The Glory of the Goddess

Verse 1 (devibhagavatam.3.24.1)

व्यास उवाच । तस्यास्तद्वचनं श्रुत्वा भवान्याः स नृपोत्तमः । प्रोवाच वचनं तत्र सुबाहुर्भक्तिसंयुतः

vyāsa uvāca tasyāstadvacanaṁ śrutvā bhavānyāḥ sa nṛpottamaḥ provāca vacanaṁ tatra subāhurbhaktisaṁyutaḥ

Vyasa said: Hearing that word of Bhavani's, that best of kings, Subahu, filled with devotion, then spoke these words there:

Verse 2 (devibhagavatam.3.24.2)

सुबाहुरुवाच । एकतो देवलोकस्य राज्यं भूमण्डलस्य च । एकतो दर्शनं ते वै न च तुल्यं कदाचन

subāhuruvāca ekato devalokasya rājyaṁ bhūmaṇḍalasya ca ekato darśanaṁ te vai na ca tulyaṁ kadācana

Subahu said: "On one side, the kingdom of the world of gods, and of this whole earth; on the other, the mere sight of you — these are never, ever equal.

Verse 3 (devibhagavatam.3.24.3)

दर्शनात्सदृशं किञ्चित्त्रिषु लोकेषु नास्ति मे । कं वरं देवि याचेऽहं कृतार्थोऽस्मि धरातले

darśanātsadṛśaṁ kiñcittriṣu lokeṣu nāsti me kaṁ varaṁ devi yāce'haṁ kṛtārtho'smi dharātale

For me, nothing in the three worlds equals your very sight; what boon, then, O Goddess, shall I ask? I am already fulfilled here on this earth.

Verse 4 (devibhagavatam.3.24.4)

एतदिच्छाम्यहं मातर्याचितुं वाञ्छितं वरम् । तव भक्तिः सदा मेऽस्तु निश्चला ह्यनपायिनी

etadicchāmyahaṁ mātaryācituṁ vāñchitaṁ varam tava bhaktiḥ sadā me'stu niścalā hyanapāyinī

This alone do I wish to ask, O Mother, as my desired boon: may my devotion to you be always steadfast and never fail.

Verse 5 (devibhagavatam.3.24.5)

नगरेऽत्र त्वया मातः स्थातव्यं मम सर्वदा । दुर्गादेवीति नाम्ना वै त्वं शक्तिरिह संस्थिता

nagare'tra tvayā mātaḥ sthātavyaṁ mama sarvadā durgādevīti nāmnā vai tvaṁ śaktiriha saṁsthitā

O Mother, you must always dwell in this my city; established here under the name Durga Devi, you, the Power herself, must remain.

Verse 6 (devibhagavatam.3.24.6)

रक्षा त्वया च कर्तव्या सर्वदा नगरस्य ह । यथा सुदर्शनस्त्रातो रिपुसङ्घादनामयः

rakṣā tvayā ca kartavyā sarvadā nagarasya ha yathā sudarśanastrāto ripusaṅghādanāmayaḥ

And the protection of this city must always be given by you — just as Sudarshana was saved, unharmed, from the host of his enemies.

Verse 7 (devibhagavatam.3.24.7)

तथाऽत्र रक्षा कर्तव्या वाराणस्यास्त्वयाम्बिके । यावत्पुरी भवेद्भूमौ सुप्रतिष्ठा सुसंस्थिता

tathā'tra rakṣā kartavyā vārāṇasyāstvayāmbike yāvatpurī bhavedbhūmau supratiṣṭhā susaṁsthitā

Likewise, O Mother, let the protection of Varanasi be given by you here, as long as this city stands well-founded and firmly established upon the earth.

Verse 8 (devibhagavatam.3.24.8)

तावत्त्वयाऽत्र स्थातव्यं दुर्गे देवि कृपानिधे । वरोऽयं मम ते देयः किमन्यत्प्रार्थयाम्यहम्

tāvattvayā'tra sthātavyaṁ durge devi kṛpānidhe varo'yaṁ mama te deyaḥ kimanyatprārthayāmyaham

So long, O Goddess Durga, treasury of compassion, you must remain here; this alone is the boon to be granted me by you — what else should I ask?

