The Gods Worship the Goddess

Verse 1 (devibhagavatam.5.22.1)

व्यास उवाच । पराजिताः सुराः सर्वे राज्यं शुम्भः शशास ह । एवं वर्षसहस्रं तु जगाम नृपसत्तम

vyāsa uvāca | parājitāḥ surāḥ sarve rājyaṁ śumbhaḥ śaśāsa ha | evaṁ varṣasahasraṁ tu jagāma nṛpasattama

Vyasa said: All the gods having been defeated, Shumbha ruled the kingdom; and thus a thousand years passed, O best of kings.

Verse 2 (devibhagavatam.5.22.2)

भ्रष्टराज्यास्ततो देवाश्चिन्तामापुः सुदुस्तराम् । गुरुं दुःखातुरास्ते तु पप्रच्छुरिदमादृताः

bhraṣṭarājyāstato devāścintāmāpuḥ sudustarām | guruṁ duḥkhāturāste tu papracchuridamādṛtāḥ

Then the gods, fallen from their kingdom, fell into an anxiety hard to overcome; tormented by sorrow, they respectfully asked their guru this:

Verse 3 (devibhagavatam.5.22.3)

किं कर्तव्यं गुरो ब्रूहि सर्वज्ञस्त्वं महामुनिः । उपायोऽस्ति महाभाग दुःखस्य विनिवृत्तये

kiṁ kartavyaṁ guro brūhi sarvajñastvaṁ mahāmuniḥ | upāyo'sti mahābhāga duḥkhasya vinivṛttaye

"What is to be done, O guru? Tell us — you are the all-knowing great sage. Is there any means, O most fortunate one, for the removal of our sorrow?"

Verse 4 (devibhagavatam.5.22.4)

उपचारपरा नूनं वेदमन्त्राः सहस्रशः । वाच्छितार्थकरा नूनं सूत्रैः संलक्षिताः किल

upacāraparā nūnaṁ vedamantrāḥ sahasraśaḥ | vācchitārthakarā nūnaṁ sūtraiḥ saṁlakṣitāḥ kila

"There are surely thousands of Vedic mantras, given to efficacious rites; they surely accomplish desired ends, as marked out in the ritual sutras, indeed."

Verse 5 (devibhagavatam.5.22.5)

इष्टयो विविधाः प्रोक्ताः सर्वकामफलप्रदाः । ताः कुरुष्व मुने नूनं त्वं जानासि च तत्क्रियाः

iṣṭayo vividhāḥ proktāḥ sarvakāmaphalapradāḥ | tāḥ kuruṣva mune nūnaṁ tvaṁ jānāsi ca tatkriyāḥ

"Various rites are prescribed, granting the fruit of every desire; perform them surely, O sage — you know their proper procedures."

Verse 6 (devibhagavatam.5.22.6)

विधिः शत्रुविनाशाय यथोद्दिष्टः सदागमे । तं कुरुष्वाद्य विधिवद्यथा नो दुःखसङ्क्षयः

vidhiḥ śatruvināśāya yathoddiṣṭaḥ sadāgame | taṁ kuruṣvādya vidhivadyathā no duḥkhasaṅkṣayaḥ

"Whatever rite is prescribed in the scriptures for the destruction of an enemy — perform that now, according to due procedure, so that our sorrow may be destroyed."

Verse 7 (devibhagavatam.5.22.7)

भवेदाङ्गिरसाद्यैव तथा त्वं कर्तुमर्हसि । दानवानां विनाशाय अभिचारं यथामति

bhavedāṅgirasādyaiva tathā tvaṁ kartumarhasi | dānavānāṁ vināśāya abhicāraṁ yathāmati

"Let it be so, O son of Angiras — you are indeed capable of performing it. Undertake, according to your own understanding, a rite of black magic for the destruction of the danavas."

Verse 8 (devibhagavatam.5.22.8)

बृहस्पतिरुवाच । सर्वे मन्त्राश्च वेदोक्ता दैवाधीनफलाश्च ते । न स्वतन्त्राः सुराधीश तथैकान्तफलप्रदाः

bṛhaspatiruvāca | sarve mantrāśca vedoktā daivādhīnaphalāśca te | na svatantrāḥ surādhīśa tathaikāntaphalapradāḥ

Brihaspati said: "All the mantras declared in the Veda have their fruit dependent upon fate; they are not independent, O lord of the gods, nor do they invariably bestow their fruit with certainty."

