Description of Jayanti's Cohabitation with Shukra

Verse 1 (devibhagavatam.4.12.1)

व्यास उवाच । तं दृष्ट्वा तु वधं घोरं चुक्रोध भगवान्भृगुः । वेपमानोऽतिदुःखार्तः प्रोवाच मधुसूदनम्

vyāsa uvāca taṁ dṛṣṭvā tu vadhaṁ ghoraṁ cukrodha bhagavānbhṛguḥ vepamāno'tiduḥkhārtaḥ provāca madhusūdanam

Vyasa said: Seeing that terrible slaying, the illustrious Bhrigu grew furious; trembling, and afflicted with deep sorrow, he spoke to Madhusudana.

Verse 2 (devibhagavatam.4.12.2)

भृगुरुवाच । अकृत्यं ते कृतं विष्णो जानन्पापं महामते । वधोऽयं विप्रजाताया मनसा कर्तुमक्षमः

bhṛguruvāca akṛtyaṁ te kṛtaṁ viṣṇo jānanpāpaṁ mahāmate vadho'yaṁ viprajātāyā manasā kartumakṣamaḥ

Bhrigu said: You have done a wicked deed, O Vishnu, knowing it to be sinful, O sage of great wisdom. This killing of a brahmin's wife is a thing not even to be conceived of in the mind.

Verse 3 (devibhagavatam.4.12.3)

आख्यातस्त्वं सत्त्वगुणः स्मृतो ब्रह्मा च राजसः । तथासौ तामसः शम्भुर्विपरीतं कथं स्मृतम्

ākhyātastvaṁ sattvaguṇaḥ smṛto brahmā ca rājasaḥ tathāsau tāmasaḥ śambhurviparītaṁ kathaṁ smṛtam

You are declared to be of the sattva guna; Brahma is remembered as rajasic; and Shambhu as tamasic — but how has this now come to appear reversed?

Verse 4 (devibhagavatam.4.12.4)

तामसस्त्वं कथं जातः कृतं कर्मातिनिन्दितम् । अवध्या स्त्री त्वया विष्णो हता कस्मान्निरागसा

tāmasastvaṁ kathaṁ jātaḥ kṛtaṁ karmātininditam avadhyā strī tvayā viṣṇo hatā kasmānnirāgasā

How have you become tamasic? You have done an extremely reprehensible deed. A woman who should never be slain has been killed by you, O Vishnu — and why, when she had done no offense?

Verse 5 (devibhagavatam.4.12.5)

शपामि त्वां दुराचारं किमन्यत्प्रकरोमि ते । विधुरोऽहं कृतः पाप त्वयाहं शक्रकारणात्

śapāmi tvāṁ durācāraṁ kimanyatprakaromi te vidhuro'haṁ kṛtaḥ pāpa tvayāhaṁ śakrakāraṇāt

I curse you, O one of wicked conduct — what else can I do to you? O sinner, it is on account of Indra that you have made me a widower.

Verse 6 (devibhagavatam.4.12.6)

न शपेऽहं तथा शक्रं शपे त्वां मधुसूदन । सदा छलपरोऽसि त्वं कीटयोनिर्दुराशयः

na śape'haṁ tathā śakraṁ śape tvāṁ madhusūdana sadā chalaparo'si tvaṁ kīṭayonirdurāśayaḥ

I do not curse Indra as I curse you, Madhusudana. You are ever given to deceit, O evil-minded one — may you take birth in an insect womb!

Verse 7 (devibhagavatam.4.12.7)

ये च त्वां सात्त्विकं प्राहुस्ते मूर्खा मुनयः किल । तामसस्त्वं दुराचारः प्रत्यक्षं मे जनार्दन

ye ca tvāṁ sāttvikaṁ prāhuste mūrkhā munayaḥ kila tāmasastvaṁ durācāraḥ pratyakṣaṁ me janārdana

Those sages who call you sattvic are indeed fools. You are tamasic and of wicked conduct — this is plain before me, O Janardana.

Verse 8 (devibhagavatam.4.12.8)

अवतारा मृत्युलोके सन्तु मच्छापसम्भवाः । प्रायो गर्भभवं दुःखं भुङ्क्ष्व पापाज्जनार्दन

avatārā mṛtyuloke santu macchāpasambhavāḥ prāyo garbhabhavaṁ duḥkhaṁ bhuṅkṣva pāpājjanārdana

May your incarnations in the mortal world arise from this curse of mine! O Janardana, because of this sin, suffer, again and again, the pain of the womb!

