Vishnu's Coming during the Battle between Prahlada and Narayana

Verse 1 (devibhagavatam.4.9.1)

व्यास उवाच । कुर्वंस्तीर्थविधिं तत्र हिरण्यकशिपोः सुतः । न्यग्रोधं सुमहच्छायमपश्यत्पुरतस्तदा

vyāsa uvāca kurvaṁstīrthavidhiṁ tatra hiraṇyakaśipoḥ sutaḥ nyagrodhaṁ sumahacchāyamapaśyatpuratastadā

Vyasa said: While performing the rites at that sacred site, the son of Hiranyakashipu then saw before him a vast, shady banyan tree.

Verse 2 (devibhagavatam.4.9.2)

ददर्श बाणानपरान्नानाजातीयकांस्तदा । गृध्रपक्षयुतांस्तीव्राच्छिलाधौतान्महोज्वलान्

dadarśa bāṇānaparānnānājātīyakāṁstadā gṛdhrapakṣayutāṁstīvrācchilādhautānmahojvalān

There he also saw many kinds of arrows, of various sorts, fletched with vulture feathers, sharpened and polished upon stone, exceedingly bright.

Verse 3 (devibhagavatam.4.9.3)

चिन्तयामास मनसा कस्येमे विशिखास्त्विह । ऋषीणामाश्रमे पुण्ये तीर्थे परमपावने

cintayāmāsa manasā kasyeme viśikhāstviha ṛṣīṇāmāśrame puṇye tīrthe paramapāvane

He thought in his mind: whose arrows are these, here in this sacred hermitage of sages, at this most purifying of sacred sites?

Verse 4 (devibhagavatam.4.9.4)

एवं चिन्तयतानेन कृष्णाजिनधरौ मुनी । समुन्नतजटाभारौ दृष्टौ धर्मसुतौ तदा

evaṁ cintayatānena kṛṣṇājinadharau munī samunnatajaṭābhārau dṛṣṭau dharmasutau tadā

As he was thinking thus, he then saw two sages, sons of Dharma, clad in black antelope skins, their matted hair piled high.

Verse 5 (devibhagavatam.4.9.5)

तयोरग्रे धृते शुभ्रे धनुषी लक्षणान्विते । शार्ङ्गमाजगवञ्चैव तथाक्षय्यौ महेषुधी

tayoragre dhṛte śubhre dhanuṣī lakṣaṇānvite śārṅgamājagavañcaiva tathākṣayyau maheṣudhī

Before them lay two radiant bows marked with auspicious signs — the Sharnga and the Ajagava — and likewise two inexhaustible, mighty quivers.

Verse 6 (devibhagavatam.4.9.6)

ध्यानस्थौ तौ महाभागौ नरनारायणावृषी । दृष्ट्वा धर्मसुतौ तत्र दैत्यानामधिपस्तदा

dhyānasthau tau mahābhāgau naranārāyaṇāvṛṣī dṛṣṭvā dharmasutau tatra daityānāmadhipastadā

Seeing those two glorious seers, Nara and Narayana, sons of Dharma, absorbed in meditation there, the lord of the daityas then —

Verse 7 (devibhagavatam.4.9.7)

क्रोधरक्तेक्षणस्तौ तु प्रोवाचासुरपालकः । किं भवद्भ्यां समारब्धो दम्भो धर्मविनाशनः

krodharaktekṣaṇastau tu provācāsurapālakaḥ kiṁ bhavadbhyāṁ samārabdho dambho dharmavināśanaḥ

his eyes red with anger, that guardian of the asuras spoke to them: what is this hypocrisy, destructive of dharma, that you two have taken up?

Verse 8 (devibhagavatam.4.9.8)

न श्रुतं नैव दृष्टं हि संसारेऽस्मिन्कदापि हि । तपसश्चरणं तीव्रं तथा चापस्य धारणम्

na śrutaṁ naiva dṛṣṭaṁ hi saṁsāre'sminkadāpi hi tapasaścaraṇaṁ tīvraṁ tathā cāpasya dhāraṇam

Never has it been heard, nor ever seen, in this world — the practice of fierce austerity together with the bearing of a bow!