Verse 9 (devibhagavatam.5.22.9)

मन्त्राणां देवता यूयं ते तु दुःखैकभाजनम् । जाताः स्म कालयोगेन किं करोमि प्रसाधनम्

mantrāṇāṁ devatā yūyaṁ te tu duḥkhaikabhājanam | jātāḥ sma kālayogena kiṁ karomi prasādhanam

"You yourselves are the very deities of these mantras, and yet you have become vessels solely of sorrow, through the working of time. What accomplishment, then, can I perform?"

Verse 10 (devibhagavatam.5.22.10)

इन्द्राग्निवरुणादीनां यजनं यज्ञकर्मसु । ते यूयं विपदं प्राप्ताः करिष्यन्ति किमिष्टयः

indrāgnivaruṇādīnāṁ yajanaṁ yajñakarmasu | te yūyaṁ vipadaṁ prāptāḥ kariṣyanti kimiṣṭayaḥ

"The worship of Indra, Agni, Varuna, and the rest, in the sacrificial rites — you yourselves are those very deities, and you have fallen into calamity. What then could sacrificial rites accomplish?"

Verse 11 (devibhagavatam.5.22.11)

अवश्यम्भाविभावानां प्रतीकारो न विद्यते । उपायस्त्वथ कर्तव्य इति शिष्टानुशासनम्

avaśyambhāvibhāvānāṁ pratīkāro na vidyate | upāyastvatha kartavya iti śiṣṭānuśāsanam

"For events that are inevitably bound to occur, there exists no remedy; yet an expedient must still be attempted — such is the teaching of the wise."

Verse 12 (devibhagavatam.5.22.12)

दैवं हि बलवत्केचित्प्रवदन्ति मनीषिणः । उपायवादिनो दैवं प्रवदन्ति निरर्थकम्

daivaṁ hi balavatkecitpravadanti manīṣiṇaḥ | upāyavādino daivaṁ pravadanti nirarthakam

"Some wise men declare that Fate alone is powerful; those who advocate human effort declare Fate to be meaningless."

Verse 13 (devibhagavatam.5.22.13)

दैवं चैवाप्युपायश्च द्वावेवाभिमतौ नृणाम् । केवलं दैवमाश्रित्य न स्थातव्यं कदाचन

daivaṁ caivāpyupāyaśca dvāvevābhimatau nṛṇām | kevalaṁ daivamāśritya na sthātavyaṁ kadācana

"Both Fate and human effort are held in esteem by men; one should never remain relying on Fate alone, under any circumstance."

Verse 14 (devibhagavatam.5.22.14)

उपायः सर्वथा कार्यो विचार्य स्वधिया पुनः । तस्माद् ब्रवीमि वः सर्वान्संविचार्य पुनः पुनः

upāyaḥ sarvathā kāryo vicārya svadhiyā punaḥ | tasmād bravīmi vaḥ sarvānsaṁvicārya punaḥ punaḥ

"An expedient must be undertaken in every way, having deliberated again with one's own intelligence. Therefore, having pondered this repeatedly, I tell you all this:"

Verse 15 (devibhagavatam.5.22.15)

पुरा भगवती तुष्टा जघान महिषासुरम् । युष्माभिस्तु स्तुता देवी वरदानं ददावथ

purā bhagavatī tuṣṭā jaghāna mahiṣāsuram | yuṣmābhistu stutā devī varadānaṁ dadāvatha

"Long ago, the Goddess, being pleased, slew Mahishasura; and being praised by you, the Goddess then granted this boon:"

Verse 16 (devibhagavatam.5.22.16)

आपदं नाशयिष्यामि संस्मृता वा सदैव हि । यदा यदा वो देवेशा आपदो दैवसम्भवाः

āpadaṁ nāśayiṣyāmi saṁsmṛtā vā sadaiva hi | yadā yadā vo deveśā āpado daivasambhavāḥ

"'I shall destroy any calamity, once I am remembered, always and forever. Whenever, O lords of the gods, calamities born of fate arise for you—'"

Verse 17 (devibhagavatam.5.22.17)

प्रभवन्ति तदा कामं स्मर्तव्याहं सुरैः सदा । स्मृताहं नाशयिष्यामि युष्माकं परमापदः

prabhavanti tadā kāmaṁ smartavyāhaṁ suraiḥ sadā | smṛtāhaṁ nāśayiṣyāmi yuṣmākaṁ paramāpadaḥ

"'—then, as you desire, I am to be remembered by the gods at all times. Once remembered, I shall destroy your utmost calamities.'"

