Diti's Curse upon Aditi

Verse 1 (devibhagavatam.4.3.1)

व्यास उवाच । कारणानि बहून्यत्राप्यवतारे हरेः किल । सर्वेषां चैव देवानामंशावतरणेष्वपि

vyāsa uvāca kāraṇāni bahūnyatrāpyavatāre hareḥ kila sarveṣāṁ caiva devānāmaṁśāvataraṇeṣvapi

Vyasa said: There are, indeed, many causes here for Hari's incarnation, and likewise for the partial descents of all the gods.

Verse 2 (devibhagavatam.4.3.2)

वसुदेवावतारस्य कारणं शृणु तत्त्वतः । देवक्याश्चैव रोहिण्या अवतारस्य कारणम्

vasudevāvatārasya kāraṇaṁ śṛṇu tattvataḥ devakyāścaiva rohiṇyā avatārasya kāraṇam

Hear truly the cause of Vasudeva's incarnation, and the cause of the incarnation of Devaki and Rohini as well.

Verse 3 (devibhagavatam.4.3.3)

एकदा कश्यपः श्रीमान्यज्ञार्थं धेनुमाहरत् । याचितोऽयं बहुविधं न ददौ धेनुमुत्तमाम्

ekadā kaśyapaḥ śrīmānyajñārthaṁ dhenumāharat yācito'yaṁ bahuvidhaṁ na dadau dhenumuttamām

Once the glorious Kashyapa took away a cow for a sacrifice. Though begged for it in many ways, he did not return that excellent cow.

Verse 4 (devibhagavatam.4.3.4)

वरुणस्तु ततो गत्वा ब्रह्माणं जगतः प्रभुम् । प्रणम्योवाच दीनात्मा स्वदुःखं विनयान्वितः

varuṇastu tato gatvā brahmāṇaṁ jagataḥ prabhum praṇamyovāca dīnātmā svaduḥkhaṁ vinayānvitaḥ

Then Varuna, going to Brahma, lord of the world, bowed down and, humble and distressed, spoke of his own sorrow with due respect.

Verse 5 (devibhagavatam.4.3.5)

किं करोमि महाभाग मत्तोऽसौ न ददाति गाम् । शापो मया विसृष्टोऽस्मै गोपालो भव मानुषे

kiṁ karomi mahābhāga matto'sau na dadāti gām śāpo mayā visṛṣṭo'smai gopālo bhava mānuṣe

"What shall I do, O glorious one — he does not give me back my cow. I have already released a curse upon him: become a cowherd among men!

Verse 6 (devibhagavatam.4.3.6)

भार्ये द्वे अपि तत्रैव भवेतां चातिदुःखिते । यतो वत्सा रुदन्त्यत्र मातृहीनाः सुदुःखिताः

bhārye dve api tatraiva bhavetāṁ cātiduḥkhite yato vatsā rudantyatra mātṛhīnāḥ suduḥkhitāḥ

And let both his wives also become, there, greatly afflicted with sorrow — since here, motherless calves cry out in deep distress.

Verse 7 (devibhagavatam.4.3.7)

मृतवत्सादितिस्तस्माद्भविष्यति धरातले । कारागारनिवासा च तेनापि बहुदुःखिता

mṛtavatsāditistasmādbhaviṣyati dharātale kārāgāranivāsā ca tenāpi bahuduḥkhitā

Therefore Aditi shall become, on this earth, one whose children die at birth; and through that also she shall dwell in a prison, greatly afflicted."

Verse 8 (devibhagavatam.4.3.8)

व्यास उवाच । तच्छ्रुत्वा वचनं तस्य यादोनाथस्य पद्मभूः । समाहूय मुनिं तत्र तमुवाच प्रजापतिः

vyāsa uvāca tacchrutvā vacanaṁ tasya yādonāthasya padmabhūḥ samāhūya muniṁ tatra tamuvāca prajāpatiḥ

Vyasa said: Hearing these words of the lord of the waters, the lotus-born Prajapati Brahma summoned that sage there and spoke to him.