Verse 9 (devibhagavatam.4.9.9)

विरोधोऽयं युगे चाद्ये कथं युक्तं कलिप्रियम् । ब्राह्मणस्य तपो युक्तं तत्र किं चापधारणम्

virodho'yaṁ yuge cādye kathaṁ yuktaṁ kalipriyam brāhmaṇasya tapo yuktaṁ tatra kiṁ cāpadhāraṇam

This is a plain contradiction — how, even in the first age, could a thing dear to Kali be fitting? Austerity befits a brahmin — what use, then, has he for a bow?

Verse 10 (devibhagavatam.4.9.10)

क्व जटाधारणं देहे क्वेषुधी च विडम्बनौ । धर्मस्याचरणं युक्तं युवयोर्दिव्यभावयोः

kva jaṭādhāraṇaṁ dehe kveṣudhī ca viḍambanau dharmasyācaraṇaṁ yuktaṁ yuvayordivyabhāvayoḥ

Matted hair upon the body — and a quiver too — this is nothing but mockery! Only the practice of dharma befits you two, of divine nature.

Verse 11 (devibhagavatam.4.9.11)

व्यास उवाच । इति तस्य वचः श्रुत्वा नरः प्रोवाच भारत । का ते चिन्तात्र दैत्येन्द्र वृथा तपसि चावयोः

vyāsa uvāca iti tasya vacaḥ śrutvā naraḥ provāca bhārata kā te cintātra daityendra vṛthā tapasi cāvayoḥ

Vyasa said: Hearing his words, O descendant of Bharata, Nara spoke: what is your concern, O lord of daityas, over our austerity, in vain?

Verse 12 (devibhagavatam.4.9.12)

सामर्थ्ये सति यत्कुर्यात्तत्सम्पद्येत तस्य हि । आवां कार्यद्वये मन्द समर्थौ लोकविश्रुतौ

sāmarthye sati yatkuryāttatsampadyeta tasya hi āvāṁ kāryadvaye manda samarthau lokaviśrutau

Whatever one who has capability undertakes, that succeeds for him. O fool, we two are capable in both endeavors, and renowned throughout the world —

Verse 13 (devibhagavatam.4.9.13)

युद्धे तपसि सामर्थ्यं त्वं पुनः किं करिष्यसि । गच्छ मार्गे यथाकामं कस्मादत्र विकत्थसे

yuddhe tapasi sāmarthyaṁ tvaṁ punaḥ kiṁ kariṣyasi gaccha mārge yathākāmaṁ kasmādatra vikatthase

capable both in battle and in austerity. What, then, will you make of it? Go your own way as you please — why do you boast here at all?

Verse 14 (devibhagavatam.4.9.14)

ब्रह्मतेजो दुराराध्यं न त्वं वेद विमोहितः । विप्रचर्चा न कर्तव्या प्राणिभिः सुखमीप्सुभिः

brahmatejo durārādhyaṁ na tvaṁ veda vimohitaḥ vipracarcā na kartavyā prāṇibhiḥ sukhamīpsubhiḥ

Brahmanical splendor is exceedingly hard to attain — deluded as you are, you do not know it. Creatures desiring happiness ought not to quarrel with brahmins.

Verse 15 (devibhagavatam.4.9.15)

प्रह्लाद उवाच । तापसौ मन्दबुद्धी स्थो मृषा वां गर्वमोहितौ । मयि तिष्ठति दैत्येन्द्रे धर्मसेतुप्रवर्तके

prahlāda uvāca tāpasau mandabuddhī stho mṛṣā vāṁ garvamohitau mayi tiṣṭhati daityendre dharmasetupravartake

Prahlada said: You two ascetics stand there dull-witted, deluded by empty pride, while I, the lord of daityas, upholder of the bridge of dharma, stand here before you —

Verse 16 (devibhagavatam.4.9.16)

न युक्तमेतत्तीर्थेऽस्मिन्नधर्माचरणं पुनः । का शक्तिस्तव युद्धेऽस्ति दर्शयाद्य तपोधन

na yuktametattīrthe'sminnadharmācaraṇaṁ punaḥ kā śaktistava yuddhe'sti darśayādya tapodhana

yet such unrighteous conduct at this sacred site is not fitting. What power have you in battle, O rich in austerity? Show it today.