Verse 9 (devibhagavatam.3.24.9)

विविधान्सकलान्कामान्देहि मे विद्विषो जहि । अभद्राणां विनाशञ्च कुरु लोकस्य सर्वदा

vividhānsakalānkāmāndehi me vidviṣo jahi abhadrāṇāṁ vināśañca kuru lokasya sarvadā

Grant me all my manifold desires; destroy my enemies; and always bring about the destruction of misfortune for the world."

Verse 10 (devibhagavatam.3.24.10)

व्यास उवाच । इति सम्प्रार्थिता देवी दुर्गा दुर्गार्तिनाशिनी । तमुवाच नृपं तत्र स्तुत्वा वै संस्थितं पुरः

vyāsa uvāca iti samprārthitā devī durgā durgārtināśinī tamuvāca nṛpaṁ tatra stutvā vai saṁsthitaṁ puraḥ

Vyasa said: Thus entreated, the Goddess Durga, destroyer of the afflictions of the helpless, spoke to that king who stood before her, having so praised her:

Verse 11 (devibhagavatam.3.24.11)

दुर्गोवाच । राजन्सदा निवासो मे मुक्तिपुर्यां भविष्यति । रक्षार्थं सर्वलोकानां यावत्तिष्ठति मेदिनी

durgovāca rājansadā nivāso me muktipuryāṁ bhaviṣyati rakṣārthaṁ sarvalokānāṁ yāvattiṣṭhati medinī

Durga said: "O king, my abode shall always be in this city of liberation, for the protection of all beings, for as long as the earth endures."

Verse 12 (devibhagavatam.3.24.12)

अथो सुदर्शनस्तत्र समागत्य मुदान्वितः । प्रणम्य परया भक्त्या तुष्टाव जगदम्बिकाम्

atho sudarśanastatra samāgatya mudānvitaḥ praṇamya parayā bhaktyā tuṣṭāva jagadambikām

Then Sudarshana too, coming there, filled with joy, bowing with the highest devotion, praised the Mother of the Universe:

Verse 13 (devibhagavatam.3.24.13)

अहो कृपा ये कथयाम्यहं किं त्रातस्त्वया यत्किल भक्तिहीनः । भक्तानुकम्पी सकलो जनोऽस्ति विमुक्तभक्तेरवनं व्रतं ते

aho kṛpā ye kathayāmyahaṁ kiṁ trātastvayā yatkila bhaktihīnaḥ bhaktānukampī sakalo jano'sti vimuktabhakteravanaṁ vrataṁ te

"Ah, what compassion is this — what shall I say? — that I, indeed devoid of true devotion, was saved by you. Everyone speaks of you as compassionate to devotees, yet your vow of protection extends even to one bereft of devotion.

Verse 14 (devibhagavatam.3.24.14)

त्वं देवि सर्वं सृजसि प्रपञ्चं श्रुतं मया पालयसि स्वसृष्टम् । त्वमत्सि संहारपरे च काले न तेऽत्र चित्रं मम रक्षणं वै

tvaṁ devi sarvaṁ sṛjasi prapañcaṁ śrutaṁ mayā pālayasi svasṛṣṭam tvamatsi saṁhārapare ca kāle na te'tra citraṁ mama rakṣaṇaṁ vai

O Goddess, you create this entire universe — I have heard this — you sustain what you yourself have created, and you devour it at the time of dissolution; my mere protection is, then, no wonder for you at all.

Verse 15 (devibhagavatam.3.24.15)

करोमि किं ते वद देवि कार्यं क्व वा व्रजामीत्यनुमोदयाशु । कार्ये विमूढोऽस्मि तवाज्ञयाऽहं गच्छामि तिष्ठे विहरामि मातः

karomi kiṁ te vada devi kāryaṁ kva vā vrajāmītyanumodayāśu kārye vimūḍho'smi tavājñayā'haṁ gacchāmi tiṣṭhe viharāmi mātaḥ

What deed of yours shall I do? Tell me, O Goddess — or where shall I go? Grant your quick assent. I am utterly bewildered in this matter; by your command alone, O Mother, shall I go, remain, or move about."

Verse 16 (devibhagavatam.3.24.16)

व्यास उवाच । तं तथा भाषमाणं तु देवी प्राह दयान्विता । गच्छायोध्यां महाभाग कुरु राज्यं कुलोचितम्

vyāsa uvāca taṁ tathā bhāṣamāṇaṁ tu devī prāha dayānvitā gacchāyodhyāṁ mahābhāga kuru rājyaṁ kulocitam

Vyasa said: To him speaking thus, the compassionate Goddess said: "Go to Ayodhya, O fortunate one, and rule the kingdom befitting your lineage.