Verse 9 (devibhagavatam.4.3.9)

कस्मात्त्वया महाभाग लोकपालस्य धेनवः । हृताः पुनर्न दत्ताश्च किमन्यायं करोषि च

kasmāttvayā mahābhāga lokapālasya dhenavaḥ hṛtāḥ punarna dattāśca kimanyāyaṁ karoṣi ca

"Why, O glorious one, have you taken away the cows of this guardian of the world, and not returned them? Why do you act unjustly?

Verse 10 (devibhagavatam.4.3.10)

जानन् न्यायं महाभाग परवित्तापहारणम् । कृतवान्कथमन्यायं सर्वज्ञोऽसि महामते

jānan nyāyaṁ mahābhāga paravittāpahāraṇam kṛtavānkathamanyāyaṁ sarvajño'si mahāmate

Knowing what is just, O glorious one — knowing that seizing another's property is wrong — how have you committed this injustice? You are all-knowing, O sage of great wisdom.

Verse 11 (devibhagavatam.4.3.11)

अहो लोभस्य महिमा महतोऽपि न मुञ्चति । लोभं नरकदं नूनं पापाकरमसम्मतम्

aho lobhasya mahimā mahato'pi na muñcati lobhaṁ narakadaṁ nūnaṁ pāpākaramasammatam

Ah, such is the power of greed — it does not release even great souls. Greed, verily, is a giver of hell, a mine of sin, wholly unworthy of approval.

Verse 12 (devibhagavatam.4.3.12)

कश्यपोऽपि न तं त्यक्तुं समर्थः किं करोम्यहम् । सर्वदैवाधिकस्तस्माल्लोभो वै कलितो मया

kaśyapo'pi na taṁ tyaktuṁ samarthaḥ kiṁ karomyaham sarvadaivādhikastasmāllobho vai kalito mayā

Even Kashyapa is not able to abandon it — what shall I do? Thus greed, indeed, has always overpowered even me — this I too have come to understand.

Verse 13 (devibhagavatam.4.3.13)

धन्यास्ते मुनयः शान्ता जितो यैर्लोभ एव च । वैखानसैः शमपरैः प्रतिग्रहपराङ्मुखैः

dhanyāste munayaḥ śāntā jito yairlobha eva ca vaikhānasaiḥ śamaparaiḥ pratigrahaparāṅmukhaiḥ

Blessed are those peaceful sages, forest ascetics devoted to tranquility, averse to accepting gifts, by whom greed alone has truly been conquered.

Verse 14 (devibhagavatam.4.3.14)

संसारे बलवाञ्छत्रुर्लोभोऽमेध्योऽवरः सदा । कश्यपोऽपि दुराचारः कृतस्नेहो दुरात्मना

saṁsāre balavāñchatrurlobho'medhyo'varaḥ sadā kaśyapo'pi durācāraḥ kṛtasneho durātmanā

In this world, greed is a powerful, impure, and ever-base enemy. Even Kashyapa, through evil-minded attachment, fell into wrongful conduct.

Verse 15 (devibhagavatam.4.3.15)

ब्रह्मापि तं शशापाथ कश्यपं मुनिसत्तमम् । मर्यादारक्षणार्थं हि पौत्रं परमवल्लभम्

brahmāpi taṁ śaśāpātha kaśyapaṁ munisattamam maryādārakṣaṇārthaṁ hi pautraṁ paramavallabham

Then Brahma too, for the sake of upholding the boundary of right conduct, cursed Kashyapa, that best of sages — even his own most beloved grandson.

Verse 16 (devibhagavatam.4.3.16)

अंशेन त्वं पृथिव्यां वै प्राप्य जन्म यदोः कुले । भार्याभ्यां संयुतस्तत्र गोपालत्वं करिष्यसि

aṁśena tvaṁ pṛthivyāṁ vai prāpya janma yadoḥ kule bhāryābhyāṁ saṁyutastatra gopālatvaṁ kariṣyasi

"You, by a portion of yourself, having taken birth on this earth in the lineage of Yadu, shall there become a cowherd, together with your two wives."