Verse 17 (devibhagavatam.4.9.17)

व्यास उवाच । तदाकर्ण्य वचस्तस्य नरस्तं प्रत्युवाच ह । युद्धस्वाद्य मया सार्धं यदि ते मतिरीदृशी

vyāsa uvāca tadākarṇya vacastasya narastaṁ pratyuvāca ha yuddhasvādya mayā sārdhaṁ yadi te matirīdṛśī

Vyasa said: Hearing his words, Nara then replied to him: fight today, together with me, if such indeed is your resolve.

Verse 18 (devibhagavatam.4.9.18)

अद्य ते स्फोटयिष्यामि मूर्धानमसुराधम । (युद्धे श्रद्धा न ते पश्चाद्भविष्यति कदाचन ।)॥ व्यास उवाच । तन्निशम्य वचस्तस्य दैत्येन्द्रः कुपितस्तदा

adya te sphoṭayiṣyāmi mūrdhānamasurādhama (yuddhe śraddhā na te paścādbhaviṣyati kadācana ) vyāsa uvāca tanniśamya vacastasya daityendraḥ kupitastadā

Today, O basest of asuras, I shall shatter your very head. Never again after this will you have any wish for battle. Vyasa said: Hearing his words, the lord of daityas then grew furious.

Verse 19 (devibhagavatam.4.9.19)

प्रह्लादो बलवानत्र प्रतिज्ञामारुरोह सः । येन केनाप्युपायेन जेष्यामि तावुभावपि

prahlādo balavānatra pratijñāmāruroha saḥ yena kenāpyupāyena jeṣyāmi tāvubhāvapi

The mighty Prahlada then made this vow: by whatever means, I shall conquer both of them —

Verse 20 (devibhagavatam.4.9.20)

नरनारायणौ दान्तावृषी तपिसमन्वितौ । व्यास उवाच । इत्युक्त्वा वचनं दैत्यः प्रतिगृह्य शरासनम्

naranārāyaṇau dāntāvṛṣī tapisamanvitau vyāsa uvāca ityuktvā vacanaṁ daityaḥ pratigṛhya śarāsanam

Nara and Narayana, these two self-controlled, austere seers. Vyasa said: Having spoken thus, the daitya took up his bow.

Verse 21 (devibhagavatam.4.9.21)

आकृष्य तरसा चापं ज्याशब्दञ्च चकार ह । नरोऽपि धनुरादाय शरांस्तीव्राञ्छिलाशितान्

ākṛṣya tarasā cāpaṁ jyāśabdañca cakāra ha naro'pi dhanurādāya śarāṁstīvrāñchilāśitān

He swiftly drew his bow and made its string resound with a twang. Nara too, taking up his bow, and sharp arrows honed upon stone,

Verse 22 (devibhagavatam.4.9.22)

मुमोच बहुशः कोधात्प्रह्लादोपरि पार्थिव

mumoca bahuśaḥ kodhātprahlādopari pārthiva

released them again and again upon Prahlada, in anger, O king.

Verse 23 (devibhagavatam.4.9.23)

तान्दैत्यराजस्तपनीयपुङ्खै- श्चिच्छेद बाणैस्तरसा समेत्य । समीक्ष्य छिन्नांश्च नरः स्वसृष्टा- नन्यान्मुमोचाशु रुषान्वितो वै

tāndaityarājastapanīyapuṅkhai- ściccheda bāṇaistarasā sametya samīkṣya chinnāṁśca naraḥ svasṛṣṭā- nanyānmumocāśu ruṣānvito vai

That lord of daityas swiftly cut down those arrows with his own gold-nocked shafts. Seeing his arrows severed, Nara, filled with rage, at once released fresh ones.

Verse 24 (devibhagavatam.4.9.24)

दैत्याथिपस्तानपि तीव्रवेगै- श्छित्त्वा जघानोरसि तं मुनीन्द्रम् । नरोऽपि तं पञ्चभिराशुगैश्च कुद्धोऽहनद्दैत्यपतिं बाहुदेशे

daityāthipastānapi tīvravegai- śchittvā jaghānorasi taṁ munīndram naro'pi taṁ pañcabhirāśugaiśca kuddho'hanaddaityapatiṁ bāhudeśe

The lord of daityas cut those down too with his swift shafts, and struck that lord of sages upon the chest. Nara, enraged in turn, struck the lord of daityas upon the arm with five swift arrows.

