King Suratha and Samadhi the Merchant Obtain Their Desired Boons Through Devotion to the Goddess

Verse 1 (devibhagavatam.5.35.1)

व्यास उवाच । इति तस्य वचः श्रुत्वा दुःखितौ वैश्यपार्थिवौ । प्रणिपत्य मुनिं प्रीत्या प्रश्रयावनतौ भृशम्

vyāsa uvāca | iti tasya vacaḥ śrutvā duḥkhitau vaiśyapārthivau | praṇipatya muniṁ prītyā praśrayāvanatau bhṛśam

Vyasa said: Hearing his words, the merchant and the king, both sorrowful, bowed before the sage with love, deeply humbled in reverence.

Verse 2 (devibhagavatam.5.35.2)

हर्षेणोत्फुल्लनयनावूचतुर्वाक्यकोविदौ । कृताञ्जलिपुटौ शान्तौ भक्तिप्रवणचेतसौ

harṣeṇotphullanayanāvūcaturvākyakovidau | kṛtāñjalipuṭau śāntau bhaktipravaṇacetasau

Their eyes wide with joy, skilled in speech, their hands folded in reverence, calm, their hearts inclined wholly toward devotion, they said —

Verse 3 (devibhagavatam.5.35.3)

भगवन्पावितावद्य शान्तौ दीनौ शुचान्वितौ । तव सूक्तसरस्वत्या गङ्गयेव भगीरथः

bhagavanpāvitāvadya śāntau dīnau śucānvitau | tava sūktasarasvatyā gaṅgayeva bhagīrathaḥ

"O venerable one, we, calm now, though once wretched and sorrowful, have today been purified by the very Ganga of your eloquent speech, just as Bhagiratha was purified by the Ganga."

Verse 4 (devibhagavatam.5.35.4)

साधवः सम्भवन्तीह परोपकृतितत्पराः । अकृत्रिमगुणारामाः सुखदाः सर्वदेहिनाम्

sādhavaḥ sambhavantīha paropakṛtitatparāḥ | akṛtrimaguṇārāmāḥ sukhadāḥ sarvadehinām

"Good men are born into this world devoted entirely to helping others, delighting in virtues that are wholly natural to them, bringing happiness to all embodied beings."

Verse 5 (devibhagavatam.5.35.5)

पूर्वपुण्यप्रसङ्गेन प्राप्तोऽयमाश्रमः शुभः । तवावाभ्यां महाभाग महादुःखविनाशकः

pūrvapuṇyaprasaṅgena prāpto'yamāśramaḥ śubhaḥ | tavāvābhyāṁ mahābhāga mahāduḥkhavināśakaḥ

"Through the working of merit accumulated in a former life, this auspicious hermitage of yours, O most fortunate one, has been found by us both — one that destroys our very great sorrow."

Verse 6 (devibhagavatam.5.35.6)

भवन्ति मानवा भूमौ बहवः स्वार्थतत्पराः । परार्थसाधने दक्षाः केचित्क्वापि भवादृशाः

bhavanti mānavā bhūmau bahavaḥ svārthatatparāḥ | parārthasādhane dakṣāḥ kecitkvāpi bhavādṛśāḥ

"Many are the men upon this earth devoted only to their own interest; but those skilled in accomplishing the welfare of others, such as you, are found only rarely, here and there."

Verse 7 (devibhagavatam.5.35.7)

दुःखितोऽहं मुनिश्रेष्ठ वैश्योऽयं चातिदुःखितः । उभौ संसारसन्तप्तौ तवाश्रमपदे मुदा

duḥkhito'haṁ muniśreṣṭha vaiśyo'yaṁ cātiduḥkhitaḥ | ubhau saṁsārasantaptau tavāśramapade mudā

"I am sorrowful, O finest of sages, and this merchant even more so; both of us, tormented by worldly existence, have joyfully come to the ground of your hermitage."

Verse 8 (devibhagavatam.5.35.8)

दर्शनादेव हे विद्वन् गतं दुःखमिहावयोः । देहजं मानसं वाक्यश्रवणादेव साम्प्रतम्

darśanādeva he vidvan gataṁ duḥkhamihāvayoḥ | dehajaṁ mānasaṁ vākyaśravaṇādeva sāmpratam

"By the mere sight of you, O learned one, the suffering of our bodies has left us here; and now, this very moment, by merely hearing your words, our mental suffering too has departed."

