The Hymn to the Goddess Composed by Vishnu

Verse 1 (devibhagavatam.3.4.1)

ब्रह्मोवाच । इत्युक्त्वा भगवान्विष्णुः पुनराह जनार्दनः । वयं गच्छेम पार्श्वेऽस्याः प्रणमन्तः पुनः पुनः

brahmovāca ityuktvā bhagavānviṣṇuḥ punarāha janārdanaḥ vayaṁ gacchema pārśve'syāḥ praṇamantaḥ punaḥ punaḥ

Brahma said: Having said this, the blessed Vishnu, Janardana, spoke again: "Let us go to her side, bowing again and again."

Verse 2 (devibhagavatam.3.4.2)

सेयं वरा महामाया दास्यत्येषा वरान् हि नः । स्तुवामः सन्निधिं प्राप्य निर्भयाश्चरणान्तिके

seyaṁ varā mahāmāyā dāsyatyeṣā varān hi naḥ stuvāmaḥ sannidhiṁ prāpya nirbhayāścaraṇāntike

"This excellent Mahamaya will surely grant us boons; let us, reaching her presence, praise her fearlessly near her feet."

Verse 3 (devibhagavatam.3.4.3)

यदि नो वारयिष्यन्ति द्वारस्थाः परिचारकाः । पठिष्यामश्च तत्रस्थाः स्तुतिं देव्याः समाहिताः

yadi no vārayiṣyanti dvārasthāḥ paricārakāḥ paṭhiṣyāmaśca tatrasthāḥ stutiṁ devyāḥ samāhitāḥ

"If the attendants stationed at the door should stop us, we shall stand there and recite, with focused mind, a hymn of praise to the Goddess."

Verse 4 (devibhagavatam.3.4.4)

ब्रह्मोवाच । इत्युक्ते हरिणा वाक्ये सुप्रहृष्टौ सुसंस्थितौ । जातौ प्रमुदितौ कामं निकटे गमनाय च

brahmovāca ityukte hariṇā vākye suprahṛṣṭau susaṁsthitau jātau pramuditau kāmaṁ nikaṭe gamanāya ca

Brahma said: When Hari had spoken these words, the two of us became greatly delighted and composed, exceedingly joyful, ready to go near her.

Verse 5 (devibhagavatam.3.4.5)

ओमित्युक्त्वा हरिं सर्वे विमानात्त्वरितास्त्रयः । उत्तीर्य निर्गता द्वारि शङ्कमाना मनस्यलम्

omityuktvā hariṁ sarve vimānāttvaritāstrayaḥ uttīrya nirgatā dvāri śaṅkamānā manasyalam

Saying "Om" to Hari, all three of us swiftly descended from the chariot and came out at the door, filled with apprehension in our minds.

Verse 6 (devibhagavatam.3.4.6)

द्वारस्थान् वीक्ष्य तान्सर्वान्देवी भगवती तदा । स्मितं कृत्वा चकाराशु तांस्त्रीन्स्त्रीरूपधारिणः

dvārasthān vīkṣya tānsarvāndevī bhagavatī tadā smitaṁ kṛtvā cakārāśu tāṁstrīnstrīrūpadhāriṇaḥ

Seeing us all standing at the door, the blessed Goddess then smiled and swiftly turned the three of us into bearers of feminine form.

Verse 7 (devibhagavatam.3.4.7)

वयं युवतयो जाताः सुरूपाश्चारुभूषणाः । विस्मयै परमं प्राप्ता गतास्तत्सन्निधिं पुनः

vayaṁ yuvatayo jātāḥ surūpāścārubhūṣaṇāḥ vismayai paramaṁ prāptā gatāstatsannidhiṁ punaḥ

We became young women, of beautiful form, charmingly adorned; struck with the greatest astonishment, we went again into her presence.

Verse 8 (devibhagavatam.3.4.8)

सा दृष्ट्वा नः स्थितांस्तत्र स्त्रीरूपांश्चरणान्तिके । व्यलोकयत चार्वङ्गी प्रेमसम्पूर्णया दृशा

sā dṛṣṭvā naḥ sthitāṁstatra strīrūpāṁścaraṇāntike vyalokayata cārvaṅgī premasampūrṇayā dṛśā

Seeing us standing there, in female form, near her feet, that lovely-limbed one looked upon us with a glance full of love.