Verse 9 (devibhagavatam.4.12.9)

व्यास उवाच । ततस्तेनाथ शापेन नष्टे धर्मे पुनः पुनः । लोकस्य च हितार्थाय जायते मानुषेष्विह

vyāsa uvāca tatastenātha śāpena naṣṭe dharme punaḥ punaḥ lokasya ca hitārthāya jāyate mānuṣeṣviha

Vyasa said: Because of that curse, whenever dharma is destroyed again and again, for the welfare of the people he takes birth here among men.

Verse 10 (devibhagavatam.4.12.10)

राजोवाच । भूगुभार्या हता तत्र चक्रेणामिततेजसा । गार्हस्थ्यञ्च पुनस्तस्य कथं जातं महात्मनः

rājovāca bhūgubhāryā hatā tatra cakreṇāmitatejasā gārhasthyañca punastasya kathaṁ jātaṁ mahātmanaḥ

The king said: Bhrigu's wife was slain there by the discus of boundless splendor — how, then, did the household life of that great soul come about again?

Verse 11 (devibhagavatam.4.12.11)

व्यास उवाच । इति शप्त्वा हरिं रोषात्तदादाय शिरस्त्वरन् । काये संयोज्य तरसा भृगुः प्रोवाच कार्यवित्

vyāsa uvāca iti śaptvā hariṁ roṣāttadādāya śirastvaran kāye saṁyojya tarasā bhṛguḥ provāca kāryavit

Vyasa said: Having thus cursed Hari in anger, and swiftly taking up her head and joining it to the body, Bhrigu, knowing what must be done, said —

Verse 12 (devibhagavatam.4.12.12)

अद्य त्वां विष्णुना देवि हतां सञ्जीवयाम्यहम् । यदि कृत्स्नो मया धर्मो ज्ञायते चरितोऽपि वा

adya tvāṁ viṣṇunā devi hatāṁ sañjīvayāmyaham yadi kṛtsno mayā dharmo jñāyate carito'pi vā

O goddess, slain by Vishnu — I shall today bring you back to life, if the whole of dharma has indeed been known and practiced by me.

Verse 13 (devibhagavatam.4.12.13)

तेन सत्येन जीवेत यदि सत्यं ब्रवीम्यहम् । पश्यन्तु देवताः सर्वा मम तेजोबलं महत्

tena satyena jīveta yadi satyaṁ bravīmyaham paśyantu devatāḥ sarvā mama tejobalaṁ mahat

By that very truth may you live again, if what I speak is true. Let all the gods witness this great power of my splendor.

Verse 14 (devibhagavatam.4.12.14)

अद्भिस्त्वां प्रोक्ष्य शीताभिर्जीवयामि तपोबलात् । सत्यं शौचं तथा वेदा यदि मे तपसो बलम्

adbhistvāṁ prokṣya śītābhirjīvayāmi tapobalāt satyaṁ śaucaṁ tathā vedā yadi me tapaso balam

Sprinkling you with cool water, I shall revive you by the power of my austerity — if truth, purity, and the Vedas are indeed the strength of that austerity.

Verse 15 (devibhagavatam.4.12.15)

व्यास उवाच । अद्भिः सम्प्रोक्षिता देवी सद्यः सञ्जीविता तदा । उत्थिता परमप्रीता भृगोर्भार्या शुचिस्मिता

vyāsa uvāca adbhiḥ samprokṣitā devī sadyaḥ sañjīvitā tadā utthitā paramaprītā bhṛgorbhāryā śucismitā

Vyasa said: Sprinkled with water, the goddess was at once revived; Bhrigu's wife, of pure smile, rose then, filled with the greatest joy.

Verse 16 (devibhagavatam.4.12.16)

ततस्तां सर्वभूतानि दृष्ट्वा सुप्तोत्थितामिव । साधु साध्विति तं तां तु तुष्टुवुः सर्वतो दिशम्

tatastāṁ sarvabhūtāni dṛṣṭvā suptotthitāmiva sādhu sādhviti taṁ tāṁ tu tuṣṭuvuḥ sarvato diśam

Then all beings, seeing her as though risen from sleep, praised the two of them from every direction, crying well done, well done.