Verse 17 (devibhagavatam.3.24.17)

स्मरणीया सदाऽहं ते पूजनीया प्रयत्नतः । शं विधास्याम्यहं नित्यं राज्यं ते नृपसत्तम

smaraṇīyā sadā'haṁ te pūjanīyā prayatnataḥ śaṁ vidhāsyāmyahaṁ nityaṁ rājyaṁ te nṛpasattama

I am always to be remembered by you, and worshipped with diligence; I shall constantly bring about the welfare of your kingdom, O best of kings.

Verse 18 (devibhagavatam.3.24.18)

अष्टम्याञ्च चतुर्दश्यां नवम्याञ्च विशेषतः । मम पूजा प्रकर्तव्या बलिदानविधानतः

aṣṭamyāñca caturdaśyāṁ navamyāñca viśeṣataḥ mama pūjā prakartavyā balidānavidhānataḥ

On the eighth, the fourteenth, and especially on the ninth lunar day, my worship should be performed, with the rite of offering.

Verse 19 (devibhagavatam.3.24.19)

अर्चा मदीया नगरे स्थापनीया त्वयाऽनघ । पूजनीया प्रयत्नेन त्रिकालं भक्तिपूर्वकम्

arcā madīyā nagare sthāpanīyā tvayā'nagha pūjanīyā prayatnena trikālaṁ bhaktipūrvakam

My image should be installed by you in the city, O sinless one, and worshipped with diligence, three times a day, with devotion.

Verse 20 (devibhagavatam.3.24.20)

शरत्काले महापूजा कर्तव्या मम सर्वदा । नवरात्रविधानेन भक्तिभावयुतेन च

śaratkāle mahāpūjā kartavyā mama sarvadā navarātravidhānena bhaktibhāvayutena ca

In the autumn season, a great worship of me should always be performed, according to the rite of the nine nights, filled with devout feeling.

Verse 21 (devibhagavatam.3.24.21)

चैत्रेऽश्विने तथाऽऽषाढे माघे कार्यो महोत्सवः । नवरात्रे महाराज पूजा कार्या विशेषतः

caitre'śvine tathā''ṣāḍhe māghe kāryo mahotsavaḥ navarātre mahārāja pūjā kāryā viśeṣataḥ

In Chaitra, Ashvina, likewise Ashadha, and Magha, a great festival is to be held; O great king, at the Navaratri, worship should be performed especially.

Verse 22 (devibhagavatam.3.24.22)

कृष्णपक्षे चतुर्दश्यां मम भक्तिसमन्वितैः । कर्तव्या नृपशार्दूल तथाऽष्टम्यां सदा बुधैः

kṛṣṇapakṣe caturdaśyāṁ mama bhaktisamanvitaiḥ kartavyā nṛpaśārdūla tathā'ṣṭamyāṁ sadā budhaiḥ

On the fourteenth of the dark fortnight, by those endowed with devotion to me, O tiger among kings, worship should be performed; likewise on the eighth, always, by the wise."

Verse 23 (devibhagavatam.3.24.23)

व्यास उवाच । इत्युक्त्वान्तर्हिता देवी दुर्गा दुर्गार्तिनाशिनी । नता सुदर्शनेनाथ स्तुता च बहुविस्तरम्

vyāsa uvāca ityuktvāntarhitā devī durgā durgārtināśinī natā sudarśanenātha stutā ca bahuvistaram

Vyasa said: Having said this, the Goddess Durga, destroyer of the helpless one's afflictions, disappeared — she who had been bowed to and extensively praised by Sudarshana.

Verse 24 (devibhagavatam.3.24.24)

अन्तर्हितां तु तां दृष्ट्वा राजानः सर्व एव ते । प्रणेमुस्तं समागम्य यथा शक्रं सुरास्तथा

antarhitāṁ tu tāṁ dṛṣṭvā rājānaḥ sarva eva te praṇemustaṁ samāgamya yathā śakraṁ surāstathā

Seeing her vanish, all those kings then came together and bowed to him, just as the gods bow to Indra.