Verse 9 (devibhagavatam.3.4.9)

प्रणम्य तां महादेवीं पुरतः संस्थिता वयम् । परस्परं लोकयन्तः स्त्रीरूपाश्चारुभूषणाः

praṇamya tāṁ mahādevīṁ purataḥ saṁsthitā vayam parasparaṁ lokayantaḥ strīrūpāścārubhūṣaṇāḥ

Bowing to that great Goddess, we stood before her, looking at one another, in feminine forms and lovely ornaments.

Verse 10 (devibhagavatam.3.4.10)

पादपीठं प्रेक्षमाणा नानामणिविभूषितम् । सूर्यकोटिप्रतीकाशं स्थितास्तत्र वयं त्रयः

pādapīṭhaṁ prekṣamāṇā nānāmaṇivibhūṣitam sūryakoṭipratīkāśaṁ sthitāstatra vayaṁ trayaḥ

We three stood there, gazing at her footstool, adorned with various gems, blazing like a myriad suns.

Verse 11 (devibhagavatam.3.4.11)

काश्चिद्रक्ताम्बरास्तत्र सहचर्यः सहस्रशः । काश्चिन्नीलाम्बरा नार्यस्तथा पीताम्बराः शुभाः

kāścidraktāmbarāstatra sahacaryaḥ sahasraśaḥ kāścinnīlāmbarā nāryastathā pītāmbarāḥ śubhāḥ

There, among her thousands of companions, some were clad in red garments, some women in blue, and others, auspicious, in yellow.

Verse 12 (devibhagavatam.3.4.12)

देव्यः सर्वाः शुभाकारा विचित्राम्बरभूषणाः । विरेजुः पार्श्वतस्तस्याः परिचर्यापराः किल

devyaḥ sarvāḥ śubhākārā vicitrāmbarabhūṣaṇāḥ virejuḥ pārśvatastasyāḥ paricaryāparāḥ kila

All these goddesses, of auspicious form, with varied garments and ornaments, shone forth at her side, devoted indeed to her service.

Verse 13 (devibhagavatam.3.4.13)

जगुश्च ननृतुश्चान्याः पर्युपासन्त ताः स्त्रियः । वीणामारुतवाद्यानि वादयन्तो मुदान्विताः

jaguśca nanṛtuścānyāḥ paryupāsanta tāḥ striyaḥ vīṇāmārutavādyāni vādayanto mudānvitāḥ

Some of these women sang, others danced, and others attended upon her, playing on vinas and wind-instruments, filled with delight.

Verse 14 (devibhagavatam.3.4.14)

शृणु नारद वक्ष्यामि यद्दृष्टं तत्र चाद्भुतम् । नखदर्पणमध्ये वै देव्याश्चरणपङ्कजे

śṛṇu nārada vakṣyāmi yaddṛṣṭaṁ tatra cādbhutam nakhadarpaṇamadhye vai devyāścaraṇapaṅkaje

Listen, O Narada — I shall tell you the wonder I saw there: within the mirror-like nails of the Goddess's lotus feet,

Verse 15 (devibhagavatam.3.4.15)

ब्रह्माण्डमखिलं सर्वं तत्र स्थावरजङ्गमम् । अहं विष्णुश्च रुद्रश्च वायुरग्निर्यमो रविः

brahmāṇḍamakhilaṁ sarvaṁ tatra sthāvarajaṅgamam ahaṁ viṣṇuśca rudraśca vāyuragniryamo raviḥ

— the entire cosmic egg, all that moves and is unmoving; myself, and Vishnu, and Rudra, and Vayu, Agni, Yama, the Sun,

Verse 16 (devibhagavatam.3.4.16)

वरुणः शीतगुस्त्वष्टा कुबेरः पाकशासनः । पर्वताः सागरा नद्यो गन्धर्वाप्सरसस्तथा

varuṇaḥ śītagustvaṣṭā kuberaḥ pākaśāsanaḥ parvatāḥ sāgarā nadyo gandharvāpsarasastathā

— Varuna, the cool-rayed moon, Tvashtr, Kubera, Indra, the mountains, the oceans, the rivers, and the gandharvas and apsaras likewise,

Verse 17 (devibhagavatam.3.4.17)

विश्वावसुश्चित्रकेतुः श्वेतश्चित्राङ्गदस्तथा । नारदस्तुम्बुरुश्चैव हाहाहूहूस्तथैव च

viśvāvasuścitraketuḥ śvetaścitrāṅgadastathā nāradastumburuścaiva hāhāhūhūstathaiva ca