Verse 17 (devibhagavatam.4.3.17)

व्यास उवाच । एवं शप्तः कश्यपोऽसौ वरुणेन च ब्रह्मणा । अंशावतरणार्थाय भूभारहरणाय च

vyāsa uvāca evaṁ śaptaḥ kaśyapo'sau varuṇena ca brahmaṇā aṁśāvataraṇārthāya bhūbhāraharaṇāya ca

Vyasa said: Thus Kashyapa was cursed by both Varuna and Brahma — cursed for the purpose of a partial incarnation and for the removal of the earth's burden.

Verse 18 (devibhagavatam.4.3.18)

तथा दित्यादितिः शप्ता शोकसन्तप्तया भृशम् । जाता जाता विनश्येरंस्तव पुत्रास्तु सप्त वै

tathā dityāditiḥ śaptā śokasantaptayā bhṛśam jātā jātā vinaśyeraṁstava putrāstu sapta vai

And likewise Aditi was cursed by Diti, who was greatly consumed with grief: your sons, as soon as they are born, one after another, shall perish — seven of them, indeed.

Verse 19 (devibhagavatam.4.3.19)

जनमेजय उवाच । कस्माद्दित्या च भगिनी शप्तेन्द्रजननी मुने । कारणं वद शापे च शोकस्तु मुनिसत्तम

janamejaya uvāca kasmāddityā ca bhaginī śaptendrajananī mune kāraṇaṁ vada śāpe ca śokastu munisattama

Janamejaya said: Why, O sage, did Diti curse her own sister, the mother of Indra? Tell me the reason for that curse and that grief, O best of sages.

Verse 20 (devibhagavatam.4.3.20)

सूत उवाच । पारीक्षितेन पृष्टस्तु व्यासः सत्यवतीसुतः । राजानं प्रत्युवाचेदं कारणं सुसमाहितः

sūta uvāca pārīkṣitena pṛṣṭastu vyāsaḥ satyavatīsutaḥ rājānaṁ pratyuvācedaṁ kāraṇaṁ susamāhitaḥ

Suta said: Thus questioned by the son of Parikshit, Vyasa, son of Satyavati, with a composed mind, related this cause to the king.

Verse 21 (devibhagavatam.4.3.21)

व्यास उवाच । राजन् दक्षसुते द्वे तु दितिश्चादितिरुत्तमे । कश्यपस्य प्रिये भार्ये बभूवतुरुरुक्रमे

vyāsa uvāca rājan dakṣasute dve tu ditiścāditiruttame kaśyapasya priye bhārye babhūvatururukrame

Vyasa said: O king, Diti and Aditi were two excellent daughters of Daksha, and became the beloved wives of Kashyapa, the wide-strider.

Verse 22 (devibhagavatam.4.3.22)

अदित्यां मघवा पुत्रो यदाभूदतिवीर्यवान् । तदा तु तादृशं पुत्रं चकमे दितिरोजसा

adityāṁ maghavā putro yadābhūdativīryavān tadā tu tādṛśaṁ putraṁ cakame ditirojasā

When Indra, a son of exceeding valor, was born to Aditi, then Diti too, with fierce longing, desired a son just like him.

Verse 23 (devibhagavatam.4.3.23)

पतिमाहासितापाङ्गी पुत्रं मे देहि मानद । इन्द्रख्यबलं वीरं धर्मिष्ठं वीर्यवत्तमम्

patimāhāsitāpāṅgī putraṁ me dehi mānada indrakhyabalaṁ vīraṁ dharmiṣṭhaṁ vīryavattamam

The dark-eyed one said to her husband: O giver of honor, grant me a son — a hero equal in strength to Indra, righteous, most valorous.