Verse 18 (devibhagavatam.5.22.18)

तस्माद्धिमाचले गत्वा पर्वते सुमनोहरे । आराधनं चण्डिकायाः कुरुध्वं प्रेमपूर्वकम्

tasmāddhimācale gatvā parvate sumanohare | ārādhanaṁ caṇḍikāyāḥ kurudhvaṁ premapūrvakam

"Therefore, going to the Himalayan mountain, that most delightful of peaks, perform the worship of Chandika with loving devotion."

Verse 19 (devibhagavatam.5.22.19)

मायाबीजविधानज्ञास्तत्पुरश्चरणे रताः । जानाम्यहं योगबलात्प्रसन्ना सा भविष्यति

māyābījavidhānajñāstatpuraścaraṇe ratāḥ | jānāmyahaṁ yogabalātprasannā sā bhaviṣyati

"Knowing the procedure of the Maya-bija, devoted to its ritual repetition — by the power of yoga, I know that she will become pleased."

Verse 20 (devibhagavatam.5.22.20)

दुःखस्यान्तोऽद्य युष्माकं दृश्यते नात्र संशयः । तस्मिञ्छैले सदा देवी तिष्ठतीति मया श्रुतम्

duḥkhasyānto'dya yuṣmākaṁ dṛśyate nātra saṁśayaḥ | tasmiñchaile sadā devī tiṣṭhatīti mayā śrutam

"The end of your sorrow is, this very day, in sight — of this there is no doubt. I have heard that the Goddess ever dwells upon that mountain."

Verse 21 (devibhagavatam.5.22.21)

स्तुता सम्पूजिता सद्यो वाञ्छितार्थान् प्रदास्यति । निश्चयं परमं कृत्वा गच्छध्वं वै हिमालयम्

stutā sampūjitā sadyo vāñchitārthān pradāsyati | niścayaṁ paramaṁ kṛtvā gacchadhvaṁ vai himālayam

"Praised and worshipped, she will at once grant your desired ends. Having made this your supreme resolve, go now to the Himalaya."

Verse 22 (devibhagavatam.5.22.22)

सुराः सर्वाणि कार्याणि सा वः कामं विधास्यति । व्यास उवाच । इति तस्य वचः श्रुत्वा देवास्ते प्रययुर्गिरिम्

surāḥ sarvāṇi kāryāṇi sā vaḥ kāmaṁ vidhāsyati | vyāsa uvāca | iti tasya vacaḥ śrutvā devāste prayayurgirim

"O gods, she shall accomplish all your tasks, exactly as you desire." Vyasa said: Hearing his words, those gods set out for the mountain.

Verse 23 (devibhagavatam.5.22.23)

हिमालयं महाराज देवीध्यानपरायणाः । मायाबीजं हृदा नित्यं जपन्तः सर्व एव हि

himālayaṁ mahārāja devīdhyānaparāyaṇāḥ | māyābījaṁ hṛdā nityaṁ japantaḥ sarva eva hi

To the Himalaya, O great king, wholly devoted to meditation on the Goddess, all of them, indeed, ever reciting the Maya-bija within their hearts,

Verse 24 (devibhagavatam.5.22.24)

नमश्चक्रुर्महामायां भक्तानामभयप्रदाम् । तुष्टुवुः स्तोत्रमन्त्रैश्च भक्त्या परमया युताः

namaścakrurmahāmāyāṁ bhaktānāmabhayapradām | tuṣṭuvuḥ stotramantraiśca bhaktyā paramayā yutāḥ

offered their homage to Mahamaya, the giver of fearlessness to her devotees, and praised her with hymns and mantras, filled with the utmost devotion.

Verse 25 (devibhagavatam.5.22.25)

नमो देवि विश्वेश्वरि प्राणनाथे सदानन्दरूपे सुरानन्ददे ते । नमो दानवान्तप्रदे मानवाना मनेकार्थदे भक्तिगम्यस्वरूपे

namo devi viśveśvari prāṇanāthe sadānandarūpe surānandade te | namo dānavāntaprade mānavānā manekārthade bhaktigamyasvarūpe

"Salutation, O Devi, Mistress of the universe, Lord of the life-breath, of ever-blissful form, giver of delight to the gods; salutation to you, giver of the death of the danavas, giver of manifold ends to men, whose true nature is attained only through devotion."

