By the Devi's Word, the Danavas Depart for Rasatala

Verse 1 (devibhagavatam.4.15.1)

व्यास उवाच । इति तस्य वचः श्रुत्वा भार्गवस्य महात्मनः । प्रह्लादस्तु सुसंहृष्टो बभूव नृपनन्दनः ॥

vyāsa uvāca | iti tasya vacaḥ śrutvā bhārgavasya mahātmanaḥ | prahlādastu susaṁhṛṣṭo babhūva nṛpanandanaḥ ||

Vyasa said: Having heard these words of the great-souled Bhargava, Prahlada, son of a king, became greatly delighted.

Verse 2 (devibhagavatam.4.15.2)

ज्ञात्वा दैवं बलिष्ठञ्च प्रह्लादस्तानुवाच ह । कृतेऽपि युद्धे न जयो भविष्यति कदाचन ॥

jñātvā daivaṁ baliṣṭhañca prahlādastānuvāca ha | kṛte'pi yuddhe na jayo bhaviṣyati kadācana ||

Knowing fate to be all-powerful, Prahlada said to them: "Even if battle is waged, victory shall never come to us."

Verse 3 (devibhagavatam.4.15.3)

तदा ते जयिनः प्रोचुर्दानवा मदगर्विताः । सङ्ग्रामस्तु प्रकर्तव्यो दैवं किं न विदामहे ॥

tadā te jayinaḥ procurdānavā madagarvitāḥ | saṅgrāmastu prakartavyo daivaṁ kiṁ na vidāmahe ||

Then those Danavas, intoxicated with pride and thinking themselves victorious, said: "Battle must indeed be waged — what do we know of fate?"

Verse 4 (devibhagavatam.4.15.4)

निरुद्यमानां दैवं हि प्रधानमसुराधिप । केन दृष्टं क्व वा दृष्टं कीदृशं केन निर्मितम् ॥

nirudyamānāṁ daivaṁ hi pradhānamasurādhipa | kena dṛṣṭaṁ kva vā dṛṣṭaṁ kīdṛśaṁ kena nirmitam ||

"For those without effort, fate indeed is paramount, O lord of Asuras — but who has seen it? Where has it been seen? Of what form is it, and by whom was it made?"

Verse 5 (devibhagavatam.4.15.5)

तस्माद्युद्धं करिष्यामो बलमास्थाय साम्प्रतम् । भवाग्रे दैत्यवर्य त्वं सर्वज्ञोऽसि महामते ॥

tasmādyuddhaṁ kariṣyāmo balamāsthāya sāmpratam | bhavāgre daityavarya tvaṁ sarvajño'si mahāmate ||

"Therefore we shall now wage war, relying upon our strength. O foremost of Daityas, you stand before us; you are all-knowing, O great-minded one."

Verse 6 (devibhagavatam.4.15.6)

इत्युक्तस्तैस्तदा राजन् प्रह्लादः प्रबलारिहा । सेनानीश्च तदा भूत्वा देवान्युद्धे समाह्वयत् ॥

ityuktastaistadā rājan prahlādaḥ prabalārihā | senānīśca tadā bhūtvā devānyuddhe samāhvayat ||

Thus addressed by them, O king, Prahlada, destroyer of powerful foes, then became their commander and challenged the gods to battle.

Verse 7 (devibhagavatam.4.15.7)

तेऽपि तत्रासुरान्दृष्ट्वा सङ्ग्रामे समुपस्थितान् । सर्वे सम्भृतसम्भारा देवास्तान्समयोधयन् ॥

te'pi tatrāsurāndṛṣṭvā saṅgrāme samupasthitān | sarve sambhṛtasambhārā devāstānsamayodhayan ||

They too, seeing the Asuras arrayed there for battle, all the gods, having gathered their forces, engaged them in combat.

Verse 8 (devibhagavatam.4.15.8)

सङ्ग्रामस्तु तदा घोरः शक्रप्रह्लादयोरभूत् । पूर्णं वर्षशतं तत्र मुनीनां विस्मयावहः ॥

saṅgrāmastu tadā ghoraḥ śakraprahlādayorabhūt | pūrṇaṁ varṣaśataṁ tatra munīnāṁ vismayāvahaḥ ||

Then a terrible battle took place between Shakra and Prahlada — lasting a full hundred years there, astonishing even to the sages.

Verse 9 (devibhagavatam.4.15.9)

वर्तमाने महायुद्धे शुक्रेण प्रतिपालिताः । जयमापुस्तदा दैत्याः प्रह्लादप्रमुखा नृप ॥

vartamāne mahāyuddhe śukreṇa pratipālitāḥ | jayamāpustadā daityāḥ prahlādapramukhā nṛpa ||

While that great war was in progress, the Daityas, led by Prahlada and protected by Shukra, O king, obtained victory.