Verse 25 (devibhagavatam.4.9.25)

सेन्द्राः सुरास्तत्र तयोर्हि युद्धं द्रष्टुं विमानैर्गगनस्थिताश्च । नरस्य वीर्यं युधि संस्थितस्य ते तुष्टुवुर्दैत्यपतेश्च भूयः

sendrāḥ surāstatra tayorhi yuddhaṁ draṣṭuṁ vimānairgaganasthitāśca narasya vīryaṁ yudhi saṁsthitasya te tuṣṭuvurdaityapateśca bhūyaḥ

The gods, with Indra among them, took their place in the sky in celestial cars to watch that battle; they praised again and again the valor of Nara, standing firm in combat, and of the lord of daityas.

Verse 26 (devibhagavatam.4.9.26)

ववर्ष दैत्याधिप आत्तचापः शिलीमुखानम्बुधरो यथापः । आदाय शार्ङ्ग धनुरप्रमेयं मुमोच बाणाञ्छितहेमपुङ्खान्

vavarṣa daityādhipa āttacāpaḥ śilīmukhānambudharo yathāpaḥ ādāya śārṅga dhanuraprameyaṁ mumoca bāṇāñchitahemapuṅkhān

The lord of daityas, bow in hand, poured down arrows as a raincloud pours down water. Taking up the immeasurable Sharnga bow, he loosed shafts with sharpened golden nocks.

Verse 27 (devibhagavatam.4.9.27)

बभूव युद्धं तुमुलं तयोस्तु जयैषिणोः पार्थिव देवदैत्ययोः । ववर्षुराकाशपथे स्थितास्ते पुष्पाणि दिव्यानि प्रहृष्टचित्ताः

babhūva yuddhaṁ tumulaṁ tayostu jayaiṣiṇoḥ pārthiva devadaityayoḥ vavarṣurākāśapathe sthitāste puṣpāṇi divyāni prahṛṣṭacittāḥ

A tumultuous battle broke out, O king, between the two, god and daitya, both desiring victory. Those in the pathway of the sky, their hearts delighted, rained down divine flowers.

Verse 28 (devibhagavatam.4.9.28)

चुकोप दैत्याधिपतिर्हरौ स मुमोच बाणानतितीव्रवेगान् । चिच्छेद तान्धर्मसुतः सुतीक्ष्णै- र्धनुर्विमुक्तैर्विशिखैस्तदाऽऽशु

cukopa daityādhipatirharau sa mumoca bāṇānatitīvravegān ciccheda tāndharmasutaḥ sutīkṣṇai- rdhanurvimuktairviśikhaistadā''śu

The lord of daityas, enraged at Hari, loosed arrows of exceeding swiftness at him. The son of Dharma cut them all down at once with extremely sharp shafts released from his bow.

Verse 29 (devibhagavatam.4.9.29)

ततो नारायणं बाणैः प्रह्लादश्चातिकर्षितैः । ववर्ष सुस्थितं वीरं धर्मपुत्रं सनातनम् । नारायणोऽपि तं वेगान्मुक्तैर्बाणैः शिलाशितैः

tato nārāyaṇaṁ bāṇaiḥ prahlādaścātikarṣitaiḥ vavarṣa susthitaṁ vīraṁ dharmaputraṁ sanātanam nārāyaṇo'pi taṁ vegānmuktairbāṇaiḥ śilāśitaiḥ

Then Prahlada showered fully-drawn arrows upon that steady hero, Narayana, the eternal son of Dharma; and Narayana in turn struck him with arrows released with force, honed upon stone.

Verse 30 (devibhagavatam.4.9.30)

तुतोदातीव पुरतो दैत्यानामधिपं स्थितम् । सन्निपातोऽम्बरे तत्र दिदृक्षूणां बभूव ह

tutodātīva purato daityānāmadhipaṁ sthitam sannipāto'mbare tatra didṛkṣūṇāṁ babhūva ha

He pierced the lord of daityas standing before him with fierce force. There in the sky a great gathering of onlookers, eager to watch, assembled.

Verse 31 (devibhagavatam.4.9.31)

देवानां दानवानाञ्च कुर्वतां जयघोषणम् । उभयोः शरवर्षेण छादिते गगने तदा

devānāṁ dānavānāñca kurvatāṁ jayaghoṣaṇam ubhayoḥ śaravarṣeṇa chādite gagane tadā

Gods and danavas alike raised shouts of victory; at that same moment the sky was covered over by the shower of arrows from both sides.