Verse 26 (devibhagavatam.5.22.26)

न ते नामसङ्ख्यां न ते रूपमीदृ क्तथा कोऽपि वेदादिदेवस्वरूपे । त्वमेवासि सर्वेषु शक्तिस्वरूपा प्रजासृष्टिसंहारकाले सदैव

na te nāmasaṅkhyāṁ na te rūpamīdṛ ktathā ko'pi vedādidevasvarūpe | tvamevāsi sarveṣu śaktisvarūpā prajāsṛṣṭisaṁhārakāle sadaiva

"No one knows the full count of your names, nor is there anyone who truly knows a form such as yours, O you whose nature is the very origin of the gods and the Veda. You alone are, in all things, the very form of power, ever present at the time of the creation and destruction of beings."

Verse 27 (devibhagavatam.5.22.27)

स्मृतिस्त्वं धृतिस्त्वं त्वमेवासि बुद्धि र्जरा पुष्टितुष्टी धृतिः कान्तिशान्ती । सुविद्या सुलक्ष्मीर्गतिः कीर्तिमेधे त्वमेवासि विश्वस्य बीजं पुराणम्

smṛtistvaṁ dhṛtistvaṁ tvamevāsi buddhi rjarā puṣṭituṣṭī dhṛtiḥ kāntiśāntī | suvidyā sulakṣmīrgatiḥ kīrtimedhe tvamevāsi viśvasya bījaṁ purāṇam

"You are Memory, you are Fortitude, you alone are Intelligence; you are Old Age, Nourishment, Contentment, Steadfastness, Beauty, and Peace; you are goodly Knowledge, goodly Fortune, the Way, Fame, and Intellect. You alone are the ancient seed of the universe."

Verse 28 (devibhagavatam.5.22.28)

यदा यैः स्वरूपैः करोषीह कार्यं सुराणां च तेभ्यो नमामोऽद्य शान्त्यै । क्षमा योगनिद्रा दया त्वं विवक्षा स्थिता सर्वभूतेषु शस्तैः स्वरूपैः

yadā yaiḥ svarūpaiḥ karoṣīha kāryaṁ surāṇāṁ ca tebhyo namāmo'dya śāntyai | kṣamā yoganidrā dayā tvaṁ vivakṣā sthitā sarvabhūteṣu śastaiḥ svarūpaiḥ

"Whatever forms you take on, whenever, to accomplish the tasks of the gods — to those very forms of yours we bow today, for our peace. You are Forbearance, Yoga-sleep, Compassion, and the very desire to speak; you dwell in all beings in your most excellent forms."

Verse 29 (devibhagavatam.5.22.29)

कृतं कार्यमादौ त्वया यत्सुराणां हतोऽसौ महारिर्मदान्धो हयारिः । दया ते सदा सर्वदेवेषु देवि प्रसिद्धा पुराणेषु वेदेषु गीता

kṛtaṁ kāryamādau tvayā yatsurāṇāṁ hato'sau mahārirmadāndho hayāriḥ | dayā te sadā sarvadeveṣu devi prasiddhā purāṇeṣu vedeṣu gītā

"You accomplished a task for the gods at the very outset, in that this great enemy, blinded by his own pride, was slain. Your compassion, ever present toward all the gods, O Devi, is renowned, sung of in the Puranas and the Vedas."

Verse 30 (devibhagavatam.5.22.30)

किमत्रास्ति चित्रं यदम्बा सुतं स्वं मुदा पालयेत्पोषयेत्सम्यगेव । यतस्त्वं जनित्री सुराणां सहाया कुरुष्वैकचित्तेन कार्यं समग्रम्

kimatrāsti citraṁ yadambā sutaṁ svaṁ mudā pālayetpoṣayetsamyageva | yatastvaṁ janitrī surāṇāṁ sahāyā kuruṣvaikacittena kāryaṁ samagram

"What wonder is there in this, that a mother should joyfully protect and properly nourish her own child? Since you are the very mother of the gods, and their helper, accomplish this entire task with a single-minded resolve."