Verse 10 (devibhagavatam.4.15.10)

तदैवेन्द्रो गुरोर्वाक्यात्सर्वदुःखविनाशिनीम् । सस्मार मनसा देवीं मुक्तिदां परमां शिवाम् ॥

tadaivendro gurorvākyātsarvaduḥkhavināśinīm | sasmāra manasā devīṁ muktidāṁ paramāṁ śivām ||

Then Indra, at the word of his Guru, mindfully remembered the Devi, destroyer of all sorrow, supreme giver of liberation, the auspicious one.

Verse 11 (devibhagavatam.4.15.11)

इन्द्र उवाच । जय देवि महामाये शूलधारिणि चाम्बिके । शङ्खचक्रगदापद्मखड्गहस्तेऽभयप्रदे ॥

indra uvāca | jaya devi mahāmāye śūladhāriṇi cāmbike | śaṅkhacakragadāpadmakhaḍgahaste'bhayaprade ||

Indra said: "Victory to you, O Devi, great Maya, wielder of the trident, O Ambika, holding the conch, discus, mace, lotus, and sword in your hands, granter of fearlessness!"

Verse 12 (devibhagavatam.4.15.12)

नमस्ते भुवनेशानि शक्तिदर्शननायिके । दशतत्त्वात्मिके मातर्महाबिन्दुस्वरूपिणि ॥

namaste bhuvaneśāni śaktidarśananāyike | daśatattvātmike mātarmahābindusvarūpiṇi ||

"Salutations to you, O Mistress of the worlds, leader in the vision of Shakti; O Mother, embodiment of the ten cosmic principles, of the form of the great Bindu."

Verse 13 (devibhagavatam.4.15.13)

महाकुण्डलिनीरूपे सच्चिदानन्दरूपिणि । प्राणाग्निहोत्रविद्ये ते नमो दीपशिखात्मिके ॥

mahākuṇḍalinīrūpe saccidānandarūpiṇi | prāṇāgnihotravidye te namo dīpaśikhātmike ||

"O form of the great Kundalini, embodiment of being-consciousness-bliss; O knowledge of the vital-breath sacrifice, salutation to you, embodiment of the flame's own tip."

Verse 14 (devibhagavatam.4.15.14)

पञ्चकोशान्तरगते पुच्छब्रह्मस्वरूपिणि । आनन्दकलिके मातः सर्वोपनिषदर्चिते ॥

pañcakośāntaragate pucchabrahmasvarūpiṇi | ānandakalike mātaḥ sarvopaniṣadarcite ||

"O you who dwell within the five sheaths, embodiment of the crowning Brahman; O Mother, bud of bliss, worshipped by all the Upanishads."

Verse 15 (devibhagavatam.4.15.15)

मातः प्रसीद सुमुखी भव हीनसत्त्वां- स्त्रायस्व नो जननि दैत्यपराजितान् वै । त्वं देवि नः शरणदा भुवने प्रमाणा शक्तासि दुःखशमनेऽखिलवीर्ययुक्ते ॥

mātaḥ prasīda sumukhī bhava hīnasattvāṁ- strāyasva no janani daityaparājitān vai | tvaṁ devi naḥ śaraṇadā bhuvane pramāṇā śaktāsi duḥkhaśamane'khilavīryayukte ||

"O Mother, be gracious, be of fair countenance; protect us, deprived of strength, O Mother — us who have been vanquished by the Daityas. You alone, O Devi, are the giver of refuge in this world, the true standard, and are able to remove sorrow, being endowed with all power."

Verse 16 (devibhagavatam.4.15.16)

ध्यायन्ति येऽपि सुखिनो नितरां भवन्ति दुःखान्विताविगतशोकभयास्तथान्ये । मोक्षार्थिनो विगतमानविमुक्तसङ्गाः संसारवारिधिजलं प्रतरन्ति सन्तः ॥

dhyāyanti ye'pi sukhino nitarāṁ bhavanti duḥkhānvitāvigataśokabhayāstathānye | mokṣārthino vigatamānavimuktasaṅgāḥ saṁsāravāridhijalaṁ prataranti santaḥ ||

"Those who meditate on you become exceedingly happy; while others remain sorrowful, though free from grief and fear otherwise. Only those who seek liberation, free of pride and attachment, the virtuous, cross over the ocean-waters of samsara."

Verse 17 (devibhagavatam.4.15.17)

त्वं देवि विश्वजननि प्रथितप्रभावा संरक्षणार्थमुदितार्तिहरप्रतापा । संहर्तुमेतदखिलं किल कालरूपा को वेत्ति तेऽम्ब चरितं ननु मन्दबुद्धिः ॥

tvaṁ devi viśvajanani prathitaprabhāvā saṁrakṣaṇārthamuditārtiharapratāpā | saṁhartumetadakhilaṁ kila kālarūpā ko vetti te'mba caritaṁ nanu mandabuddhiḥ ||

"O Devi, mother of the universe, of celebrated glory, arisen for the sake of protection, remover of affliction, of great valor — you, in the form of Time, are indeed able even to destroy all this. Who, O Mother, being of dull intellect, can truly know your ways?"