Verse 32 (devibhagavatam.4.9.32)

दिवापि रात्रिसदृशं बभूव तिमिरं महत् । ऊचुः परस्परं देवा दैत्याश्चातीव विस्मिताः

divāpi rātrisadṛśaṁ babhūva timiraṁ mahat ūcuḥ parasparaṁ devā daityāścātīva vismitāḥ

Even by day, a great darkness resembling night descended. The gods and daityas, exceedingly astonished, said to one another —

Verse 33 (devibhagavatam.4.9.33)

अदृष्टपूर्वं युद्धं वै वर्ततेऽद्य सुदारुणम् । देवर्षयोऽथ गन्धर्वा यक्षकिन्नरपन्नगाः

adṛṣṭapūrvaṁ yuddhaṁ vai vartate'dya sudāruṇam devarṣayo'tha gandharvā yakṣakinnarapannagāḥ

a battle never seen before, most terrible, is taking place today! The divine sages, gandharvas, yakshas, kinnaras, and serpents,

Verse 34 (devibhagavatam.4.9.34)

विद्याधराश्चारणाश्च विस्मयं परमं ययुः । नारदः पर्वतश्चैव प्रेक्षणार्थं स्थितौ मुनी

vidyādharāścāraṇāśca vismayaṁ paramaṁ yayuḥ nāradaḥ parvataścaiva prekṣaṇārthaṁ sthitau munī

and vidyadharas and charanas too were filled with the utmost astonishment. Narada and Parvata, those two sages, also stood there to watch —

Verse 35 (devibhagavatam.4.9.35)

नारदः पर्वतं प्राह नेदृशं चाभवत्पुरा । तारकासुरयुद्धञ्च तथा वृत्रासुरस्य च

nāradaḥ parvataṁ prāha nedṛśaṁ cābhavatpurā tārakāsurayuddhañca tathā vṛtrāsurasya ca

and Narada said to Parvata: never before has there been such a battle — not in the battle with Taraka the asura, nor in that with Vritrasura,

Verse 36 (devibhagavatam.4.9.36)

मधुकैटभयोर्युद्धं हरिणा चेदृशं कृतम् । प्रह्लादः प्रबलः शूरो यस्मान्नारायणेन च

madhukaiṭabhayoryuddhaṁ hariṇā cedṛśaṁ kṛtam prahlādaḥ prabalaḥ śūro yasmānnārāyaṇena ca

nor even the battle Hari once waged with Madhu and Kaitabha was like this! Prahlada is so mighty and heroic that against Narayana himself,

Verse 37 (devibhagavatam.4.9.37)

करोति सदृशं युद्धं सिद्धेनाद्भुतकर्मणा । व्यास उवाच । दिने दिने तथा रात्रौ कृत्वा कृत्वा पुनः पुनः

karoti sadṛśaṁ yuddhaṁ siddhenādbhutakarmaṇā vyāsa uvāca dine dine tathā rātrau kṛtvā kṛtvā punaḥ punaḥ

he wages an equal battle — this accomplished being of wondrous deeds! Vyasa said: Day after day, and night after night, fighting again and again,

Verse 38 (devibhagavatam.4.9.38)

चक्रतुः परमं युद्धं तौ तदा दैत्यतापसौ । नारायणस्तु चिच्छेद प्रह्लादस्य शरासनम्

cakratuḥ paramaṁ yuddhaṁ tau tadā daityatāpasau nārāyaṇastu ciccheda prahlādasya śarāsanam

those two, the daitya and the ascetic, waged then a supreme battle. Narayana cut down Prahlada's bow,

Verse 39 (devibhagavatam.4.9.39)

तरसैकेन बाणेन स चान्यद्धनुराददे । नारायणस्तु तरसा मुक्त्वान्यञ्च शिलीमुखम्

tarasaikena bāṇena sa cānyaddhanurādade nārāyaṇastu tarasā muktvānyañca śilīmukham

swiftly, with a single arrow; and he took up another bow. Narayana, swiftly releasing yet another shaft,

Verse 40 (devibhagavatam.4.9.40)

तदैव मध्यतश्चापं चिच्छेद लघुहस्तकः । छिन्नं छिन्नं पुनर्दैत्यो धनुरन्यत्समाददे

tadaiva madhyataścāpaṁ ciccheda laghuhastakaḥ chinnaṁ chinnaṁ punardaityo dhanuranyatsamādade

cut that bow too through its middle in that very instant, with a light hand. As often as a bow was cut, the daitya took up yet another.