— Vishvavasu, Chitraketu, Shveta, Chitrangada likewise, Narada and Tumburu, and Haha and Huhu as well,

Verse 18 (devibhagavatam.3.4.18)

अश्विनौ वसवः साध्याः सिद्धाश्च पितरस्तथा । नागाः शेषादयः सर्वे किन्नरोरगराक्षसाः

aśvinau vasavaḥ sādhyāḥ siddhāśca pitarastathā nāgāḥ śeṣādayaḥ sarve kinnaroragarākṣasāḥ

— the two Ashvins, the Vasus, the Sadhyas, the Siddhas, and the ancestors likewise, all the nagas headed by Shesha, the kinnaras, the serpents, and the rakshasas,

Verse 19 (devibhagavatam.3.4.19)

वैकुण्ठो ब्रह्मलोकश्च कैलासः पर्वतोत्तमः । सर्वं तदखिलं दृष्टं नखमध्यस्थितं च नः

vaikuṇṭho brahmalokaśca kailāsaḥ parvatottamaḥ sarvaṁ tadakhilaṁ dṛṣṭaṁ nakhamadhyasthitaṁ ca naḥ

— Vaikuntha, and Brahmaloka, and Kailasa, the supreme mountain — all of this entirety we saw, present within her nail.

Verse 20 (devibhagavatam.3.4.20)

मज्जन्मपङ्कजं तत्र स्थितोऽहं चतुराननः । शेषशायी जगन्नाथस्तथा च मधुकैटभौ

majjanmapaṅkajaṁ tatra sthito'haṁ caturānanaḥ śeṣaśāyī jagannāthastathā ca madhukaiṭabhau

There, the lotus of my own birth, and I myself, four-faced, standing upon it; and the lord of the universe reclining on Shesha; and Madhu and Kaitabha as well.

Verse 21 (devibhagavatam.3.4.21)

ब्रह्मोवाच । एवं दृष्टं मया तत्र पादपद्मनखे स्थितम् । विस्मतोऽहं ततो वीक्ष्य किमेतदिति शङ्कितः

brahmovāca evaṁ dṛṣṭaṁ mayā tatra pādapadmanakhe sthitam vismato'haṁ tato vīkṣya kimetaditi śaṅkitaḥ

Brahma said: Thus I saw, standing there in the nail of her lotus foot, everything; astonished at seeing this, I wondered, "What is this?"

Verse 22 (devibhagavatam.3.4.22)

विष्णुश्च विस्मयाविष्टः शङ्करश्च तथा स्थितः । तां तदा मेनिरे देवीं वयं विश्वस्य मातरम्

viṣṇuśca vismayāviṣṭaḥ śaṅkaraśca tathā sthitaḥ tāṁ tadā menire devīṁ vayaṁ viśvasya mātaram

Vishnu too was overcome with amazement, and Shankara stood likewise astonished; then we recognized that Goddess as the mother of the universe.

Verse 23 (devibhagavatam.3.4.23)

ततो वर्षशतं पूर्णं व्यतिक्रान्तं प्रपश्यतः । सुधामये शिवे द्वीपे विहारं विविधं तदा

tato varṣaśataṁ pūrṇaṁ vyatikrāntaṁ prapaśyataḥ sudhāmaye śive dvīpe vihāraṁ vividhaṁ tadā

Then, while we watched various forms of play there on that auspicious island of nectar, a full hundred years passed by.

Verse 24 (devibhagavatam.3.4.24)

सख्य इव तदा तत्र मेनिरेऽस्मानवस्थितान् । देव्यः प्रमुदिताकारा नानाभरणमण्डिताः

sakhya iva tadā tatra menire'smānavasthitān devyaḥ pramuditākārā nānābharaṇamaṇḍitāḥ

The goddesses there, of joyful appearance, adorned with various ornaments, then regarded us, as we stood there, as if we were their companions.

Verse 25 (devibhagavatam.3.4.25)

वयमप्यतिरम्यत्वाद्बभूविम विमोहिताः । प्रहृष्टमनसः सर्वे पश्यन्भावान्मनोरमान्

vayamapyatiramyatvādbabhūvima vimohitāḥ prahṛṣṭamanasaḥ sarve paśyanbhāvānmanoramān

We too, because of the extreme loveliness of that place, became enraptured; all of us, glad at heart, beheld those enchanting scenes.