Verse 31 (devibhagavatam.5.22.31)

न वा ते गुणानामियत्तां स्वरूपं वयं देवि जानीमहे विश्ववन्द्ये । कृपापात्रमित्येव मत्वा तथास्मा न्भयेभ्यः सदा पाहि पातुं समर्थे

na vā te guṇānāmiyattāṁ svarūpaṁ vayaṁ devi jānīmahe viśvavandye | kṛpāpātramityeva matvā tathāsmā nbhayebhyaḥ sadā pāhi pātuṁ samarthe

"We do not know, O Devi, worshipped by the entire universe, the true measure of your qualities, nor your true form; considering us fit objects of your compassion, protect us always from all fears, O you who are capable of protecting."

Verse 32 (devibhagavatam.5.22.32)

विना बाणपातैर्विना मुष्टिघातै र्विनाशूलखड्गैर्विना शक्तिदण्डैः । रिपून्हन्तुमेवासि शक्ता विनोदा त्तथापीह लोकोपकाराय लीला

vinā bāṇapātairvinā muṣṭighātai rvināśūlakhaḍgairvinā śaktidaṇḍaiḥ | ripūnhantumevāsi śaktā vinodā ttathāpīha lokopakārāya līlā

"Without the fall of arrows, without the blows of fists, without trident or sword, without spear or club, you alone are capable of slaying your enemies effortlessly; and yet, even so, this is your play, for the benefit of the world."

Verse 33 (devibhagavatam.5.22.33)

इदं शाश्वतं नैव जानन्ति मूढा न कार्यं विना कारणं सम्भवेद्वा । वयं तर्कयामोऽनुमानं प्रमाणं त्वमेवासि कर्तास्य विश्वस्य चेति

idaṁ śāśvataṁ naiva jānanti mūḍhā na kāryaṁ vinā kāraṇaṁ sambhavedvā | vayaṁ tarkayāmo'numānaṁ pramāṇaṁ tvamevāsi kartāsya viśvasya ceti

"Fools do not know this eternal truth — that no effect can ever arise without a cause. We reason and infer, on the evidence available, that you alone are the doer of this entire universe."

Verse 34 (devibhagavatam.5.22.34)

अजः सृष्टिकर्ता मुकुन्दोऽवितायं हरो नाशकृद्वै पुराणे प्रसिद्धः । न किं त्वत्प्रसूतास्त्रयस्ते युगादौ त्वमेवासि सर्वस्य तेनैव माता

ajaḥ sṛṣṭikartā mukundo'vitāyaṁ haro nāśakṛdvai purāṇe prasiddhaḥ | na kiṁ tvatprasūtāstrayaste yugādau tvamevāsi sarvasya tenaiva mātā

"Aja is the maker of creation, Mukunda is this world's protector, and Hara is renowned in the Puranas as its destroyer — were not these three born from you, at the beginning of the age? Therefore you alone are the mother of all, by that very reasoning."

Verse 35 (devibhagavatam.5.22.35)

त्रिभिस्त्वं पुराराधिता देवि दत्ता त्वया शक्तिरुग्रा च तेभ्यः समग्रा । त्वया संयुतास्ते प्रकुर्वन्ति कामं जगत्पालनोत्पत्तिसंहारमेव

tribhistvaṁ purārādhitā devi dattā tvayā śaktirugrā ca tebhyaḥ samagrā | tvayā saṁyutāste prakurvanti kāmaṁ jagatpālanotpattisaṁhārameva

"You were worshipped, O Devi, by these three long ago; and by you was given to them the entirety of their fierce power. United with you, they accomplish, as desired, the very tasks of the world's protection, creation, and destruction."

Verse 36 (devibhagavatam.5.22.36)

ते किं न मन्दमतयो यतयो विमूढा स्त्वां ये न विश्वजननीं समुपाश्रयन्ति । विद्यां परां सकलकामफलप्रदां तां मुक्तिप्रदां विबुधवृन्दसुवन्दिताङ्घ्रिम्

te kiṁ na mandamatayo yatayo vimūḍhā stvāṁ ye na viśvajananīṁ samupāśrayanti | vidyāṁ parāṁ sakalakāmaphalapradāṁ tāṁ muktipradāṁ vibudhavṛndasuvanditāṅghrim

"Are they not indeed dull-witted, those confused ascetics, who do not take refuge in you, the Mother of the universe — you, the supreme Knowledge, giver of the fruit of every desire, the giver of liberation, whose feet are honored by the assembled hosts of the wise?"