Verse 18 (devibhagavatam.4.15.18)

ब्रह्मा हरश्च हरिदश्वरथो हरिश्च इन्द्रो यमोऽथ वरुणोऽग्निसमीरणौ च । ज्ञातुं क्षमा न मुनयोऽपि महानुभावा यस्याः प्रभावमतुलं निगमागमाश्च ॥

brahmā haraśca haridaśvaratho hariśca indro yamo'tha varuṇo'gnisamīraṇau ca | jñātuṁ kṣamā na munayo'pi mahānubhāvā yasyāḥ prabhāvamatulaṁ nigamāgamāśca ||

"Brahma, Hara, Indra of the tawny-horsed chariot, Hari, Yama, Varuna, Agni and Vayu — even these great-souled sages are unable to fully know your incomparable glory, nor can the Vedas and Agamas."

Verse 19 (devibhagavatam.4.15.19)

धन्यास्त एव तव भक्तिपरा महान्तः संसारदुःखरहिताः सुखसिन्धुमग्नाः । ये भक्तिभावरहिता न कदापि दुःखा- ॥ म्भोधिं जनिक्षयतरङ्गमुमे तरन्ति ॥

dhanyāsta eva tava bhaktiparā mahāntaḥ saṁsāraduḥkharahitāḥ sukhasindhumagnāḥ | ye bhaktibhāvarahitā na kadāpi duḥkhā- || mbhodhiṁ janikṣayataraṅgamume taranti ||

"Blessed indeed are those great ones devoted to you, free from the sorrow of samsara, immersed in the ocean of bliss; but those devoid of devotion, O Uma, never cross the ocean of sorrow with its waves of birth and death."

Verse 20 (devibhagavatam.4.15.20)

ये वीज्यमानाः सितचामरैश्च क्रीडन्ति धन्याः शिबिकाधिरूढाः । तैः पूजिता त्वं किल पूर्वदेहे नानोपहारैरिति चिन्तयामि ॥

ye vījyamānāḥ sitacāmaraiśca krīḍanti dhanyāḥ śibikādhirūḍhāḥ | taiḥ pūjitā tvaṁ kila pūrvadehe nānopahārairiti cintayāmi ||

"Those blessed ones who sport, fanned with white chowries, mounted upon palanquins — I think it is by them that you were worshipped, with manifold offerings, in a former birth."

Verse 21 (devibhagavatam.4.15.21)

ये पूज्यमाना वरवारणस्था विलासिनीवृन्दविलासयुक्ताः । सामन्तकैश्चोपनतैर्व्रजन्ति मन्ये हि तैस्त्वं किल पूजितासि ॥

ye pūjyamānā varavāraṇasthā vilāsinīvṛndavilāsayuktāḥ | sāmantakaiścopanatairvrajanti manye hi taistvaṁ kila pūjitāsi ||

"Those who, being honored, ride upon excellent elephants, attended by throngs of courtesans in their delights, and who move about accompanied by bowing feudatories — I think it is by them, indeed, that you were worshipped."

Verse 22 (devibhagavatam.4.15.22)

व्यास उवाच । एवं स्तुता मघवता देवी विश्वेश्वरी तदा । प्रादुर्बभूव तरसा सिंहारूढा चतुर्भुजा ॥

vyāsa uvāca | evaṁ stutā maghavatā devī viśveśvarī tadā | prādurbabhūva tarasā siṁhārūḍhā caturbhujā ||

Vyasa said: Thus praised by Maghavan, the Devi, mistress of the universe, then swiftly appeared, mounted on a lion, four-armed.

Verse 23 (devibhagavatam.4.15.23)

शङ्खचक्रगदापद्मान्बिभ्रती चारुलोचना । रक्ताम्बरधरा देवी दिव्यमाल्यविभूषणा ॥

śaṅkhacakragadāpadmānbibhratī cārulocanā | raktāmbaradharā devī divyamālyavibhūṣaṇā ||

Bearing the conch, discus, mace, and lotus, of beautiful eyes, the Devi wore red garments, adorned with divine garlands and ornaments.

Verse 24 (devibhagavatam.4.15.24)

तानुवाच सुरान्देवी प्रसन्नवदना गिरा । भयं त्यजन्तु भो देवाः शं विधास्ये किलाधुना ॥

tānuvāca surāndevī prasannavadanā girā | bhayaṁ tyajantu bho devāḥ śaṁ vidhāsye kilādhunā ||

The Devi, with gracious countenance, spoke to the gods: "Abandon your fear, O gods; I shall now surely bring about your welfare."

Verse 25 (devibhagavatam.4.15.25)

इत्युक्त्वा सा तदा देवी सिंहारूढातिसुन्दरी । जगाम तरसा तत्र यत्र दैत्या मदान्विताः ॥

ityuktvā sā tadā devī siṁhārūḍhātisundarī | jagāma tarasā tatra yatra daityā madānvitāḥ ||

Having said this, that most beautiful Devi, mounted upon her lion, then swiftly went to where the Daityas, intoxicated with pride, stood.