Verse 9 (devibhagavatam.5.35.9)

धन्यावावां कृतकृत्यौ जातौ सूक्तिसुधारसात् । पावितौ भवता ब्रह्मन् कृपया करुणार्णव

dhanyāvāvāṁ kṛtakṛtyau jātau sūktisudhārasāt | pāvitau bhavatā brahman kṛpayā karuṇārṇava

"Blessed are we, our purpose now fulfilled, made so by the nectar-like essence of your fine words; purified by you, O Brahmin, through your compassion, O ocean of mercy."

Verse 10 (devibhagavatam.5.35.10)

गृहाणास्मत्करौ साधो नय पारं भवार्णवे । मग्नौ श्रान्ताविति ज्ञात्वा मन्त्रदानेन साम्प्रतम्

gṛhāṇāsmatkarau sādho naya pāraṁ bhavārṇave | magnau śrāntāviti jñātvā mantradānena sāmpratam

"Take our hands, O holy one, and lead us across the ocean of worldly existence. Knowing us to be sunk and exhausted within it, grant us now the gift of a mantra —"

Verse 11 (devibhagavatam.5.35.11)

तपः कृत्वातिविपुलं समाराध्य सुखप्रदाम् । सम्प्राप्य दर्शनं भूयो यास्यावो निजमन्दिरम्

tapaḥ kṛtvātivipulaṁ samārādhya sukhapradām | samprāpya darśanaṁ bhūyo yāsyāvo nijamandiram

"— so that, having performed the most extensive austerity, having duly worshipped that Goddess who grants happiness, and having obtained her very sight, we may then return once more to our own homes."

Verse 12 (devibhagavatam.5.35.12)

वदनात्तव सम्प्राप्य देवीमन्त्रं नवाक्षरम् । स्मरणञ्ज करिष्यावो निराहारौ धृतव्रतौ

vadanāttava samprāpya devīmantraṁ navākṣaram | smaraṇañja kariṣyāvo nirāhārau dhṛtavratau

"Having received from your own mouth the nine-syllabled mantra of the Goddess, we shall practice her constant remembrance, taking no food, holding fast to our vow."

Verse 13 (devibhagavatam.5.35.13)

व्यास उवाच । इति सञ्चोदितस्ताभ्यां सुमेधा मुनिसत्तमः । ददौ मन्त्रं शुभं ताभ्यां ध्यानबीजपुरःसरम्

vyāsa uvāca | iti sañcoditastābhyāṁ sumedhā munisattamaḥ | dadau mantraṁ śubhaṁ tābhyāṁ dhyānabījapuraḥsaram

Vyasa said: Thus entreated by the two of them, Sumedhas, the finest of sages, gave to them both an auspicious mantra, preceded by its meditation and its seed-syllable.

Verse 14 (devibhagavatam.5.35.14)

तौ च प्राप्य मुनेर्मन्त्रं सम्मन्त्र्य गुरुदैवतौ । जग्मतुर्वैश्यराजानौ नदीतीरमनुत्तमम्

tau ca prāpya munermantraṁ sammantrya gurudaivatau | jagmaturvaiśyarājānau nadītīramanuttamam

Having received the mantra from the sage, and honoring their guru as their very deity, the merchant and the king went to a most excellent riverbank.

Verse 15 (devibhagavatam.5.35.15)

एकान्ते विजने स्थाने कृत्वाऽऽसनपरिग्रहम् । उपविष्टौ स्थिरप्रज्ञौ तावतीव कृशोदरौ

ekānte vijane sthāne kṛtvā''sanaparigraham | upaviṣṭau sthiraprajñau tāvatīva kṛśodarau

There, in a solitary and secluded spot, they took up their seats, and sat down, steady of mind, their bodies growing exceedingly thin.