Verse 41 (devibhagavatam.4.9.41)

नारायणस्तु चिच्छेद विशिखैराशु कोपितः । छिन्ने धनुषि दैत्येन्द्रः परिघं तु समाददे

nārāyaṇastu ciccheda viśikhairāśu kopitaḥ chinne dhanuṣi daityendraḥ parighaṁ tu samādade

Narayana, enraged, cut each one down at once with his shafts. When his bow was cut, the lord of daityas took up an iron mace.

Verse 42 (devibhagavatam.4.9.42)

जघान धर्मजं तूर्णं बाह्वोर्मध्येऽतिकोपनः । तमायान्तं स बलवान्मार्गणैर्नवभिर्मुनिः

jaghāna dharmajaṁ tūrṇaṁ bāhvormadhye'tikopanaḥ tamāyāntaṁ sa balavānmārgaṇairnavabhirmuniḥ

In a great fury he swiftly struck the son of Dharma between his two arms. Seeing that mace coming toward him, that mighty sage, with nine arrows,

Verse 43 (devibhagavatam.4.9.43)

चिच्छेद परिघं घोरं दशभिस्तमताडयत् । गदामादाय दैत्येन्द्रः सर्वायसमयीं दृढाम्

ciccheda parighaṁ ghoraṁ daśabhistamatāḍayat gadāmādāya daityendraḥ sarvāyasamayīṁ dṛḍhām

cut that terrible mace to pieces, and then struck him with ten more arrows. Then the lord of daityas took up another mace, made entirely of stout iron,

Verse 44 (devibhagavatam.4.9.44)

जानुदेशे जघानाशु देवं नारायणं रुषा । गदया चापि गिरिवत्संस्थितः स्थिरमानसः

jānudeśe jaghānāśu devaṁ nārāyaṇaṁ ruṣā gadayā cāpi girivatsaṁsthitaḥ sthiramānasaḥ

and in fury swiftly struck the god Narayana upon the knee with it. Yet even struck by the mace, he stood firm as a mountain, his mind unshaken.

Verse 45 (devibhagavatam.4.9.45)

धर्मपुत्रोऽतिबलवान्मुमोचाशु शिलीमुखान् । गदां चिच्छेद भगवांस्तदा दैत्यपतेर्दृढाम्

dharmaputro'tibalavānmumocāśu śilīmukhān gadāṁ ciccheda bhagavāṁstadā daityapaterdṛḍhām

The exceedingly mighty son of Dharma swiftly loosed his shafts, and the Lord then cut down that stout mace of the daitya lord.

Verse 46 (devibhagavatam.4.9.46)

विस्मयं परमं जग्मुः प्रेक्षका गगने स्थिताः । स तु शक्तिं समादाय प्रह्लादः परवीरहा

vismayaṁ paramaṁ jagmuḥ prekṣakā gagane sthitāḥ sa tu śaktiṁ samādāya prahlādaḥ paravīrahā

The onlookers stationed in the sky were filled with the utmost astonishment. Then Prahlada, slayer of enemy heroes, taking up a spear,

Verse 47 (devibhagavatam.4.9.47)

चिक्षेप तरसा क्रुद्धो बलान्नारायणोरसि । तामापतन्तीं संवीक्ष्य बाणेनैकेन लीलया

cikṣepa tarasā kruddho balānnārāyaṇorasi tāmāpatantīṁ saṁvīkṣya bāṇenaikena līlayā

hurled it, enraged, with full force at Narayana's chest. Seeing it hurtling toward him, with a single arrow, and with effortless ease,

Verse 48 (devibhagavatam.4.9.48)

सप्तधा कृतवानाशु सप्तभिस्तं जघान ह । दिव्यवर्षशतं चैव तद्युद्धं परमं तयोः

saptadhā kṛtavānāśu saptabhistaṁ jaghāna ha divyavarṣaśataṁ caiva tadyuddhaṁ paramaṁ tayoḥ

he at once cut it into seven pieces, and then struck him with seven arrows. That supreme battle between the two continued for a full hundred divine years,