Verse 17 (devibhagavatam.4.12.17)

एवं सञ्चीविता तेन भृगुणा वरवर्णिनी । विस्मयं परमं जग्मुर्देवाः सेन्द्रा विलोक्य तत्

evaṁ sañcīvitā tena bhṛguṇā varavarṇinī vismayaṁ paramaṁ jagmurdevāḥ sendrā vilokya tat

Thus revived by Bhrigu, that beautiful woman was restored; the gods, with Indra among them, witnessing this, were filled with the utmost astonishment.

Verse 18 (devibhagavatam.4.12.18)

इन्द्रः सुरानथोवाच मुनिना जीविता सती । काव्यस्तप्त्वा तपो घोरं किं करिष्यति मन्त्रवित्

indraḥ surānathovāca muninā jīvitā satī kāvyastaptvā tapo ghoraṁ kiṁ kariṣyati mantravit

Indra then said to the gods: That virtuous woman has been revived by the sage. What will Kavya, that knower of mantras, now do, after performing his terrible austerity?

Verse 19 (devibhagavatam.4.12.19)

व्यास उवाच । गता निद्रा सुरेन्द्रस्य देहेऽक्षेममभून्नृप । स्मृत्वा काव्यस्य वृत्तान्तं मन्त्रार्थमतिदारुणम्

vyāsa uvāca gatā nidrā surendrasya dehe'kṣemamabhūnnṛpa smṛtvā kāvyasya vṛttāntaṁ mantrārthamatidāruṇam

Vyasa said: The lord of gods' sleep had departed, O king, but recalling the terrible matter of Kavya's quest for mantras, an unease arose in his body.

Verse 20 (devibhagavatam.4.12.20)

विमृश्य मनसा शक्रो जयन्तीं स्वसुतां तदा । उवाच कन्यां चार्वङ्गीं स्मितपूर्वमिदं वचः

vimṛśya manasā śakro jayantīṁ svasutāṁ tadā uvāca kanyāṁ cārvaṅgīṁ smitapūrvamidaṁ vacaḥ

Reflecting within his mind, Indra then spoke to his own daughter Jayanti, that lovely-limbed maiden, these words, with a smile —

Verse 21 (devibhagavatam.4.12.21)

गच्छ पुत्रि मया दत्ता काव्याय त्वं तपस्विने । समाराधय तन्वङ्गि मत्कृते तं वशं कुरु

gaccha putri mayā dattā kāvyāya tvaṁ tapasvine samārādhaya tanvaṅgi matkṛte taṁ vaśaṁ kuru

Go, my daughter — given by me to the ascetic Kavya. Win his favor, O slender one, and, for my sake, bring him under your control.

Verse 22 (devibhagavatam.4.12.22)

उपचारैर्मुनिं तैस्तैः समाराध्य मनःप्रियैः । भयं मे तरसा गत्वा हर तत्र वराश्रमे

upacārairmuniṁ taistaiḥ samārādhya manaḥpriyaiḥ bhayaṁ me tarasā gatvā hara tatra varāśrame

Winning over the sage with such pleasing services, go swiftly there, to that excellent hermitage, and remove my fear.

Verse 23 (devibhagavatam.4.12.23)

सा पितुर्वचनं श्रुत्वा तत्रागच्छन्मनोरमा । तमपश्यद्विशालाक्षी पिबन्तं धूममाश्रमे

sā piturvacanaṁ śrutvā tatrāgacchanmanoramā tamapaśyadviśālākṣī pibantaṁ dhūmamāśrame

Hearing her father's words, that lovely maiden went there; that wide-eyed woman saw him drinking smoke in the hermitage.

Verse 24 (devibhagavatam.4.12.24)

तस्य देहं समालोक्य स्मृत्वा वाक्यं पितुस्तदा । कदलीदलमादाय वीजयामास तं मुनिम्

tasya dehaṁ samālokya smṛtvā vākyaṁ pitustadā kadalīdalamādāya vījayāmāsa taṁ munim

Beholding his body, and recalling then her father's words, she took up a plantain leaf and began to fan that sage.

Verse 25 (devibhagavatam.4.12.25)

निर्मलं शीतलं वारि समानीय सुवासितम् । पानाय कल्पयामास भक्त्या परमया लघु

nirmalaṁ śītalaṁ vāri samānīya suvāsitam pānāya kalpayāmāsa bhaktyā paramayā laghu

Bringing pure, cool, well-scented water, she quickly made it ready for his drinking, with the utmost devotion.