Verse 16 (devibhagavatam.5.35.16)

मन्त्रजाप्यरतौ शान्तौ चरित्रत्रयपाठकौ । निन्यतुर्मासमेकं तु तत्र ध्यानपरायणौ

mantrajāpyaratau śāntau caritratrayapāṭhakau | ninyaturmāsamekaṁ tu tatra dhyānaparāyaṇau

Calm, devoted to the repetition of the mantra, reciting the three deeds of the Goddess, they spent a full month there, wholly given over to meditation.

Verse 17 (devibhagavatam.5.35.17)

तयोर्मासव्रतेनैव जाता प्रीतिरनुत्तमा । पादाम्बुजे भवान्यास्तु स्थिरा बुद्धिस्तथाप्यलम्

tayormāsavratenaiva jātā prītiranuttamā | pādāmbuje bhavānyāstu sthirā buddhistathāpyalam

By that month-long observance alone, a supreme love arose in both of them, and their minds became firmly, fully fixed upon the lotus feet of Bhavani.

Verse 18 (devibhagavatam.5.35.18)

कदाचित्पादयोर्गत्वा मुनेस्तस्य महात्मनः । कृतप्रणामावागत्य तस्थतुश्च कुशासने

kadācitpādayorgatvā munestasya mahātmanaḥ | kṛtapraṇāmāvāgatya tasthatuśca kuśāsane

Once, going to the feet of that great-souled sage, and bowing before him, they returned and seated themselves upon their mats of kusha grass.

Verse 19 (devibhagavatam.5.35.19)

नान्यकार्यपरौ क्वापि बभूवतुः कदाचन । देवीध्यानपरौ नित्यं जपमन्त्ररतौ सदा

nānyakāryaparau kvāpi babhūvatuḥ kadācana | devīdhyānaparau nityaṁ japamantraratau sadā

They never at any time occupied themselves with any other task; they remained ever devoted to meditation on the Goddess, ever engaged in the repetition of her mantra.

Verse 20 (devibhagavatam.5.35.20)

एवं जाते तदा पूर्णे तत्र संवत्सरे नृप । बभूवतुः फलाहारं त्यक्त्वा पर्णाशनौ नृप

evaṁ jāte tadā pūrṇe tatra saṁvatsare nṛpa | babhūvatuḥ phalāhāraṁ tyaktvā parṇāśanau nṛpa

Thus, O king, when a full year had passed there, they abandoned even a diet of fruit, and lived on leaves alone, O king.

Verse 21 (devibhagavatam.5.35.21)

वर्षमेकं तपस्तत्र चक्रतुर्वैश्यपार्थिवौ । शुष्कपर्णाशनौ दान्तौ जपध्यानपरायणौ

varṣamekaṁ tapastatra cakraturvaiśyapārthivau | śuṣkaparṇāśanau dāntau japadhyānaparāyaṇau

For a further year the merchant and the king performed austerities there, living on dried leaves, their senses fully mastered, wholly devoted to the repetition of the mantra and to meditation.

Verse 22 (devibhagavatam.5.35.22)

पूर्णे वर्षद्वये जाते कदाचिद्दर्शनञ्च तौ । प्रापतुः स्वप्नमध्ये तु भगवत्या मनोहरम्

pūrṇe varṣadvaye jāte kadāciddarśanañca tau | prāpatuḥ svapnamadhye tu bhagavatyā manoharam

When two full years had passed, they were, on one occasion, granted a vision — in the midst of a dream — a most enchanting sight of the Goddess herself.

Verse 23 (devibhagavatam.5.35.23)

रक्ताम्बरधरां देवीं चारुभूषणभूषिताम् । कदाचिनॄपतिः स्वप्नेऽप्यपश्यज्जगदम्बिकाम्

raktāmbaradharāṁ devīṁ cārubhūṣaṇabhūṣitām | kadācinṝpatiḥ svapne'pyapaśyajjagadambikām

Clad in red garments, adorned with lovely ornaments — thus, once, even in his dream, the king beheld the Mother of the Universe.

Verse 24 (devibhagavatam.5.35.24)

वीक्ष्य स्वप्ने च तौ देवीं प्रीतियुक्तौ बभूवतुः । जलाहारैस्तृतीये तु स्थितौ संवत्सरे तु तौ

vīkṣya svapne ca tau devīṁ prītiyuktau babhūvatuḥ | jalāhāraistṛtīye tu sthitau saṁvatsare tu tau

Having beheld the Goddess in their dream, both of them were filled with joy; and in the third year, they subsisted on water alone.