Verse 26 (devibhagavatam.4.15.26)

प्रह्लादप्रमुखाः सर्वे दृष्ट्वा देवीं पुरःस्थिताम् । ऊचुः परस्परं भीताः किं कर्तव्यमितस्तदा ॥

prahlādapramukhāḥ sarve dṛṣṭvā devīṁ puraḥsthitām | ūcuḥ parasparaṁ bhītāḥ kiṁ kartavyamitastadā ||

Prahlada and all the others, seeing the Devi standing before them, said fearfully to one another: "What is to be done now?"

Verse 27 (devibhagavatam.4.15.27)

देवं नारायणं चात्र सम्प्राप्ता चण्डिका किल । महिषान्तकरी नूनं चण्डमुण्डविनाशिनी ॥

devaṁ nārāyaṇaṁ cātra samprāptā caṇḍikā kila | mahiṣāntakarī nūnaṁ caṇḍamuṇḍavināśinī ||

"Here has come Chandika herself, along with the god Narayana — she who indeed slew Mahisha, and who is the destroyer of Chanda and Munda."

Verse 28 (devibhagavatam.4.15.28)

निहनिष्यति नः सर्वानम्बिका नात्र संशयः । वक्रदृष्ट्या यया पूर्वं निहतौ मधुकैटभौ ॥

nihaniṣyati naḥ sarvānambikā nātra saṁśayaḥ | vakradṛṣṭyā yayā pūrvaṁ nihatau madhukaiṭabhau ||

"Ambika will surely slay all of us, without doubt — with that mere sidelong glance of hers, by which Madhu and Kaitabha were slain in the past."

Verse 29 (devibhagavatam.4.15.29)

एवं चिन्तातुरान्वीक्ष्य प्रह्लादस्तानुवाच ह । योद्धव्यं नाथ गन्तव्यं पलाय्य दानवोत्तमाः ॥

evaṁ cintāturānvīkṣya prahlādastānuvāca ha | yoddhavyaṁ nātha gantavyaṁ palāyya dānavottamāḥ ||

Seeing them thus overwhelmed with anxiety, Prahlada said to them: "There is no need to fight, my lords; you must flee, O best of Danavas."

Verse 30 (devibhagavatam.4.15.30)

नमुचिस्तानुवाचाथ पलायनपरानिह । हनिष्यति जगन्माता रुषिता किल हेतिभिः ॥

namucistānuvācātha palāyanaparāniha | haniṣyati jaganmātā ruṣitā kila hetibhiḥ ||

Then Namuchi said to them, as they turned to flight: "The Mother of the universe, if angered, will surely slay us with her weapons."

Verse 31 (devibhagavatam.4.15.31)

तथा कुरु महाभाग यथा दुःखं न जायते । व्रजामोऽद्यैव पातालं तां स्तुत्वा तदनुज्ञया ॥

tathā kuru mahābhāga yathā duḥkhaṁ na jāyate | vrajāmo'dyaiva pātālaṁ tāṁ stutvā tadanujñayā ||

"Therefore do such, O great one, that no sorrow may arise. Let us, having praised her and obtained her leave, go this very day to Patala."

Verse 32 (devibhagavatam.4.15.32)

प्रह्लाद उवाच । स्तौमि देवीं महामायां सृष्टिस्थित्यन्तकारिणीम् । सर्वेषां जननीं शक्तिं भक्तानामभयङ्करीम् ॥

prahlāda uvāca | staumi devīṁ mahāmāyāṁ sṛṣṭisthityantakāriṇīm | sarveṣāṁ jananīṁ śaktiṁ bhaktānāmabhayaṅkarīm ||

Prahlada said: "I praise the Devi Mahamaya, the cause of creation, sustenance, and dissolution, the mother of all, the power that grants fearlessness to her devotees."

Verse 33 (devibhagavatam.4.15.33)

व्यास उवाच । इत्युक्त्या विष्णुभक्तस्तु प्रह्लादः परमार्थवित् । तुष्टाव जगतां धात्रीं कृताञ्जलिपुटस्तदा ॥

vyāsa uvāca | ityuktyā viṣṇubhaktastu prahlādaḥ paramārthavit | tuṣṭāva jagatāṁ dhātrīṁ kṛtāñjalipuṭastadā ||

Vyasa said: Having said this, Prahlada, a devotee of Vishnu and a knower of the supreme truth, praised the Nurturer of the worlds with folded hands.

Verse 34 (devibhagavatam.4.15.34)

मालासर्पवदाभाति यस्यां सर्वं चराचरम् । सर्वाधिष्ठानरूपायै तस्यै ह्रींमूर्तये नमः ॥

mālāsarpavadābhāti yasyāṁ sarvaṁ carācaram | sarvādhiṣṭhānarūpāyai tasyai hrīṁmūrtaye namaḥ ||

"In whom the entire moving and unmoving universe appears like a serpent coiled as a garland — to her who is the ground of all things, that embodiment of Hrim, salutation."