Verse 37 (devibhagavatam.5.22.37)

ये वैष्णवाः पाशपताश्च सौरा दम्भास्त एव प्रतिभान्ति नूनम् । ध्यायन्ति न त्वां कमलाञ्च लज्जां कान्तिं स्थितिं कीर्तिमथापि पुष्टिम्

ye vaiṣṇavāḥ pāśapatāśca saurā dambhāsta eva pratibhānti nūnam | dhyāyanti na tvāṁ kamalāñca lajjāṁ kāntiṁ sthitiṁ kīrtimathāpi puṣṭim

"Those who are Vaishnavas, Pashupatas, and worshippers of the Sun — they appear surely to be mere hypocrites, who do not meditate upon you, upon Lakshmi and Modesty, upon Beauty, Stability, Fame, and likewise Nourishment."

Verse 38 (devibhagavatam.5.22.38)

हरिहरादिभिरप्यथ सेविता त्वमिह देववरैरसुरैस्तथा । भुवि भजन्ति न येऽल्पधियो नरा जननि ते विधिना खलु वञ्चिताः

hariharādibhirapyatha sevitā tvamiha devavarairasuraistathā | bhuvi bhajanti na ye'lpadhiyo narā janani te vidhinā khalu vañcitāḥ

"Though you are served here by Hari, Hara, and the rest, by the best of the gods, and likewise by the asuras — those men of little intelligence upon this earth who do not worship you, O Mother, have surely been cheated by fate itself."

Verse 39 (devibhagavatam.5.22.39)

जलधिजापदपङ्कजरञ्जनं जतुरसेन करोति हरिः स्वयम् । त्रिनयनोऽपि धराधरजाङ्घ्रिपं कजपरागनिषेवणतत्परः

jaladhijāpadapaṅkajarañjanaṁ jaturasena karoti hariḥ svayam | trinayano'pi dharādharajāṅghripaṁ kajaparāganiṣevaṇatatparaḥ

"Vishnu himself colors the lotus-like feet of the ocean-born goddess with lac-dye; and the three-eyed Shiva too is ever devoted to serving the pollen of the lotus-feet of the mountain-born."

Verse 40 (devibhagavatam.5.22.40)

किमपरस्य नरस्य कथानकै स्तव पदाब्जयुगं न भजन्ति के । विगतरागगृहाश्च दयां क्षमां कृतधियो मुनयोऽपि भजन्ति ते

kimaparasya narasya kathānakai stava padābjayugaṁ na bhajanti ke | vigatarāgagṛhāśca dayāṁ kṣamāṁ kṛtadhiyo munayo'pi bhajanti te

"What need is there of the tales of any other man? Who indeed does not worship your two lotus-feet? Even sages who have abandoned attachment and household life, of accomplished intellect, worship your Compassion and Forbearance."

Verse 41 (devibhagavatam.5.22.41)

देवि त्वदङ्घ्रिभजने न जना रता ये संसारकूपपतिताः पतिताः किलामी । ते कुष्ठगुल्मशिराधियुता भवन्ति दारिद्र्यदैन्यसहिता रहिताः सुखौघैः

devi tvadaṅghribhajane na janā ratā ye saṁsārakūpapatitāḥ patitāḥ kilāmī | te kuṣṭhagulmaśirādhiyutā bhavanti dāridryadainyasahitā rahitāḥ sukhaughaiḥ

"O Devi, those people who are not devoted to the worship of your feet have indeed fallen into the well of worldly existence; they become afflicted with leprosy, tumors, and headaches, accompanied by poverty and misery, and utterly devoid of any flood of happiness."

Verse 42 (devibhagavatam.5.22.42)

ये काष्ठभारवहने यवसावहारे कार्ये भवन्ति निपुणा धनदारहीनाः । जानीमहेऽल्पमतिभिर्भवदङ्घ्रिसेवा पूर्वे भवे जननि तैर्न कृता कदापि

ye kāṣṭhabhāravahane yavasāvahāre kārye bhavanti nipuṇā dhanadārahīnāḥ | jānīmahe'lpamatibhirbhavadaṅghrisevā pūrve bhave janani tairna kṛtā kadāpi

"Those who become skilled only in the labor of carrying loads of wood, or of fetching fodder, devoid of wealth and wife — we understand, O Mother, that these dull-witted men never performed the service of your feet in any previous life."