Verse 25 (devibhagavatam.5.35.25)

एवं वर्षत्रयं कृत्वा ततस्तौ वैश्यपार्थिवौ । चक्रतुस्तौ तदा चिन्तां चित्ते दर्शनलालसौ

evaṁ varṣatrayaṁ kṛtvā tatastau vaiśyapārthivau | cakratustau tadā cintāṁ citte darśanalālasau

Having thus completed three years, the merchant and the king, longing intensely for her direct sight, then fell into deep thought.

Verse 26 (devibhagavatam.5.35.26)

प्रत्यक्षं दर्शनं देव्या न प्राप्तं शान्तिदं नृणाम् । देहत्यागं करिष्यावो दुःखितौ भृशमातुरौ

pratyakṣaṁ darśanaṁ devyā na prāptaṁ śāntidaṁ nṛṇām | dehatyāgaṁ kariṣyāvo duḥkhitau bhṛśamāturau

"We have not yet obtained the direct sight of the Goddess, the giver of peace to mankind — we shall now abandon our very bodies," they said, sorrowful and greatly distressed.

Verse 27 (devibhagavatam.5.35.27)

इति सञ्चिन्त्य मनसा राजा कुण्डं चकार ह । त्रिकोणं सुस्थिरं सौम्यं हस्तमात्रप्रमाणतः

iti sañcintya manasā rājā kuṇḍaṁ cakāra ha | trikoṇaṁ susthiraṁ saumyaṁ hastamātrapramāṇataḥ

Thinking thus within his mind, the king dug a sacrificial pit, triangular, firm, and gentle in form, measuring one cubit across.

Verse 28 (devibhagavatam.5.35.28)

संस्थाप्य पावकं राजा तथा वैश्योऽतिभक्तिमान् । जुहावासौ निजं मांसं छित्त्वा छित्त्वा पुनः पुनः

saṁsthāpya pāvakaṁ rājā tathā vaiśyo'tibhaktimān | juhāvāsau nijaṁ māṁsaṁ chittvā chittvā punaḥ punaḥ

Having kindled the sacred fire, the king, and the merchant too, exceedingly devoted, offered up their own flesh into it, cutting piece after piece, again and again.

Verse 29 (devibhagavatam.5.35.29)

तथा वैश्योऽपि दीप्तेऽग्नौ स्वमांसं प्राक्षिपत्तदा । रुधिरेण बलिं चास्यै ददतुस्तौ कृतोद्यमौ

tathā vaiśyo'pi dīpte'gnau svamāṁsaṁ prākṣipattadā | rudhireṇa baliṁ cāsyai dadatustau kṛtodyamau

The merchant too, in the same way, cast his own flesh into the blazing fire, and, resolved upon their vow, both of them offered her a blood-offering as well.

Verse 30 (devibhagavatam.5.35.30)

तदा भगवती दत्त्वा प्रत्यक्षं दर्शनं तयोः । प्राह प्रीतिभरोद्भ्रान्तौ दृष्ट्वा तौ दुःखितौ भृशम्

tadā bhagavatī dattvā pratyakṣaṁ darśanaṁ tayoḥ | prāha prītibharodbhrāntau dṛṣṭvā tau duḥkhitau bhṛśam

Then the Goddess granted them her direct and visible presence; and seeing them, distraught with the weight of their devotion, exceedingly afflicted, she spoke to them.

Verse 31 (devibhagavatam.5.35.31)

देव्युवाच । वरं वरय भो राजन् यत्ते मनसि वाञ्छितम् । तुष्टाहं तपसा तेऽद्य भक्तोऽसि त्वं मतो मम

devyuvāca | varaṁ varaya bho rājan yatte manasi vāñchitam | tuṣṭāhaṁ tapasā te'dya bhakto'si tvaṁ mato mama

The Goddess said: "Choose a boon, O king — whatever you desire in your heart. I am well pleased today with your austerity; you are, in my judgment, truly my devotee."

