम्ये ब्रह्मचर्यव्रतो हि सः

niyamaṁ ca paraṁ kṛtvā nāsatyaṁ prabravīmyaham sthitastatrāśrame ramye brahmacaryavrato hi saḥ

Having taken up a supreme vow — I speak nothing untrue — he remained there in that delightful hermitage, keeping the vow of celibacy.