Verse 26 (devibhagavatam.3.4.26)

एकदा तां महादेवीं देवीं श्रीभुवनेश्वरीम् । तुष्टाव भगवान्विष्णुर्युवतीभावसंस्थितः

ekadā tāṁ mahādevīṁ devīṁ śrībhuvaneśvarīm tuṣṭāva bhagavānviṣṇuryuvatībhāvasaṁsthitaḥ

On one occasion, the blessed Vishnu, still remaining in the state of a young woman, praised that great Goddess, Shri Bhuvaneshvari.

Verse 27 (devibhagavatam.3.4.27)

श्रीभगवानुवाच । नमो देव्यै प्रकृत्यै च विधात्र्यै सततं नमः । कल्याणै कामदायै च वृद्।ह्ध्यै सिद्।ह्ध्यै नमो नमः

śrībhagavānuvāca namo devyai prakṛtyai ca vidhātryai satataṁ namaḥ kalyāṇai kāmadāyai ca vṛd|hdhyai sid|hdhyai namo namaḥ

The blessed lord said: "Salutation to the Goddess, to Prakriti, and ever salutation to the Ordainer; salutation, salutation to the auspicious one, the giver of desires, to Growth, to Accomplishment.

Verse 28 (devibhagavatam.3.4.28)

सच्चिदानन्दरूपिण्यै संसारारणये नमः । पञ्चकृत्यविधात्र्यै ते भुवनेश्यै नमो नमः

saccidānandarūpiṇyai saṁsārāraṇaye namaḥ pañcakṛtyavidhātryai te bhuvaneśyai namo namaḥ

"Salutation to her who is of the form of being-consciousness-bliss, to the wildfire that consumes worldly existence; salutation, salutation to you, Bhuvaneshi, the ordainer of the five cosmic acts.

Verse 29 (devibhagavatam.3.4.29)

सर्वाधिष्टानरूपायै कूटस्थायै नमो नमः । अर्धमात्रार्थभूतायै हृल्लेखायै नमो नमः

sarvādhiṣṭānarūpāyai kūṭasthāyai namo namaḥ ardhamātrārthabhūtāyai hṛllekhāyai namo namaḥ

"Salutation, salutation to her who is the very substratum of all, who stands immovable at the summit; salutation, salutation to Hrillekha, who has become the meaning of the half-syllable.

Verse 30 (devibhagavatam.3.4.30)

ज्ञातं मयाऽखिलमिदं त्वयि सन्निविष्टं त्वत्तोऽस्य सम्भवलयावपि मातरद्य । शक्तिश्च तेऽस्य करणे विततप्रभावा ज्ञाताऽधुना सकललोकमयीति नूनम्

jñātaṁ mayā'khilamidaṁ tvayi sanniviṣṭaṁ tvatto'sya sambhavalayāvapi mātaradya śaktiśca te'sya karaṇe vitataprabhāvā jñātā'dhunā sakalalokamayīti nūnam

"I have now understood that this entire universe rests within you; from you comes its origin and its dissolution too, O mother, this day. And your power, of vast might, in bringing it about, is now known indeed to pervade every world.

Verse 31 (devibhagavatam.3.4.31)

विस्तार्य सर्वमखिलं सदसद्विकारं सन्दर्शयस्यविकलं पुरुषाय काले । तत्त्वैश्च षोडशभिरेव च सप्तभिश्च भासीन्द्रजालमिव नः किल रञ्जनाय

vistārya sarvamakhilaṁ sadasadvikāraṁ sandarśayasyavikalaṁ puruṣāya kāle tattvaiśca ṣoḍaśabhireva ca saptabhiśca bhāsīndrajālamiva naḥ kila rañjanāya

"Having spread out this entire transformation, both real and unreal, you show it whole to the Purusha in time; through the sixteen and the seven elements, you shine forth to us, indeed, like a magic show, for our delight.

Verse 32 (devibhagavatam.3.4.32)

न त्वामृते किमपि वस्तुगतं विभाति व्याप्यैव सर्वमखिलं त्वमवस्थिताऽसि । शक्तिं विना व्यवहृतो पुरुषोऽप्यशक्तो वम्भण्यते जननि बुद्धिमता जनेन

na tvāmṛte kimapi vastugataṁ vibhāti vyāpyaiva sarvamakhilaṁ tvamavasthitā'si śaktiṁ vinā vyavahṛto puruṣo'pyaśakto vambhaṇyate janani buddhimatā janena

"Without you, no substance whatsoever shines forth; pervading all entirely, you alone abide. Without Shakti, the Purusha, though set to work, is declared powerless by wise people, O mother.