Verse 32 (devibhagavatam.5.35.32)

वैश्यं प्राह तदा देवी प्रसन्नाहं महामते । किं तेऽभीष्टं ददाम्यद्य प्रार्थयाशु मनोगतम्

vaiśyaṁ prāha tadā devī prasannāhaṁ mahāmate | kiṁ te'bhīṣṭaṁ dadāmyadya prārthayāśu manogatam

The Goddess then said to the merchant: "I am pleased with you too, O wise one. What is your heart's desire? I shall grant it today — ask quickly for what is in your mind."

Verse 33 (devibhagavatam.5.35.33)

व्यास उवाच । तच्छ्रुत्वा वचनं राजा तामुवाच मुदान्वितः । देहि मेऽद्य निजं राज्यं हतशत्रुबलं बलात्

vyāsa uvāca | tacchrutvā vacanaṁ rājā tāmuvāca mudānvitaḥ | dehi me'dya nijaṁ rājyaṁ hataśatrubalaṁ balāt

Vyasa said: Hearing her words, the king, filled with joy, said to her: "Grant me this day my own kingdom, its enemy's forces destroyed by force."

Verse 34 (devibhagavatam.5.35.34)

तमुवाच तदा देवी गच्छ राजन् निजं गृहम् । शत्रवः क्षीणसत्त्वास्ते गमिष्यन्ति पराजिताः

tamuvāca tadā devī gaccha rājan nijaṁ gṛham | śatravaḥ kṣīṇasattvāste gamiṣyanti parājitāḥ

The Goddess then said to him: "Go, O king, to your own home. Your enemies, their strength now exhausted, shall depart, utterly defeated."

Verse 35 (devibhagavatam.5.35.35)

मन्त्रिणस्ते समागम्य ते पतिष्यन्ति पादयोः । कुरु राज्यं महाभाग नगरे स्वं यथासुखम्

mantriṇaste samāgamya te patiṣyanti pādayoḥ | kuru rājyaṁ mahābhāga nagare svaṁ yathāsukham

"Your own ministers will come to you and fall at your feet. Rule your kingdom then, O most fortunate one, in your own city, happily, as you please."

Verse 36 (devibhagavatam.5.35.36)

कृत्वा राज्यं सुविपुलं वर्षाणामयुतं नृप । देहान्ते जन्म सम्प्राप्य सूर्याच्च भविता मनुः

kṛtvā rājyaṁ suvipulaṁ varṣāṇāmayutaṁ nṛpa | dehānte janma samprāpya sūryācca bhavitā manuḥ

"Having ruled a most vast kingdom for ten thousand years, O king, at the end of this body you shall obtain a new birth, and shall become, from the line of the Sun, the Manu himself."

Verse 37 (devibhagavatam.5.35.37)

व्यास उवाच । वैश्यस्तामप्युवाचेदं कृताञ्जलिपुटः शुचिः । न मे गृहेण कार्यं वै न पुत्रेण धनेन वा

vyāsa uvāca | vaiśyastāmapyuvācedaṁ kṛtāñjalipuṭaḥ śuciḥ | na me gṛheṇa kāryaṁ vai na putreṇa dhanena vā

Vyasa said: The merchant, his hands folded, pure of heart, said to her in turn: "I have no need at all of a household, nor of sons, nor of wealth —"

Verse 38 (devibhagavatam.5.35.38)

सर्वं बन्धकरं मातः स्वप्नवन्नश्वरं स्फुटम् । ज्ञानं मे देहि विशदं मोक्षदं बन्धनाशनम्

sarvaṁ bandhakaraṁ mātaḥ svapnavannaśvaraṁ sphuṭam | jñānaṁ me dehi viśadaṁ mokṣadaṁ bandhanāśanam

"— for all of these bring only bondage, O mother, plainly as fleeting as a dream. Grant me instead clear knowledge, the giver of liberation, the destroyer of bondage."

Verse 39 (devibhagavatam.5.35.39)

असारेऽस्मिंश्च संसारे मूढा मज्जन्ति पामराः । पण्डिताः सन्तरन्तीह तस्मान्नेच्छन्ति संसृतिम्

asāre'smiṁśca saṁsāre mūḍhā majjanti pāmarāḥ | paṇḍitāḥ santarantīha tasmānnecchanti saṁsṛtim

"In this worthless cycle of existence, only the deluded and the base sink down and drown; the wise cross safely over it — and so they have no wish for this endless round of rebirth."