Verse 26 (devibhagavatam.4.12.26)

छायां वस्त्रातपत्रेण भास्करे मध्यगे सति । रचयामास तन्वङ्गी स्वयं धर्मे स्थिता सती

chāyāṁ vastrātapatreṇa bhāskare madhyage sati racayāmāsa tanvaṅgī svayaṁ dharme sthitā satī

When the sun stood at midday, that slender, virtuous woman, herself established in dharma, made a shade for him with a cloth parasol.

Verse 27 (devibhagavatam.4.12.27)

फलान्यानीय दिव्यानि पक्वानि मधुराणि च । मुमोचाग्रे मुनेस्तस्य भक्षार्थं विहितानि च

phalānyānīya divyāni pakvāni madhurāṇi ca mumocāgre munestasya bhakṣārthaṁ vihitāni ca

Bringing divine fruits, ripe and sweet, she set them before that sage, prepared for his eating.

Verse 28 (devibhagavatam.4.12.28)

कुशाः प्रादेशमात्रा हि हरिताः शुकसन्निभाः । दधाराग्रेऽथ पुष्पाणि नित्यकर्मसमृद्धये

kuśāḥ prādeśamātrā hi haritāḥ śukasannibhāḥ dadhārāgre'tha puṣpāṇi nityakarmasamṛddhaye

She laid before him kusha grass, a span in length, green and parrot-hued, and flowers too, for the fulfillment of his daily rites.

Verse 29 (devibhagavatam.4.12.29)

निद्रार्थं कल्पयामास संस्तरं पल्लवान्वितम् । तस्मिन्मुनौ चादरस्था चकार व्यजनं शनैः

nidrārthaṁ kalpayāmāsa saṁstaraṁ pallavānvitam tasminmunau cādarasthā cakāra vyajanaṁ śanaiḥ

For his sleep she prepared a bed spread with soft leaves; and, remaining attentive toward that sage, she gently fanned him.

Verse 30 (devibhagavatam.4.12.30)

हावभावादिकं किञ्चिद्विकारजननं च तत् । न चकार जयन्ती सा शापभीता मुनेस्तदा

hāvabhāvādikaṁ kiñcidvikārajananaṁ ca tat na cakāra jayantī sā śāpabhītā munestadā

No coquettish gesture at all, nor anything that might stir agitation, did Jayanti perform then, fearing the sage's curse.

Verse 31 (devibhagavatam.4.12.31)

स्तुतिं चकार तन्वङ्गी गीर्भिस्तस्य महात्मनः । सुभाषिण्यनुकूलाभिः प्रीतिकर्त्रीभिरप्युत

stutiṁ cakāra tanvaṅgī gīrbhistasya mahātmanaḥ subhāṣiṇyanukūlābhiḥ prītikartrībhirapyuta

That slender-bodied, well-spoken woman kept praising that great soul with words agreeable and productive of delight.

Verse 32 (devibhagavatam.4.12.32)

प्रबुद्धे जलमादाय दधाराचमनाय च । मनोऽनुकूलं सततं कुर्वन्ती व्यचरत्तदा

prabuddhe jalamādāya dadhārācamanāya ca mano'nukūlaṁ satataṁ kurvantī vyacarattadā

When he awoke, she would bring water and hold it ready for his rinsing; ever pleasing his mind in this way, she carried on her service.

Verse 33 (devibhagavatam.4.12.33)

इन्द्रोऽपि सेवकांस्तत्र प्रेषयामास चातुरः । प्रवृत्तिं ज्ञातुकामो वै मुनेस्तस्य जितात्मनः

indro'pi sevakāṁstatra preṣayāmāsa cāturaḥ pravṛttiṁ jñātukāmo vai munestasya jitātmanaḥ

Indra, too, cleverly sent servants there, desiring to learn news of that self-controlled sage.

Verse 34 (devibhagavatam.4.12.34)

एवं बहूनि वर्षाणि परिचर्यापराभवत् । निर्विकारा जितक्रोधा ब्रह्मचर्यपरा सती

evaṁ bahūni varṣāṇi paricaryāparābhavat nirvikārā jitakrodhā brahmacaryaparā satī

Thus for many years she remained devoted to service, undisturbed, her anger conquered, that virtuous woman devoted to celibacy.