Verse 24 (devibhagavatam.4.3.24)

तामुवाच मुनिः कान्ते स्वस्था भव मयोदिते । व्रतान्ते भविता तुभ्यं शतक्रतुसमः सुतः

tāmuvāca muniḥ kānte svasthā bhava mayodite vratānte bhavitā tubhyaṁ śatakratusamaḥ sutaḥ

The sage said to her: Be at peace, beloved, as I direct you. At the end of a vow, you shall have a son equal to Shatakratu, Indra.

Verse 25 (devibhagavatam.4.3.25)

सा तथेति प्रतिश्रुत्य चकार व्रतमुत्तमम् । निषिक्तं मुनिना गर्भं बिभ्राणा सुमनोहरम्

sā tatheti pratiśrutya cakāra vratamuttamam niṣiktaṁ muninā garbhaṁ bibhrāṇā sumanoharam

She, saying "so be it," accepted this and undertook the excellent vow, bearing the lovely embryo placed within her by the sage.

Verse 26 (devibhagavatam.4.3.26)

भूमौ चकार शयनं पयोव्रतपरायणा । पवित्रा धारणायुक्ता बभूव वरवर्णिनी

bhūmau cakāra śayanaṁ payovrataparāyaṇā pavitrā dhāraṇāyuktā babhūva varavarṇinī

Devoted to the milk-vow, she took to sleeping upon the bare ground; pure and steadfast in her observance, that beautiful woman remained so.

Verse 27 (devibhagavatam.4.3.27)

एवं जातः सुसम्पूर्णो यदा गर्भोऽतिवीर्यवान् । शुभ्रांशुमतिदीप्ताङ्गीं दितिं दृष्ट्वा तु दुःखिता

evaṁ jātaḥ susampūrṇo yadā garbho'tivīryavān śubhrāṁśumatidīptāṅgīṁ ditiṁ dṛṣṭvā tu duḥkhitā

Thus, when the embryo of exceeding vigor had become fully formed, seeing Diti radiant-bodied as the bright moon, Aditi grew distressed —

Verse 28 (devibhagavatam.4.3.28)

मघवत्सदृशः पुत्रो भविष्यति महाबलः । दित्यास्तदा मम सुतस्तेजोहीनो भवेत्किल

maghavatsadṛśaḥ putro bhaviṣyati mahābalaḥ dityāstadā mama sutastejohīno bhavetkila

thinking: a son equal to Indra, of great strength, will be born to Diti — then surely my own son's splendor will grow dim.

Verse 29 (devibhagavatam.4.3.29)

इति चिन्तापरा पुत्रमिन्द्रं चोवाच मानिनी । शत्रुस्तेऽद्य समुत्पन्नो दितिगर्भेऽतिवीर्यवान्

iti cintāparā putramindraṁ covāca māninī śatruste'dya samutpanno ditigarbhe'tivīryavān

So, absorbed in anxiety, the proud goddess said to her son Indra: a rival of exceeding might has now arisen for you, this very day, in Diti's womb.

Verse 30 (devibhagavatam.4.3.30)

उपायं कुरु नाशाय शत्रोरद्य विचिन्त्य च । उत्पत्तिरेव हन्तव्या दित्या गर्भस्य शोभन

upāyaṁ kuru nāśāya śatroradya vicintya ca utpattireva hantavyā dityā garbhasya śobhana

O splendid one, devise well this very day a plan for that enemy's destruction — Diti's very embryo must be destroyed before its birth.

Verse 31 (devibhagavatam.4.3.31)

वीक्ष्य तामसितापाङ्गीं सपत्नीभावमास्थिताम् । दुनोति हृदये चिन्ता सुखमर्मविनाशिनी

vīkṣya tāmasitāpāṅgīṁ sapatnībhāvamāsthitām dunoti hṛdaye cintā sukhamarmavināśinī

Seeing that dark-eyed rival established in her co-wifely rivalry, an anxiety that destroys the very core of happiness torments my heart.