Verse 43 (devibhagavatam.5.22.43)

व्यास उवाच । एवं स्तुता सुरैः सर्वैरम्बिका करुणान्विता । प्रादुर्बभूव तरसा रूपयौवनसंयुता

vyāsa uvāca | evaṁ stutā suraiḥ sarvairambikā karuṇānvitā | prādurbabhūva tarasā rūpayauvanasaṁyutā

Vyasa said: Thus praised by all the gods, Ambika, filled with compassion, swiftly appeared, endowed with beauty and the bloom of youth.

Verse 44 (devibhagavatam.5.22.44)

दिव्याम्बरधरा देवी दिव्यभूषणभूषिता । दिव्यमाल्यसमायुक्ता दिव्यचन्दनचर्चिता

divyāmbaradharā devī divyabhūṣaṇabhūṣitā | divyamālyasamāyuktā divyacandanacarcitā

Clad in divine garments, the Goddess was adorned with divine ornaments, joined with a divine garland, and anointed with divine sandal-paste.

Verse 45 (devibhagavatam.5.22.45)

जगन्मोहनलावण्या सर्वलक्षणलक्षिता । अद्वितीयस्वरूपा सा देवानां दर्शनं गता

jaganmohanalāvaṇyā sarvalakṣaṇalakṣitā | advitīyasvarūpā sā devānāṁ darśanaṁ gatā

Of a loveliness that bewitched the entire world, marked with every auspicious sign, of a form without equal, she came into the sight of the gods.

Verse 46 (devibhagavatam.5.22.46)

जाह्नव्यां स्नातुकामा सा निर्गता गिरिगह्वरात् । दिव्यरूपधरा देवी विश्वमोहनमोहिनी

jāhnavyāṁ snātukāmā sā nirgatā girigahvarāt | divyarūpadharā devī viśvamohanamohinī

She, desiring to bathe in the Ganga, had come out from a mountain cave — the Goddess bearing that divine form, bewitching even that which bewitches the universe.

Verse 47 (devibhagavatam.5.22.47)

देवान्स्तुतिपरानाह मेघगम्भीरया गिरा । प्रेमपूर्वं स्मितं कृत्वा कोकिलामञ्जुवादिनी

devānstutiparānāha meghagambhīrayā girā | premapūrvaṁ smitaṁ kṛtvā kokilāmañjuvādinī

In a voice deep as thunderclouds, she spoke to the gods who were engaged in her praise, smiling lovingly, speaking sweetly as a cuckoo:

Verse 48 (devibhagavatam.5.22.48)

देव्युवाच । भो भोः सुरवराः कात्र भवद्भिः स्तूयते भृशम् । किमर्थं ब्रूत वः कार्यं चिन्ताविष्टाः कुतः पुनः

devyuvāca | bho bhoḥ suravarāḥ kātra bhavadbhiḥ stūyate bhṛśam | kimarthaṁ brūta vaḥ kāryaṁ cintāviṣṭāḥ kutaḥ punaḥ

The Goddess said: "O, O best of gods! Who is it that is being so greatly praised by you here? Tell me the reason. What task troubles you? Why are you again so overcome with anxiety?"

Verse 49 (devibhagavatam.5.22.49)

व्यास उवाच । तच्छ्रुत्वा भाषितं तस्या मोहिता रूपसम्पदा । प्रेमपूर्वं हृदुत्साहास्तामूचुः सुरसत्तमाः

vyāsa uvāca | tacchrutvā bhāṣitaṁ tasyā mohitā rūpasampadā | premapūrvaṁ hṛdutsāhāstāmūcuḥ surasattamāḥ

Vyasa said: Hearing her words, and bewitched by the splendor of her beauty, the best of the gods, their hearts filled with loving eagerness, said to her:

Verse 50 (devibhagavatam.5.22.50)

देवा ऊचुः । देवि स्तुमस्त्वां विश्वेशि प्रणताः स्म कृपार्णवे । पाहि नः सर्वदुःखेभ्यः संविग्नान्दैत्यतापितान्

devā ūcuḥ | devi stumastvāṁ viśveśi praṇatāḥ sma kṛpārṇave | pāhi naḥ sarvaduḥkhebhyaḥ saṁvignāndaityatāpitān

The gods said: "O Devi, Mistress of the universe, we praise you, bowing before you, O ocean of compassion! Protect us, agitated and tormented by the daityas, from all our sorrows."