Verse 35 (devibhagavatam.4.12.35)

पूर्णे वर्षसहस्रे तु परितुष्टो महेश्वरः । वरेण छन्दयामास काव्यं प्रीतमना हरः

pūrṇe varṣasahasre tu parituṣṭo maheśvaraḥ vareṇa chandayāmāsa kāvyaṁ prītamanā haraḥ

When a full thousand years had passed, Maheshvara, greatly pleased and content of mind, offered Kavya a boon.

Verse 36 (devibhagavatam.4.12.36)

ईश्वर उवाच । यच्च किञ्चिदपि ब्रह्मन्विद्यते भृगुनन्दन । प्रतिपश्यसि यत्सर्वं यच्च वाच्यं न कस्यचित्

īśvara uvāca yacca kiñcidapi brahmanvidyate bhṛgunandana pratipaśyasi yatsarvaṁ yacca vācyaṁ na kasyacit

Ishvara said: O brahmin, son of Bhrigu, whatever exists at all, you shall come to perceive it all — even that which cannot be spoken by anyone.

Verse 37 (devibhagavatam.4.12.37)

सर्वाभिभावकत्वेन भविष्यसि न संशयः । अवध्यः सर्वभूतानां प्रजेशश्च द्विजोत्तमः

sarvābhibhāvakatvena bhaviṣyasi na saṁśayaḥ avadhyaḥ sarvabhūtānāṁ prajeśaśca dvijottamaḥ

You shall become one who overpowers all — of this there is no doubt. You shall be unslayable by every being, and, O best of brahmins, a lord of creatures too.

Verse 38 (devibhagavatam.4.12.38)

व्यास उवाच । एवं दत्त्वा वराञ्छम्भुस्तत्रैवान्तरधीयत । काव्यस्तामथ संवीक्ष्य जयन्तीं वाक्यमब्रवीत्

vyāsa uvāca evaṁ dattvā varāñchambhustatraivāntaradhīyata kāvyastāmatha saṁvīkṣya jayantīṁ vākyamabravīt

Vyasa said: Having thus granted these boons, Shambhu vanished right there. Kavya, then beholding Jayanti, spoke these words —

Verse 39 (devibhagavatam.4.12.39)

कासि कस्यासि सुश्रोणि ब्रूहि किं ते चिकीर्षितम् । किमर्थमिह सम्प्राप्ता कार्यं वद वरोरु मे

kāsi kasyāsi suśroṇi brūhi kiṁ te cikīrṣitam kimarthamiha samprāptā kāryaṁ vada varoru me

Who are you, whose daughter are you, O fair one? Tell me, what is your intention? For what purpose have you come here? Tell me your business.

Verse 40 (devibhagavatam.4.12.40)

किं वाञ्छसि करोम्यद्य दुष्करं चेत्सुलोचने । प्रीतोऽस्मि त्वत्कृतेनाद्य वरं वरय सुव्रते

kiṁ vāñchasi karomyadya duṣkaraṁ cetsulocane prīto'smi tvatkṛtenādya varaṁ varaya suvrate

What do you desire? I shall grant it today, even if it is difficult, O fair-eyed one. I am pleased today by your service — choose a boon, O keeper of good vows.

Verse 41 (devibhagavatam.4.12.41)

ततः सा तु मुनिं प्राह जयन्ती मुदितानना । चिकीर्षितं मे भगवंस्तपसा ज्ञातुमर्हसि

tataḥ sā tu muniṁ prāha jayantī muditānanā cikīrṣitaṁ me bhagavaṁstapasā jñātumarhasi

Then Jayanti, her face full of joy, said to the sage: O illustrious one, you ought to know my intention through your own power of austerity.

Verse 42 (devibhagavatam.4.12.42)

शुक्र उवाच । ज्ञातं मया तथापि त्वं ब्रूहि यन्मनसेप्सितम् । करोमि सर्वथा भद्रं प्रीतोऽस्मि परिचर्यया

śukra uvāca jñātaṁ mayā tathāpi tvaṁ brūhi yanmanasepsitam karomi sarvathā bhadraṁ prīto'smi paricaryayā

Shukra said: I do know it; yet tell me what your heart desires. I shall grant it in every way — good fortune to you; I am pleased with your service.