Verse 35 (devibhagavatam.4.15.35)

त्वत्तः सर्वमिदं विश्वं स्थावरं जङ्गमं तथा । अन्ये निमित्तमात्रास्ते कर्तारस्तव निर्मिताः ॥

tvattaḥ sarvamidaṁ viśvaṁ sthāvaraṁ jaṅgamaṁ tathā | anye nimittamātrāste kartārastava nirmitāḥ ||

"From you comes this entire moving and unmoving universe; the others are but instrumental causes, made by you, appearing merely as the doers."

Verse 36 (devibhagavatam.4.15.36)

नमो देवि महामाये सर्वेषां जननी स्मृता । को भेदस्तव देवेषु दैत्येषु स्वकृतेषु च ॥

namo devi mahāmāye sarveṣāṁ jananī smṛtā | ko bhedastava deveṣu daityeṣu svakṛteṣu ca ||

"Salutation to you, O Devi, great Maya, remembered as the mother of all. What difference is there for you between the gods and the Daityas, both being your own creation?"

Verse 37 (devibhagavatam.4.15.37)

मातुः पुत्रेषु को भेदोऽप्यशुभेषु शुभेषु च । तथैव देवेष्वस्मासु न कर्तव्यस्त्वयाधुना ॥

mātuḥ putreṣu ko bhedo'pyaśubheṣu śubheṣu ca | tathaiva deveṣvasmāsu na kartavyastvayādhunā ||

"What difference does a mother make between her sons, whether inauspicious or auspicious? Just so, between the gods and us, no distinction ought now to be made by you."

Verse 38 (devibhagavatam.4.15.38)

यादृशास्तादृशा मातः सुतास्ते दानवाः किल । यतस्त्वं विश्वजननी पुराणेषु प्रकीर्तिता ॥

yādṛśāstādṛśā mātaḥ sutāste dānavāḥ kila | yatastvaṁ viśvajananī purāṇeṣu prakīrtitā ||

"As you are, O Mother, so indeed are these your sons, the Danavas — for you are proclaimed in the Puranas as the mother of the universe."

Verse 39 (devibhagavatam.4.15.39)

तेऽपि स्वार्थपरा नूनं यथैव वयमप्युत । नान्तरं दैत्यसुरयोर्भेदोऽयं मोहसम्भवः ॥

te'pi svārthaparā nūnaṁ yathaiva vayamapyuta | nāntaraṁ daityasurayorbhedo'yaṁ mohasambhavaḥ ||

"They too, surely, are devoted to their own interest, just as we are; there is no real difference between Daitya and Sura — this distinction arises merely from delusion."

Verse 40 (devibhagavatam.4.15.40)

धनदारादिभोगेषु वयं सक्ता दिवानिशम् । तथैव देवा देवेशि को भेदोऽसुरदेवयोः ॥

dhanadārādibhogeṣu vayaṁ saktā divāniśam | tathaiva devā deveśi ko bhedo'suradevayoḥ ||

"We remain attached day and night to the enjoyment of wealth, wives, and the like; so too do the gods, O Devesi — what difference is there then between Asura and Deva?"

Verse 41 (devibhagavatam.4.15.41)

तेऽपि कश्यपदायादा वयं तत्सम्भवाः किल । कुतो विरोधसम्भूतिर्जाता मातस्तवाधुना ॥

te'pi kaśyapadāyādā vayaṁ tatsambhavāḥ kila | kuto virodhasambhūtirjātā mātastavādhunā ||

"They too are the offspring of Kashyapa, and we too are born of him indeed; whence then, O Mother, has this enmity now arisen?"

Verse 42 (devibhagavatam.4.15.42)

न तथा विहितं मातस्त्वयि सर्वसमुद्भवे । साम्यतैव त्वया स्थाप्या देवेष्वस्मासु चैव हि ॥

na tathā vihitaṁ mātastvayi sarvasamudbhave | sāmyataiva tvayā sthāpyā deveṣvasmāsu caiva hi ||

"It was not so ordained, O Mother, by you, who are the source of all; equality alone ought to be established by you, between the gods and us."

Verse 43 (devibhagavatam.4.15.43)

गुणव्यतिकरात्सर्वे समुत्पन्नाः सुरासुराः । गुणान्विता भवेयुस्ते कथं देहभृतोऽमराः ॥

guṇavyatikarātsarve samutpannāḥ surāsurāḥ | guṇānvitā bhaveyuste kathaṁ dehabhṛto'marāḥ ||

"All gods and demons have arisen from the intermixture of the gunas; how could embodied immortal beings be free of the gunas?"

Verse 44 (devibhagavatam.4.15.44)

कामः क्रोधश्च लोभश्च सर्वदेहेषु संस्थिताः । वर्तन्ते सर्वदा तस्मात् कोऽविरोधी भवेञ्चनः ॥

kāmaḥ krodhaśca lobhaśca sarvadeheṣu saṁsthitāḥ | vartante sarvadā tasmāt ko'virodhī bhaveñcanaḥ ||

"Desire, anger, and greed abide in all embodied beings, and are present at all times; therefore who indeed could be free of conflict?"