Verse 32 (devibhagavatam.4.3.32)

राजयक्ष्मेव संवृद्धो नष्टो नैव भवेद्रिपुः । तस्मादङ्कुरितं हन्याद्बुद्धिमानहितं किल

rājayakṣmeva saṁvṛddho naṣṭo naiva bhavedripuḥ tasmādaṅkuritaṁ hanyādbuddhimānahitaṁ kila

Like consumption once it has grown strong, an enemy once grown cannot be destroyed. Therefore the wise should destroy what is harmful while it is still a mere sprout.

Verse 33 (devibhagavatam.4.3.33)

लोहशङ्कुरिव क्षिप्तो गर्भो वै हृदये मम । येन केनाप्युपायेन पातयाद्य शतक्रतो

lohaśaṅkuriva kṣipto garbho vai hṛdaye mama yena kenāpyupāyena pātayādya śatakrato

That embryo sits in my heart like an iron spike thrust in. By whatever means, O Shatakratu, destroy it this very day.

Verse 34 (devibhagavatam.4.3.34)

सामदानबलेनापि हिंसनीयस्त्वया सुतः । दित्या गर्भो महाभाग मम चेदिच्छसि प्रियम्

sāmadānabalenāpi hiṁsanīyastvayā sutaḥ dityā garbho mahābhāga mama cedicchasi priyam

By conciliation, gift, or force — O glorious one — Diti's unborn son must be slain by you, if you wish my good."

Verse 35 (devibhagavatam.4.3.35)

व्यास उवाच । श्रुत्वा मातृवचः शक्रो विचिन्त्य मनसा ततः । जगामापरमातुः स समीपममराधिपः

vyāsa uvāca śrutvā mātṛvacaḥ śakro vicintya manasā tataḥ jagāmāparamātuḥ sa samīpamamarādhipaḥ

Vyasa said: Having heard his mother's words, and reflecting within his mind, Shakra, lord of the immortals, then went near his other mother, Diti.

Verse 36 (devibhagavatam.4.3.36)

ववन्दे विनयात्पादौ दित्याः पापमतिर्नृप । प्रोवाच विनयेनासौ मधुरं विषगर्भितम्

vavande vinayātpādau dityāḥ pāpamatirnṛpa provāca vinayenāsau madhuraṁ viṣagarbhitam

With sinful intent, O king, he humbly bowed to Diti's feet, and spoke to her with courtesy — sweet words concealing poison within.

Verse 37 (devibhagavatam.4.3.37)

इन्द्र उवाच । मातस्त्वं व्रतयुक्तासि क्षीणदेहातिदुर्बला । सेवार्थमिह सम्प्राप्तः किं कर्तव्यं वदस्व मे

indra uvāca mātastvaṁ vratayuktāsi kṣīṇadehātidurbalā sevārthamiha samprāptaḥ kiṁ kartavyaṁ vadasva me

Indra said: Mother, you are engaged in a vow, your body wasted and very weak. I have come here to serve you — tell me, what shall I do for you?

Verse 38 (devibhagavatam.4.3.38)

पादसंवाहनं तेऽहं करिष्यामि पतिव्रते । गुरुशुश्रूषणात्पुण्यं लभते गतिमक्षयाम्

pādasaṁvāhanaṁ te'haṁ kariṣyāmi pativrate guruśuśrūṣaṇātpuṇyaṁ labhate gatimakṣayām

I shall massage your feet, O faithful wife — by serving one's elders, one obtains merit and an imperishable destiny.

Verse 39 (devibhagavatam.4.3.39)

न मे किमपि भेदोऽस्ति तथादित्या शपे किल । इत्युक्त्वा चरणौ स्पृष्टा संवाहनपरोऽभवत्

na me kimapi bhedo'sti tathādityā śape kila ityuktvā caraṇau spṛṣṭā saṁvāhanaparo'bhavat

I hold no difference at all between you and Aditi — this I swear." Saying so, he touched her feet and began to massage them.