Verse 40 (devibhagavatam.5.35.40)

व्यास उवाच । तदाकर्ण्य महामाया वैश्यं प्राह पुरःस्थितम् । वैश्यवर्य तव ज्ञानं भविष्यति न संशयः

vyāsa uvāca | tadākarṇya mahāmāyā vaiśyaṁ prāha puraḥsthitam | vaiśyavarya tava jñānaṁ bhaviṣyati na saṁśayaḥ

Vyasa said: Hearing this, Mahamaya said to the merchant standing before her: "O finest of merchants, true knowledge shall surely be yours — of this there is no doubt."

Verse 41 (devibhagavatam.5.35.41)

इति दत्त्वा वरं ताभ्यां तत्रैवान्तरधीयत । अदर्शनं गतायां तु राजा तं मुनिसत्तमम्

iti dattvā varaṁ tābhyāṁ tatraivāntaradhīyata | adarśanaṁ gatāyāṁ tu rājā taṁ munisattamam

Having thus granted this boon to both of them, she vanished from that very spot; and when she had disappeared from sight, the king approached that finest of sages —

Verse 42 (devibhagavatam.5.35.42)

प्रणम्य हयमारुह्य गमनाय मनो दधे । तदैव तस्य सचिवास्तत्रागत्य नृपं प्रजाः

praṇamya hayamāruhya gamanāya mano dadhe | tadaiva tasya sacivāstatrāgatya nṛpaṁ prajāḥ

— bowed before him, mounted his horse, and resolved to depart; and at that very moment his own ministers, together with his subjects, arrived there before the king —

Verse 43 (devibhagavatam.5.35.43)

प्रणेमुर्विनयोपेतास्तमूचुः प्राञ्जलिस्थिताः । राजंस्ते शत्रवः सर्वे पापाच्च निहता रणे

praṇemurvinayopetāstamūcuḥ prāñjalisthitāḥ | rājaṁste śatravaḥ sarve pāpācca nihatā raṇe

— and, filled with humility, bowed before him, and, standing with folded hands, said to him: "O king, all your enemies, sinful as they were, have been slain in battle —"

Verse 44 (devibhagavatam.5.35.44)

राज्यं निष्कण्टकं भूप कुरुष्व पुरमास्थितः । तच्छ्रुत्वा वचनं राजा नत्वा तं मुनिसत्तमम्

rājyaṁ niṣkaṇṭakaṁ bhūpa kuruṣva puramāsthitaḥ | tacchrutvā vacanaṁ rājā natvā taṁ munisattamam

"— your kingdom is now free of every thorn, O king; take your seat in your city and rule." Hearing these words, the king, bowing before that finest of sages —

Verse 45 (devibhagavatam.5.35.45)

आपूच्छ्य निर्ययौ तत्र मन्त्रिभिः परिवारितः । सम्प्राप्य च निजं राज्यं दारान्स्वजनबान्धवान्

āpūcchya niryayau tatra mantribhiḥ parivāritaḥ | samprāpya ca nijaṁ rājyaṁ dārānsvajanabāndhavān

— took his leave, and set out from there, surrounded by his ministers; and, having regained his own kingdom, his wife, and his own kinsmen and relatives —

Verse 46 (devibhagavatam.5.35.46)

बुभुजे पृथिवीं सर्वां ततः सागरमेखलाम् । वैश्योऽपि ज्ञानमासाद्य मुक्तसङ्गः समन्ततः

bubhuje pṛthivīṁ sarvāṁ tataḥ sāgaramekhalām | vaiśyo'pi jñānamāsādya muktasaṅgaḥ samantataḥ

— he then ruled over the entire earth, girdled by the ocean. The merchant too, having attained true knowledge, freed himself entirely from all attachment —

Verse 47 (devibhagavatam.5.35.47)

कालातिवाहनं तत्र मुक्तबन्धश्चकार ह । तीर्थेषु विचरन्गायन्भगवत्या गुणानथ

kālātivāhanaṁ tatra muktabandhaścakāra ha | tīrtheṣu vicarangāyanbhagavatyā guṇānatha

— and, his bonds now broken, spent the rest of his time wandering among the holy places of pilgrimage, singing there the glories of the Goddess.