Verse 45 (devibhagavatam.4.15.45)

त्वया मिथो विरोधोऽयं कल्पितः किल कौतुकात् । मन्यामहे विभेदेन नूनं युद्धदिदृक्षया ॥

tvayā mitho virodho'yaṁ kalpitaḥ kila kautukāt | manyāmahe vibhedena nūnaṁ yuddhadidṛkṣayā ||

"This mutual conflict has surely been contrived by you, out of mere sport; we think it is truly for the sake of witnessing battle that this distinction has been made."

Verse 46 (devibhagavatam.4.15.46)

अन्यथा खलु भ्रातॄणां विरोधः कीदृशोऽनघे । त्वं चेन्नेच्छसि चामुण्डे वीक्षितुं कलहं किल ॥

anyathā khalu bhrātṝṇāṁ virodhaḥ kīdṛśo'naghe | tvaṁ cennecchasi cāmuṇḍe vīkṣituṁ kalahaṁ kila ||

"Otherwise, O sinless one, what manner of conflict could there be between brothers? If you do not wish, O Chamunda, to witness this strife —"

Verse 47 (devibhagavatam.4.15.47)

जानामि धर्मं धर्मज्ञे वेद्मि चाहं शतक्रतुम् । तथापि कलहोऽस्माकं भोगार्थं देवि सर्वदा ॥

jānāmi dharmaṁ dharmajñe vedmi cāhaṁ śatakratum | tathāpi kalaho'smākaṁ bhogārthaṁ devi sarvadā ||

"— then stop it. I know dharma, O knower of dharma, and I too know Shatakratu; yet still, O Devi, this quarrel between us persists always, for the sake of enjoyment."

Verse 48 (devibhagavatam.4.15.48)

एकः कोऽपि न शास्तास्ति संसारे त्वां विनाम्बिके । स्पृहावतस्तु कः कर्तुं क्षमते वचनं बुधः ॥

ekaḥ ko'pi na śāstāsti saṁsāre tvāṁ vināmbike | spṛhāvatastu kaḥ kartuṁ kṣamate vacanaṁ budhaḥ ||

"There is not a single ruler in this creation apart from you, O Ambika; who, being wise yet full of desire, is capable of governing his own speech?"

Verse 49 (devibhagavatam.4.15.49)

देवासुरैरयं सिन्धुर्मथितः समये क्वचित् । विष्णुना विहितो भेदः सुधारत्नच्छलेन वै ॥

devāsurairayaṁ sindhurmathitaḥ samaye kvacit | viṣṇunā vihito bhedaḥ sudhāratnacchalena vai ||

"This ocean was once churned by gods and demons together; a division was contrived by Vishnu through the deceit concerning the nectar-jewel."

Verse 50 (devibhagavatam.4.15.50)

त्वयासौ कल्पितः शौरिः पालकत्वे जगद्गुरुः । तेन लक्ष्मीः स्वयं लोभाद् गृहीतामरसुन्दरी ॥

tvayāsau kalpitaḥ śauriḥ pālakatve jagadguruḥ | tena lakṣmīḥ svayaṁ lobhād gṛhītāmarasundarī ||

"By you, that Shauri was made the world's guru under the guise of protector; through him, out of greed, Lakshmi herself, the beautiful one, was seized by the gods."

Verse 51 (devibhagavatam.4.15.51)

ऐरावतस्तथेन्द्रेण पारिजातोऽथ कामधुक् । उच्चैःश्रवाः सुरैः सर्वं गृहीतं वैष्णवेच्छया ॥

airāvatastathendreṇa pārijāto'tha kāmadhuk | uccaiḥśravāḥ suraiḥ sarvaṁ gṛhītaṁ vaiṣṇavecchayā ||

"So too Airavata by Indra, and Parijata, and the wish-granting cow, and Ucchaishravas — all were seized by the gods, by the will of Vishnu."

Verse 52 (devibhagavatam.4.15.52)

अनयं तादृशं कृत्वा जाता देवास्तु साधवः । (अन्यायिनः सुरा नूनं पश्य त्वं धर्मलक्षणं ।)॥ संस्थापिताः सुरा नूनं विष्णुना बहुमानिना ॥

anayaṁ tādṛśaṁ kṛtvā jātā devāstu sādhavaḥ | (anyāyinaḥ surā nūnaṁ paśya tvaṁ dharmalakṣaṇaṁ |)|| saṁsthāpitāḥ surā nūnaṁ viṣṇunā bahumāninā ||

"Having thus committed injustice, the gods came to be called virtuous! (The gods are surely unjust — behold this mark of dharma!) Surely the gods were established in power by the highly-honored Vishnu —"

Verse 53 (devibhagavatam.4.15.53)

नूनं दैत्याः पराभूवन्पश्य त्वं धर्मलक्षणम् । क्व धर्मः कीदृशो धर्मः क्व कार्यं क्व च साधुता ॥

nūnaṁ daityāḥ parābhūvanpaśya tvaṁ dharmalakṣaṇam | kva dharmaḥ kīdṛśo dharmaḥ kva kāryaṁ kva ca sādhutā ||

"— and surely the Daityas were made to fall! Behold this mark of dharma — where is dharma, and of what kind is dharma? Where is duty, and where is virtue?"