Verse 33 (devibhagavatam.3.4.33)

प्रीणासि विश्वमखिलं सततं प्रभावैः स्वैस्तेजसा च सकलं प्रकटीकरोषि । अत्स्येव देवि तरसा किल कल्पकाले को वेद देवि चरितं तव वै भवस्य

prīṇāsi viśvamakhilaṁ satataṁ prabhāvaiḥ svaistejasā ca sakalaṁ prakaṭīkaroṣi atsyeva devi tarasā kila kalpakāle ko veda devi caritaṁ tava vai bhavasya

"You ever delight the entire universe with your powers, and by your own splendour you manifest it wholly. And at the time of dissolution, O Goddess, you swiftly devour it, as it were. Who indeed knows your doings, O Goddess, nor even those of Shiva?"

Verse 34 (devibhagavatam.3.4.34)

त्राता वयं जननि ते मधुकैटभाभ्यां लोकाश्च ते सुवितताः खलु दर्शिता वै । नीताः सुखस्य भवने परमां च कोटिं यद्दर्शनं तव भवानि महाप्रभावम्

trātā vayaṁ janani te madhukaiṭabhābhyāṁ lokāśca te suvitatāḥ khalu darśitā vai nītāḥ sukhasya bhavane paramāṁ ca koṭiṁ yaddarśanaṁ tava bhavāni mahāprabhāvam

"We have been saved by you, O mother, from Madhu and Kaitabha; and your vastly extended worlds have indeed been shown to us; we have been brought to the very summit of the abode of bliss — this vision of you, O Bhavani, is of the greatest majesty.

Verse 35 (devibhagavatam.3.4.35)

नाहं भवो न च विरिञ्चि विवेद मातः कोऽन्यो हि वेत्ति चरितं तव दुर्विभाव्यम् । कानीह सन्ति भुवनानि महाप्रभावे ह्यस्मिन्भवानि रचिते रचनाकलापे

nāhaṁ bhavo na ca viriñci viveda mātaḥ ko'nyo hi vetti caritaṁ tava durvibhāvyam kānīha santi bhuvanāni mahāprabhāve hyasminbhavāni racite racanākalāpe

"Neither I, nor Shiva, nor Brahma knows you, O mother — who else, indeed, could understand your doings, so hard to comprehend? What worlds indeed exist, O great and mighty Bhavani, in this array of creation you have fashioned?

Verse 36 (devibhagavatam.3.4.36)

अस्माभिरत्र भुवने हरिरन्य एव दृष्टः शिवः कमलजः प्रथितप्रभावः । अन्येषु देवि भुवनेपु न सन्ति किं ते किं विद्म देवि विततं तव सुप्रभावम्

asmābhiratra bhuvane hariranya eva dṛṣṭaḥ śivaḥ kamalajaḥ prathitaprabhāvaḥ anyeṣu devi bhuvanepu na santi kiṁ te kiṁ vidma devi vitataṁ tava suprabhāvam

"In this world we have seen another Hari, another Shiva, another lotus-born Brahma of widely-renowned glory — are there not others like them in other worlds, O Goddess? What do we know of your vast and glorious power, O Goddess?

Verse 37 (devibhagavatam.3.4.37)

याचेऽम्ब तेऽङ्घ्रिकमलं प्रणिपत्य कामं चित्ते सदा वसतु रूपमिदं तवैतत् । नामापि वक्त्रकुहरे सततं तवैव सन्दर्शनं तव पदाम्बुजयोः सदैव

yāce'mba te'ṅghrikamalaṁ praṇipatya kāmaṁ citte sadā vasatu rūpamidaṁ tavaitat nāmāpi vaktrakuhare satataṁ tavaiva sandarśanaṁ tava padāmbujayoḥ sadaiva

"Bowing down, O mother, I earnestly beg of your lotus feet: may this very form of yours ever dwell in my heart, and may your very name ever remain in the hollow of my mouth, and may I ever have a constant vision of your lotus feet.