Verse 51 (devibhagavatam.5.22.51)

पुरा त्वया महादेवि निहत्यासुरकण्टकम् । महिषं नो वरो दत्तः स्मर्तव्याहं सदापदि

purā tvayā mahādevi nihatyāsurakaṇṭakam | mahiṣaṁ no varo dattaḥ smartavyāhaṁ sadāpadi

"Long ago, O great Devi, having slain that thorn of an asura, Mahisha, you granted us a boon: that you are to be remembered by us, always, in times of calamity."

Verse 52 (devibhagavatam.5.22.52)

स्मरणाद्दैत्यजां पीडां नाशयिष्याम्यसंशयम् । तेन त्वं संस्मृता देवि नूनमस्माभिरित्यपि

smaraṇāddaityajāṁ pīḍāṁ nāśayiṣyāmyasaṁśayam | tena tvaṁ saṁsmṛtā devi nūnamasmābhirityapi

"'By that mere remembrance, I shall destroy any affliction caused by the daityas, without doubt.' For that reason, O Devi, you have indeed been remembered by us."

Verse 53 (devibhagavatam.5.22.53)

अद्य शुम्भनिशुम्भौ द्वावसुरौ घोरदर्शनौ । उत्पन्नौ विघ्नकर्तारावहन्यौ पुरुषैः किल

adya śumbhaniśumbhau dvāvasurau ghoradarśanau | utpannau vighnakartārāvahanyau puruṣaiḥ kila

"Now two asuras, terrible to behold, named Shumbha and Nishumbha, have arisen — creators of obstacles, and indeed unslayable by any man."

Verse 54 (devibhagavatam.5.22.54)

रक्तबीजश्च बलवांश्चण्डमुण्डौ तथासुरौ । एतैरन्यैश्च देवानां हृतं राज्यं महाबलैः

raktabījaśca balavāṁścaṇḍamuṇḍau tathāsurau | etairanyaiśca devānāṁ hṛtaṁ rājyaṁ mahābalaiḥ

"And the powerful Raktabija, and likewise the two asuras Chanda and Munda — by these and other exceedingly mighty ones, the very kingdom of the gods has been seized."

Verse 55 (devibhagavatam.5.22.55)

गतिरन्या न चास्माकं त्वमेवासि महाबले । कुरु कार्यं सुराणां वै दुःखितानां सुमध्यमे

gatiranyā na cāsmākaṁ tvamevāsi mahābale | kuru kāryaṁ surāṇāṁ vai duḥkhitānāṁ sumadhyame

"We have no other recourse; you alone, O mighty one, are our refuge. Accomplish this task for the gods, who are indeed in sorrow, O you of the lovely waist."

Verse 56 (devibhagavatam.5.22.56)

देवास्त्वदङ्घ्रिभजने निरताः सदैव ते दानवैरतिबलैर्विपदं सुनीताः । तान्देवि दुःखरहितान् कुरु भक्तियुक्ता न्मातस्त्वमेव शरणं भव दुःखितानाम्

devāstvadaṅghribhajane niratāḥ sadaiva te dānavairatibalairvipadaṁ sunītāḥ | tāndevi duḥkharahitān kuru bhaktiyuktā nmātastvameva śaraṇaṁ bhava duḥkhitānām

"The gods, who are ever devoted to the worship of your feet, have been brought into calamity by these exceedingly powerful danavas. Free them from their sorrow, O Devi, devoted as they are; O Mother, be the refuge of those in sorrow."

Verse 57 (devibhagavatam.5.22.57)

सकलभुवनरक्षा देवि कार्या त्वयाद्य स्वकृतमिति विदित्वा विश्वमेतद्युगादौ । जननि जगति पीडां दानवा दर्पयुक्ताः स्वबलमदसमेतास्ते प्रकुर्वन्ति मातः

sakalabhuvanarakṣā devi kāryā tvayādya svakṛtamiti viditvā viśvametadyugādau | janani jagati pīḍāṁ dānavā darpayuktāḥ svabalamadasametāste prakurvanti mātaḥ

"O Devi, the protection of every world must now be accomplished by you, knowing this entire universe to be your own creation from the beginning of the age. O Mother, these danavas, filled with arrogance and maddened by their own strength, are causing affliction throughout the world, O Mother."