Verse 43 (devibhagavatam.4.12.43)

जयन्त्युवाच । शक्रस्याहं सुता ब्रह्मन् पित्रा तुभ्यं समर्पिता । जयन्ती नामतश्चाहं जयन्तावरजा मुने

jayantyuvāca śakrasyāhaṁ sutā brahman pitrā tubhyaṁ samarpitā jayantī nāmataścāhaṁ jayantāvarajā mune

Jayanti said: O brahmin, I am the daughter of Indra, given by my father to you. My name is Jayanti, and I am the younger sister of Jayanta, O sage.

Verse 44 (devibhagavatam.4.12.44)

सकामास्मि त्वयि विभो वाञ्छितं कुरु मेऽधुना । रंस्ये त्वया महाभाग धर्मतः प्रीतिपूर्वकम्

sakāmāsmi tvayi vibho vāñchitaṁ kuru me'dhunā raṁsye tvayā mahābhāga dharmataḥ prītipūrvakam

O mighty one, I desire you — grant my wish now. O glorious one, I shall unite with you lawfully and with love.

Verse 45 (devibhagavatam.4.12.45)

शुक्र उवाच । मया सह त्वं सुश्रोणि दशवर्षाणि भामिनि । सर्वैर्भूतैरदृश्या च रमस्वेह यदृच्छया

śukra uvāca mayā saha tvaṁ suśroṇi daśavarṣāṇi bhāmini sarvairbhūtairadṛśyā ca ramasveha yadṛcchayā

Shukra said: With me, O radiant one, for ten years, invisible to all beings, sport here freely as you wish.

Verse 46 (devibhagavatam.4.12.46)

व्यास उवाच । एवमुक्त्वा गृहं गत्वा जयन्त्याः पाणिमुद्वहन् । तया सहावसद्देव्या दशवर्षाणि भार्गवः

vyāsa uvāca evamuktvā gṛhaṁ gatvā jayantyāḥ pāṇimudvahan tayā sahāvasaddevyā daśavarṣāṇi bhārgavaḥ

Vyasa said: Having said this, going to his home and taking Jayanti's hand in marriage, the descendant of Bhrigu dwelt with that goddess-like woman for ten years.

Verse 47 (devibhagavatam.4.12.47)

अदृश्यः सर्वभूतानां मायया संवृतः प्रभुः । दैत्यास्तमागतं श्रुत्वा कृतार्थं मन्त्रसंयुतम्

adṛśyaḥ sarvabhūtānāṁ māyayā saṁvṛtaḥ prabhuḥ daityāstamāgataṁ śrutvā kṛtārthaṁ mantrasaṁyutam

That lord, enveloped by maya, remained invisible to all beings. The daityas, hearing that he had returned, successful and equipped with the mantras,

Verse 48 (devibhagavatam.4.12.48)

अभिजग्मुर्गृहे तस्य मुदितास्ते दिदृक्षवः । नापश्यन् रममाणं ते जयन्त्या सह संयुतम्

abhijagmurgṛhe tasya muditāste didṛkṣavaḥ nāpaśyan ramamāṇaṁ te jayantyā saha saṁyutam

came, joyful, eager to see him, to his home. But, engaged with Jayanti in his sport, they could not see him at all.

Verse 49 (devibhagavatam.4.12.49)

तदा विमनसः सर्वे जाता भग्नोद्यमाश्च ते । चिन्तापरातिदीनाश्च वीक्षमाणाः पुनः पुनः

tadā vimanasaḥ sarve jātā bhagnodyamāśca te cintāparātidīnāśca vīkṣamāṇāḥ punaḥ punaḥ

Then all of them became downhearted, their efforts frustrated; absorbed in worry and greatly dejected, they looked about again and again.

Verse 50 (devibhagavatam.4.12.50)

अदृष्ट्वा तं तु संवृत्तं प्रतिजग्मुर्यथागतम् । स्वगृहान्दैत्यवर्यास्ते चिन्ताविष्टा भयातुराः

adṛṣṭvā taṁ tu saṁvṛttaṁ pratijagmuryathāgatam svagṛhāndaityavaryāste cintāviṣṭā bhayāturāḥ

Not seeing him, so concealed, those foremost of daityas, filled with worry and gripped by fear, returned to their own homes as they had come.

Verse 51 (devibhagavatam.4.12.51)

रममाणं तथा ज्ञात्वा शक्रः प्रोवाच तं गुरुम् । बृहस्पतिं महाभाग किं कर्तव्यमितः परम्

ramamāṇaṁ tathā jñātvā śakraḥ provāca taṁ gurum bṛhaspatiṁ mahābhāga kiṁ kartavyamitaḥ param

Learning that he was thus engaged in his sport, Indra spoke to his own preceptor Brihaspati: O glorious one, what should now be done?