Verse 38 (devibhagavatam.3.4.38)

भृत्योऽयमस्ति सततं मयि भावनीयं त्वां स्वामिनीति मनसा ननु चिन्तयामि । एषाऽऽवयोरविरता किल देवि भूयाद्व्याप्तिः सदैव जननी सुतयोरिवार्थे

bhṛtyo'yamasti satataṁ mayi bhāvanīyaṁ tvāṁ svāminīti manasā nanu cintayāmi eṣā''vayoraviratā kila devi bhūyādvyāptiḥ sadaiva jananī sutayorivārthe

"This one, myself, is ever your servant — this must be borne in mind. I think of you, indeed, in my mind, as my mistress. May this unbroken bond between us, O Goddess, ever remain, like that between a mother and her son.

Verse 39 (devibhagavatam.3.4.39)

त्वं वेत्सि सर्वमखिलं भुवनप्रपञ्चं सर्वज्ञता परिसमाप्तिनितान्तभूमिः । किं पामरेण जगदम्ब निवेदनीयं यद्युक्तमाचर भवानि तवेङ्गितं स्यात्

tvaṁ vetsi sarvamakhilaṁ bhuvanaprapañcaṁ sarvajñatā parisamāptinitāntabhūmiḥ kiṁ pāmareṇa jagadamba nivedanīyaṁ yadyuktamācara bhavāni taveṅgitaṁ syāt

"You know the entire manifold universe in full; you are the very perfected ground of omniscience. What need has a wretched being like me to petition you, O mother of the world? Whatever is fitting, do it, Bhavani, according to your own will.

Verse 40 (devibhagavatam.3.4.40)

ब्रह्मा सृजत्यवति विष्णुरुमापतिश्च संहारकारक इयं तु जने प्रसिद्धिः । किं सत्यमेतदपि देवि तवेच्छया वै कर्तुं क्षमा वयमजे तव शक्तियुक्ताः

brahmā sṛjatyavati viṣṇurumāpatiśca saṁhārakāraka iyaṁ tu jane prasiddhiḥ kiṁ satyametadapi devi tavecchayā vai kartuṁ kṣamā vayamaje tava śaktiyuktāḥ

"'Brahma creates, Vishnu preserves, and the husband of Uma destroys' — this indeed is the common belief among people. Is this true, O Goddess — that it is only by your will, O unborn one, that we, endowed with your power, are able to act at all?

Verse 41 (devibhagavatam.3.4.41)

धात्री धराधरसुते न जगद्बिभर्ति आधारशक्तिरखिलं तव वै बिभर्ति । सूर्योऽपि भाति वरदे प्रभया युतस्ते त्वं सर्वमेतदखिलं विरजा विभासि

dhātrī dharādharasute na jagadbibharti ādhāraśaktirakhilaṁ tava vai bibharti sūryo'pi bhāti varade prabhayā yutaste tvaṁ sarvametadakhilaṁ virajā vibhāsi

"The earth, O daughter of the mountain, does not itself support the world; it is your own supporting power that sustains all. Even the sun, O granter of boons, shines only endowed with your radiance; you, stainless one, illumine this entire universe.

Verse 42 (devibhagavatam.3.4.42)

ब्रह्माऽहमीश्वरवरः किल ते प्रभावात्सर्वे वयं जनियुता न यदा तु नित्याः । केऽन्ये सुराः शतमखप्रमुखाश्च नित्या नित्या त्वमेव जननी प्रकृतिः पुराणा

brahmā'hamīśvaravaraḥ kila te prabhāvātsarve vayaṁ janiyutā na yadā tu nityāḥ ke'nye surāḥ śatamakhapramukhāśca nityā nityā tvameva jananī prakṛtiḥ purāṇā

"I, Brahma, the excellent lord — it is indeed by your power alone that I am so; we are all subject to birth, not eternal. What then of the other gods, headed by Shatamakha? They too are not eternal. You alone, O mother, the ancient Prakriti, are eternal.

Verse 43 (devibhagavatam.3.4.43)

त्वं चेद्भवानि दयसे पुरुषं पुराणं जानेऽहमद्य तव सन्निधिगः सदैव । नोचेदहं विभुरनादिरनीह ईशो विश्वात्मधीरिति तमःप्रकृतिः सदैव

tvaṁ cedbhavāni dayase puruṣaṁ purāṇaṁ jāne'hamadya tava sannidhigaḥ sadaiva nocedahaṁ vibhuranādiranīha īśo viśvātmadhīriti tamaḥprakṛtiḥ sadaiva

"If you, O Bhavani, show compassion to the ancient Purusha, then he is known, today and ever, as abiding in your presence. But if not, then he — mighty, beginningless, desireless, the lord — remains ever as one whose mind is of the very nature of darkness, merely imagining himself the soul of the universe.