Verse 49 (devibhagavatam.4.9.49)

जातं विस्मयदं राजन् सर्वेषां तत्र चाश्रमे । तदाऽऽजगाम तरसा पीतवासाश्चतुर्भुजः

jātaṁ vismayadaṁ rājan sarveṣāṁ tatra cāśrame tadā''jagāma tarasā pītavāsāścaturbhujaḥ

becoming, O king, a source of astonishment to all in that hermitage. Then swiftly the yellow-robed, four-armed Lord arrived there —

Verse 50 (devibhagavatam.4.9.50)

प्रह्लादस्याश्रमं तत्र जगाम च गदाधरः । चतुर्भुजो रमाकान्तो रथाङ्गदरपद्मभृत्

prahlādasyāśramaṁ tatra jagāma ca gadādharaḥ caturbhujo ramākānto rathāṅgadarapadmabhṛt

that wielder of the mace went to Prahlada's hermitage — four-armed, beloved of Lakshmi, bearing the discus and the lotus.

Verse 51 (devibhagavatam.4.9.51)

दृष्ट्वा तमागतं तत्र हिरण्यकशिपोः सुतः । प्रणम्य परया भक्त्या प्राञ्जलिः प्रत्युवाच ह

dṛṣṭvā tamāgataṁ tatra hiraṇyakaśipoḥ sutaḥ praṇamya parayā bhaktyā prāñjaliḥ pratyuvāca ha

Seeing him arrived there, the son of Hiranyakashipu, bowing with the utmost devotion, hands folded, spoke to him —

Verse 52 (devibhagavatam.4.9.52)

प्रह्लाद उवाच । देवदेव जगनाथ भक्तवत्सल माधव । कथं न जितवानाजावहमेतौ तपस्विनौ । सङ्ग्रामस्तु मया देव कृतः पूर्णं शतं समाः

prahlāda uvāca devadeva jaganātha bhaktavatsala mādhava kathaṁ na jitavānājāvahametau tapasvinau saṅgrāmastu mayā deva kṛtaḥ pūrṇaṁ śataṁ samāḥ

Prahlada said: O god of gods, lord of the universe, fond of your devotees, O Madhava! Why have I not conquered these two ascetics in battle? O Lord, I have fought this war for a full hundred years —

Verse 53 (devibhagavatam.4.9.53)

सुराणां न जितौ कस्मादिति मे विस्मयो महान् । विष्णुरुवाच । सिद्धाविमौ मदंशौ च विस्मयः कोऽत्र मारिष

surāṇāṁ na jitau kasmāditi me vismayo mahān viṣṇuruvāca siddhāvimau madaṁśau ca vismayaḥ ko'tra māriṣa

yet why have I not conquered these gods — this is a great astonishment to me. Vishnu said: These two are accomplished beings, portions of myself, O worthy one — what astonishment is there in this?

Verse 54 (devibhagavatam.4.9.54)

तापसौ न जितात्मानौ नरनारायणौ जितौ । गच्छ त्वं वितलं राजन् कुरु भक्तिं ममाचलाम्

tāpasau na jitātmānau naranārāyaṇau jitau gaccha tvaṁ vitalaṁ rājan kuru bhaktiṁ mamācalām

Nara and Narayana, those two ascetics, are of unconquered soul — they cannot be defeated. Go now, O king, to Vitala, and hold to unwavering devotion for me.

Verse 55 (devibhagavatam.4.9.55)

नाभ्यां कुरु विरोधं त्वं तापसाभ्यां महामते । व्यास उवाच । इत्याज्ञप्तो दैत्यराजो निर्ययावसुरैः सह

nābhyāṁ kuru virodhaṁ tvaṁ tāpasābhyāṁ mahāmate vyāsa uvāca ityājñapto daityarājo niryayāvasuraiḥ saha

Do not, O sage of great wisdom, enter into conflict again with these two ascetics. Vyasa said: Thus commanded, the lord of daityas departed from there together with the asuras.

Verse 56 (devibhagavatam.4.9.56)

नरनारायणौ भूयस्तपोयुक्तौ बभूवतुः

naranārāyaṇau bhūyastapoyuktau babhūvatuḥ

Nara and Narayana thereafter returned once more to their absorption in austerity.