Verse 52 (devibhagavatam.4.12.52)

गच्छाद्य दानवान्ब्रह्मन्मायया त्वं प्रलोभय । अस्माकं कुरु कार्यं त्वं बुद्ध्या सञ्चिन्त्य मानद

gacchādya dānavānbrahmanmāyayā tvaṁ pralobhaya asmākaṁ kuru kāryaṁ tvaṁ buddhyā sañcintya mānada

Go today, O brahmin, and tempt the danavas by illusion; do this work of ours, O giver of honor, having deliberated well with your own intelligence.

Verse 53 (devibhagavatam.4.12.53)

तच्छ्रुत्वा वचनं काव्यं रममाणं सुसंवृतम् । ज्ञात्वा तद्रूपमास्थाय दैत्यान्मति ययौ गुरुः

tacchrutvā vacanaṁ kāvyaṁ ramamāṇaṁ susaṁvṛtam jñātvā tadrūpamāsthāya daityānmati yayau guruḥ

Hearing these words, and knowing that Kavya was engaged in his sport, well concealed, the guru, assuming Kavya's very form, went to bewilder the minds of the daityas.

Verse 54 (devibhagavatam.4.12.54)

गत्वा तत्रातिभक्त्यासौ दानवान्समुपाह्वयत् । आगतास्तेऽसुराः सर्वे ददृशुः काव्यमग्रतः

gatvā tatrātibhaktyāsau dānavānsamupāhvayat āgatāste'surāḥ sarve dadṛśuḥ kāvyamagrataḥ

Going there, with the greatest show of devotion, he summoned the danavas; all those asuras came and saw before them one they took for Kavya.

Verse 55 (devibhagavatam.4.12.55)

प्रणम्य संस्थिताः सर्वे काव्यं मत्वातिमोहिताः । न विदुस्ते गुरोर्मायां काव्यरूपविभाविनीम्

praṇamya saṁsthitāḥ sarve kāvyaṁ matvātimohitāḥ na viduste gurormāyāṁ kāvyarūpavibhāvinīm

Bowing, all of them, taking him for Kavya, stood there entirely deluded; they did not perceive the guru's illusion, so convincingly manifest in Kavya's own form.

Verse 56 (devibhagavatam.4.12.56)

तानुवाच गुरुः काव्यरूपः प्रच्छन्नमायया । स्वागतं मम याज्यानां प्राप्तोऽहं वो हिताय वै

tānuvāca guruḥ kāvyarūpaḥ pracchannamāyayā svāgataṁ mama yājyānāṁ prāpto'haṁ vo hitāya vai

The guru, in the form of Kavya, his illusion well concealed, said to them: welcome, my patrons; I have come here indeed for your benefit.

Verse 57 (devibhagavatam.4.12.57)

अहं वो बोधयिष्यामि विद्यां प्राप्ताममायया । तपसा तोषितः शम्भुर्युष्मत्कल्याणहेतवे

ahaṁ vo bodhayiṣyāmi vidyāṁ prāptāmamāyayā tapasā toṣitaḥ śambhuryuṣmatkalyāṇahetave

I shall teach you the knowledge I have obtained, without deceit; pleased by my austerity, Shambhu granted it for the sake of your welfare.

Verse 58 (devibhagavatam.4.12.58)

तच्छ्रुत्वा प्रीतमनसो जातास्ते दानवोत्तमाः । कृतकार्यं गुरुं मत्वा जहृषुस्ते विमोहिताः

tacchrutvā prītamanaso jātāste dānavottamāḥ kṛtakāryaṁ guruṁ matvā jahṛṣuste vimohitāḥ

Hearing this, those best of danavas grew joyful in mind; taking him for their successful guru, they, thoroughly deceived, rejoiced.

Verse 59 (devibhagavatam.4.12.59)

प्रणेमुस्ते मुदा युक्ता निरातङ्का गतव्यथाः । देवेभ्यश्च भयं त्यक्त्वा तस्थुः सर्वे निरामयाः

praṇemuste mudā yuktā nirātaṅkā gatavyathāḥ devebhyaśca bhayaṁ tyaktvā tasthuḥ sarve nirāmayāḥ

They bowed down, filled with joy, free of dread and distress; and, casting aside their fear of the gods, all of them remained there, untroubled.