Verse 44 (devibhagavatam.3.4.44)

विद्या त्वमेव ननु बुद्धिमतां नराणां शक्तिस्त्वमेव किल शक्तिमतां सदैव । त्वं कीर्तिकान्तिकमलामलतुष्टिरूपा मुक्तिप्रदा विरतिरेव मनुष्यलोके

vidyā tvameva nanu buddhimatāṁ narāṇāṁ śaktistvameva kila śaktimatāṁ sadaiva tvaṁ kīrtikāntikamalāmalatuṣṭirūpā muktipradā viratireva manuṣyaloke

"You alone, indeed, are the knowledge of intelligent men; you alone are ever the power of the powerful. You are Fame, Beauty, the stainless Lotus, Contentment in form; you are the giver of liberation, and Dispassion itself, in the world of men.

Verse 45 (devibhagavatam.3.4.45)

गायत्र्यसि प्रथमवेदकला त्वमेव स्वाहा स्वधा भगवती सगुणार्धमात्रा । आम्नाय एव विहितो निगमो भवत्यै सञ्जीवनाय सततं सुरपूर्वजानाम्

gāyatryasi prathamavedakalā tvameva svāhā svadhā bhagavatī saguṇārdhamātrā āmnāya eva vihito nigamo bhavatyai sañjīvanāya satataṁ surapūrvajānām

"You are the Gayatri, you alone are the foremost portion of the Veda; you are Svaha, Svadha, the blessed one, the half-syllable possessed of quality. The scriptural tradition, the Veda itself, has been ordained for you, ever for the revival of the ancients of the gods.

Verse 46 (devibhagavatam.3.4.46)

मोक्षार्थमेव रचयस्यखिलं प्रपञ्चं तेषां गताः खलु यतो ननु जीवभावम् । अंशा अनादिनिधनस्य किलानघस्य पूर्णार्णवस्य वितता हि यथा तरङ्गाः

mokṣārthameva racayasyakhilaṁ prapañcaṁ teṣāṁ gatāḥ khalu yato nanu jīvabhāvam aṁśā anādinidhanasya kilānaghasya pūrṇārṇavasya vitatā hi yathā taraṅgāḥ

"You fashion this entire manifold universe solely for the sake of liberation, for those who have entered the state of individual souls — who are truly portions of the beginningless and endless, sinless, full ocean, spread out just as waves spread out from the sea.

Verse 47 (devibhagavatam.3.4.47)

जीवो यदा तु परिवेत्ति तवैव कृत्यं त्वं संहरस्यखिलमेतदिति प्रसिद्धम् । नाट्यं नटेन रचितं वितथेऽन्तरङ्गे कार्ये कृते विरमसे प्रथितप्रभावा

jīvo yadā tu parivetti tavaiva kṛtyaṁ tvaṁ saṁharasyakhilametaditi prasiddham nāṭyaṁ naṭena racitaṁ vitathe'ntaraṅge kārye kṛte viramase prathitaprabhāvā

"But when the soul comes to fully understand that this is entirely your own doing, you then withdraw all of it — this is well known — as a drama enacted by an actor: once its false inner performance has run its course, you, of widely-renowned power, come to rest, the task being done.

Verse 48 (devibhagavatam.3.4.48)

त्राता त्वमेव मम मोहमयाद्भवाब्धेस्त्वामम्बिके सततमेमि महार्तिदे च । रागादिभिर्विरचिते वितथे किलान्ते मामेव पाहि बहुदुःखकरे च काले

trātā tvameva mama mohamayādbhavābdhestvāmambike satatamemi mahārtide ca rāgādibhirviracite vitathe kilānte māmeva pāhi bahuduḥkhakare ca kāle

"You alone are my saviour from this ocean of worldly existence made of delusion; I go to you always, O mother, O giver of great gain, at this false end fashioned by passion and the rest — protect me, in this time that brings so much sorrow."

Verse 49 (devibhagavatam.3.4.49)

नमो देवि महाविद्ये नमामि चरणौ तव । सदा ज्ञानप्रकाशं मे देहि सर्वार्थदे शिवे

namo devi mahāvidye namāmi caraṇau tava sadā jñānaprakāśaṁ me dehi sarvārthade śive

"Salutation, O Goddess, O great Vidya; I bow to your two feet. Ever grant me the light of knowledge, O auspicious one, giver of every good."