Verse 40 (devibhagavatam.4.3.40)

संवाहनसुखं प्राप्य निद्रामाप सुलोचना । श्रान्ता व्रतकृशा सुप्ता विश्वस्ता परमा सती

saṁvāhanasukhaṁ prāpya nidrāmāpa sulocanā śrāntā vratakṛśā suptā viśvastā paramā satī

Obtaining the comfort of that massage, the fair-eyed Diti fell asleep — weary and emaciated by her vow, that most virtuous woman slept trustingly.

Verse 41 (devibhagavatam.4.3.41)

तां निद्रावशमापन्नां विलोक्य प्राविशत्तनुम् । रूपं कृत्वातिसूक्ष्मञ्च शस्त्रपाणिः समाहितः

tāṁ nidrāvaśamāpannāṁ vilokya prāviśattanum rūpaṁ kṛtvātisūkṣmañca śastrapāṇiḥ samāhitaḥ

Seeing her overcome by sleep, he, weapon in hand and composed of mind, took on an extremely subtle form and entered her body.

Verse 42 (devibhagavatam.4.3.42)

उदरं प्रविवेशाशु तस्या योगबलेन वै । गर्भं चकर्त वज्रेण सप्तधा पविनायकः

udaraṁ praviveśāśu tasyā yogabalena vai garbhaṁ cakarta vajreṇa saptadhā pavināyakaḥ

By the power of yoga he quickly entered her womb, and the wielder of the thunderbolt cut the embryo into seven pieces with his vajra.

Verse 43 (devibhagavatam.4.3.43)

रुरोद च तदा बालो वज्रेणाभिहतस्तथा । मा रुदेति शनैर्वाक्यमुवाच मघवानमुम्

ruroda ca tadā bālo vajreṇābhihatastathā mā rudeti śanairvākyamuvāca maghavānamum

Then the child, struck by the vajra, wept; and Maghava softly said to him, do not cry.

Verse 44 (devibhagavatam.4.3.44)

शकलानि पुनः सप्त सप्तधा कर्तितानि च । तदा चैकोनपञ्चाशन्मरुतश्चाभवन्नृप

śakalāni punaḥ sapta saptadhā kartitāni ca tadā caikonapañcāśanmarutaścābhavannṛpa

Then those seven pieces were again each cut into seven, and so, O king, there came to be the forty-nine Maruts.

Verse 45 (devibhagavatam.4.3.45)

तदा प्रबुद्धा सुदती ज्ञात्वा गर्भं तथाकृतम् । इन्द्रेण छलरूपेण चुकोप भृशदुःखिता

tadā prabuddhā sudatī jñātvā garbhaṁ tathākṛtam indreṇa chalarūpeṇa cukopa bhṛśaduḥkhitā

Then the fair-toothed Diti awoke, and, learning that her embryo had been thus mutilated by Indra in his deceptive form, became greatly enraged and grief-stricken.

Verse 46 (devibhagavatam.4.3.46)

भगिनीकृतं तु सा बुद्ध्वा शशाप कुपिता तदा । अदितिं मघवन्तञ्च सत्यव्रतपरायणा

bhaginīkṛtaṁ tu sā buddhvā śaśāpa kupitā tadā aditiṁ maghavantañca satyavrataparāyaṇā

Understanding that this was her own sister's doing, she, devoted to truth-vows, angrily cursed both Aditi and Indra —

Verse 47 (devibhagavatam.4.3.47)

यथा मे कर्तितो गर्भस्तव पुत्रेण छद्मना । तथा तन्नाशमायातु राज्यं त्रिभुवनस्य तु

yathā me kartito garbhastava putreṇa chadmanā tathā tannāśamāyātu rājyaṁ tribhuvanasya tu

As my embryo has been cut apart by your son through deceit, so may his very kingdom of the three worlds come to ruin.