Verse 25 (devibhagavatam.3.24.25)

सुबाहुरपि तं नत्वा स्थितश्चाग्रे मुदान्वितः । ऊचुः सर्वे महीपाला अयोध्याधिपतिं तदा

subāhurapi taṁ natvā sthitaścāgre mudānvitaḥ ūcuḥ sarve mahīpālā ayodhyādhipatiṁ tadā

Subahu too, bowing to him, stood before him, filled with joy; and all the kings then spoke to that lord of Ayodhya:

Verse 26 (devibhagavatam.3.24.26)

त्वमस्माकं प्रभुः शास्ता सेवकास्ते वयं सदा । कुरु राज्यमयोध्यायां पालयास्मान्नृपोत्तम

tvamasmākaṁ prabhuḥ śāstā sevakāste vayaṁ sadā kuru rājyamayodhyāyāṁ pālayāsmānnṛpottama

"You are our lord and ruler; we are always your servants. Rule the kingdom in Ayodhya, and protect us, O best of kings.

Verse 27 (devibhagavatam.3.24.27)

त्वत्प्रसादान्महाराज दृष्टा विश्वेश्वरी शिवा । आदिशक्तिर्भवानी सा चतुर्वर्गफलप्रदा

tvatprasādānmahārāja dṛṣṭā viśveśvarī śivā ādiśaktirbhavānī sā caturvargaphalapradā

By your grace, O great king, we have beheld the auspicious Ruler of the Universe, that primal Power, Bhavani, the bestower of the fruit of the four aims of life.

Verse 28 (devibhagavatam.3.24.28)

धन्यस्त्वं कृतकृत्योऽसि बहुपुण्यो धरातले । यस्माच्च त्वत्कृते देवी प्रादुर्भूता सनातनी

dhanyastvaṁ kṛtakṛtyo'si bahupuṇyo dharātale yasmācca tvatkṛte devī prādurbhūtā sanātanī

Blessed are you, and your task is accomplished, and greatly meritorious upon this earth, since for your sake the eternal Goddess herself appeared.

Verse 29 (devibhagavatam.3.24.29)

न जानीमो वयं सर्वे प्रभावं नृपसत्तम । चण्डिकायास्तमोयुक्ता मायया मोहिताः सदा

na jānīmo vayaṁ sarve prabhāvaṁ nṛpasattama caṇḍikāyāstamoyuktā māyayā mohitāḥ sadā

O best of kings, all of us, wrapped in darkness, ever deluded by her Maya, do not know the power of Chandika.

Verse 30 (devibhagavatam.3.24.30)

धनदारसुतानां च चिन्तनेऽभिरताः सदा । मग्ना महार्वणे घोरे कामक्रोधझषाकुले

dhanadārasutānāṁ ca cintane'bhiratāḥ sadā magnā mahārvaṇe ghore kāmakrodhajhaṣākule

Always engrossed in thoughts of wealth, wife, and children, we remain sunk in the terrible great ocean, teeming with the fish of desire and anger.

Verse 31 (devibhagavatam.3.24.31)

पृच्छामस्त्वां महाभाग सर्वज्ञोऽसि महामते । केयं शक्तिः कुतो जाता किं प्रभावा वदस्व तत्

pṛcchāmastvāṁ mahābhāga sarvajño'si mahāmate keyaṁ śaktiḥ kuto jātā kiṁ prabhāvā vadasva tat

We ask you, O fortunate one — you are all-knowing, O wise one: who is this Power, whence did she arise, and what is her power? Tell us this.

Verse 32 (devibhagavatam.3.24.32)

भव त्वं नौश्च संसारे साधवोऽति दयापराः । तस्मान्नो वद काकुत्स्थ देवीमाहात्म्यमुत्तमम्

bhava tvaṁ nauśca saṁsāre sādhavo'ti dayāparāḥ tasmānno vada kākutstha devīmāhātmyamuttamam

Be our boat in this ocean of worldly existence — the virtuous are ever compassionate; therefore, O descendant of Kakutstha, tell us the supreme glory of the Goddess.

Verse 33 (devibhagavatam.3.24.33)

यत्प्रभावा च सा देवी यत्स्वरुपा यदुद्भवा । सत्सर्वं श्रोतुमिच्छामस्त्वं ब्रूहि नृवरोत्तम

yatprabhāvā ca sā devī yatsvarupā yadudbhavā satsarvaṁ śrotumicchāmastvaṁ brūhi nṛvarottama

What her power is, what her true form, what her origin — all this truth we desire to hear; tell us, O foremost of men."