Verse 48 (devibhagavatam.5.35.48)

एतत्ते कथितं देव्याश्चरितं परमाद्भुतम् । आराधनफलप्राप्तिर्यथावद्भूपवैश्ययोः

etatte kathitaṁ devyāścaritaṁ paramādbhutam | ārādhanaphalaprāptiryathāvadbhūpavaiśyayoḥ

This, then, is the most wondrous deed of the Goddess that I have told you — the true and proper attainment of the fruit of worship by both the king and the merchant.

Verse 49 (devibhagavatam.5.35.49)

दैत्यानां हननं प्रोक्तं प्रादुर्भावस्तथा शुभः । एवम्प्रभावा सा देवी भक्तानामभयप्रदा

daityānāṁ hananaṁ proktaṁ prādurbhāvastathā śubhaḥ | evamprabhāvā sā devī bhaktānāmabhayapradā

The slaying of the demons has been told, and her auspicious manifestation as well. Such is the power of that Goddess, who grants fearlessness to her devotees.

Verse 50 (devibhagavatam.5.35.50)

यः शृणोति नरो नित्यमेतदाख्यानमुत्तमम् । सम्प्राप्नोति नरः सत्यं संसारसुखमद्भुतम्

yaḥ śṛṇoti naro nityametadākhyānamuttamam | samprāpnoti naraḥ satyaṁ saṁsārasukhamadbhutam

Whatever man constantly hears this supreme narrative truly obtains, without fail, wondrous happiness even in this worldly life.

Verse 51 (devibhagavatam.5.35.51)

ज्ञानदं मोक्षदं चैव कीर्तिदं सुखदं तथा । पावनं श्रवणान्नूनमेतदाख्यानमद्भुतम्

jñānadaṁ mokṣadaṁ caiva kīrtidaṁ sukhadaṁ tathā | pāvanaṁ śravaṇānnūnametadākhyānamadbhutam

This wondrous narrative gives knowledge, and liberation as well; it gives fame, and it gives happiness; and merely by hearing it, one is surely purified.

Verse 52 (devibhagavatam.5.35.52)

अखिलार्थप्रदं न्नॄणां सर्वधर्मसमावृतम् । धर्मार्थकाममोक्षाणां कारणं परमं मतम्

akhilārthapradaṁ nnṝṇāṁ sarvadharmasamāvṛtam | dharmārthakāmamokṣāṇāṁ kāraṇaṁ paramaṁ matam

It grants men every kind of benefit, and is filled with the whole of righteousness; it is held to be the supreme cause of dharma, artha, kama, and moksha, the four aims of life.

Verse 53 (devibhagavatam.5.35.53)

सूत उवाच । जनमेजयेन राज्ञासौ पृष्टः सत्यवतीसुतः । उवाच संहितां दिव्यां व्यासः सर्वार्थतत्त्ववित्

sūta uvāca | janamejayena rājñāsau pṛṣṭaḥ satyavatīsutaḥ | uvāca saṁhitāṁ divyāṁ vyāsaḥ sarvārthatattvavit

Suta said: Thus questioned by King Janamejaya, that son of Satyavati, Vyasa, the knower of the truth of all things, recounted this divine collection of teachings.

Verse 54 (devibhagavatam.5.35.54)

चरितं चण्डिकायास्तु शुम्भदैत्यवधाश्रितम् । कथयामास भगवान्कृष्णः कारुणिको मुनिः । इति वः कथितः सारः पुराणानां मुनीश्वराः

caritaṁ caṇḍikāyāstu śumbhadaityavadhāśritam | kathayāmāsa bhagavānkṛṣṇaḥ kāruṇiko muniḥ | iti vaḥ kathitaḥ sāraḥ purāṇānāṁ munīśvarāḥ

The venerable sage Krishna, ever compassionate, thus related the deed of Chandika, centered upon the slaying of the demon Shumbha. Thus, O lords among sages, has the very essence of the Puranas been told to you all.