Verse 48 (devibhagavatam.4.3.48)

यथा गुप्तेन पापेन मम गर्भो निपातितः । अदित्या पापचारिण्या यथा मे घातितः सुतः

yathā guptena pāpena mama garbho nipātitaḥ adityā pāpacāriṇyā yathā me ghātitaḥ sutaḥ

As, through hidden sin, my embryo was struck down; as, by the wickedly-acting Aditi, my son was slain —

Verse 49 (devibhagavatam.4.3.49)

तस्याः पुत्रास्तु नश्यन्तु जाता जाताः पुनः पुनः । कारागारे वसत्वेषा पुत्रशोकातुरा भृशम्

tasyāḥ putrāstu naśyantu jātā jātāḥ punaḥ punaḥ kārāgāre vasatveṣā putraśokāturā bhṛśam

so may her sons, likewise, perish one after another as soon as they are born; and may she dwell in a prison, greatly tormented by grief for her sons.

Verse 50 (devibhagavatam.4.3.50)

अन्यजन्मनि चाप्येव मृतापत्या भविष्यति । व्यास उवाच । इत्युत्सृष्टं तदा श्रुत्वा शापं मरीचिनन्दनः

anyajanmani cāpyeva mṛtāpatyā bhaviṣyati vyāsa uvāca ityutsṛṣṭaṁ tadā śrutvā śāpaṁ marīcinandanaḥ

And in another birth too she shall become one whose children die." Vyasa said: Hearing that curse then pronounced, the son of Marichi —

Verse 51 (devibhagavatam.4.3.51)

उवाच प्रणयोपेतो वचनं शमयन्निव । मा कोपं कुरु कल्याणि पुत्रास्ते बलवत्तराः

uvāca praṇayopeto vacanaṁ śamayanniva mā kopaṁ kuru kalyāṇi putrāste balavattarāḥ

spoke tenderly, as if to pacify her: Do not be angry, blessed one; your sons shall be exceedingly powerful.

Verse 52 (devibhagavatam.4.3.52)

भविष्यन्ति सुराः सर्वे मरुतो मघवत्सखाः । शापोऽयं तव वामोरु त्वष्टाविंशेऽथ द्वापरे

bhaviṣyanti surāḥ sarve maruto maghavatsakhāḥ śāpo'yaṁ tava vāmoru tvaṣṭāviṁśe'tha dvāpare

All of them shall become gods, the Maruts, companions of Indra. As for this curse of yours, O fair-thighed one, in the twenty-eighth Dvapara age —

Verse 53 (devibhagavatam.4.3.53)

अंशेन मानुषं जन्म प्राप्य भोक्ष्यति भामिनी । वरुणेनापि दत्तोऽस्ति शापः सन्तापितेन च

aṁśena mānuṣaṁ janma prāpya bhokṣyati bhāminī varuṇenāpi datto'sti śāpaḥ santāpitena ca

that lady, taking a human birth through a portion of herself, shall bear its effect. A curse has also been given by the anguished Varuna —

Verse 54 (devibhagavatam.4.3.54)

उभयोः शापयोगेन मानुषीयं भविष्यति । व्यास उवाच । पतिनाश्वासिता देवी सन्तुष्टा साभवत्तदा

ubhayoḥ śāpayogena mānuṣīyaṁ bhaviṣyati vyāsa uvāca patināśvāsitā devī santuṣṭā sābhavattadā

and through the combination of these two curses shall this human birth come about." Vyasa said: Reassured thus by her husband, the goddess Diti then became content.

Verse 55 (devibhagavatam.4.3.55)

नोवाच विप्रियं किञ्चित्ततः सा वरवर्णिनी । इति ते कथितं राजन् पूर्वशापस्य कारणम्

novāca vipriyaṁ kiñcittataḥ sā varavarṇinī iti te kathitaṁ rājan pūrvaśāpasya kāraṇam

That fair one said nothing more unpleasant thereafter. Thus, O king, has the cause of the former curse been related to you.

Verse 56 (devibhagavatam.4.3.56)

अदितिर्देवकी जाता स्वांशेन नृपसत्तम

aditirdevakī jātā svāṁśena nṛpasattama

Aditi, through a portion of herself, was born as Devaki, O best of kings.