Verse 34 (devibhagavatam.3.24.34)

व्यास उवाच । इति पृष्टस्तदा तैस्तु ध्रुवसन्धिसुतो नृपः । विचिन्त्य मनसा देवीं तानुवाच मुदान्वितः

vyāsa uvāca iti pṛṣṭastadā taistu dhruvasandhisuto nṛpaḥ vicintya manasā devīṁ tānuvāca mudānvitaḥ

Vyasa said: Thus questioned by them, King Sudarshana, son of Dhruvasandhi, contemplating the Goddess in his mind, spoke to them, filled with joy:

Verse 35 (devibhagavatam.3.24.35)

सुदर्शन उवाच । किं ब्रवीमि महीपालास्तस्याश्चरितमुत्तमम् । ब्रह्मादयो न जानन्ति सेशाः सुरगणास्तथा

sudarśana uvāca kiṁ bravīmi mahīpālāstasyāścaritamuttamam brahmādayo na jānanti seśāḥ suragaṇāstathā

Sudarshana said: "What shall I tell, O kings, of her most excellent deeds and glory? Even Brahma and the rest, and all the remaining hosts of gods, do not fully know them.

Verse 36 (devibhagavatam.3.24.36)

सर्वस्याद्या महालक्ष्मीर्वरेण्या शक्तिरुत्तमा । सात्त्विकीयं महीपाला जगत्पालनतत्परा

sarvasyādyā mahālakṣmīrvareṇyā śaktiruttamā sāttvikīyaṁ mahīpālā jagatpālanatatparā

She is the primal one of all, the great Lakshmi, the most excellent and adorable Power; in her sattvic form, O kings, she is intent on sustaining the world.

Verse 37 (devibhagavatam.3.24.37)

सृजते या रजोरूपा सत्त्वरूपा च पालने । संहारे च तमोरूपा त्रिगुणा सा सदा मता

sṛjate yā rajorūpā sattvarūpā ca pālane saṁhāre ca tamorūpā triguṇā sā sadā matā

She who, in her rajasic form, creates, and in her sattvic form sustains, and in her tamasic form destroys — she is ever known as possessed of the three qualities.

Verse 38 (devibhagavatam.3.24.38)

निर्गुणा परमा शक्तिः सर्वकामफलप्रदा । सर्वेषां कारणं सा हि ब्रह्मादीनां नृपोत्तमाः

nirguṇā paramā śaktiḥ sarvakāmaphalapradā sarveṣāṁ kāraṇaṁ sā hi brahmādīnāṁ nṛpottamāḥ

Beyond qualities, she is the supreme Power, the bestower of the fruit of every desire; she indeed is the cause of all, even of Brahma and the other gods, O best of kings.

Verse 39 (devibhagavatam.3.24.39)

निर्गुणा सर्वथा ज्ञातुमशक्या योगिभिर्नृपाः । सगुणा सुखसेव्या सा चिन्तनीया सदा बुधैः

nirguṇā sarvathā jñātumaśakyā yogibhirnṛpāḥ saguṇā sukhasevyā sā cintanīyā sadā budhaiḥ

In her formless aspect, O kings, she is wholly impossible to know, even by yogis; in her form-possessing aspect, she is easily served in happiness, and always to be meditated upon by the wise.

Verse 40 (devibhagavatam.3.24.40)

राजान ऊचुः । बाल एव वनं प्राप्तस्त्वं तु नूनं भयातुरः । कथं ज्ञाता त्वया देवी परमा शक्तिरुत्तमा

rājāna ūcuḥ bāla eva vanaṁ prāptastvaṁ tu nūnaṁ bhayāturaḥ kathaṁ jñātā tvayā devī paramā śaktiruttamā

The kings said: "You came to the forest as a mere child, surely fearful — how, then, did you come to know the Goddess, that supreme and most excellent Power?

Verse 41 (devibhagavatam.3.24.41)

उपासिता कथं चैव पूजिता च कथं नृप । या प्रसन्ना तु साहाय्यं चकार त्वरयान्विता

upāsitā kathaṁ caiva pūjitā ca kathaṁ nṛpa yā prasannā tu sāhāyyaṁ cakāra tvarayānvitā

And how were they worshipped, O king, and how honored — she who, pleased, swiftly rendered you her aid?"

Verse 42 (devibhagavatam.3.24.42)

सुदर्शन उवाच । बालभावान्मया प्राप्तं बीजं तस्याः सुसम्मतम् । स्मरामि प्रजपन्नित्यं कामबीजाभिधं नृपाः

sudarśana uvāca bālabhāvānmayā prāptaṁ bījaṁ tasyāḥ susammatam smarāmi prajapannityaṁ kāmabījābhidhaṁ nṛpāḥ

Sudarshana said: "In my childhood, I obtained her most excellent seed-mantra; I constantly remember it, repeating it always, O kings — that called the Kama-bija.