Verse 54 (devibhagavatam.4.15.54)

कथयामि च कस्याग्रे सिद्धं मैमांसिकं मतम् । तार्किका युक्तिवादज्ञा विधिज्ञा वेदवादकाः ॥

kathayāmi ca kasyāgre siddhaṁ maimāṁsikaṁ matam | tārkikā yuktivādajñā vidhijñā vedavādakāḥ ||

"Before whom shall I state the settled doctrine of the Mimamsakas? The logicians, skilled in argument, the ritualists, and the followers of Vedic doctrine —"

Verse 55 (devibhagavatam.4.15.55)

उक्ताः सकर्तृकं विश्वं विवदन्ते जडात्मकाः । कर्ता भवति चेदस्मिन्संसारे वितते किल ॥

uktāḥ sakartṛkaṁ viśvaṁ vivadante jaḍātmakāḥ | kartā bhavati cedasminsaṁsāre vitate kila ||

"— all being told that the universe has a maker, dispute among themselves, being dull of understanding. If there indeed be a maker of this vast expanse of the world —"

Verse 56 (devibhagavatam.4.15.56)

विरोधः कीदृशस्तत्र चैककर्मणि वै मिथः । वेदे नैकमतिः कस्माच्छास्त्रेष्वपि तथा पुनः ॥

virodhaḥ kīdṛśastatra caikakarmaṇi vai mithaḥ | vede naikamatiḥ kasmācchāstreṣvapi tathā punaḥ ||

"— then what manner of contradiction can there be, in one and the same act, among themselves? Why is there no single agreed opinion in the Veda, nor likewise in the scriptures?"

Verse 57 (devibhagavatam.4.15.57)

नैकवाक्यं वचस्तेषामपि वेदविदां पुनः । यतः स्वार्थपरं सर्वं जगत्स्थावरजङ्गमम् ॥

naikavākyaṁ vacasteṣāmapi vedavidāṁ punaḥ | yataḥ svārthaparaṁ sarvaṁ jagatsthāvarajaṅgamam ||

"The words even of the knowers of the Veda are not unanimous; for the entire universe, moving and unmoving, is devoted to its own self-interest."

Verse 58 (devibhagavatam.4.15.58)

निःस्पृहः कोऽपि संसारे न भवेन्न भविष्यति । शशिनाथ गुरोर्भार्या हृता ज्ञात्वा बलादपि ॥

niḥspṛhaḥ ko'pi saṁsāre na bhavenna bhaviṣyati | śaśinātha gurorbhāryā hṛtā jñātvā balādapi ||

"No one in this world is or ever will be free from self-interest. The Moon, indeed, forcibly abducted the Guru's wife, even knowing it —"

Verse 59 (devibhagavatam.4.15.59)

गौतमस्य तथेन्द्रेण जानता धर्मनिश्चयम् । गुरुणानुजभार्या च भुक्ता गर्भवती बलात् ॥

gautamasya tathendreṇa jānatā dharmaniścayam | guruṇānujabhāryā ca bhuktā garbhavatī balāt ||

"— so too Gautama's wife was violated by Indra, though he well knew the certain law of dharma; and by the Guru, the pregnant wife of his own younger brother was forcibly enjoyed."

Verse 60 (devibhagavatam.4.15.60)

शप्तो गर्भगतो बालः कृतश्चान्धस्तथा पुनः । विष्णुना च शिरश्छिन्नं राहोश्चक्रेण वै बलात् ॥

śapto garbhagato bālaḥ kṛtaścāndhastathā punaḥ | viṣṇunā ca śiraśchinnaṁ rāhoścakreṇa vai balāt ||

"The child yet in the womb was cursed and thereby made blind; and by Vishnu, moreover, Rahu's head was forcibly severed by his discus."

Verse 61 (devibhagavatam.4.15.61)

अपराधं विना कामं तदा सत्त्ववताम्बिके । पौत्रो धर्मवतां शूरः सत्यव्रतपरायणः ॥

aparādhaṁ vinā kāmaṁ tadā sattvavatāmbike | pautro dharmavatāṁ śūraḥ satyavrataparāyaṇaḥ ||

"So too, without any fault at all, O Ambika, was he treated — a hero, grandson of the righteous, devoted to truth and vows,"

Verse 62 (devibhagavatam.4.15.62)

यज्वा दानपतिः शान्तः सर्वज्ञः सर्वपूजकः । कृत्वाथ वामनं रूपं हरिणा छलवेदिना ॥

yajvā dānapatiḥ śāntaḥ sarvajñaḥ sarvapūjakaḥ | kṛtvātha vāmanaṁ rūpaṁ hariṇā chalavedinā ||

"— a sacrificer, lord of generosity, tranquil, all-knowing, honored by all — by Hari, skilled in deceit, having assumed the form of a dwarf —"

Verse 63 (devibhagavatam.4.15.63)

वञ्चितोऽसौ बलिः सर्वं हृतं राज्यं पुरा किल । तथापि देवान्धर्मस्थान्प्रवदन्ति मनीषिणः ॥

vañcito'sau baliḥ sarvaṁ hṛtaṁ rājyaṁ purā kila | tathāpi devāndharmasthānpravadanti manīṣiṇaḥ ||

"— that Bali was deceived, and his entire kingdom was taken away in the past; and yet the wise still call the gods righteous!"