Verse 43 (devibhagavatam.3.24.43)

ऋषिभिः कथ्यमाना सा मया ज्ञाताम्बिका शिवा । स्मरामि तां दिवारात्रं भक्त्या परमया पराम्

ṛṣibhiḥ kathyamānā sā mayā jñātāmbikā śivā smarāmi tāṁ divārātraṁ bhaktyā paramayā parām

Spoken of by the sages, that auspicious Mother, the supreme one, was made known to me; I remember her, day and night, with the highest devotion."

Verse 44 (devibhagavatam.3.24.44)

व्यास उवाच । तन्निशम्य वचस्तस्य राजानो भक्तितत्पराः । तां मत्वा परमां शक्तिं निर्ययुः स्वगृहान्प्रति

vyāsa uvāca tanniśamya vacastasya rājāno bhaktitatparāḥ tāṁ matvā paramāṁ śaktiṁ niryayuḥ svagṛhānprati

Vyasa said: Hearing his words, the kings, now intent on devotion, regarding her as the supreme Power, set out toward their own homes.

Verse 45 (devibhagavatam.3.24.45)

सुबाहुरगमत्काश्यां तमापृच्छ्य सुदर्शनम् । सुदर्शनोऽपि धर्मात्मा निर्ज्जगाम सुकोसलान्

subāhuragamatkāśyāṁ tamāpṛcchya sudarśanam sudarśano'pi dharmātmā nirjjagāma sukosalān

Subahu went back to Kashi, having taken leave of Sudarshana; and Sudarshana too, righteous of soul, departed for Kosala.

Verse 46 (devibhagavatam.3.24.46)

मन्त्रिणस्तु नृपं श्रुत्वा हतं शत्रुजितं मृधे । जितं सुदर्शनञ्चैव बभूवुः प्रेमसंयुताः

mantriṇastu nṛpaṁ śrutvā hataṁ śatrujitaṁ mṛdhe jitaṁ sudarśanañcaiva babhūvuḥ premasaṁyutāḥ

The ministers, hearing that Shatrujit had been slain in battle, and that Sudarshana had triumphed, were filled with affection.

Verse 47 (devibhagavatam.3.24.47)

आगच्छन्तं नृपं श्रुत्वा तं साकेतनिवासिनः । उपायनान्युपादाय प्रययुः सम्मुखे जनाः

āgacchantaṁ nṛpaṁ śrutvā taṁ sāketanivāsinaḥ upāyanānyupādāya prayayuḥ sammukhe janāḥ

Hearing that the king was coming, the inhabitants of Saketa went out to meet him, bringing gifts of welcome.

Verse 48 (devibhagavatam.3.24.48)

तथा प्रकृतयः सर्वे नानोपायनपाणयः । ध्रुवसन्धिसुतं दत्त्वा मुदिताः प्रययुः प्रजाः

tathā prakṛtayaḥ sarve nānopāyanapāṇayaḥ dhruvasandhisutaṁ dattvā muditāḥ prayayuḥ prajāḥ

Likewise all the subjects, their hands filled with various gifts, went forth rejoicing, giving them to the son of Dhruvasandhi.

Verse 49 (devibhagavatam.3.24.49)

स्त्रियोपसंयुतः सोऽथ प्राप्यायोध्यां सुदर्शनः । सम्मान्य सर्वलोकांश्च ययौ राजा निवेशनम्

striyopasaṁyutaḥ so'tha prāpyāyodhyāṁ sudarśanaḥ sammānya sarvalokāṁśca yayau rājā niveśanam

Then Sudarshana, accompanied by his wife, having reached Ayodhya, and honoring all the people, went as king to his palace.

Verse 50 (devibhagavatam.3.24.50)

वन्दिभिः स्तूयमानस्तु वन्द्यमानश्च मन्त्रिभिः । कन्याभिः कीर्यमाणश्च लाजैः सुमनसैस्तथा

vandibhiḥ stūyamānastu vandyamānaśca mantribhiḥ kanyābhiḥ kīryamāṇaśca lājaiḥ sumanasaistathā

Praised by bards, honored by ministers, showered by maidens with parched grain and flowers alike —