Verse 64 (devibhagavatam.4.15.64)

वदन्ति चाटुवादांश्च धर्मवादाज्जयं गताः । एवं ज्ञात्वा जगन्मातर्यथेच्छसि तथा कुरु ॥

vadanti cāṭuvādāṁśca dharmavādājjayaṁ gatāḥ | evaṁ jñātvā jaganmātaryathecchasi tathā kuru ||

"They speak flattering words, saying that victory comes from righteousness. Knowing all this, O Mother of the universe, do as you please."

Verse 65 (devibhagavatam.4.15.65)

शरणा दानवाः सर्वे जहि वा रक्ष वा पुनः । श्रीदेव्युवाच । सर्वे गच्छत पातालं तत्र वासं यथेप्सितम् ॥

śaraṇā dānavāḥ sarve jahi vā rakṣa vā punaḥ | śrīdevyuvāca | sarve gacchata pātālaṁ tatra vāsaṁ yathepsitam ||

"All the Danavas take refuge in you — slay us, or else protect us." Shri Devi said: "Let all of you go to Patala, and dwell there as you wish —"

Verse 66 (devibhagavatam.4.15.66)

कुरुध्वं दानवाः सर्वे निर्भया गतमन्यवः । कालः प्रतीक्ष्यो युष्माभिः कारणं स शुभेऽशुभे ॥

kurudhvaṁ dānavāḥ sarve nirbhayā gatamanyavaḥ | kālaḥ pratīkṣyo yuṣmābhiḥ kāraṇaṁ sa śubhe'śubhe ||

"— do so, all you Danavas, free from fear, your anger now gone; Time is what you must await — it alone is the cause of both good and ill."

Verse 67 (devibhagavatam.4.15.67)

सुनिर्वेदपराणां हि सुखं सर्वत्र सर्वदा । त्रैलोक्यस्य च राज्येऽपि न सुखं लोभचेतसाम् ॥

sunirvedaparāṇāṁ hi sukhaṁ sarvatra sarvadā | trailokyasya ca rājye'pi na sukhaṁ lobhacetasām ||

"For those devoted to true detachment, there is happiness everywhere and always; but even in the sovereignty of the three worlds there is no happiness for those whose minds are given to greed."

Verse 68 (devibhagavatam.4.15.68)

कृतेऽपि न सुखं पूर्णं सस्पृहाणां फलैरपि । तस्मात्त्यक्त्वा महीमेतां प्रयान्त्वद्य महीतलम् ॥

kṛte'pi na sukhaṁ pūrṇaṁ saspṛhāṇāṁ phalairapi | tasmāttyaktvā mahīmetāṁ prayāntvadya mahītalam ||

"Even when desires are fulfilled, there is no complete happiness for those still craving fruits. Therefore, abandoning this earth, let them now go to the nether region."

Verse 69 (devibhagavatam.4.15.69)

ममाज्ञां पुरतः कृत्वा सर्वे विगतकल्मषाः । व्यास उवाच । तच्छ्रुत्वा वचनं देव्यास्तथेत्युक्त्वा रसातलम् ॥

mamājñāṁ purataḥ kṛtvā sarve vigatakalmaṣāḥ | vyāsa uvāca | tacchrutvā vacanaṁ devyāstathetyuktvā rasātalam ||

"— placing my command before you, may all of you be freed from sin." Vyasa said: Having heard the Devi's words, and having said "so be it," toward Rasatala —

Verse 70 (devibhagavatam.4.15.70)

प्रणम्य दानवाः सर्वे गताः शक्त्याभिरक्षिताः । अन्तर्दधे ततो देवी देवाः स्वभुवनं गताः ॥

praṇamya dānavāḥ sarve gatāḥ śaktyābhirakṣitāḥ | antardadhe tato devī devāḥ svabhuvanaṁ gatāḥ ||

— having bowed, all the Danavas went, protected by the Devi's power. Then the Devi vanished, and the gods returned to their own abodes.

Verse 71 (devibhagavatam.4.15.71)

त्यक्त्वा वैरं स्थिताः सर्वे ते तदा देवदानवाः । एतदाख्यानमखिलं यः शृणोति वदत्यथ ॥

tyaktvā vairaṁ sthitāḥ sarve te tadā devadānavāḥ | etadākhyānamakhilaṁ yaḥ śṛṇoti vadatyatha ||

Abandoning their enmity, both the gods and the Danavas remained then at peace. Whoever hears or recites this entire narrative —

Verse 72 (devibhagavatam.4.15.72)

सर्वदुःखविनिर्मुक्तः प्रयाति पदमुत्तमम् ॥

sarvaduḥkhavinirmuktaḥ prayāti padamuttamam ||

— becomes freed from all sorrow, and attains the supreme abode.